Ka Nupepa Kuokoa, Volume XL, Number 38, 19 September 1902 — KA HALAWAI REPUBALIKA MA KA HALEKEAKA OPIUMA. [ARTICLE]

KA HALAWAI REPUBALIKA MA KA HALEKEAKA OPIUMA.

! Ua malamaia ae ka halawai mua loa 1 malalo o ke alakai ana a ka Aoao Repuhalika o keia Teritori ma ka halekeaka Opiuma ma ka po Poakahi nei, Sepatemaba 15. Na Konela J. H. er i hoomalu mai i ka halawai. Mamua o ka wehe ia ana o na hana, ua ' kani mua ae ka bāna lahui mawaho o ka a maiaiia i hui ae ai : na mea apau e hoolohe i ka lakou mau i leo meie. Ua piha keia hale i na haole ' a pela no hoi me na Hawaii. ' Maluna o kahi e haiolelo ai ua noho i,ae ka Moho Elele Repubalika Kalanianaole, J. L. Kaulukou, W. C. Aehi, J. Kumalae, R. W. Aylett, L. L. McCandless, James Shaw ame Konela Tom Fitch, wa mea iaia ka haiolelo. ' O ka mea iaia ka haiolelo mua loa oia nq . o L. L. McCandless a nana i olelo ae o ka aoao Repubalika oia ka aoao e loaa ai ka pono i na kanaka. Mahope mai ona ke Keikialii Kalani- ' anaole a e like no me kona ano he oho- ' hiaia, ua hoolohe aku ke anaina ka'naka i kana mau olelo me ka paipai •nui o na mea apau. Ua hoolauna ia mai ka 3tfea Hanohano W. C. Aehi a nana i hai ae aia no ka na hana apau oluna nei o ka aina iloko o na mahiko, a oiai ke hooikaika nei ka Aoao Repubalika e loaa ka pono ,i keia mau mahiko, nolaila, oia wale no ka aoao a na kanaka Hawaii e pono ai, a e pono no e koho i na moho apau o ka aoao i Repubalika. ""N. Ua hoolaunaia mai o Konela Fitch. He elemakule nui momona keia a e Iike no me kona nui,« nui pu no me ka naauao. He akamai oia i ke olelo hookaau a he nui na manawa i keke ae <ai na niho o ka poe e hoolohe ana. O 'ka manao nui o kana haiolelo aia no ia ma na hoomaikeike ana i ke kulana |o ka Aoao Repubalika ame Demoka- ' rata. He manao waiwai nui loa ka ' keia haole naauao a o na Hawaii i akoakoa ae malaila ua loaa ia lakou ka naauao no ke kulana like ole ma- ! waena o na aoao kalaiaina o Amerika. ■Ma kana hoike no aole he Home Rula ma Wakinekona.

No na eha okupe apau, na ano pehu ame na ano maopaopa, aohe laau hamo maikai e ae e like me ka laau hamo a Chamberlain(Chamberlain , s Pain Balm) He mau kaukani o na hooiaio e hiki ke panai ia aku no ka hooiaio i kona maina hoola. Hookahi no kau ana oke ola no ia. ,A 1 hoao ea, e loaa no ua laau Jla ma ka halekuai laau o Benson, I Smith ma, na agena kuai laau lapaau.

j Ua hu'efa ae nei na pohaku paepae o j ke alanui hele-wawae ma ka aoao maiho o ka hale hana pahukupapau ' o Mrs. Williams, ma Alanui Papu. He ' hoakea ana keia i keia alanui. Ua ku mai a holo loa aku no Kiiia ka mokuahi Hongkong Maru i ke awākea 0 neheinei. E ku mai ana ka mokuahi Alameda 1 keia la a i ole i ke kakahiakanui o ka la apopo.