Ka Nupepa Kuokoa, Volume XLII, Number 3, 15 January 1904 — He Mau Hawaii Manao Pahi Ahi. [ARTICLE]

He Mau Hawaii Manao Pahi Ahi.

I ka Poaha o ka pule i hala i hopuia ai he elua Hawaii oiwi, o Akoni ame Kahana ko laua mau inoa, o ka mua, no .ka hewa puhi alii, a o ka hope, no ka manao hoohuoiia e hana aku ana oia ia hana ma kahi ona i hopuia ai, a ua manao pu ia no hoi ua uluahewa ko laua mau noonoo maikai. Ua loaa aku o Akoni i kekahi o kona ohana ponoi iloko o ko lakou hale e ho-a ana i ke ahi maloko o kekahi keena moe. Ua hoopuupuu aku oia he paila welu ma kekahi kuono a ua ho-a aku a lalapa, a na ka hohono o ka welu i hooholo awiwi mai i ka nui o ka ohana no kahi o ka uwahi e punohu ana a kinai iho la a pio, aoie nae mamua o ka puka. ana o ka papahele ame ka wela -ana o kekahi mau lako keena. Ua hopuia hoi a Kahana ma ka halekaa o Andrade ma alanui Beritania kahi hoi ona i maau hele ai. a ao ua po Poaha nei. Ua hoomaopopo ia o ka manao maoli o Kahana oia no ka puhi ana i ka halekaa i ke ahi.