Ka Nupepa Kuokoa, Volume XXXVIII, Number 19, 12 May 1899 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Hui Al@hao me Aina o Oahu

MAI A MAHOPE AKU O IUNE 13, 1898

Manawa Holo

 

WAHI HOOLULU.  (Mai Honolulu @.)     Waianae, kaa huikau, na la apau koe ke Sabati.          Waialua, kaa ohua, na la apau.       Waianae, kaa ohua, na la apau.           Wili o Ewa, kaa ohua na la apau.

                        A.M.    A.M.    P.M.    P.M.

Honolulu         7:10     9:15     3:10     5:10

Manana           8:07     9:48     3:43     5:50

Wili o Ewa      8:37     10:08   4:08     6:10

@aaia@ae       9:27     10:53   4:43     --

@aial@a         --          12:00   5:38     --

 

WAHI HOOLULU.  (Mai waho mai @ Honolulu.) Wili o Ewa, kaa ohua, koe ke Sabati. Waialua, kaa ohua, na la apau.    Waianae, kaa hui@au, na la apa, koe ke Sabati.         Waialua, kaa ohua, na la  apau.  Wili o Ewa, kaa ohua, Sabati wale no.

                        A.M.    A.M.    A.M.    P.M.    P.M.

Waialua           --          6:12     --          2:39     --

Waianae          --          7:12     10:09   3:55     --

Wili o Ewa      5:50     7:47     10:59   4:32     12:45

@anana           6:15     8:07     11:34   4:52     1:10

Honolulu         6:50     8:40     12:15   5:26     1:45

G. P. DENISON,

Luna, F. C. SMITH,

Luna Kuai Palapala Holo

 

NU HOU HAWAII

            Eia ke Aupuni ke hoomakaukau nei @ loaa ona mau papa inoa hou no na alanui o Honolulu nei.

            E malama ana ke Kula Sabati o ka Ekalesia o Kawaiahao, he paiku hookahakaha, ma ka hora 3 o ka auina la Poaono, Mei 13, 1899.

            Akahi no a loaa mai nei ia makou @ Moolelo o ka Aha Kula Sabati o ka Mokupuni o Oahu nei, a eia mai ma @ makou pepa o keia la.

            Ma ka Poakalu nei i loaa ai ka papa @e haole no ka hoolohe ana i ka hi@a pepehi kanaka o kela poe Iapana @ ka mahiko o Kahuku.

            Ua oi aku mamua o ka akahi-hapa-@ o na kaa hehihehi wawae e holo @ nei maloko nei o Honolulu, he poe @aa baisikala “Cleveland.”

            Apopo ka la hookahakaha nui o na Kula Sabati o na Ekalesia Evanelio o Honolulu nei.  He hooulu mahiehie keia o na Kula Sabati.

            Ke manaoia nei, ina aole e loaa na @a, alaila, e wehela ana na kohokoho @awaiia iho nei no ka hana ana i ka @ana hoomaemae o ke kulanakauha@.

            @a hookohuia ae nei o Pilomena Ka@ i lunahooponopono no ka waiwai @ kana kane i make, oia o Hermann Kaouli.  O J. M. Maunakea ka Loio o @ lunahooponopono.

            He oi iki ae ke kumukuai o ke kaa baikikala “Cleveland,” mamua ka ke@ahi mau kaa e ae, eia nae, ua pa-lua @ku ka oi o kona maikai ame ka paa i @ kaa baikikala e ae.

            E huipu aku ana ke Kula Sabati o @ Ekalesia o Kawaiahao ma ka hua@ hookahakaha nui a na Kula Sabati e malamaia ana ma ka auina la o @ apopo, ma ka hora 3.

            Ma keia la 29 o Aperila aku nei, he Poaono ia, i make ai o Levi Drew (Liwai Drew) i ke 41 a keu o kona @au makahiki.  He keiki kamaaina @a no Honolulu nei.

            Ma ka auina la Poakahi nei i hoomaka mua ai na ulele ana o ka paani @ “Tenisa” ma ke kahua paani oia @ lealea ma ke kihi Ewa, aoao makai @ kuea Uniona, ma “Halaaniani @.”

            Ma ka la 28 o keia mahina, he la Sa@ ia, e hookumu ana ka Hui Naita o Pitia (Knights of Phythias) i ka la @manao i kapaia “Phythian Memorial Day.”  E ka’i huakai aku ana lakou i uka o ka Pa Ilina ma Maemae, a @ ke anaina oihana, ma ko lakou kee@ halawai no e malamaia ai.

