Ka Nupepa Kuokoa, Volume XXXVI, Number 10, 5 March 1897 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Mana Kooko

 

HOOLAHA PA AUPUNI

 

  I kulike ai me ka Pauku 1 o ka Mokuna XXXV o na Kanawai o 1888, ua hookaawai aku au i keia la he pa no ka hoopaa ana : na Holoholona Hele Hewa ma Kaupo, Maui, maiuna o ka Aina Aupuni o Kumunui, ma Kaupo, ma ka aoao mauka o ke Alanui Aupuni

 

  I kulike au ma ka Pauku 2 o ka Mokuna XXXV o na Kanawai o 1888, i keia la ua hookohi aku au ia J. W. Kawaakoa i Luna Pa Aupuni no ka Pa Aupuni maluna ae.

            J. A. KING,

            Kubina Kalaiaina.

  Keena Kalaiaina, Maraki 2, 1897

            2640-3t

 

  I keia la i hookohuia aku o G. W. NAWAAKOA, ESQ., I Luna Pa Aupuni no ka Pa Aupuni ma Waianae, Apana o Waianae, Mokupuni o Oahu, ma kahi o C. A. Newman.

            J. A. KING,

            Kuhina Kalaiaina.

  Keena Kalaiaina, Maraki 1, 1897.

            2640-3t

 

KUAI O KA HOOLIMALIMA O NA

APANA 8 ME 9, MAHELE “A”

 

   Ma ka Poakolu, Aperila 7, 1897, ma ka hora 12 o ke awakea, ma ka puka, ma ke alo o ka Hale Oihana Hooko, Honolulu, Oahu, e kuai ia aku ai ma ke kudala akea, na hoolimalima o keia mau Apana Aina Aupuni e waiho ana maloko o ka Mahele A. kihi o na Alanui Waianuenue me Uwapo, Hilo, Hawaii, oia hoi:

  Apana 8, Uku hoolimalima oi aku $30000 no ka makahiki.

  Apana 9, Uku hoolimalima oi aku $24000 no ka makahiki.

  E hookaa mua ia ka uku hoolimalima o kela ame keia hapaha makahiki.

  Manawa – he 30 makahiki.

  O keia kuai, mamuli no ia o keia mau kamu: O ka mea e lilo ai keia mau hoolimalima, e kukulu no oia iloke o na makahiki mua eha o ka manawa hoolimalima maluna o kela ame keia apana, he hale a mau hale pale-ahi, ma ka pohaku uinihapa paha, pohaku a hao paha, ma ke ano maikai e aponoia ana e ke Kuhina, no ke kumulilo hoi aole e emi iho malalo o $7,500, a e hoopaa pauahi ia hoi na poe hale la, no ka huina i eimi ole iho malalo o ka elua-hapakolu o kona waiwai io, no ka pomaikai o ka Mea Hoolimalima (Lessor) a e hana hou ana hoi (repair) i na hale la iloke e ke koena aku o ka manawa o ka hoolimalima, koe wale no na loli ana mamuli o na mea maa mau i ka hanaia: a ma ka wa e poino ai ua hale la no ke ahi, alaila, e hoopau koke ia ua poino la a poho hoi, ma ka hana hou ana a kukulu hou ana paha, a i ole ia, e haawi mai i ka palapala hoopaa pauahi i ka Mea Hoolimalima (Lessor).

  A @ ia hou, mamuli o ke noi i kakauia mai e ka Mea Hoolimalima mai (Lessee) a e kona mau hope paha mamua o ka pau ana o ka manawa, alaila, e haawiia aku no ua mau wahi la me na hana hou apau, ke hooko pono la na kumu apau i hoikeia ae la e ka Mea Hoolimalima mai (Lessee) no ke kudala, ma ka hoolimalima no ka manawa aole e oi aku mamua o iwakalua makahiki, ke ole ua mau wahi la e hooliloia no ka pono o ka lehulehu, a ma ia ano, e loaa aku no i ka Mea Hoolimalima mai he hoike mua ia ana’ku ma ka manawa aole e emi iho malalo o hookahi makahiki. A e malamaia hoi ua kuai kudala la, ma ka manawa i oi ole aku mamua o eono malama, aole hoi e emi malalo o hooahi mahina, mamua ae o ka pau ana o ua manawa ‘la.

