Ka Nupepa Kuokoa, Volume XL, Number 38, 19 September 1902 — Eia na Pepehi kanaka o Kauai i Honolulu nei. EIA NO HE KANAKA I MAKAUKAU KA MAKE NONA. [ARTICLE]

Eia na Pepehi kanaka o Kauai i Honolulu nei.

EIA NO HE KANAKA I MAKAUKAU KA MAKE NONA.

I ke ku ana mai o ka mokuahi Mikai Honolulu nei ma ke kakahiaka Sabati nei, ua. laweia mai na kanaka a ke Kuokoa i hoaiai ai ma kona mau kolamu i kela pule aku nei, oia hoi na papehi kanaka i hoopaiia ai ma ka Aha Hookolokolo Kaapuni o Kauai. O 3roshikawa Dengino, ke Kēpani i hoopa.Ua mai nei e make ma ka amana; o Chong Koongr Wai, he Pake i hoopaiia no ka paahao ma Kawa no 20 makahiki; a o Francisco Serra i hoopaiia mai nei no 'ka hoopaahao no elua makahiki, me he la o lakou na ohua hanohano loa o Alikahala, oiai, ,aia maulna o lakou ke kau nui o na maka o na kanaka o ka

aina nei ia lakou i holo ae ai ma ke kaa o ka halewai no ke kakela o Kawa. I ka hui ana mai la o keia hihia pepehi kanaka- o Kauai, ua like me ekolu ola kino e noho nei me ke kali ana i ko lakou manawa e liia ai. ' O George Ferris ame Kimura oia na mea okoa ae mawalio o Yoshikawa. Aole he manawa a Lunakanawai Hardy i hai ai no ka hooko ana i kana hoopai i kau niai nei maluna o Yoshikawa, nolaila, ke manao nei ka Ilamuku Brown e hooko koke aku i ka hoopai.