Ka Nupepa Kuokoa, Volume XLII, Number 32, 5 August 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Augate 5, 1904

 

 

-KE-

KAUNA WAHINE

: O KE:

 

Kulanakauhale o Tarevis

 

KE ALOHA I KA MAKA PAHIKAUA

--------------

 

MOKUNA XXXIII

KA EMEPERA MA KE POO O KOA PUALIKOA

 

                Mawaho pono iho o ka hotele o na kamahele malihini e noho ana ua piha pono ae no ia wahi—o mua pono no nae o ka hotele eia nae aia he wahi i hookaawaleia – he wahi kanaka ole a na kamahele hoi i hooiaio iho ai iloko o laua i ka oiaio o na olelo a ka mea malama hotele a pela no hoi ka mea malama hotele i hooiaio pu iho ai i ka oiaio o na mea apau i hoikeia mai iaia.  Aia aupuni o mua o ua hotele nei, ua kukuluia ae he laina koa me na ihe loloa no ke pale ana i ka nui kanaka e hooke maii ana a na ua laina koa me na ihe loloa no ke pale ana i ka nui kanaka e hooke mai ana a na ua laina koa nei i ku pale aku ia lakou no ka malama ana i kahi i hookaawaleia no ka huakai Emepera ke ho@ a aku ilaila no ka ike ana i na malihini e like me na mea i kauohaia mai.

 

                O ka mea hoohihi loa iloko o ka noonoo kanaka oia no ka hiehie launa ole mai o ke kulana o na koa kaualio, ia lakou e hoononoho ana iluna @ ko lakou mau lio a aia hoi ma ko lakou umauma pakahi ka pale-kila umauma kahi a ka malamalama o ka la e pa olino ana a hulali ae la e anapa ana na kukuna i o a ianei, a oiai no hoi ka lakou mau ihe e o ana iloko o ka lewa.

 

                He nani maoli no i ka nana aku oiai lakou e maki palua mai ana no ka mea he haiki ko alanui aka i ka manawa i puka mai ai i kahi o ka paka na maheleia ae la lakou a maki ana iloko o ka laina o eono, a oia no hoi ka manawa a ka lehulehu i paa ole iho ai i ko lakou ho eho mahalo i ka nui noeau o ka lawelawe ia o ka oihana koa.

 

                Mamua pono o ka pualikoa kaulio ka Emepera a mahope iho kona mau ukali a ma kona aoao ka Barona Sigifarai maluna no hoi o kona lio me kona aahu piha o ka oihana koa o ke kulana kaualio.  O ka Emepera, aia oia maluna o kona lio keokeo nui kupono a i ka nana aku a kona poe makaainana ua uhi mai ke ano eehia maluna o lakou no ka nui hiehie i nele ole ai ka hooho huro o na makaainana a ikuwa ae la iloko o ka lewa lani.  I ka manawa nae i hookokoke loa mai ai ka huakai e ike maopopoia aku ana na helehelena aia hoi ua lilo a@ la ka ike maka ana o ka panapua i mea hoopuiwa loa iaia a hopu aku la oia i ka lima o kona hoaloha me ke kaimahao oiai hoi e hamama waha nui ana o Konorado me na maka li-o i ka hoomaopopo ana i ke poo-aupuni e hele ana mamua o kona pualikoa kaualio.

 

                “O e na lani!”  i hooho ae ai ka panapua Sure.  “O ka Haku Rodo lofo ka.”  Pehea la oia i aa ai e hoopuhili i ka noonoo o ka lehulehu no ka hala o ka Emepera i na aina hikina?”

 

                No ka nui kamahao loa i loaa iloko o ko Konorado puuwai no ka nanaina ana i ike ai aole i hiki koke iaia ke pane a liala wale kekahi mau minute.

