Ka Nupepa Kuokoa, Volume XLI, Number 13, 27 March 1903 — Maleia no ke Aloha HE MOOLELO NO KE KAIKAMAHINE ALII IETIWA Ka Ui nohea i ahai ae i ka puuwai. [ARTICLE]

Maleia no ke Aloha HE MOOLELO NO KE KAIKAMAHINE ALII IETIWA Ka Ui nohea i ahai ae i ka puuwai.

MOKUNA XXVII. KA HOOLUALA'I HOU ANA. "Alaila, iloko o hookahi liora e.hui uku ai au me oe ilaila," wahi a letiwa. "Aole pela," wahi a Lore i hooponopono aku ai. Iloko o hookahi hora e loaa aku ai oe ia'u ilaila.' Ua haalele iho la ua u'i nei ia Lore a hele aku la me ka ukali ia e kona ukali Degamoa a ua noho iho la no hoi 0 Lore me ka Elemakule Casepa, ka Moi o ka Akau, ka Duke o Mirako ame Ana§rusi. Ua hoonanea iho la lakou ma ka hoohala ana ma ke kamailio ana maluna o ke kumuhana o ka hookolokolo ame ka hooia ana o ke Keikialii Gaberiela i kona hewa. Iloko o ka halepaahao i hoonohoia aJcu ai ke Keikialii Gaberiela ame kona hoa i hui pu ai ma ka hana pepehi kanaka, oia hoi ke kanaka a Gaberiela i kukala ai nana i haha'i i ka hewa karaima. Mai ka makainui mai o ke Aupuni i loheia mai ai pili i ke kulana o ke Keikialii. Aia oia iloko o ke kaumaha o kona noonoo a ua hoopilikia io mai ke karaima ana i hana ai iaia iho. Ma ka aoao o ke kanaka i hui pu aku me ke keikialii ma keia hana ua hoike io ae oia i ke aupuni oia no ke kanaka i ku kiai ma ka puka o ka lumi o ke Keikialii Lorenz e moe ana no ke kiai a"na oiai ke Keikiaiii Gaberiela i komo ai iloko o ka lumi a pepehi ia Lorenz ia Lorenz i pa'uhia loa ia i ka hiamoe. Mahope o ka pau ana o keia hana kumakaia ua hoomaka koke ia aku la ka hoohana i ka hapala ana, i ke koko ma ke ala ame ka ipuka o ke kanaka Amerika i mea e manaoio ia. ai na ke kanaka Amerika i' hana i ka hana. Ma ka hoike a kekahi mau hoa o ke Keikialii Gaberiela i hele pu mai ai a hanaia ka hewa karaima, he elua keia mau keonimana, akahi no a maopopo i ko Grostaka poe aole he holo o na makaainana ma ka aoao o Gaberiela. Mamuli o ka paa ana o Gaberiela iloko o ka halepaahao ua loaa keia manao i na makaainana e hoonoho ae i ke Keikialii Danatana ma kahi o ke Keikialii Gaberiela, oiai o Gaberiela ke alii o ka aina o ka. hema. O Danatana oia ke kaikaina o Gaberiela. Ma ka aoao o keia alii opio i manaoia 1 alii, oia ka mea i punahele i ka lahui. Ma ka aoao o k Moi o ka Akau ua loaa iaia ka hauoli piha o ka loaa ana iaia o ke kanaka i ku i ka hoahewa ia. He Hookahi.mea i hoopukaia ae i koe aole i hanaia iloko o ka Aha kuka 0 ka la poina ole eia nae ua 'komo kukonukonu loa aku ia ilOko o ka noonoo 0 kanaka. O ua mea la oia no ke kahua a ka Moiwahine i wehe mai ai i kona puuwai i ka lehulehu e hoike ana 1 kona aloha i ke kanaka Amerika wiwoole, a aole no hoi i poina iki i ka noonoo o kanaka. A ke nana aku i ka elemakule Casepa aia na hiohiona pupuku maluna o kona mau maka, aka ke hiki mai i kahi o ka ninau aole i nele ka loaa o ka pane leo ole he mea pono e hanaia kekahi hana. I ka manawa