  E ikeia no ke Kii o na Apana i hoike ia ae la ma ke Keena Kalaiaina, Honolulu, a ma ke Keena o A. B. Loebenstein, Hilo, Hawaii.

            J. A. KING.

            Kuhina Kalaiaina.

  Keena Kalaiaina, Feb. 25, 1897.

            2640-3t

 

            Keena Kalaiaina,

            Feberuari 17, 1897.

 

  I kulike ai me kekahi Olelo Hoolaha o ka Aha Hooko, i aponoia ma ka la 9 o Feberuari, 1897, ke hoolahaia aku nei ma keia ̶ O ka poe e wehe ana i na alanui maluna o ko lakou mau aina ponoi iho, me ka manao e hoolilo ia mau alanui no ka pono o ka lehulehu, e pono no e kuka pu me ke Kuhina Kalaiaina no kahi e moe ai ua mau alanui la, ke ano o ka hoiliwai ana ame ke akea o ua mau alanui la, a mamua hoi o ko ke Aupuni lawe ana mai i ua mau alanui la, he mea pono ke hanaia ua mau alanui la elike me na kuhikuhi a ke Kuhina Kalaiaina.

            J. A. KING,

            Kuhina Kalaiaina.

 

HOOLAHA PA AUPUNI

 

  I kulike ai me ka Pauku I o ka Mokuna XXXV o na Kanawai o 1888, i kaia la, ua hookaawale ae au i Pa no ka hoopaa ana i na Holoholona Aea wale ma Kaluaaha, mauka o ke alanui Aupuni, malaila nohoi e noho nei o Rev. H. Manase, ka Luna Pa Aupuni o keia wa.

            J. A. KING,

            Kuhina Kalaiaina.

  Keena Kalaiaina, Feberuari 15, 1897.

 

  I keia la, ua hookohuia aku o A. N. KEPOIKAI, ESQ., i hoa no ka Papa alanui no ka Apana Ohi Auhau o Wailuku, Mokupuni o Maui, ma kahi o D. Center, Esq. i haalele mai.

            J. A. KING,

            Kuhina, Kalaiaina,

  Keena Kalaiaina, Feberuari 15, 1897.

  

  I keia la, ua hookohuia aku keia mau keonimana i mau Agena Haawi Palapala Mare:

  B. H. Brown, Esq., no ka Apana o Hilo, Mokupuni o Hawaii.

  James H. K. Kaiwi, Esq., no ka Apana o Lihue, Mokupuni o Kauai.

            J. A. KING,

            Kuhina Kalaiaina.

  Keena Kalaiaina, Feberuari 15, 1897.

 

 

Ma ka hana o ka Hui Alahao Hawaii.

  Oiai, ua waiho mai ka Hui Alahao Hawaii, he Hui i hoohuia, i kukuluia a i ku hoi malalo o ka mana o na Kanawai o Ko Hawaii Pae Aina, elike me ke Kanawai ma ia mea, ma Keia Keena o ke Kuhina Kalaiaina, he Noi no ka hoopau ana i ua Hui la, me kekahi palapala hoike i hoopili pu ia aku me ia, elike me ke kauoha a ke Kanawai.

  Nolaila, ke hoolahaia aku nei ma keia i kakahi mea a i ka poe apu\au i loaa na kuleana, ma kela ame keia ano, maloko o ua Hui la, e waihoia mai na kue ana no ka aeia ana o keia noi, maloko nei o ke Keena o ka mea @ona ka inoa malalo iho nei, ma ka Poalua, la 9 o Maraki, 1897, a mamua ae pana o ia wa, a o kela ame keia mea i makemake e loheia kana hoakaka ma ia mea, e hele kino mai no ma ke keena o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 A. M. o ua la’la, e hoike mai i kumu e ae ole ia ai ua Noi la.

            J. A. KING,

            Kuhina Kalaiaina.

  Keena Kalaiaina, Ianuari 4, 1897.

 

 

MA KA HANA NO KA HOOPAU ANA

 

  Oiai, ua waiho mai la ka Hui Mahiko o Paukaa, he Hui i Hoohuiia, i kukuluia a e ku ana malalo a mamuli o ka mana o na Kanawai o Ko Hawaii Pae Aina, elike me ke Kanawai e pili ana ia hana, he palapala noi, ma ke Keena o ke Kuhina Kalaiaina, no ka hoopau ana i ua hui la, me kekahi palapala hoike i hoopili pu ia me ia, elike me ke koi a ke kanawai.