 

                “Oia anei kela?”  i nanau hou ae ai ka panapua, “a i ole ua ona loa anei wau i ka waina a’u i inu mai nei e like me ke ano mau o ia ano haawina i ka loaa mau ia’u.  Aole he wahi alawa iki o kona mau @aka i o kaua nei, a me he la ua oi aku ka ooi o ka nana ana o kona mau maka ame ka ikaika luaole o kona nanaina a’u i ike ole ai mamua koe wale no i ka wa ana i kakapahi ai me ke Kauna Paela.”

 

                “Kakapahi me ke Kauna Paele!”  wahi a Konorado i pane ikaika ae ai i kona hoaloha panapua.  “Inahea nei kona haua ana ia kana?”

 

                “O ua ano olalau ia wau pela i puka hewa aku la ia mau olelo a’u.  He mea oiaio anei o kuu Haku Rodolofo io ka Emepera a oia anei ke kuinu i wehe koke ia ai o ka puka-pa i ka manawa a kakou i komo ai iloko o ke kalanakauhale nei i ka ponei?  Aole.  Ke manao nei wau ua moeuhaneia kaua e Konorado a i ole ua nui loa ko’u ona i ka waina.”

 

                “Aka, aole au i ona rama, “  wahi a Konorado, “a aole no hoi au i hiamoe.  Ke manaoio nei wau o ka Haku Rodolofo o kaua oia no ka Emepera.  Ke hooiaioia nei ia manaoio o’u ma kela koa e hele la ma ka aoao o ka Emepera.  Aia au ke hoomaopopo loa la oia no kuu ilaku ka Barona Buruofela o ke kulanakauhale o Tarevis o ka mea i noi mai ai ia oe@e ki ia’u me ka pua a ka hapanui hoi i ike nui ai he hoaloha pilipaa oia no ka Emepera.”

 

                “Aole e hiki ia’u ke hoomuopopo oia io ia oiai aole ka hoomanao ana o koaa helehelena me a u i keia manawa oiai aole no wau i hoomaopopo loa i kona helehelena ia manawa e like me kau ike nona.”

 

                Ma keia manawa no e kukaiolelo ana na kamahele aia hoi ua ikeia aku la kekahi aliikoa e holo mai ana i o laua nei a kahea mai la me ka @ nui:

 

                “Owai olua e kena mau kanaka e kuku nei me ka wehe ole i ko olua pa@  no ka Emepera?”

 

                “O aole oia he Emepera no’u.  He kanaka Pelekane au ma ka hanau ma.” Wahi a ka panapua i pane aku ai me ka leo ikaika, eia nae, na wehe ae no oia i kona papale-kila muouou, a pela no hoi o Konerado i wehe pu ae ai i kona.

 

                Ua hele pololei mai la ka huakai Emepera a ku iho la mamua pono o mua ma kahi i hookaawaleia a nana hoi ke ku ana ua ku like iho @ na mea apau ia manawa koke no.  Ua huli mai la o Rodolofo a nana mai la i kona mau hoahele o ka po poina ole me ka min@aka pu ana iho, a oia no hoi ka manawa i hoomea aku ai ke aliikoa i pakikeia mai e ka panapua pili i ka papale a mei lawelawe limanui ia oia koe wale no ke kau ana mai o ka lima o ka Emepera e hoike maoli aku ana i ke aliikoa aole e lawelawe aku i ka malihini a emi pu iho la no hoi na aliikoa  nei i hope.

 

                “Ke manao nei wau.”  Wahi a Rodolofo, me ka nanaina ano kanalua, “ua ike no paha wau ia olua mamua.”

 

                “He mea oiaio, e kuu Haku—oia hoi, i ka Mea Kiekie, wahi a ka p@aapu@ i pane aku ai me ka hooponopono koke ana iho i kana kamailio ana me ka pii pu ana ae o kona lima hema a wauwau wale iho la no i kona wahi poo olohelohe, oiai ma kekahi lima ona e paa ana i ka papale-kila muouou ona.  “Owau no kekahi ano kanalua i ko’u ike ia oe e kuu Haku—aole—o ka Mea Kiekie, mamua.”

