Ka Nupepa Kuokoa, Volume XXXVII, Number 48, 2 December 1898 — Page 1

Ka Nupepa Kuokoa

KE KILOHANA POOKELA NO KA LAHUI HAWAII

 

BUKE XXX VII. HELU 48.  HONOLULU, POLIIMA DEKEMABA 2 1898 NA HELU APAU 2731

 

HOOLAHA LOIO.

 

W.C. AOHI

 

ACHI & JOHNSON,

LOIO!   LOIO!   LOIO!

 

Keena Hana, Helu 10 aoao Komoaana

Alanui Moi.

 

 

W. R. KAKELA.

Loio a he Kokua ma ke Kanawai

 

HE LUNA HOOIAIO PALAAPLA.

2370

 

LYLE A. DICKEY.

 

Loio a he Kokua ma ke Kanawai.

Notari no ka Lehulehu

 

E hookoia na hana pili kanawai apau mai na Mokupuni mai. Kihi o Alanui Betela me Moi.  Pahu Leta 786 Telepona 806

 

 

Hoolaha Human

 

Papa!   Papa!

Aia ma kahi o

 

LEWERS & COOKE

(Lui Ma.)

 

Ma ke kahua Hema o na Alanui Papu me Moi.

 

 

E LOAA NO NA

 

Papa Nouaki

O keia a me keia ano

 

Na Pani Puka.........

Na Puka Auiani .....

Na Olepelepe ........

Na Pou...................

Na O’a..............

Na Papa Hele....

Na Papa Ku......

Na Papa Moe.....

 

Na Pili Hale

O na Ano apau.

 

A me na *  *

 

Wai Hoohinuhinu Nani

 

O na Anu Apau.

 

 

NA PALAKI O NA ANO HE NEI WALE

 

                Ke haiia aku nei oukou e na makamaka a pau, ua makaukau kea mau makamaka o oukou e hoolawa aku ma na moa a pau e pili ana ma ka laua Oihana no ka

 

Uku Haahaa Loa

@ like mae ka mea e holo ana mawaena a  L@@@ a me ka Mea Kuai

 

E Hele Mai e Wao no Oukou Ihe

                O ka eha ma ka umauma ma ka wa i loaa ai ke kanaka i ke anu, e kaualako aku ana ia i ka numonia (pneumonia).  O kahi welu hululu i hoopuluia me ka Laau Hamo a Kamalena, a hoopili iho ma ka umauma, maluna pono o kahi o ka eha, he mea ia e ola koke ai ka eha, a pale ia aku ka loaa ana i ka numonia.  E ola no ke kua eha ke hanaia elike me ia iloko o na hora pokole.  E kualia ana e na poe kuai laau apau.  O Benson Smith & Co., na Agena o Ko Hawaii Pae Aina. *

 

KA MEA HUNA POHIHIHI

Uauhila e Hooulumahiehiena “Ke Kiiohaua Pookela o ka Lahui Hawaii”

MOKUNA XLVIII.

 

                Ma keia wahi pane mai la ka makai kiu:

