Ka Nupepa Kuokoa, Volume XLII, Number 6, 5 February 1904 — Page 2
| This text was transcribed by: | Kate Motoyama |
| This work is dedicated to: | sister lisa eng-beeman |
Ka Nupepa Kuokoa
KE KILOHANA POOKELA NO KA LAHUI HAWAII.
3 NUPEPA KUOKOA, FEBERUARI 5, 1904.
KA
Nupepa Kuokoa
--
NO KA MAKAHIKI - - - $2.00
NO EONO MAHINA - - - 1.00
--
SUBSCRIPTION RATES
ONE YEAR - - - $2.00
SIX MONTHS - - - 1.00
O NA OLELO HOOLAHA APAU E
HOOUNAIA MAI ANA NO KA HOO-
LAHA MALOKO O KEIA NUPEPA. E
HOOUNA PU MAI ME KA AUHAU,
A INA AOLE AOHE NO E HOOKO-
MOIA. E HOIKEIA AKU NO KA A-
UHAU OLELO HOOLAHA KE UI
MAI I KE KEENA NEI.
--
O na Dala apau o ka Pepa e hoouna pololei
mai i ka HAWAIIAN GAZETTE
COMPANY, LTD.
--
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu,
Panalaau o Hawaii, ma ke ano
Mea o ka Papa Elua.
--
DAVID L. A-I, : : Lunahooponopono
S. K. NAWAA, : Kokua Lunahooponopono
A. W. PEARSON, : : : Lunanui
HONOLULU, OAHU.
POALIMA, : : FEB 5, 1904.
--
NA KANAWAI TERITORE ME FE-
DERALA.
--
O ka hooloheia ana o ka hihia apuka o James H. Hakuole iloko o ka Aha Hookolokolo Apana Fedarela imua o Lunakanawai S. B. Dole i ka Poakahi Jan. 25, a ke Aupuni Amerika i hoopii ai iaia no ke apuka i kona waiwai oiai ka mea i hoopilia e noho hana ana iloko o ke Keena Ohi o na Loaa AUpuni ma Hawaii, o keia hihia kekahi mea nana i hooaiai ae a moakaka loa i ka maka o ko Hawaii nei poe i ka like ole o na kanawai Fedarela ame ko ke Teritori nei.
O keia kumu hoopii a ke Aupuni Nui ia James H. Hakuole, ua like loa ia me na kumu hoopii a ke Teritori i hoopii ai i kekahi mau luna aupuni Teritori mamua koke iho nei, eia nae, i ka manawa o ka hooloheia ana o lakou apau ua ike ae ia no kakou i ke au iki ame ke au nui, oia hoi, hemo na mea i hoopiiia no lakou na hihia o ke ano koikoi aku ma ke kanawai Teritori a paa hoi keia kanaka opio nona ka hihia o ia ano hookahi no, o ke ano mama nae.
Malaila paha, e olelo mai ana kekahi no ke ku ole no i ka hewa ke kumu o ka palemo ana ma ka apua, a makou e komo kokua pu aku nei ma ia mahele, aka aole lakou apau loa ma ia mahele, oiai, aia no he poe i komo pono iloko o kapuahi, e hiki ole ai ke alo ae i ka ike iho he mea pono e miko i ka paakai, eia nae i ka hiki ana mai i ka panina ua palemo aku ia.
Aole keia he kualehelehe wale, aka, he hoomaopopo pono ana i na mea i hanaia maluna o keia mau rula Teritori o Fedarela. O ka hoomaopopo ana keia i ka oiaio o ka hookoia o na oiaio o na kanawai o Amerika Huipuia i lohe mua la e kakou, oia hoi, i na la i hala, he lohe pepeiao wale no a i keia he hoomaopopo ana.
O ko makou manao ma keia hooaiai ana maluna o kela kumuhana oia no ka hoaai aku i kela maikai loa iloko o ka noonoo o ka lehulehu e pulamaia nei e ke kanawai Fedarela i hoopahemohemo ia hoi e ko kakou Teritori. Ma ke Kanawai Fedarela aole ana hookuukuu wale i kekahi a kapi miko hoi i kekahi in a maluna o ke kahua like, a aole ana hoopilimeaai ma ka nana pilikino, pili i ka like ole o ka ili--ina he keokeo a eleele paha, eia nae, aole kela he mea e hoole ana i ka pohoialo o kekahi mau hana iloko o ka pono ole--aole ma o ke kanawai ia, aka, ma o ka hana epaepa a pololei ole a kaukapakahi a ka luna nana ka mana hoohana.
--
KA HOOMANAO LA HANAU O KA
MOI LUNALILO.
--
O ka Poaono i hala iho ia oia ka la hanau o ka Moi Lunalilo kekahi o na alii koikoi o ka Paeaina Hawaii i hoolilo i kona waiwai no ka pomaikai o kona lahui, i ka poe palupalu e hiki ole ai la lakou ke malama no lakou iho a i komo ma ka papa o ka poe ilihune.