  Nolaila, ke hoolahaia aku nei ma keia i kela kanaka ame keia kanaka, a i na kanaka nohoi apau loa, i loaa na kuleana, ma kela ame keia ano iloko o ua hui la, he mea pono ke waihoia mai na olelo kue no ka aeia ana o ua noi la, maloko nei o ke keena o ka mea nona ka inoa malalo iho nei ma ka Poakolu la 13 o Aperila, A. D. 1897, a mamua @ paha oia la, a o kela ame keia mea e makemake ana e hooloheia ma ua hana la, e hele kino mai ia ma ke keena o ka mea nona ka inoa malalo iho nei ma ka Hale Oihana Hooko, Honolulu, ma ka hora 10 A. M. o ua la ‘la e hoike mai i kumu, nokeaha la e a ole ia ai ia noi.

            J. A. KING,

            Kuhina Kalaiaina.

  Keena Kalaiaina, Feberuari 6, 1897.

 

 

  Ma ka Poaono, Maraki 20 ae nei, hora 12 awakea, ma ke alo iho o ka Hale Hookolokolo, Honolulu, e kuaiia aku ai ka Hoolimalima i ikeia ke Ili o Kapoina ma Waiehu, Maui, e komo pu ana me na “Aina” Poalima, a maloko o laila he aneane 15 eka, oi iki aku a emi mai paha.

  Manawa – 21 makahiki.

  E hookaa mua ia ana i kela ame keia hapalua makahiki.

            J. F. BROWN.

            Agena no na Aina Aupuni.

  Keena Aina Aupuni, Honolulu, Feb. 23, 1897.       2639-td

 

  

Ke hoolahaia aku nei ma keia, ua weheia no ke noiia ana mai, keia mau Apana aina ma Hamakua, Hawaii, ma ka la 15 o Ianuari, 1897, a e Kuai Kulala akea ia aku ana, ma ka Poaono, Maraki 6, ae nei, ma ka hora 12 awakea, ma ke Keene Oihana o Chas. Williams, Honokaa, malalo o na kumu i hoakakaia maloko o ka Olelo Hoolaha no na Aina Aupuni e hoike ana ua weheia ia mau apana aina no ke Kuai.

                        Kii-                              Ka                   Kumu-

Apana.             Aina.   Kahi                Nui.                 kuai Oi

    10              11        Paauilo                       26.00               $325.00

    11              11        Paauilo                        30.00               375.00

  Aole e aeia kekahi kanaka e kauai a oi aku mamua o hookahi apana. He mea pono ke loaa i na poe e kuai ana na pono i hoakakaia, a e hana hoi kekahi olelo hoike i hoohikiia, elike me ia i kauohaia no na Poe Kuai Kuleana Aina ma ke Dala Kuike, malalo o ke Kanawai o 1895. E hookaa koke ia mai ka akahi-hapaha o ke kumukuai mahope iho o ka lilo ana.

  E loaa no na kii o na Apana Aina maluna ae ame na olelo hoakaaka hou aku, ma ke Keena Aina, ma Honolulu, a i ole ia, ma ke Keena o Chas. Williams, Hope Agena, Honokaa, Hamakua, Hawaii. J. F. BROWN.

           Agena o na Aina Aupuni.

 

HOOLIMALIMA AINA AUPUNI.

  Ma ka Poaono, Maraki 6, ma ka hora 12 o ke awakea, ma ke alo iho o ka Hale Hookolokolo, Honolulu, e kuaiia aku ai ka hoolimalima o kekahi Apana Aina ma Pouhala, waikele, Ewa, nona ka laula ma ke Alanui Aupuni he 75 kapuai, a nona ka hohonu he 100 kapuai makai o laila.

  Manawa Hoolimalima: 15 makahiki. Uku Hoolimalima oi aku maluna o $50.00 no ka makahiki hookahi, e hookaa mau ia ana i kela ame keia hapalua makahiki.

            J.F. BROWN,

  Agena no na Aina Aupuni.

