Ka Nupepa Kuokoa, Volume XXXVIII, Number 28, 14 July 1899 — Page 4
| This text was transcribed by: | Kehau Haili |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
KUAI O NA HOOLIMALIMA O NA APANA AINA AUPUNI MA ALANUI MULIWAI, HONOLULU, OAHU.
Ma ka POAKAHI, Augate 14, 1899, ma ka hora 12 o ke awakea, ma ke alo iho o ka Hale Mana Hooko, e kuai kudala akea ia aku ai na Hoolimalima o keia mau Apana Aina Aupuni mahope ae nei, e waiho la ma Alanui Muiwai, Oahu:
Apana 1. Manawa 21 makahiki. Uku hooimalima oi aku maluna o $180 no ka makahiki.
Apana 2. Manawa 21 makahiki. Uku hoolimalima oi aku maluna o $110 no ka makahiki.
Apana 3. Manawa 21 makahiki. Uku hoolimalima oi aku maluna o $80 no ka makahiki.
Apana 4. Manawa 21 makahiki. Uku hoolimalima oi aku maluna o $100 no ka makahiki.
Apana 5. Manawa 21 makahiki. Uku hoolimalima oi aku maluna o $120 no ka makahiki.
E hookaaia ana keia mau hoolimalima naluna ae, ma ka hookaa mua i kela ame keia hapalua makahiki.
E kuaiia aku ana keia mau hoolimalima me ka hoomaopopo pono ia o keia mau kumu aelike, oia hoi, e hoopiha pono ana na poe e lilo aku ai keia mau Apaa a loaa ka iliwai o ke alanui (street grde) a e hoomaemae pono i ua mau Apana la a kupono i ke kulana ola maikai, mamua ae o ke kukulu ana i kekahi hale a mea e ae paha maluna iho.
a ma ia manawa a ma ia wahi nohoi e kuai kudala akea ia aku ai ka hoolimalima o kekehai wahi Apana Aina uuku ma Alanui Muliwai, e pili pu ana me ka Halepule Metodita Epikopale o na Iapana.
Manawa 20 makahiki. Uku hoolimalima oi aku maluna o $60 no ka makahiki.
E hookaa mua ia ana i kela ame keia hapalua makahiki.
O ke kuaiia ana aku hoi o keia Apana, aia no ia ma ke kumu aelike penei: O ka mea e lilo aku ai ua Apana la, aole oia e hana i na mea ino wale e hoopilikiaia ai ka aina o Halepule Metodita Epikopale o na Iapana e pili pu ana.
E ikeia ana no ka palapala aina o keia mau Apana Aina ma ke Keena Kalaiaina.
J.A. KING
Kuhina Kalaiaina.
Keena Kalaiaina, Iulai 10, 1899.
2763-3t
HOOLAHA I NA POE HOLOMOKU
Ma ka la 1 o Iulai, 1899, a mahope aku hoi, e kukuluia ana he ipukukui Hoomalamalama ma Leahi (Kaimana Hila), ma ka aoao hema o Oahu, Ko Hawaii Pae Aina, Latitu 21 ° 15’ 8” Ak., Lonitu 157 ° 48’ 44” Kom.
O ke kiekie o ka Ipukukui maluna ae o ka iikai 145 kapuai.
Ka mamao e ikeia mai ai ka malamalama 15 mile.
Puaa pohaku he 40 kapuai ke kiekie. Palaina puna ia.
Kumu o ka puoa, maluna ae o ka ilikai 92 kapuai.
O na aniani hoonui ike (lens) he mau aniani “dioptric” ia o ka papa helu ekolu, e hoike ana he malamalama aiai kapalili ole, ma kekahi pi’o )arc) o 186 ° 45’ me kekahi poai peahi ulaula (red sector) ma ka aoao komohana e uhi ana i ka ili o 11 1/2 ° . Ua pakuiia ka malamalama ma ka aoao Hikina a i ka laina e holo ana i hookahi hapalua ile mawaho aku o ka Lae o Koko (Koko Head). Mai keia lani aku, nee aku la ka lele ana o ka malamalami i ka Ak. 87 ° 20’ Kom. oiaoi. Mai ka lihi waho aku hoi o ka poai peahi ulaula ma ka aoao koohana mohala aku la ka malamalama i ka Hem. 81 ° 10’ Hi. oiaio. Mai ka lihi aoao maloko aku o ka poai peahi ulaula ma ka laina kupono i na i;ukukui o ke koa (channel lights) mohala aku la ka malamalama i ka Hem. 69 ° 40’ Hik. oiaio. Aohe ipukukui e ae e ikeia ana maloko o keia laina. O ka mamao o keia laina mai ka Boe Bele mai, ma ka laina e holo hema ana (maganeti) he 3100 kapuai. Maka laina hoi o na ipukukui o ke kowa. o ka mamao o ka lihi kuwaho o ka poai peahi ulaula mai ka Boe waena mai ma ka nuku o ke Awa he 1 ¾ mile.
