Ka Nupepa Kuokoa, Volume XL, Number 38, 19 September 1902 — J. T. De Bolt ke pani ma ko Hamepela wahi. [ARTICLE]

J. T. De Bolt ke pani ma ko Hamepela wahi.

Ma ka leta a ka mea kakau o ka nupepa namu P. C. Avalakaika i loaa mai nei maluna o ka mokuahi Hongkong Maru o ka auwina la Poakolu nei, Sepatemaba 17, ua loaa mai la keia lohe i o kakou nei: | Wakinekona, D. C., Sept. 10,. 1902. i P. C. Avalakft,ika, Honolulu, Hawaii, ma o S. S. Hongkong Maru mal Kapalakiko. • Ua hooholo iho nei ka Peresidena e hookohu ia John T. De Bolt o Honolulu, i Lunakanawai Kaapuni. He mau la i hala ae nei ua kauoha aku oia i ke' Keena Hookolokolo e hoomakaukau i komisina a ua hoounaia aku no Oyster Bay no ke kakauinoa ana. E kakauinoa koke ia ana e ka Peresidena, ERNEST G. WALKER. Ua hanauia o John T. De Bolt ma Texa8 i ka la 19 o Dekemaba, 1857. Ua hoomaka o De Bolt i ka hana iloko o ka hana mahiai i kona mau la opio me ka hele ana 1 ke kula. I ka makahiki 1879ua hele ae oia no Kaleponi a oia i noho ai. Ua hele kaahele ae oia a hiki i Spokane a haalele ia wahi no ka hele ana e a'o kanawai i ka makahiki 1884, me Lunakanawai Kiekie Jacobs o ka Teritore o Wakinekona, a 1 ka makahiki 1887, ua loaa aku kona palapala loio. Ma ka la 7 o Iune, 1896, ua hiki mai la oia ma Honolulu nei a komo koke no iloko o na aha hookolokolo.