Ka Nupepa Kuokoa, Volume XXXVIII, Number 23, 9 June 1899 — Page 2
| This text was transcribed by: | Deborah Takahashi-brady |
| This work is dedicated to: | Aunty Vicky Hollinger |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
HOOLAHA AINA AUPUNI
Ke hoolahaia aku nei o ka Apana 30 @ona ua eka he 287 ame na aina kalo @ pili pu ana maloko o na apana 57 @me 58 a no laua ka nui pakahi he 10,900 kapuai kuea ame 5,960 kapuai kuea ma Kahakuloa, Maui, e weheia aku ana no na noi ma ke Keena o W.O. Aiken, ma Paia, hora 10 kakahiaka Poaono, Iune 24, 1899, malalo o @a hooponopono ana a ke kanawai Aina o 1895, no ke kuleana kuai Hoolimalima.
No na mea i koe e ninau ma ke keena o W.O. Aiken, Paia, a i ole ma ke keena o na Aina Aupuni Honolulu.
J.F. BROWN, Agena Aina Aupuni. June 8, 1899. 2758-1t.
NA KOHOKOHO NA KE PAI AI A POI PAA PAHA.
Keena o ka Papa Ola, Honolulu, H.I. Iune 5, 1899.
E waihoia mai na kohokoho ana no ka hoolako ana i ke kahua Mai Lepera @a Molokai, me ke Pai-ai, a Poi paa paha, ma keia keena a hiki i ka hora 12 awakea, Poakolu, Iulai 5, 1899.
O na puolo Pai-ai, a Poi paa paha, e hanaia me ia a-i hou no a ope pono ia iloko o ka laki, nona hoi ke kaumaha @ ke pai hookahi, aole e emi malalo o iwakalua-kumamakahi (21) paona io, a e hooleleia ana ma ke awa o Kalaupapa, elike ka nui me ka mea e kau@haia ana e ka luna nui, ma ka averika hoi mai ka 400 a 800 pai-ai no ka pule hookahi.
Ke kauohaia aku nei e waihoia mai no na koho kaawale no ka hoolako ana i ke pai-ai no ka manawa o hookahi makahiki, elua makahiki, ekolu makahiki, a eha makahiki, mai ka la 20 aku o Augate, 1899.
E waiho mai hoi ka mea hoopaa ae@ike i bona me na hope i aponoia, no ka huina aole e emi iho malalo o $1000, mamuli o ke kumu hoopaa e hooko pono i ka aelike.
E kakauia cela âme keia koto "Na Kohokoho no ke Pai-ai."
Aole ka Papa Ola i hoopaa iaia iho no ka ae ana i ke koho haahaa loa, a o kahi koho e ae paha.
Ma ke kauoha a ka Papa Ola, HENRY E. COOPER, Peresidena.
Oiaia e haule ana ka La kamehameha, Iune 11, 1899, ma ka la Saba@i, e malamaia ana ka Poakahi, Iune 12, 1899, i La Kulaia Aupuni, a e pani ia apa na keena Aupuni apau a puni @a mokupuni, ma ia la.
S.M. Damon, Kuhina Kalaiaina no ka manawa. Keena kalaiaina, Mei 29, 1899. 2756-2t.
I keia la i hookohuia aku ai o L.M. Baldwin, Esq., ame E.B. Carley, Esq., @ mau Hoa no ka Papa Nana Holoholona no ke Awa o Kahului, Mokupuni o Maui. Eia na Hoa o ka Papa i keia @a.
J.L.M. ZUMWALT, Luna Nui Hooko.
L.M. BALDWIN,
E.B. CARLEY,
S.M. DAMON,
Kuhina Kalaiaina no ka manawa. Keena Kalaiaina, Mei 30, 1899. 2756-3t.
HOOLAHA LUNA PA AUPUNI.
I keia la i hookohuia aku ai o Robt. Papoko i Luna Pa Aupuni no ka Pa Aupuni ma Hanalei, Kauai, ma kahi o Sam Louis i waiho mai.
S.M. DAMON, Kuhina Kalaiaina no ka manawa. Keena Kalaiaina, Mei 31, 1899. 2756-3t.
LUNA PA AUPUNI.
I keia la i hookohuia aku ai o Davida L. Kavika i Luna no ka Pa Aupuni ma Kaulano, Mahaiula, Kona Akau, Hawaii, ma kahi o J. Kakae i waiho mai.
S.M. DAMON, Kuhina Kalaiaina no ka manawa. Keena Kalaiaina, Mei 23, 1899. 2756-3t.
HOOLAHA I NA AGENA HOOIAIO PALAPALA HOOPAA HANA.