IPUKUKUI O PAUKAA
O ka Ipukukui ma Paukaa, Hilo, ua hoololiia ae a i Ipukukui omaomao.
UWAPO WAAPA, HILO
Ua kauia aku he Ipukukui ulaula ma ka Uwapo Waapa ma Waiakea, Hilo.
JAMES A. KING,
Kuhina Kalaiaina.
Oihana Kalaiaina, Honolulu, H. I., Iulai 1, 1899 2763-3t.
HOOLAHA AINA AUPUNI
OLAA, PUNA, HAWAII
Ma ka Poaona Sepatemaba 2, ma ka hora 10 a.m.m, ma ka Hale Hookolokolo, HIlo, Hawaii, e kuai ia aku ai ma ke Kudala Akea, malalo o na kumu aelike no kahi noho ame na hana hou, a ma na hookaa oluolu ana iloko o ka manawa o Umi makahiki.
Aneane 360 mau Apana Aina o 50 Eka o ka Apana hokahi ma Olaa Hou, i ana hou loa ia iho nei.
E hiki ana i ka mea e kuai ana i kekahi Apana ke koho mai i ka lua o ka Apana e pili pu ana e ka Apana mua, koe nae na Apana ma ke alanui nui.
O ka mea e kuai ana i Apana Aina ma ke alanui nui, ua hki no ke koho i apana kaawale aku, aole hoi e waiho ana ma ua alanui la.
E kuaiia aku ana na Apana Aina no ke kumukuai e oi aku ana mai ka $1.00 aku a ka $20.00 no ka Eke, elike me ke ano ame kahi i waiho ka aino.
E loaa no na hoakaka piho no ka mea e pili ana i na kumu aelike no ke kuai ana ma ke noi kino ana mai, a i ole ai, ma ka Eke Leta paha i ke Keena Aina Aupuni, a i ole i kekahi o na Keena Aina maloko o ka Apana.
J.F. BROWN
Agena o na Aina Aupuni
HOOLAHA AINA AUPUNI
Iulai 3, 1899. 2762-8t
HOOLAHA AINA AUPUNI
Ma ka la 28 o Iulai ma ka hora 12 awakea, ma ke alo iho o ka Hale hookolokolo, Honolulu, e kuai kudala akea ia aku ai, ka hoolimalima o ka hapa mauka o na aina o Aliomanu, Papaa ame Moloaa, ma Kauai.
Ili he 2600 Eka, oi aku a emi mai paha.
Uku oi aku maluna o $500 no ka makahiki, e hookaamua ia i kela ame keia hapaha makahiki.
E kaa ana ka hoolimalima malalo o na kumu aelike e pili ana i ka malama ana i na ululaau, ame na hookaawale aina ana no ka nohona hookuonoono.
No na mea i koe e ninau ma ke Keena Aina, Honolulu.
J.F. BROWN,
Agena o na Aina Aupuni.
Iune 28, 1899. 2761-td.
HOOLAHA AINA AUPUNI
Ma ka Poakahi, Iulai 31, ma kahora 12 awakea, ma ke alo iho o ka Hale Hookolokolo, e kuai ia aku ai a ke kudala akea:
He Apana Aina Kula, maloko o laila he 5 Eka ma Honokowai, Maui. Kumukuai oi aku ma luna $500.00.
Dala kuike ma ke Dala Gula o Amerika Huipuia.
No na mea aku i koe e ninau ma ke Keena Aina Aupuni Honolulu.
J.F. BROWN,
Agena Aina Aupuni.
2761-3t.
HOOLAHA HUI I HOOHUIIA.
Ma ka Hana Hoopau i ka Hui Huelo Sugar Mill Company, I kaupalenaia.
Oiai ua waiho mai ka Huelo Sugar Mill Company, i kaupalenaia, he Hui i Hoohuiia, kukluia a e ku ana malalo, a ma o kamana la o na Kana wai o Ko Hawaii Pae Aina, elike me ke Kanawai no ia hana, ma ke Keena o ke Kuhina Kalaiaina, he noi no ka hoopau ana i ua Hui la, me ka palapala hooia i hoopili pu ia me ia mea, elike me ke Kanawai.