KA

Nupepa Kuokoa

 

No ka Makahiki - - -  $2.00

No Eono Mahina - - -  1.00

 

  PUKA          1          2          3          4          5          6

 1 Iniha           $ 1.50  $2.00   $2.50   $3.00   $3.50   $4.00

 2 Iniha             2.00  2.75    3.50    4.00    4.50    5.00

 3 Iniha             2.50  3.50    4.50    5.00    5.50    6.00

 4 Iniha             3.00  4.00    5.00    6.00    6.75    7.50

 5 Iniha             3.50  4.75    6.00    7.00    8.00    9.00

            O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina sole, aoh hookomo ia.

HOOPUKALA E KA

HAWAIIAN GAZETTE CO.

C. G. BALLENTYNE, Luna Nui

JOSEPH M. POEPOE, Lunahooponopono.

 

Kela Hoole a Liliuokalai no ka

Palapala Haalele Noholii

a Aupuni.

 

  Ma ko makou pepa o kela pule aku nei i hoike aku ai makou i ka nuhou mai na kaiaulu mai o Amerika Huiia no ko Liliuokalani hoole ana i ka oiaio ame ka mana o ka Palapala Haa lele Nohoalii, i kakauinoaia ai e ia ponoi ma ka la 24 o Ianuari o ka makahiki i hala. Ma ka lono nae i loaa mai ia kakou, ua hoikeia mai, ma o Julius Palmer la i hoike ae ai o Liliuokalani “he palapala epa” ua palapala la, mamuli ia o ka “hookikinaia” ana “mamuli o k a ikaika,” a ua olelo ae ua Jules Palmer la, ua loaa iaia ka mana mai a Liliuokalani mai, oia paha ke ano o keia olelo – e kukala ae aohe “mana ma ke kanawai o ua palapala la.”

  No makou iho, eia ka mea i maopopo, o ka palapala nona ka oiaio e hooleia nei ikeia wa, he palapala ia i ku hoikeia e na hoaloha pilo ponoi o ke “Alii,” oia hoi o W. G. Irwin, H. A. Widemann. Samuel Parker, J. Kalua Kahookano, Chas. B. Wilson ame Paul Neumann. Eia na olelo a keia poe i kakau aku ai i ko lakou mau inoa apau:

  “Ma keia la 24 o Ianuari, M. H. 1895, ua heluheluia a noonoo akahele ia ka palapala mamua ae nei o (a) Liliuokalani dominis, imua o ko makou alo, a o Liliuokalani Dominis i oleloia, ma ia manawa, a imua o makou ua hoike mai he hoakaka pololei a piha no ia o kona makemake ame kana mau hana ma ia mea. A oia palapala, ua hoakaka mai oia ia makou, ua makemake oia e kakauinoa a e hooiaio imua o makou oia no kana hana ponoi mamuli o kona manao ponoi iho, a ma ia manawa ua kakauinoa oia ma ua palapala nei imua o makou, a ua hoike mai oia no kana hana ponoi mamuli o kona manao ponoi iho.

  “ I hoike no ia mea, ma ke kauoha a Liliuokalani Dominis i oleloia, a imua o kona alo, ke kakau nei i ko makou inoa, ma ke ano he mau hoike maka, ma ka Hale Hooko o ke Aupuni ma Honolulu, Mokuponi o Oahu, ma keia la 24 o Ianuari, M. H. 1895.”

  Penei hoi ka Liliuokalani mau olelo @ moi ma ka hapa mua a ua palapala la i kakauinoa ponoi ia e ia a oia mau olelo e hoike ana ia ia kona kulana kona ano ame kona manao ma kela wa i kakauinoa ai oia i @ palapala ia:

  “ * * * Mahope iho o ke kuka piha ana mamuli o kolu mau manao ame kolu poo kuhikahi ma ke kanaame ko’u poe kuhikuhi ma ke kanawai. * * * ame ka hahai pu elike me ka lakou alo ana mai ia’u. * * * “

