Ka Nupepa Kuokoa, Volume XL, Number 14, 4 April 1902 — Page 3
| This text was transcribed by: | Lanette Mahelona |
| This work is dedicated to: | Joseph Mahelona Sr. Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
HOOLAHA KUMU.
Ka Hui Alahao ame Aina o Oahu
Mahope aku o Ianeari 1, 1902
MANAWA HOLO
(PICTURE OF A TRAIN)
WAHI Na la apau koe Na la apau Na la apau Na la Na la Na la
HOOLULU ke @@@ koe ke @@ apau apau apau
Ma Honolulu
Aku
a.m. a.m. p.m. p.m. p.m.
Honolulu 7:10 9:15 ll:05 3:15 @@
Pearl City 8:02 9:45 11:00 @@ @@
Ewa Mill 8:32 10:06 12:0@ 4:05 @:10
Waianae - 10:50 _ 4:45 _
Waialua - 11:35 - 5:00 -
Kahuku - 12:33 - 6:15 -
Mai wahe mai Na la apau koe Na la apau Na la apau Na la apau
A i ka WAHI ke @@@
HOOLULU
Ma Honolulu
a.m. a.m p.m p.m
Kahuku - 5:35 - @@
Waialua - 6:10 - @@
Waianae - 7:10 - 3:55
Ewa Mill @@ 7:45 1:35 4:@@
Pearl City 6:15 8:02 1:30 4:@@
Honolulu Plant 6:30 8:32 2:05 5:@@
G. P. DENISON,
Luna, F. C. SMITH
Luna Kuai Palapala Holo.
Metroppliton Meat Co.
(Hui Kuai Pip: Metropo litan)
-
G. J. WALLER –Luna Nui
-
Poe Kuai a Hoolako i na Moku
ME
Na Io Pipi Hipa a pela’ku.
E loaa mau ana na Manu a me na @@ i hoohuihuiia iloko o ka hae.
-
Makepono ke kuai i na Io Pipi maona oi.
-
Hele mai hookahi, hele mai a pae
-
TELEPONA HELU ; : 56
2736 – tf
Ola Nawaliwali
MAMULI O KE
KOKO INO.
-
E heluhelu iho i ka mea i hanaia e ka Ayer Laau Sarasapar@@ no ka Rev. K. P. Wilds, he misionari kamaaina loa maloko o ke kulanakauhale o Nu Ioka a hoahanau nohoi o Lunakanawai Wilds i make, he kanaka kaulana:
“No na makahiki lehulehu he luahi @@ na ka ma’i pa-palahu ame na @@ mai e ae, i paka poloko mai o ke kok@@@ . Ona ole mai la ka’u ai, a nawaliwali mai ko’u nui kine apau. Mamuli e ko’u ike ana i ke ola- ana o kekahi poe a no @@ he kakou imu ana i ka Laau Sarasaparita a Ayer, ua hoomaka iho laau a @@@ i ua laau la. A ua
ONO AE LA KA’U AI
mai ko’u @@@ @@@ loa ana mai no i ua @@ la; (rest of the paragraph difficult to read)
Ka Ayer Laau
Sarasaparilla
@@@@
@@@
@@@
@@@
Ayer Laau
Hooulu Lauoho.
Aole (paragraph ink too thick to read)
Ayer’s Haiar Vigor
@@@
@@@@
@@@
Hollister @@@ Co., Lt.,
@@@
GETERUDA WINA
Ke Kaikamahine iloko o ka Hoinoia.
Margia no ka Waiwai. Aole no ke Aloha
No ka nalowale ana o Getaruda ua kau iho la ka ilihia me ka weliweli nui maluna o na ohua a pau e noho ana i Livinekona Home.
Ua maaule iho la o Miss Forotinahama, a hoihoi ia aku la iloko o kona lumi moe me ke kiai ana a kekahi mau kauw, oiai o Mr. Livinekona a me Alani 0 i noonoo iho ai iloko o laua iho e hoomaka ana laua e imi i kekahi kakahiaka ae i ke kaikamahine i nalowale.
I ka loaa ana ia Alani he kowa manawa ua pii ma-lu aku la ia iluna iloko o ka lumi o Jetaruda me kona manao o ka ike lihi wale aku no i a loko o kona lumi a me na pono o loko ua lawa ia no ka hooluolu ana mai i kona manao kaumaha.
O ka mea nua loa a kona mau maka i ike ai, iaia i wehe aku ai i ka ipuka, oia kela lole keokeo ona e waiho ana iluna o ka moe, a i waiho ia hoi malaila me ka mano o kona lole ia e komo ai no ka hookipa ana mai iaia. Ua ike aku la ia i na lihilihi a me ka huihui po lipine keokeo. E waiho ana no kona hinaka malaila i paoa i ke ala o ka wai ala rose, me kekahi paa kakini ilikia waliwali loa me na po lipine veleveka i hana ia me he pua rose la maluna o laua, oiai hoi maluna o kona pakaukau liilii e kau ana kekahi kiaha pua me na lala pua heliotorope iloko ona, a o kana ano pua punahele loa nohoi ia.
Ua piha iho la kona naau me ka olioli i kona ike ana i keia peo mea nani a pau loa.