Ke poloai ia aku nei na poe Agena Hooiaio Palapala Hoopaa hana Aelike e hoomaopopo pono i keia mau olelo i laweia no loko mai o na Kanawai e pili ana i ka lakou mau hana:
Kanawai Hoopai Karaima 1897, Pauku 1371-O kela ame keia Luna Hooiaio Palapala Hoopaa Hana malalo o keia kanawai nana i hooiaio i kekahi Palapala Hoopaa Hana i kau ole ia na hoailona pai apau i ku pono, e kauia no maluna on a ka hoopai uku dala aole e oi aku i ke kanalima dala, ke ku ka hewa no ia mea imua o kekahi Lunakanawai Apana.
Na Kanawai Kivila o 1897, Pauku @11, Papa Hoike, Na Auhau Hoailona Pai:
Na Aelike mawaena o na Haku ame na kauwa hana…$1.00.
Ina no ka makahiki hookahi a oi aku, alaila, no kela ame keia makahiki, a hakina paha o ka makahiki mahope aku o ka mua…$1.00.
(E kakiia ana keia auhau maluna o ka palapala kumu ame na kope palua, kanalima keneta maluna o ke kope hookahi no ka makahiki hookahi, a o ka hakina paha o ka makahiki, iloko o ka manawa i paa ai ma ka aelike, a e ukuia hoi ia mea e ka Haku hana.)
S.M. DAMON. Kuhina Kalaiaina no ka manawa. Keena Kalaiaina, Mei 19, 1899. 2756.
KA NUPEPA KUOKOA
@ PUKAIA E KA
HAWAIIAN GAZETTE CO.
A.W. PEARSON, Luna Nui.
JOSEPH M. POEPOE, Lunahooponopono.
Honolulu, Oahu.
POALIMA, IUNE 9, 1899
KELA KAUOHA PAPA KOHO BALOTA A
PERESIDENA MA KINILE.
E ike ana ko makou poe heluhelu ma kekahi wahi o ka makou pepa o keia la i ke kauoha papa koho balota mai a Peresidena, Ma Kinile mai. He mea maopopo loa, o ka malama ae nei o sepatemaba ka wa e malamaia ai ke koho balota ana i kauohaia ma ke Kumukanawai, aka, mamuli o keia kauoha i loaa mai nei mai ke Poo Nui mai o ka Mana Hooko o ke Aupuni i hoouiia aku ai o Hawaii nei, ua hookiia iho la keia koho balota ana; a nolaila, ua kauoha ae nei ke Kuhina Kalaiaina, ma o S.M. Damon la, ke Kuhina Kalaiaina no ka manawa, e hooki pu ia na hana kakau a hoopaa inoa, mahope iho nae o ka pau ana aku o kekahi mau wahi dala mailoko aku o ka waihona waiwai o ka lehulehu.
Aia hoi maloko o keia kauoha mai nei a ka Peresidena i hoomauia mai ai ka noho luna Aupuni ana a na luna Aupuni e pau ana ko lakou manawa noho Oihana Aupuni mamua ae o ka hooholoia ana o ke kanawai pili hooponopono kuloko ia kakou nei e ka Ahaolelo Nui e noho mai ana ma ka malama ae nei o Dekemaba.
Aole hiki ia kakou ke hoole i ka loaa ana he mana i ka Peresidena o ke Aupuni Makua, e hoopuka mai i ke kulana hoomau aku i na luna Aupuni Hawaii a ka lakou mau oihana, in a e pau e ana ko lakou mau manawa mamua ae o ka hooholo ana a ka Ahaolelo Nui i kanawai maopopo e hooponopono ana ia mea. Ua hoomaopopoia keia mana o ka Peresidena maloko o ka Olelo Hooholo Hui nana i hoohui aku ia Hawaii nei a lilo i hapa no ke Aupuni o Amerika Huipuia.
Me he mea la ma ka makou hoomaopopo ana, aia maloko o keia kauoha a ka Peresidena, ua hoomau mai nei oia i na hoa ahaolelo o ke kau Ahaolelo i hala, a oia poe ana no na mea paahana e kapili hou ia aku ana maloko o ka mikini kaukanawai kuloko o kakou nei. A he hana houuku lilo keia.
Ma keia kauoha ae la nohoi a ka Peresidena e hiki ai ke manaoia iho, ua loaa ia Peresidena Ma Kinile he manaolana maopopo loa e hooholo ana no ka Ahaolelo Nui e noho mai ana ma keia kau ae i kanawai e hooponopono ana i ko kakou alakai kuloko ia ana.