  Ke ike nei kakou ma keia mau kulana hoike manao elua a Liliuokalani, ma kona aoao iho, ua hui kuka pu no ia me kona mau hoaloha ame kona “poo kuhikuhi ma ke kanawai.” a mamuli nohoi o kona manao ponoi iho, i kakauinoa ai oia i ua palapala la. Ke hooia nei hoi na keonimana i lilo i poe hoike ikemaka no ua palapala la, ua hoike aku ke “Alii” imua o lakou, o ua palapala la “he hoakaka pololei a piha no ia o kona makemake ame kana mau hana ma ia mea.” A ke olelo hou nei ua poe hoike nei, a poe hoaloha nohoi o Liliuokalani, o na palapala la ua hoakaka no ke “Alii” imua o lakou, “ua makemake oia (Liliuokalani) e kakauinoa a e hooiaio imua o makou, oia kana hana ponoi, mamuli o kona manao ponoi iho.” Alaila, olelo hou keia poe keonimana a makou e hilinai nei, ina i ike keia poe he mau hana lima ikaika a hookikina kekahi i hanaia maluna o kela “Lede” koikoi loa o ka aina, ko lakou “Aliiwahine” nohoi, elike me ka hoike a Julius Palmer a kakou i ike ai, aole loa lakou e hoike i keia manao penei: “A ma ia manawa ua kakauinoa oia ma ua palapala nei imua omakou, a ua hoike mai oia no kana hana ponoi mamuli o kona manao ponoi iho.”

  Mamuli o keia mau hookaulike a hookuku manao ana, ke ike nei kakou i ke kue ana o Liliuokalani, elike me na olelo a Julius Palmer, i kona mau hoaloha oiaio maanei, elike me na keonimana no lako na inoa a makou i hoike ae la, a pela nohoi ka lakou mau olelo kanaka makua, keonimana a hiki ke hikinaiia, i kue aku ai i na m@a a Julius Palmer i hoike mai ai, ma ka aoao o ke “Alii” Liliuokalani mai Amerika mai la.

  Na ka lehulehu noonoo kaulike a hoopono e kaupaona i keia mau mea.

  Eia kekahi mahele manao hou a kakou e hapai ai i na noonoo maikai ana. O keia palapala, he palapala ia na ka mea hookahi wale iho no i hana, aole ke Aupuni e ku nei i lilo i hoa hana hoopaa manao like ma ua palapala ‘la. O na olelo apau o na palapala ‘la, na ko Liliuokalani manao ponoi no ia. Nolaila, ina hoohiki oia i ua palapala ‘la, a mahope hoole hou oia, aia no ke koikoi oia hana maluna o kona hokua ponoi iho.

“HALE MANA HOOKO.

“HONOLULU, Ianuari 29, 1895.

 

  “E Madame – O kekahi palapala i hookoia e oe, nona ka manao maioko, e haalele a e hookuu loa  ana i na pono aliiaimoku apau ou mamua aku nei, au e koi nei, ua haawiia mai nei i ka Peresidena ma kou inoa.

  “Oiai oe paa ana he paahao i ka wa i kakauia ai keia palapala, ua makemakeia mamua o ka ae ana’ku e waihomai, e maopopo lea ia oe, i mea e ala ole mai ai kekahi kuhihewa ma keia hope aku i na manao o ke Aupuni ma keia mea.

  “1. O ka hookoia ana o keia palapala aole e pono ke laweia ua hookuu ia oe mai kekahi wahi lihi iki mai o kou hewa pilikino a ponoi ae, no kekomo ana i ku i ka ninaninau a hookolokoloia, e puka mai ana o oe kekahi i ka hewa ohumu kipi hope iho nei e kue ana i ke Aupuni ame ka hopena poino o ke ola: oia kulana ua ae mai oe maloko o kau palapala.

  “2. Aole e hiki ke ae iki ia aku o na pono ame na koina au e hookuu kaokoa wale mai nei i keia wa, he kuleana ku i ke kaanwai e keehi iho ai, mai Ianuari 14 mai, oiai ma kau kukala akea, ua hoole oe aole oe i paa malalo o ke kanawai kumu o ka aina au ihoohiki ai e lawe i ka oihana, a ma kau mau hana o ka hoao ana e lawelawe elike me kou manao iho e kukulu i anao Aupuni hou, ua hoopau wale ia kela aelike e paa ana mawaena ou ame na makaainana, a o na pono aliiaimoku apau e waiho aua iloko ou ua make mai a oe aku. O ka olelo a na lala o kou Aha Kuhina oia wa, aohe e hiki ia lakou ke hoomalu i kau hana i hoolala ai, ame ko lakou hoopii ana i na kamaaina o Honolulu no na kokua aku, oia kekahi o na keehina nana i alakai e lawe na makaainana i ka mana o na pono o ke Aupuni.