i haalele iho ai na.keonimana i ke keena hoonanea a lakou a hookuu no hoi na kamakamailio ana ua puka aku ka.hāpanui, aka, ua noho iho la ka elemakule Casepa* mahope no ka hui ana aku me Lore. "Ua hele pili loa oe me ka Moi,wahine i keia kakahiaka e Mr. Lore," wahi a ka elemakule i pane aku ai ia Lore, "a ke makemake nei au ia oe ina he hiki ia oe ke pane mai no ka'u mea i makemake ai e ninau. Oia keia, ua kukala aku nei ka Moiwahine e kahea ana i na luna aupuni ame ka poe ko'iko'i o ka aina e akoakoa ae i ka halealii no kekahi hana e waihoiii aku ai iloko o ka Aha Kuka eia pae aole i ike n\ua mai k a Moiwahine ia'u mamua o ke kukala ia ana. E noho> ana keia aha i ke kakahiaka o ka la apopo. Ua ike anei oe i ka manao o keia hana ano hou loa a ka Moiwahine?" "O kahi mea wale no a'u i hoomaopono ai he aha kuka kela pili no i na hana o ke aupuni o Grostaka nei," wahi a Lore t pane aku ai mahope o ka noonoo ana iho. "He kaikamahine oia nā.'u ma ka hanauna aka ua like loa ko'u aloha iaia me ka'u keiki ponoi. Ua pili nui aku kuu ola me ia mai ka la mai i make ai kona makuahine, kuu kaikamahine ponoi hoi. E ae oluolu mai oe ia'u e waiho aku i keia ninau ia oe. Ua hoike aku anei oe i kou aloha iaia?" "Ae, ua hoike io aku wau." Ua aloha mua wau iaia mamua o kuu hoomaopopo ana i kona kulana p,lii. Ma kou ano h,e makua nona, ia oe wau e hoike ai i kuu aloha a'u i manao 'a-i a hooholo iho e hoike aku aka, o kuu paa ana iloko o ka halepaahao ame kuu mahuka ana oia iho la na mea i hoohala loa i ka manawa a hiki mai Ia i keia la, a oia jio hoi ka mea nana. i ke'ake'a nui mai. Aole au i makemake e huna iho i na mea a'u i ike ai a manao hoi a hooholo e hoike ae e hoolilo ana ia'u i mea hohewale ke huna. Able he hoopaapaa ana i ke aloha kuio iloko o'u nona a pela no oia ia'u a maua like no i ike ai no maua iho. H£ huina hoi iloko o ke apo maemae." "Ua hoike malu māi anei oia ia oe i kona aloha ia oe?" i ninau aku ai o Caeeipa. "Ae, ua hoike mai no oia me ka maopopo no iaia he hana hiki ole iaia ke hooko aku," wahi a Lore. "Alaila, e kau mai ana ka poino ," wahi a Casepa i pane aku ai. Ua hele kamailio ole aku ia laua no kekahi mau minute, a oia no hoi ka manawa i hiki aku ai laua ma ke alanii, alaila hopu aku la o Casepa i ka īima o Lore ame ka helehelena kunahihi ua pane aku la oia: "Ua oi loa aku ko'u mahalo ia oe mamua o kekahi kanaka a'u i hui ai mamua. He kanaka opio oe nona ka uhane olaio, āno kiekie a hanohano wi■woole a hookanaka makua no hoi. Aka„ me ka hoohewahewa ole, aole e hiki ia oe ke mare i ka Moiwahine o Grostaka nei. He mea makehewa wale no «ka hoakaka aku ia oe pili ia mea no ka mea aole i nēle kou hoomaōpopo ia mea." •«Ua maopopo ia'u me ka hoohewahewa ole wahi a Lore. "Aole au he keikialii e like ka oukou e olelo mau ai i na manawa apau, aka, e ha'i aku wau ia oe, aia me kela ame keia kanaka, Amerika ke kuleana e lilo ai i poo aupuni ae iekahi aupuni nul loa * puni ke *o

