Ka Nupepa Kuokoa, Volume XLII, Number 3, 15 January 1904 — Na Manao Kanawai o ka Hope Loio Kuhina. [ARTICLE]

Na Manao Kanawai o ka Hope Loio Kuhina.

Mamuii o na kono ana a ka Luna Hooia Mr. Fisher, ua waiho aku ka Hope Loio Kuhina i kona manao kanawai no na mea e pili ana i ka haawina dala o $854.80 a ka ahaolelo i hoohoio ai no ke koi a Lunakanawai J. W. Kalua mahope iho o ka hoole ana a ka Papa Ola aole e ukuia'ua koi la. Ma ua manao kanawai la ua oleio ka Hope Loio Kuhina aole i loaa lea mana i ka ahaolelo e hookaawale ai i haawina dala mailoko ae o na dala o ka lehulehu no na koi pilikino a kekahi mea hookahi. No ka mea, o keia haawina dala i hookaawaleia ai no Kalua hookahi wale no na pomaikai ,e loaa ana a aole hoi no ka lehulehu holookoa, a oiai no hōi he koi pilikino wale iho no keia a rio ka mea hookahi wale iho no, nolaila, o keia haawina i hookaawaleia iho la ua kaa ia mawaho aku o ka mana o ka ahaolelo. Ua hookahua hou iho no hoi keia manao kanawai maluna o ke kahua o na olelo o ke Kanawai Kumu ma kahi e olelo ana ua hiki i ka ahaolelo ke hana i na haawina dala ma o ko lakou noho kuikawa ana "no na lilo mau no ka hookele ana i-ke aupuni ame ka uku ana i kona mau lilo poiioi i Jcu i ke kanawai." Ma keia manao kanawai me he mea la e hoole ana ka Luna Hooia i ka uku ana i keia haawina ia Lunakanawai J. W. Kalua.