Ka Nupepa Kuokoa, Volume XXXVII, Number 27, 8 July 1898 — Page 1
| This text was transcribed by: | Paka Westin |
| This work is dedicated to: | Awaiaulu |
Nupepa Kuokoa
Kilohana Pookela no ka Lahui Hawaii
BUKE XXXVII. HELU 27 HONOLULU, POALIMA, IULAI 8, 1898. NA HELU APAU 2710
Hoolaha Loio.
W.R. KAKELA.
Loio a he Kokua ma ke Kanawai
HE LUNA HOOIAIO PALAPALA.
2370
LYLE A. DICKEY.
Loio a he Kokua ma ke Kanawai.
Notari no ka Lehulehu.
Alanui Kaahumanu, Helu 14. Tel. 682.
Iloko o ke Keena o ka Loio Kuhina mamua, a he Loio Hoopii ma ka Aha Apana o Honolulu.
_____
E hookoia na hana pili kanawai apau mai na Mokupuni mai.
O A.F. Tavares, Kakauolelo, Maheleolelo a Notere no ka Lehulehu. 1yr.
Hoolaha Kumau.
Papa! Papa!
* * Aia ma kahi o * *
LEWERS & COOKE
(Lui Ma.)
Ma ka Kahua Hema o na Alanui Papu me Moi.
_____
E LOAA NO NA * *
Papa Nouaiki
O kela a me keia ano.
____
Na Pani Puka.................................................................____
Na Puka Aniani............................................................. ____
Na Olepelepe..................................................................____
Na Pou...........................................................................____
____ Na O'a.................
____ Na Papa Hele......
____ Na Papa Ku........
____ Na Papa Moe......
_____
* Na Pili Hale
* O na Ano apau.
A me na * *
Wai Hoohinuhinu Nani
O Na Ano Apau.
_______
Na Palaki o na Ano he Nui Wale.
_________
Ke haiia aku nei oukou e na makamaka a pau, na makaukau kiea mau makamaka o oukou e hoolawa aku ma na mea a pau e pili ana ma ka alua Oihana no ka
Uku Haahaa Loa
E like me ka mea e holo ana mawaena e L@@a a me ka Mea Kuai.
E Hale Mai e Wae no Oukou Iho.
He mea pono i kela ame keia ohana ke loa ona laau lapaau mamau o na ma'i o ka opu. I laau lapaau puhili no ka "Moku ino loa o ka lepo" (Diarhea) Nahu, Unii, Kolera ame na am'i apau o ka opu, aole he laau lapaau oi aku o ka maikai nelike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki ha kanalima, a ke ko hana mau ia nei i keia ame keia la, ma na ina apau o ka honua nei. O ka Hui Kuai Lapaau o Hollister O ka Hui Kuai Laau Lapaau o Hollister ka Agena.
THE "BOTTLE" OF SANTIAGO DE CUBA.
The illustration makes plain the reason for the phrase, "bottled up in Santiago harbor." The entrance to the harbor is very narrow. In places it is only 300 feet wide in dtime of peace. On a war footing, with mines in position, the passage for vessels is reduced to about 100 feet in width.
O ke kii mua maluna ae nei, oia ke kii e hoike ana i ke awa o Santiago de Cuba, e ku la na mokukaua o Cervera, ka Adimarala Sepania. O na nuanelu, e hoike ana lakou i ka hohononu o ke kai iloko o ke awa, mailoko aku nei a hoea i ka nuku. Aia na mokukaua Amerika ke ku kiai mai la mawao o ka nuku. A o na moku Sepania nohoi keia iloko nei o ke awa. O ke akea o ka nuku ma kekahi mau wahi, i ka wa kaua ole, he 300 kapuai; aka, ma ka wa kaua, e hoemiia iho ana keia akea a ka 100 kapuai. O ke kii eluaa, oia ke kii o Adimarala Cervera o ke Aumokukaua Sepania e ku la maloko o Santiago. O kekahi keia o na kanaka kaua moana i hilinai nui ia kona ike ame kona makaukau e ke Aupuni o Sepania. He kanaka nohoi ia i piha i ka makau ole ame ka wiwo ole.
Lubiana Kasimila
____
"Owai keia," i hooho ae ai ua Gasepa nei o Valesebuga, me ka hoao ana ae hoi e ala.
" E Gasepa o Valesebuga, ua kauohaia mai nei oe e ka Aha Hookolokolo a na Naita o ka Lima Ulaula, e ele aku imua oia aha a pane ai no ke oia i ola ia e oe iloko o ke karaima ame ka hewa!"
