Ka Nupepa Kuokoa, Volume XXXVIII, Number 3, 20 January 1899 — Page 3
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Hui Alahao me Aina o Oahu
MAI A MAHOPE AKU O IUNE 13, 1898
MANAWA HOLO
(Train scheudule )
G.P. Denison, Luna F.C. Smith
Lune Kuai Palapala Holo
------------------
“Mai Poina Oe Ia’u”
----
Ke hoike aku nei makou i na ma@maka o ke “Kuokoa” i hookaa ole @ i ka lakou mau uku pepa no ka makahiki holookoa i hala, a no ka ha@lua makahiki paha, e hookaa koke mai i ko lakou mau aie ia makou.
O ka poe hoi e lawe ana i ke Kuo@oa i keia makahiki, 1899, e oluolu e @ooana pono mai i ka uku pepa ma @@@ pa: HAWAIIAN GAZETTE CO.
----------------
Nu hou hawai
-----
Na ko makou makamaka Hon. J. Kaulukou ma ke keen maluna ae o @ahi hale-aina mauka iho o ka Hale @@@ O kona keena loio ia.
---------------------------------
H@ hoolaha ka Kikila Baraunu, Lu@@ ponopono o ka Waiwai o Kahale@@ make, no ke kuai kudala aku i @ona Kuleana ma kekahi apana aina ma Kamakela.
-------------
I Honolulu iho nei o Rev. S.L. Desha @ Kauakanilehua o Hilo, a ma ka mokuahi Kinau o ka Poalua nei, i huli noi aku ai oia no ua aina kupolua nei @ ka ua hoeha liko lehua.
---------------
Ma ka po Poalua, Ianuari 10, 1899, ua haakele mai la i keia ola ana o Alfred Staine Kanuha, he keiki hookahi a Mr. ame Mrs. David Kanuha o Kalihi. He @va ka ma’i i make ai.
-------------
H@ keu a ka mea lapuwale nui wale, @@@, ka meeau ame ka maneo, e aai @@@ ka ili. E hoopau i keia mea po@@ Ola i ka aila hamo a Doan. Loaa @@@ halekuai laau Iapaau apau.
-------
@@ aha mele ke haawiia ana ma ka @@ Kula Kaikamahine o Kamehameha i keia ahiahi, no ka pomaikai o ka waihona buke o ke Kula Kaikamahine o Makawao. He $1.00 ka uku kowa.
------
Ma na lono hope loa i loaa mai nei ia makou no Cecilia Poepoe, aia oia i Kapalakiko, a ua komo oia ma na hana o eha aha mele i-haawiia ma ka luakini Baptist e noho kahu ia ana e Rev. Kelley.
------
Ua hookohuia o W. J. Lowrie Esq. o Maui i hoa no ka Papa Alanui oia mokupuni, ma kahi o W.T. Robinson. E nana ae ma ka hoolaha a ke Kuhina Kalaiaina e puka aku nei ma ko makou pepa o keia la:
-----
Ma ka hookuku kipu pololei i malamaia e kekahi poe maamaalea ma ia hana, ma ka Poalua nei, ma ke kahua kipu maKakaako ae nei, ua ikeia o F.S. Dodge ka mea kiekie loa o na he@@ ma ia la, a o C.L. Crabbe aku kona ukali.
-------------
He hoolaha ke puka aku nei ma ko makou pepa o keia la no ke noi a John Pae, kahu malama waiwai o Kealohaokalani k, o Honolulu nei, he keiki oo ole, e noi ana i ka Aha Hooponopono Waiwai e aeia oia e kuai aku i ka waiwai o ua hanai la ana i mea e pono ai @@na ola ame kona hoonaauaoia ana.
-------------
Ma ka halawai ana a na Luna Nui o ka Hui Kokua Hawaii ma ka home noho o Mrs. S.C. Allen, ma ka Poalua nei, ua hooholoia e haawi ana ia Hui he ahaaina luau ma keia mua iho, no ka pomaikai oia Hui. He hanaia i kupono ke ohohiaia e na kanaka Hawaii, oiai no lakou no ia pomaikai.
-----------------
E malamaia ana ma ka Poalima hope, Feberuari 24 ae nei, ke koho balota ana i kekahi kanaka nana e hoopiha i ka manawa i koe o Senatoa H.W. Schmidt i waiho aku, a o ua manawa la i koe e pau ana no ia ma ka Poakolu hope o Sepetemaba ae nei. Owai ka Moi@o?
--------
I ka i’a hamau leo – ikea ke kaha o Kaupea – kiei ia Nankuli –oku apa kahi mea hewa – hoomaha i Poka-i-kaalo ae o Mauna Lahilahi –lele mai Makaha me he ao opua la ---“malolo kai me moana kai” ka’u i lohe --- ne hone ana ke one kani o aMkua, alawa iho oe ma ka aoao, he neneeia na ke one opiopio—hoea i Keawaula – ike ia Kilauea –noho mai Pohaku –o-Kauai—maopopo ka Lae-o-Kaena—ike i ka pohaku olelo—maalo ana Leina-a-ka l’hane –o ana i Aiea—pawehe o Kawai-hapai—laula o Mokuleia—hoea makou ilaila, ua hele a Walikanahele---O Waimea i ka pohina a ka noe, pulupe i ka hunakai—pupuu a hoolei loa “na u o Lewa” kau iluna ---hoaumoe i Kihene, ilaila makou ike i ka iniki huihui a ke kehau—hooipo me Laieikawai, i ke kiowai kapu o Waiapuka.