holookoa nei—o Amerika Huipuia. 6 ka home, oia ke aupuni moi o ke kanaka Amerika a o kana wahine ame kona makuahine ame na kaikuahine ona, o lakou na Moiwahine ame na aliiwahine; a o kona mau hoamakaainana o lakou ka poe hooho mahalo. No'u iho ua aloha mua au iaia ma ko- j na ano o Miss Gagenesaloka. Ua Mao- | popo kela ia oe. A hiki aku i ka make aole e pau ka manaolana i loaa iloko o'u a aohe no o'u nana iaia ma kona moiwahine." ! Ua maopopo loa aku l.a keia mau olelo , a Lore i ka elemakule me ka nui o na manao mahalo iloko iho ona. "Mai maikai loa no hoi, a oia no hoi ka'u i makemake mau ai ina oe he keikialii," wahi a ka elemakule, he mea hoi i hookui aku i ka noonoo o ke kanaka opio. Ma keia manawa ua hui hou ae la lakou apau, aka ua haalele iho la o Lore i kona poe hoa hoonanea a pii aku la i ka lanai o luna o ka halealii no ka hui ana me ka Moiwahine letiwa oiai ua maalo ae he hapalua hora. Ma ke kala o ka lanai i noho iho ai o Lore a hilinai aku la no hoi i ka pou pohaku oiai kona'noonoo e lauwili ana i o a lanei'me ka upu nui ana e loaa koke aku kauwahi ike no ka hoea mai o ka Moiwahine. Ua noho papu aku la oia 0 kona alo i ka.puka kahi e puka mai ai ka wahine opio ana e kali ana. O na nakeke ame na hu makani ana ua lilo ia mau mea he mea hoohikilele manao ia Lore no ka manao no o ka u'i ia ana i aloha nui ai oia ia e hele mai anā. I kela po aia ka mahina ke pa konane la e like me ka po aku mamua a laua i holoholo like ai ma ua lanai la. Ai?. na kanaka ke holoholo la iloko o ka paka, a e kani ana no hoi >ka bana. Ma ke ano nui ua piha hauoli o ko Grostaka holooKoa apau. Aole i liuliu ua hoea io mai la no ua u'i nei ana a oia no ka manawa a Lore i holo aku ai me ke kali ole e hui pu me ia. Aia Lore i hor>u aku ai i ka lima o ka wahine opio ua holō like ae la ka uwila o ko laua mau kino iloko o kekahi. i kekahi a laua no e ike la no laua pakahi iho. "Maikai ka mahina o keia po," wahi a letiwa. "O, ua hauoli loa au i ko kaūa hui hou ana i keia manawa o ka po e like me kela po a kaua i holoholo iho ai maanei," wahi a Lore. "Aohe hiki ia'u ke noho malie nolaila e holohoio. kaua e pono ai," wahi a ka wahine. "E kamailio mai oe ia'u e .kuu aloha a e hoolohe aku wau i kou leo he mea no'u e hauoii piha ai i ka lohe aku." Alaila hele holoholo aku ia laua ma ka lanai, oiai ko laua lima aia ke paa like la ko kekahi ii kekahi. 0 ka haawina o ke aloha oia ka maua e puliki Ia ia iaua, i hoouiuku like ia ae hoi ko laua puuwai e ka pana kapalili a hiki pono oie ke hoopuka leo ia ke aloha e mo-ku la iloko o ko laua puuwai. Me ko laua pane leo ole ae no ka hoike ana ae i ka m.ea oiaio, eia nae, ua ike maopopo no laua ua aloha i'o no kekahi i kekahi pela no hoi kek'ahi i kekahi. "Mumule loa mai nei hoi oe i keia manawa." wahi a Lore i pane aku ai. "Aole i maopopo ia'u ke kumu e mumule nei au. Me he la ua maka'u wau ia oe." . • ~ "Maka'u oe ia'u?" Heaha ke kumu, wahi a Lore. , "Heaha la aole maopopo ioa ia u ke kumu." . "Makemake anei oe e hoike aku wau ia oe i ke "kumu?" wahi a Lore. "Ua maopopo no ia'u e olelo mai ana oe no ko'u aliiwahine ana," wahi a ka wahine. ... "No," wahi a Lore, aka, no ko u piii loa ia oe i keia manawa aole hoi e like me ko ka manawa i hala aku nei nei ka mamao loa. Mamua he powehiwehi maopopo maoli aka i keia manawa ua moakaka ioa. Mamua he wale no aka i keia manawa he mea io maopopo. I na la i hala ua nana mai oe ia'u me ka powehiwehi aka i keia manawa ke halawai nei he maka no he maka. I keia ia ua wehe mai oe i ka ipuka kahi o'u i aeia ai e komo a-ua komo io no wau a ke anaina holookoa i ka leo o ka mea i aloha i'o. "no ka mea ua aloha au iaia." Aole anei ma keia niea e letiwa?" "E hiki no ia'u ke hoopaapaa aku ia oe i nehinei, aka, i keia Ia me he la aole a'U wahi mana iki e hiki ai ke pale aku 1 kau," wahi a letiwa. "Aole loa au e poina iki i kau olelo o keia .kakahiaka," no ka mea ua aloha au iaia. Ua iawa keia mau oielo e hookau aku i kekahi kanaka ma ke kahua e haawi io ai oia i kona ola no kekahi wahine puuwai oiaio." Pehea no ia e hiki ai ke alo ae no ka mea ua aloha io nd wau ia oe,' wahi a ka wahine opio. "O, heaha atia la ka hua o na hana o ka la apopo," Heaha ana la ka lakou pane ame ka lakou haha? "Na ka la apopo ia e hoike mai, wahi a Lore i pane aku ai. He mea nui i'o no ia 'no kaua a elua. Ina aole iakou e ae ana—heaha aku ana.l». " "Aole i maopopo ia'u," v/ani a ka wahine i pane aku ai. "Ia Lore ma e hoiohoio ana ma ka ianai o ka Halealii aia no hoi o Anagrusi ke holoholo la me ka ukali o ka Moiwahine Deg:amoa. I ka nana aku ua piii loa ko laua manao kekahi i kekahi. "('» riha h&'.oii--laua ao laua iho," w?ihi a Lore i pane hou ak i ai oiai laua 0 mm% like an i i na me.i hoiohoi-.) o ka paka. "Ua maopopo loa ka pili o kekahi i kekahi ia laua iho," wahi a letiwa, "aole hoi i like me ko kaua." ( MOKUNA XXVIII. KA WAHINE O GROSTAKA. 1 ke kakahiaka nui okoa no ua pihoihoi ae la na hoa kuka o ka Moiwahine no ke ake no e hiki koke mai ka hora eiwa ka manawa hoi e hui ai lakou me ko iakou Moiwahine no ka noonoo i ke kumuhana a ka Moiwahine e waiho aku ai a lakou hoi i maopopo mua ole ai. ' No ka nui o ko lakou aloha i ko 1a- ! kou Moiwahine opiopio ame na haupu ] ana no na lohe i lono wale ia no, no ka hoohui ana iloko o ka berita o ka mare me he la he manawa loihi loa ia mai j ke kakahiaka o ka hora eiwa. Mamua o ke kani ana o ka hora eiwa ua akoakoa.mua ae la na hoakuka o ka Moiwahine iioko o ke keena mau a ma ka manaw-a i kani ni ka manawa i kauohaia no ka hui ana oia no ka vna- i nawa i komo palanehe mai ai ka Moiwahine letiwa me kona u'i noliea a hiehie, emoole ua umeia aku la ka noonoo o na mea apau i ona la no ka nana j ana iaia ame ka hoamumumu leo liilii lakou i nu ae al e hōoho mahalo ana 1 k& u'i o ko lakou MoHsrahine.