                “E ae mai oe, e hoomaka au i ka’u moolelo mai kinohi mai.  Ma ka po a’u i haawi aku ai ia oe i ke ki o ka puka pa o ka hale noho o ka Lede Beatirisia me kana kane, ma kahi i kapaia o Evergreen Home, oia ka wa au i hookuu loa mai ai ia’u mai ka noho hana ana malolo ou.  Nolaila, i kekahi la ae, ua hoomau aku la no au i ka huli ana i na mea aku i koe e pili ana i keia mea huna pohihihi mamuli o ko’u makemake iho, me ka manaolana no nae ina e hoea aku ana au i ka hopena maopopo o keia hana, e loaa no ia’u kela huina dala lehulehu a ka Haku Tereveliana i hoolaha ai i kahi wa i hala hope loa ae nei.  Ua hele hou aku au i ka Evergreens, a ike iho la au, ua haalele ke Kauna. ia wahi.  Mamuli hoi o ko’u huli hoomanawanui ana, ua loaa aku la ia ia’u ma kekahi wahi noho o ka ohana ‘lii Rosevena ma na kuaaina.  I kona ike ana, ua hoea aku au i kona wahi i noho ai, ma kou wa hoi i huli hoi ae ai no Ladana, o kona wa ia i nalowale hou aku ai.  Aka, ma kela la aku nei, ua ike nou au iaia ma Hametona Hale, malalo o kekahi aahu huna, me kona manao e nalo ana ia mai ko’u mau onohi maka aku, aka, ua nalowale no nae oia mai a’u aku.  Ma nehinei, ua noonoo au, ua hala hou oia i ke kuaaina, a ua haalele hoi i ke kulanakauhale, oiai ua lohe iho la au, e hhaalele ana ka Lede Beatrisia ia Ladana a e holo mai ana oia i Hametonavila.  Ua noonoo nui au i keia hana kamehai a ka Lede Beatirisia, a ua lilo ia i mea no’u e haawi ai i kekahi olelo hooholo, me he mea la i hele oia i Hametonavila i wahi e hiki ai iaia ke hui malu me kana kane ame ka laua poe kei’ke.  Ua hooikaika loa ia mai hoi keia manao ou, mamuli o ko’u hoomaopono ana, he aha hulahula ke haawiia ana e kekahi o na hoaloha oiaio loa oka Lede Beatirisia ma ia po, “eia nae, aole i ae keia Lede Beatirisia e hookaulua iho i kana huakai hele a pau keia hulahula.”

                “A eoa nae paha o Geofere ma keia mai kaiaulu?” wahi a Adelo i ninau aku ai i ka makai kiu.

                “Aole. Aka, manao nae au e hoea mai ana ia i keia la.  Ua maopopo loa ia’u keia mea.  Ma ka la hoi i nehinei, ua hoea aku au i Hametonavila, a ma ko’u hoomaopopo ana, aole oia ka la a ka Lede Beatirisia i manao ai e hoea aku kekahi malihini i makemake loa ia e ia e hoea aku ilaila.”

                Alaila, kamailio aku la hoi o Adelo imua o ka makai kiu ma ka hoike ana aku imua ona, ma ia wa a laua e kamailio ana, aia ka Haku Rosevena, ame Miss Alamira ame kahi keiki o Jose Iluna oia hale, a e hele aku ana lakou no Hametonavila.

                Ku iki iho la ua Haku Adelo nei a liuliu, alaila, pane hou aku la ia imua o ka makai kiu:

                “Ke hoomanao nei au, ua haawi ka Makuisa Tereveliana i kekahi makana nui, ma ke dala, no ka mea e hiki ana ke hopu a paa o Geofere Tereeliana. Owau no kekahi e haawi ana i uku nui a mahuahua nohoi, ke paa oia i ka hopu ia.  Nolaila, e Mr. Rush, o kou wa keia e noho ai iluna o ka waiwai, a ma ia wa hookahi nohoi, mamuli o ka hopuia ana o Geofere Tereeliana e oe, e lilo ai oe i makai kiu kaulana loa no Pelekane nei.  Eia ko’u makemake ia oe, ma ka wa e akoakoa malu ai ka Lede Beatirisia, me kana kane – Geofere Tereveliana – ame ka laua mau keiki oia kona wa e hoea  mai ai me kekahi mau makai, ame kekahi palapala hopu; a oia hoi kou wa e hopu aai ia Geofere Tereveliana, oiai no ia e nnoho pu ana me kana wahine. Aohe nana iaia.”

                Me na helehelena houoli pane mai la ka makai kiu:

                “E hooko aku ana au i kau mau mea apau i kamailio mai la.”

                I keia wa i haalele iho ai ua makai kiu la ia Adelo, a kamoe aku la kona mau kapuai ma ke alahele e hoea aku ai i kahi e loaa ai he palapala hopu no Geofere Tereveliana, a pela pu hoi me ona mau makai no ka hooko pono ana i ka hana i makemake’ia.