Nolaila, ke holahaia aku nei ma keia, i ka mea ame ka poe apau i loaa na kuleana ma kekahi ano iloko o ua Hui la i Hoohuiia, e pono e waiho mai i na kue no ka aeia ana o ua noi la, ma ke Keena o ke Kuhina Kalaiaina, ma ka Poaha, a mamua ae paha, oia ka la 24 o Augate, 1899, o o kela ame keia mea e makemake ana e loheia kona manao ma keia mea, e p;ono e hiki kino mai ma ke Keena Oihana o ka mea nona ka ino malalo iho nei, ma ka Hale Oihana Hooko, Honolulu, ma ka hora 10 a.m o ua la la, e hoike mai i kumu, nokeaha la e ae ole ia ai ua noi la.
J.A. KING
Kuhina Kalaiaina
Keena Kalaiaina, Iune 19, 1899.
2560-9t.
HOOLAHA AINA AUPUNI
Puukapu, Waimea
Ma ka la 1 o Iulai, 1899, a mahope aku oia la. e hiki ai ke waiho mai i na noi ma ke Keena Oihana o Chas. Williams, Honokaa, no ka Pono Kuai Hoolimalima Aina malalo o na kumu i hoakakaia ma ke Kanawai Aina.
Apana A., Puukapu, Waimea. Maloko o laila 19.67 Eka okoa ka Ili.
Waiwai io i kohoia $196.70.
O ka apana maluna ae nei aia ma ka Akau Hikina aku, a e kokoke ana no hoi i ka apana o “Makahikilua.”
Ma ka la 22 o Iulai, 1899 ma ka hora 12 awakea, ma ke Keena o Chas. Williams, Honokaa, e kuaiia aku ai malalo o na kumu aelike kuikawa no ka hookaa ana ame na hana hou. Apana aina ma Puukapu, Waimea, maloko o laila 20 Eka. Kumukuai maluna aku o $200.
Maloko oia apana, na apana 1 me 3 o na apana aina mua o Puukapu.
No na mea i koe, e ninau ma ke Keena o Chas. Williams, Hamakua, a i ole, ma ke Keena Aina Aupuni, Honolulu.
J.F. BROWN
Agena o na Aina Aupuni
Iune 15, 1899. 2760-4t.
Ka Liona o ka Akau
He Moolelo no ke Au
Manawa
Gustavus Adolphus
Kakauia e G.A. Henty a unuhiia e kekahi mea unuhi moolelo ke Kuokoa.
MOKUNA XIII.
Lalau iho la keia i na laau ihe ame kekahi mau pahi-kakiwi i haaleleia iho e na kanaka Bavaria, ma ka wa a lakou i puhee aku ai, a hele aku la ia e nana i ke kanaka i nakiikiiia ai ma ka pou laau, ike iho la ia, ua hala loa aku kona hanu ola mai a iaia aku, alaia, huli hou mai la ia ma kahi a na kanaka eha i ala ae ai, a kokua iho la ia lakou ma ka hooku ana ae ia lakou iluna. Hele pa-oioi aku la ua poe nei, a hoea i ko lakou hiki ana i kekahi hale mua loa e ku mai ana ma ke alahele a lakou e hele aku ana. Maloko o keia wahi hale i komo aku ai lakou a pani mai la o Makamu i ka puka.
Nana ae la ua wahi olali Sekotia nei ma ka paia o ka hale, a ike ae la ia i ke kau mai o kekahi hue-ili waina, lalau aku la ia i ua hue ili la a haawi mai la i kona mau hoa e inu. Alaila, hele aku la ia ma na wahi e ae o loko o ua hale la, e nana ai no na puka hamama wale, aka, ike iho la ia he elua wale no puka o ua wahi hale la. Hookahi mamua oia nohoi kahi a lakou i komo aku ai, a hookahi nohoi mahoue. O keia puka mahope pani aku la ia a peleki aku la me kekahi mau pauku laau nunui. Hoi mai la ia a ma kahi a kona mau hoa e noho ana me ka lomilomi ana i ko lakou mau wawae ame na lima i hoopalupaluia e ka maeele ame ka opili, ike iho la ia ua loaa mai ia lakou kahi ikaika.
He mau popo palaoa kekahi e kau ana maluna o ke pakaukau, lalau aku la ia i ua mau popo palaoa la, waw@hi iho la, a haawi aku la i kona mau hoa.
“E, e wikiwiki oukou,” wahi ana i olelo iho ai i ua mau hoa nei ona, “e ku ae oukou iluna, a hehihehi iho i ko oukou mau wawae, a e lulu aku i ka mauluulu o ko oukou mau lima, i mea e hiki ai i ke kok ke holo pono iloko o oukou. Na’u e kiai pono ae keia poe ai-kanaka e noke mai nei i ka poluku mawaho o ka puka.”