Aole i manao o Getaruda e holo malu mai iaia mai; o kela poe mea a pau ua hoomakaukau la ia no kona hoi ana mai, a he hoike ana aku ia i kona hoomanao ame kona aloha nona oiai iwaena konu o kona kaumaha aole loa ia i hoopoina i kona makuahine. Ua mapoi no ia e hiki mai he wa kupono no ka hookipu ana mai iaia, a ua loaa he manaolana iloko ona maiia paha mamuli o kona komo ana i lole leoleo he mea ia e hoemi iki mai ai i kona manao kaumaha mamua hoi o kona komo ana i ke kanikau piha, a ola nohoi ka mea maa mau iloko o kekahi hale e noho kanikau ana no kekahi o ka ohana.
Ua piha loa iho la ia i ke aloha a me ke kaumaha pu nona.
Ua kukuli iho la ia ma ka aoao o kona moe a uhi mai la i kona helehelena me kela lole keokeo, a hoouka ae la oia i kekahi mau huaolelo aloha no ka manawa mua loa, i na manao kaumaha a pau i hoopaaia iloko o kona puuwai, kaumaha no kona makuahine aloha e moe mai ana me ka puanuanu, nona hoi na lima i hiki ole ke apo hou mai iaia, nona hoi na lehelehe i hiki ole ke haawi mai i na hoomaikai ana iaia, a pela hoi me ka hoopuka, ana mai i kona inoa: kaumaha pu nohoi no kana wahine opio ka mea hoi ana i hoi awiwi mai ai no ka halawai pu ana ke ka manaolana i awili pu ia me ka weliweli a me ka maka’u.
Ua pule iho la ia e kiai pono ia kana wahine e lana hele la maluna o na ale kupikipikio o ka moana, e hoopaleleia oia mai kekahi hopena, weliweli mai o ka make, a au’a mai i kona ola i ike hou la iaia a e hoao ana oia e pale a e malama pono nohoi iaia mai na onawaliwali mai a pau o ka wa i hiki mai ana.
Oiai he kanaka hino ikaika oia, eia nae ua kokoke loa ia e paupauaho me na manao pilihua i ke kaumaha; aka i ka hoike ana mai o ka hoailona mua o ka malamalama ua iho aku laia ilalo no ka hoomakaukau ana i kana papa hoonohonoho no ka hana kaumaha e waiho mai ana mamua ona; a i ka wehe loa ana mai o ke alaula ua makaukau iho la he ekolu poe moku mahu no ka hele ana aku e imi la Getaruda ma na ala hele like ole.
Ua huli hele ino la kela poe moku liilii ekolu ia la holookoa a hiki i ke aumoe ana a kahi no lakou a hoi, a aia nohoi iloko o lakou pakahi ka manaolana, e loaa ana mai kekahi mai o lakou ka nuhou hauoli.
Aka, auwe! Aohe nuhou e hai mai ana koe wale no na hora malulihuli o ka pilihua a me ka waiwai ole i huli hele la ai, a hoi aku la o Alani i ka hale me ka nanaina e hoike mai ana he uni ona makahiki i oi hou ae o ka aoo mamua o ke ahiahi mua ana i hoea aku ai, me ka helehelena ohaha i piha i ka manaolana a me ka olioli.
Nolaila ua hala ae la ia po o ke kaumaha, alaila hoea hou mai la he la hou no ka piha na la ekolu i huli la iloko o ka hoomanawanui a me ka maluhiluhi, a he mau la hoi ia i hiki ole ke hoopoina la ma keia mua aku alaila, i ka huli hoi ana mai kekahi o na moku me ka waapa o Getaruda ka “Manu Nene Keokeo.” Ia wa i holoi pakahi ia ae ai ka manaolana mai na puuwai like ole mai a pau – o na noho pulu u’i kela ua hele a hapala pu ka wai hooluu ulaula i ka pulu i ke kai, e waiho ana no kona apaple, ka hinaka a me kekahi mikini lima ona iluna.
Ua loaa aku kekahi hoe e paa ana no iloko o ke pine waapa, a o ka manao o ke kapena o ka moku, oia hoi, i ka lilo ana o kekahi hoe, ua hoao oia e lalau aku a i kona hana ana e like me kela ua pahemo mai la ka paa ana o kekahi lima , a haule aku la oia iloko o ke kai, a piholo iho la.
He poino weliweli loa keia i hoea mai mahope koke mai no o ko Mrs. Livinekona make ana, nolaila ua papalua ka pilikia i hiki mai i ka wa hookahi.
Aole hiki ke hoolohilohi hou aku ke kanu ana i kela lede, nolaila ua hoihoi ia aku la ia a waiho iloko o ka halekupapau o ka ohana Levinekona e ke kane i hooneleia i ka makuahine; a manao iho la laua me he mea la aole e hiki hou ana i keia ola ana ke hoihoi mai i ko laua manaolana a me ko laua olioli.
Ua lilo loa iho la kela pioloke nui i mea hooi loa aku i ka ma’i o Mrs. Forotinahama, nolaila aole i loaa iki ka oluolu iaia no kekahi manawa loihi.
A i kekahi manawa loihi mai mahope ua hoomaka mai la ia e ano maikai, oiai nae, e lini mau ana no ia no ka hana ana e hana aku ai i mea e hooluolu ai i ko Alani noonoo; no ka mea ala maluna o kona helehelena ka hiohiona o ke kaumaha a me ka luuluu.
