Ka Nupepa Kuokoa, Volume XXXIX, Number 32, 2 August 1901 — Page 6
| This text was transcribed by: | Helene Lileikis |
| This work is dedicated to: | Helene Lileikis |
Ka Nupepa Kuokoa
KE KILOHANA POOKELA NO KA LAHUI HAWAII.
POE HANA OKOLEHAO,
Paa o Geo. Kailiuli ame Joe Mendes.
Ka laua mau mea hana Okolehao a
me ko lana wahi i hana ni.
Ma ka Poaha o ka pule i hala i loaa aku ai na keonimana no laua na inoa maluna e hana ana ika laua hana ma Ka@. Ua loaa pono aku kahi pukiki e hana ana no i kana hana, a ua hiki ole ke pee ae mai na makai mai. No Ka@uli hoi ua loaa aku kana wahi hana okolehao iloko o ka laau Mikinolia. I ka hiki ana imua o ka lunakanawai Wilikoki ua manao oia aole i kupono iaia ke noonoo i keia hihia oiai ua hana ia ka hana ma ka wahi kokoke loa iaia. nolaila na L. A. Dickey ana e noonoo kela hihia.
O Joseph Mendes kekahi o na kanaka hana Okolehao kahiko loa ma keia kulanakauhale. Ua olelo ae oia he elua wale no makahiki o kona lawelawe ana i keia hana aka. ma ka nana aku ua oi aku mamua o keia ka loihi o kona lawelawe ana i ka hana. He maikai kana Okolehao ke hana, wahi, a ka poe i ike ia mea, a ua nui na kenikeni i loaa iaia mai keia hana mai. He kanaka hana kona ana e uku nei he lima dala o kela ame keia pule no ke kokua ana iaia ma keia hana. Ua hopu pu ia keia kanaka hana ona me ia. O kekahi mea kupanaha loa o ka hana ana a keia pukiki i kana Okolehao oia no kona hoao ole e lawe ma ka wahi nalo, ame ka huna ole o kana hana ana. Ua hana ia keia hana ma ka wahi e ike wale ia aku ai no. O kekahi kumu o keia koa oia no ka loihi o kona hana ana ma keia hana me ka loaa pono ole.
No Kailiuli he akamai maoli no kana hana ana. Aia i waena o kekahi ulu Mikinolia kana wahi e hana ai i kela hana. He kokoke loa keia wahi i ke kanawai, a he hookahi wale no ala e hiki mai ai oia hoi mai ka hale mai a hele loa mai i keia wahi. I mea e maopopo ai iaia ka poe e hele mai ana ua hana ia kekahi kaula mai ka hale mai a hiki i keia wahi. Ma na aoao elua o ke kaula ua hana ia he paila pohaku. I ka manawa e ike ai ka poe o ka hale i kekahi mea e hele mai ana ua huki koke lakou i kela kaula a oia ka manawa e haule ai o keia puu pohaku iloko o ka wai. I ka manawa e ike ai ka mea e hana ana i ka haule o keia puu pohaku iloko o ka wai ua maopopo loa iaia he kanaka ke hele mai ana a oia kona manawa e hookaawale koke ai iaia mai keia wahi aku. Ina e hoao kekahi kanaka e hele mai i keia wahi i ka po e hookui ana oia i keia kaula a oia ka manawa e haule ai keia puu pohaku iloko o ka wai, a haule pu me ka puu pohaku iloko o ka hale. Aka, me keia mau hana akamai no ana ua hiki ole iaia ke kalohe mai i ka ike o na makai. Ua paa aku oia a lawe ia mai me kekahi o kana mau mea hana.
He nui na mea e hana ai ia o ka Okolehao i keia manawa. O ka Ti ka maa mai mua mai. O ka hone kekahi e hana ia nei i Okolehao. He uala Kahiki me ka Palani ai a ka lio ame ke kopaa hoi ka kekahi. O ka Okolehao i hana ia mai ke ti mai oia kaOkolehao maikai loa o keia ano. He aiai loa no ke@a a ua hiki ole ke loaa aku kona maikai i keia mau ano okoa ae. E maloo iki ana ka puu o ka poe inu okolehao no kekahi o keia mau la oiai ua paa mai la he elua o na punawai e kahe mai @i keia wai.
