Ka Nupepa Kuokoa, Volume XXXVII, Number 48, 2 December 1898 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao me Aina o Oahu

MAI A MAHOPE AKU O IUNE 13, 1898

Manawa Holo

 

WAHI HOOLULU. Mai Honolulu aku.)

Waianae, kaa huikau, na la apau koe ke Sabati.

Waialua, kaa ohua, na la apau.

Waianae, kaa ohua na la apau.

Wili o Ewa, kaa ohua na la apau.

 

                        A.M.    A.M.    P.M.    P.M.

Honolulu         7:10     9:15     3:10     5:10

Manana           8:07     9:48     3:43     5:50

Wili o Ewa      8:37     10:08   4:08     6:10

Waaianae         9:27     10:53   4:43    

Waialua                       12:00   5:38

 

WAHI HOULULU. @ i waho mai Honolulu)

Wili o Ewa, kaa ohua, koe ke Sabati.

Waialua, kaa ohua, na la apau,

Waianae, kaa huikau, na la apau, loe ke Sabati.

Waialua, kaa ohua, na la apau.

Wili o Ewa, kaa ohua, Sabati wale no.

 

                        A.M.    A.M.    A.M.    P.M.    P.M.

Waialua                       6:12                 2:39

Waianae                      7:12     10:00   3:55    

Wili o Ewa      5:50     7:47     10:59   4:32     12:45

Manana           6:15     8:07     11:34   4:52     1:10

Honolulu         6:50     8:40     12:15   5:25     1:45

 

            G. P. DENISON,

            Luna

            F. C. SMITH,

            Luna Kuai Palapala Holo

 

NU HOU HAWAII

Ke hooliuliu mai nei na halekuai o Honolulu nei i na mea kuai "Mele Karikimaka,"

 

Ke aahu mai la o Mauna Loa me Mauna Kea i ka aahu aiai o Poliahu, na hele loa ka hu'a i ka lau laau.

 

Ua loaa mai ka lono ia nei, e hoio aku ana o John Ena i Mekiko no ka makaikai ana. Ana no nae oia i Kaleponi a keia wa.

 

Ma ka la inehinei i wehe ae ai o A. F. Franca i kona hale hookipa ma uka ae nei o Nuuanu. Eia keia wahi mauka aku o ka halekukui uwila.

 

Ma ka hora 1 o ka Poakolu nei i haalele iho ai ka mokuahi Sana Paula ia Honolulu nei no Manila me na makana Karikimaka no na koa.

 

Ua hala aku o Louis K. McGrew, keiki a Dr. McGrew o keia kulanakauhale no Manila. O keia ka hoa hui o Morris K. Keohokalole ma ka oihana boroka, a pewla aku.

 

He holomua me ka maikai ka oihana kalepa o na ano waiwai apau e lawelaweia nei e Mr. D. K. Kupihea. Aia kona keena oihana ma Alanui Konia (Alanui Kamika mamua).

 

Ua haawi makana aku nei o Hon. W. C. Achi he $10 no ka Waihona Kokua no ka piano o ka Home Bihopa o na kaikamahine ma ke Kahua Mai Lepera ma Molokai.

 

Aia ma Manila i keia wa he ekolu mau keiki Hawaii maoli iloko o ka pualikoa Amerika. Hookahi o lakou he elele lawe palapala na kekahi aliikoa o ka pualikoa 13.

 

Ua loheia mai e lilo aku ana ka hooponoponoia ana o na aina o "Ke o Pu" o uka ae nei o Pauoa, malalo o na lawelawe ana a kekahi hui kalepa aina, a e weheia aku ana ia mau aina ma kei mua aku i mau aina kukulu hale ia.

 

Ma ke kakahiaka Poakolu nei, ua make iho la o Frederick Wardell, he koa America, i loaa i ka mai taifoida, ma kona inu ana i ka asida kabolika. He ano pohihihi no na mea e pili ana i ke kumu o ka make ana o keia kanaka.

 

E haawi ana ka Hui Himeni e alakaiia nei e Professor Richards o ke Kula Kamehameha mamua he aha mele hou ma ke ahiahi o ka la 27 o keia mahine. O na pomaikai e loaa mai ana, e haawiia no na hana aloha i na Hawaii maoli.

 

E hiki mau ana ke hilimaila ka Laau Ola a Kamalena no ke Nahu, Kolera ame ka Hi, a he maikai nohoi ka inu ana, a he palekana nohoi. E kuaiia ana e na poe kuai laau apau. O Benson Smith & Co., na Agena no Ko Hawaii Pae Aina.

 

O kela hoopii koi poho a Mrs. Gouveia i hoopii ai i ka Hui Mahiko o Wailuku no ka huina o $50,000, no ka make ana o kana kane ma ke alahao ma Wailuku i kahi wa i hala ae nei, ua haawi ke kiure i ka pono no ka aoao hoopilia. Ua haule ka aoao hoopii.

