Ka Nupepa Kuokoa, Volume XXXVI, Number 6, 5 February 1897 — Page 2
| This text was transcribed by: | Sally Vrana |
| This work is dedicated to: | for Peter |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
@ hookohuia aku o K. @EKUENE, ESQ. @ Luna @ Aupuni @ Aupuni @ Ma@. apana o @ o Oahu ma kahi o @ K @ hoopauia.
J. A. KING.
Kuhina Kalaiaina.
Keena Ka@
@
----------------------------
I keia la i hookohuia aku ai o S. W. @EKUEWA, ESQ., i Agena Hooiaio Palapala Aelike Hana no ka Apana o @ ala Akau, Mokupuni o Hawaii.
J. A. KING.
Kuhina Kalaiaina.
Keena Kalaiaina, Ianuari 23, 1897.
2635-3t
---------------------------
Ua hookohuia aku keia poe “Keonimata” ma keia la i poe Komisina Pa no ka Apana o Kona. Mokupuni o Oahu.
J. H. Boyd, Esq.,
A. B. Wood, Esq., ame
S. M. Kaaukai, Esq.
J. A. KING.
Kuhina Kalaiaina.
Keena Kalaiaina, Ianuari, 25, 1897.
2635-3t
---------------------------
I keia la i hookohuia aku ai o SAMUEL M. KANEOLE, ESQ., i Agena Haawi Palapala Mare no ka Apana a Kawaihau. Mokupuni o Kauai.
J. A. KING.
Kuhina Kalaiaina.
Keena Kalaiaina, Ianuari, 27, 1897.
2635-3t
---------------------------
I keia la i hookohuia aku ai o F. W. HARDY, ESQ., i Komisina Pa no ka Apana o Makawao, Mokupuni o Maui, ma kahi o A. F. Tavares, Esq., i waiho mai.
J. A. KING.
Kuhina Kalaiaina.
Keena Kalaiaina, Ianuari 26, 1897.
2635-3t
---------------------------
I keia la i hookohuia aku ai o WILLIAM HENRY RICE, JR., ESQ., i Luna Nana Hooko no na Holoholona no ka Mokupuni o Kauai, ma kahi o S. N. Hundley, Esq., i waiho mai.
J. A. KING.
Kuhina Kalaiaina.
Keena Kalaiaina, Ianuari 26, 1897.
2635-3t
---------------------------------
KUAI O KA HOOLIMALIMA O KA
APANA AINA AUPUNI MA KE
ALANUI MOIWAHINE, HO-
NOLULU, OAHU.
Ma ka Poalua, Maraki 2, 1897, hora 12 o ke awakea, ma ke alo iho o ka Hale Oihana Hooko, e kuai kudala akea ia aku ai ka Hoolimalima o kekahi Apana Aina Kulanakauhale, kokoke i ka Hale Makeke Kahiko, Honolulu, Oahu, maloko o laila, he 706 kapuai kuea, oi aku a emi mai paha.
Manawa: 5 makahiki hoolimalima.
Uku Hoolimalima oi aku: $100.00 no ka makahiki, e hookaa mua ia ana i kela ame keia hapalua makahiki.
J. A. KING,
Kuhina Kalaiaina.
Keena Kalaiaina, Ianuari 26, 1897.
2635-3t
-----------------------------------
KUAI O KA HOOLIMALIMA O KA
APANA AINA AUPUNI MA KE
ALANUI MOIWAHINE, HO-
NOLULU, OAHU.
Ma ka Poalua, Maraki 2, 1897, hora 12 o ke awakea, ma ke alo iho o ka Hale Oihana Hooko, e kuai kudala akea ia aku ai ka Hoolimalima o kekahi Apana Aina Kulanakauhale e pili pu ana me ka Hale Hana Hao o Honolulu, ma Alanui Moiwahine, maloko o laila he 680 kapuai kuea, oi aku a emi mai paha.
Manawa: @20 makahiki hoolimalima.
Uka hoolimalima oi aku: $100.00 no ka makahiki, e hookaa mua ia ana i kela ame keia hapalua makahiki.
E kuaiia aku ana keia hoolimalima elike me na kumu i hookomoia ma ke Kanawai 7 o na Kanawai o 1896; a o ka hale e kukuluia ana maluna o na apana aina la, he hale pale pau-ahi ia; e kukuluia ana me na aoao ninihapa me na Pou Hao, a me ke kaupoku laau oolea, i uhiia iho me ke pili hao, a e emi ole iho hoi ke kumu lilo malalo o $5,000.00.
J. A. KING.
Kuhina Kalaiaina.
Keena Kalaiaina. Ianuari 26, 1897.