  “Ma kahi o kahi o kau palapala e laweia ai, he nonoi no ka poe Hawaii i alakai hewa ia, o kou makemake e ike mai lakou i ka Repubalika, oia wale n ke Aupuni oiaio a ku i ke kanawai o ka aina, ke mahalo piha ia nei. Ma ke mea e pili ana, o kela koi au e loaa ia lakou, ka poe i komo kino i ke kipi hope iho nei ka haawina aloha e hiki ai i ke Aupuni ke haawi aku, e noonoo piha ia ana no ia.

            “(Kakauinoaia)            W. O. SMITH,

            “Lolo Kuhina.”

 

  Ke ae nei ke Aupuni ua kakauinoa e Liliuokalani i keia palapala ma kona wa e noho ana he paahao a he pio, a me ia mea na waiho aku ke Aupuni imua ona i kekahi mau manao maopopo a moakaka, oia hoi, ma ke ano nui – aole o keia palapala ke kumu @ hookuu aku ai ke Aupuni i ke “Alii” mai ka hana hewa i komohia aku ai ia, oia ke obumu kipi: aole ke Aupuni Repubalika i ike aku i ke “Alii” ma ia wa ana i kakau ai i kela palapala, ma kona kulana pili Poo Aupuni, oia hoi o LILIUOKALANI REGINA (Liliuokalani Moiwahine). oiai ua pau kela kulana Poo Aupuni o ke “Alii” ma ka la 14 o Ianuari, 1893, mamuli o kana kukala akea ana aole oia i paa malalo o ke Kumukanawai o 1887, ana i hoohiki mua ai ma kona wa i lawe ai i ka Oihana Poo Kiekie no ke Aupuni, a i huipuia hoi me ka ke “Alii” hoao ana e kukulu i kulana Aupuni hou. Nolaila, o ka la 14 o Ianuari, he 10 la mamua aku o kona kakauinoa ana malalo o kela palapala haalele nohoalii i hemo aku ai ka inoa oihana poo Aupuni mai ke “Alii: aku, oia hoi o “Liliuokalani Regina,” aole oia i kuleana hou i ka inoa “Regina” (Moiwahine), oiai ma ia la i hemo a i makalaia ae ai ka aelike mawaena ona ame na makaainana ikaika a hopepe ole, ma ke ano ua pau kona noho “Regina” (Moiwahine) ana no lakou, a nolaila, aole hiki hou iaia ke kakau i kela inoa pili oihana ona ma kekahi palapala pili Aupuni elike ae la me kela palapala haalele nohoalii: a ina i hanaia pela ke kakauinoaia ana o kela palapala, a kue o le aku ke Aupuni ia mea, alaila, ua like ia me ka ae ana o ke Aupuni aole i pau ke kuleana noho Poo Aupuni o Liliuokalani Regina ma ka la 14 o Ianuari, ka la i oleloia ai, oia ka la i wawahi ai ke “Alii” i ke Kumukanawai o 1887, ana ponoi i hoohiki ai.

  A i ko makou hooki ana i keia manao, ke olelo nei makou, aole ke aupuni Repubalika o Hawaii i ike iki aku ia Liliuokalani he “Regina” (Moiwahine) oia no ka Aupuni – aole. a o na hapai olelo ana malalo o keia kulana kakauinoa ana, aole kahua kanawi e ku ai. Ma ka wa i noho ole ai ke “Alii” maluna o ka nohoalii o Hawaii, ua ikeia no oia o (Mrs.) Dominis Liliuokalani, aole o Liliuokalani Regina, a ma kona wa i kau ai maluna o ka nohoalii, mamuli o kona hoohiki ana i ke Kumukanawai o 1887, ua loaa iaia ka inoa oihana, oia o Liliuokalani Regina: aka, i kona uha’i ana i ke Kumukanawai i haawi mai iaia i kela inoa oihanam hooneenee a hookaawaleia aku oia mai luna aku o ka nohoalii a kela Kumukanawai i kakoo ai, ua pau kela inoa pili oihana mai iaia aku, a hoi hou iho la oia a kona inoa kamaaina mua, oia o Mrs. Dominis Liliuokalani.