Ua kamailio mau aku la iaia e pili ana @@@@@@@ me ka hai pu ana aku @@@@@@ na mea a pau ana i hoo@@@@ kona hoi ana mai. He mau @@@@@ kona o ka noho ana me @@@@ hoohamau, a he nei wale na mea @@aua i kamailio pu ai, ana hoi i ike ai he mea na kona manao e hoihoi ai.
Alaila kamailio aku laia no na mea e pili ana ia Getaruda i ke ano o kona noho ana iloko o ke kula, i kaholomua o kana poe haawina i ka ia hoike a me kona hana ana i kekahi mau hana noeau loa a ua hoolilo mai ia i mea pihoihoi loa no ke anaina.
“Aole hiki ia oe ke manao ae pehea la ka nui o kona u’i kela, ia e Alani.” I olelo aku ai o Miss Forotinahama, mahope iho o kona hoike ana aku i na mea a pau e pili ana nona, he kamahao maoli no ka loli ana o kona ano oiai keia poe makahiki eha au i kaawale aku nei; aole loa e hiki ia oe ke hoomaopopo iaia. He kiekie nohoi ka palupalu maikai o kona mau papalina, a me ke keokeo o kona ili, oiai, ua ike no oe he mau maka ohaha maikai kona.”
“Aohe anei ona kii ma kekahi wahi okoa aku?” I ninau mai ai o Alai me ka noonoo ino i kona ike ole ana i ka helehelena hou o Getaruda.
“Aohe ua hai mai ko makuahine ia’u ua hoao ia e koi ikaika iaia no ka hele ana e pa’i kii, aole nae ia i ae mai – oiai, aole hiki ia’u ke hai aku ia oe, heaha ia ke kumu. He mea kaumaha nohoi ia ke noonoo ae i keia manawa no ka hiki ole ana ia oe ke ike i kona ano. Ua piha naauao maoli no ia, ua hiki ia oe ke ike i kela iloko o kana poe kii i pena ai e kakau mai nei ma na paia a pau o loko o ka hale; a eia nohoi kekahi! Ina nohoi e hiki ana ia oe ke lohe i kana himeni ana! Me nei ua ume ia aku ko puuwai a waiho ana i waho mailoko ae o ko kino.”
“Manao au aohe e kala wale kana hana ana e like me kela mamua o ko’u hoi ana mai nei mamuli o kekahi mau lealea waiwai ole i hai ole ae ai oia iloko o kana poe leta.” I pane mai ai o Alani, me ka leo uhu koikoi.
“Pehea hoi aku poe leta ponoi? Aole no anei hoi i like kau me kana?” i ninau aku ai o Miss Forotinahama me ka manao aloha a kaumaha nohoi nona.
“Manao au aole pela,” i olelo mai ai o Alani. He hikiwawe au ma ka noonoo ana – he haakei au. I kekahi manawa i hala aku nei ua hai aku o Getaruda i ku’u makauhine oia hoi ua lilo ko maua mareia ana i mea hoopoino loa iaia, a aole loa ia e hui kala ana ia mea, a nolaila aole loa au i hoike mai i ko’u manao hauoli iloko o ka’u poe leta iaia, oiai nae ua maopopo no iloko o’u e aloha ana no au iaia i kekahi manawa e hiki mai ana.”
“O heaha la kou mea o ka hai ole ana iaia la mea.”
“Pela io paha; aka no ko’u ike ana nohoi ua lohe oia i kela poe huaolelo lokoino a pau a’u i olelo ai i ka la o’u i haalele iho ai i ka home, oia ko’u mea i maka’u ai o manao mai oia he kanaka hookamani au, a malia paha, o manao iho ia, eia, au ke hoao wale nei no e hoolaulea aku iaia au e hooluolu ia’u iho me ia manao i hiki ai ke loaa ia’u kona aloha ma na degere, e like nohoi me kekahi ipo i loaa iaia ke kaikamahine ana i aloha ai, i ko’u wa e hoi mai ai.”
“O ua loaa mua no iaia ia mea. Ua aloha ia ia oe me ka oiaio loa, e Alani, mai kinohi loa mai, na kela aloha no i hoolalelale iaia e hooikaika hou i ka imi ana i ka naauao i loaa iaia ka holomua ma na ike like ole a pau, i kupono ai oia no ke kulana ana i manao ai he wahine nau.”
Ua hoomau iho la no ka hoonawele ana o ka nawaliwali la Miss Forotinahama mahope o kona hooia ma’i ana ae- no ka loaa koke ole o ka oluolu iaia, ua olelo mai ia ko lakou kauka ina aole ia e laweia ana i kekahi wahi okoa, he hopohopo kona no ka loaa hou ana iaia o ke oia.
Nolaila i ka manawa a ke kauka, i hoike aku ai i kona manao he mea pono e laweia o Miss Forotinahama i kekahi wahi okoa ua hooholo iho ia no ohua noho hale a pau o Livinekona Home e hele like no lakou a pau ma ia huakai hookahi, nolaila ua hele aku ia lakou ma ko aoa komohana o Kapalakiko, a ilaila lakou e noho ai no na mahina elua, a mahope mai o laila e hele loa aku ana lakou i Folorida, a malia paha i ka la mua o ka mahina o Mei lakou e huli hoi aku ai i ko lakou home ma ke kae muliwai o ka Hudekona.