2635-3t
-----------------------------------------
OLELO HOOLAHA NO NA AINA
AUPUNI.
Ke hoolahaia aku nei ma keia, ua weheia ma ka la 15 o Ianuari, 1897, no ke noiia ana mai, na apana aina i hoikeia mahope ae nei, maloko o Hamakua, Hawaii, e kuaiia aku ana ma ke Kudala Akea ma ka Poaono, Feberuari 6, ma ka hora 12 o ke awakea, ma ke Keena o Chas. Williams, Honokaa, Hamakua, malalo o na olelo ame na kumu maopopo i hoikeia maloko o ka Olelo Hoolaha no na Aina Aupuni e hoike ana no ka weheia ana o ua mau aina la.
MAHELE O PAAUILO.
7 72a $720.00
13 73.04a 91@.@
14 74.68a 932.87
15 81.04a 810.4@
25 75.1@a 939.50
26 36.17a 361.70
MAHELE O AHUALOA (Kokoke i
Honokaa).
18 18.24a 182.40
Aole i aeia kekahi mea e kuai a oi aku mamu o hookahi apana.
E loaa i na poe kuai aina apau na makaukau, a e hana hoi i hoike i hoo@ia, elike me ia kauohaia ai no @a poe kuai aina ma ke dala kuike, malalo o ke Kanawai o 1895.
E hookaa koke ia ka akahi-hapaha o ke kumukuai mahope iho o ke kuai ana.
E loaa no na kii o na apana aina maluna ae ame na olelo hoakaka hou aku, ma ke Keena Aina Aupuni, Honolulu, a-i-ole ma ke Keena o Chas. Williams, Hope Agena, Honokaa, Hamakua.
(Kakauinoia) J. F. BROWN.
Agena o na Aina Aupuni.
2635-td
------------------------------
OLELO HOOLAHA HUI O HOOHUIIA
Ma ka hana o ka Hui Alahao Hawaii.
Oiai, ua waiho mai ka Hui i hoohuia, i kukuluia a i ku hoi malalo o ka mana o na Kanawai o Ko Hawaii Pae Aina, elike me ke Kanawai ma ia mea, ma keia Keena o ke Kuhina Kalaiaina, he Noi no ka hoopau ana i ua Hui la, me kekahi palapala hoike i hoopili pu ia aku me ia, elike me ke kauoha a ke Kanawai.
Nolaila, ke hoolahaia aku nei ma keia i kekahi mea a i ka poe apau i loaa na kuleana, ma kela ame keia ano, maloko o ua Hui la, e waihoia mai na kue ana no ka aeia ana o keia noi, maloko nei o ke Keena o ka mea @ona
ka inoa malalo iho nei, ma ka Poalua, la 9 o Maraki, 1897, a mamua ae pana o ia wa, a o kela ame keia mea i makemake e loheia kana hoakaka ma ia mea, e hele kino mai no ma ke keena o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 A. M. o ua la ‘la, e hoike mai i kumu e ae ole ia ai ua Noi la.
J. A. KING,
Kuhina Kalaiaina.
Keena Kalaiaina, Ianuari 4, 1897.
2632-9ts
---------------------------------------
KA
Nupepa Kuokoa
No ka Makahiki $2.00
No Eono Mahina 1.00
Kuike ka Rula.
------------------------------------------
PUKA 1 2 3 4 5 6
ANA Pule Pule Pule Pule Pule Pule
Iniha $1.50 $2.00 $2.50 $3.00 $3.50 $4.00
2 Iniha 2.00 2.75 3.50 4.00 4.50 5.00
3 Iniha 2.50 3.50 4.50 5.00 5.50 6.00
4 Iniha 3.00 4.00 5.00 6.00 6.75 7.50
5 Iniha 3.50 4.75 6.00 7.00 8.00 9.00
@Iniha 4.00 5.50 7.00 8.00 9.00 10.00
O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo la.
HOOPUKAIA E KA
HAWAIIAN GAZETTE CO.
C. G. BALLENTYNE, Luna Nui
JOSEPH M. POEPOE, Lunahooo-
ponopono.
Honolulu, Oahu.
POALIMA, FEBERUARY 5, 1897.
--------------------------------------
Ke ano i Hoohuiia ai kekahi
mau Mahele Aina o Amerika
Huiia a lilo i ma Moku-
aina no ia Aupuni.
He mea maikai ka ike ana o ko makou poe heluhelu, mawaena o ko makou poe makamaka i ike ole i ka heluhelu Olelo Beritania, i na mea e pili ana i ke ano o ka hoohuiia ana kekahi mau mahele aina iloko o Amerika Huiia a lilo i mau mokuaina maoli no ia Aupuni, i loaa ai he mea alakai i ko kakou mau noonoo ana o keia wa, oiai ka ninau a kumuhana hoohui Aupuni e noonooia ana mawaena o kakou nei i keia mau la.