Eia na mea maopopo ia makou i keia wa mamuli o keia kauoha Aupuni a Peresidena Ma Kinile. Ua pau ka hana koho balota hou ana a ka poe koho balota o ka Repubalika o Hawaii nei, ma ka malama ae nei o Sepatemaba; a aia ka hoala hou ia ana oia pono, a kau ka Ahaolelo Nui i Kanawai e hoomaopopo ana ia mea. Oiai e kau ole ana ka Ahaolelo Nui he Kanawai no ka hooponopono ana i ke ano e hoonohoia ai a e hooponopono ia ai na luna Aupuni kuloko nei o kakou, alaila, aia ka noho luna Aupuni e noho nei i keia wa, malalo o ka mana o ka Peresidena o Amerika Huipuia. Oia ka Mana hoonoho mai, a hoopau hoi i kekahi luna Aupuni o kakou nei.
Mamuli o keia mana oikelakela i loaa i ka Peresidena o na Aupuni Hui ia o Amerika ame Hawaii, no ka hoonoho ame ka hoopau ana i ko kakou mau luna Aupuni kuloko nei, ua loaa iaia ka mana haawi hooponopono Aupuni ia Hawaii nei i ka poe ana i makemake ai, in a paha ua kamaaina a he malihini paha ia, he Roialiti paha, a he Repubalika paha. Owai la ka mea i ike i kahi e kaapa ae ai keia mana? Aole kakou i ike; aole na luna Aupuni o kakou nei i ike ia mea, o Ma Kinile wale no kai ike ia mea; oia ame kona Aha Kuhina, ame na hoaloha pili paa paha iaia.
Ua maopopo loa ia makou, aohe i ike ko kakou mau kiai Aupuni e noho nei i keia wa no ke au e haale ae ai ko Peresidena Ma kinile mau noonoo ana; a ua hookahua paa ia keia manao o makou i hoopuka ae la, mamuli o ko makou hoomaopopo ana, aole k@ kakou mau kahu Aupuni e noho nei i keia wa i ike iki e kauoha mai ana o Ma Kinile e hookiia na hana koho balota ma Hawaii nei ma keia malama o Sepatemaba ae nei, a i puka e ai hoi na kauoha Aupuni kuloko o kakou nei no ka lawelaweia ana o na hana hoopaa inoa koho balota. Heaha la ke kumu i loaa mua ole mai ai he maamaama i ko kakou mau kahu Aupuni mai a Peresidena Ma Kinile mai no keia koho balota ole ana, ma ka wa pono, ka wa hoi aole i lilo kekahi mau dala o ka waihona Aupuni; aole makou i ike? Ke hana kaokoa nei anei ko kakou mau Kahu Aupuni ma keia mau hana me ka hoomahui mua ole ana aku i ka Peresidena o Amerika ame Hawaii i hoohuiia?
Ke kali nei makou me ke ohohia nui e hoea mai ka wa e hoopauia ai ko kakou au-hele ana me ka maopopo pono ole o ke ano o ko kakou hookeleia ana. A ke hoea mai keia wa, oia iho la no ka e ike ai kakou me ka maopopo; aka, i keia wa ke ike poaeae nei kakou.
HUI MAHIAI O KONA.
Hoike ka eleu o ia oiwi ma ka Hana
Kalaiaina Imi Waiwai.
(Mai ka hoaloha nupepa "Ka Makaainana" mai, Iune 5.)
Ua hoalaia iho nei e ko kakou hoa oiwi holomua loa ma ka hoala, hapai a kukulu ana i na hana hoopomaikai, hooholomua a hoowaiwai iloko o ka aina nei a iwaena no hoi o kakou ponoi, oia o Kale Aki (W.C. Achi), he hui no na poe mahiai oiwi maoli ma Kona, a ua kapaia hoi e ia o ka Ahahui Mahiai o Kona (Kona Planters' Association) O ke ano nui o keia ahahui, oia no ka mahi a kanu ana i ke ko ma Hookena ame Kalahiki, Kona Hema, Hawaii, a o na poe oiwi maoli wale no ka i makemakeia e lawelawe ma ia hana, oia hoi, o na poe e makemake ana e hana a e imi pomaikai no nei noho ana.
Mamuli hoi o ka lilo ana iho nei iaia o na aina o Olelomoana, Honomalino ame kahi mau aina pili kokoke i onaia e Maunakea loio (J.M. Monsarrat) no $50,000, a iaia ame W.R. Kakela o ke Ahupuaa o Kalahiki no $67,500, ame ke Ahupuaa o Hookena mai na Kama'lii Kawananakoa me Kalanianaole no $25,000, ke kumu i hiki ai o keia hana mahiai iaia i ka hapai ae. Nolaila hoi, no laua ka aina, a o na poe hoi na lakou e mahi aku, ua hoalaia ae i hui no lakou. He mau hoolala ana keia no ke kukuluia aku o kekahi mahiko malaila ma nei mua aku, aia nae hoi a nui mua ke ko e ulu ana, i hiki ai ke nui na pulapula no ke kanu nui loa aku i ka aina i kohoia ma kahi o 12,000 eka i kupono.