Ma kela wa, aia na kanaka ke noke la i ka wawahi i ka puka me na koi lipi a lakou, aole he wa a Makamu e kali ai i ka imi ana i mea e pakele ai ia ame kona mau hoa, no laila, me ka eleu loa hoopiha hou iho la ia i kana mau pu panapana, a ki aku la maloko o ke pani puka. Ua ku aku la kekahi kanaka mawaho, a haule aku la ia ilalo. Hoi hou iho la oia e hoopiha i kana mau pu, ia wa i honi ae ai ia i ka hohono uahi, a hooho ae la ia me ke pihoihoi nui:
“E, pau hoi kakou i ke ahi. Alalaila, pane iho la oia i kona mau hoa: “Ke ole au e kuhihewa, ua puhi mai nei keia poe i ke ahi i ke kaupoku a keia hale, ke honi mei au i ka hohono o ka uwahi. Nolaila, e
hookomo iho oukou i mau popo palaoa i loko o k ouku mau ekeeke a e ku kakou me ka makaukau me ke kali ana no ka wa pono e hikiai ia kakou ke haalele iho ia loko nei o keia hale. O ka kakou hana pono wale no au e manao nei, oia ko kakou puka ana aku iwaho mailoko aku nei o keia hale. E ukali mai oukou mahope o’u. Ma ka’u wahi e holo aku ai, o ka oukou wahi nohoi ia e holo mai ai. Ua maopopo ia’u, he eono, a he ewalu wale no na wahi kane o loko o keia wahi kulanakauhale, a ua hiki loa ia kakou ke lanakila maluna o lakou. Ina lakou e ike mai ana ia kakou e puka aku ana, e holo aku ana lakou mai a kakou aku. Ua manao lakou, owau wale no o kakou ka mea oolea, a he poe palupalu oukou apau, a oia ke kumu nui o ko lakou hoomano i ka lele ana mai maluna o kakou. Ke mau nei no ko lakou manao ana, aole he hiki ia oukou ke hele.”
Ua ku iki iho la ua o Makamu me ka noonoo nui ana no kana mea e hana koke ai ia wa. A mahope, huli ae la ia i kona mau hoa, a pane aku la: “Mamua au a mahope mai no oukou. E hahai mai oukou mahope o’u me ke kaakaa pono o ko oukou mau maka, ame ka paa pono ana hoi i ka oukou mau mea eha, a e hahau, a e hou aku oukou i ko kakou mau enemi me ka ikaika apau e loaa ana ia oukou ina e hoao ana lakou e lele mai maluna o kakou”
Ia wa, wehe mai la o makamu i ke pani puka me ka hikiwawe loa, a o kona wa no ia i oili aku ai me ka hikiwawe, a, aia hoi, kona mau hoa Sekotia e ukali la mahope ona. Ua hoomaka mai la ka poe o waho e lele mai maluna a lakou nei, aka, ma ka wa a lakou i ike pono mai ai, he elima lakou nei e holo aku ana, ua hoomaka koke aku la ua poe kanaka Bavaria nei e puhee liilii ma o a maanei. Ua iku aku la hoi i ka pu a Makamu hookahi o lakou, a o kekahi o lakou ua moku aku la i kana pahi.
Ma kela wa, huli ae la o Makamu a olelo ae la i kona mau hoa: “E hahai mai no oukou ia’u, a e hoomanawanui a hala ae keia wahi, alaila, kakou manao ae e hoomaha, a e hookuu iho i ko kakou mau hanu.”
Ia lakou nei e holo ana, ua huli hou mai la na kana Bavaria a hahai hou mai la ia lakou nei, aka, no ko lakou nei mamao loa mai a lakou mai ma keia holo ana, ua haalele ua poe kanaka nei i ka manao uhai-loloa mai ia lakou nei.
I ko lakou nei kaawale loa ana mai kahi kauhale mai, huli mai la o Makamu a kamailio mai la i kona mau hoa: “E hoomaha iki kakou maanei, a mahope iho o ka loaa iki ana ia kakou he wahi maha, alaila, e hoi hou aku kakou i ke kulanakauhale o Lech. Ua like no a like ke kaawale oia wahi mai a nei aku, me ke kaawale mai keia wahi aku a i ke kulanakauhale o Ingolstadt. Ke hoea ka hoi kakou ilaila loaa ia kakou ka palekana, oiaia he p;oe hoaloha ko kakou malaila. He mea makehewa ia kakou ke hoomau aku i ka kakou hele ana no Ingolstgadt, oiai e noke aku ana keia poe Pegana i ka hoala i na hoa Pegana apau o lakou mamua o ke alahele a kakou e hele aku ai, a ma ia ano e nui ana ka pilikia e loaa mai ana ia kakou, e he laki loa ko kakou pakele.”
