Ka Nupepa Kuokoa, Volume XLII, Number 27, 1 July 1904 — Page 2
| This text was transcribed by: | Toni Lynne Kaefferlein |
| This work is dedicated to: | Elizabeth Sherman Allyn |
Ka Nupepa Kuokoa
KE KILOHANA POOKELA NO KA LAHUI HAWAII
2 NUPEPA KUOKOA, POALIMA, IULAI 1, 1904
KA
Nupepa Kuokoa
NO KA MAKAHIKI - - - $2.00
NO EONO MAHINA - - - 1.00
SUBSCRIPTION RATES
ONE YEAR - - - $2.00
SIX MONTHS - - 1.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA. E HOOUNA PU MAI ME KA AUHAU, A INA AOLE. AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.
HOOPUKAIA E KA
Hawaiian Gazette Co,. Ltd.
Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.
DAVID L. A-I, : : Lunahooponopono
S. K. NAWAA, : Kokua Lunahooponopono
A. W. PEARSON, : : Lunanui
HONOLULU, OAHU.
POALIMA : : IULAI 1, 1904
IKEA KA HUA A NA REPUBALIKA.
E like n@ ka makou i hooaiai ai ma ka helu i hala no na hakoko kalaia@ wae moho peresidena o Amerika Huipuia iwaena o na aoao kalaiaina Repubalika ame Demokarata ua puka mai la ka mea hou o ua mau hana ia no ka aoao Repubalika oia ke koho lokahiia ana o Peresidena Rusewela i moho peresidena na na Repubalika apau apuni o Amerika Huipuia ma o ka elele la a ia Fairbanks kekahi o na hoa senatoa, i moho hope peresidena, a o keia no hoi ka ikeia ana ae o ka hua o na hana a na Repubalika ma ka wae moho ana he hoike ana hoi i ka lokahi maoli, eia nae, aole i pau ka hana no ka lanakila piha oiai he hookahi hana i koe oia no ka holo balota aku i kohoia mai ai no ka lilo ae o ka lanakila o ka noho pooaupuni ana.
Aole no e liuliu loa e puka mai ai ka hua o na hana kalaiaaina o na Demokarata a e kau aku no hoi na maka o ka puka mai eia nae ua hiki no ke kuailo mua ae aole e like ana me ko na Repubalika ka holopono me ke ohohia nui ia o ka moekahi ame ke kuakahi o na hana, oiai aia na Demokarata ma ke alanui moekahi ole a nona hoi na moho kaulua he mea hoi nana e hoike maopopo mai i ka mahae o ka ikaika Demokarata iloko o na mahele ina elua a oi aku paha, eia nae he mea pono e puka mai kekahi moho o lakou.
O kekahi mea kupalanaha oia ka hilinai nui o na makaainana Repubalika i ka lakou moho Rusewela oiai ua pa-e laulaha ikaika ae ka leo pililaula e koho hou aku ia Rusewela i ka makahiki 1908@ e hoike ana ua makemakeia oia e noho ma ka noho peresidena no elua kau oia hoi, i ewalu makahiki hana, a na keia hilinai nui o ka lehulehu ma o keia hoike manao akea ana e puana ae o Rusewela ana no ka moho nana e lawe i ka lanakila o ka la mokomoko holo peresidena me ka moho Demokarata, ina he hookahi moho Demokarata e puka mai ai ma ka wae ana: a e hokoko ai hoi me na moho Demokarata ina e oi aku maluna o ka akahi moho.
Maloko o ka moolelo o ke ola ana o ka aoao Repubalika o Amerika aia iloko olaila kahi i loaa aku ai na hoomaopopo ana i ka nele ole o ka lawe lilo o na moho peresidena ame hopeperesidena Rusewela ame Fairbanks i na moho e uhaiaholoia nei. He aoao mana maoli ka aoao Repubalika ma ka nui o ka heluna makaainana i komo, ma ka lilo ana o ka hapanui o na kanaka ko'iko'i. laeoo a kuonoono, o kana mau hana i lawelawe ai ma o na lala pakahi iho ua ike nui ia ka waiwai ame ka hua nui o na hana, a o na kanaka a ka aoaoa Repubalika i wae ai a hoonohoia aku ai e ka lehulehu ma na oihana aupuni ua ikeia ka holomua ame ka waiwai nui o ka aina ma o ka lakou hookele ana - a ke houluuluia keia mau mea apau ua lawa lakou no ke kunipaa ana i ka manao hooikaika i kela ame keia Repubalika e onou aku i ka lakou mau moho imua a ua lawa no hoi keia mau haawina aiai e pulama pu mai i na puuwai o na makaainana e ae i Repubalika ole e kakoo no na moho a o lakou kekahi mau haawina kakoo ikaika ia Rusewela ma no ko laua kohoia i ka manawa o ke koho e hiki mai ai.