E hoomanaoia me ka nui no o ke dala e hiki ai ke kukulu i halewili, oia hoi, e hoolako ai i na mikini apau i kupono, a mamua ae hoi o ia wa, e kanuia ke ko, a o keia ka hana a nei ahahui, i kauia ka waiwai io i ke $50,000 o 10,000 mahele ka nui ma ka $5 pakahi, e uku pau ia no i kinohi. Ke ulu ke ko a keia ahahui, e kuai mai ana ka hale wili ia ko, a i ole ia, ma ka mahele no paha hoi i ka loaa, a ano hoi, ua maopopo e no ka pomaikai o nei ahahui. Alua hoounaia ana aku nei o ka pulapula mai nei aku o 347 eka ka nui, a no Kau mai ana nohoi kekahi.
Na keia ahahui ana o na oiwi e uku i na limahana, oia hoi, i na oiwi no e mahiai ana elike me ka mea e kupono ana no ka mea i hanaia e loaa ai no hoi he wahi pono o ka noho ana o laila. Mawaho ae hoi o keia, ua wehe halekuai mea-ai aku nei ka ahahui a alua aku nei no hoi hoounaia ana o na waiwai. O ka hale kuai keia o na limahana i manaoia ai e kuai i ko lakou mau pono o ka noho ana. Nolaila hoi, mawaho ae o ka mahiai, h kumu imi waiwai e ae no kahi no ka pomaikai o ka ahahui.
Aole keia ahahui i hoohuiia i nei wa malalo o ke Aupuni, mahope aku no ia aia a ku ae ka hui halewili, alaila, hoohui aku. I nei wa nae hoi, ua hiki no i na poe apau e makemake ana e komo ke komo ae ma ka hoolele mua aku i ko kapuahi a e loaa mai no he palapala hooia kuikawa no na dala, a ka wa e hoohuiia ai malalo o ke Aupuni, alaila, e hoopukaiia no na palapala kuleana mahele elike me ke ano mau. Ke lawelaweia la no ka hana i nei wa malalo o ka lawelawe ana a S. Lazaro ma ke ano luna nui, a o J. Nahinu hoi ka hope. Aia ia T.K.R. Amalu ka malama ana o ka halekuai.
Eia iho na luna nui i kohoia: W.C. Achi, peresidena; S.W. Kaai, hope-peresidena; J.K. Nahale, hope-peresidena elua; Jesse Makainai, puuku; T.K.R. Amalu, hope-puuku; Enoch Johnson, kakauolelo; J.S. Kauwe, hope-kakauolelo; P. Silva, luna hooia; S. Lazaro, luna nui; J. Nahinu, hope-luna nui. O na poe mahope iho na lala o ka papa hooko: W.C. Achi, T.K.R. Amalu, S. Lazaro, S.W. Kaai, J.K. Nahale, ame J. Nahinu.
He mea hauoli no hoi no ka hoike aku, no na oiwi ponoi wale no nei ahahui a aia no hoi lakou ke komo nui nei. A e hoomanao iho no hoi, ua ane like no me ka Hui Hawaii Kuai Aina keia ahahui oiwi hou e lawelaweia nei, koe wale no, ua like ole ma na ano o ka hana. Elike no hoi me ka mua, he poe oiwi wale no ka hapa nui loa e aeia nei e komo, pela no hoi me nei, o na oiwi wale no. O na poe no apau e makemake ana e komo, ina ma ka hana e lawelawe ai i ko lakou mahele iloko o ka hui, ua hiki no, oia hoi, e lawe i kekahi hapa ma na mahele a o kekahi hapa i mea e loaa ai o kahi pono o ka noho ana; a i ole ia, in a no ma na maana; a hele apau loa, ua hiki no, a i ole ia, in a no ma ka uku dala apau loa, ua hiki loa no, aia no ia i ka makemake o ka mea hana. A in a no hoi ma ka uku dala ae no na mahele me ka hana ole, ua hiki no ia, oiai, he mau oluolu okoa no hoi ia.
Ke hilinai nei makou ua loaa he au hou no na oiwi mikiala hana o kakou e noho la ma na Kona, he ano hoi i hoao a i lawelawe ole ia mamua, akahi wale no, o ke komo ana hoi iloko o ka noonoo o keia oiwi, holomua o kakou. Nolaila hoi, ua kupono ia kakou apau, oia hoi, i ko kakou poe e hiki ana, ke alu like ae ma nei hana a e hookomo ae no hoi i na hunahuna mai ka $5 a pii aku. Ua hilinai ka mea hookumu a hoala aliahui, in a e puka pono ana ka ulu mua o ke ko, e hoi mai ana no na lilo apau a papalua aku, a ma ka hoolilo wale ana aku no nei i ke ko ulu i mea pulapula no ka hui mahiko nona ka halewili ke ku aku a ke hoalaia ae hoi.