 

                “Malia ua kuhihewa io paha wau aku i ko’u nana aku ia oe.”  Wahi hou a ka Emepera, “me he la he ano haka-nu oe i ke kamailio nui ana no ha’i a’u no hoi e hoomaopopo nei he panapua oe i makaukau mamuli o  ka hoike ana mai o kau eke pua e haaweia la ma ko kua.  Ua makemake nui au i na kanaka akamai nui ma ka oihana kaua ki pua a eia me a’u he pualikoa i makaukau no ke a’oia mai e oe ma kau oihana.  Mamuli o ka loaa ana ia;u ka noonoo e hui hou ana wau me oe ua haawi kauoha aku nei wau i ua pualikoa la e makaala mai ia oe a e apoia mai oe e lakou ma ke ano i kumua’o na lakou ma ka oihana panapua, a’u i kanalua ole ai i ka holopono o ka pii makaukau o kuu pualikoa ma o kau a’o ana, nolaila e ike aku ia lakou no lakou hoi e apo mai i kau mau a’o ana, a ina e nana ole ia mai oe laila mai poina i ka hoike mai ia mau mea i ko’u manawa e hulihoi mai ai.  Nolaila ke haawi nei au i keia kulana ia oe, a ina makemake oe e ukali pu ia’u ma na wahi apau a’u e hele ai au i makemake ai e ukali, ua loaa ia kuleana ia oe i na manawa apau au e hoike mai ai ia makemake ou ia’u.”

 

                Ma keia mau olelo mai ke kua mai o ka lio keokeo ua holopuni ae ia ke koko iloko o kona mau aakoko apau a he ula puni wale no kona helehelena ke nanaia aku oiai iloko o kona puuwai e pana @na me ha ikaika no ka nui elioli i ka haawiia ana mai o keia kulana hanohano iaia no ka @a mua loa—he hanohano, @ imua o ka aloalii o ka Emepera.

 

                “Ke oluolu loa nei ko’u manao no ka oihana i haawiia mai ia’u mai kuu Emepera—oia hoi, i ka Mea Kiekie—e haawi io no wau i na haawina o ka oihana panapua i kou pualikoa no ko lakou makaukau io, e ka Mea Kiekie.”

 

                “O keia ke keonimana akamai i ka panapua a’u i kamailio aku ai ia oe,” wahi a ka Emepera i pane aku ai i ka Barona Sigifarai.  “Nolaila e nana aku oe i na mea apau e pono ai kana oihana a’o a e hoolawa aku me na pono apau pili ia oihana elike me kana i ike hi he pono me kaloaa ole iaia kekahi hoohalahala  no ka hoolako piha pono ole ia.”

 

                Alaila huli ae la ka Barona Sigifarai a pane aku la ia Konorado:

 

                “Aia he lio kanaka ole mahope loa o ka pualikoa i makaukau me na lako pono kaulio, a e ee aku maluna ona a hahai pu mai.  Mai poina i ka hele mai i ko’u halelole i keia ahiahi, kahi e loaa aku ai he kulana hou ia oe i oi ae maluna o kahi au e ku nei i keia manawa.  Ua lohe au i ka maikai ame ka waiwai nui o kau mau hana a e hoomaopopo pu iho no hoi oe o ka maekmake ia o ka Emepera o ka hapai ana ae ia oe ma keia kulana hou.”

 

                Alaila haawi aku la o Konorado i kona hoomaikai nui ma kona kulou haahaa ana imua o kona Haku mua me ka pane leo ole a hoi aku la mahope o ka puali kahi ona i kuhikuhi aku ai a hoomaka aku la no hoi ka huakai holookoa e kai imua a puka aku la iwaho o ke kulanakauhale a hala wale kekahi manawa loihi na loaa aku la na pualikoa helewawae e maki ana no me ko lakou haalele ia, ana iho i hope mamua iki iho nae o ka napoo ana o ka la.