            Ua nee aku nei o loio Numana ame Lanakanawai Dayton maloko o na ke@, ma ka hale pohaku i paiia ai ka @pepa Buletina ma alanui Kalepa.  @ kahi i ku ai na hale o ko laua mau @ mua, e hoomaemaeia aku ana, @ hoalaia ana ae he hale pohagu @ ma keia mua aku.

            Ma ka Poakahi nei i weheia ai ka @ kakauinoa lawe mahele kuleana @ Banako Amerika Mua, no ka hu@ kumupaa i hookaawaleia mai no Honolulu nei, he $300,000, ma ka $100 @ ka mahele hookahi.  Ua loheia mai, @ pau loa keia huina dala i ka laweia @ Honolulu nei poe, a koe ka poe @make lawe kuleana.

            Oiai ka moku lawe koa “Senator” e @puka ana iwaho o ke ana, ma ka P@ua nei, ua pahemo iho la ka paa @ a kekahi wahi koa i lulumia e ka @ rama, ma ke kaula ma ka aoao o ka moku, a haule iloko o ke kai, a ho@-a-ia loa i ka hohonu.  Ua hoao ka waapa pailata e huli i ua wahi koa la, aole nae i loaa.

 

NA LET@.

AUWE KA NANI E!!

E Mr. Lunahooponopono e!

            Me ka mahalo:—E oluolu mai kou ahonui i kahi rumi kaawale o kau @wahiwa no ka’u wahi Poomanao e kau ae la maluna, a nau hoi ia e huai ae i ke akea i ike mai ai na kini makamaka puni mea hou o kaua e noho ana mai ka la hiki a ka la komo, oiai, o wau o ka mea nona ka inoa malalo iho he mea hoi i ukali mai mahope o ka meheu o ka’u aliiwahine, mamuli hoi o ka haawe ana iho o na haawina ehaeha a ka mai lepera maluna ona, a apo ia mai la oia e na lima o ke aupuni no ka hookaawale ana aku iaia no ka Panalaau o Kalawao, a ma kona kaawale ana ua hooikaika pu au e ukali aku mahope ona, a ua ae ia mai au e ke aupuni, a ua haalele aku la au i kuu one hanau, ka aina hoi nona ke kaulana, “Hana ua lani haahaa,” a hiki mai la ko’u mau kapuai mua i ka lepo o Kalawao nei i ke Sabati, Aperila 15, o ka M. H. 1871.  A mai ia wa mai ua noho hana au malalo o ka Papa Ola ma na ano hana like ole a hiki mai i keia la, eia au ke ku aku nei a hoike aku imua o oukou e ka lahui, mai ko’u hiki ana mai i keia Panalaau a hiki i keia la aohe au mea nani e ae e hoike aku ai oia wale no keia: O ke alanui e hele ai mai Kalawao a Waikolu, he ku i ka nani ke nana aku, ua hiki ia’u ke olelo iho he hiki loa i ke kaa paikikala (bicycle) ke holo ma keia alanui, aka, i ka wa mamua he ku i ke ino ke nana aku, a ke hele aku hoi oe e puanuu ana oe iluna a ilalo o na halo’alo’a pohaku, a ina he wahi ukana kau e haawe ana, o ka umealu wale iho la no ia imua a i hope, a ina oe e kau ana ma kahi lio e kupaoi ana oe i o a ianei me he moku kuna ‘la (schooner); a no keia mau la ea i hai ae au o ka Mea Hanohano W. O. Smith ka malihini hiki mua ma ka holo kainepu ana me kona lio ma keia alanui, a aohe hoi e olelo ana no makou no ka poe noho mau o Kalawao nei.  E kikaha mau ia ana e makou ua nani ’la i na la apau, e like me ko Honolulu poe ka hoopakelo mau ma ko lakou mau alanui nani.  Nolaila, o ka’u hoike keia i ko’u kamaaina aole mai na luna mua mai, a aole no hoi mai na kulana aupuni mua mai, aka, i keia wa aole no.  A me he mea la no hoi paha ea, akahi no a hoohana ia ke dala o ke aupuni a Popoume ma e hoopoiheke mai nei, a eia kekahi mea hoike aku, mai kinohi no hoi o ko’u noho ana a hiki i keia la, akahi no au a ike i ka hoohoka ino ia o ka Papa Ola e ka moku ole nana e lawe mai i na Komite i ka Panalaau nei, a he mea nae hoi e hu ai ka aka, o ke Sabati iho nei, Aperila 30, ke Sabati e ku mai ai o ua moku Komite nei, a ma ke kakahiaka nui poniponi o ua la ’la, oiai, ke kehau e hoope mai ana i ka ili o kou mea kakau, aia hoi ike aku la au e punohu mai ana ka uwahi o ka imu puaa ma kekahi hale e ku mai ana ma ke kukulu akau mai ko’u hale aku, me ka manaolana e ku io mai ana’ la ka moku me ka malihini i manao ia eia ke hoi auanei, e make e ana ka puaa, a e pau e ana kona io i ka ai, a e koe ana hoi ka mea nana ka puaa i Honolulu.  A peia paha auanei i kahi pule, a nele no, hana aku ana, hu ka aka, a he mau hana ano hou kei i keia mau la ma ka Panalaau nei.