Ua komo kolohe ia kekahi wahi halekuai Pukiki ma ka hina o na Alanui Moiwahineme South, ma ka o Poalua nei, a ua lilo aku he mau dala lehulehu lo2.
-------------------
Ke lauiana nei ka lono ma Honolulu nei, ua makaukau loa ke kukulu i ana aku o ka Banako Lahui Mua o Hawaii nei ma keia mua kokoke iho.
---------------------
Ua huli hoi mai nei o Mr. M Kaaepa mai Mauma Pohaku mai, ma ka Poakolu iho la, maluna mai o ka mokuahi Australia.
------------------
Ua haawi makana aku nei o Mrs. Mary H.S. Carter, he 100 buke kanawai o loko o ka waihona buke a Charles L. Carter i make, i ka Aha Kiekie, He makana waiwai nui keia.
--------------------
Ua hala aku nei o Loio A.G. M. Robertson o Honolulu nei, maluna o ka mokuahi Aorangi no ke Kapitala o Wasinetona, no ka ninau e pili ona i ke komo ana mai o na Pake i Hawaii nei.
-------------------
I keia mau la kokoke i aui ae nei, na lilo aku la na mahele kuleana o Lunamakaainana L.L. McCandlesss. He 228 ka nui, iloko o ka Hui Mahiko o Ewa, no ka huina o $72,000. Ua like ia me $250 no ka mahele kuleana hoo kahi. Momona ke ko.
---------------------
Ma ka hora 12 o ke aumoe o ka po Poakolu nei, Feberuari 18, i kaalo ae ai ka hokuhele Holoholopinaau (Mars) ma kona merediana. Nolaila e ku ana ia ma kona kulana huli kaulike mai i ka la, a kaa ka honua nei mawaena ona ame ka La. O ko ka Honua nei kaawale mai a Holoholopinaau mai ma keia kulana kaulike he 62,000,000 mile.
------------------
Ua holo makaikai aku i huipuia me ka hoomaha kekahi o ko makou mau limahana ma ka auina la Poaono nei no Kahuku maluna aku o ke @aa ahi, ua ike i ka aina lewa i ke kai i olelo nui ia ma na moolelo o kakou, oia hoi o Kahuku, ka ike ana ia Laie, kahi o ka hoomana Moramona e ku nei, ia Waiapuka hoi, kahi kiowai o Laiekawai i hanauia ai, elike me ka hoike a na moolelo, a ma ka anina la Sabati i huli hoi mai ai lakou me na ola kino maikai.
--------------------
HE ULIA WELIWELI
--------
Ma ka hora 7 paha o ke kakahiaka Poakahi nei, Ianuari 16, i loo@@a ai kekahi poino ulia weliweli loa ma ke kahua hoolulu kaa-ahi o ka Hui Kaa Ahi me Aina o Oahu nei, mamuli o ka hoopopilikiaia ana o kekahi mau ola kanaka elua, no laua na inoa o Louis Myers ame Antone Borba. Ua opa pu ia keia mau kanaka mawaena o kekahi wahi kaa uuku ame ke kaa nui lawe ohua. Ua hoopoino ia ko laua mau wawae mamuli o keia hookui ana. A ua hoihoi ia aku laua no ka Halemai Moiwahine. O ke kaa lawe ohua, mai lalo mai ia o Ewa kahi i hoi mai ai, a hookui iho la me keia kaa maluna nei. Aole i manao keia poe o ke kaa maluna nei, e halawai ana na kaa elua ma ke ano ulia hooku’i, aka nae, ia lakou e ueue ana i ke kuiki e loaa ai he palekana no ko lakou kaa, aia hoi, kani ana ke oeoe o ke kaa mai lalo mai, a mamua o ka hiki ana i ko lakou kaa ke kaawale ae mai kahi ana e ku ana, ua hooku mai la ke kaa mai lalo mai, me ka hoao ana no nae o ka eneginia o ke kaa mai lalo mai e hoopaa i kona holo ana, aka, aole nae i paa, ua hookui mai la, a ua popilikia kekahi mau ola.
O ka eneginia ua ha’i kona wawae ma elua wahi, a o ka pao ahi ua palahe kekahi wawae, a ua oki ia. Aia laua ma ka Halemai Moiwahine kahi i waiho ai.
---------------------
AHAAINA HOIKEIKE HANA LIMA AKAMAI MA HUELO, MAUI
------------------------
E Mr. Lunahooponopono, e ae mai ia u, no u ke kauwahi o kou kino lahi@aai, no keia wahi mea hou uuku, au e pahoia aku nei imua o kou alo.