 

MOKUNA XXXIV

 

ME KA MANAO PAAKIKI NA AKIBIHOPA A KU IMUA O KA EMEPERA

 

                Aole no poaha e hoahewa loa i na Akibihopa e hoopapau ana i ke kiai ana i ke Kakela Turona no kekahi mau anoi i maopopo imua ole la laua aia ke hanaia nei ma kauwahi kokoke ia laua no ka hoopuni ana i ko laua mau pualikoa a ia laua ponoi no hoi, oiai aole o laua noonoo ae i na mana kana e ae aka kau mau no na maka o ka haawipio mai o ke Kakela Turona; a poina loa hoi iloko o kalaua noonoo pili i ka Emepera me ko laua manaoio aia no i ka aina hikina.

 

                Eia nae ua hoouiwa nui ia laua ma ka ikeia ana aku o na pualikoa o ka Emepera ma na wahi like ole kokoke i Alakena ame na wahi e ae a ma ka huli akau a pau pu me ka huli liema a i ka hoikeia ana mai ia laua ua komo pu ae no kekahi mau pualikoa iloko o ka keikialii o Tarevis a oiai aia he eha mau elele i hiki  aku i o laua la e hooiaio ana i ka hoopuniia o laua e na koa a me he la mai ke kulanakauhale alii mai o Palanipoka lakou aole no he wahi akeukeu ae me he la aole ia he mea laua e kuha’u ai oi loa aku nae ko Tarevis keiki.

 

                Aka ma ka hoea ana mai o ka elele hope loa e hoike ana i na mea apau akahi no a hoomaopopo loa iho la ka Akibihopa o Tarevis na puni io laua ame ko laua mau koa i ka hoopuniia e na koa o ka Emepera a akahi no a makili ae ka noonoo he hana keia no ko laua hopupioia mai a lilo ae i mau paahao, a ma ka aoao o ka Akibihopa Hokedana o Koloue ua nui ino loa kona pihoihoi no keia mea ano hou loa o ke kulana kunahihi a me ia ano oia i pane aku ai i kona hoa.

 

                “Heaha ana la ka manao o keia hoopuni o na koa o ka Emepera ia kaua?”  wahi a Hokeda@ a i pane aku ai i kona hoa oiai laua iloko o ko laua halelole e noho kuka mau ai ina e ulu mai kekahi ninau no ka noonoo ana mawaena o laua.  “A pehea la kaua e hui aku ai ina nei no ke kikooaia mai o kaua no ka pane aku?”

 

                “Aole o kena mau ninau a elua ke hiki ia’u ke pane i keia manawa.  Ke manao nei wau aole aku la keia he mau pualikoa e hoopuni nei ina aia kekahi o ia ano ke hanaia mai nei—oia hoi aole au i manaoio o na pualikoa ia o ko kaua hoaloha o Meina no ka huli ana mahope o ke Kauna Paela a ku-e mai ia kaua a oi loa aku no hoi ko’u manaoio ole he mau pualikoa no ka Emepera oiai aole puka wale kona mau puali@iwaho me ke alakai ole ia e ia no ka mea pehea la e hiki ai iaia ke hana pela ina aia oia i na aina hikina i keia manawa.”

 

                O ka pane keia a ka Akibiohopa o Tarevis a mamua o ka pane ana mai o Akibihopa Hokedana aia hoi ua hoea mai kekahi lohe i o laua i ka hoea aku o ka Barona vona Burunofela me ka hoike pou ia aku i kona ukaliia mai e kekahi ualikoa o ke kulana ikaika a ua komo mai iloko o ko laua lainakoa me ke kauoha mai i k ona makemake e hui kukaiolelo maluna o ka mea i makemakeia.

 

                “A akahi no a maopopo loa ae la.”  Wahi a ke keikialii o Tarevis eia ka o Burunofela, ka mea hoi a kaua e panai aku ai i na hoomaikai no keia mau hana hoopuiwa.  Ke manao nei au o ka noho loihi loa o kona Emepera i na aina hikina ke kumu o kona ano ikiiki a hiki ole iaiake hoomanawanui nolaila ua lawe kaokoa ae la no oia i kona mana a hooliana mai la ke kumu hoi e ikeia aku nei keia mau hana hoopuiwa.  Ma keia mea aole e hiki iaia ke hanawale aku mamua o ka ike aku i ka Emepera, eia hae ka mea hilu loa aole ka Emepera ianei e holopono ai kana papahana.”