Hemo ka Hale
Leka i ka Po.
Hoomaha i ka po nei a e mau aku
ana keia hana maikai
I ka Po nei i hoomaka ai e wehe ka Hale Leka a ao ka po. Ua hoike mua aku makou i ko makou mau makamaka heluhelu e hana ia ana keia hana i ka po me ke ao a i ka po nei i hoomaka ia ai keia hana maikai a e hoomau ia aku ana ma kela mua aku. Ua hoike mua aku makou i na pomaikai e loaa mai @a i na kanaka hana ma keia hana, a aole o lakou wale aka o kakou no apau loa. E loaa ana na leka i ka po a hiki wale no ina hora o ke ao. Ua hiki ke hoouna i na kala ma ka hale leka i ka po koe nae ka ohi ana ina kala i hoouna ia mai ame ka loaa ana mai o na leka i uku ia, a i malama pono loa ia hoi a hiki i ka kii ana aku o ka mea nana ka leka.
E loaa ana na leka ma na moku ku ma i ka po. He ekolu poe haawi leka e ku mau ana i ka po mai ka hora eono mai o ke ahiahi a hiki i ka hiki ana mai o ka poe hana o ke ao. Pomaikai kakou mamuli o keia hana.
KA MEA WAIWAI LOA.
Aole o na aina, na hale, na Mahinaai, na holoholona, ame ke dala aka o Ke Ola Maikai. He nui na Onamiliona ke kana mau miliona dala i makemake e haawi i ko lakou mau waiwai ina e loaa ia lakou ka ono i ka ai, ame ka hiamoe oluolu o ka Ilikini. O ke kumu o kona ola maikai eia ia makou. O kela Laau Kupanaha loa, Sagwa, ka mea nana i haawi ia lakou ke ola kino maikai ina Ilikini. O keia kekahi o na laau kupanaha loa, no ka mea ua hiki ole ke hoomaikai hou ae. O ka hua keia i loaa mai ka hoao ana no kekahi mau haneri makahiki. Ke ku nei keia laau, me kona ano kupanaha, me kona mau laau, me kona ano kupanaha, me kona mau laau like ole i hoohuihui ia me ke alahele a loaa mai keia laau maikai loa. Ua huli ia na paia paa o ka honua. Oiai o ka ulu laau ka home o na Ilikini ua huli aku lakou i kela mau laau maikai loa. Me he akahele, me ka lohi ka pii liilii ana no na makahiki loihi. a hiki i ka loaa pono ana. O ka laau Sagwa, ka laau i loaa mai keia mau makahiki o ka huli ana. Aohe laau i like mai ka maikai me keia laau. He laau mai na mea ulu mai. Mai ka honua mai a he hoola no kana mau pulapula. He hoomaemae i ke koko, hooikaika i ka opu, kokua i na puu-paa, ma ka lakou hana, hooponopono i ke ake, a hoomaikai a hooikaika hoi i ke kanaka. He helu ekahi mawaena o na laau, no ka maikai, ame ka ikaika o ka mana hoola. He ola ka ma’i, no ka wa mau loa. O hobron Drug Co., na Agena no na Laau Kikapu.
KA HANA A KA AUHAU O NA LOAA
E NANAPONO I KA HONI ANA
Ke a'o a ka Papa Ola e pili ana
no ke Kuha.