 

Awaiaulu ke Aloha.

E ka Nupepa Kuokoa, aloha oe:-E oluolu mai oe i kau wahi kaawale o kou mau kolamu, no kela mau hua e kau ae la maluna, a oia keia:

 

Ma ke ahiahi o ka Poakolu nei, Novemaba 30, 1898, i awaiaulu ia ai o Miss Hattie Sniffen o ka Ua Kukalehale me Mr. John C. Brown, kekahi lima hana o ka hale hana hao Uniona, na ka Makua Kelemeneke o ka hoomana Kakolika. Mahope iho o ka mare ana, na hoi aku na mea mare no ka hale o na makua o ka wahine, a malaila na mea apau i haupa iho ai i na mea ai mama i hoomakaukau ia no laua. Mahope iho na lealea himeni a me hoowali anapau. Maluhia na hana aole haunaele, a hookuu ia na hana i ka hora 11 o ka po.

 

Ke kauoha aku nei au i ka poe i mare ia aole na'u, na ka Haku no: Mai haalele ka wahine i kana kane.

 

Eia hoi ka Paulo: E na kane, aloha aku i ka oukou mau wahine, elike me Kristo i aloha mai ai i ka ekalesia, a haawi mai Ieia iho nona.

 

E aho ia mau wahi hunahuna me na keiki oniu hua metala ho'u iini, me ka Lunahooponopono ka welina pau ole.

 

            WM. NALIMA.

Apua, Honolulu Dec 1, 1898.

 

Ua ko ka Hoopii a C. K. C. Rooke kue i ka Halemai Moiwahine a me na Malama Waiwai o Bihopa.

Ma ka Poakolu nei i waiho ae ai o Lunakanawai Pere o ka ha Kaapuni o Oahu nei i kana olelo hooholo ma ka hoopii a C. K. C. Rooke kue i ka Halemai Moiwahine (Haukipila) ame na Kahu Malama Waiwai o ka Waiwai o Bihopa. He hoopii keia e koi ana e hooholoia ke kuleana oiaio ma ka waiwai e paa ia nei e ka Halemai Moiwahine.

 

No Thomas C. B. Rooke (Kauka Luka) kela waiwai. He kuleana alodio kona ma ia waiwai. Ua make oia ma ka makahiki 1858. Mmua nae o kona make ana, ua hana oia i palapala kauoha e hooili ana i ua waiwai la ia Grace K Rooke, kane wahine, no kona wa e oia ana; a ma kona wa hoi e make ai, e ili aku ka waiwai i kana kaikamahine hookama, oia o Emma Rooke, oia hoi ka Moiwahine Ema, a e paa oia ia waiwai no kona wa e oia ana, a i kana mau keiki no ka wa pau ole, aka, ina nae e make e ana o "Kaleleonalani" mamua o "Kauka Luka," a make paha o "Kaleleonalani" me ke keiki ole, alaila, e ili keia waiwai i ke keiki hoahanau ana, a keiki "bapatema" nohoi, oia o Cresswell Charles Keane Rooke ame kona mau hooilina no ka wa pau ole.

 

Ua make hoi o "Kaleleonalani" ma ka makahiki 1885, aohe ana keiki. Ua waiho iho hoi oia he palapala kauoha, a ma ia palapala kauoha e hooili ana ia i keia waiwai i ka Halemai Moiwahine. Ke koi kulena naei hoi k Waiwai o Bihopa i hookahi hapaha o keia waiwai ma o Kamehameha IV. la, mamuli o kona mare ana me "Kaleleonalani." Ke koi nei hoi ka Halemai Moiwahine i keia waiwai apau, malalo o ka palapala kauoha a "Kaleleonalni." A ke koi nei hoi ka mea hoopii ma keia hihia, nona ka waiwai apau mamuli o ka palapala kauoha a "Kauka Luka."

 

Ua hoopuka ka Aha i kana olelo hooholo, penei:

 

"Ma ko'u manao, o ka makemake maoli no o ka mea nana ke kauoha, oia no kona haawi ana i kana kaikamahine hookama, Emma Rooke, mahope iho o ka make ana o kana wahine, he kuleana wa oia, a mahope iho hoi o kona make ana, ina e ola loa mai ana ia (Emma Rooke) mahope mai ona ("Kauka Rooke") a waiho iho hoi ia he keiki, alaila, e lilo holookoa ka waiwai apau iaia; aka, ina e make ana ia mamua o ka mea nana ke kauoha, a i ole ia, make paha me ke keiki ole e oia ana mahope mai ona, alaila, e holo ka waiwai i kana keiki hoahanau, a keiki bapatema nohoi; oia o C. K. C. Rooke, ka mea hoopii ma keia hihia. * * * Ma ko'u manao, ua maopopo loa keia manao ma na olelo moakaka o loko o ka palapala kauoha, a ua lilo ke kuleana ma ka waiwai i ka mea hoopii ma ka wa i make ai o Emma Rooke."

