Ka Nupepa Kuokoa, Volume XXXIX, Number 10, 8 March 1901 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, MARAKI 8, 1901

 

4

 

aole o’u wahi mea a makmake iki i keia alahele a’u ame oe e hoohana aku nei, ma ke ano oia iho la ko’u mea e palekana ai.

 

“Aole hoi oi wale no, aka, ua ala mai la no hoomanao ana iloko o’u, no kekani mau olelo au i hoike mai ai imua o’u, a oia kela;  Mamuli o ko’u manaoia ana uamake au, a ua kanuia iloko o ka luakupapau ua pau iho la ko’u kulana wahine mare ana na ka Haku Ketawina.

 

“Ua ike au ua nui maoli kou oluolu ia’u e Gillibeta a pela nohoi me kou lokomaikai.  Ua maopopo ia’u, ua aie maoli au ia oe, a ua ike ole hoi au I kahi e kaa ai kuu ale  oe.  He elua au manawa I hoopakele ai I kuu ola; a he nui nohoi ka’u mau hana maikai e ae I hana mai ai ia’u.  O kou ano a au ma ka’u hoomaopopo ana, ua like maoli la oe me he kaikunane la no’u.

 

“Aole o’u wahi kanalua iki, aole e liuliu loa ka manawa mai keia wa aku a mare no o Roe me …via. Kane o Roe na Silivia, a wahine o Silivia na Roe.  Ah, poor Bernice.  No’u nei, aohe o’u wahi e hele aku ai, aohe o’u manaoiana e kau aku ai na maka.  Ke ike nei au me ka maopopo loa, aohe e loaa ana la’u he manawa pomaikai e hiki ai ia’u ke uku aku ia oe no kuu ale la oe.  O ka’u e ike nei no’u iho I kela wa, ua like au me kekahi puolo a haawe waiwai ole e kau ana maluna ou.  Ua ike nohoi au, aohe oe he kanaka waiwai nui, a no ia mea e lilo ana au I mea hoopilikia aku ia oe.  Nolaila, e Gilibeta, e hoolohe mai oe I ko’u manao aole loa o’u wahi makemake iki e hoomau aku au I mea hoopilikia aku ia oe.”

 

Me ka piha pahaohao nui launa ole iloko o Gilibeta, ninau aku la oia ia Bernice:

 

            “Alaila, heaha kau mea e manao nei e hana?”

 

            “Aole o’u makemake e hoike ole aku au ikekahi mea oiaio ole imua ou, a nolaila, e hoolohe mai oe.  Aohe o’u wahi kuleana iki e noho hou iho ai ma Enelani nei.  Aole kela o ko’u home.  Ua makemake loa au e hele aku ikahi ehiki ai ia’u ke olelo ae me ka oialo, he wahi kuleana ko’u maluna o ka mea kino kanaka a’u e olelo ae ai, he hulu makua oia no’u.  E Gilibeta, o ka mahina keia o Aperila, a o keia ka wa e hiki ai I na moku ke holo aku no Sana Kilidea Allana.  Aia ma ia wahi mokupuni kuu home, a malaila hoi he kane a he wahine I hiki ia’u ke olelo ae me ka oialo loa, o ko’u mau makua la.  Nolaila, o ka’u I makemake ai ia oe e hana moi no’u e Gilibeta, oia kou hoao ana me kou ikaika a pau e loaa ona moku no’u e hoi aku ai au I Sana Kilidea Allana.”

 

            I ka lohe ana o Gilibeta I keia mau olelo hope a Bernice I hoopula mai ai, ua haikea pu ae la kona mau helehelena, a kaomi iho la hoi ka manao kaumaha iloko ona.

 

            “Bernice,” wahi a Gilibeta I pane aku ai, “e hai aku au ia oe I ka mea oialo.  Aohe ou home I koe mn Sana Kilidea.  He lono kaumaha ka’u e hoike aku ana ia oe, aka, he oi aku nae ka pono e hoike aku au ia oe I ka mea oialo.  O na mea au e manao nei o kou mau makua laua, oia hoi, o Mr. Ame Mrs. Guailana, aole laua he mau kamaaina no ia wahi I keia wa.  I ka mahina I hala aku nei I haalele iho ai laua ia wahi, a hala aku la laua no ke ala e hoea hou ole ai laua ilaila.  Ua piholoia laua iloko o ka opu lipolipo o ka moana, oiai ko lakou moku e holo ana mai Sana Kilidea mai no Sekotia, mamuli hoi o ke piholo ana o ua moku la.  He moolelo walohia keia I hoolaha ia ae maloko o na nupepa a pau ma Sekotia a ma Ladana nei nohoi, a-“

 

            Aole hoi I pau pono aku na huaolelo a Gilibeta I makemake ai e hoopuka aku ia Bernice, aia hoi, kaohi iho la ia I ka hoomau ana aku I ke kamailio ana ia Bernice mamuli o kona ike ana aku I ka haikea pu ana mai o kona mau helehelena, a ano e mai la hoi ka nana ana mai a kona mau maka.  A emoole lohe ae la o Gilibeta me ka puiwa launa ole o kona noonoo I ke puia ana ae o kekahi leo hooho a uwe hoi:

 

            “Ua piholoia anei laua?  Ua make anei laua?”