I mea e laha ole ai ka ma’i aku pau, ua noi mai ka Papa Ola e nana pono ma ka honi ana, a mai honi wale i kekahi mea me ka holoi ole i kou waha me kekahi hoomake ma’i, e like me ka “Carbolized rose-water” ame kekahi mau laau hoomake e ae. Aole o keia wale no ka mea e laha ai o keia ma’i aka, o ka kuhakuha o na kanaka i loaa i keia ma’i ma na alanui ame na wahi hele mau ia e ka lehulehu. I ka manawa e waiho ai o keia kuha-male mai loko mai o ka mea i loaa i keia. ma’i a maloo, e inoino ana ka ea o keia wahi, a mahope loaa keia male i maloo i ka makani puehu i ka lewa a hanu ia hoi e ka poe i loaa mua ole i keia ma’i a o ka laha aku la no ia. No ka poe i loaa mua i keia ma’i, ua noi mai ka Papa Ola aole lakou e moni i ka male i puka mai. aka, e kuha aku iluna o ke kahi apana pepa a puhi koke i ke ahi, a i ole ia iloko o kekahi ipukuha i hoopiha ia me ka wai a hoolei koke iloko o na paipu Sua. Aole keia he ma’i lele ma ka noho pu ana, koe paha ma ka pili mau ana o ke kino oo o ka makuahine me ko ke keiki, aka o ka mea wale no e laha ai o ka nana pono ole ia o keia male i puka mai loko mai o lakou Nolaila ma keia mua aku he mea pono loa e nana pono loa ia ka honi ana. No na poe e hooipoipo ana he mea maikai e paa lakou i keia Cabolized rose-water a i ole ia i carbolized soap, no ka holoi koke ana i kona waha mahope o ka honi ana.
E hoopuka mai ana ka Papa Ola i keia mau olelo a’o maloko o kekahi mau pepa no ka haawi ana i ka lehulehu.
ULUHUA O AKUINALO
Ua uluhua o Akuinalo, ke alakai o na Filipino i ka loihi o kona hoopaahao ana ia ma a Hale Alii o Malacanan. Uluhua oia i ke kiai mau ia aku e na koa Amerika, ame kona ae ole ia e kaka i kona inoa me ke kakau ole i ka hua olelo paahao malalo. I kekahi mau la i hala ua koi ia aku oia e kakau i kekahi Kenelala i koe e haawi pio mai a pane mai ola o kona paapio ana ua lohe ia a ua lawa iho ia no ia ina he manao haawi pio ko keia Kenelala. Ua ae oia e hoouna ia kekahi hoohiki ana e kakoo i ka pono o Amerika, a kakau oia i kona inoa me ke kakau pu ana he paahao.
OLELO HOALOHALOHA A KA EKALESIA
O WAIOLI HANALEI, KAUAI IA
JOHN KAKINA, KA LAUA
MAU KEIKI AME
NA MOOPUNA
@ oluolu i ka Makua Mana loa i ke @ aloha ana mai i kana kauwa hoolo@ alii-wahine i Aloha nui ia Mrs. @ Makuanui Kakina, ko makou @ ahana pu iloko o ko Iesu Kahi@, oiaio oia e hooko ana me ka Pa@ ole i na kauoha a kona Haku Alo@ ma ka Ekalesia o Waioli, Hanalei @ o na makahiki he 24 a lalau mai ia @ lima aloha ole o ka make a lawe aku ia mai ko olua pili aloha ana i ka hora i1 o ka po Poaha la 20 o Iune, M. H. 1901, ma ko olua Home Aloha “Kauluaola”-a waiho iho ia oe a me ka olua mau lei, aloha e palauma aku ana ma keia aoao o ka moanawai akea no ka manawa mau loa me ke Aloha nui.
Nolaila ua kau iho la maluna ou, ame ka olua mau lei aloha, ke kaumaha, ka luuluu, ka ehaeha ka mokumokuahua o ka naau no kau mea i aloha ai.
HOOHOLOIA: 1.-O makou o ka Ekalesia o Waioli, Hanalei Mokupuni o Kauai o Manokalani po ma o ko makou komite la, ke komo pu aku nei makou, me oe e auamo pu i na haawina a pau o ka ehaeha i kau iho maluna ou, ame ka olua mau Lei Aloha, me ke Aloha kui’o no kau mea aloha i haia aku ma keia ao, me kona Haku Aloha e heahea mai la ma ka aina maikai ma o ae.
HOOHOLOIA 2::-Ke kalokalo ae nei ka makou pule me ke kino o ke Aloha Karistiano, ma na paepae eehia o ko kakou makua Aloha, ka mea nona ke Aloha, ka lokomaikai palena ole, nana e hoomama ae i na kaumaha a pau i kau iho maluna ou, ame ka olua mau Lei Aloha no ka mea. “He Aloha ke Akua.”
