Ka Nupepa Kuokoa, Volume XLII, Number 3, 15 January 1904 — Pauahi o ka Po Poalima o ka Pule i Hala. [ARTICLE]

Pauahi o ka Po Poalima o ka Pule i Hala.

Ua olelo lauaheaia ae o ke kumu ka i pau ai i ke ahi ka hale laau o Kale Aki e noho hoolimalinMi ia ana e k.i poe Pake, Kepani ame na kanaka Hawail, mamuli mai no ka ia o ka huli ana o ke kukui maloko o kekahi kee\na o ka hale o luna e noho hooiimalima ia ana e kekahi poe kanaka. Uuna o ke pakaukau kahi i kukuluia ai o ke kukui a ua puni hoi ke pakaukau me ka poe e noho ana a puni me kekahi mau apanapana pepa oolea e paa ana ma ko lakou mau lima, a mamua iho o ka manawa i huli ai o ke kukui ua kui iho kekahi o lakou maluna o ke pakaukau a palahuli aku la ua kukui nei. E hoomanaoia aia keia hale ke ku nei ma ka hook'ui'na ponoi o na alanui Moi me Liliha ma Kapalama. Aka, he mau hoololoiahili wale ana no keia. O ka j mea nui wale no ua pau ka hale i ke ahi, a aole o ka hale holookoa aka, o kekahi hapa a mahele hoi. Ua hoomaka ka a ana o ke ahi Snaloko o keia keena a hiki i ka puka loa ana iwaho, a ma ka manawa i hiki aku ai o na kaawai ua hikiwawe loa ka holo ana o ke ahi a he ula ahi wale no mai o a o ke ikeia aku o ka hale o luna, a no ka hikiwawe loa o ka a ana o ke ahi aole i loaa he manawa kupono .i ka poe mea halekuai o ka hale o lalo ke lawe i na ukana. Ua pk> no nae ke ahi i ka wa kupono. He $5,000 ka lilo no ke kukulu ana i keia hale, a ua pani hakahaka ia no 12,000 wale no.