Ka Nupepa Kuokoa, Volume XLI, Number 26, 26 June 1903 — KA MOOLELO KAAO O LAIEIKAWAI KA HIWAHIWA O PALIULI, KA WAHINE O KA LIULA. [ARTICLE]

KA MOOLELO KAAO O LAIEIKAWAI KA HIWAHIWA O PALIULI, KA WAHINE O KA LIULA.

MOKUNA I. Na makua o Laieikawai—Ka olelo paa a Kaliauokapaka imua o Malaekahana—Hapai o Malaekahana—Ka hele ana imua o laekahana, a kapaia iho la o Laieikawai, hanau hou mai la ke Kahuna —Hele o Kahauokapaka i ka lawai'a —Hanau o Maa kapaia kona inoa o Laielohelohe —Ka ihoi ana mai o Kahauokapaka—Ka noho ana o Laieikawai i Waiapuka—Ka hiki ana mai o ka Makaula i Oahu mai Kauai mai—Hiki ka Makaula i Waiapuka. I ke kamailio ana i keia kaao, ua oleloia ma Laie, Koolau, kona wahi i hanau ai, a he mau mahoe laua, o Kahauokapaka ka makuakane, o Malaekahana ka makuahine. O Kahauokapaka nae, oia ke Alii nona na okana elua, o Koolauloa a me Koolaupoko, a iaia ka mana nui maluna o kela mau okana. I ka manawa i lawe ai o Kahauokapaka ia Malaekahana i wahine mare nana (hoao) mahoj)e iho o ko laua hoao ana, hai mua o Kahauokapaka i kana olelo paa .imua o kana wahine, o laua wale no ma ke kaawale, oiai iloko o ko laua mau minute oluolu, a eia ua olelo paa la: "E kuu wahine, he nani ia ua mare ae nei kaua, a nolaila, ke hai nei au i kuu olelo paa ia oe; i noho aku auanei kaua a i Joaa ka kaua keiki a he keikikane, alaila pomaikai kaua, ola na iwi iloko o ko. kaua mau la elemakule a haule aku i ka make, nalo no hoi na wahi huna; na ia keiki e nai na moku e pau ai, ke loaa hoi ia kaua ke keiki mua a he keikikane; al£a hQi, ina he kaikamahine ke hanau mua alaila e make, a ina he mau kaikamahine wale no ka kaua ke hanau mai e make no, aia no ke ola a hanau mai a he keikikane, ola na-hanaumuli ina he mau kaikamahine." I ka ewalu paha o na makahiki o ko laua noho ana he kane a he wahine, ihapai ae la o Malaekahana, a hanau mai la h6 kaikamahine, ua maikai na helehelena i ka nana aku, a no ka maikai o na helelielena o ua kaikamahine nei, manao iho la ka makuahine 0 ke kumu la hoi ia e lilo ai ka olelo paa a Kahauokapaka i mea ole, ola la hoi ua kaikamahine nei, aole ka! Ia manawa i hanau ai aia nae o Kahakuokapaka i ka lawai'a me na kanaka. A hoi mai o Kahauokapaka mai ka lawai'a mai, «haiia aku la ua hanau o Malaekahana he kaikamahine. A hiki ke alii ika hale, ua wahiia ke kaikamahine i ke kapa keiki, kena koke ae la o Kahauo* kapaka i ka Ilamuku e pepehi. Ma ia hope iho hapai hou o Malaekahana, a hanau ihou mai la he kaikamahine, o keia nae ke kaikamahine oi aku o ka maikai mamua o kela kaikamahine mua, manao iho la e ola ana la hoi, aole ka! Ike ae la o Kahauokapaka ike kaikamahine e hiiia mai ana, ua hoaahuia i ke kapa keiki, ia manawa, kena koke ae la ke alii 1 ka Ilamuku e pepehi. Maihope mai, ua hapai wale no o Malaekahana, he mau kaikamahine wale no, aole nae i ola iki kekahi o ia mau hanau ana o Malaekahana, ua pau wale no i ka pepehiia e like me ka olelo paa a ke alii. A i ka hapai hou ana o Malaekahana i ke keiki, o ka lima ia, a kokoke i na la hanau, hele aku la kela a imua o ke Kahuna, a olelo aku la, "E! auhea oe E nana mai oe i keia opu o'u e hapai nei, no ka mea, ua pauaho ae nei hoi i ka pau o na keiki i ka make i ka pakela pepehi a ke kane, aha ae nei a maua keiki, aha no i ka make; nolaila, e nana mai oe i keia opu o'u e hapai nei, ina i ike oe he kaikamalyne, e omilomilo ae au, oiai aole i hookanaka ae ke keiki. Aka hoi, ina i ike mai hoi oe i keia opu o'u e hapai nei a he keikikane, aole ana." Alaila, olelo mai ke Kahuna