I ka holopono ana o keia manao hooiaia, ua pani ku ia iho la na puma a pau o ka home nani, a hele aku la lakou ma ka lakou huakai hele, no ka ike ana ina he mea ia e hoemi mai ana i ko lakou luuluu, a haawi mai hoi i ka ikaika a me ke ola kino maikai i ko lakou mau kino.
Ia lakou e hele la ke mau la no ka nawaliwali ame ka palupalu o Miss Forotinahama a ano maka’u iho la o Alani aole paha ehiki ana iaia ke hoomanawanui i ka maopopo o ke kaahele ana. Aka mai ka manawa o lakou i hoomaka aku ai e hele ua loaa ike mai la ke ano maikai iaia.
I ko lakou hiki ana i Kikako, ua hoomaha iki iho la lakou ilaila no kekahi mau ia pokole.
He ia kalae maikai iloko o ka mahina o Sepatemaba, ka manawa o ka kakou poe kaahele i komo aku ai a noho lakou home aku ana ia no kekahi pule ae.
He mau minute pokole wale no ka haule hope o ka manawa o ke kaa e holo ai i ka wa a ke kanaka kiai kaa i komo aku ai me kona mau lima i niha i na paiki, ame ka puolo liilii, a mahope ona e hele aku ana kekahi lede opio u’i, i aahuia me kekahi aahui kupono no ke kaahele ana, he papale eleele kona me ka lipine veleveka polu e kau ana maluna o kona poo.
Ua alakai ia aku ia ia a hki ma kona noho e kupono loa ia i ke alo e noho ia ana e ka kakou poe kaahele, a ua hiki ole i na poe a pau e nonho ana ke kaili ai i ka nana ana a ko lakou poe maka i kona kulana wahine u’i; a i kona noho ana iho ma nona wahi ua ninau aku ia oia i ke kiai i kekahi mau ninau kakaikahi e pili ana no ke alahele a me na mea a pau e pono ai.
Ua maopopo lea he lede no oia ua maa i ke kaahele ana, a ua ike i ka hoomaopopo ana i na mea a pau i kupono no ka huakai hele, no ka mea, o kana poe puolo a me na ie, ua waiho ia lakou me ka mikioi o ka hoonohonohoia ana i luhi ole ai hoi ke kii aku i kekahi mea i makemakeia iloko o lakou.
Ia wa koke no ua haawiia mai ia ka hoailona no ka hoomaka ana e holo a oili pulelo ana ke kaa-ahi mai ka hale hoolulu aku iloko o ka malamalama piha o ka la. Alaila hoomaopopo iho ia o Alani Livinekona i ka leha ana ae o @@@@ maka polu i na poe a pau e noho ana iloko o ka kaa.
@@ he mea la ua oi aku ka loli o kona noonoo i ka poe mai Livinekama Home mai, no ka mea aole ia i kaili iki i ka nana ana a kona mau maka mai ka helehelena u’i mai o Alani no kekahi manawa, a nana ae ia oia i kona makuakane me ke ano hoopohala, alaila kau mai ia ka nana ana o kona mau maka me ke aloha maluna o ka helehelena @@lepo o Miss Forotinahama e noho ana me ka nawailwali.
Owai la hoi oia? He kulana kona i like loa me ke kulana o ke ailiwahine!” o ia ko Alani manao e noonoo ana iloko ona lala i nana malu aku ai iaia ina paha o ko lakou hoa ia e hele like ai a hiki loa i Kapalakiko.
Aka, nae, aohe oia i hoike mai i kona ano hoomaopopo iaia, mahope o keia nana loihi ana ona; i ka nana aku, aohe ona manao nui no kona ano, oiai ua hiki no iaia ke ike aku i kela mau maka onaona e nana mau ana maluna o ka helehelena o kona makuahine me ka nanaina oluolu a ua hoomaopopo oia iaia ma ke ano he mea i loohia i ka nawaliwali a ua nui kona kaumaha nona.
He umi ana poe buke moolelo iloko o kekahi o kana poe paiki a ua lilo ka hapanui o kona manawa ma ka heluhelu ana ia lakou oiai ka la mua loa o lakou ma ko lakou alahele, a ua hoihoi ole mai la oia i ka hoolaulea ana me kekahi o lakou.
I kekahi la ae no ua like no kona kulana me ka la mua – ka lilo loa o kona noonoo makana poe buke.
Aka he hoala manaolana makehewa keia e malamala nei a ua kohoia e lilo aku ana ia i mea hoonaunaele no keia mua aku.
He mau ia welawela ino loa kela no kela mahina o ia kau; ua paniia ka puma a pau o ke kaa, no ka mea aohe makemake o na ohua i ke komo mai o ke okaoka nanahu a pula ko lakou poe maka, a i keia manawa ua hoomaka mai la o Miss Forotinahama e ano e, a ano maule nohoi.
Ia wa i kahea aku ai o Mr. Livinekona me ka leo puiwa, “e alani , e kii aku oe i ka paakai alama iloko o ka paiki ili.”