Nolaila, ke panee mua aku nei makou i ka moolelo e pili ana ia Lusiana.
Mamua aku o ka makahiki 1763, o ke Aupuni o Farani ka mea nona ka mahele aina ma Amerika Huiia, i ikeia ma ka inoa ka “Mahele Aina o Lusiana.” He mahele aina nui keia, e moe ana ia ma ka hikina o Misisipi, ka mahele aina ma ka hema o ke degere kanakolu-kumamakahi o ka latitu akau a hoea i ka hikina o ka muliwai Perdido, a ma ke komohana nohoi o Misisipi, a e komo ana malaila ku mahele aina o Lusiana i keia wa e ku nei, Arekanesa, Misouri, Iowa, Neberaseka, Dakota, Montana, Idaho, Oregona ame Wasinetona, kekahi hapa o Minesota ma ke komohana o Misisipi, ame Colorado @ o na Mauna Po@ ka akau o ka @ Kanesa, a aneane e pau ka a Kanesa@ ame ka lihi @wi akau-komohana o @a@a Ianueri. Mamuli hoi o ke k@ o Parisa ma ka makahiki 1763 @ aku ia ma ka mahele aina ma ka @na o Misisipa a Enelan! a o ka mahele ma ke komohana o Misisipi @o aku ia ia Sepania. Nolaila ma na makahiki @ o ka nok@ Aupuni ana @ Amerika @ noho mana ana ke Aupuni Ahi o Sepania maluna o ke kapakai komohana o ka Misisipi ame na kapakai elua hoi ma ka nuku o na muliwai la. Ma ka makahiki 1795, ua @anaia kekahi kuikahi mawaena o Sepania ame Amerika Huiia. @ ae ana o Sepania e holo wale na moku o Amerika Huiia maloko o ka muliwai o Misisipi, a e loaa pu hoi ka pono ia Amerika e hoolilo ia Nu Oliana, a o kahi wahi e ae pahe e haawiia mai ana, i wahi hoaha waiwai.
Ma ka makahiki 1800, @a hanaia kekahi kuikahi malu mawaena o Farani ame Sepania, e haawi ana o Sepania ia Farani i ka Mahele Aina o Lusiana. Ma kela wa e noho ana o Napoliona ma ke ano he Luna Alakai mua no Farani, a oia kai hupai ae i ka manao e hoouna mai ana oia i pualikoa me ona mau mokukaau i Nu Oliana. Ua lilo keia i mea hopilikia loa i na noonoo o na poe kalaiaina o Amerika Huiia, oiai he mea keia e pilikia loa ai ia Aupuni. Ma ka makahiki 1892, ua hoopauia ko Amerika Huiia aeia ana e hoahu i kona mau ukana ma Nu Oliana, aole nohoi he wahi hou e ae i haawiia mai iaia. Ua lilo keia i mea e ala mai ai na manao kalaioleo akea a ka poe o ke komohana o Amerika Huiia e koi ana i ke Aupuni e lawelawe koke ia kekahi hana. Nolaila, ua hookaawale ka Ahaolelo he haawina o $2,000,000 no ke kuai ana ia Nu Oliana, a ma ka malama o Ianuari, 1803, ua hoouna aku la o Peresidena Jefferson ia James Monroe i elele Kuhina, no ka hana pu ana me ke Kuhina Amerika e noho ana ma Farani, oia o Robert R. Livingston, no ke kuai i ua wahi la. I kela wa he nui ka aie o Napoliona, a e noho ana hoi oia ia wa ma ke ka’e e komo aku ai iloko o kekahi kaua me Enelani, nolaila, ua ae oia e kuai holookoa i ka Mahele Aina o Lusiana ia Amerika. Ua malamaia kekahi Aha Kuka mawaena o na Kuhina ekolu, oia hoi, na Kuhina Amerika elua ame Barbe-Marbois, ma ka aoao o Farani. O ke kumukuai i aelikeia ma keia kuai ana he $15,000,000, he $3,750,000 nae oia huina no na koi a na kupa Amerika ia Farani. Ua holo keia kuai. A ma ka la 17 o Okatoba, 1803, ua kaheaia ka Ahaolelo Hui o Amerika, a ma ka la 19 oia malama na Apono loa ia ke kuikahi e ka Aha Senate, a me ka la 25 iho ua apono ka Hale o na Makaainana. He 90 poe oia Hale i apono a he 25 i kue. O na huaolelo hope a Napoliona i hoopuka ae ai ma ka wai i holo ai keia kuai ana, oia keia: “O ko’u haawi ana aku nei no ia ia Enelani i hoa paonioni nona, aole paha e liuliu a hoohaahaaia no kona haakei.”