No Rusewela, aole o keia mau mea i hoakakaia ae la na kakoe nona wale no aka o kana mau hana i lawelawe ai mai ka manawa ana i noho ae ai ma ka noho peresidena mahope iho o ka hala ana o kona mua ma ka oihana ka Peresidena Makinele a hiki wale iho la i keia mau la e hele nei, o ia mau hana no na mea e hoike ae nona, a ka lehulehu e hiki ai ke hoomaopopo i kona kupono ame ka ole ma ia noho, ka mea hoi i lohe ole ia na hoohalahala nona i na manawa i hala ae, oiai nae, aole e hiki ka nele ole o ka loaa o kekahi mau hemahema ma kona aoao, a makou e manao nei e lilo no ka pana o ka puuwai pililaula o ka lehulehu Amerika nona ina ua oi ae ka maikai loa ana i hana ai mamua o na hemahema, eia nae, na ke koho ana e hoike mai i ka piha pono, ka makou nae e hoomaopopo nei ma o na mea la i loaa mai, ia Rusewela no e lilo ai ka noho.
KA LA EHA O IULAI.
O ka la eha o Iulai aole ia he la malihini i ko Hawaii nei poe no ka mea ua nui na wa i malamaia ai kona kulaia e lakou no ke komo pu ana i ke kulaia o ke kuokoa o na makaainana o Amerika Huipuia, aka i keia Pokiulai ae oia ka Poakahi, la 4 o keia makina oia kekahi o na la eha e hooma@aoia ai aole ma ke ano mau e like me keia o ke aupuni moi a ko ke aupuni kuikawa a o ko ke aupuni repubalika Hawaii, aka, e like ana me ko Amerika Huipuia no ka mea he hapa o Hawaii no Amerika ma kona ano a kulana teritori.
No ke kulanakauhale nei ua hoolalaia na hana no ke kulaia o keia la ma ka hookahakaha paikau ame na paani like ole e ku ai ka olioli io e nele ole ai ka panaiia o na hoike manao ma na mahele like pili loa i ke kuokoa o ka la kahi i puka mai ai ka maluhia ame ka hele kaokoa o ke kanaka Amerika mahope iho o ka noho ana malalo o na kanawai o Beritania Nui oiai he hapa o Amerika no Enelani mamua o ke kuokoa ana, a koonei poe e manaolana aku nei no ua la la.
A e like no hoi me na mea i loaa mai no Maui pela ka nui o na hoomaopopo i ka nui io o na hana kulaia no ka hoomanao ana i ke kuokoa a makou e manao pu nei pela no na wahi e ae a puni ka Paeaina.
He mea maikai loa a hana kupono no hoi ia o ka haaheo o ke kanaka i kona kulana kuokoa ina aia oia iloko o ke kulana kuokoa, a aole mea hoohewahewa i ka waiwai nui o ia haawina, a e like me ka oiaio o ia mea pela i kanu hohonuia ai ke aloha kuakoa iloko o na makaainana Amerika ame na makaainana e ae apau o na aupuni e ae koe wale no na aina i noho iloko o na hookaumaha ana.
Aole i noho kaumaha o Hawaii i keia la a aole no pela i na la naauao o ka noho aupuni moi ana, no ka mea ua kuokoa maoli no ke kanaka Hawaii nona iho, a oiai ua heluia na makaainana o keia teritori he poe Amerika alaila ua ili pu mai ka pomaikai o keia nohona kuokoa ana maluna iho o lakou a pela no hoi lakou e komo pu ai iloko o ke kulaia o keia la e hiki mai ana.
E LILO ANA I HAAWINA AO.
O ka hoopaiia ana o Lunamakaainana Jonah Kumalae ame Loio E. Johnson e ka Lunakanawai J. T. De Bolt o ka Aha Hookolokolo Kaapuni Ekahi no ka hoopaahao no hookahi makahiki ma ka hana oooleo no ka hewa ohumu e apuka i ahewaia ai e ke kiure nana i hoolohe a kanana i ua hihia nei, ke manao nei makou he haawina a'o ana ia i na hoa ahaolelo o na kau ahaolelo e hiki mai ana mai na lunamakaainana a na senatoa a aole wale ia lakou, aka, i na luna aupuni e ae no a kaa aku i na mea apau me ka nana ole ae owai la ia; eia nae, no na mea i hoopa'iia aole i pau ka hana no ka mea ua waihoia aku la ka laua hoohalahala i ka Aha Kiekie, kahi hoi e kanana hou ia mai ai, eia nae, aole e hiki ke hooleia ko laua hoopa'iia ana e ka aha kaapuni.