Ua hoao iho la o Alani e huli me ka awiwi, aka, e like me kamea maa mau ina ua makemake la kekahi mea e loaa koke, aole loa ia e loaa ana i ka wa pokole.
Oiai ola e huli ana iloko o ka paiki ili me ka awiwi, ua maalo ae la kekahi oiwi kino hiehie a hele mai la ma ko lakou wahi e noho ana , a haawi mai ia oia i kekahi omole e paniia me ka umoki gula.
“Ua maule la ka lede.” Wahi a kekahi leo nahenahe i pa-e mai ai me ke aloha: “eia ka mea ua loaa a hoohana aku maluna o ka mea nawaliwali – e wehe ae i ka li o kona papale, a hoalualu ae i kona lei a-i, a kii aku hoi i wai.”
Ua lalau mai la o Mr. Livinekona i ka omole a hoopili ae la i ka ihu o kona kaikaina wahine, oiai hoi o Alani e hoao ana e wehe i kona papale a me ka lei a-i e like me ke kauoha a ke “Kama’liiwahine.”
Aka aole hiki pono iaia ke wehe. Ua hoholo ae la ka hipu a paa loa, a he hana nui kana e hoao ia e wehe.
“Mai na’u e hoao aku,” i pa-e mai ai kekahi leo nahenahe o oluolu, aka, he leo nae e lini nui ana no ka haawi ana mai i kana kokua a oia ka mea e ae mai i kana kokua, a oia ka mea nana o koi aku ia alani e haalele iho i ka hana ana e puauu ana, a ia wa i hele aku ai ko lakou hoa lokomaikai a noho iho la maluna o ka noho ana i haalele iho ai, a me ka palamimo a me ka eleu ua hemo ae la ka hipuu o ua papale la a hemo pu ae la nohoi me ka lei a-i.
Ia manawa hookahi n o , ua loaa mai la ka paakai alama ame kekahi omole wai ala ia Mr. Livinekona.
“Ua oi aku ka maikai o ka wai ala mamua o ka alama,” i pane aku ai ka lima kokua opio; a mai kona pakeke ponoi ae ua wehe ae la oia i kekahi hinaka maemae a hooma-u iho la a pulu pono i kawai ala, alaila noke iho la ia i ka hamo i kona mau maka a me kona poome ua wai ala la, hiki i ka manawa ona i hoomaka mai ai e hoike i ka hoailona o ka hoi hou mau o ke oia.
Ua hoomakaukau mua o alani i ka laau hooikaika kino, a i kona wa i ano maika iki ae ai ua hoainu ia mai la la i ua laau la a loaa koke iho la iaia ka ikaika maikai o kona kino.
“Ua pau ka pilikia,” i olelo aku ai ka malihini me ka leo oluolu a me ka haawi ana aku nohoi i kekahi mino aka mahiehie.
Nolaila ua ike au ua makemake oe e inu i hookahi oolopu wai, a i hapai iki ae hoi kela pukaniani iluna i komo mai kaea maikai a oluolu iloko nei. O ka ma’i nohoi kela o ko’u mana o ka maule mau, a ua nui ko’u manawa i hoopakele ai iaia mailoko ae o ia mau pilikia, a ua ike au i ka hana e hana ai no ia ano ma’i.”
Me ka hookaulua ole ua eleu aku la o Alani me kana kiaha dala no ke kii ana i wai, oiai kona makuakane i uu ae ai i ka ipukaaniani, a o ka hana hoi a ka lede opio ua lalau iho la ia i kekahi peahi e waiho ana ma kona aoao, a hoomaka, aku la e peahi malie maluna o ka me nawaliwali.
“Ua nui kau hana aloha i hana mai ai maluna o’u,” wahi a Miss Forotinahama i olelo mai ai, me kona haawi ou ana mai hoi i kekahi mino aka, no ka mea he mea hauoli nohoi ia o ka nana ana mai maluna o kela helelena u’i, a e hoomaopopop nohoi i ka hiohiona oluolu a kona mau maka e hoike mai ana.
“O oe no ko makou hoa kaahele opio e noho mai ana mamua pono o makou,” i olelo hou mai ai oia, me ka leha ana aku okona mau maka ma kona wahi.
“Ae: o Blach Vana Asadela ko’u inoa,” i pane aku ai oia me kona hoolauna ponoi ana aku no iaia iho: “a i hele mai nei hoi au maanei nei la oe no ko’u ike ana mai nei aohe hiki i ke keonimana ke wehe i ka hipuu o ko papale. Ua ike no oe ua oi aku ka makaukau o ka lima o na wahine maka wehe ana i na hipuu.” Ia a i hooki iho ai i kana kamailio ana, me ka m ino aka ana, a me ka @eha ana aku nohoi o kona mau maka ia Alani iaia i hoi mai ai me ka wai no kona makuahine. “Ua loaa anei ia oe ka oluolu maikai i keia manawa?” i ninau aku ai oia, mahope iho o ko Miss forotinahama inu wai ana.
“Me ka mahalo, ua ano maikai iki au,” i pane mai ai ka lede omaimai.” O ko’u hoola ma’i nei no ia mai kekahi kaa ma’i loihi ana, aka nae aohe au i ikaika kupono. He la wela loa nohoi kela a ua ano poluea maoli nohoi au i ka luli a me ka onioni o ke kaa.