 

                “Malia paha uahoouna mai ka Emepera he komikina o ia ano i ka Barona?”  i hoomaopopo aku ai ka Akibihopa Hokedana.

 

                “Pela io paha, eia nae ke kanalua nei wau no ia mea.  Akahi no wau a hoomanao iho la i kona hele ana mai iau i ke kulanakauhale ma kahi o ka elua makahiki i hala ae nei a me he la no kuu ae ole ana iaia e ike ia’u oiai oia kona makemake o ka hele ana ae no ia kumu paha kona mea e hoala mai nei i keia hana, a ina oia ke kumu ua nui ino kona hemahema ame kona naaupo i ka lawelawe a hoohana ana i keia papahana ana.  E ae aku iaiai e kipa mai.

 

                I ka manawa i komo aku ai ka Barona ua kulou haahaa aku la oia imua o na keikialii.

 

                “E kala mai e kuu mau haku no keia kimopo ana mai i o olua nei me ka hoike mua ole ana mamua ae o ka manawa aka mamuli o kekahi hana hiki ole ke hoohakaliaia pela iho la i hanaia mai la pela.  Ua hele mai la wau malalo o ke kauoha a ka Mea Kiekie Rodolofo o Hapesaboga, ka Emepera o Kekemania no ka waiho aku i kana kauoha maluna o ka mana o keia kaua hoopuni i ke Kakela Turona e kauoha ana iaia e weheia i alanui maweana o na laina kiai e ku kiai nei i keia manawa no ka lawe ana i ai ame ka waina iloko o ke Kakela Turona.  Eia ka huakai lio i kaumaha me ka ai ma ke ala a he hiki mai koe i Alakena a o ka makemake o ka Emepera oia no ka hele loa mai o ua huakai nei no ke kakela me ka ke’ake’a ole ia.”

 

                “He keu keia a ka hana kamahao loa i ike ole ia mamua o ka hiki ana mai o keia kauoha a ka Emepera mai ka aina hikina mai i ka manawa koke e like iho la me keia a hoopuipui aku no ka lanakila o ke Kakela Turona.  Ke kanalua loa nei au i ka oiaio o kena kauoha i houunaia mai ia oe mai kahi loihi loa e hoea ole ai ianei iloko o ka manawa pokole loa.”  O na olelo keia a ka Akibihopa Iseneboga i pane aku ai me ka leo ikaika me na maka hoomakue hakumakuma.

 

                “Aole ka oe i ike e kuu Haku a hoomaopopo hoi i ka hoi ana mai o ka Mea Kiekie, ka Emepera, a eia oia ma ke kahua hoomoana aole i mamao loa mai keia wahi aku.  E oluolu mai e kuu Haku e hoomaopopo mai aia he poino iloko o ka hoohakalia i ka hooko ana i keia kauoha.”

 

                “Poino?  Iawai?”

                                                                                (Aole i pau.)

 

 

 

====MAKAIKIU====

 

WETE * DETONA

 

Ke Ahi Lalapa Pio ole i na Nihiliti

Ke Kanaka Amerika Koa lua ole

 

---------------------

 

MOKUNA XII

 

HUI O IVANA ME SOFIA MA KE ANO HOALOHA

 

                “A, Sofia, na loaa oe ia’u i keia manawa, “  wahi a Ivana; @  aku ai.

 

                O ko Ivana ano ia manawa he hoihoi, aka nae ua hiki ia Wete ke kilo aku, aole ia o ko Ivana manao, aka ke hana nei oia e like @  ke kuhikuhi ana a kekahi mea iaia, a ua koho aku ho hoi o Wete @ Gerenigofa keia alakai ana ia Ivana e hana aku pela.  No K@  wahine Alamazofa i kela manawa, ua hiki  @ ole iaia ke pane @  i ka Ivana i panai aku ai, a me he mea la ua pahaohao @  kona waha a hiki ole iaia ke pane aku i ka Ivana mau olelo @  puka, aku ai iaia.