HOOHOLOIA 2:-E hookomo ia keia Olelo Hoalohaloha i na Nupepa Hawaii apau o ke Teritori o Hawaii i ke kane ka Puuku o keia Ekalesia a e kope ia ma ka Buke Moolelo o keia Ekalesia i mea hoomanao no na hoahanau oiaio o ka Ekalesia o Iesu Karisto. Amene.
O Makou iho no me ke aloha kui’o a walohia wale, no ko makou hoa’loha i niau palanehe aku la ma keia ao ma-o ma ke “kanaana Hou”
Komite Hoalohaloha.
Luuluu wale e Sam Kaili, Sam Kanewanui, Puhi S. Kaiawe, S.W. Kauanoe.
Waioli, Hanalei, Kauai, Iulai 14, 1901
HE HOOMAIKAI
O makou o na poe no lakou na Inoa malalo iho nei, ka ohana o ka mea i hala aku ma keia aoao o ka malu o ka make Mrs. Charlotte Kakina, ma kela; ke pahola aku nei makou i ko makou hoomaikai nui i na poe apau i komo pu mai ma ke anama kanikau ame ke anaina hoolewa.
Ke pahola hou aku nei makou i ko makou hoomaikai nui i na poe apau i hoouna mai i ko lakou aloha pumehana no ka mea i hala, ma o ka Palapala Hooalohaloha ala, a ke apo aku nei makou me ka lokahi i ko oukou aloha, me ka pumehana, ka luuluu, ka lihaliha, ame ke kaumaha no ka mea i hala, a e lilo ia mea na makou e poina ole ai.
O makou iho no me ka waiohia, J. Kakina, Z. Kakina, W. Wnner Jr., J. Forbes, S. Kamaka, W. P. Aarona, Mrs. Z. Kakina, Mrs. E. W. Wenner, Mrs. E. H. Forbes, Mrsl. S. K. Aarona, Miss Charlotte P. Kakina, Miss Esther N. W. Kakina, Miss Naomi K. K. Kakina, Miss Hanneh Kakina, Miss Rachel H. Kakina Miss Rosa A. K. Kakina, Miss Eliza W. W. Wenner, Mary H. Wenner, Mas. William K. Wenner Mas Samuel N. K. Wnner Mas. William I. Aarona.
HOOLA NO KE CHOLERA INFANTUM
O ka ma’i Korela Infantum, oia kekahi ma’i ino loa no na keiki liilii ma na kulanakauhale nui. O ke kumu e loaa ai keia ma’i oia no na ea wela, na ea ino, ame ka maikai ole o ka waiu a ke keiki e ai ai. “I ka mahina o Mei i hala,” wahi a Mrs. Curtis Baker, o Bookwalter, O., Amerika,” ua loaa kekahi keiki a kou hoa’loha i ke Korela Inafanatama. Ua haawipio ke kauka Lawe aku wau he omole o ka laau a Chamberlain. me ko’u olelo pu aku ua manao wau he maikai loa keia laau i na e hana ia e like me na olelo kuhikuhi. Iloko o elua la wale no ua loaa i keia bebe ka oluolu a he hookahi makahiki i hala ae nei o kona noho maikai ana. Ua hoike au wau i ka maikai o keia laau i na kanaka lehulehu. E loaa no maa a Hale Kuai Laau apau loa, o Benson Smith & Co., na Agena no Hawaii nei.
Mai ia J.Newa Kanaulu mai.
Aia maloko o keia Hale auau o ka Cliff House, ua hanaia kekahi wahi no kela ame keia ano manu o ka honua nei, ko kela ame keia o na Ailana a aina nui paha, na mea koko like ole o ka honua nei, na papa o kela ame keia ano, na lau nahelehele like ole o kela ame keia ano ame ko lakou mau wahi like o ka laweia ana mai o ka honua nui, na pohaku nani mai ke daimana a i ka pohaku ala moe wai, a pela aku.
