Ka Nupepa Kuokoa, Volume XXXV, Number 35, 28 August 1896 — Kaiulani ame ke Kumukanawai o ka Repubalika o Hawaii. [ARTICLE]

Kaiulani ame ke Kumukanawai o ka Repubalika o Hawaii.

Oiai e ku mau ana ke Kumulianawai e ku nei i keia wa, oia hoi, ke kahua i ku ai ke Aupuni no na Makaaainana ma Hawaii nei, pela e ku mau ai- he 2000 elau pu i hoomaemae kupono ia, no ke kakoo ana e kumau ke Aupuni Repubalika o Hawaii, a e kue mau aku !hoi i ka hoala hou ia ana mai o ke Aupuni Monakia i kapae loa ia aku, me ka maalahi, a no ia mea, o ka hoao ana e kukuhi hou mai ia Aupuni, maluna o ka umauma. o Hawaii, ina o Kaiulani ma kona poo, a o kahi mea koi "koko alii' e ae paha o Hawaii nei, alaila, he mea pono ke loaa iaia he noho lanakila ana maluna o na elau pu he 2000 ka nui i makauakau loa iloko o ka wa pokole e nee ae ma ke kahua o ka hoomalu maluhia, me ka hikiwawe loa. Oiai na "lono Kaiulani" e lelo ana ma o a maanei, no kona hoihoi ia mai maluna o ke Aupuni o Hawaii, e hoomanao iho ka lehulehu apau i ke Kumukanawai e ku nei i keia wa. oia hoi, ka hoole ana o ka poe na lakou e kakoo nei i keia Aupuni. aole lakou e ae e hoihoi hou mai i ke Aupuni "Alii" o Hawaii.