 

Ulia Poino ma Koolaupoko.

Ma ka Poaono o ka pule i hala i loohia ai o Henry Damon, keiki a Mr. ame Mrs. S. M. Damon i kekahi ulia poino manaonao ma na pali hauliuli o Koolaupoko ae nei.

 

Ua hele aku keia keiki, me na keiki elua a Alapaki Kauka, ame George Fuller no ke ki-manu. Ma Kualoa ko lakou wahi i noho ai, a he ki-manu ka hana. Ua pii aku nei keia keiki iluna o kekahi kumulaau, me ke kaikai pu ana hoi i kana pu i piha i ka lu. Ua hapai aku nohoi ia i kana pu a kau ma kekahi mau lala laau, a ma ia wa i pakika mai ai ua pu la, a haule iho la ilalo. I ke ku ana o ua pu la ilalo, ua kani ae la ia a ku mai la ua wahi keiki nei i ka lu ma kona wawae akau, maluna iki mai o ke kuli. Me ka hoomanawanui i iho iho ai ia ilalo mailuna mai o ke kumulaau.

 

Ua kii aku la kekahi o kona mau hoa ia Dr. Hubert Wood, ke kauka Aupuni. Ua loaa aku nohoi ia ma ka hale, a ua hiki mai ia ma kahi o ka poino. Nana hoi i hana iho i na mea e loaa ai ka maha i ka opio i hoopoino ia. Mai laila mai, ua hoounaia mai la ka lono elepone i Honolulu nei i kona mau makaua. Ua holo aku ia o Mrs. Damon i ukaliia e Kauka Day. Ma ka la Sabati nei i hoihoiia mai ai ia maluna o ke kaa a hoea i Nuuanu, a mai laila, mai hoi, ua maneleia mai oia e kekahi poe makai a hoea no kai nei o Honolulu no kahi o kona mau makua.

 

Make 1 Aloha Nuiia.

E ka nuepa Kuokoa:

Aloha oe:-Ua kii mai la ka lima menemene oie o ka make a lawe aku la i ka hanu hope loa o kuu lei aloha nui ia, Miss I-da. Ua make oia i ka la 21 o Novemaba, 1898. Ua hanauia hoi oia ma ka makahiki 1895, ma ka mahina o Maraki, ma ka la 28; nolaila, ua piha iaia he 3 makahiki, 8 mahina me 21 la, 8 hora, ma ka hanu ana i na ea oluolu o keia ola ana. Ua nui no na hooikaika ana e loaa na palekana mai na kauka mai. Hookahi Kauka Kepani, hookahi kauka haole, aole nae i loaa mai he palekana. Ua lawelawe laua i ko laua ike lapaau apau, a ua panu'a nae. Ma ka Poakolu, la 23, ua laweia aku ia kona "kinowailua" a kanuia iho ia ma ka pa luakini o Lanakila. Ua malamaia nohoi he anaina haipule malaila nona, me na kupuna ame ka ohana apau.

 

Ua hanauia mai oia mai ka puhaka mai o Lula Hoomanawanui.

            J. K. KAUMUALII.

            Kainaliu, N. Kona, Novemaba 28, 1898.

 

He Beb-Ike Kilokilo.

Aia me ke kuianakauhale o Kikako i keia wa, he wahi bebe uuku nona na makahiki ekolu ame ka hapa i lilo i mea hoopahaohao i ka poe i ike a kamaaina i kana mau hana. O kona inoa, oia o Winifred Cline. He ike kiloki o kai loaa i keia wahi kaikamahine, a he kupaianaha nohoi ka ike i loaa iaia.

Ma ka wa e paio ana na aoao e ua o Amerika, ma ke kau koho Peresidena i aumeumeia ai mawaena o MaKinile ame Bryant, oiai hoi kona makuakane ame Mr. McNally, ka makuahonowai o kona makuakane e hooikaika ana no ke kohoia ana o Bryant i Peresidena, ua olelo aku la keia wahi kaikamahine, aole e kohola ana o Mr. Bryant, a o MaKinile ka mea o laua e kohoia ana. Ua hoopaakiki aku la hoi kona makuakane imua ona, e kohoia ana no o Bryant, aka, ua hoole loa mai la ia. Ma keia wa nae a ua wahi kaikamahine nei i hoike ai i keia manao, o ka piha ana no ia o kona mau makahiki he elua. Ua hooko io ia keia olelo a ua wahi bebe nei.

 

Eia hou: He kanaka maa mau o Mr. Cline, kona makuakane i ka hele ana ia wahi aku ana, a ia wahi aku ana ma kana oihana, a i kekahi la, haalele iho la ia i kona ohana, a hele aku la. He mea mau nohoi iaia ke kakau palapala ana mai i kona ohana i na wa apau ana e hele ai ma ka huakai-hele, aka i keia hele ana nae ana, aole i loaa wahi palapala mai iaia mai i kana wahine. Ua pilikia loa ia ko Mrs. Cline noonoo ka loaa ole mai he palapala mai kana kane mai, a i kekahi la, olelo aku la ia i kona makuahine, oia o Mrs. McNally, aole oia i ike i ke kumu i loaa palapala ole mai ai oia.