Ke ike nei kakou, o ke kumu i lilo ai o Lusiana ia Amerika Huiia, mamuli no ia o ke kuaiia e ke Aupuni o Farani ia Amerika Huiia no ka huina o $15,000,000. Aole i ninauia ka manao o na makaainana o Farani e noho ana ma Lusiana ia wa no ko lakou ae ole a ae paha no keia kuai ana a ke Aupuni makua; aka, i ka wa no i hooholo like ai na mana Aupuni elua e kuai kekahi Aupuni i ka mahele aina o kekahi Aupuni no ka huina kumukuai maopopo, ua holo ae la, a ua pili ka aina i ka mea kuai aku a pili ke dala i ka mea i hoolilo mai’i ka aina; aohe koho balota akea a na makaainana Farani e noho ana ma Lusiana. No keaha hoi e hiki ole ai ia alahele no ke kumuhana hoohui Aupuni o Hawaii Repubalika e koi nei? Ma ke kuai maoli ana’ku o ke Aupuni e noho mana nei i keia wa i kona mau pono apau iloko o Hawaii ia Amerika, elike ae la me ko Lusiana, a pela e kapaeia ae ai he koho balota akea.
--------------------
Hala hou ia Kamaaina.
Ma ka hora 11 a oi o ke kakahiaka Poalua nei, i haalele mai ai o John H. Paty i keia ola ana, a niau aku la ia no ke ala huli ho’i hou ole mai. O ke kumu o kona make ana he ma’i ai-ake. He hoa hui keia no ka Baneko o Bihopa ma, a he kanaka oia i hilinai hui ia. He kanaka kulana oluolu a maikai oia.
Ua hanauia no oia ma Honolulu nei, ma ka la 8 o Sepatemaba, 1840, a nolaila, ua piha iaia na makahiki he 52 a oi, mai keia ola ana a hala aku la oia ma-o. Ma ka makahiki 1859, komo oia ma ka Oihana Baneko o Bihopa ma, a ua pii malie kona kulana maloko oia oihana, a hiki i ka makahiki 1875, ua lilo oia i hoa hui maoli no ka Baneko. Ma ka makahiki 187@, mare oia ia Miss Bo@les, he wahine no i hanauia ma Honolulu nei, a na laua mai he elima kaikamahine.
He Kanikela oia no Neialana, he Lunahoomalu no ka Papa o ke Alanui Tramway o Honolulu nei, he Puuku Puuku no ka Halema’i Moiwahine, a he nui no na hana e ae i komo aku ia oia.
-------
Alualu hou na manao he nui o makou i keia pule, no ka haiki o kahi waa. E hoomanawanui mai e na makamaka a kela pule ae.
-----------------------------------------
Nu Hou o na Aina E.
Eia makou ke panee @ k@ makou p@ heluhelu i na lono @
KOKUA GEREMANIA A SEPANIA.
Ua hoike @ ka nupepa Times, ua hoike aku nei o Geremania imua oa Mr. Kali@alana, ina e hoea mai ana he kana mawaena @ Amerika ame Sepania, alaila e k@ ana @ Geremania ia Sepania.
HUI @ LILIUOKALANI ME KALIVALANA.
Nu Ioka, Ian. 25.—Ma ka auina la o ka Poakahi, Ianuari 25, i halawai pu ai o Liliuokalani me Peresidena Kalivalana maloko o ka Hale Keokeo. Ua kamailio pu laua no na mea e pili ana ia Hawaii nei. O ka ninau mua nana i wehe i ka laua mau hookaa@ olelo ana oia, ka Peresidena Kalivalana ninau ana mai—“Aole anei ou ike he ke@ a ke puanuanu.” Ua ae aku o Liliu, me ka hoike pu ana’ku, ua ano maamaa iki oia i ke anu, oiai ua mahamaha loa na la o kona noho ana. Ua hoike aku o Liliu imua o Kalaivalana i ka mahalo e na kanaka Hawaii iaia, no kona unuhi ana i ke kuikahi hoohui Aupuni mailoko mai o ka aha Senate i hoounaia aku ai e Peresidena Harisona.
KA HUI TELEGARAPA PAONIONI.
Wasinetona, Ian. 22.—Ua hoea ae o James C. S@rymser ame Edmund L. Bayliss imua o ke Komite o ko na Aina E iloko o ka Hale o na Makaainana a hoike ae la i ka makaukau loa o ko laua hui, oia hoi ka Hui Telegarapa Pakipika o Nu Ioka, e hoomoe mai i ka uwea a hoea i Hawaii nei, iloko o 18 malama mahope iho o ka hooholoia ana o ka bila kanawai, a he 18 malama hou aku hoi a hoea loa ka uwea i Iapana.