            O keia ka lawa o ka’u hoikeike a me oe e Mr. Lunahooponopono a me kou mau keiki oniu hua madala ko’u adiaso.

Me ka mahalo,

MR. C. KOPENA.

Kalawao, May 1 ^st , 1899.

 

MOOLELO O KA HALAWAI O KA AHAHUI KULA SABATI, MOKUPUNI O OAHU I NOHO MA KAUMAKAPILI, APRIL 6, 1899.

            Halawai ka Ahahui Kula Sabati o ka Mokupuni o Oahu, ma Kaumakapili.

            D. L. Naone ma ka noho lunahoomalu.  Weheia na hana elike me ka mea mau, hoomaopopoia na hoa o ka aha i hiki mai.

            Na Kahu Kula Sabati Nui: D. L. Naone, no na Kona; E. P. Aikue; no na Koolau.

            Na Kahu Kula Sabati Apana:—W. H. Kailimai, H. K. Meemano.  J. Davis; ame S. Paaluhi.

            Na Elele—S. K. Nawaa, M. K. Nakuina, N. Mahi, J. Halemano, J. A. Awa, J. K. Paele ame J. N. Kaailua.

            Na hoa mau o ka aha—Rev. E. S. Timoteo, Rev. O. H. Gulick, Rev J. Waiamau, Rev. Nuuhiwa, Rev. S. K. Oili, Rev. J. Kekehuna ame Theo. Richards.

            Noi mai o E. P. Aikue e hoomauia o D. L. Naone ma ka noho lunahoomalu, hooholoia.  Nana no i noi mai e hoomauia o S. K. Nawaa ma ka noho kakauolelo, hooholoia.

            Koho ka lunahoomalu ia Rev. J. M. Ezera, Rev. J. Davis ame Rev. J. Kekahuna i mau komite imi kumuhana.  Noi mai o H. K. Meemano e lilo na hoa e ae i akoakoa mai ma keia halawai i mau hoa kuka, hooholoia.

            Na kumuhana a na komite—(1) Hapaha hora haipule; (2) hoike a na kahu kula sabati nui. (3) hoike a na kahu kula sabati apana; (4) hoike a na elele; (5) koho ana i na kahn kula sabati nui; (6) lulu dala Hoahana; (7) komito hoeueu; (8) na hana hou; (9) hoike hui ma Iune; (10)komite hoalohaloh ;(11) kahi ame ka wa e noho ai keia aha.

 

G. DIETZ.

HE MEA HANA WATI AKAMAI A PIHA NOEAU LOA.

Alanui Nuuanu, Helu 417.

            Aia ma ke Alanui Nuuanu, mauka iho o ka Halekuai Pipi “Central Meat Market.”

 

            Noi mai o H. K. Meemano e aponoia ka hoike a ke komite, hooholoia.

            Hapaia ke kumuhana 2.  Na D. L Naone i heluhelu mai i kana hoike no na hoike no na kula sabati o na Kona; a na E. P. Aikue i ko na Koolau a aponoia.  Mamuli o ka hiki ana mai o ka Makua Kekela ua hoopaneeia na hana me ka himeni.

            Wa hana elua—Hoomaka hou na hana me ke kumuhana 3, na D.L. Naone, W. H. Kailimai S. Paaluhi ame H. K. Meemano i heluhelu mai i ka lakou mau hoike kahu kula sabat apana, a na ke kakauolelo i ko Waianae, Makua ame Waialua

            Kumuhana 4 na S. K. Nawaa M. K. Nakuina, S. Paaluhi, N. Mahi, J. Halemano, J. A. Awai, J. K. Paele ame J. N. Kaailua i heluhelu mai i ka lakou mau hoike elele.