O keia wa a lakou e hele nei, he wa ia i uhi paa loa iho ai ka pouli o ka po, a ua hiki ole ia Makamu ke hoomaopopo i na helehelena o keia mau hoa Sekotia ana e kamailio pu nei, aka mae, ua hoomaopopo kekahi o ua poe kanaka la o Makamu no keia e kamailio pu nei me lakou, a oia hoi ko lakou mea nana i hoopakele mai loko mai o ka make mainoino a lakou i manao ole ai e loaa ana ia lakou he pakele ana. A iloko o keia wa poeleele ninau mai la o Makamu i ua poe Sekotia nei: “No ka mahele koa hea oukou o na koa Sekotia?”
Ua pane aku la kekahi koa, oia hoi ka mea i hoomaopopo o Kapena Makamu keia e kamailio pu nei me lakou. “He poe koa makou apau no kou puali, e Kapena Makamu. O makou ka poe au i hoonoho ai e kiai i kekahi mau kaa ukana, ame kekahi mau kaa e hali ana i ka poe mai oloko o kou pualikoa. Ua loaa i kekahi o keia mau kaa ka poino, mamuli o ka hemo ana o ka huila, a ua lilo makou i keia kaa poino e hana ai, a oiai makou e hana ana , ua waiho aku la makou i ka makou mau mea kaua ma kahi mamao iki aku mai a makou aku. Ia wa i lele kimo-po mai ai maluna o makou, he iwakalua poe kanak Bavaria mailoko mai o kekahi puukiuki laalaau. Ua make he eono o lakou ia makou, a he umi hoi o makou poe i make. Ua paa pio iho la makou. O na poe mai keia o ke kaa, ua pau loa lakou i ka pepehi ia e keia poe kanaka Pegana, a ho-ala aku la makou elike me ka hoa ia ana o na holoholona i kahi kulanakauhale i loaa ae nei makou ia oe. Ia oe i hoea ae ai, a mamua iki iho, ka pepehi ana o kela poe ia M’Allister. E hoomakaukau ana hoi ua poe la e pepehi mai ia makou ma kela wa i hoea ae ai oe, e Mr. Kapena. Ua like loa ka hehena o keia poe me ke diabolo.”
Mahope iho o ko lakou nei homaha iki ana, ua hoomaka ae la lakou e nee aku no kahi a Makamu i makemake ai ia lako e hele aku. Hele hoomanawanui aku la lakou nei, a hiki i ko lakou hoea ana aku i kekahi wahi kauhale i pau i ka a ia e ke ahi. Ike aku la lakou nei i na paia poomoku o kekahi wahi luakini i a ia e ke ahi, a pela hoi me kona wahi halepele. Hoomanawanui aku la lakou nei i ka hele ana a hiki i ua wahi halepule nei.
Hele aku la o Makamu me kona mau hoa a hoea ma kahi o ka halebele, a ike iho la lakou e mau ana no ka maikai o ua hale-bele la, aole ia i a ia e ke ahi. Wehe aku la o Makamu i ka puka o ua hale-bele la, aia hoi, ua paa ke kiia. Noke aku la lakou nei i ka wehe i ua pani puka la, ma ka hooke ana e hemo aku ka laka, aohe nae he wahi mea a hemo. Oi noke wale lakou nei i ka wehe, aohe wahi mea a hemo iki. Huli mai la o Makamu a kamailio mai la i knoa mau hoa, mka olelo ana mai: “O kahi kupuno loa keia ia kakou e noho ai i keia po. Ua hoao ae nei kakou e hemo keia pani puka, aole nae he wahi mea a hemo. Pehea la e hemo ai keia pani puka?”
Ku iki iho la la ua aliikoa Sekotia nei a liuliu, ia wa olelo ae la ia: “Ua noonoo iho la au i mea e hemo ai keia puka, a hookahi wale no mea au i ike iho la, oia ka mea e hemo ai, a oia kou ki ana aku i kau pu-pana-pana ma ka puka ki nei. Aole ou makemake iki e hana au i keia hana, o loheia mai auanei ke kani ana o ka pu ma ka wa au a ki aku ai e na kanaka o keia mau wahi aku: aka, aole nae hiki aiau ke pale ae i ka hooko ana aku i keia hana, oiai, he mea pono ia kakou ke kono aku iloko o keia wahi. a malaila kakou e hoopumenana ai ia kakou iho, oiai hoi, o ko kakou moe ana maluna o ka hau e laii paa nei maluna o ka ili honua, ua like ia me ko kakou moe ana maluna o ka moe make.”
