Ka Nupepa Kuokoa, Volume XXXIX, Number 25, 21 June 1901 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, IUNE 21, 1901.

heao ole e paki-ke i kona makuahine, aole hoii hoouluhia wale aku: he akahai me ka hoolohe pono i na kauoha; oia kekahi o na kaikamahine onaona, upalu, a oluolu loa; aole loa oia iloko o kona oia ana i hoao e ku-e a hoopilikia wale aku i kekahi me. Oiai ka Haku Lanasawela e hele holoholo ana maluna o kekahi honua papa ma Kawadoa i kekahi kakahiaka malie maikai iloko o ka mahina o Iulai, oia ka wa o kekahi kauwa i lawe mai ai iaia i kekahi telegarapa. Ua wehe koke ae ia oia a ike iho la na kana keiki, ka Haku Sanadoa mai: "E kau Makuakane aloha:- E oluolu oe e holo mai i ke kaona nei e halawai pu me a'i i Danamoa Hale i keia ahiahi? He wahi manao ano nui ka'u i makemake ai e hui aku ia ow. Mai noho oe a hoopu-a leo aku ia Mama i keia manawa."

Ua ku maile iho la ka Haku Lana@awela me ka oni ole e noonoo ana no kela telegarapa iloko o ona  lima.

"Heaha la keia pilikia nui?" wahi a ka Haku Lanasawela i olelo iho ai iaia iho no: "e hoopilikia mai ana keia keiki ia'u. Ua hana oia i kekahi hana ano nui, oia ke kumu o kona makemake ole e hai aku i ka lohe i kuu lede maikai."

Ia wa oia i haila ae ai i kekahi manao kaumaha he hana paha kana i hana mai ia e hoohilahila mai ana paha a hoopilikia mai paha, ke keiki hoi a kuu naau i haawi aku ai i kuu paulele ana a oia hoi ka mea nana e haaheo ka ino alii o maua.

"E pono au e hele," wahi a ke alii i olele iho ai iaia iho no, e pono hoi au e hana i kekahi hana i hiki ai au ke kaia ia mai e kuu lede ame ka hooluolu pu ana aku hoi i kona manao. O ka hoailona mau e kahua ai i ke Kaunawahine o Lanasawela, oia keia, kuu lede, a i ole ia ka Lede Lanasawela; he kakaikahi loa ke kahea ana'ku o kana kane iaia, e kuu wahine, a pela no hoi ka iaua mau keiki, i ke kahea ana ku, kuu makuahine: o na poe like oile a pau ua kahea aku iaia "kuu lede".

Malia paha, ola hookahi wale no ke kaukau alii kaulana o Enelani, oia paha ka mea i lokahi like ai o na mea a pau i ka haawi ana aku i keia ino hanohano iaia. " E kuu Lede," i kona wa e oluolu ai, alaila ua olino mai la ka malamalama ma Kawadoa: e kuu lede," i koao wa e hhuhu ai, alaila ua uhi mai ka pouliuli. He hooponopono mau oia i ke ao ana'ku i na olelo a'o ame ka noonoo ana i na mea e oluolu ai o ka hale me kakahi mino aka ma kona mau papalina i kekahi manawa, a hooku-e maka nui mai nohoi i kahi manawa. Ua ike no ka Haku Lanasawela aole ia e aa e hoike aku i ke telegarapa i ka Lede Lanawsawela: o hoomaka koke oia e hele no Hanamoa Hale, a ilaila e hooili koke ia aku ai kekahi kaua mawaena ona ame kana keiki. E pono oia e epa aku i kana wahine. Ia wa oia i hoomaka ai e hana ino i ke telegarapa me ke akahele loa a ia manawa nohoi oia i ano hoowahawha mai ai no kana keiki. O kana wale no e manao ino ana ia wa, no keia hooilina opio a kanaka u'i wale no, me na onohi maka polu ame ka lauoho huialilali, ua piliwaiwai mai la paha oia, a ua komo iloko o kekahi poino, oia kona mea o ke ake nui ana mai la e halawai me a'u i Danamoa Hale.

"He mau tausani paona kakaikahi wale no ua lawa ia no kona mau pilikia." wahi ana i noono wale iho ai no, a mahope noonoo hou ae ia oia., aohe pono e haawi aku oia i kekahi manao ooolea i ka hana naaupo o ka wa opio.