 

            “Ae, Ua make laua, e Bernice.  He uila poino weliweli loa kai kau iho maluna o laua.  O ke kumu nui o ke piholo ana o ka moku, oia ka loaa ana I kekahi ino nui ma ka moana.”

 

            Me ka pane leo hou ole ana mai o Bernice, ala hoi, palulu ae la oia I kona mau lima ma kona mau maka, a hiolo iho ia na waimaka ma kona mau papalina.  Oiai o Bernice e uwe ana, aole nohoi o Gilibeta I hoao iki e kaha-maha aku I kana uwe ana, aka, ua kali maile ihola ia a hiki I ka manawa I aea mai ai ke poo o Bernice iluna a nana mai la iaia.  A hala kekahi mau sekona o kona nana ana mai la Gilibeta ia wa oia, I kamailio mai ai me ka piha launa ole o kona leo I ke kaumaha:

 

            “Ua pau loa aku la ko’u mau pilikana I ka lawela e ka make.  Poor father and poor mother.  They have gone home.  Ae-ua hoi aku la laua I ka home lani, kahi e ike ole ai laua I na ehaeha ame na kaumaha o kela ao, e like me a’u, ka laua hanai, e ike nei I ke kaumaha ame ka luuluu launa ole.  Ua oi ka pono malaila laua e noho ai, me ke kali hoomanawanui ana mai ia’u a hoea aku au ilaila.  Aole no I mamao loa aku ia manawa mai kela wa aku.  Aohe o’u home e hele aku ai.  He kuewa au ma keia ao.”

 

            Aiaila, palulu hou ae la ia I kona mau maka me kona mau lima a kulou iho ia kona poo, me ka pane leo ole ana.

(Aole I pau.)

 

LAAU KUNU MAIKAI NO NA KAMALII.

-

 

“Ua hoolaha aku au me ka hookaulua ole iho no ka maikai loa o ka Laau Kunu a Chamberlain,” wahi a F.P. Moran, kekahi mea hana palaoa kaulana loa o ke kulanakauhale o Petersburg, Va.  “Ua hoohainu mau maua I ka maua mau keiki I na wa a pau e loaa ai I ke anu ame ke kunu, pela me ke kunu kalea, a he loaa mau ke ola me ka hakalia ole iho.  Na kekahi haole kuai laau no I hoike mai ia’u I keia mea, I kona olelo ana mai, he laau kunu maikai loa ka keia no kamalii, aohe opiuma I awiliwiliia.”

 

            Ku kualia nei ma kahi o Benson, Smith & Co., Agena ma Honolulu, H.T.

 

 

KAHAKU OPIO

-O-

Kakelamaina

-

 

                “E Naomi.” wahi a Valenatina I hoomau mai ai I ke kamailio ana imua o ke Duke Wahine o Kakelamaina, “ke hoike aku nei au ila oe I na mea a pau.  He oiaio, ua aloha au I ko kane.  Ae: ua aloha au iaia, me ko’u ike ole, ua mareia oia me kekahi wahine.

 

                “Aka, I keia wao ke ike nei au I ka mea olaio, a oia ka’u e lawe nei I ke keehina hooponopono koke ia mea I hoopauia ai ka pilikia I maua’e aku ai au maluna o kou kuleana me ka maopopo ole.  I kapaeia ae ai hoi ka hewa I hana hupo ia e a’u imua ou.  Ina paha, I manao o Sana Alabama, e mare mai oia ia’u, a owau hoi kana wahine, aole anei e hiki ana iaia ke hanala hana ma ka imi ana I kona pono ma na Aha Kanawai?  Eia nae, aole ia o kana hana I hana ai.  Ua kali-a kali no ola me ka hoomanawanui nou, no ka mea ana I aloha ai me kona puuwai a pau.

 

                “E hai aku au ia oe, aole loa ola I hana iki mai maluna o’u I kekahi hana e mae ai ka ui maluna o kou mau papalina, e Naomi, oiai nae au e hooikaika ana me kuu ikaika a pau ame kuu uhane a pau e lawe mai au iaia a pili mai oia ia’u.  He is an honorable man, pure and clean.  (He kanaka hanohano oia, he maemae a he maikai.)  He oiaio, ua hoike mai no oia I kekahimau hiohiona waipahe imua o’u, aka, uaw hiki no nae au ke hoomaopopo aku, aole o kona naau maikai.  Aole.  Me he mea la, ma ka’u hoomaopopo aku, aia kona puuwai ame know uhane I kahi mamao kahi I waiho ai.

