Ka Nupepa Kuokoa, Volume XLI, Number 46, 13 November 1903 — Hiki Pono Ole ke Hoolana i ka Mokuahi Manakuria. [ARTICLE]

Hiki Pono Ole ke Hoolana i ka Mokuahi Manakuria.

PILADELEPIA, Oct. 31.—0 ka mokuahi Manakuria, i hanaia iho nei no ka Hui Mokuahi Laweleta Pakipika, ua paa ae, a hiki ole ke hoolana la aku i keia la ma ka pa kaplli moku o ka Hui Kapillmoku Xu loka, ma den, N. Y. Ua hoaoia ae ma na ano aoau e hiki ai ke hoolana ae iaia ua hiki ole no nae. I ke awakea ua emi aku ke kai, nolaila, ua hoopanee ia kona hoolana ia ana aku. O Miss Laura Wiek ka mea nana e kapa i ka inoa, a iwaena o ke anaina o na lunanui kekahi o ka hui. I keia ahialii akahi no a hiki ke hoolana la ka moku. O ka mokuahi Manakuria oia ka hoa o ka Mokuahi Monogolia i hoolanaia i ka la 25 o lulai, a ke aneane nei keia moku e paa a makaukau hoi no ka hoao ana. Ua hanaia keia mau mokuahi no ka Hui Mokuahi Atelanika, eia nae oiai laua e hanaia ana n®, ua kuaila ae a lilo ana l ka Hui Laweleta Pakinika, a e hooholo ia aku ana mawaena o Kapalaklko, Hawaii, Kina a me lapana. t O ka loihi o Manakuria he 625, 65 kapuai ke akea, 51 kapuai ka hohonu, 16,530 tona ke kaumaha a he 14.000 tona kona piha ukana. He 12000 lio ka ikaika hoonee o kona mikini a o kona averika holo he umi-kumamaono nota.