He a'o keia aole e hana aku i ka epaepa, a o ka hana ole ia o ia mea oia no ke komo ole aku o ka hoa ahaolelo iloko o ka poino o ka ahewaia kona kumu hoi e lilo ole ai i mea hoowahawaha loa ia a e kupono no ka pono nui e hoowahawaha aku i na kanaka hana epaepa oiai oia ka i hoopoinoia a ma kekahi olelo ana ae, aole e poino hou ka waiwai o ke aupuni; nolaila he elua haawina maikai iloko o keia haawina a'o - akahi, he hoopakele kanaka, a o ka lua he hoopakele i ka waiwai o ka lehulehu.
O na ano hana imi loaa iloko o na aha olelo ma na alanui kekee-e hana ma-luia mai ai me ka ike ole ia aku- o na hana a na hoa ahaolelo no ka hoopuipui aku i kona mau hoa ponoi, a ohana paha a aikane paha ma ka unuhi ana i na bila kanawai a hookohu kakauolelo paha no na komike like ole ame na hana e ae no ke manao nei makou e pau ana na hoohana ana o ia ano ma ke alanui poholalo aka ina he kakauolelo kekahi a hoolimalima loio paha aole e nele ka hanaia malalo o na alanui kupono a oia no hoi ka maikai loa.
KA HUI KOKUA KUAI HOME
.
O ka mea hou hoohikilele manao e puka aku nei ma keia helu o ke Kuokoa pili i ka Hui Kokua Kuai Home oia kekahi mea e noonoo pono ia e ka lehulehu mamua o ke komo iloko olaila a e uku i ka uku mau o $4.40 no ka mahina i kuleana ai i ka unuhi ana i ka huina o $500.00 no ka manawa unuhi helu e hiki mai ana i ku ai kona mahele, me keia manao e uku mau oia no 125 mahina i pau ai ka huina $500 unuhiia i ka hookaaia ma o kela uku liilii o $4 oiai ke 40 keneta e laweia ae ana no ka pono o ke keena hana. Mawaho ae o keia aia he hookahi dala e ukuia i loaa ai ka bona hoopaa no ka hoopakele ana i na dala i hookomoia ame ka uku hookahi dala ana i ka makahiki no ka waihona kaulele.
Malalo o keia mau kahua i hoakakaia malaila ka maikai loa e noonoo ai ka lehulehu mamua o ke komo ana a maluna olaila no hoi makou i makemake ai e hoaiai aku.
Penei:-Me he paahao la no 125 mahina ua like me umi makahiki me elima mahina e noho ai ke kanaka i ka hookaa mau i keia huina uku mau o ka mahina e hiki ole ai ke alo ae mai ka hookaa mau ana ina nei no ka hiki ole.
O ka poe apau no lakou na helu ma kahi a maluna o ka ekolu haneli, a oiai aia ma ka neepapa o na helu ka huki helu ana i kela ame keia mahina, aole e loaa ana ka lakou huina nui i hoopaa ai ma kahi o $500, 1000, 1500, a 2000 a pela aku no kekahi mau makahiki loihi.
A mai ka nupepa Adavataisa i lawe mai ai makou i kekahi mau kumu ana i hoaiai ai no ka pono o ka lehulehu pili i keia mea hookahi a makou e manao nei i mau hooaiai maikai no na Hawaii, a oia keia-
1. Ke kakooia anei keia Hui Kokua Kuai Home a kekahi hui dala nui?
2. He poe kuonoono ma ka waiwai paa a dala nui anei na lunanui e lawelawe nei oloko olaila a ua paa anei lakou malalo o na bona e loaa ole ai ke kanalua?
3. He hookomo dala anei keia hui iloko o ka banako?
4. Ina aole dala iloko olaila, no keaha e hookomo ole ai?
5. Ma ka hoopaa hea ka poe e malama dala nei e hooko i na hana a lakou i aelike ai e hana?
6. E waiwai anei na palapala aelike i kakauinoaia e kekahi ke ku i kahi o ka hoopilia?
7. Aia anei na hana o keia hui malalo o ka nana ana o ka Lunahooia Teritori a i ole malalo o kekahi mea ko'iko'i e ae paha?
E ninau i keia mau mea apau e ka makamaka a e upu aku i na haina me na hooiaio lawa kupono e maona ai ka noonoo.
Hala ia Kamaaina o na Pali Koolau.
Ma ka hora 7:30 o ke kakahiaka o ka ia Sabati i hala, ua oluolu i ka Mea Mana Loa i ke kii ana mai a lawe aku i kekahi o na kamaaina i aloha nui ia o na Pali Hauliuli o Koolau, oia o Mr.Daniel Manuhoa Woodward.