                Ua noho iho la nohoi o Adelo, me@ ka piha loa o kona houpo i ka inaina @ ame ka huhu. a oiai hoi ia e noho ana, ua kamailio ae la ia@@@

                “Owau hoi, e hele pololei aku ana au i Hametonavila, a e hoike aku ana au i na mea apau i ka Haku Tereveliana, i makaukau ai oia ma kona aoao. E noke aku ana au i ka hoopihapiha iaia me na huaolelo e piha ai oia i ka huhu ame ka inaina ia Geofere. Ho! Geofere Tereveliana! E ko ana kuu maka-ka maluna ou! E Alamira! kokoke e kau kuu hoopai weliweli maluna ou.”

                Alaila, akaaka hou iho la ia.  Iho aku la ia ilalo, kauoha aku la e lawe ia mai ona lio hou nona.  Mahope iho hoi o kona inu whai kiaha barani ana ae, kau aku la ia malune o ka lio, a holo pololei aku la no Hametonavila.

MOKUNA XLIX.

                O Hametonavila, aia kekahio na home hooluolu kuaaina mani loa ma Pelekane puni.  He hale kakela maikai a hiehei ke ku ana ma ia wahi. E hoopuni ana hoiia keia hale he mau kihapai mea akmu nani o kela ame keia ano.  He mau kuea i uluia e na mauu uliuli maikai.

                Aia mamua pono’i aku o ua hale la, mawaena hoi o na kihapai mea ulu hoohiwahiwa, e moe ana he auolo mauu,, uliuli a hoea i na wai o ke Kowa o Bristol.

                Ma keia kakahiaka a kaua, e kuu makamaka heluhelu, i ike ae nei ia Adelo e haalele aku ana ia Penoke a holo mai la no Hametonavila, kahi hoi a kaua e hoomaopopo iho ai, oia no kahi e akoakoa a e halawai malu ai ka Lede Beatirisia, me kana kane ame ka laua mau keiki, elike me ka mea i hooholo mua ia, mawaena o ua Lede Beatirisia la ame ka Haku Rosevena, e holoholo ana ka Haku Tereveliana, malua o ke kula mauu uliuli e kamoe ana a hoea i na wai o ke kowa o Bristol.

                Aia kona mau lima ma kona kua, a e kulou ana hoi kona poo, me ka hoike ana mai o kona mau helehelena i ke kaumaha.

                O ka mea nui a kona noonoo e hana ana ia wa, oia no kona noonoo ana no Alamira.  A oiai ia e hele ana me keia manao e lulumi ana iloko ona, lohe ai la ia i kekahi mau kapuai e hele awiwi aku ana mahope ona, a i kona huli ana ae ihope ike mai la ia i ka Haku Adelo.

                I kona nana ana mai ike mai la ia he hiohiona kaumaha ame ka maikai ole ke muia ana maluna o na helehelena o Adelo, a ia wa oia i ninau mai ai:

                “Heaha keia pilikia ou, e Adelo?”

                “I hele mai la au e hoike aku ia oe i kekahi mea anu nui loa; oiai ma kahi kauhale ae nei au o Penoke, a lohe mai nei au eia oie ia nei.  O ka’u nuhou i lawe mai la imua ou, oia’keia, ua loaa o Alamira ia’u.”

                I kela wa i olina ae ai ka hauoli ma na maka o ka Haku Tereveliana a ninau aku la ia:

                “Auhea la ia? Ua lawe pu mai nei hoi oe iaia ia nei?”

                “Aole. Aia oia me ka Haku Rosevena, aole hoi ona makemake e hele mai me a’u.  Ua hai mai neii nae oia ia’u mak ko’u wa e huipu ai me-oe, e kuu haku, a hoike aku au ia oe, aole loa ia e kala ana ia oe, no kela kipaku ana au iaia i kela po mamua aku nei.  Ua olelo mai nohoi ia, mamua ua aloha ia oe, aka, i keia wa aole ana kanaka i oi kona piha inaina a hoowahawaha nohoi elike la ma oe. No ka mea hoi e pili ana i kona makuakane, ua olelo mai ia, e hana oe like me kou manao maluna ona, a nana no auanei e hoopakele i kona makuakane mai a oe mai.”

