Ka Nupepa Kuokoa, Volume XLII, Number 40, 30 September 1904 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA SEPATEMABA 30, 1904.

 

aku la na maka o ke kaunawahine maluna o Wete me ka manao e kauoha aku iaia e lele ilalo, aka mahope o kona noonoo ana ua hoopau ae la oia ia manao ona, a kauoha aku la oia i ke kalaiwa kaa e hooma@ aku i ka lakou hele ana.

 

No Sofia i keia manawa, me he mea la ua poina oia ia Wete e noho nei mamuli o ka ulupuni o kona noonoo no Vera. a iaia e noho ana me keia ikaika o ka manao iloko ona no Vera, ua hehi ino aku la kona mau wawae i ka papa pa-pu o ke kaa me kona hoopuka ana ae i keia mau huaolelo:

 

 “E wiki!”

 

No ka kakaou Wete hoi eia oia ke noho nei me ka nana ana i na mea apau a e kali ana hoi i manawa kupono nona e hoohana aku ai i kana papahana. nolaila i kona lohe ana i ko ke kaunawahine manao i awiwi aku ka lakou holo ana , ua huli aku la oia a pane aku la i ka kalaiwa kaa:

 

 “E wiki!”

 

A ia manawa hookahi no hoi i hopu aku ai oia i ka huipa a kaili mai la mai ka lima mai o ke kalaiwa kaa a hili iho la i na leo me ka ikaika.

 

 “Heaha kau e hana nei pela?” i pane kalakala ae ai ke kalaiwa kaa, alaila huli aku oia a hoolilo aku la i kona manawa ma ka hoomalielia ana i na lio.

 

Aole i ike mai o Sofia i keia hana ana a Wete, a ike wale no oia i kona manawa i ike ai i ka puiwa o na lio; eia nae mamuli o kona kamaaina i ke ano o na lio ua lilo keia i mea nana e hoala ole mai i na manao ano e iloko ona, a noho iho la no oia iluna o kona noho me ka nana ole ae ia mea.  I keia manawa i hapai hou ae ai o Wete i ka huina a hahau hou iho la maluna o na @o a i keia manawa i lele aku ai ua mau lio la, a nahu iho la i na kaula kaohi, a hoomaka aku la e holo maoli.

 

Kau aku la na maka huhu o ke kalaiwa kaa maluna o Wete no keia hana ana i hana ai, eia nae aole he hana pono e ae ma kona aoao o ka hoolilo wale no i kona manawa no ka hoomalielie ana i na lio e holo pi ana. I keia manawa no hoi i ike ai o Sofia ua puiwa na lio a ke hiki pono ole nei i kona kalaiwa kaa ke paa mai, a ia manawa no hoi i haikea ae ai kona helehelena, eia nae aole oia i hoopuka i kekahi huaolelo, aka noho aku la e kali i ka hopena e loaa mai ana.

 

“E haawi mai ia’u i na kaula kaohi,” wahi a Wete i pane aku ai i ke kalaiwa kaa a ia manawa pu no hoi i lalau aku ai o Wete i nakaula kaohi mai na lima mai o ke kalaiwa kaa e noho nei iluna o kona noho me kona helehelena haikea.

 

Hoalualu aku la o Wete i na kaula kaohi me he mea la e hooponopono ana i kana paa ana, a i ka manawa i ike ai na lio ua aluko laua mau kaula kaohi oia no ko laua manawa i hooi aku ai i ka holo ana. I keia manawa i luaieleia ai kahi kaa i o a ianei. O kahi kalaiwa kaa keia ua hiki hou ole iaia ke hoomanawanui a anehe aku la oia e lele, aka ua paaia aku la oia e Wete a kauohaia aku la oia me ke koikoi e noho malie, a o keia kauoha ka ua kanaka la i hoolohe pono ai.

 

Me kekahi wahi mamao mai ia lakou nei aku i ike aku ai o Wete i kekahi auwai ma kekahi aoao o ke alanui, nolaila ua kalaiwa aku la oia i na lio no ua auwai nei, a iloko o ka manawa pokole ua huli aku la ke kaa ame na lio a waiho aua ilua o ka lepo. O kahi mea hilu loa ma keia, oia ka loaa ole ana o kekahi o lakou i ka poino. O kahi kalaiwa kaa keia ua piha loa oia i ka maka’u a aia oia iluna o ka lepo kahi i waiho mauleule ai, a ao ke kaunawahine hoi ua maka’u oia aole no nae he nui o na wahi palapu i loaa aku iaia. O na lio hoi he mau wahi eha liilii wale no e poino ole ai.

 

No Wete hoi i ka manawa i huli ai o ke kaa ua lele aku la oia ma kekahi aoao, a i kona ala ana mai o kana hana mua loa oia ke kii ana aku e okioki i na kaula huki kaa i hiki ai i na lio ke hemo

mai, a malalo hoi o kana kuhikuhi ana i hooko mai ai kekahi poe kakaikahi i ike mai i keia poino a kokua mai ia lakou. I keia manawa i maikai loa ae ai kahi kalaiwa kaa, a aia hoi oia ke hoopuka la i na olelo hoinoino no Wete no kana hana kolohe i hana ai.

