Ka Nupepa Kuokoa, Volume XXXVII, Number 13, 1 April 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

THE HOLLAND SUBMARINE TORPEDO BOAT.

The submarine boat built by Inverntor Joseph P. Holland is now ready for war purposes. In approaching an enemy's battleship the Holland is kept just below the surface until either range of her guns. Then the boat descends twenty or thirty feet and moves forward to within a mile of the enemy, when it comes to the surface for a moment. During that moment the operator by use of the steering gear points his boat directly at the battleship, thus aiming the bow gun, and at the signal from him the gun is discharges, throwing a dynamite shell at the enemy. Before the shot can be effectively returned the operator releases the valves which sink the Holland out of the way of the guns of the battleship. Approaching broadside of the battleship and remaining below the surface, the Holland projects a Whitehead torpedo from its second bow tube. Passing under the ship, it raises to the surface on the other side and a shell from the stern gun is discharges at the enemy.

 

KA MOKU TOPIDO LUU.

 

MA KE KAUOHA.

KANAWAI 5.

 

HE KANAWAI E HOOLOLI AI I KA PAUKU 1102 O KE KANAWAI KIVILA, E PILI ANA I KA HOOKO ANA I NA PALAPALA KENA.

E Hooholoia e ka Ahaolelo o ka Republika o Hawaii:

            PAUKU 1. O ka Pauku 1102 o ke Kanawai Kivila ma keia ke hooloNia nei i heluheluia ai penei: "Pauku 1102. Na ka Luna Makai Kiekie a o koua hope paha, a i oleia, na kekahi Makai Nui a o koma hope paha, e lawe aku i na palapala kena a pau i hoopukaia aku e kekahi Aha Hookolokolo Kakau me kona sila, i ka aoao i hoopiiia, ma ka waiho ana aku iaia i ke kope o ia palapala i hooiaioia, a me ka kope hoi a ka palapala kumu o ka hoopii, a e huiia me ia i kope pololei o ka palapala kumu o ka hoopii, in a nae he palapala kumu; a in a i loaa ole ka aoao i hoopiiia, e waiho no i ke kope o na plapala la i hooiaioia me kekahi poe, a mea paha e hana ana i ka hana a ka aoao i hoopiiia, a ma ka hale i noho ia e ia."

            PAUKU 2. E mana keia Kanawai mai kona la aku e hoolahaia ai. Aponoia i keia la 24 o Maraki, M. II. 1898.

            SANFORD B DOLE, Peresidena o ka Republika o Hawaii.

 

KANAWAI 6.

HE KANAWAI E HOOMANA AI I KA HOAHEWALA ANA O KA POE I HOOPIIA MA KEKAHI MAU HIHIA I MAOPOPO UA KOMO ILOKO O KA HIHIA I HOOPAI KARAIMA MA KA PAKUI ANA AKU I PAUKU HOU I UA MOKUNA LA.

E Hooholoia e ka Ahaolelo o ka Republika o Hawaii:

            PAUKU 1. O ka Mokuna IX o ke Kanawai Hoopai Karaima ma keia ke hoololiia nei ma ka pahui ana aku i pauku hou e heluheluia e like me keia: "11. Ma ka hookolokoloia ana o kekahi i hoopiiia no kekahi hewa i hoakakaia maloko o keia Mokuna ua hiki no e hoahewaia oia no kekahi hewa i maopopo ua komo iloko o ka hewa i hoopiiia ai oia, e like me ka mea i maopopo mamuli o na mea i hoikeia."

            PAUKU 2. E mana keia Kanawai mai ka la aku e hoolahaia ai. Aponoia i keia la 24 o Maraki, M. H. 1898.

            SANFORD B. DOLE. Peresidena o ka Repubalika o Hawaii.

 

KANAWAI 7.

HE KANAWAI E AE AI I NA POE I HOOLILIOIA AKU AI E LAWELAWE I NA HOOPII MA KO LAKOU MAU INOA PONI MA KE KAHI MAU HIHIA.