Ma ka la 29 o Dekemaba, M.H. 1898, i kaa hope aku la, ua kukulu ae o Mr. Eli Snyder, he Ahaaina Hoikeike i na hana lima akamai a na keiki kuia, oia noi, ka hana ana i na eke liilii a nunui ae ame na mea owaho ae o ke kii a pela wale aku. Nui a lehulehu, e laa na moena liilii i a@akai ia e Mrs. K. Kupa, ka mea nana i hoonee na hana imua a hiki i ka makaukau loa ana o na kaiki, i hui pu ia me ko ke kumu poo E. Snyder.
Ua hoohiwahiwa ia ka halepule o Huelo nei i na mea nani a na keiki i hana ai, a, ua kapiliia me na lole lepo-nalo me lole pia keokeo. Eia iho na mele i mele ia ai e na keiki.
A Morning Hymn, Sowing the Seed, Yankee Doodle, 1 st Marching Song, Dolly Song, Old Black Cat, Oh the Merry Sports of Childhood, Old Kitchen Clock, Native Song, 1nd Marching Song, Bo bo Baby, Solo by Ellen Kupa, Pull for the Shore.
O keia ae la na mea i hana ia ma ia la, i alakai ia e Mrs. Libby Aki. Nui ka hauoli o na makua mea keiki no keia mau hana akamai a ke kumu i na haumana kula.
O keia mau hana ike lima i ao ia ai, o na keiki kane wale no.
O keia mau mea a na keiki i hana a, he mau mea kupono loa keia no ka hoonani hale. Nokamea, ua hana ia keia mau mea mai loko mai o ka lauhala Hawaii, me ka ohe, Iwa, a ua hooluu ia hoi ka ohe i na wai hooluu like ole. O ka lauhala hoi me ka iwa ua waniki ia me ka wai gula. Ke nana aku oe ia la he panio wale no ia me ka pahinu, ua hoopaa pu ia no me ke kii, oiai i ka wa e lilo ai kekahi oia mau mea lilo pu na mea apau, e pili ana me ia mea.
I ka wa e hana ia nei na hana aia na makaikai e nune nei, akamai aku akamai mai. E hai aku au ia oukou ua haule ka ike o na wahine Hawaii maoli o kakou nei imua o keia haole ma ia mau hana, oiai, o na mea apau e pili ana ma ka aoao o ka wahine ua lawa loa ia i keia haole.
He elua kapa lau ulu i kau ia ma ia la hoikeike, hookahi no Jos. M. Honokaupu, a hookahi no Mrs. K. Max Mateson, na Eli Snyder i humu wili ke kapa hope.
Ua laki maoli no na makua no ka loaa ana o ka mea kupono nana e hoohaauao maikai na opio.
Mahope iho o ka pau ana o na hana ua pahola ia mai ka papaaina, ka poi, bipi, palaoa me kope, a pela aku.
E aloha aunei e Mr. Lunahooponopono a me kou mau paahana apau. Aloha Happy New Year kakou apau.
JOS. K. PUU
Huelo, Ian 10., 1899.
NUHOU O NA AINAE
---
HOOPAAKIKI O AGUINALDO
KAPALAKIKO, Ian 11 – Aole maopopo ka mea i hanaia e Kenerala Miller o na @@ Amerika i hoounaia aku ai e @enera@a Otis mai Manua aku no ka mokupuni o @@OLO. Ua hooieie aku paha oia i na koa Amerika i uka o ka aina, ma iloiio ponoi, a ma kekahi wa@i e ae pana, a i ole, aia no pahakeia poe koa nuna o na moku nana i lawe aku ia lakou? Aole i hoike mai o Aguinaldo i kona maka’u ame kona @@@mi @ope no keia hoea ana aku o na koa Amerika, a no ia mea ua manao waie o Peresidena McKinley, aia he mana aupuni iKaiKa a oolea ma ke kua mai o Aguinaldo kahi i kokua mai ai iaia. He nui na manao kohooho maAmerika Huipuia nei no keia mana Aupuni nana e kakoo nei ia Aguinaldo. A me he mea la nae, hookahi no mana i maopopo lea, oia no kela mana aupuni i hoao iho nei e paonioni me keia Aupuni. Mamuli o keia kulana uahoa i hoikeia mai e Aguinaldo, ua koho o Kenerala Otis i mau elele ma ka aoao o Amerika, oia hoi o Kenerala Hughes. Konela Smith ame Lunakanawai Aha Koa Crowder, no ke kukakuka pu ana me Kenerala Flores, Konela Aguiles ame Senor Torres, na ele ma ka aoao o Aguinaldo, a ua noho hoi lakou e kuka a e noonoo pu no na keehina hana kupono e hanaia ai e na aoao elua.
KA HALAWAI ANA
LADANA. Ianuari 11 – He halawai ku i ka hanohano kai malamaia mawaena o na elele i koho pono ia ma ka aoao o Amerika ame ko ka lahui Pilepine, elike me ke kauoha a Aguinaldo. O ka hopena nae o keia halawai ana, aole i ikeia.