 

Ua pane mai ia hoi kona makuahine, ua pilikia paha kana kane no ka nui loa o na hana, a e loaa mai ana no kana palapala i kekahi kakahiaka ne, i keia wa pane mai la kahi bebe:

 

"Ua paa no ka papa palapala ma ka po o nehinei, a ua hoouna mai no oia."

 

I aku la kona makuahine iaia, a pela nohoi kona kupunawahine, ina he oiaio kana i hoike mai ai, ina ua loaa mai ua palapala la ia lakou ma ia kakahiaka, olelo mai la ua wahi bebe makaula nei:

 

"Ei aku nohoi a hoea mai!"

 

Ua hooko io ia no elike me ka olelo a ua wahi kaikamahine nei.

 

Na Manao o kekahi Kahunapule.

Ma Kekahi Ninau Akea ano nui loa, Haawiia mai he Oleloao Waiwai.

E hoohenehene ana na ukali o Koneia Ingersoll no na olelo a na kahunapule mai ka awai mai. Kekahi poe kanaka, e noke ana lakou i ke pahenehene ame ke kue i na mea apau, aka, he ho'i hou wale ana aku no nae ia i hope e kalele hou iho maluna o na kahua o ka hoomaloka, me ka hoole ana hoi i ka oiaio o na mea i hoikeia mai e kekahi kahunapule elike me ia i hoikeia mahope ae nei. Ma kona wa i olelo mai ai, "Ua ola au i na Huaale a Doan," aohe mea e kanalua hou iho ai. Ua hiki no oia ke ikeia a ke kamailio pu ia aku. E hiki ana nohoi ke hoomaopopoia ke ano o kona kino mamua o kona ai ana i ka laau. O na hopena i ikeia, e hiki ana no ko lakou oiaio ke hullia, e hiki ana nohoi kela ame keia olelo hoike ke hooialoia, a aole nohoi i koiia aku kekahi mea e manaoio mai me ka hooiaio mua ole ana. Aia ko Rev. A. Berry wahi i noho ai ma 843 Alanui Kiekie Komohana (West High Street,) Lima, O. Penei kana olelo: "Ua hiki ia'u ke kaena aku i na Huaale a Doan no ke Kikala Hanene me ka Puupaa, he laau maikai koa ia no na puupaa, he laau maikai loa ia no na puupaa. He mau makahiki i kaa hope ae nei, ua loohia ia iho ia au i ke kikala hanene, aka, mahope mai nei nae, aole au i loaa nui loa me ia ano eha; aka, ma ko'u manao, iloko o 15 makahiki e koi mau ia ana au e aia pinepine iluna i ka po a i ke no hoi, no na manawa he nui e hele ai au me he mea ia he pu-a-mimi ko'u. Ma ka wa nae e mimi aku ai, e ikeia no he aweawea ulaula elike me ka hooluu o ka uinihapa maloko o ka mimi. Ua kuai aku la hoi au i na Huaale a Doan no ke Kikala Hanene me ka Puupaa, a hoomaka iho la e ai ia mau mea, a ua hauoli loa au i ka hoike ana aku, ua loaa ia'u ka oluolu. I keia wa, ua hiki ia'u ka oluolu. I keia wa, ua hiki ia'u ke hoi aku e hiamoe, aole

 

Hawaiian Meat Co

(Hui Kuai Pipi Metropolitan.)

G. J. WALLER, (Wala) - Luna Nui

108 Alanui Moi.

 

Poe Kuai a Hoolako i na Moku

ME

Na Io Pipi, Hipa a pela'ku

 

E loaa mau ana na Manu ame na Kamano i hooku'ihu'iia iloko o ka Hau.

Makepono ke Kuai i na I'o Pipi maanei.

TELEPONA HELU   45

 

hoi e ala hou i ka po elike me ka wa mamua. Ua hiki ia'u ke hoi aku e hiamoe me ka maikai a ao ka po. Aohe o'u ike hou i ka eha konikoni a welenia hoi. Ma ko'u hoomaopopo, ua pili pono loa maoli keia mau huuale no ho'u mai. Aole o'u manao iki, he laau kekahi i loaa ka holo iea o na hoola ana elike me keia, me ka uuku loa o kahi pilikia ma ka ai ana aku. He mea pono ia'u ke kapae ae i ko'u ano maa mau. a e olelo ae au he mau laau maikai loa keia, a ma kea ame keia wa i ikea mai ai ka pilikia elike me ko'u nei, he mea pono ke ai ia keia mau huaale."

