Ka Nupepa Kuokoa, Volume XXXVII, Number 52, 30 December 1898 — Elua mau Ninau i pane ia. [ARTICLE]

Elua mau Ninau i pane ia.

Heaha ka waiwai o kou ha.ua ana i waiwai oi aku o ka maikai mamua o ka kou hoa paonioni, ina e loaa ole ana ia oe he kumukuai oi aku o ka maikai? Pane.—No ka like loa ana o na kumukuai o na waiwai elua, e kuai auanei ka lehulehu i ka mea oi aku o ka maikai, a nolaila, o kahi puka e loaa mai ana ia makou he uuku no paha ia, ma ke ana uuku loa, aka, e mahuah.ua ana no nae ia ma ka huina houhiulu nui o na puka. Pehea e maopopo ai i ka lehulehu o ka oukou ka mea oi loa aku o ka maikai? Ina e hoounaio ia aku ana na waiwai elua imua o ka lehulehu, e hoao like ia ana laua a i elua, a e haawi koke ana ka lehulehu i ka lakou olelo hooholo maluna oia mau mea elua, a e lawe wale ana no lakou i ka mea oi aku o laua. , O keia ka mea e hoomoakaka ana i ke kumu o ka nui o ke kuaiia ana o ka Laau Kunu a Kamalena. Ua inu na kanaka i keia laau no na makahiki he lehulehu, a ua ike lakou he laau ia i hiki ke hilinaiia i na wa apau. Malia paha e lilo ana no lakou ma kekahi mau laau e ae, mamuli o na ohoihia ana o ka manawa, a me na hana hoikeike ano hou, me na olelo haanui, aka, e hoi hou mai ana no nae lakou i ka laau mua a lakou i ike ai he hiki ke hilinaiia, anoke kunu, ke anu ame ke kunu ho, aohe lua e loaa 'ka Laau Kunu Ola a Kamalena. E kuaiia ana e na poe kwii laau apau. O Benson Smith & Co. na Agena no Ko Hawaii Pae Aina. *

Ua oleloia inahope iho o ka ukiiia ana o na lilo apau o ka hui ihimeni i haawiiia ai ma ka po Poailua nei maloko o ka HaJe Mele hou, no ka pomaikai o ke Kula Kaikamahine o Kawaiaihao, Hui Kokua Hawaii ame >ka Home Hoohanau Keiki Kapiolani, e koe ana ihe $600 ma ka iwaihona no ka liaawii manawaleaia ana 'ku i feeia mati wahi i hoikeia ae la.