Ia wa i hopouia iho ai oia, a ua hoao ae la ia e oni a i ke kupaka, me ka manao ana e hemo ae mai na lima pukona e paa ana iai, he ole nae ka hemo.
Ua nakiikiiia iho la kona mau lima ame na wawae i ke kaula, hoopaala iho la kona wha i hiki ole ai iaia ke u-wa ae, a ua laweia aku la oia no kahi ana i ike ole ai.
He nui nohoi na poe e @e i hopuia a i laweia aku no kahi a lakou i ike ole ai. A ma ka wa i o mai ai na kukuna o ka la i kekahi kakahiaka ae, aole i koe aku kekahi kanaka o ka puulu kanaka elike me ko Gasepa ke ano ma na kaiaulu apaua o ke kulanakauhale alii o Bohemia.
O keia poe apau, ua hoakoakoaia ae la lakou maloko o na naia laahia o ka luakini o Sana Maria.
Ano, e kuu makamaka heluhelu, ma keia wahi e huli aku ai ka kaua nana ana maloko o na paia o kalukini o Sana Maria, a malaila kaua e ike ai i kekahi anaina eehia a ku nohoi i ka weliweli.
Ma ke kakahiaka nui o kekahi la ae, ua paa pono o loko o ka luakini o Sana Maria, kona mau paia ame kona mau pou i na kahakahana lole eleele o ke kanikau. A ua pula pu ia hoi o loko o ka pouli poele hooanoano, mamuli o keia mau kahakahana lole eleele i owiliia ae iloko ona, a i ahona iki wale no i na ihoiho kukui kakaikahi e a ana ma kekahi wale no i na ihoio kukui kakaikahi e a ana ma kekahi kuono o loko ona, aka, aole nae i lawa ko lakou ikaikaa hoomalamalama e hoauhee ae i ka poeleele e poipu ana i loko o ka hale.
E hoomanao oe, e kuu hoa uhalalholo o keia moolelo, o keia kuakini a kaua e ike nei, oia no ka heiau hoano i poni ma uia ai na Moi o kaaina ame na lala koikoi apau o ka oihana kahuna o ke Aupuni Ekalesia o Roma, maloko o ke Aupuni o Behemia, mai ka wa kahiko loa maia o ka noho ana oia Aupuni.
Aia ma kahi e a ana na ihoiho kukui, e ikeia aku ana he wahi holo-papa kiekie, ma ke ano he nuu. Maluna iho o keia wahi e ku ana kekahi pakaukau haahaa, i uhiia me kekahi kihei eleele. A ma keia pakaukau e noho ana he ekolu ma kanaka i aahu ia me na aahu eleele lolea.
O keia poe ekolu o lakou no na lunakanawai kiekie o loko o ka Hui a na Naita o ka Lima Ulaula o Bohemia. Ua uiia io ko lakou mau maka e na pale eleele, a e ku ana mamua pno mai o kahi a lakou e hoho ana he poe Naita i aahuia me na kapakila eleele, me na pahikaua e hulai ana ma ko lakou mau lima.
Aia ma ke anuu mamua pono mai o ka noho o ka lunakanawai kiekie o keia aha, e ku ana kekahi Naita i aahuia me ke kapakila eleele, a oia ka Ilamuku o loko oia aha.
E hoopuni ana i na wahai he nui o loko o ka luakini he poe kanaka lehulehu loa i aahuia me na aahu eleele.
Ma ka wa i anehe mai ai na kukuna o kala e ho-olino mai ia lakou iho maluna o na mauna, na puu, na ululaau, na oawa, na kula ame na kauhale o Bohemia, ai wa i kani kui-ke ae ai na bele leo hoanoano o ka halepule o Sana Maria, a ma ia wa hohoi i loheia aku ai ke kahea ana mai o ka lunakanwai kiekie, i ka moa o Rupereto o Frankenstein, a ua hoopukaia ae la nohoi ia inoa e ka Ilamuku o ka Aha, oia ka Naita o ke kapakila Eleele, ka mea a kaua e hoohewahewa ole iho ai, oia no ka Naita Mamiona.
Emoole hoi, ua alakaiia mai la ua Duke Nui nei, i hoaahuia i ke kapa i-e a ku ana imua o ka noho hookolokolo.
"E Rupereto o Frankenstein," wahi a ka lunakanawai nui i pane mai ai, "ua hoopiia mai oe no ka pepehi kanaka ame ke kipi. Heaha la kau pane no keia?"