Oia no hoi ka la i komo hauoli aku ai na elemakule o Lunalilo Home no ka hoomanao ana i ko lakou puuhonua, ke kumu o keia home o ka lokomaikai nui wale, a wahi no a ua mau elemakule nei he "Makua o ka Lokomaika!" a ke Kuokoa e lokai pu nei ma la manao ohaoha o keia poe palupalu.
Aia a hiki mai i keia la hanau o keia alii o ka aina alaila e hapai ikaika ia na manao hoomanao o na ohua o keia home a i na makahiki i halaua hooko mau ia aku a o mau hooko ana oia no ke no mau ana o ka inoa o keia moi aloha a oia no hoi ke oia mau ana o kona la hanau a o ka waiwai nui no hoi ia o kana hana.
Ma keia hoomanao mau ia o kona la hanau oia no ka hoike maopopo i ke ao hoiookoa he kanaka ano nui maoli oia a he mea oiaiono la no ka Moi Lunalilo, no ka mea he kanaka ano nui maopopo io no oia, ma kona kulana alii no ka aina, a aole hoi e like me kekahi poe e hoalii wale mai nei la lakou iho i keia mau la oiai i ka wa o ke aupuni moi aole he loheia o ia mau ano, aka no Lunalilo aia he haawina pookeia maopopo mawaho ae o kona kulana @oi he haawina koikoi maopopo nanai hookau aku iaia ma ke kahua o ka olelo kaulana i hoopuka mau la, "Ma ka hua o ka hana a ke kanaka e ikeia kona ano."
Aole a makou olelo ana no kona kulana alii, oiai ua hanau alii ia mai oia, mai ka puhaka mai o kekahi mau alii nui o ka aina, aka o ka makou e kahele nui nei, a he haawina maikai loa a he kumu hoohalike hoi na kakou
Ke Puhiahi ame ke Kanu Kupapau ana.
--
O kekahi ninau ano nui keia, o ke puhiahi ana i ke kino make o ke kanaka a i ole e kanu i ka honua, he ninau hoi inoonooia a i heluheluia e Mr. F. J. Lowrey imua o ka Aha Akeakamai Hoohauoli ma ka halawai i malamaia ika Poakahi nei a e puka aku nei hoi ma keia helu o ke Kilohana.
He ninau no hoi keia i hoopiena ae i ka nui lehulehu o ke kulanakauhale nei iwaena no nae o ka hapanui o kekahi poe Hawaii ame kekahi poe lahui e ae i ka manawa o ka ma'i bubonika a ua lilo maoli i enemi no lakou.
Ia kakou Hawaii aole e nele ka puiwa no ka mea aole kakou i maa a i ike hoi ia ano hana i na wa i hala a hiki wale i ka manawa i hoomakaia ai ia hana iloko o Hawaii aloha, ma kekahi olelo ana he lahui kakou i maa i ke kanu i ke kino iloko o ka honua.
Nolaila, i ka hoohaili ana i kela kumuhana puhiahi kino kanaka imua o kakou aole no makou e puiwa i ka hikilele e o na manao hoohalahala, no ka mea, oia ana no ka hikimua o na manao apau e puka mai ana mai ka noonoo mai o kakou Hawaii iho, aka i ka poe i imi a loaa pono ka waiwai ame ka maikai o keia hana aole lakou e puiwa.
NO KE KANU ANA.
E like me ka make i hooaiai mua aku ai e pili ana i na pa-ilina pela iho la no ka maikai ame ka maikai ole o ia mahele maluna o keia kumuhana. He maikai kona ma kekahi ano a he maikai ole loa no hoi a he hoopilikia i ke ola o ka lehulehu e ola ana.
He mea hiki ole keia ke hooleia a o ka mea e hoole ana, he hoole kahua ole ana ia. Ua maikai ke kanu ana i ke kino make a aohe he hoohalahala ana no ia mea ke lawelawela iloko o na wahi noho puuluulu nui ole la a aole he maikai e like me na kulanakauhale a oi loa aku in a he pa-ilina i kanuia na kino elua a ekolu a oi aku iloko o ka lua hookahi, ame ka imi ana o ka poe i hoolilo i ko lakou manawa ma ia hana ua loaa maopopo ka ike i ka inoino maopopo maoli o ke ea a in a he wai kekahi e kahe ana malaila aole io e nele ka hoopoino o la pa-ilina i keia wai he mea hoopoino hoi i ke ola o ka lehulehu e inu ana.
Aole he mea hiki ke hoole i ka oiaio o keia wehewehe manao oiai ua ikeia ka oiaio maloko o kekahi mau wahi no lakou na pa-ilina i kaheia e ka wai a he luawai papau i inuia hoi e na kanaka. Aole keia e olelo ana no na pa-ilina kaukani kapuai e hiki ai no ke olelo iho e hiki ke hookahinu aku ka ino o na kino kupapau i ka wai.