KE KINO WAILUA O KE KUHINA
WILLIS.
Louisville, Ky. Ian. 25.—Ua hoea mai i Louisville nei, ma ka po nei, ke “kinowailua” o Albert S. Willis, Kuhina i Hawaii, i ukaliia e Mrs. Willis ame ka laua keiki, Albert S. Willis, Col. James Tucker o Viriginia, ma ka aoao o Peresidena Kalivalana, ame W. H. Dulaney, makuakane o Mrs. Albert S.Willis.. E waihoia ana ke “kinowailua” ma ka hale o Mr. Dulaney a hoea i ka hora 10:30 o ke kakahiaka Poalua, aole nae e weheia ana ke pani o ka pahu.
MAKE I KE OLAI.
Ladana, Ian. 21.—E hoike ana kekahi lono mai Teherana mai, ke kulanakauhale poo o Peresia, he 2500 poe kanaka i make mamuli o ke olai i hoonaue ae ma ka Mokupuni o Kish@, ma ka la 11 o Ianuari. O keia wahi mokupuni he 70 mile kona loa, a he 12 mile ka laula, a he 5,000 ka nui o na kanaka maluna iho. O ke kaawale o keia mokupuni mai ka nuku mai o ke kaikuono o Peresia he 15 mile.
MAKEMAKE O FARANI I AHA
UWAO.
Ladana, Ian. 19.—E hoike ana ka nupepa Standard o Viena penei: Ua manaoio loa kekahi mea kakau nupepa mai Parisa mai no ka Nupepa Politisehe Correspondez, eia o Farani ke noonoo nei i keia wa e hana i Aha Uwao me Amerika Huiia elike ke ano me ke kuikahi mawaena o Enelani ame Amerika Huiia. E aponoia ana keia kuikahi me ke ohohia nui ia ma Farani, a me he la e holopono aku ana no ia.
KAUA MA CUBA.
Key West, Fla., Ian 23.—Ua loaa mai na lono ia nei e hoike ana, ua hopu pio ia ka mokukaua Sepania Hokuwelowelo (Cometa) e na poe kipi a Cuba, a ua puhiia i ke ahi. O keia moku, oia kekahi o na moku ikaika loa mawaena o na mokukaua pananaiki iho o Sepania ma na kai o Cuba, a e noke hele ana ia i ka pokaa hele ma Cardenas no ka makai ana i na hana hoopae malu ia ana mai o na mea kaua ma Cuba. No kekahi wa i hala ae nei, ua maa loa keia wahi moku i ke ku ma na po apau mawaho aku o Sierra Morena. Ma keia wa, ua ku iho la ua wahi moku nei ma kahi e hiki ai i na kipi ke kipoka mai uka mai o ka aina. He oiaio ua kipokaia aku la ua wahi moku nei e na poe kipi me kekahi pu hoolei poka a Hotchkiss. Ua ku pinepine ua wahi moku nei i keia mau poka i hooleleia aku maluna ona, a ua hoopoinoia hoi. Ua lilo keia i mea e pioo loa ai na kanaka o na wahi moku nei, a ia wa i holo mai ai kekahi mau waapa mai uka mai o ka aina me na poe Cuba, holo mai la lakou a kau mai la iluna o ka moku. Ua hooukaia he kaua hahana mawaena o na aoao elua maluna o ka oneki o ka moku, a ma ka wa i ike ai ke aliikiekie o luna o ka moku ua pau i ka make ka akahi hapalua o kona poe kanaka, ua haawi pio mai la ia. Ua hoounaia e na poe Cuba na poe pio i uka o ka aina, a ua puhiia ae la ka moku i ke ahi. Ua lawe pio ia hoi e na poe Cuba na lako kaua he lehulehu wale.
--------------
Ma ka Poakahi nei i noho ai ke Kau Kiure o ka Mokupuni o Oahu nei, no ke Kau o Feberuari nei.
Ke Kiki-pu a na Makai.
Ma ka hookuka kipa pololei mawaena o kekahi mau kaeaea kipu o loko o ka Oihana Makai o Honolulu nei mai ka malama mai o Novemaba o ka makahiki i hala a hoea mai i Ianuari aku nei, oia hoi o Chamberlain. Pinehaka ame Fernandes, ua lilo ka @o i ka inoa mua. O na inoa mua nae kai helu ia. Na ki ana iloko o Novemaba (189@), ua loaa ia Chamberlain iloko o 46 ki ana, he huina o 1872, a pela no ka huina i loaa ia Pinehaka. Iloko o Dekemaba, ua loaa ia Chamberlain iloko o 21 ki ana, he huina o $52, a pela aku nohoi o Pinehaka. Iloko o Ianuari iho nei, loaa ia Chamberlain iloko o 2@ puni he huina o $82, a ia Pinehaka he $13. Ua kaa nae ia Fernandes ka helu ekahi o ka huina nui o na “pai-na” ma ke ki hookahi ana, oia hoi he 47.