                Ua haikea pu ae la na helehelena o ua elemakule nei no nei mau olelo hoopunipuni a wahahee loa a ka Haku Adelo i hoike aku ai, a ninau mai la ia;

                “O kana mau olelo iho la keia o ka hoouna ana mai ia’u?

                “Ae; aka, he nui wale aku paha na olelo lapuwale a keia wahi kaikamahine.  O kekahi no paha, ua hoowahawaha loa oia ia’u.  Aole hoi oia; aka o kona olelo ana mai no paha imua o’u, ua like loa no ka kaua mau hana.  Ua hookiekie maoli keia wahi kaikamahine no kona manao loa ana e mare aku ana  ia me ka Haku Rosevena.  Ua like loa no keia wahi kaikamahine me kona makuakane.”

                Alaila, aole loa ana ia e hoi mai me a’u?  Ua maopopo ia maoli anei ia oe, e Adelo, ua inaina oia ia’u, a ua hoowahawaha hoi?

                “Ua maopopo loa ia mea ia’u.  ua kamilio mai ka hoi ia ia’u me ka hookeke maoli ana mai no imua o’u.  Ina paha makemake oe e ike iaia, e kuu haku, e hiki ana no ia oe ke ike iaia.  O kau mea auanei e ike ana, oia kou hooliloia mai e keia wahi kaikamahine i ipu-kuha nona.  E hoea mai ana ia i Hametonavila nei i keia la.”

                “E hele mai ana anei ia e ike ia’u?

                Me ka leo kakana, pane mai la o Adelo:

                “Aole! E hele apoo malu mai ana paha ia ia nei me ka Haku

Rosevena. E hele mai ana o Alamira ia nei e hui malu ai me kona mau makua.  Ua ihoe mai nei nohoi au  ma Penoke. eia kona makuakane ke pee nei ma kahi kokoe loa i keia wahi.  Nolaila, makemake no anei oe e ike aku i na maka o ke kanaka lima-koko i aneane ai kou ola e lilo aku mai a oe aku?  Makemake anei e ike aku ia Geofere Terveliana?”

                Ua omakaka ae la ua manao inaina ame ka huhu iloko o ua Haku Tereveliana nei, a ia wa i okala  kunahihi ae ai me ke ano e loa.  Ua nalohia aku la ke aloha a Alamira mai iaia aku, ku-pouli ae la kona noonoo me ka ukiuki aiwaiwa no Geofere. Luliluli ae ia kona poo, ame ka naka haalulu ana ae o kon kino, pane ae la ia:

                “Pela io ka hoi! E lawe aku oe ia’u imua o keia kanaka Iima koko. E nana aku au maluna o na maka o kela kanaka puuwai eleele.  Ma ko’u wa e ike aku ai iaia, o ko’u wa no ia e haawi aku ai iaia iloko o na lima o ke kanawai!”

                Ua aka , iho la o Adelo iloko iho ona, no ka hele pono ana o kana wahi  apukoheoheo iloko o ka elemakule Tereveliana.

                “Ina pela, e hahai mai oe ia Haku Terevliana. “E hele pu kaua e kiai no keia wahi e akoakoa ai keia ohana ano e nui wale.”

                Ma kela wa hoi i hoea mai a ka Makai Kiu, me ka piha uwila o kona mau ano apau.

                “E kuu haku,” wahi a ua makai kiu nei i pane mai ai imua o ka haku Tereveliana, “i hele mai la au e hoike aku ia oe, ua holo pono ka’u mau hana apau.

                “Ua holo pono kau mau hana?” i ninau aku ai ka Haku Tereviliana.

                “E hoike aku au ia oe no ka loaa ana o Miss Alamira Tereveliana.  Eia oia i keia wa maloko nei o keia pahale.  Oia ame kona kaikunane uuku, ame ka Haku Rosevena.  O kona komo ana aku nei no ia loko o kekahi hale hooluolu o loko o kekahi kihapai pua.  Aia nohoi malaila o Geofere Terveliana.  O kona pae ana mai nei no ia maluna o kekahi waapa.  Oia ame ka laua keikikane mua.  Eia pu me a’u i keia wa he elua mau makai.  ua hoonohia aku nei laua e a’u ma kela hale hooluolu.  Nolaila, e kuu haku, e makemake ana anei oe e hopu au i keia kanaka limakoko, a i ole ia, e hookuu paha oe iaia?”

