Ka Nupepa Kuokoa, Volume XXXV, Number 35, 28 August 1896 — Ka Ninau Dala ma Amerika. [ARTICLE]

Ka Ninau Dala ma Amerika.

o ka ninau Dala ma Amerika Huiia i Keia wa, oia ka ninau lahui ano nui loa e hoonaueue la i na noonoo ana 0 ka lahui koho balota holookoa oia mau mokuaina.' He ninau keia i pili 1 ke ola ame ka palekana o ka noho haku mau ana o ka poe waiwai maluna 0 ka poe kauwa paahana o loko o ka aina. He kumuhana ia i pili maoli i ka iwi ame ka io o k<? ke kanaka paahana nohona hooluhiia e ke kanaka waiwai, i mea e loaa ai he home no kana wahine ame ka laua mau keiki. ka ai ame ka i'a na lakou, ame kahi noho oluolu ana hoi. He ninau pookela loa leeia i ulu i keia wa, a he ninau hoi i ko ia aku ai na noonoo pihoihoi ana a na olohe kilo Aupuni, e kiola aku i ka lakou mau noii ana, no ka mea e hoea mai ana, ma ke ano, oia ka puana maopopo e puka mai ana 1 hopena oiaio e ukali ana i keia kumuhana, ma ka wa paha e lanakila ai kekahi o keia mau aoao e paio nei ma keia ninau. O ka lanakila ana o kekahi aoao maluna o kekahi, ma keia ninau, ma ka pahu balota, oia ke pio ana o kekahi aoao kalaiaina i kekahi, a o ka nohoalii ana nohoi ia o ke kauwa maluna 0 ka haku, a o ka haku hana paha maluna oke kauwa. Ina oke Dala Keokeo ke lanakila ana maluna o ke Dala Gula, ma ka pahu balota, oia auanei ka lanakila ana o ka aoao paahana maluna o ka aoao o na haku hana, a ua like ia me ke pio ana o ka aoao kakoo Dala Gula i ka aoao kakoo Dala Keokeo, a o ka hopena oia lanakila i loaa i ka Dala Keokeo, ma ka hoomaopopo a koho ana aku hoi, he kaua mawaena o na aoao a i elua; a oia kaua me- ka waha no ia o na pu, a me ka oi o na pahikaua. Pela nohoi ke lanakila ka aoao e kakoo ana i ke DalaGula, me he mea la e koiia ana na poe kalaiaina oia aoao e kakoo aku lakou iloko o ka uwahi o ka pauda i wahi e hoomalielieia ai ko lakou nini. Nolaila, mamuli o keia kulana kalai--1 aina ano nui, e ku nei i keia wa imua | o ka lahui Amerika, i manao ai maI kou ua kanu ia i keia manawa ka anoano e ulu mai ai kekahi kaua kivila ma Amerika. Aka, e kalf nae kakou me ka nana pono ana i na ouli o ka manawa e hokuku mai ana imua o kakou ma keia mau mua iho.