-------------------
KAU I KA-PUA KA AUWAA PA-
NANA OLE.
Kani hewa ke oeoe a Kapena Alex.
Waianuhea—Haule pahu i ka honua na uhane ino apau—Hele pela oe e Satana.
Mr. Lunahooponopono.—
Ma ke Kilohana o ka la 15 nei i ike iho ai au ia Mr. Alex. Waianuhea holopee o Kalaupapa nei e pupue ana i ke anu, ma na kelamu o ka kakou milimili, e ha’uha’u hele ana ka waha i ka makani, i ka loaa ole ka o kona wahi apana palulue weluwelu, ame ka pau loa o na paa lole nani ia Rev. S. K. Kamakahiki ma, ame ka poe i pili ia lakou.
Hu no paha ka aka ia oe e ka makamaka. No keaha la oe i holopee ai malalo o ka inoa huna, e hoike ana oe i kou olohaka, a maka’u wale hoi i ka poe au i olelo iho ai he kupono ole, a pehea no la oe i manao ai e nalo oe ke pee iloko o ke a-a. No ka mea, he pee na ka moa, o ka lepe wale no ke nalo, koe no k apuapua i ke anu.
Aole paha ou hilahila i ka ohumu i ka lole makana a’u i haawi ai i na haumana Kula Sabati ma ka la 1 iho nei o keia malama, ka mea hiki ole la oe ame na eepa apau o ka po ke loaa, me ko olelo iho, he makana Karisimaka mai ka ia mai a Mr. W. W. Hall mai no ke Kula Sabati.
Nohea mai kau lalau e ka hoehewa, eia me makou ka leta a Hon. Wm. W. Hall ia Josiah Haole e pili ana i keia mau pahu lole, au e ohi lalau nei i ka puahiohio; aole no oukou e ka poe kue, aka, no J. Haole ame kona mau hoaloha, ame ka poe kupono a J. Haole i ike ai, a na J. Haole ame kona mayu hoaloha, ame ka poe kupono a J. Haole i ike ai, a na J. Haole e mahelehele elike me kona manao, a heaha iho la kou kuleana ilaila?
No keaha no la kou mea i kauoha pololei ole ai ia Mr. W. W. Hall i mau paa lole pukapuka nou.
I hoailona no ko oukou haule ino loa, a no kou nele loa i ka mea ole e hanai, oiai oe ua hooleia kou kulana keonimana e Rev. D. Kaai, a ke holo hoaa nei oe i uka i kai mawaho o ka pahale o ke kahu, me ka iini nui e lilo i luna nui no ke Kula Sabati, a i ole ia, i luna paha no ke Ekalesia.
Pehea la oe e komo ai ilaila, he ole oe i kauia ma ke kulanakauhale o Ladana, a he ole oe ma na ano apau, oiai, eia me a’u ka papainoa o na haumana Kula Sabati apau o Kalaupapa nei. Ina hoi o Mr. Wm. Notley no oe, aole no au i ike iki i kou inoa iloko o ka buke o ke Kula Sabati, a o ka’u i ike ia oe he nui na wa ou i hoaoia ai i kumu no kekahi mau papa Kula Sabati a no kou hiki ole ke a’o, pela no oe i kiola pinepine ia mai ai, a pela no i emi ino ai na hana o ke Kula Sabati i hope i kou wa e noho ana he luna nui no ke Kula Sabati: a mamuli o kau alakai lalau ana i walawala ai o Rev. M. C. Kealoha i na pali o Hamakua, Hawaii, a lilo keia Paredaiso ia Rev. D. Kaai i keia wa, no ka hala loa o kou hemolele maluna aku o na lani, a o ka hopena i loaa mai, he nui ka hakaka, kue a mokuahana no hoi iloko oia mau la au e noho kuhikuhi puuone ana, hope kahunapule, pupukanioe, a corner stone hoi no ka ekalesia kapulu au i hoomoamoa ai a nui ka lalau, a e ole ka poe au e hoolaha manao iho nei, akahi no a wawahi liilii ia na pohaku ooi ino waiho wale iloko o keia Ekalesia, ka mea au i manao kuhikuhi ai he poe pohaku kupono ia no ke kaua ana no ko ka uhane ola.