Ua hanau ia oia ma Koloa, Kauai i ka makahiki 1829. O kona mau makua oia o Albert Woodward ame Mrs Kaumaka-o-Mano Woodward. Ua hoonaauao ia oia ma Koloa i kona mau la opiopio, a i ka makahiki 1843, laweia mai oia a noho ma Kakaako a hiki mai kona mau makua ma Honolulu nei a ua hoi aku lakou a noho ma Kalauao, Ewa, kahi i make aku ai kona mau makua a hoi oia a noho ma Waimanalo me Mr. Thos. Cummins.
Ua hana oia me Kamaki makua no kekahi mau makahiki loihi.
Mamuli o kona makaukau nui ma keia oihana, ua kiiia mai oia a ua hoi aku ma Kualoa ma ke ano he luna nui no na aina hanai holoholona ame na kai lawaia o Mr. Chas. Judd (Hale Kauka).
I ka makahiki 1861 ua mareia oia e ka Rev. Mr. Parker (Paleka Makua) me Mrs. Helen Umiokalani Nakeu, wahine kanemake a Lunakanawai Nakeu, a hoi mai laua a noho ma Kaneohe. He elua makahiki ko laua noho ana malaila a holo aku no Makawao, Maui. Mahope o ka hala ana no na mahina he umi ua hoi hou mai laua ma Kaneohe, a malaila laua i noho ai no na makahiki he nui, a ua loaa na laua na keikikane ame na kaikamahine, oia o Joseph, Albert, Hannah, Edward, Emily, ame Daniel Opio.
No Daniel Woodward ua hiki ke oleloia ae he makua oia i hooikaika nui i pono no kana mau keiki ame kona ohana holookoa, a oia no hoi kekahi kakoo ikaika o na hana pono.
Ua haalele iho oia mahope nei he wahine, na keiki ame na moopuna e paiauma ana i ka luuluu ame ke kaumaha. Aloha no.
MALAMAIA ME KA MAIKAI NA RUKINI PAAHAO.
Mai ka manawa i hoomaka ai ke kaua a ka la 24 o Mei, ua paa aku iloko o ka lima o na Iapana a ke malamaia nei me ka maikai he 464 poe koa Rukini - he 19 aliikoa. 36 aliikoa palapala komikina ole, ame 409 poe koa. Eia nae ma ke ano mau o ka oihana kaua he ano moolelo kahiko no keia a e malamaia nei e ke aupuni, he elua nae o lakou i hoao e lele iloko o ke kai no ka manao e make aole nae i ko no ka mea ua hoopakeleia laua.
O ka manao nui o ka hoao ana o keia mau koa Rukini e lawe i ko laua ola oia no ka manao i loaa iloko o laua no ka pepehi ma'uwale ia mai o lakou e na Iapana i ka manawa e kau ai iuka o ka aina. Eia nae ua hoopuiwa loa ia laua no ka maikai o ka malamaia ana o na koa paahao, no ka mea i ka hoea ana aku iuka o ka aina ua hookipa maikai ia mai lakou e na Iapana a komo iho la ka hilahila iloko o keia mau koa elua no keia hana maikai i panaiia mai.
Ua hooponoponoia ae he huakai makaikai no na aliikoa Rupini paaahao e na aliikoa Iapana no ka makaikai ana i kela wahi kaulana na waipuna waiwela o Dogo. Ke hoomakaukauia nei na aahu no na aliikoa no keia huakai e hoolalaia nei.- Japan Gazette, (Nupepa Kepani.)
MA'I HI PAHEMO.- No kekahi mau makahiki iloko o na mahina o ke kau, la ua loaa mai au i ka ma'i hi pahemo, a ua lilo koke ae keia i ma'i hi maoli o ke ano inoino loa, a ua ukali pinepine mai hoi mahope o keia ke nahu ame ka eha. He hele mau wau i na kauka no keia pilikia i loaa mai ia'u, eia nae, ua lilo mai keia i ma'i kuluma e loaa mau ana a'u i kela ame keia kau la, a ia'u e huli ana i maha no'u ua halawai ae la wau me ka laau Chamberlain's Colic, Cholera and Diarrhoea Remedy, a o keia la laau nana i hoola mai ia'u ame ka hikiwawe no hoi keia hoola ana, a o keia ka mea nana i ume aku ia'u e hikinai piha aku maluna ona, a o ka mea nae nana i hoopuiwa nui ia'u, oiai oia e hoola ana me ka hikiwawe i ka umii e hoopau hoi i ka hi aole loa i loaa mai he haawina ino mahope mai. He lawe mau wau i omole o keia laau ke kaahale wau.- H. C. HARTMAN, Anamosa, Iowa, U. S. A. Ke kuai ia nei ma na hale kuai lapaau apau. BENSON, SMITH & CO., na Agena ma Hawaii nei.
HOOLAHA MA KE KAUOHA
HOOLAHA.