 

                “Ano, e Naomi, e ae hou mai oe ia’u e kamailio hou aku au ia oe, ma kona wa I hoike mai ai ia’u I ka moolelo o kona paa ana ma ka berita mare me ka wahine ana I aloha ai me ka oiaio a pau o kona uhane, aole I kana mai ka ehaeha o kuu naau.  Ua hiolo iho kuu mau waimaka ma ko’u mau papalina.  He la kaumaha loa kela no’u –he ia poino, he la popilikia a he la o ka ehaeha.  Ua loohia kekahi palapu hiki ole ke hoolaia ma kuu puuwai.  Ia’u e lohe ai I kona leo mahope mai, aole I like ka ono oia leo elike me ka mea I maa ia’u I na wa mamua aku.  O ka eha, ame ka welenia na mea e lulumi mau ana ma kuu puuwai.

 

                “Aole anei ou hoomanao, e Naomi, I kela wa a’u I aumeume pu ai me oe, no ka mea e pili ana I na pua au I hele mai ai ma kuu pakaukau, a hoonele aku ai au la oe ma na ano a pau?  I kela la, ua pailaia kuu houpo me ka lili nou.  Eia nae, aole au I hoomaopoo iki, o oe ka wahine a ke kanaka hanohano a nani e ku ana ma kou aoao, a o ua kanaka la hoi o ka kane no ia.  Ua kuhi au, ua like no oe me a’u, ma ke ano he malihini like kaua ma napaia o Kakelamaina Hale, eia ka auanei, aole pela.  Aole anei ou hoomanao I ka haawi ana aku a Kakelamaina I oe I ka pua lilia?  He hora kela I hoonaukiuki maoli ia ai au ia oe.  Aka, I laau hahau kupono nae no’u, ua kau mai oe I ka hoopai maluna o’u me ko aahu pua lilia.  O ka mea oiaio, ua lili maoli no au ia oe, a ua inaina nohoi.  Aole hiki ia’u ke huna iho la mea imua ou I keia wa.

 

                “Ua olelo iho no au iloko iho o’u, ina o keia wahine haaheo-oila hoi oe, e kuu Naomi-a he wahine ia I marela e Sana Alabama, alaila, aole no o’u kuleana e lili makawelawela aku ai maluna oia wahine.  Aka, o ka wahine malihini mai Amerika mai, elike me kela Emepera wahine o ka nani e hoohaunaele nei iwaena o na kanaka ui o Pelekane nei, ua like no a like kona kuleana olemaluna o Sana Alabama me ko’u nei; eia nae, e aho au, eia au ke noho pu nei me ia maloko o ka malumalu hale hookahi, a he inoa pilikana hoi ko’u iaia.  He malihini nae au I kou ano ame kou kulana ia wa.  Aole au I ike o oe ka wahine mare ponoi a Sana Alabama.

 

                “E Naomi, o ka po au I aahu mai ai I kela kapa pua lilia, oia ka po I loohia ai au I ka hehena ame ka pupule.  Ua kuko maoli au iloko o kuu noonoo iho, e pepehi au ia oe, a e kaili hoi I kou oila mai a oe mai.  O kela ia, au I hele pu aku ai me ia I ka holo waapa, he la no ia no’u I mainaina loa ai ia oe.  Lili au ia oe, hhu au ia oe, a ua komo maoli kamanao eleele iloko o’u e kau no au I hoopai kupono maluna ou, I hoomaalili ia ai hou kuu lili ame kuu inaina nou.  Ua hoike aku au I kela manao eleele o’u imua o Sana Alabama.  hai aku au iaia I ka eha ame ke kaumaha o kuu naau, a o kana pane I pane mai ai ia’u, aole I kupono ke nohola ka puuwai o ka anela e na manao elele oia ano.  Aole au I moeuhane mua, aia ma kela aoao aku oia mau huaolelo, henane huna pohi I hiki ole ia’u ke hoomaopopo.

 

                “Aole mau huaolelo kupono a’u e hoike aku ai imua ou, I ko’u wa I ike ai, ua hoike maopopo loa mai la kona mau helehelena makalapua o ka hoohihi maluna ou.  Hoike aku no au imua ona I ka ehaeha e pikehi ana iloko o ko’u naau no ko’u ike ana aku la mau hiohiona ohohia oka makmake ana e hoike ana ia oe.  Eia nae o kana pane I waiho mai ai imua o’u, e hoomanawanui au, and be good girl.