PALAPALA KUAHAUA KUE
Mahope koke iho o ka puka ana ame ka hoolahaia ana o ka olelo kuahaua a Peresidena McKinley imua o ka lahui Pilepine, aia hoi ua alahula ae la ma na wahi apau o Pilepine ka olelo kuahaua kue a Aguinaldo, e hoike ana, aole loa oia i ae ike i ka mana o ka Alihikana Nui o na koa. Amerika ma Manila, i kona olelo ana, oia ka Alihikaua Nui no ka oihana koa ma Manila, aka, o kana (Aguinaldo) mea i hoomaopopo, ua ike mai o Amerika i ka poe Pilepine ma ke ano he lahui i loaa na pono ma ke kaua, a i hele aku na Amerika i laila no ke kokua ana ia lakou, oiai lakou e kaua ana no ko lakou kuokoa me Sepania. Ua hele aku na Amerika ma ia mau mokupuni no ka olepe ana ae i ka mana o Sepania, a e hoihoi i ka hooponopono kuloko ana o ke aupuni i na kanaka ponoi o ka aina. Ua hoike pu ae nohoi ia, aia no kona Aupuni ame kona mau Iuna Aupuni ma kekahi mau kulanakauhale o Europa ke kue la me ka ike ole ana aku i ka mana o ka Aupuni o Amerika Huipuia ma na mokupuni Pilepine.
Ua kauohaia na mokukaua Solace, Princeton, ame Yorktown e holo i Manila. Ua laulaha ae nohoi ka lono e hoopuipui hou ia aku ana ka ikaika kaua moana o Admirala Dewey mamuli o ka hoea ana aku o na mokukau Detroit, Marblehead ama Montgomery, he mau moku mama keia a hiki ai ke komo ma na kaikuono a ma na multiwai.
EO IA SHARKEY
Ma ka hakaka kuikui puupuu i malamaia mai nei ma ke kulanakauhale o Kapalakiki, ma ka la 10 o Ianuri nei, mawaena o Sharkey ama Charles McCoy, ua lilo ka lanakila ia Sharkey i ka 10 o na puni i lele kuikuiia ai e laua. Ua loaa ia Sharkey ma keia kuikui ana, he $20,000. He aneane 7000 poe makaikai i ike i keia ulele ku’iku’i puupuu kaulanaloa o ke ao nei.
M’KINLEY NO HAWAII, PELA ANEI?
Ua laulaha ae ka lono ma Kapalakiko, ua hoike mai o Peresidena McKinley imua o Hugh Craig, ka Peresidena o ka Papoa Kalepa o Kapalakiko, iaia ma ke kulanahauhale o Wasinetona, ua makemake oia (McKinley) e hele mai i Kapalakiko, a holo loa mai no Hawaii nei. Pela io anei?
KA UWEA OLELO PAKIPIKA
Aia iloko o ka Aha Senate ka Bila Kanawai Uwea Olelo Pakipika a Senatoa Lodge. E haawi ana keia bila i ka mana i ka Luna Lete Nui e hana i aelike me ka Hui Uwea Olelo Pakipika no ka hoomoe ana i uwea olelo mai Kapalakiko mai a i Honolulu nei, mai a nei aku a na mokupuni Pilepine a hoea i Iapana, no ka uku hoomau mai ke Aupuni mai he $125,000 no ka makahiki. Ua laulaha ae nohoi ka lono, e hooholoia ana no kekahi mau mea o loko o keia bila kanawai.
FARANI AME ENELANI
He kulana oehaa no ia e ikeia aku nei i keia wa mawaena o Enelani ame Farani. Ua oleloia, e hoolilo aku ana o Farani mailoko aku o kona waihona waiwai he $60,000,00 no ka hoopuipui ana i kona mau mokukaua; a o Enelani hoi, aia oia ke hoomakaukau la e hoolako aku i kona mau pualikoa pu-kaa me na pu kani pinai o ke ano hou loa.
NA KUE IA LUNAMAKAAINANA B.’ H. ROBERTS
WASINETONA, Ianuari 6 --- He 7,089 ka nui o na hoahanau o kekaki mau ekalesia hoolepopo ma legahani i kakauinoa malalo o kekahi palapala hoopii imua o ka Ahaolelo Nui, ma o ko lakou mau wahaolelo la, e kue ana i ka noho ana o Bingham H. Roberts, i hoa no loko o ka Hale o na Lunamakaainana, ka mea hoi i kohoia mai Uta mai, no ke kumu, he kanaka ia i mare i na wahine he lehulehu. A penei ke ano nui o ua palapala hoopii la:
Oia, ua kohoia o Mr. Brigham H. Roberts he kanaka kaulana a i maopopo loa kona noho mare ana me na wahine he lehulehu i keia wa, i hoa no ka Ahaolelo Nui mai ke kulanakauhale mai o Loko Paakai, Apana hoi o Uta; a
Oiai, ua ku ole loa i ka pono a he hewa loa nohoi i ka manao o ka poe Karistiano, a he kue maopopo hoi i ke Kanawai o ke Aupuni ame ke kahua i aeia aku ai o Uta i Aupuni Mokuaina; a
Oiai hoi, o ka aeia ana o kela kanaka lawehala maopopo, he ae ana ia i ka hana hewa Moramona, a he mea ia e omiloia ai ke kulana hoopono o ka nohona maemae; nolaila
E hoholoia, E hoopii aku ka Aha Presbytery, ma ka aoao o na ekalesia apau malalo oia papa, imua o ko kakou poe Lunamakaainana maloko o ka Ahaolelo Nui e hooikaika lakou a e koho hoi ma ka aoao kue aku no ka noho ana mei o Brigham H. Roberts, i Hoa o ka Hale o na Lunamakaainana.