                “Aole au e hookuu iaia,” i hoohoae ai ua elemakule la.  “Aole – Ua loaa oia ia’u keia wa.  Ua kokoke mai ka hora o kona hoopaiia ana.  E hopu aku iaia.  Na’u ponoi no e haawi mai i ka hoailona ia oe no kou hele ana ae e hopu.  Ina kakou –aole lohi.”

                O ka makai kiu mamua, alaila, o ka Haku Tereveliana aku e ukaliia ana e Adelo.  Oiai hoi lakou ma ke alahele e hoea aku ai i ka hale hooluolu, kahi e loaa aku ai ia lakou ka ohana o Beatirisia, ka ohana hoi o ka mea huna pohihihi, aia hoi, halawai mai la ka Haku Hametona me lakou, a ia wa i pane aku ai o Tereveliana i kona hoa:

                “E hauoli pu oe me a’u, e kuu Haku Hametona.  ua loaa o Geofere i keia wa.  A oia ka makou e hele ae la e poi iaia a paa.  Nolaila, e hele pu mai oe me a’u, a e lilo oe i hoike no ka paa ana o keia puuwai eleele.  Eia oi maloko nei o ko’u pa.”

 

(Aole i pau.)

 

 

                He keu a ka mea lapuwale nui wale, oia hoi, ka meeau ame ka maneo, e aai ana i ka lii.  E hoopau i keia mea poino.  Oha i ka aila hamo a Doan.  Loaa ma na helakuai laau lapaau apau.

 

Kanuia na Iwi ma ka Aina Malihini

 

Ka Make ana o John Heulu Correa ma na Kai Anu o Alika ame ka Moolelo piha o Kona Hele ana.

                Ma ke ku ana mai o ka mokuahi Australia o ka la 23 Novemaba, ua loaa mai la ka lono kaumaha a hoehaeha puuwai no ka hala ana ma ke ala hoi ole mai kekahi o na oiwi Hawaii opio i aloha nui ia a mahaloia no hoi e na mea apau, oia o John Heulu Correa.  ua waiho kona kino puanuanu, ma ka aina makamaka ole, ua moe ma na kai amu o Alika, na pau ka lohe ana i kona leo, na kuu ka luhi.

                Ua haalele iho o John H. Correa i na kaiaulu o Hawaii nei maluna oka moku-pea Diamond Head, ma ka malama o Dekemaba, 1896, ma ke ano he kulana kapena boe.

                Ua hanauia oia ma Honolulu nei ma ka la 16 Feberuari, M.H. 1874, a ua piha iaia na makahiki, he 24 ame na mahina keu.  He keiki hiapo oia na M.G. Correa ame Mrs. Ane Correa o Manana, Ewa a he moopuna hoi na J.H. ame Mrs. Kue Kamio, kekahi hoi o na hoa Kahiko loa ma ka oihana paipalapala i kamaaina i na poe apau.  ua haalele ihono hoi oia he mau pokii, oia o Mr. S.P. Correa, Master Frank Correa, Miss Isabel Correa ame M.G. Correa, Jr. ame na ohana lehulehu.

                Ua ioaa mai ka lono o kona make mai a H.E. Kalei, kekahi o na keiki Hawaii i hele kepa pu ai me ia ma Kapalakiko, Kaleponi, a holo aku no ke kahua pepehi i’a kohola ma ka Akau (Arctic Ocean).

                Oiai lakou ma Alika ma keia makahiki aku ei i hala, ua paa iho la ko lakou moku i ka hau, a ua hiki ole ia lakou ke hoi mai ia makahiki.  He eha mau Hawaii opio maluna okeia moku, oia hoi o John H. Correa, H.E. Kalei, sam Hikia ame Piko, ao John Hulu ko Correa inoa i kepa ai.