 

E kuaiia ana na Huaale a Doan no ke Kikela Hanene me ka Puupaa no 50 keneta no ke poho, a i ole, he 6 poho no $2.50 e na poe kuai laau apau, a i ole, e hoounaia aku no ma ka eke le@a ke loaa mai ke kumukuai i keia ame keia mea e kauoha mai ana. Na Hollister Drug Co, o Honolulu, e hoouna aku. O lakou na Agena no Ko Hawaii Pae Aina.

 

Hoolaha Hooko Moraki

HOOLAHA NO KA HOOKO MORAKI.

Ke hoolahaia aku nei ma keia, i kulike ai me kekahi mana kuai maloko o kekahi palapala moraki i hanaia i Dekemaba 20, 1884, i hanaia e John Peter o Honolulu, ma ka Mokupuni o Oahu, ia S. Roth o Honolulu i oleloia, i kopeia ma ka Buke 90 ma ka aoao 371 a mahope aku, a i hooliloia mai hoi e ua o S. Roth i oleloia ia H. A. Widemann ma ka la 5 o Maraki, 1887, a i hooliloia mai hoi e H. A. Widemann ia Stephen Spencer ma ka la 30 o Iulai, 1892, ua moraki la ame ka nota ale i hoopaaia ma ua moraki la, a no ia mea, eia ia mau mea ma ka lima o ka mea nona ka inoa malalo iho nei, ma ke ano Lunahooponopono Waiwai, me ka palapala kauoha i hoopili pu ia, no ka Waiwai o Stephen Spencer i make aku nei, a no ka uhakiia ana hoi o na kumu hoopaa maloko o ua palapala moraki nei, oia hoi: ka uku ole ia ana o ke kumupaa ame ka ukupanee i hoopaaia malaila, a mahope iho o ka pau ana o ka manawa i kaupalenaia ma ke Kanawai, e kuaiia aku no ma ke Kudala akea, na aina apau, na pono ame na mea apau i paa maloko o ua moraki la i hoakakaia hoi malaila, no ka uhakiia ana o na kumu hoopaa ma ua moraki la.

 

A he hoolaha hou ia aku nei ma keia ma ka Poakahi, la 12 o Dekemaba, 1898, ma ka hora 12 awakea o ua la la, ma ke keena Kudala o Jas. F. Morgan, ka Luna Kudala, ma Honolulu, ma ka Mokupuni o Oahu, na waiwai apau i hoikeia a i hoakakaia maloko o ua moraki la, ma ke kudala akea, no ka uhakiia ana o na kumu hoopaa ma ua moraki la.

 

Hanaia Honolulu, Novemaba 4, 1898.

            JOHN M. DOWSETT.

Lunahooponopono me ka Palapaia Kauoha i hoopili pu ia, no ka Waiwai o Stephen Spencer, i make.

 

O ka waiwai paa i hoikeia a i hoakakaia ma ua palapala moraki nei, oia keia:

 

O kela apana aina apau e waiho ana ma Kaluaopalena, Kalihi, ma ka Mokupuni o Oahu i oleloia, oia hoi he hapa o ka Apana 3 o ka Palapala Sila Nui Helu 1495, Kuleana Helu 1238 i hoopukaia ia Hoenui, a oia nohoi ka aina i hoolilola aku ia John Peter ma ka Buke 90 ma ka aoao 79 a mahope aku, a maloko o iaila he Elua (2) eka ame 7.43 Pauku.

 

No na mea aku i koe e ninau ia Cecil Brown, loio no ka Waihona o ka Moraki.

2728-5t

 

HOOLAHA MANAO HOOKO MORAKI A KUAI AKU A KA MEA PAA MORAKI.

l kulike ai me ka mana kuai ame kekahi mau olelo a mau kumu aelike e ae i paa maloko o kekahi palapaia moraki i hanaia Augate 1, A. D. 1895, mai a Dick Chew mai o Kapaa, Kauai, ia Kealia Store, ma o George H. Fairchild la o Kealia, Kauai, oia hoi, ka Makee Sugar Company, he hui i hoohuiia a e lawelawe hana ana malalo o na kanawai o ko Hawaii Pae Aina, a ua kopeia ua moraki la maloko o ke Keena Kope Palapala ma Honolulu, Mokupuni o Oahu, maloko o ka Buke 180, ma na aoao 485 a hoea i ka 487.

 

Ke hoolahaia aku nei ma keia, ke makemake nei hoi ka mea paa moraki (Mortgagee) malalo o ua moraki la, e hooko aku i ua moraki la, no ka uhaki ia ana o na kumu, oia hoi: ka uku ole ia ana o ka ukupanee ame ke kumupaa ma ka wa e hookaa ai.

 

Ke hoolahaia aku nei nohoi ma kela, e kuaiia aku ana na aina apau, na pono no ame na mea apau maluna iho a e pili ana ia lakou, ame na waiwai apau i paa a i hoakakaia maloko o ua moraki nei, a i hoikeia nohoi mahope ae nei, ma ke kuai kudala akea ma ka Hale Hookolokolo ma Kapaa, Kauai, ma ka Poaono, ka la 17 o Dekamaba, A. D. 1898, ma ka hora 12 o ke awakea o ua la 'la.