            Kumuhana 5:  Ma ka balota, ua kohoia o D. L. Naone i Kahu Kula Sabati Nui no na Kona, S. P. Aikue no na Koolau.

Kumuhana 7:  Na Theo. Richards i hoike mai i kana hana hoeueu no na kula Sabati a aponoia.

            Kumuhana 8:  Noi mai o M. K. Nakuina e imi ia na hana e hooulu ai i na hana kula sabati, hooholoia.  Mahope o na kamakamailio ana ua noi mai o Rev. S. K. Oili e waihoia na kela ame keia kula cabati e imi i na hana hooulu no lakon iho, hooholoia.

            Kumuhana 9:  Noi mai o H. K. Meemano e malamaia na hana hoike hui iloko o Iune ma Kawaiahao, pakui mai o Rev. E. S. Timoteo ,e malamaia na hana hoike hui iloko o Iune ma Kawaiahao me ka ae ole ia o na hoololioli, kokuaia a hooholoia.

            Kumuhana 10:  Ma ke noi a Rev. E. S. Timoteo e lilo ka lunahoomalu i ame ke kakauolelo i mau komite hoalohaloha i ka Makua Alii A. S. Cleghorn ame ka Makua Rev. James Davis no keia aha ua aponoia a hooholoia.

            Kumuhana 11:  Kahi ame ka manawa e noho ai keia aha, ua hooholoia e noho keia aha ma kahi o ka ahahui euanelio o ka Mokupuni o Oahu e noho ai ma ka Poaha mua o Okatoba 1899.

            Noi mai o Rev. E. S. Timoteo na ka lunahoomalu ame ke kakauolelo e waiho aku i na olelo hoomaikai i ka Ekalesia o Kaumakapili mamuli o ka hana maikai a keia ekalesia i hana ai no na lala o keia aha,hooholoia.

            Olelo hoomaikai—“Ke haawi aku nei na Ahahui Kula Sabati o ka Mokupuni o Oahu i na hoomaikai palena ole i ka Ekalesia o Kaumakapili o ka hoomakaukauia ana o na mea e pono ai na ola kino o na lala o keia aha, a na ka Haku e hoomau mai i Kana mau hoopomaikai maluna iho ou.”

            Ma ke noi a H. K. Meemano ua hoopaneeia ka halawai a noho hou ma ka wa i hooholoia, me ka himeni ame ka pule.

S. K. NAWAA.

Kakauolelo.

 

MOKU KE KAULA KOLO MOKU.

            Ma ke ahiahi Poalua nei, Mei 9, hora 5, ua kolo aku ka mokuahi “Kalaukina” (Claudine) i ka moku pea J. B. Thomas, i piha i ke kopaa no ke alahele moana e hoea aku ai i Nu Ioka, mai loko aku nei o ke awa, a i ka laua kaa ana ae mawaho o “Kaimana Hila” ua moku iho la ke kaula kolo-moku i hoopaaia ai, mai ke J. B. Thomas aku a i ke “Kalaukina,” me ka i-ka ia ana hoi e ke kai.  Mahope iho o ka hala ana o 2 hora okoa o ka hana hou ia ana ona kaula kolo hou, ua holo aku la laua, a o ka hora 10 paha ia o ke aumoe, oiai mo ka hora 8 i moku ai ke kaula huki mua.

            Ua holo pololei loa aku ke Kalaudina no Kahului me ke kipa ole ana ae i Lahaina.

 

OLA KA MA’I HI.

            Ua ike au i kekahi kanaka i loaa i kekahi ma’i hi kau loihi, mai ka wa mai no o ke kaua ana, a i hoao i na ano laau apau.  Mahope nae, loaa iho la ia’u hookahi laau, i lilo i laau ola, oia ka Laau Ola a Kamalena no ke Nahu, ke Kolera ame ka Hi.—H. E. Grisham, Gaars, Mills, La.  E kuaiia ana e Benson, Smith & Co., na Agena Kuai Kukaa no ko Hawaii Pae Aina.

            Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i ikeia ma na wahi kuai kaa apau.

 

Kalivilana       Cleveland.

HONOLULU BICYCLE COMPANY.

209 Alanui Hotele,     Telepona 909.

2753-1m.

 

(Mai ka aoao 1 mai.)

 

ke kula papu palahalaha e waiho mai ana ma kela aoao mai o ka muliwai.

            A e ku mai ana hoi ma kekahi aoao mai o ka muliwai, he papu i lako pono i na mea apau no ka hoouka kaua ana aku maluna o ko lakou mau enemi.