I kela wa kau pololei aku la oia i ka waha o kana pu-panapana ma ka puka ki o ke pani punak ana i makemake ai e hemo, a ki aku la. Ua komo aku la ka poka maloko aku o ka papaki, a hemo aku la ka puka. Alaila, komo aku la lakou nei no loko o ka hale-bele. Ike aku la o Makamu i ke ku mai o kekahi alapii e kamoe ana iluna o ua hale-bele la, anehe aku la kona mau hoa e pinana aku ma ua alapii la, aka, pane aku la o Makamu: “E, alia kakou e pupuahulu loa i ka pinanan e ana aku iluna, elike me na moa hoomaopopo ole i ke alahele a lakou i pii aku ai no luna o ko lakou haka. He mea pono ia kakou ke hana a paa keia pani puka a hiki ole i na kanaka owaho mai ke komo mai iloko nei, ma ko kakou wa e noho ana iluna.”
No keia manao maikai a kulana makaala a Makamu i hoike aku ai imua o kona mau koa, ua eleu ae la lakoue @ ke kiapap ana i ua puka la me na pohaku nunui i loaa ia lakou maloko o ua wahi la, a hiki i ka paa ana me ke oolea loa.
I keia wa i hoomakaukau iho ai ua poe la no ka pii ana aku iluna. Mamua nae o ko lakou pii ana aku ma ke alapii, ua noke iho la kekahi o lakou i ke kila ahi ana, me ka pohaku paea iluna o ka pulupulu, a hiki i ka a ana o ka pulupulu. Alaila, ho-a aku la oia i lama ahi hoomaamaama no lakou e pii ai iluna o ke alapii.
Pii aku la lakou nei a hoea aku la i luna maloko o kekahi keena he umi kapuai kuea kona nui, a o kahi keia e kau ana ka bele o ua wahi luakini nei. Nana ae la lakou nei maluna ae o ua wahi rumi nei ike ae la lakou he wahi pani ma ka papa pale maluna ae, a manao iho la lakou he keena hou ae no ia.
Ma keia wahi, oia hoi kahi e kau ana ka bele, olelo mai la o Makamu i kona mau hoa: “He mea pono ia kakou ke ho-a i ahi hoopumehana no kakou maloko nei o keia keena. E pii aku kekahi o oukou iluna o kela wahi, malia he maa opala ko ia wahi. Ke loaa ka opala alaila, e kiola mai ia mau mea ilalo nei, a hana ae au i wahi ahi e mahana ai kakou. He mea pono nae ia kakou ke makaala loa aole e puka aku keia malamalama iwaho o keia wahi a kakou e noho nei, nokamea, ina e ikeia mai ana kakou aole o kana mai ko kakou pilikia, eia nae aole no o kakou hopohopo ke hoea mai na kanaka o keia wahi, oiaia, ua lawa loa ke oolea o na pohaku a kakou i hoopili paa aku nei ma ke pai puka o lalo, e hiki ole ai i kela poe kanaka ke komo mai i loko nei o ka hale-bele mamua ae o ka hiki ole ana ia kakou ke hanai huaale aku ia lakou.”
Ua pii aku la he eleua mau kanaka iluna o ka hale maluna aku o lakou, a hue mai la i na opala o kela ame kea ano a muu mokaki iho la i lalo ma kahi a Makamu ma e noho ana, a e hoomakukau ana i wahi e a ai ke ahi hoopumehana.
O Makamu h@i, ua hele ae la oia ma ia wa, e nana i na wahi apau o keena a lakou e noho ana, no na hakahaka ma na paia, a ike iho la ia, aohe hakahaka. Hoi mai la ia, a hoonohonoho pono iho la i ka opala laau i hoahuia mai e na wahi kanaka i pii aku ai iluna, a o ka mea pilikia wale no a Makamu i ike iho ai, aohe wahi kupono a e ai ke ahi, oiaia, he papa maoli ka papahele e waiho ana malalo o lakou, ia wa huli ae la o Makamu a olelo aku la i na wahi kanaka i koe iho e kokua mai iaia ma ka hookuu ana i ka bele ilalo, a hooililo i kona upoho i kapuahi e ai ai ko lakou ahi hoopumehana Me ka hoikaika nui lakou nei i hana ai a hemo ua bele la mai kona wahi mai i kau ia ai, a me ka hooikaika nohoi lakou i hana ai a huli pono kona waha iluna me ke kipaepae ae ma kona mau aoao a kupololei.
Ma ka upoho o ua bele la i hana iho ai o Makamu i ke ahi hoopumehana ana i makemake ai nona ame kona mau hoa. Aole liuliu ua a ae la ua ahi la, ua hoi mua mai la hoi na wahi kanaka i pii aku ai iluna, a ua loaa ae la i na mea apau ke mehana maiki. Aia hoi ma kekahi aoao o ua keena la he puka i pani papaia, me he mea la he wahi puka no ia i hanaia no ka hoomaha ana i ka ea oloko o ua wahi keena la, ua hoohemo ia aku la ua wahi pani papa nei, a malaila i hookuuia aku ai ka uwahi.