Ua loaa pu aku nohoi he hoopii o keia ano hookahi mai Bufalo aku, Peniselevenia. Aka, ua manao loa kekahi poe e nana ole ia ana keia mau hoopii.
HE PU WILI HOU LOA
Ua loaa mai nei i kela olohe hana pu kaulana loa o ke ao nei, oia o Hiram Stevens Maxim, he pu i hiki ke ki he 600 poka iloko o hookahi minute, ua like ia me 10 poka i ke aekona hookahi, a he 3600 poka iloko o ka hora hookahi. O ke pookela loa paha keia o na pu wili holo ma ka hoolei poka.
MAREIA NO NA MANAWA HE KANALIMA-KUMAMALIMA
Aia maloko o ka hale-paahao o Maryland, he kanaka nona ka inoa o James Clarke, a ua oleloia ma kona moolelo, he kanalima-kumamalima ka nui o kona manawa i mare ai i ka wahine. E ola ana no kahi wahine a mare no oia he wahine hou, a pela mau kana hana a phia na wahine he 55 i ka mareia e ia.
HE MAU KAUKA FARANI HAKOKO PU ME KA ANELA O KA MAKE
PARISA, Ianuari 2 – Ua hoao iho noi na Kauka Tuffler ame Hollion i ko laua ike hoola i ka mea make, a ua ikeia ke ola loa ana o kekahi ilio i make, a na ola hoi kekahi kanaka opio i make no elua hora a hele loa aku la no kela ao.
O keia kanaka opio, he 25 ona mau makahiki, a mamuli o kona okiia ana no kekahi ma’i maloko o kona opu, ua maule iho la ia a make loa. Ua kiiia keia mau kauka, a ua hele mai laua e lawelawe i ka laua hana no ka hoola hou ana i ka mea make. No kekahi mau hora liuliu loa ko laua hana ana, aia hoi hoomaka ae la ke lelo o ke kanaka make e oni, a hala hou h e manawa o ko laua lawelawe ana ua ikela ka holo hou ana o ke koko iloko o na aa koko, a kaakaa ae la na maka o ke kanaka make, aka, ekolu a eha paha minute mahope iho, ua oki iho la ka oni ana o ka puuwai. Alaila, hoao hou ua mau kauka la i ka laua hana, a ua loaa ke ola i ke kanaka no hookahi hora wale no, a hele loa aku la ka uhane.
-----------------
AINA MAHIKO NUI
------------
Ma ka makou hoomaopopo aua i ka nui o ka aina i komo iloko o kahi e hooliloia aku ana ma Waialua ae nei, i aina mahiko no ka Hui Mahiko o Waialua, oia ke pookela loa o ka nui mawaena o na Hui Mahiko o ka Mokupuni o Oahu nei, ame ko na mokupuni e ae nohoi.
E hele ana keia mahiko mai ka wai mai o Waimea e pili ana i Kahuku, a hoea i Kawaihapai, ma ka huli komohana o Waialua. Aole i kana mai o ka nui o keia aina mahiko. Mai ka ae kahakai aku hoi a haha i na uka o kukaniloko ma, a hookui pu me ka mahiko o ka hui o Oahu.
Ke noonoo iho ke kanaka i kamaaina i na palena o Waialua ma ka pea hikina, hele i ke komohana, a pii i ka hema, na hiki noiaia ke olelo ae, he aina nui maoli keia o kela mahiko.
Aku, owai la ke hoopomaikai nuiia ana e keia aina mahiko? O ka poe i loaa na kuleana iloko o ua Hui Mahiko la. Oia poe ke loaa ana ka pomaikai ame ka waiwai.
------
NANI KA POMAIKAI
----
Nani ka pomaikai.
E huliia ana e na tausani.
Ua loaa nae i ko Honolulu nei.
Nui na poe popilikia i hauoli i keia wa.
Moe ole ka po, pilikia launa ole mai ke ao.
O keia na hua o kekahi ma’i meeau ma ka ili.
O keia k hana a ka ma’i uha hemo maneo.
Ua like a like ka pilikia, oia mea he Eczema.
Aka, e ola ana nae ia i ka Laau Hamo a Doan.
E loaa no ke ola ke loihi kau hoohana ana.
He laau ola no kekahi mai aai ino o ka ili.
He pomaikai keia no ka poe ehaeha.