Alaial, me ka leo haalulu ano pihoihoi, pane aku ia ia:
"Mahea la au i kipi ai?"
"O ka hewa kipi au i hana ai, oia kou ohumu manao ino ana e lawe i ke ola o ka Moi Ioane, a mamuli hoi o kou hopu manao ino wale ana i ke kino o Ludowigo o Drosendorf, ka mea nona ke kulana alii i oi ae mamua o kou a ua kue maopopo oe i ka maluhia ame ka pono o ke Aupuni."
"aole loa! Aole loa!! Owai ko'u mea nana i hoopii mai ma ia ano?
Owai oi ko'u mea nana e hoahewa mai?" i pane aku ai ua Rupereto nei me ke ano p au iki ae o kona ano pihoihoi.
"Owau no," wahi a kekahi leo i poha mai maiwaena mai o na kanaka ekolu e hoho ana ma ka noho hookolokolo, a hia hoi ke kanaka e oho ana ma ka lima hewa o ka lunakanawai nui o ka aha.
Ia wa nohoi i wehe ae ai ua kanaka ia i ka uhi maka e uhi ana maluna iho o kona poo, a ia wa i ikeia aku ai na helehelna hanohano o Barona Ludowigo o Drosendorf, ka mea a kaua e kuu makamaka heluhelu e hooamano ae ai, oia no ka luaui makuakane o ka Lede Ariadane. A ia wa oia i pane mai ai: "E Rupereto o Frankenstein, owau nei o Ludowigo o Drosendorf, ka mea nana oe e hoahewa aku; a ke kahea ae nei au i ke Akua hoano loa, e lilo i hoike no ka oiao o ko'u hoahewa ana ia oe."
Alaila, noho hou iho la ia ilalo, a uhi hou iho ia i ka uhi maka maluna o kona poo.
"E Rupereto," wahi a ka lunakanawai nui, "e ike no oe i na hoike e ku mai ana ma ka aoao hoahewa ia oe."
Ma ia wa i laweia mai ai o Winifereda ame na wahi kanaka elele elua, oia o Harold ame Saulo. Ua hoike pakahi mai la lakou i ka lakou mau olelo hoike no na hana karaima a Rupereto i hana ai. Aole hiki ia Rupereto ke alo ae mai na olelo ike mai a keia poe, a ma ka wa i pau ai ka lakou mau olelo hoike, aohe ana mea e pane ai, nolaila, ua hoahewaia oia.
(Aole i pau.)
______________
(Hoopaneeia mai kela pule mai.)
KA MOKUKAUA "MONIKA" MONTEREY.
_____
ma uka auina la o ka Poalima, IUne 24, o kela poule aku nei i ku mai ai ka mokukaua "Monika" Monterey no Honolulu nei.
O ka loa o keia moku he 256 kapuai; ka laula, he 59 kapuai: ka nui okona mau tona he 4084. H eelua ona mau batari pu. Hookahi no ka papa akahi, a hookahi no ka papa elua. Ma ka papa ekahi, he elua ma pu nunui mamua o kona papu pale iluna o ka oneki, a h 2 nohoi pu e huli ana i hope. O na pu o mua, he 12 iniha ke anawaena o ka waha, a h 45 kapuai lea. O na pu o hope, he 10 iniha ke anawaena o ka waha. O ka batari helu aelua, aia malaila he 12 mau pu kani alapine. O ka manoanoa o ka hao e hoopuni ana i kona kino, maio ka 6 a ka 13 iniha; ma kona papu hao poepoe maka oneki, mai ka 7 1-2 a ka 8 iniha; a ma kona mau papu pale, mai ka 11 1-2 a ka 13 iniha. Ua hoomakaia ka hanaia ana o keia moku ma ka makahiki 1889, a o na lilo apau no kona hanaia ana, he $3,628,950.
O kona kapena oia o E.H.C. Leutze, he kanaka Perusia ia, a ma Amerika kona wahi i hoonaauaoia ai ma ka oihana kaua moana. O ka nui o kona poe kanaka, na 'lii ame na luina, ua hiki aku i ka 200.
Ma ka auina la Sabai nei, na hookuu laula ia oia no ka makaikaiia ana e na kanaka o uka aku nei o ka aina. Ua aneane e hiki aku ka heluna o na kanaka i kau aku maluna ona i ka 2,000. He lehulehu loa o na Hawaii maoli i komohia pu aku iloko o keia huakai. Me h mea la he 3 paha kapuai ke kiekie o kona wahi i koe maluna ae o ka ilikai, a ina e piha oia i ka lanahu, e haule iho ana keia kiekie a ka 1 kapuai me hapa. Ua maopopo loa, o kna oneki, he wahi holo-a-i'a wale no ia na ke kai, ma kona wa e au ai i ka moana. A oia no ke kumu i pau ai kona lako lanahu i ka pulumi ia e ke kai mahope iho o kona haalele ana aku ia Kapalakiko.