 

                “Nolaila, e Naomi, I nonoi aku au ia oe, e hoopau oe I kou inaina no Sana Alabama, o kau kane ia, a e aloha oe iaia elike me kou aloha ana iaia ma na ila mua o ko olua nohona wai meli.  E Naomi, nani nohoi kou lokoino ina aole oe e aloha ana ia ia!  nani nohoi kou aloha ole mai ia’u nei, ka wahine opio I hele mai la imua ou e hoike ai I na mea a pau no ka mea e pili ana mawaena o’u ame sana Alabama, a e hoike akunei nohoi imua ou I kuu mihi.  Ua olelo oe, a ke manaolo nei no au, ua olelo io no oe pela, ua aloha oa ia Sana Alabama me kou naau a pau; aka, I keia la nae, ke hoole nei oe I ka oiaio o kei aloha ou.  E Naomi, aole anei oe e hoi hou me ke kane I hoomanawanui iloko o na makahiki he umikumamalua o ko olua kaawale ana?”

 

                I kela, wa I pane mai ai o Naomi me ke kuoo o kona helehelena a pau:

 

                “Ua hana mai oia I kekahi hana e hiki ole ai ia’u ke lilo hou I wahine nana.  Aole paha he kanaka I hana I kekahi hana lapuwale elike me ia I hana mai ai ia’u.  Ua paa kuu manao, aole au e hoi hou me ia.”

 

                “Auhea oe, e Naomi,” wahi a Valenatina I pane aku ai, “ina no e hou mai oila I ka pahikaua ma kuu puuwai, e kala aku ana no au iaia; ina no e hoohainu mai oila I ka laau make einu au, e kala aku ana no au iaia.  A pehea ia oe, e Naomi?”

 

                “O kou haan ana pela aole ia he aloha oiaio; aka, he kulana kauwa kuapaa maoli ia,” wahi a Naomi.

 

                “Aole loa pela.  Ua kuhihewa oe, ina oiaoi kou manao no ia ano o ke aloha.  Aka, oiai e like ole ana ko kaua mau manao ma ia manao, e hai maopopo aku nae au ia oe, me kuu hookamani ole.  Ina owau ma kou wahi, ina owau ka wahine mare a Sana Alabama, alaila, e kala ana no au iaia.”

 

                “Alaila, he oiaio, ke ike nei au, ua aloha io no oe ia Sana Alabama.”

 

                “Ua hai mua aku nei au ia oe ia mea.  A e hoolohe mai oe.  Na ia aloha o’u ia Sana Alabama I lawe mai nei ia’u imua ou I kela la.  Na ia aloha o’u iaia I hele mai la au imua ou, a nonoi aku ia oe e hoihoi hou mai oe I kou aloha a pili hou me ia.  Na kuu aloha ia Sana Alabama, I kii mai la ia oe e hoi hou oe me ia.”

 

                I keia wa, aole I pane hou mai o Naomi, ua noho mumule iho la ia, a hala kekahi mau sekona o kona noho ana ma ia ano, aia hoi, pane mai la ia:

 

                “Ke ike nei au, he puuwai wiwo ole a makau ole kou.  Ua mahalo no au I kou mau manao a pau I hoike mai nei imua o’u.  Ua hoomaopopo au, aole oe I hewa ma kou noi ana mai ia’u e hoi hou au me Sana Alabama.  Ua ike pu hoi alu, aoile oe I ike I ka nui launa ole o ka ehaeha I loaa ia’u, ma kela hana kumakaia a Sana Alabama I hana mai ai maluna o’u.  O ka’u e ike nei no’u iho, aohe mea maikai I koe iloko o kuu puuwai no Sana Alabama.”

 

                “Aole he kumu a he mole maikai e ulu mau ai ia manao iloko ou, e Naomi.  E nana mai oe, ua hiki loa ia’u ke olelo iho, he hoa paonioni au nou, aka, ke ike nei au, ua nui kou oluolu ia’u.  Manao anei oe, ina aohe I loaa ia oe keia oluolu ou ia’u, e ae mai ana oe I ko’u kukuli ana, ma keia wahi a paa hoi au I kou lima?  Manao anei oe, aole he oiaio o ka’u I hoike aku nei ia oe?  E Naomi, I nonoi aku au ia oe, no’u nei, e ae oe, e hoi oe me kou kuleana oiaio.

 

                “E Valenatina, e hoi aku anei au me ka loaa ole ana mai o kekahi mea hoomanalo I ka awahia o kuu uhane mai kela wahine haaheo mai?  Ka wahine nana au I nuku mai me ke aloha ole, a I paki mai hoi maluna o’u I na huaolelo ino a pau e hiki ole ai ke hoomanawanui ia e na pepeiao o ke kanaka he noonoo maikai kona elike la hoi me kou ame ko’u?  Aole loa au e ae, e hoi aku imua o kela wahine, ke ole oia e hele mai imua o’u a mihi mai imua o’u I ka hana hewa ana I hana mai ai maluna o’u.”