                Oiai ke lakou moku o paa ana i ka hau ma ka malama o Iune 1897, ua hele aku o Correa ame Piko no luna o ka aina no ka huli hua ana.  Ua haalele iho laua i ka moku ma ka hora 6 o ke ahi ahi o ka la 11 o Iune, a hele aku la no ka laua wahi i makemake ai.  Ia laua i hele ai a aneane paha he 15 mile ka mamao mai ka moku aku, ua manao iho ia laua nei e hoi; ia laua i hoi ai no ka moku, aole laua i hoi like ma ke alanui hookahi, aka, ua olelo aku o correa ia Piko e hoi laua ma ka aina, kahi kokoke, a ua olelo aku hoi o Piko e hoi laua ma ka aekai a hiki aku i kahi e hiki aku ai i ka moku.  Aole i holopono keia manao o laua, nolaila, ua he@ no Corra ma kana wahi i makemake ai, a pela no hoi o Piko.

                Ua hoea aku o Piko i ka moku ma ke kakahiaka o kekahi ia ae, a ninau aku la i ka poe o ka moku ina ua hoea aku o Correa, a ua hoole mai ia lakou.

                Ia laua i kaawale ai kekahi me kekahi, ua ike koke aku la o Piko i ka iho ana mai o ka noe maluna o ka aina.  Ua hoouna ia kekahi poe o luna o ka moku me Piko e ke Kapena, no ka huli ana iaia, eia nae, aole oia i koaa iki.  No hookahi pule a oi ko lakou noke ana i ka huli iaia, a he nele ka mea i loaa.  Ua lohe mai no ane lakou mai ka poe Makinika, ua ike lakou he mea ua make a ua manao lakou oia no paha ia.

                Ma ka mahina ae o Iulai, ua hoi mai ka moku no Kapalakiko, ua hoi loa mai nohoi no Hawaii nei o H.E. Kalei, Sam Hikiau ame Piko.

                O John H. Correa kekahi o na haumana mua loa o ke Kula Kamehameha malalo o Rev. W.B. Oleson.

                Ua manao ia e ka ohana o John H. Correa aia i ke Kanikela Hawaii ma Kapalakiko kona kuleana o kela holo ana aku nei i ke okohola.

                Ua noho hana oia ma ko makou nei keena hana no na makahiki elima.  He keiki akahai, ona rama ole, a he punahele nohoi i kona mau haku hana a hoa hana nohoi.  He mau malama ae nei i kaa hope i makemake loa ia ai oia e loaa kona wahi i noho ai no ke kauoha ia aku e hoi hou mai i ka hana, aka, o ka lono nae i hoea mai, ua hala , ua kuu ka luhi, ua haalele mai i na hoaloha ame ka ohana ma keia aoao e u aku ana nona.  Aloha wale oia.

 

                O ka moku a ka Poalua ae nei mai Kaleponi mai, oia ke mokuahi Coptic. Ma ka Poakolu aku hoi, ka mokuahi Moana mai Kaleponi mai no.

 

NA LETA.

NA ANOAI O KA “RAIN APAAPAA”

E ke Kuoloa.

                Me ka mahiehie; - Ma ka la ia iko nei ua haule mai ka laau iho kekahi pake hapa a Dr. B. D. Bond a haki@a kona a-i a make loa olai oia ame kahi mau hoa Pake e ae ona e oki wahie Dr. B. D. Bond.

                He wahi kauwa hana pono keia wahi a Dr. Bond, a ua piha he 15 makahiki i hana ai me la,, a mak keia mahina ae e huli hoi aku ai oia nokona one hanau, ka “Aina Pua o Kina.” Aka, me keia ulia waiho iho ia i “Kaea ma iwi o Kamahele” u hoi kio wailua aku ia e ike i ke onehanau o kekino. Aloha ino!