“Aole anei he hana okoa ae kekahi i hiki ia’u ke kokua aku la oe?” wahi a Miss Vana Asadela i olelo aku ai me ka manao aloha.
“Ae.” I pane mai ai ka lede aoo, iaia i nana mai ai maluna o ka helehelena hoihoi ma kekahi manao nui e lini ana koko ona, oiai ola i hoomanao ae ai no kela kaikamahine u’i mua me ka ihu mau hoi o ka @@ iloko ona, @@ mea ia e ike mau ana la i kona kino puanuanu e moe malie ana ilalo i k apapaku o ka moana: “ua hiki no oe e noho mai ana malaila a kamailio mai iu’u no kekahi manawa pokole: hemea ia e hooi mai ai i ko’u maikai i kaike aku i kou helehelena opiopio a me ka lohe ana nohoi i kou le oluolu.”
Ia wa i haka pono aku ai ka nana ana a ko Miss Vana Asadela mau maka poepoe maluna o ka helehelena o ka mea nawaliwali, a olelo aku la oia:
“Manao au oia maoli ka hana maikai”
Aka me kekahi nanaina ano hopohopo ana i hoike ae ai maluna o kona helehelena i kona wa i nana aku ai ia Alani a me kona makuakane, ua hoomanao koke iho ia o Miss Forotinahama no kekah i hana i koe aole i pau i ka hanaia, a ua lilo ia i mea oluolu ole i ka manao o ka lede opio no ka noho ana malaila me ka loaa ole o ka hoolauna i ana me kona mau hoa.
“E kala mai i ko’u noonoo ole ana,” i olelo mai ai o Miss Forotinahama. “Aole au i hoolauna aku nei i ke kane a ko’u hoahanau> Mr. Livinekona a me kana keiki ke Kauka Alani Livinekona.”
Ua ae aku la o Miss Vana Asarela i ka hoolauna ana me ka manao oluolu, a akaaka aku la i kekahi olelo hoakaaka a Alani i olelo mai ai:
“A o ku’u makuahine, o Miss Forotinahama, aole ia e pono e hoopoina hou i keia loina, e Miss Vana Asadela: hemea pono e hoolauna mua ia ka malihini me kona mau kokookua.”
Nolaila ua hookamaaina loa iho la lakou ia lakou iho, a pili aloha loa aku la ka manao o ka lede opio i ka hoolauna ana me ka mea nawaliwali, a ua lilo nohoi ia i mea oluolu loa i kona manao, a ia wa i kukalaia mai ai ua makaukau ko lakou ainawakea.
E like me ka maa mau ua kii mai ia ke kiai kaa-ahi ia Miss Vana Asadela, aka ua noi aku la o alani i kona oluolu ina aelia ana nana e lawe aku lala i kela manawa; a e like nohoi me ka loaa ole o ka oluolu kupono ia Miss forotinahama no ka hele ana a noho i kona noho i ko lakou pakaukau, ua koi aku la oia iaia e lawe ia ka noho o kona makuahine;a iaia i noho ai ma kona aoao ua loaa iho la ka maha i na aoa a i elua, nolaila ua kamailio iho la laua i ka mea e pili ana i ka huakai hele, i ka nanaina nani o ka aina e waiho mai ana, i ka maalahi o ke kaahele ana i keia mau ia, i ka oluolu a me ka nanai o na kaa-ahi, a i ka nana aku me he mea la aole la i ike mua i kekahi wahine hoohoihoi ma ka h oolaulea ana e like me kela lede opio.
Ua loaa iho la ka manao oluolu la Alani i ka hai ana aku o ka lede opio iaia e hele loa ana no kana huakai hele i Kapalakiko. E hele ana oia e ike i kona poe hoa’loha, a he elua mahina ona e noho ai iloko o ia kulanakauhale, a mahope mai o laila alaila ia hoi hou i Kikako, kona aina hanau, a ilaila oia a me kona makuahine kahi i malama ai no eono pule i hala ae, i ka hale o kona kaikuaana oiai oia e kaahele la iloko o Europa.
Iloko wale no o ka hauoli ke koena aku o kahuakai hele. Ua pii ae la ko Miss Forotinahama oluolu i keia la a me keia la a ua nui kona hauoli i ka nanaina nani o ka aina ana i ike ai. A ua kokoke loa e lilo o Alani ame Miss Vana Asadela i mau hoa’loha pili paa loa. Ua hookaawale ia iho la lakou i Okalana, no kamea ilaila ko Miss Vana Asadela poe makamaka, ka ohana Faka kahi i kali ai iaia, aka aole nae ia i hele koke aku e halawai me lakou a hiki i kaholo ana o kekahi manao hooholo manwena o laua.
He elua hebedoma a e ole ia oi aku paha mamua o ia manawa ka loihi o ka ohana Livine kona e noho ai iloko o la kulana kauhale nui, a nolaila e loaa mau ana na manawa kupono no lauae palawai pinepine ai.
