Ka Nupepa Kuokoa, Volume XLI, Number 26, 26 June 1903 — Kakooia o Luna Nui Kupa. [ARTICLE]

Kakooia o Luna Nui Kupa.

Ma ke kakahiaka Poakolu nei lune 24, i haawi mai ai o Lunakanawai Gia i kana olelo hooholo e kakoo ana ia Henry E. Cooper, Lunanui o na Hana Hou, ma ka hoopii a Kiaaina Dole et al., ka poe i hookohuia e ke Kanawai Kalana i mau lala no ka Papa Nana 0 na Hale Oihana Aupuni, ku-e i ka Luhanui o na Hana Hou, Henry E. Cooper, no .ka hookuu ana mai i ka poe 1 oleloia ae nei maluna i ka malama ame ka hookele ana i na hana o ka lehulehu ame na waiwai i haawiia e ke Kanawai Kalana. Ma ka olelo hooholo a Lunakanawai Gia, ua olelo ae oia ua ku-e na pauku apau e pili ana i na Papa Nana o na Hale Oihana Aupuni i ka Pauku 80 o ke Kanawai Hooponopono Panalaau, a no ia kumu ua mana ole keia; a no ko lakou pili pono ole i kekahi mau mahele e ae o ke Kanawai Kalana, aole ia he mea e hooliloia ai ke Kanawai Kalana i mea ole, aka, ua hiki no i ke Kanawai Kalana ke ku a hoohanaia me ka hookaawaleia ana o na pauku mana ole. No ia kumu ua hooholoia ka olelo hooholo no ka pono o ka mea hoopiiia, Henry E. Coper.