Aoha pono e hai aku i kuu lede i keia mau mea; o nana mai auanei oia me na maka ooi ame ka puanuanu. Hoomaka aku nei ua Haku Lanasawelo nei e hele no ka lumi-hookipa, kahi hoi a kuu lede e noho ana a e nana mai ana e like me ka moiwahine iloko o ka aahu veleveta eleele me na lihilihi e kuuwelu mai ana. O ke kaunawahine o Lanasawela, ua noonoo ia, oia kekahi o na wahine ui loa ma Enelani. Ua mare oia i ka wa opiopio loa, a e mau ana no nae ke kahiko ana a ka u'i ame ka nani maluna ona oiai kona mau la e nee nei ioko o ka wa kanaka makua a ua komo pu aku ia no oia iloko @@@a helu'na o na poe ui o keia au e nee nei. O kana kane ame kana mau keiki ua ano ilihia no ko lakou naau i keia wahine nohenohea me kona kulana moi wahine.

"Lucia," wahi a ke alii, "ua manao au e pii i ke kaona i keia auina la. A ka la apopo au e huli hoi mai ai."

"Peia io anei," i olele mai ai kuu lede me ke ano ululohi. "Heaha hoi keia huakai hikiwawe au e kuu Rosa?"

"He wahi oihana uuku nohoi i hiki ole i kekahi mea okoa ke lawelawe, aia no na'u ponoi." wahi a ka haku i olelo aku ai. "Aole no a ue kaawale loii aku ana."
"He oihana o ke ano hea?" i nanau mai ai kuu lede, me ka nana pono ana mae o kona mau maka.

"Auwe nohoi, e kuu aloha, aole paha ia he mea kupono na'u e wehewehe aku ai i ke ano o ka'u oihana ia oe? Aoha no paha oe e hoapono mai ana i ka'u mea e hai aku ai ia oe. Ua makemake au e hele e ike i na poe malama banako-a kuai aku i kekahi mau kea o'u. He nui loa nohoi n kumuhana liilii e ae a'u i makemake ai e pii i ke kaona.

"@ hoomanao oe, e kipa ia mai ana ko kaua hale i keia la e kakhi poe maka hanohano?" wahi a kuu lede i olele mai ai.

"Ae, aole no au i hoopoina, aka, elike no me kou ano mau, o ka noeau, mikioi a maiau, ua hiki no ia oe ke hoolaulea aku me lakou no'u, e Lucia."

O keia mau olelo mahalo a kana kane iaia, ua hooluolu ia mai kona mau manao e uluku ana no ka huakai hele a kana kane e hoomakaukau nei e hele.

"He mea oiaio nohoi la e Rosa," wahi a kuu lede i olelo mai ai, "ua hiki ia'u ke haawi aku i mau olelo hoolaulea ia lakou, ina he kumu kupono kou o ke kaawale ana."

"Ke hai aku nei au ia oe me ka oiaio loa, he mau kumu kupono. Aia no au a hoi mai, alaila oe lohe i na mea a pau; nolaila e pono au e wikiwiki o haule auanei au i ke kaa ahi."

I ka wa i haalele iho ai o ke alii ia Kawadoa, ua minamina loa oia malia paha ua hoohikau aku la kana keiki iaia iho iloko o kekahi mau oihana ma ke anu malu. Ia wa i nai unui iho ai kona manao, heaha a ke kumu hana kupono ana e hai aku ai i kana wahine i kona we a huli hoi mai ai no ka home-ua manao wale iho la no oia, ina o ka pilikia o kana keiki oia ke poho o kana mau dala, a ina aole ia, heaha ia. "Aole au e pono e hoike aku ikona makuahine," wahi a ke alii i noonoo iho ai. "O na keikikane he poe keikikane no lakou; malia paha o manao aku kona makuahine na pho @@ke oia me ka poe piliwaiwai a ua nui ka aie. Aka, o na poe like ole a pau ana i ale aku ai aohe o'u nana pehea ia ka nui, e haawi aku ana no au iaia i kekahi bila kikoo dala, ame ke a'o pu aku au iaia, e hoopaa mai oia i kekahi olelo hoopaa, o ka manawahope loa ia ana e hana ai elike me ia."

Aole loa ia i haili ae no kekahi mau pilikia e ae; oia hoi, ua hoohiki aku ia ua keiki nei ana i ke kihene ono a ka manu ino wai-pua, a ua makemake paha e mare, aohe wahi mea a aia mai oia mau noonoo iloko ona. Ua hauoli oia i konaa hoea ana'ku i Danamoa Hale; a ua hele mai ia ke kiai-hale kahiko e halawai pu me ia iloko o ka holo.

"Ua makaukau ka aina wakea, e kuu haku," wahi a ke kiai hale i olelo mai ai. "Ua hai mai nei ka Haku anadoa ia'u e hiki mai ana oe."

Ia wa oia i nana ae ai ma o a maanei a ninau aku la: "aole anei i hoea mai nei ka Haku anadoa ia nei nei?" Ua ala koke mai la kekahi manao iloko ona i ke ano pihoihoi a ano kaumaha o ka panaina o ke kiai-hale.