 

                “Heaha hoi keia?  Aole anei ua huikala ia mai wau?”  @  a Ivana i pane aku ai.  “Ua ha’i ae nei o Gerenigofa ia’u ua.

 

                “He oiaio.”  Wahi a Kaunawahine Alamazofa i pane aku @  ka manawa mua loa, “eia nae he hui ana keia a’u i moeu@ ole ai.  Aole, aole loa wau i manao mua e hele mai ana @  po, a ua ---ua----------------“

 

                “A ua hiki ole ia oe ke noonoo ae i keia manawa ia’u @  kewa aku ai ia oe.  Keu no hoi ua huikala ae nei hoi oe ia @  hana ana a’u pela?

 

                “O, he oiaio ua kala piha aku wau ia oe.  Ua ala mai ia m@  o kekahi kuhihewa.  E oluolu oe e hoopoina iho ia mea a @  puka hou mai oe i kekahi mea e pili ana no ia mea.”

 

                O Wete oia wale no ka mea i kokoke aku ma kahi a Ivana e ku ana, oiai ua haalele iho la ke anaina e ku poai puni ana @  kaunawahine ame Gerenigofa ia laua, nolaila na lohe po!  Wete i keia mau kukai olelo ana mawaena o laua.

 

                “Heaha la ka manao o keia mau mea apau?”  wahi a Wete i @  iho ai iloko ona.

 

                He mea oiaio ma ko Wete hookuku ana iho i keia mau mea @ ua loaa ae ka ike iaia na hui aku o Gerenigofa me Ivana, a ma @ la i huikalaia ai na hana apau i ala mai mawaena o Kaunawah@  Alamazofa ame Ivana, eia nae aole i maopopo ia Wete pehea @  hana i hana ia ai a heaha la ka hopena o ia mau hana.

 

                I ko Wete hoohuihui ana i na mea apau i ala mai ka manawa@  ana i lawelawe ai i keia hihia a hiki i keia manawa, ua ala koke @  la keia ninau iloko ona:  Pehea la i hoopunipuni ai o Kaunawa@  Alamazofa ia Ivana a puni wale ua Ivana la, ina io ua ike @ Ivana i kana mau hana hewa e like hoi me ia a Kaunawahine  Radolinisiki i ha’i aku ai.

 

                He mea hiki ole ke hoole ae o ua wahine la i hiki ole ke @  aku i ka Ivana mau huaolelo mua i hoopuka aku ai, i kena man@  i ike mai ai ia Ivana, aia no iloko o kona puuwai pa@  koko ua @   manao ana no kana hana hewa i hana ai i keia manawa, @   loa he wahi uhane aloha iloko ona no ka wahine e noho la iloko @  ka halepaahao, he hookahi wale no ana mea nui, oia ka hooko ia @ kona iini e make ua wahine la a e haulani ae hoi a lilo aku iaia @  mea a kona puuwai e pepe nei i ke aloha.

 

                He mea oiaio o keia mau mea apau a Wete e ike nei a ho@   ak me kana i lohe ai mai ia Kaunawahine Radolinisiki  me@   mau meahuna lakou na Wete e huli aku ai, a ua paa ka manao @  kakou Wete e hana i kana hana apau pono; nolaila na hoomau @  la oia i ka hoolohe ana i na kukai olelo ana mawaena o Ivana @  ke kaunawahine.

 

                “E noho iho ana anei oe ma Parisa nei no kekahi manawa?”  @  ninau aku ai o Ivana.

 

                “Ke manao nei wau e uoho loihi ana wau maanei.  Ua p!   aku wau i ko’u hale o Sana Peteroboro, a ua lawe ae nei wa i @  no’u maanei ma ka hoolimalima no hookahi makahiki, nolaila @  mai ana oe i ka loihi o ka manawa a’u e noho iho ai maanei.”