 

No Sofia i keia manawa, aia kona mau maka ke kau la maluna o ka kakou Wete me ka inaina, a i kona manawa i lohe ai i na olelo a ke kalaiwa kaa ua komo koke mai la iloko ona na manao hoohuoi, a me kona mau maka inaina, ua lele aku la oia no kahi a ke kalaiwa kaa a ku ana, a ninau aku la:

 

“Ua i mai nei oe no ia nei ka hewa?”

“Ae: ua lalau mai oia i ka huipa mai ko’u lima aku a hahau aku la i na lio a hiki i ka puiwa ana.

 

I kela manawa aia no ua maka o ka kakou Wete ke kau la maluna o ke kaunawahine, a i konaike ana aku i ka huli ana ae o ua wahine la me kona mau maka huhu me ka manao e kauoha aku i na kanaka e hopu mai iaia, oia no kona manawa i lekei ae ai a kau maluna o ka lio mua loa i hemo ai, a huli mai la oia a pane mai la:

 

“E holo ae wau i mau kokua, e ke kaunawahine,” a ia manawa aia oia ke holo la me ka puahiohio no kahi o ka halpaahao.

 

Mamua o ko Wete hoomaka ana e holo ua hemo ae ka lua o ka lio a e ku ana no iluna, aole no nae i pau i ka hemo na ili e kau ana maluna ona, a ia Wete e holo ana ua huli mai la oia a nana mai la i ke kaunawahine, a ike mai la oia i ua wahine la e huki ana i na ili

mailuna aku o ka lio.

 

“Ke ike nei wau me he mea la hoouna mai ana oia i kekahi mea e uhai mai ia’u,” wahi a Wete i hoopuka ae ai. “Aole—oia no ka ke uhai mai ana. Aole loa oia e hilinai ana i kekahi mea okoa

aku, aka nana ponoi no e lawe aku i ke kauoha no ko Vera make.” wahi hou a Wete i puana ae ai i knoa manawa i ike aku ai i ke kaunawahine i kona lekei ana ae iluna o ka lio, a hoomaka mai la e holo mahope ona.

 

He mea oiaio na hala mua ua Wete nei a kakou, a iaia i ike mai ai i ke kaunawahine a uahi aku ana mahope ona, a e kau ana hoi iluna o kona lio e like me kekahi keiki paniolo akamai lua ole, ike iho la o Wete, he mea pono iaia ke kuupau aku i ka holo o kona lio i mea nona e mamao loa aku ai mai ke kaunawahine aku, a i loaa ai hoi ka manawa nona e hiki ai i ko Vera lumi a hoopakele ae iaia. He mea oiaio aole e loaa ana iaia ka hapalua ho@a ana i manao ai, aka ua loaa mai ka ma@aoluaua iloko ona ke loaa ole mai na kuia iaia ma ka lua i kuhikuhiia mai ai iaia, alaila e hiki ana oia i ka manawa e hoopakele aku ai ia Vera.

 

No Kaunawahine Alamazofa hoi, me he mea la ua honi oia i ka hohono o ka hana i hanaia mai nona, a iloko o kona inaina nui ua palela ae no mea apau imua oua, a he hookahi wale no aua mea e iini nui lea ana ia manawa oia ka hoea koke aku i ka halepaahao a waiho aku i ke kauoha i haawiia mai i kona lima. E hooko ia ana anei keia iini puuwai koko o ua kaunawahine la?

                                    MOKUNA XXVI.

                        MAI KA LUA A I KA HALEPAAHAO

 

Hooi loa aku la o Wete i ka hulo o kona lio, a oiai ua hala loa aku la laua nei mai kahi e noho nui ia ana e na kanaka, nolaila aole he mea a Wete e maka’u ae ai. Aia no o Sofia ke hahai la mahope ana aku i ua kaunawahine la e hahai mai a@a mahope ona. Mahope o ka hala ana  o kekahi manawa loihi ma ka laua nei holo ana ua hala l@aku la o Wete ma kahi mamao loa mai ke kaunawahine mai a iloko o ka manawa pokole nalo aku la ka kakou Wete mai na maka aku o ke kaunawahine.

 

I ko Wete ike ana ua nalo oia mai na maka mai o ke kaunawahine, ua hoohuli ae la oia i kona lio a ka@e aku la no kahi o ka lua e waiho ana, a hiki aku la no hoi oia ilaila iloko o ka manawa pokole, Lele iho la oia ilalo pa’i aku a i ka lio ma kona kikala, a holo loa aku la @o la no ka halepaahao. He manao no ko Wete ma keia hoohuli ana i ka lio no ka halepaahao, oia hoi i mea e ike mai ai o Sofia ua loaa ka poino i ke kanaka nana i hana a poino kona kaa, a ma ia ano e loaa ai i ua kaunawahine la ka manaolana aole i poho kona manao lapuwale maluna o Vera.

 

(Aole i pau.)

 

RUSIA AME IAPANA

--: MA KE :--

Kahua Enaena o ke Kaua

Kakauia e Bernard H Kelekolio.