Ua komo mai Ia o letiwa a noho iho la i ieona noho mau e noho ai alaila nana aku la i kona mau hoakuka, me ke alohā alaila l'ahea aku la e neenee mai a kokoke :/nua ona. • "E kuu mau haku " wahl ana, i pane aku ai me ka hooikaika pu ana ae me kahi ikaika ame ka noonoo ma)kai i loaa iaia, "ua hauoli loa wau i ko oukou akoakoa ana mai nei no ka hooko ana i ke kauoha i haawiia i ke ahiahi nei. Inehinei ua akoakoa mai kakou ianei me na manao kaumaha, a i keia kakahiaka ke hui hou nei kakou m? na mnnar> A e like me ka olelo hoopaa- a ka Moi o ka Akau e hana mai ana oia i palapala hooloihi manawa hou aku no kakou i ka umi makahiki, a ke hana io ia mai nei ia hana a e paa mai ana i keia la ua lawa ia no ka hoohauoli ana ia kakou. "No ka .hoomaka ana i ka kakou hana o keia kakahiaka, makemake au e hoike aku ia oukou e like no me ka'u i hana ai i nehinei, i ka hoolilo ana i ka aina i mea e pakele ai oia ((Lore) pela no wau e i keia la ma ka hookuu aiia i ko'u iho nona (Lore) "E hai aku afta wau ia oukou e kuu mqu haku, kuu mau hoakuka hoi, oiai, oia ke kumu o keia hui ana, ua hooholo wau a ua hoopaa i kuu manao e hoolilo ana ia'u iho i wahine mare na ke kai)aka i haawi i kona ola no'u a nou a no ko kakou aina ame ke aupuni, no ka mea ua aloha oiaio wau iaia ma ke ano he wahine aole ma ke ano he aiiiwahine." He kanaka hala ole oia a kakou no e ike nei, ke kanaka hoi a'u i aloha maoli ai. Ina hi)ci ia'u ke hookomo i kekahi mea mawaena o'u ame ia no ka hookaawale ana ia maua inehinei, ke hoike maopopo nei au i kēia kakahiaka aole loa e hiki ia'u ke hana a he hana paakiki loa ia ia'u ke hana aku i keia la." Ma ka manawa i pau a'e ai na olelo a ka Moiwahine 'ua haiamu loa iho la o loko o ka lumi aole kekahi leo pane a hala wale kekahi mau minute. Ma ka aoao o ka Moiwahine aia na hiohiona haikea ma kona mau papā.lina lamalama o ka wahine u'i. A ma ka aoao 0 na hoakuka ua haiamu ioa iho la lakou, me he mea ia aohe mea hiki ke pane leo mai a hala wale kekahi mau minute. A. iloko o keia kulana haiamu ua ikeia aku la ka elemakule Casepa e oioi ana i kona kino. "E kuu kaikamahine! e kuu kaikamahine!!" wahi a Casepa i pane aku ai i ka Moiwahine. Aole e hiki ia oe ke hana i kena hana." "Pela, aole-e hiki ke kue i ka manao o ka lahui: O ka mea i maa a kuluma. i ko kākou lahui oia no ka mea e ioaa nei a e ku nei i keia manawa. 1 Aole e hiki i ke kanaka Amerika e [noho ma ka nohoalii no ka mea aohe he wahi pilikana iki ona iloko o ka lajlani alii. Ina e mare ana oe i keia keonimana alaila aole makou e ike aku ana ia mareia ana o olua." "I ko'u ike ana ia ke'ake'a pela au i kahea ai i keia ahakuka no ka noonoo ana ina he mea hiki e hoololi i ke!a kanawai," wahi a ka Moiwahine i pane aku ai. "Aole o ko'u mare ana iaia he mea hoohaahaa ia i ka nohoalii aka he mea hoike ana mai ia ist kakou ua loaa ia kakou he kokua hou no ka hooponopono auplini ana." "Aole e hiki ia kakou ke hoololi i na kanawai kumau oia hōi o na haawina i kamaaina ia kakou a. i kuluma no hoi