"Aole oia ia nei nei," wahi a ke kiai hale i pane aku ai-"aia iaua ke noho nei i ka Hotele Moiwahine ma Pikadile."

"O laua," wahi a ua kahu nei i hooho aku ai, "owai kau e manao nei mamuli o kau olelo ana mai la i keia mau huaolelo o laua? He mau hoaloha anei ko ka Haku anadoa me ia?"

Ua haikea pu ae la ka helehelena o ua wahine kiai-hale ia, a kuemi hope aku la ia mai ka nana ana'ku a na maka o ka haku iaia.

"Ua hoomaopopo au e ka mea hanohano, aole oia hookahi wale no," wahi ana i pane aku ai. "Alia hoi la, malia paha ua kuhihewa ia au. O ka'u nai i hoopaopopo ai, e halawai mai ana oia me oe i ka hora ewalu o keia ahiahi, i ka wa e pau ae ai o kau paina ana."

"Heaha hoi kona mea o ka paina pu ole ana me a'u," wahi ana i noonoo iho ai. "Nana hoi i telegarapa ae nei ia'u, alaila haalele mai la ka hoi ia'u e ai hookahi. Aohe ia i ano like mai la em kuu Lance."

A mamuli o kona noonoo ana i keia mau mea, aole e hiki iaiai ke noii pono i keia mea pohihihi; ia wa i hoi aku ai ke alii i kona lumi no ke komo-lole ana no kona aina ahiahi. Ua kauoha aku la oia i kekahi omole Madera, kana punahele hoi e lawe ia mai iaia, a mailaila hoi i puka mai ai na moolelo kupaianaha. A noho iho la oia ilalo me ka noonoo ana no kana keiki a komo mai la na manao aloha nona. Ua hoomanao mai la oia i keia keiki u'i a opiopio ana me kona naau hiehie aohe mea e ae e hiki ke hoolakalaka iaia o kuu lede wale no. Ia wa oia i akaaka ae ai a nui, i kona hoomanao ana ae i ka hakoko mawaena ona ame kona hooilina-ua hoopio mau nohoi laua maialo o ka laua keiki; aka, i ka wa a kuu lede i hiki mai ai maluna o ke kahua oiaio, ua lilo iho l ia i mea okoa loa, a ua kaa aku la ka hoopio ana ma kela auau ia wa, a o kuu Kahu anadoa, he mea mau no kona hoopio ana ame kona lanakila ana. Aohe no i pau kona hoomanao ana no keia keikikane u'i ana, ka mea i maa mau i ka holoholo ana maluna o ke kahua o Kawadoa, ka mea hoi e hoao nei e huna nei i ka mea oiaio mai kuu lede mai eia oia ke puhi siga nei.

Aole ona hoomaka'uka'u i kona makuakane no kona puhi ana i ka siga, aka, i ka wa ana a l@he aku ai i ka o-we mai o ka lole silika o kuu lede, oia kona wa e holo aku ai me ka mama loa me he mea la e lele ana oia. Ua akaaka ae la ka Haku Lanasawela a nui ikona wa i hoomanao ae ai i keia mau mea.

(Aole i pau.)

 

POINO NA PELEKANE

Hiki mai na Bua i ka manawa i manao ole ia ai.

Nui ka Poe i make a mai Lilo kekahi mau Pu ikaika loa i na Bua.

Ma ka la 5 o Iune i ike ia ai ka poina o na Pelekane i na Bua ma Aferika. Ua nanea na koa Pelekane i ka hana i na mea e pili ana i ko lakou wahi noho ame na wahi kokoke mai ia lakou i ka manawa i uhai ia mai ai lakou e 1,200 Bua. Ua pili loa ke ku ana o na Pelekane a i ka manawa i ki ia mai ai he kanalima o lakou i hina i ka wa hookahi. Ua puiwa loa lakou a aole i loaa ka manawa e hoohana ai i ka lakou mau pu ikaika. Ua hoao aku lakou e palo i ka enemi aka ua hiki ole. Ua ki koke aku lakou i na lio nana e lawe keia mau pu ikaika a lakou a hoomaka e uhee mai keia wahi aku. Ua paapio aku kekahi o na kanaka akamai o lakou i ke ki pu a koi mai na Bua ia lakou e ki i keia mau pu i na Pelekane. Ua hoole loa aku keia poe koa aole loa lakou e ae e ki aku i ko lakou poe ponoi iho no. No keia hoole ana ua ki la lakou i ka pu a make e na Bua. Ma keia manawa ua loaa hou mai la na koa hou o ka aoao o na Pelekane a hoi hou mai lakou e paio me keia poe Bua. Mahope o kekahi kaua hahana loa ua auhee aku na Bua a loaa hoe keia mau pu ikaika i na Pelekane. Ua makemake na Bua e lawe aku aka ua hiki ole oiai ua pau na lio i ke ki ia i ka pu. He nui na koa i make o na aoao a ielua. Akahi no a loaa hou ia Pelekane kekahi make nui e like me keia.