E Hooholoia e ka Ahaolelo a ka Repubalika o Hawaii:

            PAUKU 1. O ka mea i lilo laia kekahi kuleana hoopii, (chose in action) i hiki ole e hooliloia, ma ke kakuu, ua hiki no iaia e hoopii ma ia mea ma kona inoa poni ma kekahi hoopii i hiki i ka malalo mae o na pono me na kaulike me na kuleana e waiho ae i ne koi pale i loaa i ka mea i hoopiia e kue ana i ka mea nana i hoolilo a i loaa i ka manawa i hooliloia ai, a i oleia, i kekahi manawa mahope iho a hiki i ka manawa e hoolahaia aku ai no ia mea i ka mea i aie.

            PAUKU 2. E mana keia Kanawai mai kona la e hoolahaia ai. Aponoia i keia la 25 o Maraki, M. H. 1898.

            SANFORD B. DOLE. Presidena o ka Republika o Hawaii.

           

KANAWAI 8.

HE KANAWAI E PILI ANA I NA KAKAU-POKOLE, NA MAHELEOLELO A ME NA KAKAU-OLELO NO KEKAHI MAU AHA HOOKOLOKOLO O KA REPUBLIKA O HAWAII.

E Hooholoia e ka Ahaolelo o ka Repubalika o Hawaii:

            PAUKU 1. Ma keia ua haawiia ka mana i ka Lunakanawai Ehaki o ka Aha Hookolokolo Kaapuni o ka Apana Hookolokolo Kaapuni Ekahi a i kela a me keia o na Lunakanawai Kaapuni o na Aha Kaapuni o ka Aha Hookolokolo Kiekie i hookahi a io ae paha kakau-pokole a me hookahi a oi ae paha mau mahele-olelo no ka lakou mau Apana Kaapuni pakahi. Ua haawiia no hoi ka mana i ka Lunakanawai Apana o Hilo Hema, ma ka Mokupuni o Hawaii, a me ka Lunakanawai Apana o Wailuka, Mokupuni o Maui, e hoonoho me ka apono o ka Lunakanawai Kiekie i oleloia i kakauolelo a me hookahi a oi ae paha mau mahele-olelo no kela a me keia o na Aha Apana i oleloia. E noho no kela a me keia kakau-pokole, mahele-olelo a kakauolelo i hoonohoia pela ma ka oihana e like me ka makemake o ka Lunakanawai nana oia i hookohu, a e loaa no iaia no kana hana ka uku a ka Ahaolelo e hookaawale ai i kela a me keia manawa no ia mea. Ua hiki no kekahi o na Lunakanawai Kaapuni i oleia mahele-olelo paha i hoonohoia e ia e hana i kekahi hana kupono imua o kekahi Aha Hookolokolo o ka Repubalika i oleloia mawaho ae o kahi i hoonohoia ia oia. Aole nae e lilo kekahi mea maloko nei i mea e hiki ole ai e hoohanaia e kekahi o na Lunakanawai Kaapuni , a i oleia kekahi o na Lunakanawai Apana i oleloia me ka apono ole o ka Lunakanawai Kiekie i oleloia i kekahi kakau-pokole, mahele-olelo a kaukauolelo paha e hana ma kekahi mau lihia i hoea ae in a ua kupono.

            PAUKU 2. E mana keia Kanawai mai a mahope aku o ka la e aponoia ai. Aponoia i keia la 25 o Maraki, M.H. 1898.

            SANFORD B. DOLE, Peresidena o ka Repubalika o Hawaii.

 

HAAWINA

KULA SABATI

HAAWINA III. APERILA 17.

Ko Ieau Hoopahaohao ia ana. Mataio 17:1-9.

            A hela ae la na la eono, kono ae la o Iesu ia Petero me lakobo a me Ioane kona kaikaina, a kai aku la ia lakou ma kahi mehameha ma ka mauna kiekie. 2 Hoopahaohaoia iho la ia imua o lakou; alohi mai la kona helehelena e like me ka ia, a keokeo mai la kona aahu e like me ka malamalama. 3 Aia hoi, ikea ae la e lakou o Mose a me Elia e kamailio pu ana me ia. 4 Oleio aku la o Petero ia Iesu, i aku la, E ka Haku, he pono no kakou ke noho maanei; in a oe e makemake, e kukulu makou i mau halelewa i ekolu, nou kekahi, no Mose kekahi, a no Elia kekahi. 5 Ia ia i olelo aku ai, aia hoi he ao alohilohi i uhi mai ia lakou; a he leo mailoko mai o ke ao i pae mai ia, O ka'u Keiki punahele keia, ka mea a'u i olili loa ai; e hoolohe oukou ia ia.