A ua hilinai nohoi makou i na@ poe apau na lakou e lawelawe la i ka hana ma o ame na poe no hoi na lakou e kilo aku la i ka kela poe hana e hooko aku ai. Nolaila hoi, na ka hua o ka hana e hoike mai i ka mea oiaio loa ma nei mua aku, o ka mea nui nae hoi, o ke komo ae o ka hilinai ia kakou apau a hookahi ka huhui like ae.
He mea hauoli nae hoi no makou ka hoike aku, ua hooia ponoi mai o Kale Aki ia makou in a e poino ana a poho ka ahahui, e auamo ponoi ana no oia ia mau poho apau a hoihoi aku hoi i ka kela ame keia i hookomo aku ai. Maikai no ka hoi kona manao. O ka makou nae hoi e olelo ae, in a e hooloihiia mai ana kona ola, a i ole ia, banekarupe ole ia aku paha hoi oia, no ka mea hoi, he mau haawina ia i hiki ole ia kakou ke ike aku, aia wale no ia iloko o na lima o ke Akua, alaila, e hiki loa aku no iaia ke hooko i nei manao maikai loa on a. Eia nae, e manaolana kakou aole ia mau hopena e kau koke mai ana maluna on a a hiki i ka wa e puka pono ai o keia hana nui a koikoi launa ole mai.
KUU MINAMINA - KUU KAUMAHA
IA OE-A!
Mawaena paha o ka hora 10 ame 11 o ke kakahiaka Poalua nei, Iune 6, ua loohiaia iho la i kekahi ulia manaonao, kekahi o na moopuna opio a ka Lunahooponopono o keia pepa, ma ka a ia ana e ke ahi-koe, a pau ke kapa, komo a wela ka ili. Ua loohia na palapu lehulehu wale ma ke kino o ka opio hala ole i hoopoinoia.
O ka moolelo i loaa mai ia makou no keia ulia poino, penei no ia: Mamua koke iho o ka loaa ana o keia poino e noho ana keia wahi kaikamahine uuku nona paha na makahiki ekolu a oi me kona kaikunane hanau mua ame kona wahi pokii kaikunane uuku loa, maloko o ka rumi aina o ko lakou mau kupuna ma alanui Kuakini. O ko lakou makuahine hoi ame kekahi makuahine hoahanau o lakou, ame ko lakou kupunawahine e lawelawe hana ana maloko o na rumi e ae o ka hale ma ia kakahiaka. Ua hoomaopopoia, aia no keia poe keiki liilii maloko o ka rumi aina, aka, mahope koke iho, ua ike ko lakou kupunawahine i ko lakou haalele ana iho ia loko o kahi a lakou i noho ai, a hele aku la he wahi hale okoa e pili kokoke mai ana i ka hale kuke. O keia wahi hale, he wahi ia e moe ai ka Iapana hana o ka ohana, a e hana ana hoi keia Iapana ma ke alo o ka hale. Aole i liuliu mahope iho, ua lohe ke kupunawahine i ka leo uwe a kahea a kahi kaikunane mahuahua ae i ke kupunawahine, "Tutu-Cecelia-fire." I ka holo ana aku o ke kupunawahine ike aku la oia e ku ana kana moopuna poino ma ka paepae o ka puka o ka hale a lakou i hele aku ai, a e pii ana ke ahi mao a maanei o kona kino. Aole leo uwe i puka mai iaia mai. I kela wa i lele aku ai ke kupunawahine a hooikaika iho la e hoopio i ke ahi e a ana. Ua lawe ia i kahi o ke kauka mahope koke no oia wa, a mahope iho o ka ke kauka mau hooponopono ana no ka mea hiki ia wa ke hana iho, ua ho'iho'i loa ia aku la no ka Halema'i Moiwahine. Ua hoike mai ko laila kauka, aohe manaolana no ke ola, oiai ua koikoi ka poino.
Aole i ikeia ka mea nana i ho-a i ke ahi, koe a @ ia ai ka lole o ka opio i poino. Nana ponoi iho no paha, na kona kaikunane hanau mua paha, aole maopopo. Ua maopopo nae he ahi-koe ke kumu o ka poino ana, mamuli o ka muu mokaki ana o na laau ahi i koeia.
Aole i ike kona kupunakane i keia poino, oiai ua hala oia no Waialua ma ka Poakahi aku, a ma ke ahiahi Poalua hoi mai oia mai Waialua mai, lohe iho la oia i keia poino i kau iho maluna o kekahi o kana mau lei aloha. Ma ke kakahiaka Poakolu nei, hoihoiia mai la kona kino e kona makuahine mai ka Halemai mai. Ua hala ka uhane, ua pau a ua lele ke aho, hala, hala ma ka home ma o, ma ka home o na anela.