 

                “E kuu Haku Wahine o Kakelamaina, aole au e uwalo aku nei imua ou no ke Duke Wahine kekahi.  A ole, aole o’u kuleana ma kona aoao.  O ka aoao o kau kane ka’u I hele mai la.  Ua ike no au, ua nui io no kou inaina ame kou huhu iaia, a ma ko’u manao, he hana hiki wale no ia ke hanaia, ina e ae mai ana oe, e hoi hou ae me kau kane, me Sana Alabama.

 

                “Ea, ina owau o oe, e holo aku no au me kuu mau lima elua e hamama ana mamua pono o’u, a hopu aku au ia Sana Alabama, a puili mai iaia I kuu umauma.  Ina nohoi owau o oe, e hoonalo no au I ko’u inaina no ke Duke Wahine o Kakelamaina.  Aole au e nana aku iaia, ma ke ano oia ka mea nana e akeakea mai ia’u mai ke aloha mai o ka’u kane.  Aole anei e hiki mai ia, oe ke ike mai I ka nui maoli o ko’u aloha no Sana Alabama, a I oi aku hoi mamua o kou, oiai nae aole o’u wahi kuleana pono iki ma ke kanawai a ma kekahi ano pono e ae paha e haawi aku ai I ke aloha ana o keia ano maluna ona.  I hai aku au ia oe me ka oiaio he mea ole ka ino a ko’u makuahonowai e hana mai ai ia’u ina ua lilo mai kana keiki ia’u.

 

                “A eia hoi kekahi mea au e hoomaopopo iho ai e Naomi, ua ike no anei ke Duke Wahine o Kakelamaina, o oe kana hunona, ame ia ike nohoi ona ia mea, ua kipaku mai la oia ia oe mailoko mai o kona hale?  Aole anei e like nohoi me ko’u ike ole ana he wahine oe na Sana Alabama, pela nohoi kona ike ole ana ia oe ma ia ano?  Alaila, e hoahewa aku anei oe I ua Duke Wahine la o Kakelamaina noi ka hana kuhihewa ana I hana mai ai maluna ou?  Manao au, ina oe e noonoo pono iho ana iloko o ko’u noonoo maikai, no ka hewa a hewa ole a ke Duke Wahine o Kakelamaina I hana mai ai maluna ou, e like hoi me kau e koi nei I kela wa, me ka ike ole ana o ua Duke Wahine nei o oe ka wahine mare a kana keiki, e ike iho ana oe me ka maoopo loa, aole he wahi e hiki ai ia oe ke ahewa aku iaia.

 

                “Ano, e Naomi, e maliu mai oe I kuu leo, a e hooloho mai hoi oe I kuu noi ana aku ia oe, me he keiki la e nonoi ana I kona makuahine.  Aohe mea nui e ae a ko’u uhane e makemake nei, aka, o kuu ike wale aku no ua hoohauoliia ka nohona o Sana Alabama, ua pau kona kaumaha ame kona luuluu.  Ua wehla aku hoi mailuna aku ona ka hauoli ame ka laelae o kona mau ano a pau, me he mea la he kanaka oia I alahula me ka aahu hou o ka nani ame ka maemae.  E hana ana au I na mea a pau e loaa ai iaia kela hauoli, a ina no o kuu kino nei ka luahi e hookola ai ia makemake ame ia iini o’u, alaila, e hana aku ana no au elike me ia.  Ua hiki loa ia’u ke haawi aku I kuu ola iloko o ka poho o kou lima e kuu Haku Wahine o Kakelamaina ina ia he mea nou e ae ai e hoi hou oe me Sana Alabama.

 

                “Malia hoi o kuu make ana ame ko’u kaawale ana aku mai keia ao aku oia ka hookaawaleia ana aku o kekahi puakaumaka nana e hoehaeha nei I kou puuwai, alaila, heaha la hoi kuu mea e minamina ai I kuu ola, oiai ua oi aku ko’u aloha ame kuu makee I ke ola o ke kanaka a’u I aloha kuhihewa ai, aole la ana wahine I mare ai, a I kuleana ai hoi maluna ona, elike me oe, e Naomi, ka mea a ko Ladana I olelo ai ka Emepera Wahine o ka Ui?  He hana maalahi wale no ka lilo ana aku o ko’u oia mai a’u aku mamu o ko’u malama ana iho ia mea I kumu e hoehaeha mau ia mai ai au I na la a pau o ko’u ola ana?  E hooia aku no au imua ou, e Naomi, aole loa o’u wahi manao iki e mare au me Sana Alabama.  A ina o kou manao ia, alaila, I hai aku au ia oe me ka oialo, ua kuhihewa loa ia oe ma ka manao ana peia.”