            6 A lohe ae la na haumana, moe iho la lakou ilalo ke alo, makau loa ae ia. 7 Hele mai la o Iesu, hoopa iho la ia lakou, i mai la, E ala'e ae, mai makau oukou. 8 Alawa ae la ko lakou maka iluna, aole lakou i ike i ke kanaka e ae, ia Iesu wale no. 9 A iho mai la lakou mai ka mauna mai, papa mai la o Iesu ia lakou, i mai a. Mai hai aku oukou i ka oukou mea i ike iho nei, a ala mai ke Keiki a ke kanaka mai ka make mai.

            PAUKU GULA. Ioane 1:14. Ike kakou i kona nani, i ka nani o ka hiwahiwa a ke Akua. MANAO NUI. E pono ke hoolohe aku i ke Keiki punakele a ke Akua. OLELO HOAKAKA. Ma ka nana aku ua noho malie o Iesu me kona poe haumana ma na pea o Kaisarea Pilipi. He mau ia eono, (ewalu, mamuli o ko Luka moolelo, e helu pu ana i na la hana elua mahope o ko Iesu kamaailio pu ana me kona poe kaumana,i noonooia ma ke haawina mamua iho nei), ua hoopahaohaoia o Iesu imus o na haumana ekolu. Ua hoikeia keia moolelo ma Mareko 9:2-10; Luka 9:28-36. E pono ke heluhelu mau i keia mau olelo hoike ekolu; a hookuku no hoi i keia hoike ekolu; a hookuku no hoi i keia hoike ana o ka Iesu nani me ko kona hoehaehaia ana ma ka haawina o ke Sabati i hala.

            1. Hala.- he mau la kaumaha Ioa paha keia i ko Iesu mau haumana. no kona wanana e pili ana i kona make i ka wa koke. Kono.- ua waeia na haumana ekouly no ko lakou ano kupono. e Like me na ia hana e ae. Mareko 5:37, a me 14:32,33. Aole he hana kapakahi keia, no ka mea. o na haumana eiwa i koe aole hiki ia iakou ke komo ku me Iesu i kona ana kuka malu, a maopopo kona kulana ano e. Mauna,- ua kapaia o Tabera, ka mauna o ka hoopahaohaoia ana. Aka nae o Heremona, kahi a keia hana kupaianaha, mamuli o keia mau kumu, aole mamao mai Kaiserea aku, he mauna neoneo ia. ka mauna keikei loa keia. 10,000 kapuai ke kiekie. Ua hoike hoi o Luka ua imi oia i kahi mehameha e pula ai, a pinepine na kupaianaha i ka wa a Iesu i pule ai, Hebera 5:7.

            2. Hoopahaopaoia,- loaa iaia ke ano e ma kona kino, aole ma ke ili wale no. aka hoi mailoko mai. he lele kukuna o kona nani Akua, Oihana 9:3; Hoikeana 1:13-16. He malama alohilohi mailoko mai on a. Pela no o Mose, Pukaana 34:29, 30: o Setepano, Oihana 6:15: ma na helehelena wale no: e like paha me na kukuna ano e o ka malamalama uwila i keia mai ia i kapaia na kukuna "X."

            3. Mose. Elia,- na nai kaulana o ke Kauoha Kahiko, ma ko laua nani lani; o Mose, ka mea ume i ka noonoo e pili ana i na kanawai hoomalu; o Elia ke poo o na kaula ma ko lakou oihana hooponopono aupuni. Kamailio,- kukakuka pu lakou ekolu e pili ana i na kumu no ko Iesu kaulia ana ma ke kea. a me kona nani e loaa ai ma kona oihana Hooiapanoai no na kanaka hewa.

            4. Olelo.- Ua hoikeia ma ko Luka moolelo ua hoole lehulehu na haumana, ala nae ua pau ko lakou makahiamoe, a hiaai lakou. a anehenehe. Ia wa, aole ma kekahi moeuhane. ua ike pono lakou i ko Iesu kulana poiuiu. I ka wa e kaawale ai na hoalauna lani, ua makemake o Petero e hooloihi ae i ka hookipa ana. Me ia manao ua hoomakaukau e oia i wahi mau kamala. ke ole ko ke aouli paapu i ka huali. uhi ana ia laua.

