Ka Nupepa Kuokoa, Volume XLII, Number 3, 15 January 1904 — KA AHAOLELO KUIKAWA [ARTICLE]

KA AHAOLELO KUIKAWA

O ka hoonoaia ana o ke Kanawai Kalana i ka Poakolu nei aole ia he mea nana e kono aku i ke Kiaaina Kaaka e leuhea oia i ahaolelo kuikawa e noonoo no na haawina hoolilo o ke aiipuni no ke koena manawa o elua makahilei e hele aku nei. Ua olelo moakaka na olelo o ke Kanawai Kumu a ua hoomana pu mai no hoi ia mau olelo i ka Puuku, me ke a'o pu ana a ke Kiaaina, e uku aku i na hoolilo apau o ke aupuni mai ka waihona dala ma o ka bila haawina i hooholoia ai e ka ahaolelo o ke kau mamua iho. Oia hoi, ma kahi a ma na haawina hoi a ka Ahaolelo o na makahiki 1902-3 i haawi ole ai i ke aupuni Teritori ma o ka lilo ana malalo o na hooponopono ana a na Kalana, a ma keia haulehia ana o na kalana, ke ku hou mai nei no keia mau haawina a ke koi mai nei i ko lakou mahele, a no ia mea, o na mahelehele ana i aponoia maloko o ka bila haawina o 1900 oia no ko lakou haawina no ke koena manawa e hele aku nei, a ma ka hoopokole ana ke hoi hou nei kakou malalo o ke kula'na aupuni mua i hookahuaia ai e ka ahaolelo ma Wasinetona, a i ka bila haawina hoi i hooholoia ai ma ia makahiki e ka ahaolelo mua a i hoomau hou ole ia ai e ka ahaolelo hope mai.