Penei ka olelo a Mr. Wm. Alten, o mahope iho o Alanui Hyde Park, Helu 531, e noho hana ana ma Scranton Traction Co., ma ke ano Pao Ahi: “He mea na’u e hauoli nui ai ke kamailio ana aku he mau wahi huaolelo hoomaikai a maholo no ka Laau Hamo a Doan no ka ma’i meeau ame ka uha hemo, a oia ko’u ma’i no kekahi mau mahina lehulehu loa. Hoao au i na laau he nui, aohe loaa ke ola. He waiwai ole loa kekahi poe laau, a he wahi oluolu hoi kekahi no ka manawa wale no mai kekahi no ka manawa wale no mail kekahi poe laau mai, aole nae ke ole loa ana, a hiki i ko’u kau ana i ka Laau Hamo a Doan. Na kekahi kanaka pao ahi o ka hale hana i hai mai ia’u no ua laau la, no kona ike ana i ke ola oia laau. Nolaila, hele aku la au a kuai aku la i poho, oiai ua ake loa au e pau keia ma’i mai a’u aku, oiai, ua hele au a pilikia loa, o ka oi aku i ko’u wa e hoi ai e hiamoe. I ko’u kau mua apa, ike iho la au i ko’u oluolu a hoomau aku la au i ke kau ana i ua laau la no eha a elima ia. Aole nohoi au i kau pinepine, aka, loaa no nae ia’u ke ola. Mai ia wa mai ko’u ola loa ana, mai keia ma’i hoomainoino mai. Aole au e ae e hoonele ia’u iho i ka Laau Hamo a Doan, no kekahi huin dala e haawiia mai ana ia’u a ke malama mau nei au i na laau la. He laau kupono loa nohoi keia no ke kanaka pao ahi ke welaia oia i ke ahi. He elua no paha hamo ana o keia laau ma kahi i wela, o ka loaa no ia o ka oluolu ame ke oia iloko o ka wa pokole. E hauoli mau ana au e hoike aku ikekahi mau olelo mahalo no ka Laau Hamo a Doan.”
E kuaiia ana e ka poe kuai laau lapaau apau. Kumukuai he 50 keneta. E hoounaia aku no ma ka Eke Leta e Hollister Drug Co., o Honolulu, na Agena, he loaa mal ke kumukuai.
E hoomanao i ka inoia DOAN’S a mai lawe i kekahi laau e ae.
---------
I keia la e ku mai ai ka mokuahi Mauna Loa mai kona mau awa mai, Maui a mai Hawaii mai.
-------
E nana ae ka poe apau i pili i ka waiwai o Kekapa Robinson (w) o Honolulu nei, i make i ka hoolaha a M.P. Robinson, no ke noi i ka Aha Hooponopono Waiwai a Hooko Kauoha ma Honolulu nei, e hooiaioia ka palapala kauoha a ka mea i make.
HE HOOHALAHALA
-------
Ua loaa mai ia makou he mau leo hoohalahala mai kekahi mai o ko makou poe heluhelu, no ka makalii haaiele loa o na hua kepau e palia nei ka makou pepa i keia wa, a wahi a kekahi poe ua kupono wale no keia ano hua na ka poe maka i hele a kohu maka Pueo ka ike i ka po pouli.
He mea oiaio, ua makalii maoli na hua kepau e paiia nei ka makou pepa. He ano na’ina’i no ka heluhelu ana iho no ia makalii loa. Aka, ke hoomanaoia nae, na hanaia keia hua makaliii i nui ai na mea heluhelu e komo Loko o ka pepa no ka pomaikai o ka poe heluhelu. No ko lakou pomaikai i hanaia ai keia ano hua makalii. Ina hoi ma na hua nunui maoli ae, alaila, e panaiki mai ana no na mea e komo iloko o ka pepa.
Nolaila, mai hoohalahala oukou i ko oukou pomaikai, e ko makou poe he@.
-----
Ua olelo mai o Mr. Elisha Berry o keia wahi, aole he laau e ae i loaa ai ii ka oluolu nui ame ke oia hikiwawe ana nohoi mai ka Rumakika mai elike la me ka Laau Hamo a Kamalena (Chamberlain’s Pai@ Balm). Ua nui launa ole kona uluhua no ka nui o ka eha o’eo’e a konikoni mai kona papakole aku a ke kuii a hiki wale i kona hamo ana i keia laau hamo, a o ka loaa no ia iaia o ke ola. – B.F. Baker, mea kawaili laau, St., Paris, Ohio. E kuaila ana e na poe kuai laau lapaau apau. O eBason, Smith & Co., na Agena o Ko Hawaii Pae Aina.
----------------------
Hela ame Keia
OLELO HOOLAHA
@ MAHELEIA ANA KA PUKA O KA Hui Hawaii Kuai Aina (Kaupaleuala) ma ka 10 keneta o ke dala hookahi ke hiki aku i ka Poakolu, la Ekahi o Feberuari, M.H. 1899, ma ke Keena Loio e Aehi & Johnson, hora 10 a.m. no ka M.H. 1898.
