Ka Nupepa Kuokoa, Volume XLII, Number 3, 15 January 1904 — Ua Hoopakeleia mai ka Make a ka Pololi. [ARTICLE]

Ua Hoopakeleia mai ka Make a ka Pololi.

Ma ke kakahiaka o ka La Sabati, Dekemaba 13, ua ikeia aku e ka moku kiapa Ohapman he wahi mokūkuna Farani nona ka inoa La Croix Du Susud e kau ana i ka hae hoailona o ka popilikia he 240 mile ka mamao mai na paemoku Pitcairn mai. I ka hoomaopopoia ana o ke kumu* poino i keia wahi moku ua ikeia iho la ua halawal oia me ka popilikia ma o ka nele ;:i ame wai. Ua haalele aku keia mokukuna ia Papeete he 42 la i hala ae a e holo ana i ka mokupuni Mangarawa, nona ka mamao he 240 wale no mile. Ma keia holo ana ua nalowale i ke kapena a maopopo ole iho la iaui ka iatitu ame ka lonitu kahi a ka ih.u o kona moku e holo nei. He huina nui o na oJiua, kane, wahine ame na keiki mawaho ae o na luina, ko luna o ka moku. Ua haawiia aku na kokua ana ma na meaai ame ka wai, a ua kuhikuhi pu ia akU ka ihu ame kahi ana e holo ai. He mea maopopo ina aole i loaa i na kokua i ka wa kupono ina ua pau keia mau ola makamae i ka poino.