            E huli pono mai ana hoi i keia hale kakela, he papu e hoopuni ia ana, e elua mau auwaha wai eli hohonu, a akea no hoi, a ua hele no hoi a piha pono i ka wai.

            E kau ana maluna o keia mau auwaha eli, he uwapo huki, a o keia wale no ke alahele e hoea aku ai i ua papu la.  Nolaila, maluna o na waapa e loaa aku ai na lako ai no ua papu la, a pela no hoi me na koa hoopuipui hou malaila.

            Ua hoomaka koke iho la na mahele koa Sekotia Omaomao ame Uliuli e hana i mau auwaha eli no lakou, i loaa ai ia lakou he kulana maikai e hoonee kaua aku ai maluna o ka poe o loko o ka papu.  A mai hoehu koke aku nohoi lakou i ke kaua ana maluna o ka papu, eia nae ua hookauluaia lakou, mamuli o ka loaa ana mai ia lakou he mau waapa mai kekahi poe Hoolepepe mai, e noho ana ma kela aoao mai o ka muliwai.  Nolaila, ua hookaulua iki ia ka lele kaua ana aku maluna o ka papu, a hiki i ka wa e loaa ai he kulana maikai i ka poe e aloia aku ana e na waapa no kela aoao o ka muliwai, i hiki ai i na mahele elua, ma kela ame keia aoao o ka muliwai, ke hoouka like maluna o ka papu i ka wa hookahi.  Ua ee aku la ka Pualikoa Kiai Alii ame ka Pualikoa Keokeo no luna o na waapa ma Gerensaheima, aneane elima mile mai ke kulanakauhale aku, a nee mai la no ia wahi ma ia po no.

            Ike hai la hoi na Sepania mai luna aku o ka hale kakela Openahaima, a lakou e noho ana, i ko na koa Sekotia puuluulu a puni ka pakaua, a ia wa lakou i kipu mai ai lakou maluna o na Sekotia.

(Aole i pau.)

 

KAMAILIO HE KANAKA NO HONOLULU NEI NO NA HUAALE A DOAN NO KE KIKALA HANENE ME NA PUUPAA.

            I ka wa e ikea ai kekahi mea ma ka home ponoi iho nei, elike me ia i hoikeia mahope ae nei, he mea ia, e manaoioia ai e ko makou poe heluhelu.  O ka olelo hoike akea a kekahi kanaka inoa maikai o loko o keia kulanakauhale, aole ia mea he mea e kanalua ia ai.

            Penei ka Mr. James C. Stevens hoike mai imua o makou:  “Ua loohia au i kekahi eha, maloko nei o keia kulanakauhale, ma kahi o kuu kua, kokoke i ka puhaka, no kekahi wa loihi, a o ko’u ano ia a hiki i ko’u wa i hoao ai i na Huaale a Doan no ke Kikala Hanene ame na Puupaa, a’u i kuai ia ma ka hale kuai o Hollister Drug Co.  He wa pokole wale no ko’u ai ana, loaa mai la ia’u ka oluolu.  A ua maopopo loa ia’u, he laau maikai loa no ke Kikala haneenee, a he mea pono hoi ia ke hoolahaia aku.”

            O Mr. Stevens kekahi o ko kakou kanaka kamaaina o nei nei.  Aole anei keia, he olelo hoike oi ae o ka ikaika mamua o kekahi olelo hoike a kekahi kanaka e naha ana i Amerika?

            Pehea la, he eha anei kou kua, kou aoao, a hiki apuepue ia oe ke ku ae iluna?  He nalulu anei kou poo, haalulu ke kino, makewai pinepine, maloohaha hoi ke hanu?  Apoapo ka oili, a maikai ole ka hiamoe ana?  He ano upehupehu anei ka’u mau lihilihi maka, upehupehu na opuupuu wawae, a owi ke kino?  He ano koana na’o anei ka mimi, ano eleele.  Ina pela, alaila, ua loaa oe i ka mai ma ka puupaa, a he mea pono ia oe ke hana koke i mea e ola ai.  O ka hoopanee ana, he mea ia e olelo ana, aole oe e ola ana.

            E kuaiia ana na Huaale a Doan no ke Kikala Hanene ame na Puupaa e na poe kawili laau apau ame na poe malama hale kuai na 50 keneta no ke poho, a i ole, he 6 poho no 2.50, a e hoounaia aku no maloko o ka Eke Leta ke loaa mai ke kumukuai ia Holister Drug Co., Honolulu, na Agena Kuai Kukaa no ko Hawaii Pae Aina.