He nui maoli no ka hana o ka laweia ana mai o keia mau mea a houluulu ma kahi hookahi. O keia mau mea apau ua hoolakoia ia e Mayor Sutro kekahi o na kanak awaiwai loa o Amerika nei, a no ke kenikeni wale no oe e ike ai i keia mau mea apau. Aia no hoi ma nei wahi au i ike ai he lio me kona hulu loihi, he 2 anana paha ka loihi, o ka hulu o ka a-i a he 3 anana paha ka loihi o ka hulu o ka huelo, nui ke kupanaha o ka ulu ana o ka hulu o nei lio. Maanei kekahi pipi keiki, ua hanau mai he like loa no me ka pipi a mamua o kona poo, he eha maka, elua waha me na pukaihu eha, elua no alelo, nui ke kupanaha.
Hele au e makaikai ma ka paka e kokoke ana i keia wahi, a malaila hoi e nana aku ai i na Sila e pinana ana iluna o na pohaku ma kahi kokoke i nei hale auau, mai ke Sila nunui a ka mea liilii, he 100 i-a paha ka mamao aku o nei puu pohaku iloko o ke kai mai, ke Cliff House aku, ua kapaia keia puu pohaku o ke Seal Rocks.
Ao ia keia ano holoholona e like me ke aoa, ana o ka ilio. Ma nei paka ua kanuia me na mea kanu nani o kela ame keia ano, a he 30 mile hoi ka loihi o na alanui e pokaa ana i ua paka ia. He 3 mile kuea ka loa ame ka laula o ka paka i paa pono me ka ululaau o kela ame keia ano, na pua o kela ame keia ano ame ko lakou mau waihooluu like ole a ka maka e hoohihi ai. Maloko o nei paka kahi a na kanaka e hele ai i kela ame nei la, a ma ka’u koho aole e emi malalo o 10,000 kanaka e hele nei malaila i kela ame keia Sabati. Okoa no ke alanui o na kaa ame na lio okoa no ke alanui o na kaa ame na lio okoa no ke alanui wawae a okoa no hoi ko na poe holo ma na baikikala. He hale hana ma keia wahi me na noho i hoolako ia ma kekahi kuea no ka lawa o 10,000 kanaka, Hale kanu pua nui no ka malama ana i na kumulaau ame na ano pua like ole i hiki ole ke ulu maanei no ka nui o ke anu, a he mau paipu mahu mai kekahi ipuhao mai wela mai ka mea nana e hoomahana, i nei mau kumulaau a like ka mahana me ke ea o ko lakou mau wahi like ole i laweia mai ai o ka honua nei. Nui ka nani o na mea kanu maloko o nei wahi. Ua ike au he kumu nui 2 like loa no me ko Hawaii maloko o nei hale mea kanu a pela no me kekahi mau ano palapalai no olaila. Nui na ano kia hoomanao like ole maloko o na nei wahi. He mau lokowai kekahi i hana maiau ia me na nene ame kahi mau ano manu au wai e ae no hoi e holo ana maloko. Nani na hoohiwahiwa ana maloko o keia paka.
He elua ala e hiki ai keia paka, a ma kahi paha o 3 mile mai ke kulanakauhale mai kona mamao ma kekahi aoao ma ke kaa ahi ke ala, a ma kekahi he kaa uwila, a no ka hapaumi hiki ilaila.
He hale hoikeike kekahi maanei, no na mea kahiko o ke ao nei, maanei au i ike ai i ka moe o Napoleon mai ka hale alii mai ona ma Turerisa ma Farani, kona lauoho, kekahi o kana mau ke’a hoohanohano, kana pahi kaua, kana mau leta hoalohaloha ia Josephine, na leta pili oihana, kona noho lio kaua o Farani, a me kekahi mau mea kahiko e ae no hoi o kona au.
Ua malama keia mau mea apau iloko o hookahi rumi, a ua kapaia no hoi ia rumi o Napoleon room.