O ka hui e ku ola nei mawaena o S. M. Damon, S. E. Damon ame H. E. Waity malalo o ka inoa Hui Bishop & Company ua hoopauia ma ka hooholo like ana o na lala apau e hoopau, a o ka oihana e mau aku no ma ka lawelawe ana o S. M. Damon ame S. E. Damon malalo o ka inoa Hui o Bishop & Company i oleloia.
O Mr. J. Harris MacKenzie, mai keia la aku, e pau ai, ke kuleana kakauinoa no na mea loaa mai me ia a o Mr. D. W. Anderson ka mea kakauinoa no na mea loaa mai.
BISHOP & COMPANY.
Honolulu, Iune 20, 1904. 3021.
HOOLAHA.
I na poe apau. O ke Kailawai'a o Moanalua, aia malalo o ka hoomalu ana a Sam. Kipi. Ke papaia aku nei na mea apau aole e hele a lawai'a ma ua kai la koe wale iho no na kupa ame na poe e noho hoolimalima nei a e hookoeia ka i'a kapu a ke konohiki oia hoi ka amaama no ko'u pono ponoi. O ka mea e ku-e ana i keia e hoopiiia no ma ke kanawai.
HOOLAHA HOOKO MORAKI.
HOOLAHA MANAO E PANIKU A NO KE KUAI.
WONG SHIU KING.
Malalo a ma ka pono o ka mana o ke kuai i hanaia iloko o kekahi moraki i ka la 7 o Dekemaba, 1900, i hanaia e Wong Shiu King, Ho Poi, Lum Fai, Y. Chock Hin, Pang Kin Fai, ame Wing Sun Hing, no Honolulu lakou apau, Mokupuni o Oahu, Poe Moraki Mai, ia Yee Sing Tie (he hui) no Honolulu i olelo mua ia ae nei, Poe Paa Moraki, a i kakau kopeia iloko o ka Buke Helu 213, aoao 490-493, o ke Keena Hoono Aina o ke Aupuni (he moraki hoi i hooliloia e Yee Sing Tie i oleloia ia Lewers & Cooke, Ltd., he Hui Hawaii e lawelawe oihana kalepa ana iloko o Honolulu i olelo mua ia ae nei, ma kekahi palapala i hanaia i ka la 1 o Novemaba, 1902, a i kakau kopeia iloko o ka Buke Helu 239, aoao 388 ame 389, iloko o ke Keena Hoona Aina i oleloia) a mamuli o ka Mokuna XXXIII o na Kanawai Ahaolelo o 1874 e pili ana i ke "Kanawai i hanaia no ke Kuai o ka waiwai morakiia me ka hoopii ole ame ke Kauoha o ke Kuai" ame ke Kanawai (Mokuna IX o na Kanawai Ahaolelo o 1890) e pakui ana ia mea hookahi, o Lewers & Cooke, Ltd., i oleloia, ma keia he haawi nei i ka hoolaha no ka manao e paniku i ka moraki i oleloia no na kumu i uha'iia, e hoike ana: o ka uku ole ia i ka manawa e uku ai i ka huina kumupaa o Elua Kaukani Dala $2,000.00) i hoopaaia e ka moraki i oleloia.
Ke haawi pu ia aku nei no hoi ka hoolaha o ka waiwai apau i hoopaaia iloko o ka moraki i oleloia e kuaiia ana ma ke kudala akea ma na keena kudala o Will E. Fisher, Helu 180, Alanui Kalepa, Honolulu i olelo mua ia ae nei, ma ka Poaono, la 2 o Iulai 1904, ma ka hora 12 awakea o ka la i oleloia.
O ka waiwai i hoopaaia iloko o ka moraki i oleloia oia keia:
O kela apana a mahele o ka aina apau loa (he hope o ka aina i hoakakaia iloko o ka R. P. 1985, L. C. A. 6245 ia Kalaeokekoi no Kalakini) e waiho la ma Kamakela, Honolulu i olelo mua ia ae nei a i ikeia ka Apana Helu 2 o ka Home Hookuonoono Buckle a i apoia a hoakaka maopopo loa ia e like me ia malalo iho nei: E hoomaka ana ma ka ma-ka ma ka aoao Hikina Hema o ke Alanui Vineyard i mamao he 191 1-2 kapuai Hikina Hema mai ke kihi aku o na alanui Liliha me Vineyard a malaila aku holo:
(1) Hema 53 deg. 50 min. Kom., 83 5-10 kapuai ma ka Apana Helu 1 o ka Home Hookuonoono Buckle; malaila aku holo
(2) Hema 36 deg. 10 min. Hik., 75 kapuai ma Alanui-olo-li Buckle; malaiala
(3) Akau 53 deg. 50 min. Hik., 89 5-10 kapuai ma ka Apana Helu 3 o ka Home Hookuonoono Buckle; malaila aku
(4) Akau 40 deg. 45 min. Kom., 75 2-10 kapuai ma ke Alanui Vineyard i oleloia a hiki i kahi i hoomaka ai a nona ka iliaina o 6496 kapuai kuea.