            E hoola koke ia ana me ka hikiwawe ka Eczema, ke poo kepia, meeau ame ka meneo o ka ili, o kela ame keia ano.  Laau Hamo a DOAN.  Aia no ma kahi o ka mea pa-ipa-i laau.  50 keneta.

 

Hela ame Keia.

HOOLAHA I KA POE AIE.

            Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.

            Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou.  A o ka poe apau i aie i ua waiwai la ma keia ke kauoha ia aku nei e hookaa koke mai i ka mea nona ka inoa malalo nei.

ROBERT PARKER WAIPA.

Lunahooponopono Waiwai o ka Waiwai o Hana Keoki. 

            Hanaia Honolulu, Oahu, Maraki 10, M. H. 1899.      5174-6m

 

Hoolaha Hooko Moraki

HOOLAHA HOOKO MORAKI A KA MEA PAA MORAKI.

            I kulike ai me ka olelo o kekahi palapala moraki i hanaia e Aiona o Hookena, Kona Hema, Hawaii, ko hawaii Paeaina, ia H. Hackfeld & Co., Kaupalenaia, no ko Hawaii Pae Aina nohoi, e ikeia ana ma ia palapala ka la elima o Aperila, A.D. 1898, ma ke ano oia ka la i kakauia ai, a i kopeia hoi maloko o ke Keena Kakau Kope Palapala, ma Honolulu, Oahu, ko Hawaii Pae Aina, maloko o ka Buke 187 ma na aoao 164 ame 165, ma keia ke hoolahaia aku nei ka mea paa moraki e hooko aku i ua moraki la no ka uhakiia ana o ke kumu aelike maloko o ua palapala ’ia, oia hoi:  ka uku ole ia ana o ke kumupaa ame ka ukupanee i hoopaaia maloko o ua moraki ia, ma ka wa e hookaaia ai.  Ke hoolahaia aku nei hoi ma keia, ma ka Poaha, la 18 o Mei, 1899, ma ka hora 12 awakea, ma ke awa pae o Hookena, Kona Hema, Hawaii, ko Hawaii Pae Aina, kela apana aina Huluhulu, maloko o laila, he 2 4-10 eka, me na hana hou apau e waiho ana ma Honokua, Kona Hema, Hawaii, ko Hawaii Pae Aina, pela pu hoi me kekahi hoolimalima o 10 eka aina kope e waiho la ma Waiea, Kona Hema, Hawaii, ko Hawaii Pae Aina, a i hoakakaia maloko o ua moraki la.  E kuai ia aku nei i ka mea koho kiekie loa no ke dala kuike i mea e hookaaia ai ua moraki nei.

H. HACKFELD & CO., LTD.

2754-4tF.

 

HOOLAHA HOOKO MORAKI.

            Mamuli o kekahi mana kuai i hoike ia maloko o kekahi palapala moraki i hana ia mawaena o Junius Kaae ame Jessie Kaae, kana wahine, no Honolulu, Oahu, o ka aoao mua, ame Joseph B. Atherton o Honolulu i oleloia, o ka aoao elua, ma ka la 13 o Novemaba, 1896, i kakau kope ia ma ka buke @, aoao 94 a 96, a mamuli o ka uhai ia ana o na kumu aelike o kela moraki, oia hoi no ka hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jos. F. Morgan, ma Honolulu, ma ka la 22 o Mei, 1899, hora 11 o ia la.

            Aia ma kahi o W. R. Kakela na olelo hoakaka no keia mea.

            Hanaia i keia la 25 o Aperila, 1899.

JOSEPH B. ATHERTON.

Mea Moraki Mai.

Penei na aina i moraki ia:

            1.  Palapala Sila Nui 5489, Kuleana 3111 ia D. Kapule ma Wailua, Kauai—Apana 2, 5 Eka, 29 pereka; aina raiki.  Apana 3, 4 Eka, 2 ruda, 9 pereka, he pa-hale.  Apana 4, 3 Eka, 3 ruda, 15 pereka; he loko-i’a.

            2.  Palapala Sila Nui 6020, Kuleana 3561 ia Kaumualii ma Wailua, Kauai, he 17 Eka, 3 ruda, 28 pereka; aina raiki.

            3.  Palapala Sila Nui 6021, Kuleana 3226 ia O. Onapin ma Wailua, Kauai, 4 Eka, 2 ruda, 32 pereka; aina raiki.

            4.  Palapala Sila Nui 6978, Kuleana 3909, ia Nahinu ma Wailua, Kauai, Apana 1, 4 Eka, 11 pereka; aina raiki.  Apana 2, 16 pereka; he pa-hale.