He hoopailua makou i ka poe hookohukohu manaoio, a hoole nae i ka mana o ia mea, a ma ka waha ka nui i ka ohumu i ka lole, ma ka hooholomua hoi i ka hana pono, he ole loa ka lewalewa iho o ka mea a Wilimana, a ua ike no hoi ka lehulehu apau o Kalaupapa nei. Eia ke ku nei kau hana nui i hana ai i kiahoomanao no kou okiloa maoli no oiai oe e noho ana he kilo, a o ka’u wahi mea hookahi ia i ike e ku nei ma ke kihi hikina-akau o ka pa luakini e pili ana me ka pa o L. Nailima, a heaha la ia ia oe?
O kekahi mea hilahila loa ia oe oia no kou pai a mahalo iho no ia oe iho ame kou kakauolelo o ka mala a ke ‘lii. Kai no paha hoi na ka lehulehu oukou e mahalo aku, eia ka nau iho no, a mai kupono io no olua o Robert Kaaoao i mau luna nui no ke Kula Sabati; o na wawae no nae paha o olua ka olua hoe e hoe ai i ke Kula Sabati imua ea? Aole ka i hana mua i ka Ahahui Opiopio a olua e noho luna nui nei a pono, a ikeia ka maopopo wahi palapala, alaila, kiei mai ana ma na pukaaniani o ka luakini o Kanaana Hou.
Ke kauoha nei au ia oe e ka makamaka, mai noho oe a huna i kou inoa pololei, aka, e kakau a hoike i kou inoa pololei, e like me no kou ike i ka pololei o kou manao. Nolaila, i kou hoolaha lalau ana e like me keia, alualu koke no mahope o kou kua kou hoohilahilaia e kela ame keia mea no ka maopopo loa he manao ino maoli kou, huwa, a kuaki maoli no ka nui palena ole o na haumana Kula Sabati i keia wa e noho ia nei e Rev. S. K. Kamakahiki, ame ka ulumahiehie a holomua maoli no hoi i keia wa.
Ina he makemake nui oe i ka hanohano, e hele pololei ae oe a komo iloko o ka “Ahahui Naita o ka Aahu Ulaula o Kalaupapa nei, e noho Peresidena ia nei e Mr. J. Like o Kauakanilehua o Hilo, a iloko o laila e loaa ai ia oe ka ike, ma ka nana a hoolohe ana i na olelo a ka poe naauao, a lilo hoi ia i ike e loaa ana ia oe mai laila mai i mea nana e hoopau i kou auwana, kou kue, kou huwa a manao ino ia makou. No ka mea, ua maa oe ia mea he huaa inoa mai na kupuna loa mai. Maa i ka pekapeka ia Rev. C. M. Hyde ma ame Mr. W. W. Hall no hoi. Maa i ke kauoha ia Hollister & Co. i na cigar pukapuka ame na ope baka popopo @ kipe i na kanaka opio i hele i ka Ahahui a oukou, a e ole o’u mau h@ a keiki hoi o ka Ekalesia o na @ loaa ka poe na lakou e hooma@ ae o loko o ka Hale Y. M. C. A. @ oe hoi, nalowale loa iho no @ no paha oe o ke a-a e hook@ Karistiano ai.
Eia wale no ka’u i makemake @ oe, ina o oe io no o Wm. Notley @ o Robert Kaaoao paha oe, e p@ ke makaala i ke Kula Sabati, @ loa oe i kela aoano ino @ naau, a hooikaika mau hoi e @ o ka lima ka lole nahaehae @ ma luna mai. A ina e hiki ia oe ke @ i keia leo o ke ola, alaila, ua @ kau keia makasila e huikala @ keia penopeno ae ou a kipaku @ hoi i kela Satana nui iloko ou @ pela, a pela e hiki ai ia J. Haole & @ ke ike aku ia oe.
O ka’u keia i lohe oe, a ke@ pu nei au i ka palapala a W. W. Hall ia J. Haole, e pili ana i kela lohe @ kuhihwea lalau nei he makana K@ maka imua o ka Lunahooponopono @ ke Kilohana o ka Lahui. @ alakai lalau ia ka lehulehu e @ laha imihala hilahila oe. A @ kiki naaaupo oe ma ke ino, pela @ e lilo ole ai i luna nui no ke Kula Sabati a mau loa, a okiloa aku @ mea e ae apau; oiai, ia Rev. D. @ paa nei i ka mea kaupaona, ua @ ko oukou mama loa, kohu opala @ maloo. Aka, ke pule nui nei @ e pau kou auwana, a o ke @ kou.
J. A. KAMANU.
Kakauolelo o ke Kula Sabati.