            Pono,- maikai loa keia hoikeana: palahalaha ae na palena o kona noonoo ana: ike' moakaka ae oia i ke kuleana lani o ka mea manaoia: hoomaopopo loa oia i ko Iesu oihana kalahala. Aole nae e pono ke noho mau maluna: he mau hana kokua i hooholo ai malalo: oi aku ka maikai o keia mau hana mamua o ka oluolu o ka nanaina lani: mailuna mai e pono ai ke iho aku e hoomalamalama ai i ka pouli o ka poino o lalo.

            5. Ao,- alohilohi loa, a owaowaka olehaleha; hiki ole i na haumana ke ikemaka; ka hoailona o ko ke Akua kokoke ana. Leo.- ua like ko ke Akua leo i ka wa a Iesu i bapetizo ia ai, Mataio 3:12; i ka puka kono o kona hoehaehaia ana, Ioane 12:28; e wehewehe ana i ke ano o keia hana hupaianaha; i mea e hooikaika ai i ka manaoio o na haumana, a no lakou e paulele ai i ko Iesu ano Akua, oiai ua hoahewaia oia e pepehiia a meke make ano lawehala, aia, kuewa.

            6. Makau,- me ka hoomaopopo ana i ka mana Akua i hoikeia ma keia hana.

            7. Hoopa,-mea e ko Iesu hoopa ana ia lakou ma ke ano aloha, menemene, puloku. 8. Iesu wale no, ua lawa nae keia. 9. Papa,- no keia mau kumu: (1) aole ike pono lakou i ke ano o ua mea la; (2) e hoomaewaewa ana ka poe lohe; (3) kue keia hoikeana i ko Iesu nanaina maa mau; (4) o hoea wale ka makemake e hoolilo ai ia Iesu i Moi hookahakaha; (5) i mea e hooikaika ai i ka noolelo o ko Iesu ala hou ana mai ka make mai; (6) ua hooiakaika keia poe mai ka luakupapau mai i ke ano kanaka o Iesu e ahonui ae.

            I. Ka nani o Iesu. 1-3. Owai na haumana ekouly a Iesu i kono ai e malama i wahi halawai haipule me ia? Aia mahea kona pule ana? Owai ka inoa o keia mauna kiekie? I ka wa a Iesu i pule ai, heaha ka mea kupaianaha? Heaha keia hoopahaohaoia ana? Heaha ke ano iko o kona helehelena? Pehea kona mau aahu? Owai na mea e ae i halawai pu ai me Iesu ma? Nohea mai laua? Pehea i make e ai o Mose, Kanawailua 34:5, 6? Pehea i make e ai o Elia, 2 Nalii 2:11? Heaha ko laua mea i kamailio pu ai, Luka 9:31? Heaha na manao koho pono e pili ana i na mea make?

            II. Ka hoike ana mai ke Akua mai, 4, 5. Owai ka haumana eleu loa ma ka hoopuka ana i kona manao? Heaha kona manao? Ua pono anei ka noho mau ana ma ka mauna? Ua ike pono anei o Petero i ke ano o kona manao? Ua maikai ae anei ko Iesu noho mau ana ma Aeremona mamua o kona hele ana aku i Jerusalema e pepehiia'i?  Heaha ka hopena o keia hana kupaianaha? Heaha ka leo mai ka lani mai? Heaha ka olelo kauoha?

            III. Ka pihoihoi o na haumana, 6-9. Heaha ka hana a na haumana i hana'i? Heaha ke kumu o ko lakou makau? Pehea i pau ai ko lakou mau maka iluna, heaha ka mea i ikemakaia? Heaha ko Iesu olelo papa? Heaha na kumu no keia kauoha ia lakou? Mai ko kakou mau pomaikai kiekie mai e pono anei ia kakou ke iho mai ilaio e palo aku ai i na ino o keia ao? MANO PILI. 1. Ua ike pono anei oe i ko Iesu ano Akua? 2. Ua hoohenehene anei oe i kona make ana maka laau kea ma ke ano he mea kalahala hookahi? 3. Ua manaoio anei oe e ola mau loa ana na kanaka a pau loa? 4. E ike pono ana anei oe i kou mau hoaloha pu ana anei oe me ka poe haipule malaila, ke ole kou launa pu ana me na hoahoanau maanei?