Pau pu me na hale, na hana hou, na kuleana ame na pono hooilina apau o ua waiwai la a i pili aku ilaila i kaa aku nae malalo o ka moraki i hoopaaia ia A. A. Halelea, Kahu o ka Waiwai o J. H. Coney, i hanaia i Iune 28, 1900, a i kakau kopeia iloko o ka Buke Helu 207, aoao 338-340, o ke Keena Hoona Aina i oleloia, a i ka huina no hoi o Umi-kumamalima Haneri Dala ($1,500) ame ka ukupanee i hoopaaia.
LEWERS & COOKE, LTD.,
Ma o F. J. Lowery, Peresidena.
Mea Paa Moraki.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.
No na mea aku i koe e ike ae ia Holmes & Stanley, Honolulu, na Loio no ka Mea Paa Moraki.
Hanaia Iune 9, 1904.
3019 - June 10, 17, 24 - July 1.
HOOLAHA MA KE KAUOHA
HOOLAHA.
UKU O NA AUHAU PAIPU HOOHOLO MEA INO.
I kulike ai me ke Kanawai 6, o na Kanawai Ahaolelo o ka makahiki 1904, e uku mua ia na auhau paipu hooholo mea ino (Sewer) mai a mahope iho o ka la 1 o Iulai, 1904, i kela ame keia hapa-makahiki.
Na auhau kaahope a hiki i Iune 30, 1904, e uku koke ia e pono ai.
O ka hapa o na auhau mawaena o Iulai 1, 1904, ame Dekemaba 31, 1904, e ukuia i ka la 1 o Iulai, 1904.
O ka uku mua ole ia o keia mau auhau he 15 la mahope iho o ka manawa e pono e uku, alaila e uku ana ka mea uku auhau paipu hooholo mea ino he umi pa-keneta kaulele.
E ukuia na auhau ma ke keena o
C. M. WHITE,
Kakauolelo Ekahi.
Aponoia:
C. S. HOLLOWAY,
Lunanui o na Hana Hou.
Keena o na Hana Hou, Honolulu, T. H., Iune 28, 1904. 3022 - July 1, 8
HOOLAHA AINA AUPUNI.
HOOLAHA AINA AUPUNI.
Ma ka Poalua, Iulai 5, 1904, ma ka hora 12 awakea, mamua iho o ke alo o ka Hale Hookolokolo, e kuai ia aku ana ma ke kudala akea ka hoolimalima o na aina malalo iho nei e waiho la ma Anahola, Kauai:
25 eka aina mahi laiki.
14 eka oi aku a emi mai paha, aina kula.
Manawa hoolimalima, 5 makahiki mai Augate 1, 1904, aku.
Uku Hoolimalima haahaa, $542.00 no ka makahiki, e uku hapa makahiki ana ma ka hookaa mua.
No ke kii aina ame na mea aku i koe e ike ae ma ke Keena o na Aina Aupuni, Honolulu, Oahu.
JAS. W. PRATT,
Komisina o na Aina Aupuni.
Keena Aina Aupuni, Iune 3, 1904.
3419 - Iune 10, 17, 24 - Iulai 1.
HOOLAHA MANA HOOKOLOKOLO
ILOKO O KA AHA KAAPUNI O KA APANA KAAPUNI ELIMA, TERITORI O HAWAII. - HOOPONOPONO WAIWAI HOOILINA MA KE KEENA.
Iloko o ka Waiwai o W. E. H. Deverill o Hanalei, Kauai.
Kauoha o ka Hoolaha o ka Hoolohe Palapala Noi no ka Hooko Kauoha.
He Palapala e hoike ana o ia ka Palapala Kauoha hope loa ame ka Hoike a W. E. H. Deverill, mea i make, i waihoia mai hoi ma ka la 23 Iune, A. D. 1904, imua o ka Aha Hooko Kauoha i oleloia, a he noi hoi no ka Hooko ana i ua Palapala Hooko Kauoha la, a no ka hoopuka ana aku i na Palapala Hoike ia Sarah B. Deverill i waihoia mai hoi e ia.
Ke kauoha pu ia nei no hoi o ka Poaha, ka la 4 o Augate, A. D. 1904, ma ka hora umi a. m., o ka la i oleloia, ma ke Keena Hookolokolo o ka Aha i oleloia, ma Lihue, Mokupuni o Kauai, o kahi ia ame ka manawa i hookawaleia no ka hooiaio ana i ka Palapala Kauoha i oleloia ame ka hoolohe ana i ka Palapala Noi i oleloia.