Ua hai mai kona kupunakane ia makou, ma ke kakahiaka i haalele iho ai oia i kona ohana, a ma kona wa i kau aku ai maluna o ke kaa no ka holo aku i ke kaaahi, ua kahea aku no keia wahi moopuna iaia, "Bai-bai." Eia ka, o kana aloha hope loa ia i kona kupunakane a lawe ia oia e ke ahi no ka poai o ka poe maemae.
O ka helu elua keia o na keiki i loaa mai a Mr. ame Mrs. D. Sandford mai. O keia kahi kaikamahine a he elua mau keikikane. Ua heaia keia wahi kaikamahine ma ka inoa o ke kaikuaana elua o kona makuahine, oia o Cecelia Kealoha, i noho mai nei i Kaleponi, a hoi mai nei. Aole i ike kona luaui makuahine i keia pilikia.
O kou uhane no ka ia i hoea ae ai,
E hoala ana ia'u, ua ao e;
Kai no o ka oni a kuu lihilihi, a he mea e,
Eia ka, o oe a o oe no, e kuu luhi;
Luhi makehewa au ia oe a-
Me ka manao la hoi, e ola pu no la kaua;
Aka, he okoa ko ka mea nana oe i haawi mai i ke ao.
Aloha au i ke one kani o Makua.
E hoohenehene mai ana ia'u i kuu hemahema.
Ua hemahema io au, ua aloha ole au ia oe.
Kani-a-ula kuu pepeiao, eia ka nou no ia hanehane-
Ke aau ae nei kuu aloha moopuna-
Maha iki au i ou mau wahi kaikunane.
E kuu aloha e-aloha no.
Ma ka Poakahi nei i hoea aku ai me ka ulumahiehie ke kumukuai o ka mahele kahiko hookahi oloko o ka Hui Mahiko o Oahu nei i ka huina o 315 dala, a oi aku nohoi.
KA PERESIDENA O AMERIKA HUIPUIA.
HE KAUOHA MANA HOOKO.
Ma ka hooko ana i ka mana i hooiliia aku maluna on a e ka Olelo Hooholo Hui a ka Ahaolelo Nui, i aponoia ai e ka Peresidena ma ka la 7 o Iulai, 1898, i kapaia "Ka Olelo Hooholo Hui no ka Hoohui ana mai i ko Hawaii Pae Aina ia Amerika Huipuia," ma keia ke kauoha aku nei ka Peresidena o Amerika Huipuia, aole e malamaia ke Kau Koho Balota Nui i hoakakaia e ke Kumukanawai o ka Repubalika o Hawaii ma ka malama ae o Sepatemaba. O na luna aupuni apau i kohoia no lakou ka manawa lawelawe oihana e pau ana manua ae o ke kauia ana o kekahi kanawai kupono no ia mea e ka Ahaolelo Nui o Amerika Huipuia, e hoomauia aku no lakou ma ka lakou mau oihana mamuli o ka makemake o ka Peresidena o Amerika Huipuia.
I hoike no keia, ua kauoha au e hoopiliia ke Sila o Amerika Huipuia ma keia.
(Sila.)
Wasinetona, Mei 13, 1899.
(Kakauinoaia) WILLIAM McKINLY.
(Kakauinoaia) JOHN HAY, Kakauolelo Aupuni.
OIHANA KALAIAINA.
Honolulu, Iune 2, 1899.
I kulike ai me keia olelo kukala ae la a ka Peresidena o Amerika Huipuia, ke kauohaia aku nei ma keia na Papa Hoopaa Inoa Koho Balota apau e hooki i ka Hoopaa ana i na inoa no ka Poe Koho Balota.
S.M. DAMON, Kuhina Kalaiaina no ka Manawa.
NUHOU O NA AINA E
Eia no makou ke hoopuka aku nei i na mea hou mai na aina e mai, elike me ka mea i wae ia mai e makou mai loko mai o na nupepa o na aina e i loaa mai ia makou.
KIPOKA PAHU IA.
Nu Ioka, Mei 31-E hoike ana kekahi lono kuikawa mai Ladana mai i na nupepa Journal ame Advertiser mai, penei:
He hoike ana he lono kuikawa mai Lebanu mai, ua hoikeia mai, ua hooukaia he kaua hanana mawaena o na Amerika ame na Pilipino ma ka mokupuni o Muidanao.
Ua kipoka pahuia ke kulanakauhale poo o ka Mokupuni o Zoambanga, a ua pau i ka a ia e ke ahi.
E hoike ana nohoi ia lono hookahi, ua ulu ae la he haunaole ma Sulu.
Ua panikuia na awa kumoku e na Amerika.
Ua ae ole ia kekahi mokuahi Beritania e komo iloko o ke awa, a ua ukaliia aku la ia i kona puka ana i waho e ka mokukaua Amerika "Castine."
NOHO ALII KA WELI.