He moku lawe lanahu kekahi ona, mai Kapalakiko loa mai nei, a hala loa aku la no Manila
Ma ka Poalua nei i haalele mai ai oia ia Honolulu nie, a au kau la i ke kai, make alahele e hoea aku ai i Manila.
Ma ka auna la Poakolu nei i haalele mai ai ka mokukaua Monterey ia loko nei o ke awa, no kona holo ana kau ma kona alahele i Manila. Ua puka aku la ia mailoko aku nei o ke awa a waho o ke awa kakali mai la ia o ka puka aku o kona moku lawe lanahu. Aole nae ia moku i puka iki aku a hoea wale i ka hora 3 a oi. I ka puka ana aku hoi o keia moku a halawai me ka Monterey, ua hoomaka like aku la laua e holo, aole nae i liuliu ua hookani ae la ka moku lawe kanahu i kona oeoe e hoike ana i kona pilikia, a no ia meaua hookauluaia ko laua holo ana. Ua hekau hou laua no mawaho iki aku o ka nuku, a ma ke kakahiaka Poaha nei i komo hou mai ai ka Monterey n oloko nei o ke awa. U aoleloia ua pilikia kekahi o na mea paahana o ka mikini o ka moku lawae lanahu, oia hoi ka Brutus.
______
UA LILO ANEI O PILEPINE IA GEREMANIA?
______
Maderida, Iune 21.--Ma ka pule i hala, ua halawai kamailio iho la o Senor Sagasa me kekahi elele kuikawa mai ka Emepera Geremania mai, ka mea i aawila mai ai na hana o ke kuka pu ana me ke Aupuni o Sepania, no ke kumuhana mahope ae nei, ma ka aoao mai o ka Emepera Geremania: E lilo ia Geremania ka mana hoomalu maluna o Pilepine no na makahiki he iwakalua, a ma ia ano e lilo ai ko Sepania mana ma ia poe aina ia Geremania; nana hoi e hoopaa hou i ka nohona maluhia ma ua mau mokupuni la, a e hookiia ke kaua. I uku panai no keia mana hoomalu i loaa ia Geemania, ua ae oia e uku aku i ka waihona o Sepania i ka huina o $500,000,000 Geremania ma ke gula, no ka hoomauia ana o ke kaua ma Cuba.
_______
Ua loohia mau ka maua bebe i ka mai nahu ame ke kolera infantum mai kona wa i hanau mai ai, a o ka mea wale no i hiki ia maua ke hana, oia ka haawi ana aku iaia i kekahi mea e loaa ai iaia kahi oluolu no ka manawa, a hiki wale i ko maua hoao ana i ka Laau Ola a Kamalena no ke Nahu, ke Kolera ame ka HI. Makemake maua e haawi aku ia oukou i keia olelo hoolaha i hoike no ko maua mahalo nui, aole hoi no ko maua ike ana i mea e hoolaha aku ai oe ma ke akea.--G,M. Law, Keokuk, Iowa. E kualia ana e na Poe Hana a Kuai Laau apau. O Benson, Smith & Co., Ltd., na Agena kuai kukaa ma Ko Hawaii Pae Aina. *
MRS. LUKA J. A. MAGUIRE UA HALA. ALOHA NO:
______
Ma Huehue, N. Kona, Hawaii. @@@ ke ahiahi o ka la 27 o Iune, 1898, i apuahe mai ai i keia ola ana o Mrs. Luka, ka wahine mae a John a. Maguire, ko makou makamaka aloha nui loa me ke kaa mai ole a waiho iho la i ke kane e u hookahi aku mahope nei. Ua hanauia o Mrs. Luka Maguire, ma Waimea, S. Kohala, Hawaii, mai na puhaka mai o H.K. Hopulaau ame Ana (w), ma ka la 8 o Feberuari 1854, a malaila no ia i na la opio, a ma ka la 27 o Feberuari, 1870, i mae ia ai oia me J.A. Maguire, a elike me na kokoia o ke au o ka manawa, ma ka M.H. 1873, ua hele aku la, a noho ma Puuhue, Kohala, a mailaila aku a noho ma Honopueo, Kohala, a nee hou ma Kapaau, Kohala, malaila laua i noho ai a hiki i ka M.H. 1883, me ka hoomanawanui i na inea apau, a hoi hou aku la no Puunue ia makahiki no a hiki i ka M.H. 1890, lilo loa ia hui ia J.A. Maguire, malaila laua i alo ai i ke anu o ua uka iu ana la no elima makahiki, a ma ka M.H. 186 laua i nee loa mai ai a noho paa ma Huehue, N. Kona, Hawaii, a waiho na iwi no ka moe i ka moe kau a hooilo. Aloha ke anu o Waimea me ka ua kipuupuu, aloha o Pili me Kalahiki ola na puu haele elua, aloha na ao opua o Kona e hina ae la i Awalau, ua hala ua pio ke kukui o ka home o J.A. Maguire. He wahine oluolu a akahai loa o Mrs. Maguire, a he ekolu a lana keiki, a hookahi e oia nei. Nui na makamaka i hiki ae e ike hope iaia.