Haule iho la lakou nei ia wa, ai iho la i kekahi mau wahi popo palaoa a lakou i paa pu mai ai me lakou. A haule iho la lakou hooluolu, aole hoi i liuliu haule aku la lakou hiamoe.
MOKUAN XIV.
Ka Paio Weliweli
I ka hoea ana mai o ke kakahiaka o kekahi la ae, aia hoi, o Makamu no ka mea mua loa o ke ala ana ae. Alaila, hoala aku la ia i kona mau hoa, a hoomakaukau iho la lakou no ka nana ana i na mea e pono ai lakou. Hele aku la hoi o Makamu a ma ka puka makani e hoohamamaia ai, nana aku la ma luna o ka aina, aia hoi, ike ku la ia he kula pano elele pu wale no ke waiho mai ana imua o kona mau maka. Aia no ke anu ke nokenoke la i kana mau ohiu ana i ko lakou mau io, a ia wa i olelo mai ai o Makamu i kona mau hoa: “E ho-a hou kakou i wahi ahi no kakou. Aole nohoi i kana mai ke anu o nei kakahiaka. Aka, e malama loa oukou, e ho-a wale no i na olaolao wahie i hele a maloo pono, a pulupulu ole, aole nohoi i mau i ka hau i ka po nei. O ke ano wahie e like me ia, he kumuia e hooulu nui ia mai ai ka uwahi, a lil i mea e ike ia mai ai e na kanaka ma kahi mamao mai a kakou aku nei. Aka, ina he maloo pono ka wahie a kakou e ho-a ai, alaila, e uuku ana kahi uwahi e puka ae ana, a, aole nohoi e ike nui ia mai ana iloko o keia wa e halii nei ka uhiwai kakahiaka.”
Ua a hou ae la ke ahi, a he uuku loa kahi uwahi e pua ae ana ia wa, a ua pau iho la ko lakou nei mau manao hopohopo no ka ikeia mai. Hoke iho la lakou i ke kamailio ma ia wa, a oiai laku e kamailio ana, ia wa i pane mai ai o Makamu i kona mau hoa: “E, uoki, He hamumu leo kanaka hoi keia a’u e lohe nei.”
Ia wa hele mai la o Makamu a kiei mai la ma ka puka makani, ike mai la ia i kekahi puulu kanaka e kuku aku ana malalo, a hookahi wahine e noke mai ana i ke kuhikuhi i kona mau lima ma kahi a lakou nei e noho ana. Helu aku la o Makamu a he umi ka nui o ka poe e ku mai ana.
(Aole i pau)
KA ILI MEEAU
U loaa i kela ame keia mea kona wa popilikia.
Aka nae, o ka poe i loaa i kekahi ma’i meeau o ka ili.
He lehulehu loa na hora i pilikia ai lakou.
Aohe mea like o ka uluhua elike me keia.
He keu nohoi a ka mea pohihihi a paakiki nui wale ma ka hoola ana.
Ke hookuu wale aku hoi oe, aole i kana mai ka nui o ka pilikia.
Aka, ano la, ua loaa ke ola no ia ano ma’i.
Ua hoao o melbourne i ua laau la.
E ola ana i ka Laau Hamo a Doan na ma’i meeau apau o kela ame keia ano.
Eia ho ka hoike no ka oiaio o keia olelo:
He kamaaina o Mr. William @@@ no Victoria, a ua noho ia mala@@ iwakaluakumamalima makahki @@ laila, e lilo ana ia i mea @@@@ hapa nui o ko makou p@@ @@@@ keia wa, eia o Mr. P@@@ nei ma Helu 68 Alanui Argy@@@@da. Penei kana olelo N@@@@ loihi i hala ae nei, ua ho@p@@@ loa ia au ma kuu mau waw@@@ kahi ma’i i kapaia he Eczema kahi wa, aole i kana mai k@@@ o ka oi loa aku nae, i ka @@@ nohoi i kana mai ka nui @@@ hua. Kuai aku laau i @@@ o ka Doan Laau Hamo, a @a @@@@ ke hai aku, ua kaohi koke @@@@@ i loko o ka wa pokole loa. H@@@ paau maikai loa ka Doan Laau Hamo no ka ma’i Eczema a ke h@@@@@ au ia mea.
He laau maikai mao@@ Laau Hamo no na ma’i apau. @@ E laa ka Eczema ka uha @@@ meeau, ke kakio, ke nahi a ke @@ ame na mea kiko e ae, ka @@ poha. He laau paleka@@ @@@ aohe pilikia.