 

                Me he mea la nae ma keia wa a Lede Valenaiana e kamailio mai ana ia Naomi, aole o Naomi I hoomaopopo I na huaolelo hope a Valenatina I noopuka mai ai, a ia wa oia I pane aku ai:

 

                “Ke hoomaopopo nei au, ua hele mai nei oe ia nei, e Lede Valenatina, no ke noi ana mai ia’u e kala aku au iaia, a hoi hou aku hoi au me ia.  Aka, e hoomaopopo pono oe, e Lede Valenatina, ua hoole au I ka hoi hou ana aku me ia, a ua paa loa ko’u manao ma ia mea.  O ke alahele wale no a’u e ike nei, oia ko’u noho iho ana pela, a hiki I kono oki ana mai ia’u ma ka mana o kekanawai, a ma ia manawa, e hiki ai iaia ke hooko aku I kou aloha oiaio I hoike mai nei imua o’u nona.  Manaolo loa au o kou mare ana aku iaia oia wale no ka hana e hooluoluia ai kou manao, a e loaa ai hoi ia oe he nohona hauoli.  O ko’u koi ana aku ia Sana Alabama e oki mai oia ia’u oia ka’u hana maikai loa e hana aku ai ma ko’u aoao nou, e Lede Valenatina.”

 

                “E Naomi, ua hai aku nei au, aole o’u makemake e mare ia Sana Alabama oiai e ola ana ka wahine I kupono moli I kona kulana hanohano a kapukapu alii hoi, oia no oe, e Naomi.  Ua ike au, ina no e mare ana au me ia, aole e loaa mai ana ia’u kona puuwai, aole hoi kona aloha.  Aohe o’u waiwai I ke kino uhane ole; aohe hoi o’u waiwai I ke kane puuwai ole.  I keia wa, o kuu aloha nona, oia ko’u hooikaika ana me kuu ikaika a pau e hoi mai ka wahine ana I aloha ai me kona puuwai a pau.  A e Naomi, ke poina loa nei anei oe I kana keiki, ka mea hoi ana I aloha ai me kona puuwai a pau Auhea kela keiki ana?  Aole anei oe e hoihoi mai ana iaia I ka poli o kona luaui makuakane, ke kanaka hoi au e hana nei me ke aloha ole?”

 

                I ka puka hou ana mai o ka mea e pili ana I ke keiki maia Lede Valenatina aku, ua haikea hou ae la na helehelena o Naomi, a me he mea la e olelo okoa mai ana no ia imua o Valenatina.  “Ua oki-mai hoopuka hou mai oe I kahi mea e pili ana I kela keiki.”

 

                Me he mea la, ua uluhia ia iho o Lede Valenatina e kekahi uhane ano e, ia wa oia I ku ae ai iluna huli pono aku la kona alo imua o Naomi, a pane aku la oia:

                “Ua ike au, he wahine oe, e Naomi, e like me a’u nei, a he wahine ui maoli nohoi.  Ua hiki ia’u ke hooia aku imua ou, aohe wahine ma Pelekane nei a puni e loaa aku ka nani ame ka ui I kauia maluna ou.  O ka ui o kou mau helehelena, aohe mea nana e hoole ia mea imua ou; aka, aole loa I like ka ui o kou puuwai me ka nani o kou mau helehelna.  Aole wehi e ae e ui ae ka puuwai o kekahi wahine nona na helehelena maemae elike me kou, aka, o ke aloha no la e uhi ana I ua puuwai nei ma kona mau aoao a pau.

 