Ke koi nui nei ke alakai o na Pelekane e hoouna ia aku na koa hou i hiki ai ia lakou ke uahi aku i keia poe Bua a hiki i ko lakou haawipio ana mai. Aole i hiki iaia me kona mau koa i keia manawa ke hana i keia hana.

Aole ma keia wahi wale no ke kaua aka e kaua mau ana lakou i keia ame keia la. E kali mau ana na Bua a hiki i ka manawa i manao ole ia aku ai e hele mai ana a la manawa lakou e hoomaka mai ai e kaua. Nui na Pelekane i waiho aku na iwi i keia aina malihini a mawaena o lakou he mau keiki kekahi na ka poe kaukanalii o Pelekane. Ua haalele aku i ka home ame na mea i aloha ia a hele mai e kaua no ka pomaikai o ke auuni ame ka aina.

 

Mai Kelemania loa mai

Hele mai nei e Mare i kana Ipo Aloha ma Hawaii nei.

Maluna o ka mokuahi Pekina i ike ia ai kekahi moolelo maikai loa e hoike ana i ka hana wela a ke aloha. Ua hele mai kekahi wahi kaikamahine ui mai kona home mamao mai he mau tausani mile e imi i ka mea a kona puuwai i aloha ai a hiki i Hawaii nei. Ua haalele aku oia i kona home, na makua, na pokii, ka ohana ame na hoaloha a hele mai i ka moana a hiki i keia wahi mokupuni uuku i waena moana e huli i ke aloha ana i ike ole no eha makahiki i hala ae nei.

O Miss Maria Lutz ka inoa o keia wahi koa uuku i au hookahi mai i ka moana. Kau mai oia maluna o ke kaa ahi a hiki i ke awakumoku ma Kelemania, kau maluna o ka moku a hiki i Nu Ioka, kau hou maluna o ke kaa ahi a hiki i Kapalakiko, kau hou maluna o ka moku a hiki mai i Honolulu nei. Aola hoaloha, aole makamaka, aka ua iilo ia i mea ole i ka hana a ke aloha. I ke kokoke ana mai o ka moku i ke awa ua ike ia oia e nana ana ma o a maanei no kana mea i aloha ai. Ku ka moku i ke awa, aka aole i ike ia kana mea i aloha ai. Oiaia oia e hoomakaukau ana e iho mai aia hoi ua ike ia aku ia kekahi kaapio i ka holopaukiki ana mai a maluna o keia kaa ua ike ia aku ia kana mea i aloha ai. Ua iho awiwi mai oia a komo iloko o na puili aloha a ka mea ana i aloha ai. Maha ka luhi o keia kula loa o ka hele ana mai.

Ma ka po Poaono o ka pule i hala i hoolilo ia ai laua ia hookahi a i keia la ke noho nei laua e like me kekahi mau wahi manu ka hauoli ame ka maluhia.

 

PAKELE KA OIHANA MAKAI

Ua ae ka Ahaolelo e haawi aku i ka Lakou Noi.

Makemake Lakou e kuai ia i Pahu Telegarapa no keia Keena Hana.

Ua huli pono ia ka Oihana Makai e na komite o ka Senate oia hoi o Senatoa Papai, D. Kalauokalani, L. Nakapaahu, Wm. White ame J. D. Paris. Ua kauoha ia aku keia komite e nana pono i ka lakou noi no na mea e pili ana i ka uku o na makai ame ka uku o na alii maka. I ko lakou huli pono ana ua ike lakou aole i nui loa ka mea i noi ia mai, a aole nohoi i nui ino loa na makai e malama nei i ka maluhia o keia kulanakauhale. No keia ike maka ana o lakou ua lawe mai lakou i ka lakou hoike e ae ana e haawi ia ka $160,000 i noi ia mai ai e ka Loio Kuhina no keia keena hana o ke aupuni. Penei ka lakou hoike:

Hon. S. E. Kaiue, Pereseidena o ka Senate.

Ua huli pono aku kou komite kuikawa i haawi ia mai na mea e pili ana i ka uku o na makai o ka mokupuni o Oahu nei ame ke ano o ka ukuia ana o keia poe. Ma ko makou huli pono ana e like me ka hiki ia makou ua ike makou aole i nui loa keia $160,000 i noi ia mai ai no keia oihana.