ia kakou." Wahi a ka Puuku. "Ma kahi o ka hiki ole ke hoololi i na hana maa mau a kuluma ia 'kakou," wahi a letiwa me ka leo oluolu a ko'iko'i, ke ha'i aku nei au ia oukou e o'u mau haku, ua loaa ia'u ka manaopaa a e hana io aku ana wu ma ka haalele ana i kuu nohoalil ma ke ano he poo aupuni no kuu mare aku i ke kanaka a'u i aloha kui'o ai. E hoomanao oukou e o'u mau hoakuka. aia iloko o kuu puuwai ke aloha i keia manawa-o ka mua, ke aioha i ke kanaka i aloha mai ia'u, a'u i manaoio ai aia ia haawina me ia, ke kanaka mua loa no hoi a'u i aloha ai a oia no hoi ke a'u i aloha ai. Ua paa kuu manao e haalele i ko'u ano Moiwahine a noho aku wau ma ke ano wahine no Grostaka ke kuleana maopopo e hiki ai ia'u ke hana. Ke haalele nei au i ko'u iho no ka hooko ana i ko maua hoohuiia. Ua paa kuu manao e hooko aku no ko maua mareia, oiai, ua aloha au i kuu aloha no ka mea ua aloha kuu aloha ia'\i. Aole no hoi i nele ko'u aloha i kuu apuni ame kuu la'hui, aka, o ka nohoalii ua hiki no ke hoopihaia ia maka-iua ke hemo ae au alaila aole no e piliki ka lahui ame ke aupuni. E ae anei oukou ia'u e hookuu aku i kuu hauoli mau ma ka mare ole ana, a e noho poo aupuni aku au iloko o ka ehaeha ame ke kaumaha? Ke manao nei au aōle." "Aole oe e haalele mai ana ia makou. Aole oe e haalele i ka nohoalii a ko mau kupuna i na'i ai no na kenekulia he nui?" wahi a ka Puuku i ninau aku ai. "Ua hoowahawaha anei oe i kou lahui?" Ma keia mau kuka'i kamailio ana aia ka hapanui o ka hale ke noho la me na manao ikiiki a maopopo ole i. ka mea e hana aku ai. "Ae, he mea*maopopo io no ia. aole e haaiele i ka nohoalii ame ka lahui me ka loaa ole o-na hoehaeha ana i ka I naau, aka, e hna io aku no wau meka manaopaa." ! "Ke noi aki/ nei au ia oukou, e o'y mau haku, e ae laelae mai oukou i ka mare ana o ko oukou poo aupuni me Gerenefolo Lore. I wahine mare au nana; a ke noi aku nei au ia oukou e haawi mai i ka hauoli piha ia'u ma ka hookomo ole aku ia'u e noho iloko o ka ehaeha e hekaū mai ana maluna o'u ke waiho au a haalele i ka nohoalii a kuu makuakane ame kuu mau kupuna i noho hoomalu ai a haalele i ka lahui i aloha maopopo ia'u a'u no hoi i aloha ai; he haawina maopopo loa keia e hoike mai nei ia'u i ka hiki ole ke hoomahae ae. Ua makemake loa au e noho pu kuu Lore wiwoole me a'u ma ka nohoalii ma ka oihana hoomalu." Alaila, hoomaka aku la lakou e noonoo pono me na manao maikai a makili mai la na noonoo maikai 'ana a mamua o ka hookuu ana i ka halawai ua hooholo like ia ae la e ninau aku I ka manao o ka lahui no ko lakou hoapono i ka ka aha kuka i hooholo ai oia hoi e hoohui i ko lakou moiwahine letiwa me ke kanaka Amerika Gerenefolo Lore. Iloko o keia kukakuka ana a iwaena o ka poe hoopupu loa ma ka ae ana oia ka elemakule Caaepa aka mahope mai ua hui pu mai la oia iloko o ke kulkahi. ' He mea oiaio ua lanakila ka Moiwahine letiwa, oiai, i ka manawa i haawiia aku ai ka hoolaha a puni ka aina aia hoi, ua loheia aku la na leo hooho mahalo o ka lehulehu no keia hoohui ana, e apono ana hoi i ka oielo hooholo a k& aha knka, a holopapa ae la

