Ka Nupepa Kuokoa, Volume XLI, Number 26, 26 June 1903 — Na Anoai o Lilii Lehua i Hopoe [ARTICLE]

Na Anoai o Lilii Lehua i Hopoe

HILO, lune 19. —Ma kahi noho hou o ke kahu o ka Luakini'o Haili e hoomaka mua ai na hana hoomanao o ka la 4 o lulai. Mai ke awakea a hiki i ka po o ka Poaha, lulai 2, e malamaia ana kekahi luau nui malaila, no ka hoolaa ana i ka hale hou o ke kahu, a o na loaa o keia ahaaina, no ka pono ia o ka Luakini o Haili. E hiki aku ana ka' Moiwahine Liliuokalani ame ke Keikialii Kuhio Kalanianaole ma keia ahaaina, a e hiki mai ana no hoj o Sam Paka ame kona mau paniolo. E kukuluia ana i ehiku mau pakaukau no ka hiki ana ke nono i 200 poe i ka wa hookahi. Aia na hookele ana malalo o na lede Hawaii o Hilo. NA HANA HOIKE O KE KULA HA- . NAI. Ua nuj ka poe i hiki ae maloko o ka Luakini o Haili e ike ai i na hana hoikē a na keiki o ke Kula Hanai o Hilo ! ma ka po Poalua nei. He eono ka nui ■ o na keiki i hemo i keia makahiki a ua pau pono ia lakou na mea i a'oia ' ma keia kula. Eia iho ka inoa o na keiki i hemo: Ela Kahakulani Akaua, [ Wiliama Kawaimakaole Kelli, Pua Kaanaana, Thomas K. Kaanaana, George Kawekiu Manu, Robert Pauole. HOI MAI NA KOA. t Ma nehinei i hoi mai ai na koa o ke

taona o Hilo mai ka hoomoana ana me na koa kumau o Amerika Huipuia ma Honolulu. Ua nui ko lakou mahalo i na hookipa maikai i haawiia aku iā. lakou ma Honolulu. Ua nui ka mahalo o na alii o ka Puali D i ka hana a na koa o ia puali, aiko lakou hulihoi ana mai, ua paani ka brfha aupuni ame ka ukali pu ana a ka Puali P. KELA AME KEIA. ' I ka noho ana o ka aha koronero e noonoo i ka mea e pili ana i ke kino o ka lapana i loaa aku ma ka pali o Papaaloa i keia mau pule iho nei, ua hooholoia ua make oia ma ka lima o kekahi mea i maopopo ole. . Ua hooauheeia ka hui kinipopo o Olaa e ka hui Waiakea ma ka Lapule nei me na puni o 14 ia 2. Ua olelo ae na keiki o Olaa aia a pau ka laha ana a ' ka ma'i hakihaki iwi alaila maikai ka ■ lakou paani ana. Ma kahi o Rev. S. L. Desha e noho ' ai ka. Moiwahine ke hiki mai oia ma Hilo nei. I Ua aa aku kekahi hui kinipopo kanaka momona i kekahi hui kinipopo kanaka wiwi e paani kinipopo ma ka la 4 o lulai. Ina e aeia mai aiia keia mea, alaila e hoomaka ana ka paani ana i ka hora 4 o ka wanaao a pau i ka hora 12 o ke awakea i loaa ka wa e hele ai e nana i na hana heihei.