He mea maa mau mai ke au mai o na Moi o kakou ka olelo ia i ka uhauha wale ia no no ke kala ame ka nui on punahele a ke poo o keia oihana. Aole makou e olelo aku ana ke hana ia nei keia hana i keia manawa aole no oi makou e hoole aku ana. Ua hele mai kekahi poe a noi mai i ka Ahaolelo e huli ono aku i ke ano o ka uku ana ia o keia poe a no ia noi ua hele aku kou komite e huli pono. Ua ninau pono makou i ka Maka Nui no na mea a pau e pili ana i keia keena.

Ua ike kou komite ua kaulike ka uku ana ia o na makai a pau loa a ua kupono na kala a pau loa i hoolilo @a no ka hooholo pono ana i ka hana o keia keena. Ua hoopay ia ka poe waiwai ole i keia keena a o ka pow wale no i hiki ke hana i ka hana kei malama ia. Ua hoao nui lakou e hooemi mai i ka lilo ma na ano a pau loa.

Oiai ke pii mau nei ko kakou nui i keia ame keia makahiki ua manao kou komite he mea kuono loa e haawi ia keia haawina kala no keia keena i hiki ai ke malama pono ia ka maluhia o ke kaona. Ua ike no ke poo o keia oihana e nui aku ana na kanaka a nui pu me ka hana, aka aole oia i noi mai a oi ino aku mamua o ka mea ana i manao ai oia ka lawa kupono.

Ke noi pu nei makou e kuai ia i pahu Telegarapa no keia keena. He mea keia e hooemi mai ai i ka hana ame ka lilo a hooholomua aku i ka hana. I mea e pau ai o ka manao kuhihewa ke noi nei makou e haawi ia i $160,000 no keia keena.

Ua kakau inoa ia e na komite a pau e like me na inoa maluna ea.

 

Pepehi ia e Kona Makuahine.

Make kehahi Kaikamahine Opiopio ma St. Louis.

ST. LOUIS, Iune 6. - Ala ma Galena he wahi kokoke i ke kulanakauhale o Sana Lui, i ike ia ai kekahi pepehi kanaka weliweli loa. O ka mea nana i hana keia hana kalaima o Mrs. John Stallion ame kana mau keikikane elua me kana kane mua. O ka mea i pepehi ia oia no kana kaikamahine ui me kana kane hou, Miss Alice Stallion.

O keia kaikamahine kekahi o na kaikamahine ui loa ma keia kulanakauhale a o keia ke kumu lili o kona makuahine ponoi iaia ame kona mau keikunane elua. Ua hoopalau ia keia kaikamahine a ua kokoke mai ka manawa e mare ia ai oia me kekahi kanaka kuonono o keia wahi a ua manao keia poe e hana ino ia mai ana lakou e like me ko lakou hana ino i keia kaikamahine a nolaila ua kauoka aku keia makuahine i kana mau keiki e paa i keia kaikamahine oiai oia e wawahi ana i kona poo me kekahi apana hao. I ko lakou ike ana ua make keia kaikamahine ua hoolei koke ia aku kona kino iloko o ka muliwai. Aole i loihi mahope mai ua loaa pono keia hana a lakou a ua ae aku nei lakou i na makai na lakou i hana keia hana kalaima. Aole i maopopo loa k manao nui o keia hana aka o ka manao wale ia aku no no ko lakou makau o hoihoi mai keia kaikamahina i na hana ino a lakou i hana aku ai iaia.

Nui ka huhu o na kanaka i keia hana a ua manao ia e kukulu ia ana keia poe e na kanaka ma kekahi mau pou a puhi ia i ke ahi i mea e a'o aku ai i na poe a pau aole e hana e like me keia. He wahi kaikamahine keia i punahele i na kanaka no kona ui ame ka maikai o kana mau hana.

 

Ua hiki aku Ma Buffalo.

BUFFALO, Mei 28 - Ua hiki mai ka hoikeike o na kula o Hawaii ma Buffalo nei a ua hoomaka koke aku o Miss Daison ame Miss Mapuana Smith e hoonohonoho i keia mau mea maloko o ka Hale Aupuni, Kahi hoi i hookaawale ia no keia mau hana. Nui ka mahalo ia o keia mau kaikamahine no ko laua eleu ma ka hana i haawi ia mai nei ia laua e hana. He kaikamahine Hawaii no laua a lelua. Ke nana aku nae oe ia Miss Davison ua like loa oia me na kanaka o Amerika nei a ua nui ka poe i kuhihewa iaia he wahine haole maoli. O Mapuana Smith kekahi o na kumukula akamai loa ma Hawaii.