Nolaila, i ka lawe ana o ke kanaka i keia kumuhana a noonoo no kekahi manawa aole e nele kona hiki aku no kona olelo hooholo e like ae la me ka makou i hoike ae ia a ano like pu ha me ia a oi loa aku paha no ke kaoo ana i keia mau oiaio.
NO KE PUHIAI.
A no ke puhiai hoi--he haawina menemene loa ia i ka kakou noonoo ana a huiia hoi me ka hoonuinui leo hoomaka'uka'u a hoino a na alakai kalaiaina e like me na la i hala iho nei, "mea ae no he puhiahi" ua komo maoli ka maka'u iloko o ka uhane o ke kanaka, a i kana noonoo iho he ino wale no na mea apau i pili ia mea.
No ka mea, ua hooaiaiia kela kumuhana i ke akea e kekahi poe kuonoono a naauao o ka aina nei a i manao hoi e kukulu la hana iloko o Hawaii, alaila ke manao nei makou he mea ku pono loa e loaa pui ka lehulehu holookoa keia noonoo i loaa like ai ka ike a puni ka Paeaina. He mea hoonaauao no keia a he mea pono e makili ka noonoo o kakou Hawaii ma keia ninau i ole e olohewa ka hoohalahala a oi aku mamua o ke kupono.
I ka noonoo pono aole e nele ka loaa o keia mau mea--oia hoi, he maemae ka mea ae loaa ana i ke kinoi kupapau mahope koke iho o ka make ana no ka mea e lilo ana kona kino i lehu, a he maemae loa aku hoi ka lehu mamua o ke kino kupapau e kanuia ana iloko o ka honua a hala kekahi mau mua o ke kino kupapau e kanauia ana iloko o ka honua a hala kekahi mau mua o ke kino kupapau e kanuia ana iloko o ka honua a hala kekahi mau manawa aole e nele ka nohoia e na mea kolo mamua o ka popopo ana.
Ua oi loa aku hoi ka maemae o ke kino lehu mamua o ke kino i kanuia no ka mea aole he manawa e hoopoi no ai ka lehu i ka honua, a aole hoi he mea hiki ke hoole i ka hoinoino ia o ka lepo e ka plaho o ke kino i kanuia.
Ua oi aku ka maemae o ke kino lehu i ka ohana--e hikie ai ia lakou e malama ma kahi kupono, a in a nei no ka hele ma kahi mamao ua hiki no ke lawe pu--aole hoi pela ke kino i ka nuia, he ino kana, e hiki ole ai i ka ohana ke malama ia kino, a e hiki ole loa ai ke lawehele ma kahi a ka ohana i makemake ai e hele.
Ua oi aku ka maemae o ke kino lehu o ke ola o ka lehulehu no ka mea ua hiki na kino lehu i puhiahiia ke kanu papa lua ia a paumi paha iloko o ka lua hookahi o kekahi pa-ilina o kekahi kulanakauhale me ka hoopoino ole i ka lehulehu--aole hoi e like me ia na kino i kanu puuluulu ia.
Aole loa e loaa kekahi kumu e ahewa ana i ke puhiahi ana i ke kino make o ke kanaka, a mawaho ae o na kumu i hoikeia ae la he lehulehu aku na kumu e kakoo ana i ka maikai, i ikeia ma na wahi e ae no oia ka menemene i ka hana a ka ula o ke ahi maluna o ua kino make la, aole no hoi i lawa keia ano menemene o ka poe oia i ka hana a ke ahi e kula'i i na kumu kakoo kupono i ikeia no keia hana.
O kekahi mea i oleloia a i wahs-aia kakou Hawaii, oia ke ku-e o keia hana puhiahi i ka Buke Nui i keia mau mea elua.
Ma ka hooaiai am]na o ke Kuokoa ma keia kumuhana aole ia e kalele nui ana he mea pono e puhiahi ia ke kino make ke makemake ole la e hana pela aka he hooaiai ana la kakaou Hawaii i mea no kaou e noonoo ai a hoonaauao ia kakou ma ia ninau ano nui, a ke haalele kekahi i keia noho ana alaila me kona manao e hookoia aikona kino in a nei no ke puhiahi a kanu paha iloko o ka honua, a i ole like me ka ohana e hooholo ai.
--
Hawaii e hoomahele ai, oia ka hana maikai a ka moi i hana ai no kona lahui.
Me kona mau waiwai ua hoohana aku oia i kona noonoo maluna o ka manao e kukulu i home ilihune, kahi ana i makemake nui ai e malamaia kona lahui i piliia e ka hune o na makahiki kanikoo a i piliia e ka nawaliwali kino e hiki ole ai ke hana i oia ai lakou, a mahope o ka hala ana o ka hoohana ana o kona noonoo ua hiki mai la oia i ka panina, a i ka hooko ana oia ia a kakou e ikemaka nei ana hoi i hala e aku i kahi mau.
