Ka Nupepa Kuokoa, Volume XXXVIII, Number 23, 9 June 1899 — MAKE O KAUKA MINUTE-OLE. [ARTICLE]

MAKE O KAUKA MINUTE-OLE.

Ma ke kakahiaka Poaha o ka pule i hala i make ai o Dr. H. Stangenwal"a (Kauka Minute-ole) ma kona wahi 'noho ma Alanui Nuuanu. Ua hanauia oia ma Geremania ma ka la 19 o Feberuari, 1829, a nolaila ua piha iaia na makahiki he 70 a oi ma keia ola ana. Ua ao oia i ka oihana kauka ma ke Kulanakauhale o Viena, Auseturia. Mamuli hoi ona uluku pioo ma Europa ia wa, ua holo mai la oia no Amerika Huipuia ae nei ma kamakahiki 1848, a ua lawelawe hoi oia i ka oihana kauka oki iloko o ke kaua huliamahi. Ma ka makahiki 1849, holo mai oia no Kaleponi no ka eli gula. Ma ka makahiki 1850 hoea mai oia i keia pae aina. Aole hoi i liuliu kona noho ana ilio ia nei, ua hoi hou aku la ia no- Viena, no ka hoopau loa ana i kana huli ana i ka ike lapaau. He mau makahiki i hala, ua hoi hou mai la ia no Hawaii nei, a noho loa iho la. Ua lawelawe oia i ka oihana lapaau ma Honoluhi nei, me ka mahalo nui ia e na kanaka. A ua oleloia, no ka hikiwawe loa o ke ola o kana mau ma'i e lapaau ai, ua kapa aku na kanaka iaia .o Kauka Mi-nute-ole. He umi paha makahiki i hala nei i waiho mai ai oia i ka lawelawe nui iina i lea oihana lapaau, aka, aole no nae i haule kona hele mau ana i kona keena lapaau i na ahiahi apau. O ka pOe no e kii laau aku ana iaia ma ia wa e loaa mai ana no kana, mau kuhikuhi ana. O kana mea plinahele loa, oia ka huli akeakamai ma ka mea e pili ana i ka uwila, a pela ka ike kawili o na mea kino. Ua mare oia ia Mary Dimond, he kaikamahine na Henry Dimond, a ma kona make ana aku ma ka makahiki 1860, mare iho la no ia me ka hoahanau o kana wahine, oia o Anna Dimond. Ua pau loa ka laua poe keiki i ka make i ka wa opiopio no. Ua oleloia, ua noho mua oia ma ka mokupuni o Kauai. ( j Ma ka holo ana aku a ka mokuahi Nippon Maru no Kapalakiko, ma ka la apopo e hoonuaia aku ai ke kauoha no 900 poe paahana Italia, no na kula mahiai o kakou nei.