Ka Nupepa Kuokoa, Volume XXXV, Number 36, 4 September 1896 — NU HOU HAWAII [ARTICLE]

NU HOU HAWAII

KE KULA KAIKAMAHINE O KOHALA. K hoomaka ana ke Kula Kaikamahine o Kohala, ma ka POAKOLU, la 2 o Sepetemaba. E pono na kaikamahine ke makaala mai ma ka manawa. 2613-2t Ua piha pono loa na lua-wai Aupuni 0 uka o Nuuanu i ka wai i keia wa. O ka hui kinipopo Hoku ke paio ana me ka hui Kamehameha 1 ka la apopo/ O W. H. Coney ka hope lunahooponopono o ka nupepa Advertiser i keia wa. ma kahi o Mr. Stacker i hala no Hawaii. TJa hookohuia o Isaiah Pahee i koiua kumu no ke Kula Aupuni Olelo Beritania o Waiahole ae nei, Koolaupok. Ma ka la apopo e hoolohe ia ai ka hihia kuai waiona o George H. Houghtailing imua o ka Aha Apana o Honolulu nei. O Mr. S. K. Ka-ne kona loio. Ua hoihoiia mai nei o Christian An<lrews mal Kaluaaha mai, ma Molokai, a he kumukula no ke Kula Aupunl Oielo Beritania ma Hauula, Oahu nel. Ma ke ku ana mai o ka mokuahi Monowai i Honolulu nei, ma ka po Poaha o kela pule aku nei, i huli hoi mai ai o Lunakanawai Perry, a he maikai kona ola kino. He ia "kiuiaia" ka la 19 o Sepetemaba nei. •Ma ia la e malamaia ai na heihei waapa ame na heihei moku. O ke kahua heihei, aia no ia maloko ae nei o ke awa. Ma ka Poalima aku nei o kela pule 1 piha ai na makahiki he 39 o Kuhina Coopei\ a ua hoomanao aku ka Bana Hawaii iaia ma ia la, me na leo mele o ka iakou mau hokeo kani. E hoike ana ka nupepa "Hilo Trihune" ua "peki" hope.hou na keiki puhi ohe o Hilo, aole e ae e puhi ma na la Sabati, elike me kekahi noi i loaa mai i na poo Aupuni a hōoleia ai. Ma ka hookuku kinipopo mawaena o ka hui Kamehameha ame ka* Pualikoa Ekahi, ma ka Poaono aku nei, ua lilo ka ianakila ia Kamehameha. He !♦! puni a Kamehameha ia 13 a Pualikoa Ekahi. He mea kupanaha ka loli koke ana ae nei o ka makemake hoihoi alii a ka poe Roialiti mai a Liliuokalani a ia Kaiulani. Heaha la ke kumu oka haalele ia ana aku la o ke alii nona ka noho ana alii i hoohemahema ia kona kiaiia ana ame ke alakaiia ana? O ka nui o na make maloko nei o Honolulu ma ka malama aku nei o Augate he 38. Apana 1, he 9; Apana 2, he 7; Apana 3, he 11; Apana 4, he 8; Apana 5, he 3. Na kane 21, na wahine, 17. Na kanaka Hawaii, he 17; na Pake, 9; Pukiki, 1; lapana, 1; Beritania Nui, 4; Amerika, 3; na lahui e ae, 3. Ma ka po o ka Poalima o kela pule aku nei, ua komo aihue aku la kekahi piko pau iole iloko o ka hale noho o Mrs. Robinson ma Alanuißeritania, ma keia aoao aku o ka Home Kapiolani, a lilo aku la he uwati gula me ke kui omau daimana waiwai nui. Ma ka wa i holo aku al o ka mokuahi Coptic no ka hapa poepoe ma ke Komohana aku v nei o Hawaii, ma ka hora 2 a oi o ka auina la Poakolu nei, ua iho aku o Rev. O. H. Gulick ame Mrs. Ouliek ame kekahi poe e ae o Honolulu nei, no kai o ka uwapo e haawi aloha ai i na miBionari e holo ana no Kina. E wehe hou ia ana na Kula no na Kamalii (Kindergarten) ma ka Hale Kaleleonalani (Queen Emma Hall) ma keia Poakahi ae, Sepatemaba 7, hōra 9 kakahiaka. Ua konoia na kamalii Hawaii, na keikikane paha, na kaikamahine paha, no lakou na makahiki ekolu a hiki i ka eono, e hele nui mai i kela kula maikai me ka uku ole. Miss Minnie Morris, no Wailuku mai, ke kuinukula hou.

0 ka Poaha nei (Sept. 3) oia ka la hanau o Liliuokalani, ka Moiwahine mua o Hawaii nei. Ua loaa iho nei i ka Bana Hawaii, | mamuli o ka oluolu o ke Kuhina o ko' na Aina E, he elua puie hoomaha. E! hoomaka hou aAa lakou i ke kau-kau-1 lele ana me na hokeo kani a iakou ma j ke ahiahi Poakahi, Sepetemaba 14. E ola ana i ka laau kunu a Kama-! lena ke anu, ke kunu ho am'e ke kunu ! kalea. He oiuoiu ka inu ana, he palet:ana he hiki ke hilinaiia. E kuaiia ana e na poe kuai iaau lapaau apau. O BENSON SMIT-H & CO., na Agena no ko Hawaii Pae Aina.* Aia ko makou hoaloha Mr. David Nape maioko o ka halekuai buke o Wall me Nichois, ma Alanui Moi, ma ke ano oia ka mea nana e kuai i na mea kani o loko o la liale i ka poe makemake ina mea kani. 0 kekahi keia o na opio Hawaii akamai loa i na mea kani o na ano he niu. Ma ke ahiahi o kela Poaono aku nei i hipuuia ai ma ka mare o Miss Grace Kahalewai me Wm. Albert Ohapman, e ka Epikopo Gulekana, maloko o ka j luakini o Malie-o-ka-maUi. Mahope I iho o ka pau ana o ka oihana matereI monio, ua haawi ae na mea mare he ahaaina nui m kahi noho o R. N. Boyd j ma Pauoa. He nui na hoaloha i akoakoa aku malaila. Ma ke ku ana mai nei o ka mokuahi Malulani ma ka Poaluk aku nei i huli hoi mai ai o Mr. J. N. K. Keola, ka mea nana i hookele i keia pepa ma na la mahope iho o ke kaawale ana aku o ka luna hooponopono Kawainui no ke ala hoi ole mai, a waiho wale mai ai oia. Ua huli hoi pu mai oia no Honolulu nei me kana lede. Nani wale ka ikena i ka wai kaulana o Moaula. No ka nui aloha loa o kekahi "keiki o ka Aina pua" i kana wahine, ua hoohainu aku la oia iaia i ka rama a ona, alaila, hele i ka halewai e hoopaaia ai ua wahine la ana, a i ka hookuuia ana o ua wahine nei e hoi i ka hale, ua kuwili iho la ua keiki nei o ka aina pua ma na lima o ua wahine la, a ha'i ae la eiua manamanalima. Ma ka po Poalua nei ka paa ana o ua wahine la ma ka halewai no ka ona, a ma ka po' Poakolu nei hoi ka hai-hai ana o na manamanalima.