 

No na mea i koe e ninau ia Kinney & Ballou, na loio o ka mea nona ka inoa malalo iho nei.

 

Hanaia Honolulu, K. H. P. A., Novemaba 10, 1898.

            THE KEALIA STORE,

Na George H. Fairchild o Keaiia, Kauai, The Makee Sugar Company.

 

HOAKAKA O KA WAIWAI E KUAI IA AKU ANA.

O keia aina apau ma Kapaa, Kauai, malalo o ka hoolimalima ma ka la mua o Augate, A. D. 1895, ia Tuck Chew Company, me ka wili raiki, ame na mikini ame na mea paahana i pili i ua wili raiki nei, ame na hale apau maluna iho o ua aina 'la i hoolimalimaia aku, elike me ia i hoikeia ae nei, mai ka Makee Sugar Company mai, oia ka aina apau i paa ma kekahi hoolimalima i hanaia ma ka la mua o Iulai, A. D. 1894, mawaena o ka Makee Sugar Company, Kealia, Kauai, ma o kona Luna Nui la, o William Blaisdell, ame ka Tuck Chew Company o Kealia, Kauai, ma o kona Luna Nui la, Tuck Chew, a penei i hoikeia ai na palena maloko o ua palapala hoolimalima la:

 

Kela apana aina apau e waiho la ma Kealia, Kauai, maloko o laila aneane Kanaono-kumamalua (62) Eka, oi aku a emi mai paha, a i ikeia hoi, ka Aina Naku o Kapaa (Kapaa Swamp); 28 eka aina o ua kuleana hoolimalima la., i ikeia Mahele i, a he 34 eka o loko o laila i ikeia he Mahele 11.

2728-td

 

HE HOOLAHA NO KA HOOKO MORAKI.

Ke hoolahaia aku nei ma keia, i kulike ai me kekahi mana kuai maloko o kekahi palapala moraki i hanaia Sepatemaba 10, 1880, e A@iiloa (w) o Honolulu, ma ka Mokupuni o Oahu, ia Henry Macfarlane oia wahi hookahi no i kopeia ma ka Buke 66 ma ka aoao 318, a mahope aku a i hooli oia aku e ua o Henry Macfarlane ia F. W. Macfarlane ma ka la 30 o Maraki, 1896, a oia ka mea e paa nei a ona hoi o ka Nota Aie ame ua Moraki 'la, a no ka uhakiia ana o na kumu hoopaa maloko o ua Palapala Moraki la, oia hoi, ka uku ole ia ana o ke kumupaa ame ka uku-panee i hoopaaia malaila, a e kuaiia aku no ma ke Kudala Akea, na aina apau-pakahi a huiia-na pono ame na mea apau i pili i ua mau aina 'la i hoikeia maloko o ua palapala moraki la, no ka uhakiia ana o na kumu hoopaa i hoikeia maluna ae nei.

 

A ke hoolahaia aku nei hoi ma keia, ma ka Poakahi, la 12 o Dekemaba, 1898, ma ka hora 12 m. (awakea) o ua la 'la e kuai kudalaia aku ai maloko o ke Keena Kudala o Jas. F. Morgan, Luna Kudala, ma Honolulu, Mokupuni o Oahu, kela ame keia waiwai apau i hoikeia maloko o ua palapala moraki 'la a i hoakakaia hoi, mno ka uhakiia an o na kumu hoopaa maloko o ua moraki la.

 

Hanaia, Honolujlu, Novemaba 1, 1898.

            F. W. MACFARLANE.

Waihona (Assignee) o H. Macfarlane, ka Mea Moraki mai, i hoikeia maloko o ua Moraki la.

 

Eia iho no ka waiwai paa i hoikeia maloko o ua palapala moraki la:

 

O keia apana aina apau e waiho ia ma Kamoiliili, Waikiki, Honolulu, Oahu, he lihi hoi no ka Palapala Sila Nui-Kuleana 1274 ia Huliloa, a maloko o laila he poe loi kalo ame aina kula.

 

E hoomaka ana ma ke kihi Hema o keia aina a e holo ana.

 

Ak. 37.00 Hik. 150 kapuai ma Aea;

 

Ak. 34.00 Hik. 98 kapuai a e ma keia aoao o ke alanui a ma ka Ap. 2 ia Kaakau;

 

Ak. 8.00 Hik. 89 kapuai ma ko Kaakau;

 

Ak 61.00 Kom. 251 kapuai ma ko Kauhola aina;

 

Hem. 4200 Kom. 244 kapuai ma Ap. 1 ia Kaakau;

 

Hem. 5000 Hik. 198 kapuai a e ma kela aoao o ke alanui, a holo ma ka pa pohaku a hiki i ke kahawai (stream);

 

Hem. 43.30 Hi. 120 kapuai ma ke kuauna a hoea i kahi i hoomaka ai, a maloko o laila he Ili o 1.87 Eka.