He hana keia na Moi Lunalilo i hana a aole he mea hiki ke hoole i ka waiwai nui o ia hana ana, a o ka hua o ia mau hana o ka kakou ia e ikemaka nei, ke kumu hoi e hiki ole ai ke hooleia o kona kau ana ma ke kahua o ka olelo kaulana i kuailo mua ia ae nei, "Ma ka hua o ka hana a ke kanaka e ikeia ai kona ano," ma kekahi olelo ana, "ka Lokomaikai o na Hune."
Aole no paha kakou e lilo ana i poe waiwai a ulakolako a nui o ka aina, e nele ole ai ko kakou olelo, aole he hiki la kakou ke hana hoohua e ikeia ai ko kakou ano e like ai me Moi Lunalilo, oiai aole kakou he poe ulakolako a kuonoono, a e olelo ai no hoi kakou, "ua pono na Lunalilo ia hana no ka mea he alii nui, a makou e kokua pu aku nei ia manao kuha'u, aka, aole he kanaka e hiki ke hoole i ka hiki iaia ke hana i kekahi hana, a o ka makou e kalele nui nei o ka hana maikai ke hanaia i hua ai; ka mea hoi nana e hoike ae i kona ano, oiai he hoohaahaa kanaka ka hana a ka hana hewa ke hanaia.
• • •
O KA HOOPALALEHA WALE HE HOPENA POINO MAU. Ma ka manao ano o kekahi poe he mea paani wale no ka lapaau ana i ke anu, a in a e nui loa mai ka pii ana, aole no ia he mea nona e noonoo ai. O ka mea maa mau o ke anu e loaa ana i ke kau anu e hoomau ana no ia a hiki mai ke kau la. He manao hupo loa kela, no ka mea in a no e mau ana ke anu a hiki mai ke kau wela a loaa mai ka maha aia no he poino mamuli o ka nawaliwali ana o na waihona oloko o kou kino nana e hoala hou mai i kekahi mau ma'i oi aku o ke ino. Aole pono e hoohemahema wale i ke au, in a no ua loaa i kekahi keiki a kanaka makua paha, no ka mea he mea hoopoino no la i ke ola kino ame kou ola. Ina no he wai omole o ka Chamberlain's Cough Remedy nona hoi kahi kumukuai haahaa loa he mea no ia e loaa ai ka maha, a ma kona hoohana ia ana e kaupale la aku no na haawina poino apau. No ke kuai aku ma na halekuai laau lapaau apau. Benson, Smith & Co., Ltd., na agena ma Hawaii nei.
--
HOOLAHA HUI I HOOHUIIA
--
HOOLAHA HUI I HOOHUIIA.
--
Ke hoikeia aku nei ma keia o na mea no laua na inoa malalo iho nei, o S. I. Shaw o Honolulu, Mokupuni o Oahu, Teritori o Hawaii, ame J. S. Canario, o Hilo, Mokupuni o Hawaii, a o ka Teritori i oleloia, ua komo ae nei laua ma ka hui e hoohui ana ia laua no ka lawelawe oihana kalepa Hoopae, Kuai aku a hoolilo i ka Waina. Bia ame na Waiona apau, malalo o ka inoa "Hilo Wine and Liquor Company," ma Hilo, Hawaii, i hoike mua ia nei, ame Puna, Hawaii i hai mua ia ae nei.
Hanaia i Ianuari 25, 1904.
J. S. CANARIO.
S. I. SHAW.
3000--Jan. 29; Feb. 5.
--
HOOLAHA MANA KUAI AKU
--
HOOLAHA MANAO KUAI A NO KE
KUAI AKU.
--
Ma kela ke hoolahaia aku nei, i kulike ai me ka mana kuai i hoikeia maloko o kekahi Pauku o kekahi Palapala Aelike i hanaia ma ka la 1 o Maraki, 1902, mawaena o G. Schumann, LImtied, he hui Hawaii i hoohuiia malalo o na kanawai, no ka aoao mua, G. Schumann o Honolulu, Mokupuni o Oahu, Teritori o Hawaii, no ka aoao elua, ame W. S. Withers, he mea e noho ana mamua ma Honolulu i oleloia, no ka aoao ekolu, ke manao nei ka Hui Schumann Carriage Company, Limited, he hui Hawaii, i ikeia hoi mamua ma ka inoa G. Schumann, Limited, e kuai a e kuai aku ana no ka uhakila o na kumu aelike oia ka uku ole ia ana o eha mau palapala ale i kakauia ma ka la 1 o Maraki, 1903, i hanaia e W. S. Withers i oleloia a haawiia ia G. Schumann, Limited, i oleloia, ma ke kudala akea ma ka la 6 o Feberuari, 1904, ma na keena kudala o Jas. F. Morgan, alanui Kaahumanu, he 1,100 mau mahele o ke Kumu Waiwai o ka Hui Honolulu Stockyards Company, Limited, he hui Hawaii, nona ka waiwai io o Umi Dala ($10) o ka mahele hookahi, me na pono, kuleana a pomaikai apau o W. S. Withers i oleloia maloko a ma ua mau mahele la, a o ua mau mahele la ua hooliloia mai e W. S. Withers i oleloia ia G. Schumann, Limited, i oleloia, nona hoi ka inoa e ku nei i kela manawa Schumann Carriage Company, Limited, i oleloia ma ke ano he waiwai hoopaa e ukula ai o na mau palapala ale nei i oleloia, a oia no na mahele i hoakakaia ma ka Palapala Mahele o na Helu, a nona hoi na helu 163, 170, 171, 172, 173 ame 174.