Ke kauoha hou ia nei no hoi, he hoolaha o keia e hoolahaia ma ke pa'i ana i kela ame keia pule no eha pule nee papa iloko o ka "Hawaiian Gazette" ame ke "Kuokoa" he mau nupepa e hoolahaia nei ma Honolulu, o ka hoolaha hope hoi aole e emi iho malalo o umi la mamua iho o ka manawa i hoopaaia iloko nei no ka hoolohe ana.
Hanaia ma Lihue, Kauai, i keia la 24 o Iune, 1904.
Na ka Aha:
(Kakauinoaia) JNO. A. PALMER.
Kakauolelo.
3022 - July 1, 8, 15, 22.
ILOKO O KA AHA KAAPUNI O KA APANA KAAPUNI ELIMA, TERITORI O HAWAII. HOOPONOPONO WAIWAI HOOILINA MA KE KEENA. ILOKO O KA WAIWAI O KAMALI O KOLOA, KAUAI, I MAKE.
Kauoha o ka Hoolaha o ka Hoolohe Palapala Noi no ka Apono i ka Hoike Papahelu Waiwai Hope Loa, ka Fuunaue ame ka Hookuu ana.
Ma ka heluhelu ana ame ka waiho ana mai i ka Palapala Noi ame ka Hoike Papahelu Waiwai o R. K. Ainaike, ka Lunahooponopono o ka Waiwai o Kamali o Koloa, Kauai, i make, iloko hoi olaila i noi ai oia e aeia iaia he $44.64 ana hoi i auhau iaia iho me $177.80, a ke noi nei e noii pono ia ua hoike la a e aponoia, a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i kuleana iloko olaila, e hookuu ana iaia ame kona poe hope hoopaa mai na ko'iko'i hou aku ma ke ano Lunahooponopono Waiwai.
Ua kauoha pu ia no hoi o ka Poalima ka la 29 o Iulai, 1904, ma ka hora umi a. m., imua o ka Lunakanawai o ka Aha i oleloia ma ke Keena Hookolokolo o ka Aha i oleloia ma Lihue, Mokupuni o Kauai, o kahi ame ka manawa i hoike mua ia ae nei oia kahi ame ka manawa no ka hoolohe ana i ka Palapala Noi ame ka Hoike Papahelu Waiwai i oleloia, a o ka poe apau i kuleana iloko o keia mea e hiki ae lakou ilaila ma ka manawa i oleloia a hoike ae i ke kumu, ina he kumu kekahi a lakou no keaha la e hiki ole ai e aeia ke noi, a e waiho pu ae i na hoike kupono no ka poe i kuleana io i ka waiwai i oleloia. A he hoolaha o keia Kauoha e hoolahaia ma ka olelo Hawaii iloko o ka Nupepa Kuokoa he nupepa i pa'iia a hoolahaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua o ka manawa i hoopaaia iloko nei no ka hoolohe i oleloia.
Hanaia ma Lihue, i keia la 18 o Iune, 1904.
Na la Aha:
(Kakauinoaia) JNO. A. PALMER.
Kakauolelo.
3021 - Jine 24, -July 1, 8, 15.
ILOKO O KA AHA KAAPUNI O KA APANA KAAPUNI ELIMA. TERITORE O HAWAII. HOOPONOPONO WAIWAI HOOILINA MA KE KEENA. ILOKO O KA WAIWAI O JAMES UPAPA UNAUNA O KOLOA, KAUAI, I MAKE.
Kauoha o ka Hoolaha o ka Hoolohe Palapala Noi no ka Apono i ka Hoike Papahelu Waiwai Hope Loa, ka Puunaue ame ka Hookuu ana.
Ma ka heluhelu ana ame ka waiho ana mai i ka Palapala Noi ame ka Hoike Papahelu Waiwai o R. K. Ainaike, ka Lunahooponopono o ka Waiwai o James Upapa Unauna o Koloa, i make, iloko olaila i noi ai oia e aeia iaia he $125.25 ana hoi i auhau ai iaia iho me $274.50, a ke noi nei e noii pono ia ua hoike la a e aponoia a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i kuleana iloko olaila, e hookuu ana iaia ame kona poe hope hoopaa mai na ko'iko'i hou aku ma ke ano Lunahooponopono Waiwai.