            Ua ike o Rev. W. H. Weaver, ke Kahu Ekalesia o ka Ekalesia Bapetito Huiia, Dielsburg. Pa, i ka waiwai o ka Laau Kunu a Kamalena, aole nohoi on a kanalua i ka hoike ana'ku ia mea imua o kona mau hoaloha. "Ua inu a ua ike au he laau maikai loa ia no ke anu, ke kunu ame ka ha o ka leo." Pela no ka olelo a ka poe apau e ka poe kawili a kuai laau lapaau apau. O ka Hui o Benso,  Smith, na Agena ma ko Hawaii Pae Aina.

Hoolaha Human

Ka Ayer Laau Kunu

            No ke Anu. Kanu. Ma'i ma ka Puu, Puu Eha, Anu ame ka Ma'i Ai Akukoenaka kou. Aohe iua e loaa a Laau Kunu a Ayer. O keia ka ___ kunu kaulana loa i ikela ke hoiole___ na lapaau ana maloko o ka Oihana L__ paau. a ua apono loa na Kauka lapaau ma kela ame keia wahi. E hoomahana ana ia i ke aai ana i ka pela lahilahi i pili aku ai ka ma'i. wahiwahi i ka malo paakiki e kunukunu a e maneo ai ka puu, hoopau o ke kunu ana, a ioaa hoi ka oluolu. Ma ke ano laau pale pilikia kokoe loa noloko o ka ohana o ka AYER LAAU KUNU ka heiu ekahi Aohe lua o keia laau no ka hooia ana i ke Kunu Ho. Kunu Kalea, Puu Eha, ame na ma'i apau o ke Ake-mama i loohia mau ai ka poe opiopio. Aohe ohana i palekana, ke ole e loaa ialakou.

 

KA AYER LAAU KUNU

OIA HOI

KA AYER CHERRY PECTORAL,

I homakaukauia e

DR. J. C. AYER & CO.

Lowel, Mass., U. S. A.

 

E makaala loa no na laau hoohalikelike kumukuai emi. Ka inoa o keia laau, oia, ka AYER CHERRY PECTORAL. E ikeia ana keia inoa mawaho o ka wa-hi, a maloko nohoi o ke kino o kela ame keia omole.

Ke pookela o na laau no ka malama ana. ka hooulu ana me ka hoonani ana i ka lauoho, oia ka

 

AYER LAAU HOOULU LAUOHO.

Aole e kepia ke poo. ole na ma'i puu puu , aole hoi helelei ka lauoho. Ina maloohaha mai ka lauoho, hinawai nawe a ano hina mai, alaila. na keia laau e ho'iho'i hou ae a kona ano mua a hooulu lupalupa ae la i ka lauohoi Ma na wahi apau, o keia Laau Hooulu Lahoho a Ayer ke pookela, a ua like ia i punahele a i hoapili no na lelo ame na keonimana.

 

            Ayer's Hair Vigor

I homakaukaukauia e

DR. J. C. AYER, Lowell, Mass., U.S.A.

Na Medala Gula mai na Hoikeike Nui o ke Ao.

 

Hollister Drug Co. Lt.

Na Agena ma ka Pauaina Hawaii.

 

Kakela me Kuke.

Ka Halekuai Nui

O NA

Waiwaii Like Ole

O na Mea

HANA KAMANA A PAU.

Na Lako Pili Hao Kukula Hale,

Na Kepa bolo, Na Lei Ilio, Na Kanlahao Ilio, Na Pahi, Na Upa, Na Kope Hulu, Na Puiupala.

Na Palau Lio

Na Mea Mahiai, Na Au Ho, Na Au Koi, Na kua bipi, Na lei bipi, Na kalahao bipi, Na uwea pa, Na kaa palala, Na mea piuia, Na Ipuhao.

Makau ME Aho Lawaia

Na Iliwai……..  Na Kuia….. Na Hulu Pena….. Na puluni….. Na Pena ne Aila….. Na Kopa….. Na Aila Mahu….. Na Pakeke….. Na Pakeke Hao….. Na Kapu Hao….. Na Panda….. Na Kukaepele….. Na Uwiki, a me….. n Ipukukui…...

 

Mikini Humuhumu Kaulana a

Wilcox & Gibbs

Hookahi Lopi,

KA REMINGTON, Elua Lopi.

A me na ukana he nui  wale kela a me keia ano.

Kakela me Kuke.