Ka Nupepa Kuokoa, Volume XXXV, Number 33, 14 August 1896 — Ka Pioo! [ARTICLE]

Ka Pioo!

Mamuli o ko ke Kuokoa hoike ana aku i kela pule aku nei i kekahi lono pili Aupuni i oleloia na James B. Kakela i olelo aku ia mea imua o kekahi mea leakau nupepa ma Kapalakiko, ua 1110 ia i mea e hoopiooia ai ka noonoo o kekahi o ko makou mau hoa o ka maka-peni, me ka manao ana he hana hou loa ia akahi no a ikeia mawaena o na nupepa i kaulana loa no ke ku ana ma kela ame keia aoao kalai Aupuni iloko o kahi Aupuni. He oiaio, ua hoolaha aku makou i keia lono: "Ke loaa ole ka Hoohui Aina me Amerika, alaila, e hoi hou ana ke Aupuni i Aupuni Aiii, o Kaiulani ka Moi, oia ka nana aku.—J. B. Kakela ma Kapalakiko," aole ma ke ano e hooia ana, a i ole ua komo paha iloko o makou ka manaoio e hoea io mai ana ia hopena, a ua kuha'u hoi ko makou paulele ana i ka mau o ke ku ana aku o ke Aupuni e ku nei i keia wa, no ka hopena maopopo loa e hoea mai ana, oia ka noho ana mai o kekahi Ikaika maluna o keia mau Pae j Aina, i mea hoomālu i na hoouluku wawahi maluhia ana e ulu ae ana I mailoko ponoi ae riei o ka aina; aka, | ma ke ano he nuhou ano nui ia, ma ka | makou hoomaopopo ana, oiai ua puka ! ponoi aku ia mai ka waha aku o kekahi luna Aupuni o Hawaii, ina nae he oiaio na hookaulana nupepa ana a kela nupepa Chronicle o Kapalakiko. makou poe heluhelu ke ike i na mea ano nui loa e pili ana i ke Aupuni, oiai nae makou e ka-ua ana i ko makou manao hoakaka laula no ia ano nuhou kulana kamahao i loaa mai ia makou a loaa ka wa pono, elike me ka makou e hoopuka aku nei he manao hoakaka oia ano, ma ko makou pepa o keia la.