Ma kekahi rumi na ano kapa kaua me na amea kaua like ole mai ka makahiki 1010 mai o kela ame keia wahi o ka honua nei, a eia nohoi maanei kekahi mau mea kaua mai Hawaii mai. Ke ano o na pu mai ko lakou manawa mai i loaa nui ai na mea hoikeike o kela ame keia ano mai Iapana Kina, Iaia, ame kekahi mau aupuni e ae eo Asia, me ko lakou mau paikini o ka hoomana ana i ko lakou mau akua, a pela no hoi me na akua kii ona mokupuni o ka Pakipika me ko lakou mau mea kaua he nui wale.
Maanei au i ike ai i kekahi laau i laweia mai, a i manaoia hoi mai ke kea mai ia o ka Haku Iesu Karisto mai Palesetine mai, mamuli o na olelo hoike a kekahi poe i hiki ke hilinai ia.
Eia no maanei na ano lole like ole i komo ia i na au like ole i hala akula a i kuhikuhi pu ia no hoi ke ano ame ko lakou mau wahi like ole i loaa mai ai. He kapa ahuula no kekahi mai Hawaii ame New Zealand, a o laua wale no na Aupuni o ke ao nei a’u i ike ai maloko o nei hale hoikeike ua aahu i ka hulu o ka manu, nani no hoi ko na Maori kapa ahuula, ua like no nae ka hana ana me ko Hawaii aina na waihooluu ka like ole.
He hale uwea nui kekahi o ¼ mile paha ka loa, a he 200 kapuai ka laula 40 paha kapuai ke kiekie, a malaila e malamaia ai na ano ma@ ulike ole o kela ame keia ano me ke ola no. He pa no hoi ko na holoholona, e laa ke dia, Antelope, ame kekahi mau ano holoholo na e ae no hoi mai na wahi like ole mai o ka honua nei.
He nui na mea nani e ae maloko o keia paka e pau ole ai i ke kanaka, hookahi ke hele e makaikai no 3 la, a o kahi no hoi keia a na malihini e hele mau ai e makaikai i kela ame keia la, aole kau ka molowa ai o nei poe i ka hele ilaila. Mea ole ka noe aun o keia wahi i na haole puni makaikai ke pa ka makani me ka ikaika ma ke kukulu mai o ke Golden Gate, e puhiia mai ana ka noe mai ka moana mai a kau maluna o keia paka, a uhi pu maluna o ke kulanakauhale o Kapalakiko, a oiai ma loko o nei paka aole e hiki ia’u ke ike aku i ke kanaka mamua o’u no 100 la, ua pouli pu i ka noe. Ma kahi kiekie nae au i halawai ai me nei haawina. Nui ke kupanaha no nei aina.
(Aia hou aku no ua wa.)
NA PILIPINO NO HAWAII.
Ua noi aku kekahi Agena o na mahiko ma Wakinekona i ke Aupuni Nui o Amerika e ae mai e hookomo mai ma Hawaii nei ina Filipino i lima-hana no na mahiko. Ua hiki loa aku oia imua o ka Peresidena no keia kumu. Aole iloaa mai ka lakou haina.
Ua hoike aku oia mamua o ka Hoohui aina ua ae ia na paka e komo nui mai, a ua ae pu ia ka lawe ana mai i na Iapana malalo o kekahi aelike e paa ana ia lakou. I keia manawa ua papa loa ia ke komo ana mai o na pake, a ua hiki ole ke paa ia na Iapana malalo o kekahi aelike e like me mamua. O na pake na lima-hana maikai loa i komo mai iloko nei o ka aina a hiki i keia manawa. Nui ka pilikia o na mahiko i na lima hana. Ke hookomo nui ia mai nei na Pokoliko aka aole i lawa ia lakou a aole oia wale aka he nawaliwali ka hapanui o lakou e komo mai nei no ka nele, a he manawa loihi e malama pono ai ia lakou mamua o ka hiki ana ia lakou ke hana i ka hana me ka maikai. Ua manao wale ia no Ina e ae ia na Filipino, e pau ana keia pilikia.
Nui ka ua i ikeia ma ka aoao Akau o Kaleponi. Akahi no a ike ia kekahi ua nui e like me keia no kekahi manawa loihi. @
S. OZAKI.
Ka Hale Kuai Emi
o na mea kuai
Like Ole
Malaila e lawa ai ka makemake
o na Lede Makaonaona,
aia malaila na iini o na Keonimana,
aia i laila ke koi a na
Keiki. .................