 

No na mea aku i koe e ninau ia Cecil Brown (Kikila), Loio no ka Waihona (Assignee) o ka Moraki.

2727-5t

 

Hoolaha Mana Hooklokoolo.

AHA KAAPUNI APANA KAAPUNI Elua Ko Hawaii Pae Aina. Ma ke Keena. Ma ka Hooponopono Waiwai. Ma ka Hana o ka Waiwai o Nahalehau (k) o Wailuku, Maui, i make Kauoha ole. Imua o Lunakanawai John W. Kaiua. He Kauoha no ka Hoolaha i ke Noi e Hooponopono.

 

Ma ka heluhelu ana ame ka waihoia ana mai o ke Noi a Kealoha (w) o Wailuku, Maui, wahinekanemake a Nahalehau, e olelo ana ua make kauoha ole o Nahalehau (k) ma Wailuku, Maui, ma ka la 25 o Iune, A. D. 1896, me ka waiho ana i kekahi waiwai ma Ko Hawaii Pae Aina i kupono e hooponoponoia, a e nonoi mai ana e hoopukaia ka Palapala Lunahooponopono Waiwai ia Kealoha (w).

 

Ua kauohaia, o ka Poaha, la 29 o Dekemaba, A. D. 1898, ma ka hora 10 a.m., oia ka manawa i hoonohoia no ka hoolohe ana i ua Noi la ma ke Keena Hookolokolo o keia Aha ma Wailuku. Maui, a ma ia manawa a ma ia wahi e hele ae ai ka poe apau i pili i ua waiwai la, a e hoike mai i kumu i na he kumu ka lakou, nokeaha la e ae ole ia ai ua Noi la, a e hoolahaia aku hoi keia Kauoha maloko o ke "Kuokoa" no ekolu pule ka'i like.

 

Hanaia Wailuku, Maui. K. H. P. A., Novemaba 26, A. D. 1898.

(Sila)

            Na ka Aha:

            JAS. N. K. KEOLA.

            Kakauolelo.

2731-3t

 

ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka Waiwai o Charles Hooper, o Kona, Hawaii, i make.

 

Oiai ua waihoia mai ka Palapala Noi ame ka Hoike Waiwai a ka Lunahooponopono Waiwai o ka mea i oleloia ae la, a ma ia palapala i noi mai ai oia e nana ia a e apono ia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na koikoi mai a pau ma kona ano Lunahooponopono Waiwai.

 

Ua kauohaia, o ka Poaono, la 31 o Dekemaba, M. H. 1898, hora 10 o ke kakahiaka, ma ke Keena Hookiolokolo, Aliiolani Hale, ma Honolulu, oia kahi ame ka manawa i koho ia no ka hoolohe ana i ua noi la ame ka Hoike Waiwai, a malaila a ma la wa hoi e hele ae ai na kanaka a pau i kuleana ma ia waiwai a hoike mai i na kumu ina he mau kumu ka lakou e ae oie ia ua noi ia.

Honolulu, Novemaba 22, 1898.

Na ku Aha:

            GEORGE LUCAS.

            Kakanolelo.

2730-3t

 

AHA KAAPUNI, APANA HOOKOlokolo Elima o Ko Hawaii Pae Aina. Ma ka Hana o ka Waiwai o Kame (he Iapana) i make kauoha ole.

 

Ua waihoia mai ke Noi e Edward Kuapahi e hoike ana ka mea i make kauoha ole, a e nonoi mai ana e hoopukaia ona Palapala Lunahooponopono Waiwai no ua Waiwai la @ Edward Kuapahi i oleloia ae la.

 

Ke hoolahaia aku nei ma keia, o ka Poalua la 20 o Dekemaba, 1898, ma ka hora 10 a.m. (kakahiaka) ma ka Hale Hookoloko, Lihue, oia ka manawa ame kahi i kohoia no ka hoolohe an@ i ua Noi la, ma ia wa a ma ia wahi e hele ae ai na poe apau i kuleana ma ia hana, a hoike mai i na kumu, ina he kumu ka lakou, nokeaha ia e ae oie ia ai ua Noi la.

            Lihue, Kauai, Novemaba 14, 1898.

            Na ka Aha:

            R. W. T. PURVIS.

            Kakauolelo.

2730-3t

 

AHA KAAPUNI O KA APANA KAApuni Elua, Ko Hawaii Pae Aina. Ma ke Keena. Ma ka Hooponopono Waiwai. Ma ka Hana o ka Waiwai o AU (k) i make kauoha ole o Kaunakakai, Molokai. Imua o Lunakanawai John W. Kalua. Kauoha e Hoolaha i ke Noi no ka Hooponopono Waiwai.