Ua kauoha pu ia no hoi o ka Poalima, ka la 29 o Iulai. A. D. 1904, ma ka hora umi a. m., imua o ka Lunakanawai o ka Aha i oleloia ma ke Keena Hookolokolo o ka Aha i oleloia ma Lihue, Mokupuni o Kauai, o kahi ame ka manawa i hoike mua ia ae nei oia kahi ame ka manawa no ka hoolohe ana i ka Palapala Noi ame ka Hoike Papahelu Waiwai i oleloia, a o ka poe apau i kuleana iloko o keia mea e hiki ae lakou ilaila ma ka manawa i oleloia a hoike ae i ke kumu, ina he kumu kekahi a lakou, no keaha la e hiki ole ai ke aeia ke noi, a e waiho pu ae i na hoike kupono no ka poe apau i kuleana io iloko o ka waiwai i oleloia. A he hoolaha o @ia Kauoha e hoolahaia ma ka olelo Hawaii iloko o ka Nupepa Kuokoa, he nupepa i pa'iia a i hoolahaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua o ka manawa i hoopaaia iloko nei no ka hoolohe i oleloia.
Hanaia ma Lihue, i keia la 18 o Iune, 1904.
Na ka Aha:
(Kakauinoaia) JNO. A. PALMER,
Kakauolelo.
3021 - June 24,-July 1, 8, 15.
HOOLAHA KUMAU
LEWERS & COOKE
LUI AME KUKE, Kaupalenaia
Na Mea Hookomo mai a Kuai aku i na
LAKO HANA HALE
O Kela ame Kena Ano.
Malaila e loaa ai na mea malalo ihea
NA PAPA N. W., NA PAPA HOLE, PILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI @ KA OIHANA KAMANA, NA PONO PENA.
NA PENA LIKE OLE AME NA HULU PENA, NA ANIANI, NA PEPA HALE, PALE PUKA ANIANI, MOENA, ETC.
O na kauoha pono hale apau loa o hiki mai ana ia makou e hooko koke ia no me ka eleu ame na KUMUKUAI HAAHAA LOA.
LEWERS & COOKE
Hui Alahao ame Aina o Oahu
MANAWA HOLO
Mei 1, 1903.
MAI HONOLULU AKU
No Waianae, Waialua. Kahuku ame na wahi hoolulu ma ke alahao- *9:15 a.m., *3:30 p.m.
No Pearl City, Ewa Mill, ame na wahi hoolulu ma ke alahao- +7:30 a.m., *9:15 a.m., *11:05 a.m, *8:15 p.m., *3:20 p.m., +4:15 p.m., *5:15 p.m., @9:30 p.m., +11:15 p.m.
MAI WAHO MAI.
Ku i Honolulu mai Kahuku, Waialua, ame Waianae mai *8:36 a.m., *5:31 pm.
Ku i Honolulu mai Ewa Mill ame Pearl City mai -+6:50 a.m., +7:46 a.m., *8:36 a.m., *10:38 a.m., *2:06 p.m., *4:31 p.m., *5:31 p.m., *7:40 p.m.
*@5:31 p.m., *7:40 p.m.
*Kela ame keia la.
@Sabati wale no.
+Koe ke Sabati.
G. P. DENISON, Lunahoohana.
F. C. SMITH, G. P.& T. A.
Kakela me Kuke
[KAUPALENAIA]
Poe Kalepa ma ke Komisina
: : A HE : :
POE LAWELAWE KOPAA
Poe Agena no na Ma hiko Lehulehu.
KAUKA T. MITAMURA
Alanui Kukui Ololi Helu 68, Honolulu
Na Hora Hana:
Hora 9 a.m. a 12 m; 6:30 p.m a 7:30 p.m. Sabati: Hora 9 a.m a 10:30 a.m.
Telepone Blue 2366 P.O. Box 842.
. .O KE . .
Koko Ino ka mea e Ioaa ai na Pilikia ma ke Kino.
E Heluhelu i keia mau Manao.
O KA LAAU @
AYER'S SARSAPARILLA
-KA
laau nana e hookaawale na ma'i ino mai kou koko aku. He laau hoonoonoo ai, a he laau e hooikaika ana i kou mau lala apau. O ka Laau Ayer's Sarsaparilla ka laau kaulana loa a paai ke ao holookoa. Ina @ hoomau ia ka lawelawe ana i keia laau e loaa ana ka ke ola kino maikai a me ke koko ma@mae, hoi hou mai ka ula o kou ma@ lehelehe, pu'ipu'i maikai kou mau papalina, a loaa ke kulana ola kino maikai.
He loaa na pu'u paa o ke kino i ke laau Ayer's Sarsaparilla, e hoopakeia ana mai ka ma'i puu paa "Bright's Disease" ame na ma'i oia ano. Ke k@ ikaika aku nei makou e lawe ia keia ano laau ma kahi i ike ia na ma'i Puu paa apau.
Hoomakaukau ia e Kauka J. C. Ayers & Company, Lowell, Mass., U. S. A.
E loaa no keia mau Huaale ma no hale kuai laau apau.