Ma keia mau mea i hoouna ia mai nei ua hoike mai nakula o Haaii i ka maikai maoli no o ke a'o ia ana o na keiki. Ua like loa ko lakou a'o ia ana me ko na keiki o Amerika nei a ua oi aku no lakoy ma kekahi mau mea. Ua a'o nui ia lakou i na hana lima i keia manawa i mea e hiki ai ia lakou ke puka mai a lawelawe aku i nahana e pono ai ka noho ana. Ua a'o ia lakou i ka olelo Beritania a mawaho ae o keia ua a'o ia lakou i ka humuhumu ame ke kamana. Nui ke akamai o na keiki i keia mau hana. Ua hoike mai lakou i ko lakou ike ia kakou ma kekahi o ka lokou mau mea i hoouna mai nei e hoikeike ia ma Baffulo nei i keia manawa. O kekahi pahu i hana ia me ka laau o Hawaii e na keiki o ke kula o Waiahole kekahi o na mea maikai loa i lawe ia mai nei. Maluna o ke pani o keia pahu ua kakau ia ka huaolelo "aloha."

O kekahi wahi mea maikai oia no ka waa lii i hana ia e na keiki. Ua hanaia keia mau mea me ke akamai loa. O ka pulumi hale o ka wa kahiko oia no ka iwi o ka lau o ka niu. Ua lawe pu ia mai nei keia ano pulumi e hoikeike. O ka lakou kaula i ka wa kahiko oia no ka ili o ka hau. He kaula maikai keia a he nui na mea maikai i hana ia mai keia kaula mai i ka wa kahiko. I keia manawa okekaula manila ka mea e hana mau ia nei.

O na keiki Hawaii ka hapa nui o loko o keia mau kula aupuni a o ke Pukiki aku. He lahui oluolu ka lahui Hawaii a he aapo na keiki i ka mea a a'o ia aku ana ia lakou.

 

Na Mea maa i ka wa Mare.

He mea maa i na haole ka hoolei ana i kekahi paa kamaa kahiko mahope o ka paa mare i loaa ai ia laua ka laki i ko laua no ana aku. Ke hana ia nei keia a hiki i keia manawa. Ma kekahi wahi o Palani he okoa no hoi ka lakou hana ana. I ka manawa e mare ie ai kekahi kaikamaine me kekahi kanaka, ina he ipo mua kana i waiho ia i ke koekoe ua haawi ia iaia kekahi paa kamaa kahiko. I ka manawa e pau ai o ka mare ua lawe ia aku la keia kaikamahine e kona mau hoaloha keikikane a hookahi haneri kapuai mai keia hale mai kukulu ia oia. Mawaena o ka hale ame keia kane e ku ai keia ipo i waihoia i ke koekoe me kekahi paa kamaa kahiko iloko o kona lima. I ka manawa e makaukau ai ua hookuu ia keia kane e holo mai i ka wahi o kana wahine e noho ana a hoomaka keia ipo e nou iaia me keia kamaa i like me ka ikaika i hiki iaia a aia no i ka wahi e ku aku ai. O ka manao o keia hana ana oia no ka hoopau ana i na manao ino mawaena o keia mau kanaka no keia wahine a laua. Hauoli kahi ipo ke ku ke poo o keia kanaka i kaili i kana ipo a waiho iaia i ke koekoe.

 

Liliuokalani no Buffalo.

Ma na nupepa o Buffalo i ike ia iho ai e holo aku ana ka Moiwahine Liliuokalani me ke Keikialii David Kawananakoa no Buffalo ma keia mua koke iho e ike i ka hoikeike nui malaila. Ua kono ia mai ka Moiwahine e Richard H. Stafford, kekahi o na haole o ka hui kuka malu i holo mai nei i Hawaii nei e hele aku e ike i keia hoikeike. Aole i maopopo mui ia kona ae i keia kono a i keia mau la koke aku nei no i  hoike aku ai oia i kona ae e holo aku. E lawe pu aku ana oia i ke Keikialii me i. E noho aku ana laua ma ke ano he mau hoaloha no E. W. McConnell, ke poo o ka hoikeike oiai laua ilaila. Ua manao wale ia no he mau hoaloha ana kekahi e hele pu ana me ka Moiwahine ma keia huakai a laua.

I ka lohe ana o na kapaka Hawaii e noho nei ma keia wahi i keia mau nuhou ua nui loa ko lakou kauoli. Ua kamaaina lakou a pau loa i ko lakou Moiwahine a ua aloha hoi iaia. Ke kali mai nei lakou o ka hiki aku o ko lakou Moiwahine a noho like me lakou i ke anu o keia aina anu.

 

KA MEA E PAU AI NA PILIKIA.