 

Ma ka heluheluia ana ame ka waihoia ana mai o ke Noi a Kauanui Nakai (k) o Mapulehu, Molokai, e olelo na ua make kauoha ole o Au (k) o Kaunakakai, Molokai, ma Molokai, ma ka la - o---, A. D. 189-, me ka waiho ana iho he waiwai ma Ko Hawaii Pae Aina i kupono e hooponoponoia, a e nonoi mai ana i Palapala Luna Hooponopono Waiwai e hoopukala aku ia D. H. Kahauielio.

 

Ua kauohaia o ka Poakahi, la 19 o Dekemaba, A. D. 1898, ma ka hora 10 a.m., oia ka wa i hoonohoia ai no ka hoolohe ana i ua Noi la ma ke Keena Hookolokolo o keia Aha ma Lahaina, Maui, a ma ia wa a ma ia wahi e hele ae ai na poe apau i kuleana ma ia hana a e hoike mai i kumu, ina he kumu ka lakou, nokeaha la e ae ole ia ai ia la Noi, a e hoolahaia aku keia kauoha maloko o ke Kuokoa no ekolu pule kai-like.

 

Hanaia, Wailuku, Maui, K. H. P. A., Novemaba 12, A. D. 1898.

(SILA.)

Na ka Aha:

            JAS. N. K. KEOLA.

            Kakauolelo.

2729-3t

 

ILOKO O KA AHA KAAPUNI APANA Hookolokolo Ekahi o ko Hawaii Pae Aina.

 

Henry Claessens kue ia Elliesie Claessens, inoa hanau Elliesie Godeka (Puu Apuni).

 

Ka Repubalika o Hawaii.

 

I ka Ilamuku o ke Aupuni a i ole, i kona Hope: Me ka mahalo.

 

Ke kauohaia aku nei oe e kii ia Elliesie Claessens, inoa hanau Elliesie Godeke, mea hoopilia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae nei ma ke Kau o Novemaba o ua Aha la, e malamaia ana ma Honolulu, Mokupuni o Oahu, ma ka Poakahi, la 7 o Novemaba ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Henri Claessens, ka mea hoopii, e like me ka mea i hoakakaia iloko o kana palapala hoopii oki mare i pakuila me keia.

 

A e hoihoi mai i ka palapala kii me ka hoike piha o kau mau hana no ia mea.

 

Ikea ka Mea Hanohano Antonio Perry, Lunakanawai Ekahi o (SILA)  ka Aha Kaapuni Apana Hookolokolo Ekahi, ma Honolulu, Oahu i keia la 11 o Okatoba, 1898.

(Kakauinoaia)

            P. DANSON KELLETT JR.

            Kakauolelo.

 

Ke hoike aku nei au o ka mea maluna ae he kope oiaio o ka Palapala Kii ma ia hihia, a ua kauohaia ua Aha la e hoolahala ia mea a e hoopaneeia ka hibia a e Kau o Februaria, 1899, e hiki mai ana o keia Aha.

Honolulu, Novemaba 11, 1898.

            P. DANSON KELLETT JR.

            Kakauolelo.

2729-6t

 

AHA HOOKOLOKOLO KAAPUNI Apana Ekahi o ka Repubalika o Hawaii ma ka Hana o ka Waiwai o Kealoha Iuko (1 make). Hoolaha a ka Luna Hooponopono i na Mea Hooaie.

 

Oiai, ua hookohuia mai ka mea nona ka inoa malalo iho nei na ke Mea Hanohano A. Perry Lunakanawai K@puni Apana Ekahi, i Lunahooponopono Waiwai no Kealoha Iuko i make o Honolulu, Oahu, ke hoolahaia aku nei ma keia i ka poe a pau he mau koi ka lakou ia Kealoha i make, e waiho mai i ko lakou koi i hooiaio pono ia, me na palapala hooiaio, ina he mea kekahi oia ano, ina no hoi ua hoopaaia ke koi ma o kekahi moraki la a aole paha, ma na keena o J. Alfred Magoon e pili pu la me ka Hale Leta ma Honolulu i oleloia, iloko o eono mahina mai ka la aku o keia hoolaha, a i ole ia, e hoole mau loa ia aku no lakou.

            Honolulu, Novemaba 12, 1898.

            J. F. CARL HAGENS.

            Lunahooponopono.

J. Alfred Magoon ame R. D. Silliman na Loio.          2729-4t

 

Vapo-Cresolene

MAMULI o ka Haawiia ana o ka laau CRESOLENE ma ka hanu ana, oia ke keehina hana palekana loa no ka lawelawe ana i na Ohe Maka\@ni o ka puu. He kamahao @ ole ka holo pono o kana hooia ana i ke @-Kalea ame ka Kunu Po. He laau maikai o@ ia @ ke pale ana aku i ua ma'i lele, a pe a aku. E loaa no na buke hookaka me ka kumu@ @ ole, i huipu me na palapala hoomaikai. Kuaiia e na poe kuai laau a pau.

HOLLISTER DRUG CO.,

Honolulu, HI., Agents.