ENOCH JOHNSON
Kakauolelo Hui Hawaii Kuai Aina (Kaupalenaia)
Honolulu, Ian. 16, 1899 2738-2t
-------
KUAI A KA LUNAHOOPONOPONO WAIWAI I KA WAIWAI PAA
-----
Ke hoolahaia aku nei ma keia, malalo o kekahi kanoha, a i kulike ai hoi me ua kauoha la, i hoopukaia e ka Aha Kaapuni o ka Mahele Ekahi, ma ka Waiwai o Kahalekai, i make, ua kauohaia mai au e Cecil Brown, ka lunahooponopono o ua Waiwai la, a mamuli o ua kauoha la, e kuai aku ma ke Kudala Akea i ka mea koho kiekie loa, no ke dala kuike, ma ka Poaono, la 11 o Feberuari, 1899, ma ka hora 12 awakea o na la ‘la, ma kuu keena kudala, maloko o ke kulanakauhale o Honolulu, i ka pono apau ame ka kuleana o ua Kahalekai nei i make, i pili, a maloko hoi o kela apana aina e waiho la ma Kamakela, ma Honolulu i oleloia, a oia kekahi hapa o ka Palapala Sila Nui 317, Kuleana 919, ia Keaweluhi, a i hoakaka ia hoi penei:
“E hoomaka ana ma ke kihi Ak. Kom. O keia Apana, a e holo ana: -- Ak. 58 30 Hik. 52.2 kp. Maganeti, ma kahi ala olowi (lane) alaila, Hem 42 30 Hik. 92.1 kp., maganeti, ma ka pa laau; Hem. 37 45 Kom, 68 kp., maganeti, ma ka pa laau; Ak. 34 37 Kom., 114.8 kp., maganeti, ma ka Apana 1 a i kahi i hoomaka’i, Ili 6200 kapuai kuea.
Kuike ke Dala. O na lilo no ka palapala kuai i ka mea kuai mai, a e aponoia hoi ke kuai ana e ka Aha Kaapuni o ka Mahele Ekahi.
No na mea i koe e ninau ia Cecil Brown, Lunahooponopono.
Hanaia, Honolulu, Januari 17, 1899, JAS F. MORGAN 2738-4t
------------------------
HOOLAHA
Ma ka halawai o ka Hui Hawaii Kuai Aina (kaup[alenaia) i malamaia ma ka la 11 o keia malama, ua kohoia na poe malalo iho i mau luna nui no keia makahiki:
Peresidena W.C. Achi
Hope-Peresidena J.K. Kahookano
Puuku Jesse Makainai
Kakauolelo Enoch Johnson
Luna Hooia Geo. L. Desha
Luna Hoohana W.C. Achi
PAPA ALAKAI
Jesse Makainai, J.K. Kahookano ame J.W. Bipikane
ENOCH JOHNSON
Kakauolelo Hui Hawaii Kuai Aina (kaupalenaia). 2737-3ts
-------------------
O ka mea nona ka inoa malalo iho nei, ua hookohuia mai e ka Mea Hanohano J.W. Kalua, Lunakanawai Kaapuni, Apana Elua o Ko Hawaii Pae Aina i Lunahooponopono Waiwai no Nahalehau (k) o Wailuku, Maui, i make kauoha ole. Nolaila, he hoolaha ia aku nei na poe a pau a ka mea make i aie ai, e waiho koke mai i ka lakou mau koi ana a pau i hooiaio pono ia i ka mea nona ka inoa malalo iho iloko o na mahina eono mai keia ia aku, a i ole pela, e hoole mau ia aku no. A pela no hoi na poe a pau i aie i ka mea i make, e hookaa koke mai ia’u, a i ole, ia A.N. Kepoikai, Esq., ko’u loio, ma kona keena oihana ma Wailuku, Maui.
KEALOHA
Lunahooponopono Waiwai o Nahalehau (k) i make.
Wailuku, Ian 7, 1899. 2737-4t
Vapo-Cresoleme He Laau Hoola-oiai no Oee Hia, moe ana no ke
Kunu Kalea, ke Hano, Kunu Ho, ka Nalulu Kau, ke Anu
Ma ka wa e hoopunohuia ai ka uwahi o ke CRESOLENE ma loko o ke keena o ka mea ma’i, e loaa koke @o ka oluolu. He ka mahao kona ikaika hoola, a ma la wa hookahi nohoi e kaohiia aku no ka pahoia ana mai o na ma’i lele, ma o kona liio ana he laau kinai hana laau. E haawi wale ia no ka buke hoakaka.
HOLLISTER DRUG CO. Honolulu, H.I. na Agena
Hoolaha Mana Hookiek@@@@
ILOKO O @@ AHA KAAPUNI APANA. Hookoiokolo Ekahi o Ko Hawaii Pae Aina. Ma ka hana o ka Waiwai o Kealohaokalani (e) o Honolulu, Oahu he keiki oo ole.
No ka mea, ua waihoia mai he palapala @@opii e ke Kahu Malama Waiwai, Joan Pae, e nono! Ana e kuai kudala ia na aina o ke keiki oo oie e waiho la ma ke alanui Emma. Honolulu, Oahu, i mea e hoolako ai a e hoonaauao @@ i ke keiki oo ole.
Nolaila, ma keia k@ haiia aku nei ka lono i ua poe apau i kuleana, o ka Poakahi, la 6 o Feberuari, 1899, hora 10 kakahiaka, ma Aliiolaui Hale. Honolulu, Oahu, oia kahi a me ka manawa e hooloheia ai o ua palapala hoopii @@ a e hoike mai lakou no ke aha la @@@ ole ia ai ke n oi a ke Kahu Malama Waiwai.