Malaila ae, ma kona wahi i haule ai, a e waiho ana kona kio, o Judge H. R. Atkins, Deputy sheriff O.H. Pulaa, Dr. B. D. Bond ame na makai ame na hoaloha Pake o ka mea make. A maka nieniele pono ana ua hooholo na luna aupuni “He makehewa ke kahea i Ala Niele Kumu Make.”  Oiai, aohe hi mea hookanalua no kona make ana

 

LILO I KE KAI A NALOWALE

                Ma ka la aku la i nehinehi, Nov. 24, ua iho aku la o Benjamin Kaainoni ame John Oliver ame Hupo i kahakai i ka lawaia opihi, a o ka Lae oKepuhi ia wahi (Kepuhi Point). a malaila o Benj. Kaainoni i iho aku ai a kui opihi a o John Oliver hoi hele aku ooia i Kealapali kana lawaia, o Hupo hoi noho no ola i Puna Kalele ia Kau, Ilaa i ka pali a hiamoe, a puoho ae, imi aku la oia ia John Oliver.  A ma ko laua hoi ana  mai a ha-lo aku ia Benj Kaainoni aole he ikeia, kuhea lana aole he ikeia, o ke kapa, ke kini poi, ka ohe kamakai, e waiho ana no. a hiki i kila ia, aole no he ikeia o kona kino make, a oia paha.  Aloha no ia hoa a’o inea o ka imi naauao o kahi wai e “Alelele” ame ka Rain “Kanilehua”.  He hoa hoomanawanui pu i ka pehi i ka Rain “Apuupuu” na alu kinikini o Hamakua, na wai hele huhu o na pali kuhoho o Hila ame kona mau pali piinana pau o ke aho.  Aka, ua hoomanawanui wale ia no ia e Beni.  Ha-io’ Dear Beni!!  Poor Beni!!! He mau pokii kona, he kaikuahie ame kona papa e ola nei. Auwe! aloha ino lakou i ka ike ole.

                He kauwa oia i hilinaila e kona haku hana.  John Hind, ma ka eleu a mikiahi hana.

                O J.W. Kahaiao e kaiaiwa kaa ia ma ka Rain “kukalahale.” oia ka pokee ponoi o ka luaui makuakane o Benj.

 

PIHA IKE O KOHALA

                Aole paha he wa i ikea aku ai ka oi aku o ka pii mahuahua loa o ka ike o na kanaka o keia apana i ka hana hoola maloko o ka ke Akua olelo e like me ia i keia mau ia e nee nei. Ua loaa keia haawina nani maluna o na kane ame na wahine. mai Kohala-lo@o a Kohala-waho.            

                E like no paha me ka wanona; “Ai ma na la mahope, e ku mai ananei ka oukou mau keiki kane ame ka oukou mau kaikamahine, a wanana ina mea pohihihi.”

                Ua hiki io mai paha ia mau la, oiai eia ia haawina ke loaa wale nei i kela ame keia a ke piahalaha nei ia hana i keia mau ka.  Ma na anuu like ole nae, o ka lawelawe ana.  E like no me ke ano o na Hoomana a keia ame keia i koho ai, a i hapetizioia ai.  He haawina maemae keia i loaa ia oukou.  Akia, a hookaawale loa i ka ke Akua hana mai ka hoolilo ana i punana a i mamalu no ka hana diabolo o poino auanei, a e hoopau loa i na hana pepehi kanaka iloko o ko oukou mau naau, oia ka ili, ka ohumu, ke kekewe, ka hoohalahala ke keemoa ka palaimaka, a holoholo olelo, ka hukihuki, ka hookiekie, na ohumu ino no apau.

                Ua kue o Paulo, ka Lunaoleio ia mau mea apau.

                Nolaila, “E nihi ka hele i ka uka o Puna.”

                O ke aloha no ko kakou a koe olame na keiki lima hei o ka papa pai.

                Adiu kana ia, no kahi wa aku.                                     

PUALANI.

N. Kohala, Hawaii, Nov. 25, 1898

 

                (Mahalo no i keia mau mea hou o ka aina kaulana o Kohala. Ua kap@@ia ae ka inoa ponoi mamuli o ke noi a ka mea kakau. L.H.)