            5.  Palapala Sila Nui 6976, Kuleana 8247 ia Ehu, ma Puna, Kauai, 3 ruda; he aina laau hua.

            6.  He kuleana hapalua ma kekahi apana pa-hale ma Lahaina, Maui, iloko o ka Palapala Sila 1175, Kuleana 6499, ia Nakaelua, ma Kainehe, 1 Eka, 3 ruda.                      2752-4t

 

KA HOOLAHA A KA MEA PAA MORAKI NO KA HOOKO MORAKI A KUAI AKU.

            Ke hoolahaia aku nei ma keia, mamuli o kekahi mana kuai ame kekahi mau mana e ae i paa maloko o kekahi moraki i hanaia ma ka la 28 o Mei, A. D. 1891, i hanaia e Jacob Markle ame Edzal Markle ia S. Roth, i kopeia maloko o ke Keena Kakau Kope, Oahu, maloko o ka Buke 132, ma na aoao 221, 222 ame 223, i hoolilo pono ia mai e Cecil Brown, ka Lunahooponopono Waiwai a Kahu Malama Waiwai (Trustee) me ka palapala kauoha i hoopili pu ia a S. Roth, i make, i oleloia ae nei, ia George W. Farr, Kahu Waiwai (Trustee), ma kekahi palapala i kakauia ma ka la 19 o Aperila, A. D. 1899, a i kopela ma ke Keena Kakau Kope i oleloia maloko o ka Buke —, aoao—

            Ke makemake nei o George W. Farr, Kahu Waiwai (Trustee), e hooko aku i ua moraki la no ka uhakiia ana o ke kumu aelike i paa maloko o ua moraki la, oia hoi, ka uku ole ia ana o ke kumupaa ame ka ukupanee ma ka wa e uku ia ai.

            Ke hoolahaia aku nei ma keia, mahope aku o ka pau ana o na hebedoma ekolu mai ka la aku o keia hoolaha, e hoolahaia aku no ka waiwai i hooliloia mai a i paa maloko o ua moraki la, no ke kauiia ana, a e kuai ia aku nohoi ma ke kudala akea ma ke keena kudala o Jas. F. Morgan, ma Honolulu, ma ka Poanono, la 13 o Mei, A. D. 1899, ma ka hora 12 awakea o ua la ’ia.

            Penei i hoakakaia ai ka waiwai e kuiia aku ana malalo o ua moraki nei:

            O kela apana aina apau e waiho an@ ma ka nuku o ke Awawa o Manoa, maloko o laila he Ili o Eono Eka, oi aku a emi mai paha, a i hoakaka pono ia maloko o kekahi ana i anaia e W. E. Rowell, he mea ana ina, ma ka la 23 o Okatoba, A. D. 1890, a penei na holo ana:

            E hoomaka ana ma kekahi kiko he 43 kapuai ke kaawale, a e hoio ana Ak. 55º 30’ Kom. oiaio, mai kahi i hoomaka mai ai, a i hoakakaia maloko o ka Palapala Sila (Aina Aupuni) Helu 882 ia Theophilus Metcalf, oia hoi ma ka huina Ak. Hik. o ka pa pohaku e hoopuni ana ia Pilipili; alaila, holo Ak. 55º 30’ Kom. oiaio 491.6 ma ka pa pohaku e hookaawale ana i keia apana mai Wailele mai.  Ak. 63º 30’ Kom. olaio, 181 kapuai ma ka pa pohaku; Hem. 4º 46’ Kom. oiaio, 1102.5 kapuai; Ak. 41º 40’ Hik. oiaio, 770 kapuai ma ke alanui, a aneane 40 kapuai mai ka pa pohaku mai, mawaena o Pilipili ame Puahia, a e aneane e holo kaulike me ia, a hoea i kahi i hoomaka ai; me na pono, na pomaikai, na mea i kukuluia iho a i paa maluna o ua aina ia.

GEORGE W. FARR.

Kahu Waiwai, Waihona o ka Mea Paa Moraki.

            Na kumu:  Dala Kuike, ma ke Dala Gula o Amerika Huipuia.  I ka mea e lilo ai na lilo palapala.

            No na mea i koe e ninau ia Robertson & Wilder, na Loio o ka Waihona o ka Mea Paa Moraki.

            Hanaia Honolulu, Aperila 20, 1899.