Honolulu, Ianuari 18, 1899 Na ka Aha:
P.D. KELLETT, JR
2738-3t Kakauolelo
-----------------------
ILOKO O KA AHA KAAPUNI O KA Apana Hookolokoio Ekahi o ko Hawaii Pae Aina. Ma ka ha@ o ka Waiwai o Kekapa Ho@@@@@ (w) o Honolulu, Oahu, 1 make.
Mamuli o ka wai@ ia aha @ e M.P. Robinson, o Honolulu i oleloia o ka palapala kanoha hope loa o ka @@ i make, a me kana palapala hoop@@ @@noi na e hoolaio @@ palapala kau@@@ hope la, me kona hoike pu @@ @@ make o Kekapa Robinson: ka la 32 o Dedemaba, 1898, a he waiwai pua @ waiwai lewa ko ka mea i make e waiho nei ma Honolulu, Oahu, a me Kona Hawaii; a ma ia palapala k@@@ @@@ loa ua hoike ia o M.P. Robinson i ululoia ka luna hooko, a ke @@@ nei oia e hookohuia oia e keia Ana, nolaila.
Ua kauohia o ka Poalima la 17 o Feberuari, 1899 hora @@ kakahiaka @@ ka rumi hookolokolu o ua Ana la @@ @@@oiani Hale. Honolulu i oleloia oia kahi a me ka manawa e hoolohe @ o ua palapala hoopii la a me ka h@@@ ana i ua palapala kanoha ho@@ la, a @ ka poe a pau i kuleana i na waiwai la.
Na ka Aha
P.D. KELLETT JR
2738-3t Kakauoleha
-------
ILOKO O KA AHA HOOKOLOKOLO Kaapuni. Apana Ekahi o Ko Hawaii Pae Aina. Me ka nana o ka Waiwai o P.H. Puaahiwa, o Honolulu, Oahu, i make.
Oiai, ua waihoia mai ka Palapala Kauoha a Hooilina Hope L@ @ ka @ i make i oleloia ae nei i ka Aha Hookolokolo i oleloia m@ ka palapala nonoi hoi no ka heokoia ana o na Palapala Kanoha la a Hoolina hoi, a @ ka hoopuka ani: na Palapala Hooko Hooilina ia S.M. Kaaukai, ma keia ke hoolahia aka nei, o ka Poalima. Feberuari 17, 1892, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kanoha la, a e hoolohe la ai ua noi la, a ma ia wa a ma ia wahi no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi ia.
Honolulu, Ianuari 16, 1899
Na ka Aha:
P.D. KELLETT, JR
2728-3t Kakauolelo
--------
AHA HOOKOLOKOLO KAAPUNI
Apana Elua o Ko Hawaii Pae Aina. Ma ka Hooponopono Waiwai. Ma ka hana o ka Waiwai o Hana (w) o Wailuku, Maui, keiki oo ole.
Olelo kauoha mamuli o ke noi e ke Kahu Malama Waiwai, no ke kuai ana i kekahi Waiwai Paa.
Ma ke heluhelu a me ka waiho ana mai o ka Palapala Noi a Akukana (Ch). Kahu Malama Waiwai o Hana (w), keiki oo ole, e noi ana e kauohaia e kuai i kekahi waiwai paa o na keiki oo ole la i oleloia, e waiho la ma Ohia. Waikapu, Maui, a e hoakaka ana i kekahi mau kumu ku i ke Kanawai, e aeia’i e kuaiia ua waiwai paa la.
Ua kauoha ia e hele mai ka poe a pau i pili i ua keiki oo ole la, a me na mea a pau i kuleana i ua waiwai la imua o keia Aha, ma ka Poaha ka la 9 o Feberuari, 1899, ma ka hora 10 o ke kakahiaka, ma ke Keena Hookolokolo, ma Wailuku, ma ia wa a ma i wahi e hoike mai ai, ina he kumu kekahi e hoopuka ole ia ai ka olelo kauoha o kuaiia ua waiwai la.
Hanaia ma Wailuku, Maui, Ianuari 3, 1899.
Na ka Aha:
JAS. N.K. KEOLA
2737-3t Kakanolelo
-------
ILOKO O KA AHA KAAPUNI APANA.
Hookolokolo Ekahi o Ko Hawaii Pae Aina. Ma ka hana o ka Waiwai o Kealoha Iuko (w), o Hononolulu, Oahu, i make kauoha ole.
No ka mea, ua waihoia mai he palapla e ka Lunahooponopono Waiwai. J.F.C. Hagen, e nonoi mai ana e kuai kudala ia na waiwai o ka mea i make e waiho la ma Kaakopua. Honolulu, Oahu, i mea e hookaa ai i ka aie o ka mea i make.
Nolaila, ma keia ke haiia ku nei ka lono i na poe a pau i kuleana, o ka Poalima, la 10 o Feberuari, 1899, hora 10 kakahiaka, ma Aliiolani Hale, Honolulu, Oahu, oia kahi ame ka manawa e hoolohe ia ai ua palapala hoopii @@ a e hoike mai lakou no keaha la e ae ole ia ai ke noi a ka Lunahooponopono Waiwai.
Honolulu, Ianuari 6, 1899
Na ka Aha: GEORGE LUCAS
2737-3t Kakauoleio