HOOLAHA MAMA KUAIA @ KU.
--
Kuai kuike ma ke dala gula Amerika.
No na mea i hoe e ninau ia Holmes & Stanley, na loio no Schumann Carriage Company, Limited.
SCHUMANN CARRIAGE COMPANY,
LIMITED.
Kakauia Ianuari 9, 1904.
Jan. 15, 23, 29; Feb. 5.
--
HOOLAHA HOOKO MORAKI.
--
HOOLAHA MANAO PANIKU AME
KUAI.
--
WONG KWAI.
--
Ma keia ke haawiia aku nei ka hoolaha mamuli o ka mana kuai i hanaia iloko o kekahi moraki i kakauia i ka la 3 o Sepatemaba, 1901, a i kakau kope ia iloko o ke Keena Hoona AIna o ke Aupuni iloko o ka Buke 236, aoao 326-328, i hanaia e a mawaena o Wong Kwai o Honolulu, Mokupuni o Oahu, Teritori o Hawaii, Mea Moraki Mai, ame G. Josephine Bruer o Honolulu i olelo mua ia ae nei, ka Mea Paa Moraki, he moraki hoi i haawiia e G. Josephine Bruer i oleloia ia Martha Berger ma kekahi palapala i hanaia i ka la 3 o Okatoba, 1903, ke manao nei o Martha Berger i oleloia e paniku i ka moraki i oleloia no na kumu i uhakiia, e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawiia aku nei no hoi ka hoolaha o ka waiwai i hoopaaia maloko o ua moraki la i oleloia e kuai ia aku ana ma ke kudala akea ma na keena kudala o James F. Morgan, Alanui Kaahumanu, Honolulu, ma ka Poaono, la 5 o Maraki, 1904, i ka hora 12 awakea o ka la i oleloia.
O ka waiwai i hoopaaia maloko o ua moraki la i oleloia oia keia malalo iho:
O kela apana apau loa, he apana a mahele o ka aina (he hapa o ka aina i hoakakaia iloko o ka Palapala Sila Nui Helu 307, L. C. A. Helu 272, hoopukaia ia J. Booth) e waiho kokoke ia ma ka aoao Waikiki o ke Alanui Nuuanu mawaena o na Alanui Hotele ame Moi, Honolulu i olelo mua ia ae nei a apoia a i hoakakaia penei:
E hoomaka ana ma ka ma-ka ma ka aoao Hema o ke Alanui Nuuanu 76.2 kapuai makai o ke kihi Hema o na Alanui Hotele ame Nuuanu, holo mailaila aku
Hema 33 deg. 38 min. Hik. oiaio 45 kapuai ma ke alanui o 12 kapuai akea a kahi i hoomaka ai, mailaila aku
Hema 33 deg. 38 min. Hik. oiaio 26.2 kapuai ma ke alanui ololi o 12 kapuai akea
Hema 58 deg. 40 min Kom. oiaio 53.6 kapuai ma ka apana 3, malaila aku
Akkau 8 deg 45 min. Kom. oiaio 29.0 kapuai ma ka apana o Harbottle
Akau 58 deg. 40 min. Hik, oiaio 41.5 kapuai a holo a hiki i kahi i hoomaka ai nona ka iliaina 1232 kapuai kuea, pau pu me ke kuleana alanui mai Alanui Nuuanu aku i olelo mua ia ae nei a hiki i ka aina i oleloia, apana a mahele o ka aina e holo ana ma ke alanui olowi i oleloia he 12 kapuai akea.
Pau pu me na hale apau, na hana hou apau e ku ana maluna o ua apana la i oleloia, mahele a apana o ka aina. (Kakauinoaia) MARTHA BERGER,
Mea Malama Moraki o ka Moraki i oleloia.
Ma o Henry Holmes
Kona Loio ponoi.
Ma ke dala kuike ka makemake a me ke dala gula Amerika no hoi, a ma ka aoaoa o ka mea kuai mai na lilo palapa kuai apau.
No na mea aku i koe e ike ae ia Holmes ame Stanley na loio o ka Mea Malama Moraki.
Hanaia ma Honolulu, Feberuari 4, 1904.
3001
--
HOOLAHA MANAO PANIKU A KU-
AI A KA MEA PAA MORAKI.