(Ua nui na huaolelo ano mae@ i kapaeia ae e makou mai loko ae o ka olelo pane, e ka makamaka, oiai ua ike makou he mau mea waiwai ole @ ka lehulehu. O na pane e a’o ana i ke kuhihewa a manao maikai ole p@ kou hoaloha, a e huki ana iaia e komo iloko o ka nohona hoop@ oluolu a lokahi, oia na pane ma@ oiai he mau oleloao ia i kupono no na mea apau. Mai hoouna hou mai i na pane o keia ano ina lawa ae la @. O kekahi, e kakau i hookahi @ ke kanana. L. H.)
-----------------------------
KA HUI ALAHAO ME AINA O OAHU
MANAWA HOLO.Mai a Mahope aku o Iulai 5, 1895
Will o Ewa Hiki I Waianae Hiki I wili o Hiki I Waianae Hiki I Waianae
Kaa Ukana na la a pau Ewa na la apau na poaouo uio na la apau
Na la a pau Sabati walo no.
A.M. A.M. P.M. P.M. P.M.
Haalele ia Honolulu 6:40 9:15 1:15 1:45 3:10
Haalele ia Manana 7:40 9:35 2:28 2:28 3:33
Haalele WIll o Ewa 8:10 10:19 2:49 2:49 6:14
Hiki i Waianae ----------- 10:34 ------- 3:24 4:49
Waianae na Will o Ewa Waianae na Will o Ewa Iki i Waianae
la a pau. Kaa Ukana la a pau na la a pau. nae ua Poao
Na la a pau no me Sabati
Koe Sabati
A.M. A.M. P.M. P.M. P.M.
Haalele la Waianae 6:44 ---------- 1:32 --------- 4:16
Haalele Will o Ewa 7:19 9:10 2:07 3:51 4:51
Haalele la Manana 7:50 9:48 2:35 4:22 5:22
Hiki i Honolulu 8:23 10:30 3:11 4:55 5:56
E lawe ana na kaa ahi hali ukana i na kaa ohua o ka papa ekahi.
G. P. Denison
Luna. F. C. Smith
Luna Kual Palanala Holo.
NU HOU HAWAII
E nana ae ma na olelo ho@ puka aku nei ma ka pepa o @.
----
Ma ka Poakahi nei i paahana @ na keiki o ka Aina Paa no ko lakou “Kiulaia,” i kapaia he Kon@.
----
Ma ka hora 5 o ke ahiahi Po@ nei i ku mai ai ka mokuahi Auseteria mai Kapalakiko mai, iloko o na @ holo he 7 me 2 hora ame 3@ m@.
----
He nui loa na manao pepa wa@ nui o makou i hoopaneeia mai ka pepa aku o keia pule, i loaa ai he ko@ komo ai na manao mai ko makou @ kakau mai.
He mea pono i kela ame keia ohana ke loaa ona laau lapaau mama no na ma’i o ka opu. I laau lapaau pu@ ole no ka “Moku ino loa o ka lepo” (Diarhea) Nahu, Umli, Kolera ame na ma’i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKALA (Pain Killer). Ua lawelaweia kela laau no na makahiki he kanalima, a ke hana mau ia nei i kela ame keia la ma na aina apau o ka honua nei. O ka Hui Kuai Laau Lapaau o Hollister ka Agena.
-----
Ua nui ka manaloia o na alakai p@ kau ana o Lutanela Ekahi Kekuma@ ma kana paikau ana i ka puali @ ka po Poakahi nei, oiai aole i hiki @ o Kapena Kea.
-----
Ua loaa mai no ia makou he palapala mai ko makou mea kakau mai noho mai la i Santa Cruz. A keia @ ae hoopuka aku makou i kana palapala.
Ua hoao pono maoli au i ka LAAU KUNU a KAMALENA, a ua hoomaopopo au, oia kekahi o na laau @ loa no ke kunu-ho a’u i ike ai. Hookahi no inu ana, ua lawa, eia nae @ inu pinepine nae au. E ola ana ke au e loohia i@o ana i ka’u poe keiki @ inu i keia laau. Ke hoike kanalua @ aku nei au, he laau maikai loa keia no ke kunu-ho ame ke anu iloko o na keiki. Geo. E. Wolfe, Kakauolelo o ke Aha Kaapuni, Fernandina, Fla. E ku@ ia ana e na poe kuai laau lapaaau a@ Benson, Smith & Co., na Agena no ke Hawaii Pae Aina.
He aha mele ke haawiia ana e kekahi poe puukani ili-puakea o Honolulu nei maloko o ka Y. M. C. A. O kekahi mele kaulana loa e himeniia mai ana e ua poe puukani la, oia ke mele kupakahi, “E ka Mahina Mahiehie, Aloha Oe” (Oh, Gentle Moon, Good Night.)