Ka Nupepa Kuokoa, Volume XXXVIII, Number 25, 23 June 1899 — OLELO HOALOHALOHA. [ARTICLE]

OLELO HOALOHALOHA.

I ko makou hoa paahana pu, ia Jos. K. Nahale, Esq., Mrs. N. Nahale, David K. Nahale, ame na pokii i hooneleia mai la i ka hanau mua ole: Aloha oukou.—Me ka puuwai kaumaha a luuluu, walohia wale ka naau, kapalili eha ka manawa, hiolo na kihene waimaka a ke aloha—e, he aloha la. He waimaka halialia keia e hanini nei, no ka lono hoeha puuwai a hoolele hauoli, i pahola ae ma na lae rnakawalu o Kona. O Kona kai opua i ka lai, Opua hinano ua malie." Aia hoi ua oluolu i ka Mea Mana Loa ka lawe palanelie ana aku i ka hanu hope loa o Master Joe Hoolana Nahale, Jr., mai keia nolio inea ana a i ka home e maha mau loa*ana, ma ka 1 23 o Mei, A. D. 1899, ma ke kulanakauhale o Honolulu, Mokupuni o Oahu, o ko Hawaii Pae Aina. A na keia lono hookaumaha puuwai i hoaleale ae a hakukoi mai la na ao hakumakuma o Kulanihakoi, aia hoi, he kuaua nui o ka uwe kanikau ana ame ke kumakena ana, no Master Joe Hoolana Nahale. Jr., i pulelo holo lani aku me ka palanehe, ~aia hoi, ua kuu ka luhi a ua hoomaha oia me kona Haku aloha.

Nolaila, o makou o na haumana o ke Kula Sabati Makua o Kailua, a ma o ko makou komite la, Hooholoia, I.—o makou o na haumana o ke Kula Sabati Makua 0 Kailua, ke hui a ke komo pu aku nei makou apau me oe e Joseph K. Nahale, Esq., Mrs. N. Nahale, David K. Nahale ame na pokii i hooneleia mai la i ka hanau mua ole, e uwe, e kanikau, a e poinuu pu hoi me ka waimaka no Master Joe Hoolana Nahale, Jr., he pua hoonani no ko oukou kihapai, ka home aloha i pili pu ia me oukou ame ia, aia hoi, ua mae, ua hala aku la ma o me kona Haku aloha. a No ka mea hoi, o ka mea I hala aku la mao, a o kakou pu hoi me-ka poe e ii pu aku ana nona ma keia ao, he mau hoa kuilima pu no ia no ke Kula Sabati Makua o Kailua, a o Master Joe Hoolana Nahale, Jr., kekahi oia puali nani. Minamina wale na hoa uhaiaholo pu o ka pono a Thomas Kakina i lu iho ai i "Ka lai malino .a Ehu." 2.—Hooholoia, ke komo pu aku nei makou apau me oukou e ka oh«jna i hookaumahaia, me ka naau pepe a waiho aku i na alana ana imua o k Mea Mana Loa, Nana e lawe ae i na kaumalia ame na luuluu apau mai ia kakou ae, a e haawi mai i ka naau mama, ka oluolu ame ke aloha, elike me Kana i kahea aloha mai ai: "E hele mai oukou apau io'u nei e ka poe luhi ame ka poe kaumaha, a na'u oukou e hoomaha aku." A maluna ae hoi o na mea apau, o ka makou noi keia: E mau ke aloha o ko kakou Haku me oukou apau. Waloliia wale, W. M. KALAIWAA, DAVID ALAWA, J. H.'M. KEKAHUNA, PETER K. KAANAANA, ABE J. KAUHAIHAO, lOSIA K. LAIOLA. MRS. E. L. ALAWA, MRS. E. K. KULUA, MRS. JULIA PELEKANE, MISS KEAWE KIA, MISS MIKALA A. KAIAWE. Na Komite. Kailua, N. Kona, Hawaii, Mei 31, 1899.