--
Ma keia ke hoolahaia aku nei, i kulike ai me ka mana kuai i hanaia ma ka palapala moraki i kakauia ma ka la 4 o Augate A. D. 1900, e Charles P. Grimwood, no Honolulu maua, Mokupuni o Oahu, Teritori o Hawaii, (a i hui pu me Clara Grimwood, wahine a Charles P. Grimwood i loleloia, ma o kona hookuu a ae ana e hoolilo aku i kona mau kuleana apau o ka wahine mare maluna o na waiwai apau i hoakakaia ma ua palapala moraki nei) i ka First American Bank of Hawaii, Limited, he hui Hawaii malalo o na kanawai, Mea Paa Moraki, i hoopaaia hoi ma ke Keena Hoona Aina ma Honolulu i oleloia ma ka Buke 214 a ma na aoao 81, 82 ame 83, ke manao nei ka Mea Paa Moraki, The First American Savings and Trust Company, LImited, i ikeia malalo a nona hoi ka inoa The First American Bank of Hawaii, Limited, a o ka hope hoi no a i kulike ai me, koe ma ka inoa ame ke kulana me ka The First American Bank of Hawaii, Limited, e paniku aku i ua moraki la no ka uhakila o na olelo aelike, ola hoi, ka uku ole ia o ke kumupaa ame ka ukupanee i ka wa e uku ai.
Ke hoolaha hou ia aku nei no hoi, o ka waiwai i hooliloia mai ma ua palapala moraki ia e kualia aku ana no ia ma ke kudala akea ma ka ipuka ma ke alo o Aliiolani Hale ma Honolulu i oleloia, ma ka Poaono ka la 6 o Feberuari, 1904, ma ka hora 12 o ke awakea.
Penei ka waiwai i hooilioia mai ma ua palapala moraki la:
O kela mau apana aina a mau mahele aina e waiho la ma Kewalo, ma Honolulu i oleloia, a i ikeia ma na inoa Apana eono (6), ehiku (7), ewalu (8) ame eiwa (9), maloko o ka Mahele Helu eha (4), a i hoakakaia hoi ma ka Palapala Aina o na apana aina o Kewalo, Honolulu, i hoopaaia ai hoi ma ke Keena Hoona Aina ma Honolulu, ma ka la 29 o Ianuari, 1897, a i kakaku kopeia ma ka Buke 162, ma na aoaoa 222 a hiki i ka aoao 237, a oia no hoi ka hapa o ka Palapala Sila Nui Helu 5716, L. C. A. 19016, a o na apana aina hoi i hooliloia ia Charles P. Grimwood ma ka palapala kuai mai a C. K. Ai aku, i hanaia ma ka la 27 o Iulai, 190@.
Me na hale apau maluna iho, na pono, ame na kuleana apau e pili ana i ua mau apana a mahele aina nei.
THE FIRST AMERICAN SAVINGS AND TRUST COMPANY OF HAWAII, LIMITED, Mea Paa Moraki.
Kakauia Ianuari 11, 19@@.
Frank E. Thompson, Loio no ka Mea Paa Moraki.
Jan. 15, 23, 29; Feb. 5.
HOOLAHA HOOKO MORAKI.
--
HOOLAHA MANAO PANIKU A KU-
AI A KA MEA PAA MORAKI.
Ma keia ke hoolahaia aku nei, i kulike ai me ka mana kuai i hanaia ma ka palapala moraki i kakauia ma ka la 21 o Novemaba, 1900, e Tomosiro Masuda, o Honolulu, Mokupuni o Oahu, Teritori o Hawaii, ma ke ano he mea moraki mai, ia F. A. Schaefer, o Honolulu, i oleloia, ma ke ano he Mea Paa moraki, a i hoopaaia ma ke Keena Hoona Aina ma Honolulu i oleloia ma ka buke 213 ma na aoao 357-359, ma keia, ke manao nei ka mea Paa Moraki i paniku i ua moraki nei no ka uhakiia o na kumu i aelike la, ola hoi, no ka uku ole ia o ke kumupaa ame ka ukupanee i ka manawai i oleloia ai.
Ke hoolaha pu ia aku nei no hoi o ka waiwai i hooliloia aku ma ua palapala moraki nei e kuaiia aku ana ia ma ke kudala akea ma ke keena kudala o Jas. F. Morgan, ma alanui Kaahumanu, Honolulu, ma ka Poaono, ka la 6 o Feberuari, 1904, ma ka hora 12 o ke awakea.