Pinepine loa ke ola ana o @@ @ kahikoa a ka ili i elua a i ekolua @ no mau poho laau o keia ano a @@@ na ma’i i loaa ole ke ola i na @@@ paau e ae.
E kuaiia ana ka Doan Laau Hamo e na poe kawili laau lapaau apa@ pela nohoi me ka oe malama @@ kuai, ma ke 50 keneta o ka poe he eono no hoi poho no $2..50 a e@ unaia aku no mak Eke Leta @@@ mai ke kumukuai ia Hollister Drive na Agena no Ko Hawaii Pae Aina.
OLA KONA KUNU
Ua loohia au i kekahi kunu no makahiki he lehulehu, a ma ke haule lau i hala aku nei loaa no au kunu i oi loa aku ke ikaika i ko ka @@ ma mua. Ua lehulehu nohoi ka’u @@ laau e lawelawe ai aole nae he loaa ka oluolu, a ua hai mai la kekahi @ loah ia’u e hoao au i ka Laau Kumu Kamalena, a ua haawi mai keia @@ loha ia’u omole o keia laau. oiai ike oia he wahinekanemake ilih@@ au. Ua hoao iho la au ike au i ka loaa ana o ka maha @ i ka @mole mua loaa no ia’u ka ma@ a i ka lua o ka omole, o ko’u ola @ no ia. Aole i loaa ia’u he ola ku@ maikai iloko o 20 makahiki i kaa hope ae nei elike me keia. Ke haawai nei@@ i keia hooia ana me ke kono oleia @ mai, aka, mamuli wale no o ko’u m@@ kee ana no ke ola i loaa mai ia’u. @@ ka mahalo. Mrs. Mary A Beard @@ remore, N.K. E kuaiia ana e @@@ SON SMITH & CO., na Agena K Kukaa o ka Hawaii Pae Aina, am@ poe hana laau apau, a kuai laau no@.
HE MAHALO IA HAWAII
Ma ka la Sabati i hala i m@@ ae ai ka makukaua “Presidente @@miento” o ka Repubalika o Aregenetine, i ku mai ai no Honolujlu n@ hala aku ia no lokohama ma ka P@kahi nei ( Iulai10) he hoomanao “k@@laia” no ke Kuokoa o ka Repubalika o Aregenetine. Ua haawila na @@ aloha ana ma ia la. Ua aela ka @@ lehu e pii aku iluna o na moku @@.
Ma ke ahiahi iho, he hoomalamalama kukui ko luna o ua moku ia ku i ka e ka nani ke ano o ka hoo@@ nohoia ana no kukui ma na i@a moku.
Ua haawi mai na@lii ame na k@@ o ua moku la i ko lakou aloha hihi i ka lahui Hawaii ame ke kanaka maoli ame ko na aina e @ hookipa oluolu a lokomaikai @ @@ ia aku imua o lakou. Aole kakou ina ana ia Hawaii me kona @@@ ulumahiehie apau.
HOOPIHA NA LOIO KAN@@ ME KAULIA
Ua hoopiiia iho nei @@ Loio K@ kua ame Kaulia imua o ka A@@ K@ e ka Loio Kuhina, no ka hewa @@ ma ka hooweliweli i hanaia e @@@ luna o ka Maheleolelelo Lapaau o @@ Hookolokolo.
O na mea ano nui i loaa mai @@ kou ma keia hihia oia keia.
Ma kekahi wa i hala ae nei o Mr. Kaneakua ma ka Mokupuni o Maui, no ka lawelawe ana i ka@ hana ma ke kanawai, ua kaka@@ @ oia i kekahi palapali i Honoluluu kona hoa loio, oia o Mr. Kaulia aku oia (Kaulia) i ka Mahe@@@@ pana, e hookaa mai i $3000 @@@ kaohilia ai ka hoopii hewa i mai e lawe mai maluna ona (Mahe@@@@lapana) no kona lawe ana mai kahi mau kumu koa ma ka moku mai o Lanai i kahi wa i hala ae. Ua hooko o Mr. Kaulia i keia ka a kona hoa loio, me kona hoike @@ ia Mr. Kaneakua ua ae ka @@ i koila aku e uku mai i na @@ $300.
No keia wahi hana, ua hoopi@@keia mau loio. Ua loaa ka @@ a Mr. Kaneakua i hoouna @@@ Mr. Kaulia no ka mea e p@@ @@@ hele ana aku e koi i ka Mahe@@@lapana i ka Loio Kuhina @ @@ hoi me ka Mr. Kaulia pa@@@@@ i kana hoa.
Ua hoopaneeia keia hihia a @@ o Mr. Kaneakua mai Mai mai @ Lanai mai paha.