                “I hai aku au ia oe, e Naomi, he wahine oe, me ka puuwai oiaio ole iloko ou.  O kou waiho ana me ka lokoino launa ole I ke kanaka I aloha ia oe me kona puuwai a pau, iloko o na mea ame na pilikia o keia noho ana au ponoi e ka wahine I ike ai, oia ka lua ole o na hana makona I hanaia e kekahi wahine elike la me oe ke ano e Naomi. Aohe mea e ae e ikeia ai ke aloha aiaio iloko o kekahi wahine, o ka loaa ana no ia o ke kalaia ana o ka mea I lawehala aku iaia.  Ua hana anei oe ia hana; e ae mai ana anei oe imua o’u e haawi aku ana oe I na kala ana I ka mea I lawehala aku ia oe?  Ina he aloha kekahi ou no Sana Alabama, a ke manaolo nei no au he aloha no kou iaia, alaila, o ua aloha la ou, he aloha alunu ia, oiai o oe kau ia nana iho, aole hoi oe I nana I ka maha ame ka oluolu o ka mea I lakehala aku ia oe.  E hoomaopopo mai oe.  Ina aoe au’e ae e make I ke kane aohe me a’u kona puuwai, alaila, e ae anei hoi o Sana Alabama e pili hou me ka wahine ana I noho mua ai, me ka puuwai o ke aloha oiaio ia wa, a I keia wa hoi, aohe ona puuwai.  Aohe paha he mea weliweli a kekahi kanaka e hiipoi ai ma kona poli elike me kona malama ana I kekahi wahine aohe puuwai o ke aloha me ia.  You, Naomi, I should think that you are a woman without a heart.  Aole anei oe I ike, o ka huikala ana ia na hala o ka mea lawehala mai ia kakou, oia kekahi lihi o ko ke Akua aloha?  Naomi, listen- if you can not forgive, you have no heart-you know nothing of the divine element of love.  (Ina aole oe e kala aku, alaila, aohe ou puuwai-aole loa oe I ike I ka huna ku I ko ke Akua ano iloko o ke aloha.)  O ka poe e kala ole ana I ka poe I lawehala aku ia lakou, aole lakou I kupono e noho iloko o ke aupuni o ka lani, olai, he aupuni ia no ke aloha.”

 

                Nana mai la o Naomi ia Valenatina, a he nanaina hou ke mohala mai ana maluna o ua wahine nei.  Ua ano palupalu maikai mai la kona mau ano a pau ia wa.

 

                “Naomi,” wahi a ua Duke Wahine nei o Kakelamaina I pane mai ai, a ninau mai la nohoi, “heaha la kau mea I makemake ai ia’u e hana I keia wa?  E hai mai oe la’u, a e hana no au e like me kau e hoike mai ai ia’u.”

 

                Aole hoi I kana mai ka hauoli:  o Valenatina.  Olino ae la ia mea ka kona mau helehelena a pau, a la wa ninau aku la oia ia Naomi:

 

                “Pela io anei?  Alaila,e hoomaikai mai no na Lani ia oe, e kuu Haku Wahine o Kakelamaina.  Nolaila, e haawi mai oe ia’u I kela pua rose e kau la ma ko umauma, a e lilo aunei I mea hoike ia Sana Alabama, ua loaa hou oe iaia.  E hai aku au iaia, eia oe ke kali nei o kona hoihoi hou mai I keia pua rose ia oe.  E hoomanao oe, o ka pua oliva ka mea hoike a ka manu nunu imua o Noa, ua emi ka inaina ame ke kupikipikio ana o na ale ahiu o ka moana kafkoo; a o ka kaua hoi I kela la imua o Sana Alabama, o ka pua rose.  E hoike aku ana keia pua imua ona, ua aloha hou ke aloha elike me ka rose, ua hui hou ke kane ame ka wahine iloko o ke ala o na rose.  Nolaila, e lawe anei au I kena pua rose, e kuu Haku Wahine?”

 

                “E Valenatina, e lawe aku oe I keia pua, aka, mamua o kou lawe ana aku iaai mailoko aku o kuu lima, e haawi iho au I kuu aloha ma kona mau lihilihi.  Ia is sweet, but Love is still sweeter.  (He onaona io no, aka, o ke Aloha kai oi aku o ke onaona.)

(Aole I pau.)

 

UA PUKA MAI LA KA NANI O IMANUELA, KA ALOHI O KAMALAMALAMA.

-

 

I hookahi puuwai

I hookahi ke aloha –

 

                I hookahi ma na ano a pau e alakai ana I ke ola oiaio o ke kino ame ka uhane imua o ke Keikihipa kina ole; ano, I keia la, ua wehe hamama mai la ka uhane mana o ke Akua ola I na pani puka o na halepule kalawina a pau I na kahunapule o ka Hoomana Naauao e komo aku lakou iloko oia mau luakini e hai aku ai I ka lamaku o ke ola imua o na kanaka.  Nolaila, ua hiki mai ka wa e kuikahi ai ka makua me ke keiki ma na hana e hooholomua ia’I ko Iesu Aupuni ma Hawaii nei.

 

                Ke heluhelu iho me ke akahele a ike ia no ma ke poo o kona kukulu manao ana, penei:  “Aole anei e hooki ae I kau akeakea ana I na aoao pono o ka Haku,” ua puka mai nei kukulu manao ana mamuli no o na hana akeakea a na Levi o ka Hoomana Kalawina oia mau apana I na a’o a alakai ana a na Levi o ka Hoomana Naauao, a I kakooia hoi ka lakou mau a’o ana e ka mea I pono ia I lima akau no ke Akua ma Maui a puni, oia hoi kela kanaka puuwai hamama a ka lokomaikai nui wale, oia no o Senatoa Balauini.  Mamuli o ka ikemaka o keia Balauini I na alakai ana a na Levi o ka Hoomana Naauao ma Pauwela, Hamakualoa, Maui, oia kela apana e nohoalii ia ana e na’lii ikaika o ka lewa, na haku hoi o ka pouli mau loa.