O keia ka manawa kupono e kuai ai i ka laau no ka eha o ka opu, kolela a me ka hoopaa-hi a Chamberlain. Ua maopopo loa e loaa mau ana na kokua mai keia laau mai i ka wa e loaa ai o ka pilikia, a pakele kou hele i ka po e huli laau. O keia ka laau maikai loa no na pilikia o ka opu o na keike a me ka poe oo. Aole pono e nele kekahi ohana i keia laau. Loaa me ka wahi o Benson, Smith & Co.

 

I ka po Poaono o ka pule i hala i mare ia ai kekahi mau Kelemania ma ko lakou halepule nani ma ke alanui Beritania. Ua hele mai keia kaikamahine oia wale no mai kona home mai ma Kelemania a hiki i Hawaii nei e hui me ka mea ana i koho ai i hoa nona no ka wa mau loa.

 

Na Ilikini o Amerika.

Ua kaulana na ilikini o Amerika i ko lakou puni koko mai kahiko mai. I ka wa @@@ o ka lakou mau keiki ua a'o @a kakou i ka hakaka ana. A'o ia lakou i ke ku an@ aku imua o ka enemi me ka wiwo ole. I keia mau la koke mai nei no ua hoike maine nupepa o Amerika i kekahi moolelo e hoike mai ana ke mau nei no ke@a ano puni koko iloko o keia lahui. Aia ma ka wahi e malama ia nei na ilikini e noho ana kekahi ilikini kino ikaika i kaulana i ka pepehi ina hapa ilikini a pau loa e loaa ana iaia. I kekahi la loaa iaia kekahi kaikamahine hapa-ilikini ui a hiki ole iaia me kona puuwai eleele ke pepehi. Noi maila oia i keia keikamahine e lilo i wahine nana a ike iho la keia keikamahine ina oia e hoole ana e make ana oia, nolaila o ka hana kupono wale no ana e hana ai o ka ae aku i kona mau makemake. Nolaila ua mare ia laua. Noho pu laua no kekahi manawa a e niele mau ana keia keikamahine iaia e hoike mai i kana poe i pepehi ai. Ma keia mau niele ana ana ua ike iho la keia kaikamahine na keia kanaka i pepehi kona makuakane. Mai keia manawa mai ua hooholo oia e pepehi iaia ina he mea hiki. I kekahi la ua hoi mai oia a hoomaka e inu lama. Ike iho la keia wahine o ka manawa maikai keia e ko ai o kona makemake. Kii koke oia e kekahi laau make a hookomo iloko o kana lama e inu ana. Inu oia a hiki i kona make ana. Hopu ia keia wahine a hoike aku oia i na makai nana ponoi no i haawi i keia kanaka i keia laau i ko ai kona makemake no na hana ino a keia kanaka i hana mua ai i kona makuakane ame ia. Hoopaa ia oia ma ka halepaaho a olelo ae oia ua oi aku kona makemake e noho maloko o na paia paa o ka halepaahao mamua o ka noho ana me keia ilikini puu wai eleele. Eia oia ke noho nei maloko o keia hale me ka hauoli nui. Ua make ka enemi o kona makuakane a me kona enemi pu nohoi mamuli o kona ae ana e lolo i wahine nana. Ina oia i hoole mua me nei ua make mua oia i ka lima o keia kanaka a ko ole kona makemake.

 

Ma ka Poalima o ka pule i hala i haule ai kekahi apana lanahu maluna o ke poo o Francisco Furtado Demota, he Pukiki a make loa oia ma ka uapo. Ua waiho mai oia he ohana nui a ua aneane e make kana wahine no ka nawaliwali.

 

Ua hoi aku ka hui keaka i keaka iho nei ma ka Opiuma Kekahi keia o na hui keaka maikai loa i hiki mai ma Honolulu nei. Ua piha mau ka lakou hale a hiki wale no i ko lakou haalele ana mai.

 

HALE KUAI

BIBI, I'A, KAMANO MOA, PALAHU Etc.

KAPIKI, AKAAKAI

OHI'A, UALA A

NUI WALE AKU.

O keia mau mea a pau i hoikeia ae la maluna, eia ke kualia nei i keia mau la me ka emi loa. Aole e hoomaopopo ana ka mea heluhelu i ka oiaio o keia a hiki i ka ikemaka ana.

He nui na ono a ka maka e wae ai; mai na uha bipi momona a na kaka puaa kelekele o Kaleponi, ka naaukake, ka puaa paakai e ono ai me ka luau, a i ole ia, ua kapiki lau po'i. "Auwe! moni ka kaae!"

E wae a pau ka makemake. He waipahe na kukaiolelo ana, a he oluolu loa aku hoi @e kumukuai.

E hopa mai. Aohe o makou ia koo-o na Sabati wale no.

Eia ko makou hale kuai bipi ma ke Alanui Betela, mauka iho o kahi o Kakela e Kuke ma.

HONOLULU MARKET CO., LTD.