E HELE NUI AE E IKE MAKA
HE EMI HOI KAU!
Aia Kona Hale Kuai ma Alanui Hokele
mawaena o ke Alanui Betela me
Nuuanu ma ka Aoao Makai.
Ka Moolelo a pau iloko o hoo
kahi hua olelo e pili ana
no ka laau.
LAAU PENIKILA
Mai ia Capt. F. Loye, Keena Makai
Helu 5, ma Montreal: - "He lawe mau
makou i ka laau Pain Killer a Perry
Davis no na eha o ka opu, rumakika,
anuanu, ame na ma'i e ae e loaa nei
I na kanaka malalo o ka makou hoomalu
ana. Ua hiki loa ia'u ke olelo ae
o ka laalu maikai loa keia e malama ai
ma ka hale."
Hiki ke inu maloko a hamo mawaho.
Elua ano 25 keneta a me 50 kaneta.
UKU IA KE KUMUPAA $50.000.00
THE HAWAIIAN REALTY AND
MATURITY CO. LTD.
Na Luanui:-L. A. Kentwell-Peresidena, W. J. Robinson-Hope-Peresidena, L. Ahlo-Puuku, P. H. Burnett-Kakauolelo W. E. Burnett-Luna Hooia.
Ke haawi aku nei ka Hawaiian Realty & Maturity Co., Ltd. i ka lehulehu i kekahi hana maikai loa no ka malama ana a hoolulu ana hoi i na wahi kenikeni i kela ame keia mahina. E kukulu no makou i hale nou a hoopuka i $200 ma kou inoa, a haawi aku makou ia oukou i 75 mahina e uku mai ai i keia mau dala, me ka loaa pu aku o kekahi mau pepa no lakou ka waiwai pakahi he $50, ua like ia me 19 mahine e uku ia ai o ka pepa hookahi, alaila kaa keia mau dala. He elua wale no au dala e uku ai i kela ame keia mahina a i ka pau ana o 75 mahina ua uku ia e oe he $150, oiai no nae, he $200 i loaa aku ia oe.
He 45 apana aina i kupono no ka kukulu hale a makou i keia manawa.
No na mea aku i koe e hele ae i ko makou keena.
THE HAWAIIAN REALTY &
MATURITY COMPANY LIMITED.
Maluna ae o Kakela ame Kake.
Alanui Moi.
Aia kekahi keena o makou ma Hilo.
O M E. Silva ko makou Agena.
UA PAU KA WELI I KA NOHO
HUKI NIHO
HE HIKI KE HUKI A HOOPIHAPIHA NA NIHO POPO M KA EHA OLE malalo o na paahana ana o keia au naauao e kapiliia ai i ka io o ka papa niho. Aohe hanaia i ka laau hoohiamoe.
O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poe gula a puna paha e hiki ole ai ke ikeia ke ano e mai ka niho maole ae, a e paa no ia no umi makahiki malalo o ka hoopaa ana, me ka LOAA OLE O KEKAHI HUNAHUNA O KA EHA. He POE WALE NO I HOONAAUAO A HOOKUMU MAIKAI IA na poe lawelawe, he poe i lawelawe mua ma keia oihana mai ka 12 a i ka 2@ makahiki, a he l@ ma ke poo o na mahele like ole o keia oihana. E kipa mai io makou nei, a e ike no auanei oukou i ka oiaio o ka makou e hoolaha nei. E hoike mua aku no makou ia oukou i ka nui o ko oukou lilo i ka wa e NANA MUA AI ME KA UKU OLE.
PAA NIHO KU’I...$5.00
NIHO GULA... 5.00
HOOPIHA IA ANA ME KE GULA... 1.00
HOOPIHA IA ANA ME KE DALA... .50
Ua lawa ko makou inoa i ka hooia ana i ka maikai o na hana a pau.
NEW YORK DENTAL PARLORS.
Ro@ 4, Elite Building
Alanui Hotele.
HE MAU WAHINE NO KAHI @ KA WAHINE.
@ a. m.