 

                Nani wale, hewa ole, pono loa, ola mau; na hooponopono noeau ana a ko ke Akua lokomaikai; maluna ona Levia o ka Hoomana Kalawina I ko lakou wehe hamama ana mai ia na ipuka o ko lakou mau hale pule no na Levia oka Hoomana Kristiano Naauao.  He oiaio, ua hiki mai ka wa a Iehova o na kaua e wehe mai ai I ka pouli o na maka o ka poe pahenehene wale I na a’o ana o ka Hoomana Kristiano Naauao, a e lilo aku ana ma keia mua koke iho ka lakou mau a’o ana, I alakai, a I kuhikuhi I ka aoao maikai loa, a I ka mihi oiaio e ola’I ke kino ame ka uhane.  He oiaio no, aole paha I nele na hoahanau o na Hoomana Kalawina ia mea he “mihi,” aka, o ka pilikia iwaena o lakou, oia ka maopopo ole o ka mihi ola e ola’i.  A pehea ia ke ano o ka mihi ola e mihi ole ia nei; a e maopopo ole nei hoi I kuu lahui keano o ua mihi ala.  Ua maopopo loa ia kakou kana olelo, oia hoi.  Aole e make ke kanaka I ka nui o ka hewa aka no ka ike ole I ke ano o ka mihi ana e ola’i.  A pehea ia ia ano mihi e ola’I ke kanaka, penei:  e ike ke kane ame ka wahine I nei ma hopuna olelo:  He oiaio, ua hewa io wau; E oluolu, e kala mai I kuu hewa, a, e hoola mai Ia’u, ma ka Inoa o Iesu ke Ola.  Amene.

 

 

(Nana ma ka aoao 5.)

 

 

HALE KUAI

 

BIBI, I’A, KAMANO MOA, PALAHU Etc.

 

KAPIKI, AKAAKAI, OHI’A, UALA A NUI WALE AKU.

-

 

                O keia mau mea a pau I hoikeia ae ia maluna, eia ke kualiia nei I keia mau la me ka emi loa.  Aole e hoomaopopo ana ka mea heluhelu I ka oiaio o keia a hiki I ka ikemaka ana.

 

                He nui na ono a ka maka e wae ai; mai na uha bipi momona a na kaka puaa kelekele o Kaleponi, ka naaukake, ka puaa paakai e ono ai me ka luau, a I ole ia, ua kapiki lau po’i.  “Auwe! moni ka haae!”

 

                E wae a pau ka makemake.  He waipahe na kukaiolelo ana, a he oluolu loa aku hoi ke kumukuai.

 

                E kipa mai.  Aohe o makou la koo-o na Sabati wale no.

 

                Eia ko makou hale kuai bipi ma ke Alanui Betela, mauka iho o kahi o Kakela me Kuke ma.

 

HONOLULU MARKET CO., LTD.

Alanui Betela.

 

 

Ka Hui Banako hoahu

Malama Dala o Hawaii

(KAUPALENAIA)

 

Huina I heakuia…..@ @

-

Peresidena………Kikila @

Hope Peresidena….W.P. P@

Puuku………W.G. Cooper

-

 

Keena Mana Nui:

 

Alanui Papu, kokoke I Alanui K@

Keena Laia ma Hilo, Hawaii

 

-           E LAWELAWE ANA I KA  -

 

Oihana Banako Hoahu Dala ma Honolulu ame Hilo

 

E lawela mai no na huina @ @ ka haawila o na ukupanee no na @ makahiki ma ka huina o 4 @ no ka makahiki.  E loaa no na @ a me na hooponopono ana ke @ ma ke Keena Hoahu.

2828 -1yr.

 

DR. L. F. VALAREZ

 

Keena Oihona a Wahi Noho, E 16 ame 20, Alanui Enema.

Na Hora Hana:  8a 10 a. m.

3 a 5 p. m.

7 a 3 p. m.

 

Telepona 644.                                    @ - @

 

DR. T. MITAMURA

-

Keena Oihana 534, Alanui Nuuanu

Telepona 152.  Pahu Leia 84:  @ noho, 524 Alanui Nuuanu.

Na hora keena:  8 10 a. m., 1 a @ @ 6 a 8, p. m.

 

LYLE A. DICKEY

 

Kai na Mokupunimai.

a hookoia na hana pili kanawai @

Kihi o Alanui Betala me Moi. @

 

KAKELA ME KUKE

(KAUPALENALA.)

 

Poe Kalepa ma ke Komiss@

 

A HE

 

Poe Lawelawe Kopaa.

 

AGENA.

 

HOIKE