2751-4ts

 

Hoolaha Mana Hookolokolo.

AHA KAAPUNI, MAHELE KAAPUNI EKAHI O KO HAWAII PAE AINA.

Martha Dunleavy vs. Frank Jay Dunleavy.

(Hoailona Pai.)

Ka Repubalika o Hawaii:

            I ka Ilamuku o ko Hawaii Pae Aina, a i Kona Hope, Aloha:

            Ua kauohaia aku oe e kena aku ia Frank Jay Dunleavy, mea i hoopiiia, ina oia e waiho mai i Pane i kakauia iloko o Iwakalua la, mahope aku o ka la i hookoia ai keia palapala maluna ona, no kona hoea ana mai imua o ka Aha Kaapuni i oleloia ae nei, ma ke Kau o Mei, e noho ana ma Honolulu.  Mokupuni o Oahu, ma ka hora umi a. m., e hoike mai i kumu, nokeaha la e ae ole ia ai ke koi a Marha Dunleavy, Mea Hoopii, elike, me ka manao nui o kana Palapala Noi i hoopili pu ia me keia.

            Alaila, e hoihoi mai oe i keia Palapala me kau hoike piha no ke ano o kau hana ma ia palapala.

            I ka Hon. A. Perry, Lunakanawai Mua o ka Aha Kaapuni, ma Honolulu, Oahu, i keia la 22 o Maraki, 1899.

(Sila)    GEORGE LUCAS.

Kakauolelo.

            Ke hooia nei au o keia palapala maluna ae, he kope oiaio ia o ka Palapala Kena Kumu ma ka hihia i oleloia, a ua kauoha ka Aha Hookolokolo i oleloia ae la e hoolahaia ia mea, a ua hoopaneeia aku ua hihia la a ke Kau o Augate ae nei, 1899, o keia Aha.

J. A. THOMPSON.

Kakauolelo.

            Hanaia Honolulu, Haw’n Is.  Mei 3, 1899.    2754-6t.

 

ILOKO O KA AHA KAAPUNI APANA HOOKOLOKOLO EKAHI O KO HAWAII PAE AINA—MA KA HOpPONOPONO WAIWAI.

Ma ka hana o ka waiwai o MOLLY H. KAPU (w), o Honolulu, Oahu, i make kauoha ole.

            No ka mea, ua waiho mai o Hiel J. Kaou, ke kanewahinemake, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe anau i kuleana ma ua waiwai la, o ka Poalima Iune 9, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he mau kumu ka lakou e ae ole ia ai ke noi.

            Na ka Aha:

P. D. KELLET, JR.

2754-3t.           Kakauoello.

 

ILOKO O KA AHA KAAPUNI APANA HOOKOLOKOLO O KO HAWAII PAE AINA—MA KA HOOPONOPONO WAIWAI.

Ma ka Hana o ka Waiwai o C. P. Kanakanui (k), o Honolulu, Oahu, i make kauoha ole.

            No ka mea, ua waihoia mai e J. Alfred Magoon, ka mea a@e, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei, i na poe apau i kuleana ma ua waiwai la, o ka Poalima, Iune 2, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu inu he kumu ka lakou e ae ole ia ai ke noi.

            Honolulu, Mei 2, 1899.

            Na ka Aha:

GEORGE LUCAS.

2753-3t            Kakauolelo.

 

ILOKO O KA AHA KAAPUNI, APANA HOOKOLKOLO EKAHI O KO HAWAII PAEAINA.

Ma ka hana o ka waiwai o Lilia N. Hanaia, o Honolulu, Oahu, i make kauoha ole.

            Mamuli o ka waiho ia ana mai o ka moowaiwai a S. W. Kaleikini lunahooponopono, e hoike ana he $429.20 na hoolilo a he $1608.50 na dala i loaa ma kona lima, a me kona noi e nana a e aponoia ia mau mea; nolaila, ua kauohaia

            O ka Poakahi, la 29 o Mei, M. H. 1899, hora 10 kakahiaka, ma ka rumi hookolokolo o ua aha la ma Aliiolani Hale, ma Honolulu, mokupuni o Oahu, oia kahi a me ka manawa e hoolohe ia’i na keakea a ka poe kue ina he mau keakea ka lakou, a me ka hooholo ana i ka poe i kuleana i ka waiwai i hoikeia ae la.

            Kakauia i keia la 24 o Aperila, 1889.

            Na ka Aha:

HENRY SMITH.

Kakauolelo Oihana Hookolokolo.

2752-3t