ka ike mai o a o o ka aina e hookoia j ana ka oihana mare maluna o na opio kupaa ia laua iho a mahope o ka hala ana o ekolu pule no na hoomakaukau ana ua hooko io ia aku la ka hana. ************ I ke kaa-ahi e puhi ana i kona mvahi mai kona puka-uwahj aku, he hoailona o ka hoomakaukau ana e haalele iho 1 ka hale-hoolulu o Grostaka a holo aku 'no kona mau wahi hoolulu, a aia ke kahua iloko o ke kulana iaukanaka oiai ua piha maoii i na.makaainana mai ka poe hanohano o ka aina a ka poe ilihune, a aia na koa ke ku makaukau la | no ka hoohiwahiwa ana i na hana o ka la, a.e alaalawa mau ana na maka o ka lehulehu, mai kamalii a kanaka makua, na wiahine ame na kane, ame ka poe no apau o ka aina koe aku ka poe nawaliwali a kolopupu a haumakaiole e ike i na mea i ake nui ia, aia Ikeia aku la ka hoio ana mai o kekahi kaa nani maōli I maa i ka ike a na makaainana, e hukiia ana e na paa lio elua e ukaliia ana e na koa ame na ukali mahope aku, alaila ua wawalo ae la na leo huro o ka lehulehu iloko o ka lewa-lani e hooho mahalo ana. I ka manawa i ku iho ai ke kaa ma kahi hoolulu kaa-ahi ua lele aku la na ukali a wehe ae la i ka puka o ke kaa nani alaila lele mai la kekahi kanaka kulana o ke kanaka u'i loihi maikai me na papalina loloa he kanaka i aahuia me ka aahu piha o ke kulana hanohano a kiekie a mahope mai ona i lele pu mai ai he wahine opio loihin maikai, nona ke kino pilalahi maikai me na hiohiona lamalama maluna o kona mau p,apalina nohenohea loloa e nele ole ai ka huki ia o ka noonoo o ke kanaka no . ka haawi mahalo ana. | Ma keia manawa,- ua hoomaka aku la ka lehulehu e haawi i na leo huro. "E ola mau loa ka Moiwahine, e ola mau loa ka makou letiwa!" E ola mau loa ka makou moi hou, e ola mau loa ka makou Lore!" I ka manawa i kani ae ai ke oeoe o ke kaa-ahi, ua kau aku la ka Moi hou o Grostaka me ka Moiwahine letiwa iluna o ke ka'a-ahi a mahope aku o laua ka ukali o ka Moiwahine, ke kaukaualii wahine Degamoa me kona pili aoao.ke kanaka Amerika Hale Anagrusi. "Ma ka hoike a ka Moiwahine e hoohala ana makou he mau la loihi i Amerika ke hiki aku makou ilaila no ko laua hoohala manawa hauoli," wahi a kapena Kuinoka i pane aku ai i ka Makainui, "a e hoi mai ana makou iloko o ka wa kuuono. "Gede.bai a hui hou," wahi hou a ke kapena i ka makainui, me ka lululima ikiika ana a hakalia a kau ke kapena iluna o ka paepae alapii o ka holo aku la no ia o ke kaa-ahi a no Farani ka pahu hopu. i Ma ka hoopau ana ae i ka,Moolelo o ka kakou letiwa, ka wahine opio kupaa a kui'o ma ke aloha oiaio, ka wahine nana i ume a ahai ae i ka puuwai 0 ke kanaka .ua hoohala aku la laua he mau Ja i Amerika ma keia huakai a laua a huli hoi mai la i ka aina kahi a laua'i noho poo aupuni like ai no ke», hoomalu ana' i ka lahui a ua lilo laua 1 mau alii aloha nui ia e ka lahui. Ua noho pji no hoi o Anagusi me kana wahine ke kaukaualii-wahine Degamoa, i ke aloalii ma na oihana i haawiia mai na laua. KA HOPENA.