Ka Nupepa Kuokoa, Volume XLI, Number 26, 26 June 1903 — MANAO E KUKULU HOME. [ARTICLE]

MANAO E KUKULU HOME.

O ke pookela o na kanaka apau i noho iloko o keia honua ma na mea apau, ma na hana apau, oia no ko lakou Haku lesu Kristo, a o ka poe e hahai aku i kona meheu aole e nele ko lakou heluia ma ia ano hookahi. O na kahunapule ka poe i maopopo ka helu ia, o ka poe i kahunapuie maoli aole ma ka nanaina a kulana paha (no ka mea he nui ka poe i lilo i kahunapule a lilo no nae i poe lalau) aka hookahi mea maopopo loa oia ke kanaka e hookauwa ana iaia iho no ka po--1 no o ha'i. | Iloko o keiamahele i komo mai ai keia poe wilikina o ka Hoomana Katolika i hoopukaia ma ke Kilohana nei o ka helu i hala. Ua haawi lakou i ko lakou ola ame ko lakou ikaika no ka pono o ha'i. Mamuli o ia kumu i ae ai • lakou e noho i kahi i makemake ole ia helu i hala. aU haawi lakou i ko lakou hauoli o ka noho hoohauoli ma ka noho ana iloko o ka inea no ka hooikaika e hoolana i ka poe i loaa i ka pilikia. Maloko o na paia o Kalaupapa lakou i hoomanawanui ai a ma na wahi ho 0 lakou i hoonohoia aku ai. Ua hana lakou me ke kaniuhu ole me ka nana ole i ka uku ia mai, a i ka nana ana me he mea la p lakou paha na kauwa 1 hooko maoli i kela manao e pa-e mau ana "hana no ke aloha." A e like me ka mea i hoopukaia pela i loaa ai ka ike i ka lehulehu ua hapauea mai ka ikaika hana ua palupalu na lala, a oiai aole o iakou mau home ponoi ua ulu mai la ka noonoo e hoomaha no na la I koe, ina pela he mea pono e loaa ona home. Ina e hoohui i ka lakou wahi loaa i hoomakaulii ai, no ka mea he kokua mai ke Aupuni ia lakou, me na kokua o ka poe e aloha ana alaila e lawa ana ka huina i makemakeia, a o ke ku no ia o ko lakou home, a he home ana ia, aohe no lakou wale no aka no na kaikuahine wiilkina apau o keia mua aku. Ma ka manao ana o ke kuiana ame na ano o keia poe wilikina ua lawaia no ka leo hamau e pa ai iloko o ka uhane o ke kanaka no ke kono ana iaia e komo kokua aku iloko o keia hana maikai.