 

                “Ke hauoli nei wau no keia.  Na Gerenigofa e ha’i ae ia’a @  manawa e hiki ai ke kamailio e like me ka kaua i makemake ai.  Ua @  anei ia’u ke hele aku i kou hale?”

 

                “Ua hiki ia oe ke hele mai e like me kou hele ana i kou @  ponoi.”

 

                “Ina pela i ka la apopo kaua e hui ai.  E hookuu mai oe !   hele oiai ke kali mai nei ko’u hoahele.”

 

                “Gudi-nai, a mai poina oe i ka hele ana ae,”  wahi a ua @   wahine la me ka mioaka maluna o kona mau papalina.

 

                “Aole wau e poina ana.  Gudi-nai.”  A ia manawa i haalele @  o Ivana aole no nae he wahi hoihoi maluna o kona helehelena.

 

MOKUNA XIII

 

HUI KUKAI O WETE ME IVANA

 

                I ko Ivana manawa i haalele iho ai i ke kaunawahine, ua @  loa aku la oia a hui me Kauna Gerenigofa a kamailio aku iaia @  kahi mau huaolelo, alaila puka loa aku la oia mawaho o ka @    Ua puka aku la no hoi o Wete a hahai aku la iaia, a hui ae la i ka manawa a Ivana i puka mai ai iwaho o ka lumi waiho ko@

 

                “O Ivana Horawiki anei keia a’u e hui pu nei?”  i ninau @  o Wete i ko laua manawa i halawai ae, ai, a ua hoopukaia ak@  keia mau huaolelo ma ka olelo Beritania.

 

                “Ae.”

 

                “O kou makuakane, i kona manawa i lohe ai i kou pilikia @   wau i hoouna mai nei e kokua ia oe.  Ua hahai mai nei wau@  a hiki i Parisa nei.  He makai-kiu wau.”

 

                “A,”  wahi a Ivana i puana ae ai me ka hoihoi ole, ua lohe@   eia kekahi kanaka ianei kahi i olelo ai na ko’u makuakane i @  mai iaiak, aole ----------------“

 

                “Mahalo, ua lawa iho la kela,”  i kahamaha aku ai o Wete @  manao nei wau ua hiki no ia oe ke ike i ka limakakau o kou @  kuakane?”  a ia manawa i unuhi ae ai o Wete i na palapala a Ivana Horawiki makua i haawi mai ai ia Wete, a haawi aku la ia Ivana.

 

                Lalau mai ia o Ivana a heluhelu iho la, a ia manawa i @  ai kona helehelena me he mea la e pahaohao ana no keia mau @ pala.

 

                “E kala mai oe ia’u,”  wahi a Ivana i pane aku ai me ke kulana keonimana maoli, “no ka’u mea i hoopuka aku nei, eia nae----------------“

 

                “Eia nae ua papaia mai oe e nana pono loa i kau mea e hana ai a e makaala loa hoi i kekahi kanaka e hele mai ana imua ou ma @  ano hoopunipuni, a o ua kanaka la owau no ia, aole anei pela?” wahi a Wete i kahamaha aku ai.

 

                “Ae.”

 

                “Well, ina io owau keia kanaka i papaia mai ai oe aole e hui pu mai, pehea la e ae mai ana anei oe e hui pu mai me au a kamailio pu kaua no kekahi mau minute?”

 

                “Ae, no ka mea ke makemake nei wau e ike i kau hana,”  wahi a Ivana i pane mai ai me ka minoaka maluna o kona papalina, oia akahi no ia a hoomaka e ike i ke kokua nona iloko o keia pilikia e poai nei iaia.

 

                “Mahalo.  Ua maopopo no anei ia oe ka manawa a Kauna Gerenogofa e haakele iho ai ianei?”  wahi a Wete i pane aku ai.

 

                “Me he mea la aole oia e haalele iho ana ianei a hiki i ke aumoe.  No keaha la oe i ninau mai nei ia ninau?”