Aloha nui,
J.K.N.
N. Kona, Hawaii, July 4, 1898.
__________
NOWAI KA HEWA?
______
He wahi moolelo eohohia ai na poe heluhelu he nui ma Honolulu.
__________
Ina e kakahea mai ana ka o-le puhi iloko o ka punohu a ka ohu, e hoike mai ana i ka mea holomoku e hookaawale aku ia mai ke kapakai aku a hoopaakiki no nae ia i ka hookokoke ana mai i ke kapakai a ili iho la ka moku ilaila, nowai la ia hewa? Ina hoi ua kaula mai ka hoailona ulaula, a hoomau aku la no nae ka wiliki i ka onou ana i kona kaa e holo imua, a hookui aku la me kekahi kaa okoa aku, e ahewa i ka wiliki. Ina hoi e hoao kekahi lima paahana noonoo ole e nana i ka nui o na nihoniho o kekahi pahiolo nihoniho e niniu ana a hoao hoi ka pahiolo e nana mai i ka nui o na manamanalima o ua hupo nei, a moku a lele e kona mau manamana, e ahewa aku i ua kanaka paahana ia, aole i ka pahiolo. Ina hoi ua ike kekahi kanaka e loaa ana iaia ka oluolu mamuli o kna ai a inu ana paha i kekahi laau lapaau, a ina e hoohemahema oia i ka ai a inu ana i ua laau la, e ahewa aku i kela kanaka, aole i ka laau. Ina hoi e lawelawe ole ana na kanaka o Honolulu i loaa i na ma'i o kapuupaa ame ke kikala haneenee, mamuli o kaai ole ana i na huaale a Doan no ke kikala haneenee ame ka puupaa eha, ma ka wa e hooiaia ai ua mau huaale la no ke oa @, e na kanaka he lehulehu loa, alaila, e ahewa i ko Honolulu poe kanaka ai ole i keia huaale, aole i kapoe na lakou i hooia mai i ke ola io o ua mau huaale la. E heluhelu iho i keia olelo hooia:
Penei ka olelo a Mrs. C.J. Thomas o 238 Alanui Chestnut, Scranton, Pa.: "Ua loohiaia au i kaeha ma kuu kua, a he nawaiiwaii ma kahi o na puupaa no eiwa a umi makahiki. Ua holo ae la ka eha mai kuu kua ae a noea i ke poo, aole i kana mai ua eha o ke poo. Ke ala ae au i ke kakahiaka nui, ua aneane maoli au e oopa a laau ke kino, ame ka eha nui maoli e hiki ai au ke hele ae. E eha ana nohoi au ma ka wa e oni ai kekahi io o kuu kua, elike me ke kulou ana aku imua a ku loihi ana paha ma kok'u ma wawae. Ike iho la au i ka hooiaha o na Huaale a doane no ke kikala haneenee ame ka puupaa, a hoao iho ia au e ai ia mau huaale. Ua ola loa au i keia wa, a ua hiki ia'u ke hoike aku no ia mau huaale, elike me ko'u ike ana i ko'u pono io ana."
E kuaiia aku ana na Huaale a Doane no ke kikala haneenee ame na puupaa e na poe kuai laau lapaau apau, no 50 keneta no ke pho, a e hoounaia aku ana ma ka eke leta e ka Hui Kuai Laau o Hollister(Hollister Drug co.), Honolulu, na AGena, ke loaa mai ke kumukuai.
E hoomanao i ka inoa ka Doane Hualle, a mai lawe i laau e a ema kona wahi.
_____
He 8,000 ka nui o na koa Amerika i makaukau ma Kapalakiko i keia wa aku i Manila.