Alanui Betela

 

UA PAU KA WELI I KA NOHO HUKI NIHO.

HE HIKI KE HUKI A HOOPIHAIA NA NIHO POPO ME KA EHA OLE maialo o na paahana ana o keia au naauao e kapilila ai i ka io o ka papa niho. Aohe hanaia i ka laau hoohiamoe.

O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poo gula a puna paha e hiki ole ai ke ikeia ke ano  e mai ka niho maouli ae, a e paa no ia no umi makahiki malalo o ka hoopaa ana, me ka LOAA OLE O KEKAHI HUNAHUNA O KA EHA. He POE WALE NO I HOONAAUAO O HOOKUU MAIKAI IA na poe lawelawe, h@ poe i lawelawe mui ma keia oihana mai ka 12 a i ka 20 makahiki, a he loea ma ke poo o na mahele like ole o keia oihana. E kipa mai io makou nei, a @ ike no auanei oukou i ka oiaio o ka makou e hoolaha nei. E hoike mua aku no makou ia oukou i ka nui o ko oukou lilo i ka wa e NANA MUA AI ME KA UKU OLE.

PAA NIHO KU'I       $5.00

NIHO GULA @.00

HOOPIHA IA ANA ME KE GULA            1.00

HOOPIHA IA ANA ME KE DALA            .50

Ua lawa ko makou inoa i ka hool@ ana i ka maikai o na hana a pau.

NEW YORK DENTAL PARLORS,

Room 4 Elite Building,

Alanui Hotele.

HE MAU WAHINE NO KAHI NO KA WAHINE.

 

HOOLAHA KUMAU.

Ka Hui Banako hoahu

Malama D@la o Hawaii

(KAUPALENAIA.)

Buina i hoahuia           $@50,000.00.

Peresidena       Kikila Bara@@@

Hope Peresidena         W. P. Robik@@@

Puuku  W. G. Cooper

 

Keena Hana Nui:

Alanui Papu, kokoke i Alanui Kale@@

Keena Laia ma Hilo, Hawaii.

E LAWELAWE ANA I KA

Oihana anako Hoahu Dala ma Honolulu ame Hilo

E lawela mai no na huina hoahu @@@ ka haawilia o na ukupanee no na hoahu makahiki ma ka huina o 4 1/2 pa-kam@@@@ no ka makahiki, E loaa no na Rula a me na hooponopono ana ke ninau ae @a ke Keena Hoahu.

@@@@-1yr.

 

DR. L. F. ALVAREZ.

Keena Oihana a Wahi Noho. H@@@ 16 ame 20, Alanui Emma.

Na Hora Hana:            8 a 10 a.m.

@ a 5 p.m.

7 a 8 p.m.

Telepona White 211.   2738-1yr

 

DR. T. MITAMURA

Keena Oihana 534, Alanui Nuuanu, Telepona 152. Pahu Leta 842. Wahi noho, 524, Alanui Nuuanu.

Na hora keena: 8-10 a.m., 6-8 p.m.

 

KAKELA ME KUKE

(KAUPALENAIA.)

Poe Kalepa ma ke, Komisina

A HE

Poe Lawelawe Kopaa.

AGENA.

 

HOIKE AKEA!

O KA HUI IKEIA IHO NEI MAWAENA O ROBERT LEWERS, CHAS. M. COOKE A ME F. J. LOWREY, MALALO O KA INOA HUI O LEWERS & COOKE (LUI MA). UA HOOPAUIA IHO NEI I KEIA LA MAMULI O KA AELIKE ANA, A UA HOONEEIA A@  NEI KA OIHANA MALALO O KA@ HUI NONA KA INOA LEWERS & COOKE, LIMITED, (LUI & KUK@, KAUPALENAIA).

O NA KOI A PAU I KA HUI K@ AUAMOIA NEI E KA HUI HOU, A @ NA AIE A PAU I KA HUI KE HOOLILOIA NEI A E UKUIA I KA HU@ HOU.

KE PAHALOAIA AKU NEI NA HOOMAIKAI ANA I KA POE A PAU A HAAWI MAI I NA KOKUA ANA I @@ HUI I PAU IHO LA. A KE NO@@@ AKU NEI NO HOI E HOOMAUIA @@ LAUNA OIHANA ANA ME KA H@@ HOU.

 

LEWERS & COOKE.

LEWERS & COOKE, LIMITED.

(Lui & Kuke, Kaupalenaia.)

Peresidena       F. J. Lowrey

Hope Peresidena         W. W. Ha@@@

Kakauolelo me Puuku             W. A. Had@@@

Luna Hooia     C. H. C@@@

Luna Hoohana                        Robert Lewers

Luna Hoohana                        Chas. M. Cooke

Honolulu, December 31, 1900.