  O kekahi mea nui e nana ai kakou, me ka kaulike ame ka ewaewa ole, oia keia: Oiai e ae aku ana makou, ma ke ano he keehina lawe olelo kukukumanao ia ma keia kalai olelo ana, ua hoole io ke “Alii” i ka oiaio o kela palapala haalele nohoalii ana i kakauinoa ai, aole nae ia he mea nona e hookuuia aku mailoko aku o kona puliki aloha ia ana e kana olelo hoohiki kaokoa mawaho ae o kana olelo hooia malalo o ua palapala “epa ‘la,” no kona ae ana, malalo o ka hoohiki, e kokua no oia i keKumukanawai, na kanawai ame ke Aupuni Repubalika o Hawaii, a. aole hoi ia e kokua, ma kekahi ano i ka ho’iho’i hou ana a kukulu ana paha i kekahi aupuni Moi

ma ko Hawaii Pae Aina.

Na Lono Pauaka no ka Powaia

o Liliuokalani.

  Nu Ioka. Feb. 13. – Penei ka hoike a ka lono kuikawa i loaa mai i ka nupepa Sun mai Wasinetona mai: Mamuli o na olelo a Kapena Palmer, ke kakauolelo a puuku o ka Moiwahine (i pau) Liliuokalani, aia ka he hoolala hololea ua hoomakaukauia no ka lawe ana i ke ola o ke “Alii,” a o na kanaka i haawiia ai keia karaima omokoko, ua manao wale ia, eia lakou ma ke alahele e hoea mai ai i ke kapitala nei. Ua hoea mai lakou, pela ko kakauolelo Palmer manaoia, i keia pule iho la mai Honolulu mai, ma ka manawa no a Kuhina (i pau) Kakina i hehi mai ai ma ka lepo o Amerika, a ua hoomaopopoia he poe hoaloha lakou no ke Aupuni o Dole, a o ko lakou manao oia ka pepehi a make o Liliuokalani, oiai oia wale no ka hana palekana loa e loaa ai ka hoohui Aupuni.

  Ua hoomaopopo o Kakauolelo Palmer no kekahi mau la i hala ae nei, wahi no ana, aia he upuia ana e lawe i ke ola o ke “Alii,” aka, i keia la wale iho la no i loaa m ai ai iaia he mau hooia oialo ana mai Honolulu mai e pili ana no ke ku ana o ke ola o Liliuokalani i ka pilikia. Ua loaa mai lala mai kekahi kanaka i kamaaina ole iaia, he lono telepone mai kahi mamao mai i keia auina la, i hoounaia mai e kakahi mea i kamaaina i ka olelo Hawaii, a e hooia mai ana ia i na lono i loaa iaia maloko o ka palapala @ kou@ a aku ana ke ola o Liliuokalani @ o ka pilikia nui. O ua kanaka ia ma ke mea la he Hawaii no a he kanaka @ i makee nui ia Liliuokalani. Ua puke ae la ka inoa o Kuhina Kakima ma keia kamailio ana. Ua olelo mai ka kela kanaka i ike ole ia kona ano ma kela weiau mai o ka uwea, o Kakina kekahi o na poe ohumu lawe ola.

  Ua kaheaia aku o Kakauolelo Palmer e hele mai i ke telephona ma ka hora 8 @ (o ka po) mamuli o kekahi hoike ma ke kanaka hoouna olelo telephona m@ ma Wasinetona, ua makemake kekahi mea e kamailio iaia. Hele koke aku la ia i kahi o ke telephone a ike iho la @ he mea e kamailio ana ma ka olelo Hawaii. Aole i kamaaina o Mr. Palmer i keia olelo, a ua pele (spell) ia aku @ iaia ua lono ia ma na hua palapala Hawaii. Kakau iho la ia a ike pu iho @ nohoi ia i ke ano pihoihoi uluku e ka mea nana i hoouna mai ua lono la, mamuli o ka pupuahulu o kana kamailio ana mai, holo kiki aku la ia iluna ia Liliuokalani, a malaila i hoonohohoho ia ai na hua palapala i mau huaolelo. Ua piha pahaohao loa “ke Alii.” Ua ike nooia (“ke alii”) he mau palapala mai Hawaii mai, a ua hooiaio loa maila hoi keia lono i kona mau haili hopohopo. Ua haawi koke aku la oia he kauoha e haalele koke iho i ka Hou@ Shoreham. Ua opeopeia ae la kona mau ukana, a e haalele koke iho ana oia ia anei. Ua haiia mai hoi ka lono mai kekahi mea mai o loko ponoi o ka “pea@ alii” aole ia e haalele ana ia Wasinetona, aka, e noho ana nae ia ma kekahi wahi e ae, ma kahi mehameha loa o ke kulanakauhale. he kanaka ole e hoao ikaika ia ana e hunakele @ i kona wahi e noho ai.