Penei ka nui o ua waiwai la i hooliloia aku maloko o ua palapala moraki la: O keia apana a i ole mahele aina e waiho la ma ka aoaoa makai o alanui Young, Honolulu, i olelo mua la, mawaena o na pa hale noho o L. H. Dee ame T. McTighe, nona ke akea o kanahiku-kumamalima kapuai ma ua alanui la i oleloia, a e holo ana ihope o hookahi haneri me kanaka-kumamalima kapuai, a oia no hoi kahi i hooliloia aku e L. H. Dee ame kana wahine i ka Mea Moraki Mai ma kekahi palapala kuai i hanaia ma ka la 1 o Dekemaba, 1899, a i hoopaaia ma ke Keena Aina i olelo mua ia ae nei ma ka buke 201 ma ka aoao 297.
Me na hale âme na hana hou apau e waiho la maluna o ka aina ame na pono, ke kuleaana ame na mea apau i pili i ua apana a i ole mahele aina nei. F. A. SCHAEFER,
Mea Paa Moraki.
Kuai kuike ma ke dala gula Amerika, i ka mea kuai ka lilo o na palapala.
No na mea i koe e ninau ia Holmes & Stanley, na lolo o ka mea paa moraki.
Kakauia Honolulu, Ianuary 7, 1904.
(Jan. 15, 22, 29; Feb. 5.)
--
HOOLAHA MANAO PANIKU A KU-
AI A KA MEA PAA MORAKI.
Ma keia, ke hoolahaia aku nei, i kulike ai me ka mana kuai i hanaia ma ka palapala moraki i kakau pakahiia ma ka la 23 o Okatoba, 1901, ame Ianuari 13, 1902, a i hoopaaia ma ke Keena Hoona Aina ma Honolulu, Mokupuni o Oahu, Teritori o Hawaii, ma ka buke 230 ma na aoao 567 ame 568 a ma ka buke 230 ma na aoao 219 ame 220, a i hanaia e a mawaena o T. Masuda ame T. Ozawa, no Honolulu laua, i oleloia, ma ke ano he mau Mea Moraki Mai, ia Heinrich Renjes, o Wiesbaden, Geremania, ma ke ano he Mea Pua Moraki, ma keia ke manao nei ka Mea Paa Moraki, ma keia ke manao nei ka Mea Paa Moraki e paniku aku i ua moraki la no na kumu ua uhakiia na aelike i hoikeia ma ua moraki la, oia ka uku ole ia ana o ke kumupaa ame ka ukupanee.
Ke hoolaha hou ia aku nei, o ka waiwai apau i hooliloia aku me ua palapala moraki nei e kuaiia aku no ia ma ke kudala akea ma na keena kudala o Jas. F. Morgan, alanui Kaahumanu, Honolulu, ma ka Poaono, ka la 6 o Feberuari, 1904, ma ka hora 12 o ke awakea.
O ua mau waiwai la i hooliloia aku ma ua moraki la, penei no ia: O na apana aina apau i hoakakaia malalo iho nei, apana, mahele, moo, a pela aku, e waiho la ma Hauhaukoi, Honolulu, i oleloia, a i hoakakaia na palena penei:
Ekahi--O keia apana a mahele o Apana 1 o Palapala Sila Nui Helu 2258, L. C. A. Helu 2133, a i hoakakaia na palena ma ka aoaoa mauka ma ko Unualoha aoao, ma o ka hoike kila mageneti a ka mea ana aina, penei no ia;
1--S., 42 1/2 deg.,; E., 116.2 kapuai ma ka aoao ma Waikiki ma o ka aina o Kaeo la;
2--S., 45 1/4 deg.; W., 63.4 kapuai; alaila
3--S., 40 deg.; E., 93.1 kapuai;
4--S., 47 deg.; W., 141.2 kapuai ma o ka aina o Nahina, ma ka aoao ma Waikiki;
5--N., 40 1/2 deg.; W., 197.4 kapuai ma o ka aina o Kaeo la; alaila, ma ka aoao ma Ewa ma o ka aina o Kipi, he kahawai, na palena;
6--N., 41 3/4 deg.; E., 196.7 kapuai a hiki i kahi i hoomaka ai.
Nona ka ili aina o 58-100 eka.
Elua--O ka Apana 2 o ka Palapala Sila Nui Helu 2397, L. C. A. Helu 1405, e hoomaka ana ma ke kihi hema a e holo ana
1--N., 45 deg 00' E., 32.34 kapuai ma ko Luiki aina;
2--N., 20 deg 00' E., 33.00 kapuai ma ko Maui aina;
3--N., 43 deg 00' W., 85.8 kapuai ma ko Auwai ame ko Kupee aina;
4--S., 45 deg 00' W., 68.00 kapuai.
5--S., 47 deg 00' E., 99.7 kapuai ma ko Kuluahi aina a hiki i kahi i hoomaka ai.
Nona ka ili aina o 153-1000 eka.
O keia mau apana a mahele aina i hoikeia ae la maluna ua hooliloia aku no ia ia T. Masuda ma o ka palapala kuai e W. F. Jocher, i hanaia ma ka la 13 o Maraki, 1900, a i hoopaaia ma ka buke 203, aoao 454.
