Ka Nupepa Kuokoa, Volume XL, Number 45, 7 November 1902 — Lilo ia mau Ola iloko o Ke Ahi. [ARTICLE]

Lilo ia mau Ola iloko o Ke Ahi.

KIKAKO, Okatoba 22.—Ma ka po nei i pau ae ai kekahi hale o ke Corn Product Company i ku al ma ke alanui Tatlor ame ka muliwai 1 ke ahi, a iloko hoi o ia ahi i lilo aku ai kekahi mau ola he elima ko lakou nui. Na ke ahi lakou i ai mai. He eha i manaoia ua pakele aole i make, iioko o ia huina eha he ekolu o lakou i ikeia ua pakele mamuli o ka iho ana mai ma ke paipu wai oiai ke ahi e a ikaika ana, a he hookahi hoi i lele iloko o ka muliwai a ua manaoia ua au aku oia a ua pakele kona ola. j Eia ka poe i make: Otto Trapp, Edward Steinke ame elua mau mea i hiki ole ke hoomaopopoia ko laua helehelena. O laua na mea i make i keia kakahiaka. Ua hoikeia ae ua make ka luna o keia hui i ka po nei oiai nae aole oia kekahi iloko o ka hale i ka manawa o keia pauahi. E piha ana paha ka poho i ka $400,000 aole nae i hoike ae ka papa hooko i ka lakou hoike mamuli o ke kaua ana iho a maopopo na poho piha o na mea 1 hoopohoia e ke ahi.