  Ua haiia aku la o Kakauolelo Palmer no ka makemake ana o ka Moiwahine e haalele iho i ka hotele, a kauoha aku la iaia e hoouna koke aku i ka Ha Keokeo, a e hai aku i ka Peresidena no kona nee ana aku i kahi e. Ma ka o ka hoounaia ana aku oia olelo @ hele kino maoli aku la no o Palmer ka puuku, me ka ukaliia ana e M@ Heleluhe, kakauolelo kanaka maoli ka “Moiwahine.” Ua halawai o Mr. Palmer me Kuhina Thurber a hoike aku la iaia i ka makemake o ke “Alii,” haa lele iho ia Shoreham. Ua piha ka haha loa na poe o ka hotele ma ka @ a Kakauolelo Palmer i hai aku ai i @ lohe no ko ka “Moiwahine” makemake. Ua manao loa lakou e noho ana la @ ma Wasinetona no kekahi mau mahu@ lehulehu hou aku. Ua manaoio o K@ kauolelo Palmer, ua ulu mai keia @ ana e lawe i ke ola o ke “Alii” mai @ Peresidena mai o ke Aupuni iiawa Ua hoikeike ae ia oia he elua mau palapala, me ke kuni o Honolulu, no Ianuari 28 me 29, a oiai nae ia i hoike o mai ai i na inoa o na mea na laua kakau, aole nohoi i na olelo iho o lokua olelo mai la oia, ke hooikaika @ ke Aupuni o Dole e hookikina i na kanaka maoli e kakauinoa malalo e i palapala hoopii no ka hoohui aina.

  Alaila, hoomakaukau iho la oia i hemahope ae nei:

  “Ua ike maoli ka poai kauu-ko i hiki ole maoli ia lakou ke hoopaa @

lakou ku maikai ana, aia wale @ kokua aku o Amerika Huiia ia lak@ a o ko lakou waihona waiwai (Aupuni) aia no ia ma ke kulana e hiki ole @ hoikeia ae kona ano imu o ke ak@ nolaila, aole he mau hoolaha akea @ i hanaia no ia mea iloko o na mah@ i hala ae nei, a aia hoi ke Aupuni hope lilo ma ka hookaa dala ana, m@ loko o kona mau keena oihana apa@ e loaa ana hoi i na kanaka he wahi h@ o ko lakou uku, ina no he hana ia o @ Hale Aupuni. E hoohanaia mai ana @ dala, ka ike hoopahele ahaolelo am@ hana e ae ma Wasinetona nei, mahoi@ iho o ka la 4 o Maraki, i mea e ko @ keia hopena. Ke nana mai nei o Mr. Dole ame kona poe paa-lao ia mea kekahi wale no, ma ke ano oia ko lak@ mea e pakele ai mai ka hapanui mai na kanaka i kue ia lakou. Aka ne@ ka mea pahaohao loa i loaa mai @ ma na lono hou mai nei mai Honolulu mai, o keia poe kanaka i hoea mai a ma ke Kapakai Pakipika, aole ia i kekahi hana e ae, aka, no ka ma@ maopopo ia e lawe i ke ola o ka ‘Moiwahine.’ oiai, elike me ka loihi o @ ola ana, e lilo ae nei ia i kumu akeake no ka pono o ka hana a ka poe hoo@ Aupuni.”

KOLEKOLE KA NO’A A KAPENA

PALMER

 

  Wasinetona, Feb. 20. – Ua kolek ae nei ka io maoli o kahi kaao ka@ hao a Kapena Palmer i haku ai no @ upuia ana e laweia ke ola o kana “Alii” aloha, a ina paha he ike ke kap@ okakau i ke ano oia mea he “lepe mea malulelule, ina ia paha ua huna oia kona poo no ke ao mau loa ma keke@ wahi kaheka koliullu o Lae-a-ka-i (Cape Code).

  Ua loaa mai ka lono “powa ola” ma ka telephona, a i ke pela (spell) ana a Kapena Palmer, ma kona ano maopono ole, ua pela ae la ia i na huaolelo Hawaii, a houluulu ae la ia i keia hopunaolelo Hawaii: “Makemake kela Moiwahine kela puaa kalua, a he liio kalua?” A o ka unuhina o keia penei ka heluhelu ana: “Does the Queen want roast pig or roast dog?”