He ekolu la mahope mai o ko lakou hiki ana ilaila ua loaa mai @@@@ kekahi poe palapala-kono, e kono aku ana ia lakou i kekahi anaina hoolaulea i kahi o ka ohana Faka, a lakou e haawi ana no ka hoohanohano ana ia Miss Vana Asadela a me ka hoolauna ana aku iaia i ka poe o Kapalakiko.
Aole i loaa ka oluolu kupono la Miss Forotinahama no ka hele ana, a o Mr. Livinekona hoi aohe ona hoihoi @@ia mau ano hana i keia manawa, a nolaila ua manao iho la o Alani e hele kino no nae, ua like no kona manao kaumaha me kona makuakane no ke komo ana aku a hauoli pu me na anaina hoolaulea.
O ka lumi hookipa i hookipaia aku ai a Alani he lumi la i hoonani ia a nani loa: iloko o na kuono a me na kihi a pau, e lalapa mai ana ka malamalama o na huihui kukui kupalanaha i hanaia me ne pohaku aia keokeo a me ke gula, a he lumi maoli no ia i kupono no ka hookipa ana i kekahi moiwahine.
Ma kekahi aoao o keia lumi nani kahi i ku ai o Miss Vana Asadela me kona kamaaina, oia hoi ka haku wahine o ka hale, a nana hoi e hoolauna aku iaia me ka poe a laua i kona aku ai ia ko lakou wa e hiki mai ai, oiai o kona ano maoli no ana e hoike mai ana, ua like io no ia me kekahi lole silika keokeo me ka hu’a loihi. I humuhumu ia me ka lihilihi nani loa: he lei daimana ma kona a-i a he aop lima daimana ma kona mau lima, a e ana pa mai ana hoi kekahi pine daimana i hanaia e like me ka hoku iloko o ka pu o kona lauoho.
Ua hoike mai la ko Miss vana Asadela mau maka ika hoihoi i kona ike ana aku la alani e hele mai ana e lulu lima pu me ia a haawi aku la oia i kekahi mino aka mamua o ko laua lulu lima aloha ana.
“A! e Kauka Livinekona, aohe hoolauna hou ana ae la kaua, oiai ua kamaaina mua no kaua.” I olelo aku ai ola me ke aloha pumehana, iaia i hookuene pono ae ai a loaa he kona no Alani e ku ai ma kona aoao,” a he mea hoohauoli ana mai nohoi ia i ka manao i ka ike aku i kekahi mea a’u i ike mamua – he poe malihini wale no keia poe a pau ia’u.”
Ua hoolauna aku la oia ia Alani me kekahi mau malihini a ae elua, aka ua komo iho la ka manao iloko ona aole ia e ae ana e hoolauna hou aku iaia me ke koena aku o ka poe i koe, e like me ka kekahi poe okoa i hana ai, e nolaila ua hoomaka aku la oia e kamalilo iala.
“Ua ano maka’u iho nei au i kou hiki ole mai.” Wahi a Miss Vana Asadela i olelo aku ai, “a au minamina nohoi au i kou hele hookahi ana mai nei. Pehea ko Miss Forotinahama oia kino mahope iho nei o kela huakai hele hoihi u kakou.”
“Ua oluolu loa ku’u makuahiwa, aka, he oia mau no ke ano maluhiluhi. Ua makemake laua ia’u e hoike aka ia oe i ko laua minamina no ka hiki ole ana la laua ke hele mai i keia po.” I olelo mai ai o Alani, me ka manao oloko ona ina paha he wahine okoa ae no kekahi e ola nei e like me Miss Vana Asadela ka u’i.”
“Manao au, o kana hana makemake loa ia o ka hoolauna mau me na poe a pau.” I olelo iho ai o lani lala iho: alaila hooho ae la hoi kekahi mea ma kona aoa i ka manao no ana e noonoo ana iloko ona:
“He kiekie aku nohoi ka wahine u’i o Miss Vana Asadela.”
I kopa huli ana ae ua hoomaopopo aku la oia i kekahi lede i hoolaunaia mai ai iala.
“Manao o au o ka manao hookahi no ia o na poe a pau i hoea mai nei e keia po, e Miss Peresekota,” wahi a Alani i olelo mai ai me ka mino aka.
“He mea kupaianaha ina he poe u’i wale no na lede a pau o Kikako? He lehulehu loa na poe a’u i halawai pu ai i loaa la haawina hanohano ia lakou.” I hoomau mai ai ka lede i kana kamilio ana, oiai aohe nohi ona ano saila loa ia po, aka he kulana hiehie loa nae kona.
“Aole hiki ia’u ke hoomalamalama aku la oe maluna o la kumu manao hookahi, oiai he elua wale no o’u la iloko o ia kulanakauhale.” I olelo mai ai o Alani me ka mino aka ana iho.
“he hookahi wale no a’u lede i ike ai, a a’u nohoi i manao ai ua like loa kona u’i me ko Miss Vana Asadela,” i hoomau aku ai o Miss Peresekota i ke kamalilo ana. He lede oia no Nu Ioka, a he hoakula nohoi no’u: a ma kekahi ano nohoi, e Kauka Livinekona, ua like loa kona ina me kou. Malia paha he pili ko ko oia nou? O Geraruda Livinekona kona inoa:”
Ia wa i puiwa ae ai o Alani, a haikea ae ia kona helehelena.
(Aole I pau.)