Ekolu--E hoomaka ana ma ke kihi akau-komohana o keia apana ma kahi ma ka aoao makai o ke alanui, a e holo ana mai laila aku penei:
1--S., 39 deg 25' E., 59 1/2 kapuai ma ia laina pololei o ke alanui ma ka aoao makai, alaila
2--W., 37 deg 50' W., 124 3/4 kapuai ma ka apana aina 2, alaila
3--N., 43 deg 25' W., 58 kapuai; alaila
4--N., 37 deg 33' E., 134 kapuai a hiki i kahi i hoomaka ai nona ka ili aina o 7225 kapuai kuea, a oia no na wahi i hooliloia aku ia T. Ozawa ma o ka palapala kuai e Victoria S. Ellis i hanaia ma ka la 3 o Mei, 1900, a i hoopaaia ma ka buke 206, aoao 196.
I huiia me na hale apau maluna iho ame na hana hou apau, na pono ame na kuleana i pili i ua mau apana a mahele aina la.
HEINRICH RENJES,
Mea paa Moraki.
Ma o koua loio ma ke kanawai,
F. A. SCHAEFER,
Huai kuike ma ke dala gula Amerika; i ka mea kuai no lilo palapala.
No na mea i koe e ninau ia Holmes & Stanley, na loio no ka Mea Pae Moraki.
Kakauia, Honolulu, Ianuari 7, 1904.
Jan. 15, 22, 29; Feb. 5.
HOOLAHA KUMAU
--
LEWERS & COOKE
LUI AME KUKE,, Kaupalenaia
Na Mea Hookomo mai a Kuai aku
i na
LAKO HANA HALE
O Keia âme Kena Ano.
Malaila e loaa ai na mea malalo iho
--
NA PAPA N. W., NA PAPA HOLE@ PILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI @ KA OIHANA KAMANA NA PONO PENA.
NA PENA LIKE OLE AME NA HULU PENA, NA ANIANI, NA PEPA HALE, PALE PUKA ANIANI, MOENA, ETC.
O na kauoha pono hale apau loa a hiki mai ana ia makou e hooko koke ia no me ka eleu ame na KUMUKUAI HAAHAA LOA.
LEWERS & COOKE
--
Hui Alahao ame Aina o Oahu
MANAWA HOLO
Mei 1, 1903.
MAI HONOLULU AKU
No Waianae, Waialua, Kahuku ame na wahi hoolulu ma ke alahao--*9:15 a. m., *3:30 p.m.
No Pearl City, Ewa Mill, ame na wahi hoolulu ma ke alahao--+7:30 a. m., *9:15 a. m., *11:05 a. m., *8:15 p. m., *3:20 p. m.,
+4:15 p. m., *5:15 p. m., @9:30 p. m., +11:15 p. m.
MAI WAHO MAI.
Ku i Honolulu mai Kahuku, Waialua, ame Waianae mai *8:36 a. m., *5:31 p. m.
Ku i Honolulu mai Ewa Mill ame Pearl City mai--+6:50 a. m., +7:46 a. m., *3:38 a. m., *10:38 a. m., *2:05 p.m., *4:31 p. m.,
*5:31 p. m., *7:40 p. m.
*5:31 p. m., *7:40 p. m.
*Kela âme keia la.
@Sabati wale no.
+Koe ke Sabati.
G. P. DENISON,
Lunahoohana.
F. C. SMITH,
G. P. & T. A.
--
Kakela me Kuke
[KAUPALENAIA]
--
Poe Kalepa ma
ke Komisina
:: A HE ::
POE LAWELAWE KOKPAA
--
Poe Agena no na Wa-
hiko Lehulehu.
--
KAUKA T. MITAMURA
• • •
Alanui Kukui Ololi Helu 68, Honolulu. Na Hora Hana:
Hora 8 a 10 kakahiaka; hora 1 a 3 ame hora 6 a. m. 8:00 p. m. Sabati: Hora 6 a 8 p. m.
Telepone Blue 2366 P. O. Box 342.
--
Poe Akepau i loaa hou
ke Ola Kino Maikai.
Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane e loaa i ka ma'i Akepau i hoopakele ia mai keia ma'i mai mamuli o ka laau
"AYER'S CHERRY PECTORAL."
Ke loaa i keia laau o loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa ae.
Aohe Laau Kunu i oi ae o ka maikai mamua o ka LAAU KUNU
"AYER'S CERRY PECTORAL."
He mea maikai e ike kakou i keia, no ka mea ua hoola kela laau i ka poe i loaa i kela haawina no anenae kanaono makahiki. E malama mau i keia laau in a aole au omole laau kunu o kela ano, e kuai koke mamua o ka loaa ana i ke kanu. Ina ua loaa kekahi iloko o ka ohana i ke anu o hooinu i kela laau a e loaa no ka maha.
Hoomakaukau la e Kauka J. C. Ayer & Co., Lowell, Mass., U. S. A.
E loaa no kela mau Huaale ma na halekuai laau a pau.