Manila, Mei 31-Ua hoike mai la na kanaka Manila hoaloha i hoea mai na aina mai e hopuni ana ia San Isidro ame San Miquela, ua hoaiii iho la ka weliweli ma ia mau wahi, mai ka wa mai i unuhiia mai ai na koa Amerika mai ia mau wahi mai o ka Pae Aina. O na poe kipi keia ke hoi hou mai la ia mau wahi, ke pahola la lakou i na hana hoomainoino maluna o ko lakou mau hoakanaka i hoike mai i ko lakou mau manao aloha i na Amerika ma ia mau wahi. Ua hai mai keia poe kanaka hoaloha i na Amerika, ke pau la i ka pepehi malu ia i kela ame keia la, na kanaka hala ole, ua pau ko lakou mau hale i ke puhiia i ke ahi a haoia hoi ko lakou mau waiwai. Ua loaa aku na lohe no keia mau hana maikai a nei poe i na Amerika, i ka poe kipi mai kekahi poe kipi i noho iho iloko o ka aina, ma ke ano pee.
Ua haiia mai nohoi, ua nui ka hookaumahaia o na kanaka kamaaina o ka aina e na koa Pilipine.
KA PUALIKAUA O OTIS.
Wasinetona, Mei 30-I keia po i telegarapa aku nei o Kakauolelo Alger ia Generala Otis e hoomaopopo koke aku ana iaia, heaha la ka nui o na koa hou ana i makemake ai, mahope iho o ka akoakoa ana mai o na koa kumau e hoounaia aku ana no Pilipine, ma kahi o na koa pualu.
UA MAKE IO ANEI O AGUINALDO?
Nu Ioka, Mei 28-E hoike ana kekahi lono telegarama mai Manila mai i ka nupepa La: Ua hoolaha ae nei na nupepa Sepania o keia wahi, he lono i hiki ole ke hooiaioia, oia hoi, ua make o Aguinaldo. O ke kumu o kona make ana, wahi a na nupepa, aole no i maopopo, aka, ua hoomahui ae nae lakou, ua lawa maoli iho no paha oia i kona ola, a i ole ia, ua pepehi powa maoli ia paha oia.
OKALA KUNAHIHI NA KIPI.
Manila, Mei 28, 8 p.m.-O ka hookokoke ana mai o ke kau haule ku-a-ua, he mea ia e hoala mai nei i na manao ahiu o na poe kipi. Ma na wahi apau a na koa Amerika i noho ai, ua ala hou mai la na hana kaua kimopo a na kipi, i oi aku ka ikaika ame ke oolea i ko na wa e ae mamua aku nei. Mamuli o nei mau nana a lakou, ua moe iho la na koa Amerika me ko lakou mau aahu maloko o na auwaha eli, a e ku kiai mau ana nohoi lakou i na wa apau, no ka lele kaua kimopo mai a ua poe kipi nei. O na Amerika keia maloko o na kulanakauhale, ua hele lakou a owelawela no nei mau hana a na kipi.
Ma kela aoao mai o makou, ma ke kukulu hema, ma ia wahi mai apau apuni o Sana Pedro Macati, he ekolu mau auwaha eli loloa.
Ma ka olelo mai a na poe pi@ P@ pino, ua manao ka poe Pilipino @ o ke kukakukaia ana o na mea @ ana i ka maluhia, he hoike ana @ aikena na Amerika i nei mea @ kaka ana. Ua hooikaika loa ia @ na noonoo o ka poe Pilipino, ao @ kou manaoio ana, ua makemake @ Amerika e loaa ia lakou he m@ @ hoomaha, ma ke kau haule ku-@ nei.
KA HANA APUKOHEOHEO A @
KANAKA MANILA
MANILA, Mei 28,-Mamuli @ hana lokoino a naau eleele a @ naka kipi o Negros, i make a@ @ pena Tile o ka Puali Moailoaa @ na luina Malaea he nui o luna @ mokuahi hoomoe uwea olelo, n@ inoa o Recorder. Ua hoolimalima keia moku no ka hana ana @ hoomaemae ana i ka uwea olelo @ hui ana ia Negros ame Cebu@ aku la i kahi kulanakauhale o @ lant, oia hoi ma ka mokupuni o Negros. Ua kau mai la na kanaka @ o ka aina i have haawi pio, a ua @ unaia aku la he waapa lana mai @ moku aku, e hali ana i ke kapena @ malamamoku mua he mau luina @ holo aku la ka waapa a hoea i ka@ kai, o ka wa ia i kipu mai ai na kanaka mai uka mai o ka aina. Ua @ aku la o Tilly ame kekahi mau @ on a elua a haule iloko o ke kai@ ka poe i koe iho iluna o ka wa@ me ke apuepue lakou i hana ai a @ kele lakou maluna aku o ka wa@ O ko Tilly ike hope loa ia ana, @ no ia o ke kai. Ua piholo paha iloko o ke kai, ua pepehiia paha @ e na kanaka, aole maopopo. Ua p@ pio kekahi mau luina Malaea o @ moku i ka poe kipi, a ua pau keia @ i ka uhauia a hiliia me ka laau a@ ke kaula, a mahope okioki liilii ia @ la ko lakou mau kino. Ua mana@ o Tilly kekahi o keia poe poino.