-
O ka Laau Kunu a Chamberlain ka laau maikai loa no ke anu, kunu, kunu kalea, ame na ma’i piwa i loaa m ai ke anu mai. Ua kaulana kela laau ma na kehi eha o ka honua no ke ola o na ma’i o kela ano. He nui a lehulehu na leka i loaa mai e hoike ana i na hoola kupalanaha, o kela laau, ke ola ana o na kunu hoonaukiuki a ola ole i na laau e ae, ka pau ana o ke anu mamu o ka ikaika loa ana a hoopoino i ke oia, ka pau ana o na ma’i pilikia o keia ano a hoopkele la ke oia o ke kunu kalea i kela laau kekahi mea i hoike mai ana i kona waiwainui, ua makemake loa na makuhine no ka mea he laau maikai loa kela, a ua hiki ke haawi ia i na hele me ka pilikia ole. He ola mau a he haule ole kona mana hoola. E loaa no keia laau ma na Hale Kuai Laau apua. O Benson Smith & Co., na agena no Hawaii nei.
-
He Lei Daimana ma Kona a’i
-
Mamua o ka hoomaka hou ana o ko oukou mea unuhi moolelo e unuhi ke noi aku nei oia i kona poe heluhelu i kala mai no ka hemahema o ka hookomo ia ana o keia moolelo ma ka helu i hala. Oiai ua nawaliwali ka Lunahooponopono o keia pepa ia pule, ua hemahema ka hookomo ana ia, a ua komo hewa o mua mahope a o hope hoi mamua, aka e kala la ia mau hemahema, a ke manaolana nei hoi ko oukou mea unuhi ua maopopo no la oukou ke ano nui o ka moolelo e like me ia i puma aku ai.
I ko kakou haalele ana i ka kakou hiwahiwa i ka helu i hala ua lawe paahao ia aku lia e kahi kauwa hana a ku Haku Opio Mualana a hoopaahao ia ma ke Kakela o ka Haku Kalonawila. Ua liko aku oia malao o ka malama ana a keia luahine a makou i hoike mua aku ai. Ua hoopaa i aola iloko o kekahi lumi paa loa a aohe manao ana ae e palekana hou ana oia mai kela wahi mai. Nana ae la ka kakou Amber ma o a maanei. Aohemea nana e hoomama mai i kona naau i piha i kekaumaha. Uwe aku la oia mekona leo kaumaha, me ke noi ikaika ana aku me na waimaka e hiolo mai ana e hookuu ia ola mai keia wahi aku, aka ua like na puuwai o kona mau lunapaahao ia manawa me kekahi mau pohaku mabala hu’ihu’i i ike ole la mea he aloha. I ka ike ana o kona mau luna paahao ua paapia me ka maikai a ua maopopo hoi aohe ona wahi e hemo aku ai, ua puma like aku la laua a pani mai la i na puma nui kaumaha o kona lumi e noho paahao aku ai ma kela mua aku. Lohe aku la no o Amber i ko laua mau kapuai wawai i ke pahupahu mai iluna o ke alapii a hiki i ko laua haule loa ana i lalo.
Nana hou aku la o Amber ma ka puma aniani, aia hoi ike aku la oia i ka malamalama o ka mahina e pahola iho ana maluna o ka aina. Lele aku la kona hoomanao ana i ke Kakela Kotine, hoomanao ai ia oia i kona mau makua i hala mau aku i ka make, hoomanao ae la hoi i kona kaikunanae e noho haaheo mai la i ka hale, hoomanao ae la ola la Blanche, ka mea hoi ana i manao loa ai oia kekah o kona mau hoa’loha maikai loa ma keia ola ana, hoomanao ae la oia la Mrs. George ke kauwa wahine maikai ana oia i malama mai kona mau la bebe mai, hoomanao ae la oia la Jaspa ke kanaka opiopio i haawi i kona naau ame kona aloha apua maluna ona, ana hoi i hoike aku ai e kakau aku ana oia iaia i loko o hookahi pule mahope o ko laua hui hope ana, e hoike aku iaia ina ola e ae ana e lawe iaia i makua no keia mua aku ame kona ae ole. Kulou iho la ke kaikamahine iloko o ka ehaeha a hookuu aku la i ka waimaka e hana i kana hana. Nana ae la oia ma o a maanei aohe hoailona o ke aloha ana e ike ana iloko o na paia hui hui oia lumi puanuanu, a i uwe wale ia no oia a hiki i kona haule ana hiamoe ma ka puma aniani ana e noho ana nana iwaho. E pa pono iho ana ka malamalama o ka mahina maluna o kona pamanu i keia nani e hiolani ana ma ka puma aniani a haohao ae la lakou i ke kumu o kona haalele ana i kona moe pumehama a moe iho ma ka puma aniani. Malia nae paha ua nanea oia ka nani o ka mahina a hiki i ke komo loa ana i ka aina nani o na hoeuhane.
Aole oia i ala a hiki i kona lohe ana i ka leo o keia wahine ana oia e malama nei i ka ninau ana mai iaia i ke kumu o kona moe ana ma ka puma aniani a hoi ole ma ka moe i hoomakaukau ia aona. Ua ala ae la o Amber a nana pono aku la iaia, aka aole ola i.