ia Malaekahana, "0 hoi, a kokoke i ko la hanau, alaila hele, mai oe i o'u nei, i nana aku au i keia hapai ana." A kokoke i na la hanau, i ka malama o Ikuwa, i na la kapu heiau, hoomanao ae la o Malaekaihana i ke kauoha a ke Kahuna. laia nei e nahunahu ana, liele aku la keia imua o ke Kahuna, me ka olelo aku, "I liele mai nei au ina ke kauoha a ke Kahuna, no ka mea, ke hoomaka nui nei ka nahunahu hanau keiki ana, nolaila, ano oe e nana mai oe i.kuu keiki e hapai nei." Ia Malaekahaiia me ke Kahuna e kamailio ana no keia mau mea, alaila, hai aku la ke Kahuna i kana olelo ia Malaekahana, "E hailona aku au ia oe, ma ka mea a'u e noi aku ai, e haawi mai oe." Ia manawa, nonoi aku la ke Kahuna ia Malaekahana e haawi mai i kekahi lima imua o ke alo o ke Kahuna, e like no me ka hailona mau o keia laliui, ma ka lima no nae ana e makemake ai e haawi aku imua o ke Kahuna. Ia a ke Kahuna i noi aku ai i kekahi lima, haawi mai la o Malaekahana i ka lima hema, me ka hoohuliia o ke alo o ka lima iluna. Alaila, hai aku la ke Kahuna ika hailona iku i kana ike, "E hanau hou ana no oe lie kaikamahine, no ka mea, ua haawi mai nei oe i kou lima hema ia'u,«me ka huli nae o ke alo o ka lima iiuna." A no keia olelo a ke Kahuna, kaumaha loa iho la ka naau o Malaekahana, no ka mea, ua kumakena mau kela i ka pepehi mau a kana kane i na keiki mua; nolaila noi aku la o Malaekahana i ke Kahuna e noonoo mai i mea e pono ai ka wahine, a e ola ai hoi ke keiki. Alaila, hai aku la ke Kahuna i kana mau olelo ia Malaekahana, "E h(ft oe a ka hale, ina e hiki i ka wa e aneane ai e hanau, alaila ea, e ono ae oe i ka ohua, me ka olelo aku ia Kahauokapaka, nana ponoi no e lawai'a, o ka i'a ponoi no e loaa ana ma kona lima oia kau i'a e ono ai; no ka mea, he kanaka puni kaalauoliua lioi ko kane, i lilo ai kela i ka lawai'a, ike ole ia i kou hanau ana, a ina e ihanau ae, alaila, na'u e malama ke keiki, i hoi mai i}i ua lilo ia'u ke keiki, a ina e ninau mai, hai aku oe he keiki alualu, alaila pau wale." A pau ka laua kamailio ana no keia mau mea, hoi aku la o Malaekahana a hiki i ka hale, ia manawa, nui loa mai la ka nahunahu ana a aneane e hanau, alaila, hoomanao ae la o Malaekahana i na olelo a ke Kaliuna i a'oa'o mai ai iaia. A i ka inao ana'e o ka eha no ka aneane hanau, olelo aku la; 0 Malaekahana i kana kane, "E Kahauokapaka e! ke kau mai nei 1 ko'u mau maka ka oliuapalemo; nolaila, e holo aku oe i ke kaa-lauo-hua, me he mea'la a loaa mai ka ohuapalemo, alaila hemo kuu keiki, akiihi wale no o'u hanau ino ana, ame ka ono o'u i ka ohua; nolaila, e hele koke aku oe me na kanaka i ka lawai'a." Ia manawa, puka koke aku o Kahaokapaka a hele aku la. Ia lakou e hele ana, hanau ae la ua keiki nei he kaikamahine, a lilo ae la ia Waka ka hanai, a kapa iho la ika inoa o Laieikawai. Ia lakou no hoi e lawelawe ana i ke keiki mua, hanau hou mai he kaikamahine no, a lilo ae la ia Kapukaihaoa, a kapa iho la i ka inoa o ka muli o Laielohelohe. A lilo na kaikamaliine ma ka lima o Waka a me Kapukaihaoa me ke kaawale, hoi mai la o Kahauokapaka mai ka lawai'a mai, ninau iho la i ka wahine, "Peliea oe?" I mai la ka Wahine, "Ua hanau ae nei au he keiki alualu, ua kiolai'aku nei i ka moana." Ua akaka mua no nae ia Kahauokapaka ka hanau ia lakou i ka moana; no ka mea, elua hekili o ke kui ana, manao ae la no , hoi o Kahauokapaka ua ;hanau ka wahine; mai ka hanau ana o . Laieikawai me Lailolielohe, oia ka hoomaka ana o ka hekiki e kani iloko o Ikuwa, pela i olelo ia iloko o keia moolelo. I (Aole i pau.)