ADIMARALA DUE.
NU IOKA, Mei 29-E hoike ana k@ kahi lono mai Hongkong mai i ka nupepa World penei: I keia la i hoo kuuia mai ai ka moku lawe have @ Adimarala Dewey, oia hoi, ka Oii@ pia, mai luna mai o ke ala-huki moku ua pau kona mau hemahema i ka hanaia, a ua hoonalowaleia kona penuwahi. I keia wa, ua makaukau o@ no kona au ana aku ma kona aiahe@ moana e hoea aku ai i Nu Ioka. K@ pii mau ae nei ka maikai o ke oia @ ka Adimarala, a mamuli o ka nui o ka ua, ua paa loa oia @oko o Peak Hotel.
KE KAIKAMAHINE O KEIA LA
Oia auanei ka wahine o ka la ap@a:
Aole nae oia i ike ia mea, a me he @ la, aole no paha i maopopo pono @ mea i kona makuahine, aka, o ke kow@ nae o ka manawa mawaena o nei la, ka wa hoi e noho ana ia he kaikawahine, ame ka la apopo hoi ka wa @ ai oia he wahine, e ku ana k@ ame kona hauoli ma ka mea a@ paona. Ina ia e lilo aku ana i @ umauma lahalaha, me ka ikaika @ kino maikai hoi, alaila, o keia @ e pono ai oia ke hoouluia ae iloko o @ mau haawina. He wa kupilikii @. He mea pono ke loaa nui iaia k@ @ ika, a pela hoi me ka loaa @ a@a @ ke koko. O ua H@al@ Akala a Dr. Williams, no na kanaka Nananakea ka laau hookahi e loaa ai iaia ka ika ika a loaa ke koko hou.
Ala na hoakaka ana no ke kumu lilo ai keia mau huaale i mea e poma kai ai na kaikamahine, maloko o ka makou buke hou nona ka inoa. Na O@ lo Maopopo i na Wahine. E hoou@ ia aku no i kope, me ke kumukuai @ i kela ame keia mea e kauoha mai a@a.
Penei ka olelo a Miss Frankie Ha@ away, o Alanui Umikumamaono, M@ kigana: "He 21 o'u mau makahiki ka 16 o ko'u mau makahiki, ua nana@ kea mai la ko'u heleheleoa a @ wali hoi, aole nohoi i loaa he wah@ no ia'u malalo o ka lawelawe an@ ke kauka. Aole nohoi i loaa mai @ ka pono mai kekahi mau lawelawe @ paau e ae, a i ka hoea ana o ko'u @ makahiki i ka umikumamaiwa, ua palupalu loa iho la au, a'hiki ole ke he aku ma ka papahele. Ua hele ma@ au a wiwi, a ua hele ka ili a keokeo p@. Ua olelo ke kauka he anamia ka ma i loaa ai au. Olelo mai la hoi kekahi hoaloha o'u e hoao au i na Huaai@ Akala a Dr. Williams no na kanaka Nananakea. Ua kuai io aku la a@ poho huaale, a mamua o ka pau ana @ na huaale i ka ai ia a'u, ike iho la au, ua loaa ia'u kahi pono. Ono mai la ka'u ai, a hoomaka mai la ka mai kai ana mai o ke ano o ko'u mau papalina ame na leheiehe. Hoomau ak@ la no au i k@ ai ana i na huaale, a hiki ka pau ana ia'u he umikumamalima poho, a ike iho la au, ua oia loa a@. Mai ia wa mai, aole au i ike i ka h@ hou ana mai o ua mai la o'u a, ao@ hoi o'u hoomanao iki i ka wa a'u i ike ai i ka maikai loa o ko'u ola elike @ ko keia wa a'u e ike nai. Ua ike n@ au, i ola au i na Huaale Akala a Dr. Williams no na Kanaka Nananakea, aole nohoi o'u manao iki, he la@ @ paau e ae kekahi i hiki ke hana @ me ka keia laau i hana ai no'u nei, Frankie Hathaway, Ottawa T@ Holland, Mich.
E nana no ka inoa piha ma ka opeope. E loaa no ma na hale kuai laau lapaulapau. He 50 keneta no ke poho, a he 6 poho no $2.50. E loaa no mai ka H@ Laau mai a Dr. Williams, She@tod@ Nu Ioka.