 

NA KUKA’IOLELO I MALAMAIA MAWAENA O RUSIA AME LAPANA—ULUHUA O IAPANA I NA HANA HOLOLOIAHILIN A RUSIA A HOOHOLO OIA NO KE KAUA—ULUPAIA NA MOKUKAUA O RUSIA E NA AUMKUKAUA TOPIDO O IAPANA.

 

________

 

Helu 25.          Mr. Kurino ia Barona Komura.

            St. Petersburg. Novemaba la 13. 1903.

(Telegalama). Loaa.Novemaba la 13. 1903.

 

Ua ike au ia Kauna Lamedofa ma ka la 12 iho nei o keia mahina, a no noi aku au iaia ina ua loaa iaia ke kope o ka telegalama a’u I haawi ai ma ka poholima o ke Keikialii Oboleneski (Prince Obolensky) a ina no hoi I hanaia kekahi hana maluna o keia ninau. Ua pane mai oia ua haawi aku oia i ka telegalama I ka Emepera, a mamua o kona haalele ana mai ke kulanakauhale o Darmstadt aku, ua hoouna aku oia malalo o ke kauoha a ke Emepera he mau a’o ana ia Barona Rosena e hoomauia ka malamaia ana o na kukaikamailio ana me ke Aupuni Imipiriela o Iapana. Ua ninau aku au iaia ina maluna o na Loina i apoia maloko o ka kakou mau kumuhana hope, I a’o ia ai o Barona Rosena e hoomauia ka malamaia ana o na kukaikamailio ana.  Ua olelo mai o Kauna Lamedofa ua kauohaia aku o Barona Rosena e ke Emepera e noii i ka kakou mau Kumuhana hope loa me Adimarala Alakipi n@ ka hooponopono hou

 

ana ina he mea hiki. me ka pakui pu mai. aia o Barona Rosena me

Adimarala Alakipi ke hoolilo nei i ko laua manawa ma ka hoomakaukau ana i na Kumuhana ku-e o ke Aupuni. Ua hoike aku au ia Kauna Lamedofa i ka manao o ke Keikialii Oboleneski. o ka hui ana o na alahao o Korea ame Manekekuria oia wale no ke kuia ame ka ninau nui i kaupale i na Aupuni elua: a oiaiua hoopnopono hou ke Aupuni Imipiriela o Iapana i ka pauku e pili ana i keia ninau aole o’u manaoio oia ke kiko ano nui e loaa ole nei ka apono ana mawaena o na aupuni elua. Ua pane mai o Kauna Lamedofa ia’u ma ke ano o kona manao ia. o ka ninau pili i ka aina o Manekekuria. oia ka mea e kaupale nei i na aupuni elua. e like me kana i olelo

mau ai. he ninau ia mawaena wale no o ke Aupuni o Rusia ame Kina. a he mea pono no e waihoia aku i ke Aupuni no ka hana ana i na mea e hoomalu ai ia mau kuleana nui iloko o ka aina o Manekekuria me kekahi olelo paa me ke aupuni nui o Kina. Ua hoakaka aku wau iaia ua makaukau mau ke Aupuni Imipiriela o Iapana e apono aku i ka nui hewahewa o na kuleana o ke Aupuni Imipiriela o Rusia iloko olaila. oia hoi o Manekekuri. a aole no hoi he mau manao i hoopunanaia e ia no ka hoopoino ana aku ia mau kuleana o Rusia: aka. ua loaa i ke Aupuni Imipiriela o Iapana ke kuleana nui e noi aku i ke Aupuni Imipiriela o Rusia e apono aku i ke Kuokoa ame ke kahua paa o ke aupuni nui o Kina a e ike hoi i ke kuleana nohona o kona mau makaainana am@ na pono oihana kalepa iloko olaila. Ua pane mai o Kauna Lamedofa o ka mea nui e ku-ewale ia nei no oia ke ano o ka Palapala kumuhana a aole hoi ka loina i apoia iloko olaila. Aia iloko o ka aina nui o Manekekuria he mau kuleana nui no kekahi o na mana nui a no ia kumu aole i hiki i ke Aupuni Imipiriela o Rusia ke hana i kekahi aelike me na aupuni apau i loaa ko lakou mau kuleana iloko oia aina. Ua hoike aku wau iaia ina ua like a like na manao o na Aupuni elua maluna o ka loina paa i hoikeia ma na Kumuhana o na aupuni elua he mea kaumaha ka loaa ole o na olelo aelike mawaena o laua. mamuli wale no hoi o keia kumu. a no keia aole i hiki ia’u aka. o ke noi wale aku no iaia e hooikaika e like me ka hiki iaia i loaa ai no oleleo hooholo ana maluna o na loina i panaiia aku imua o ke Aupuni Imipiriela o

Rusia a i aponoia no hoi eia.

 

            Helu 26.          Barona Komura ia Mr. Kurino.

(Telegalama)   Tokio, Novemaba la 21, 1903.

 

Ua hoike mai o Barona Rosena ia’u ma ka la 20 iho nei o keia mahina, ua loaa mai iaia he telegalama ma ka la 14 iho nei mai a Adimarala Alakipi mai e hoike ana ua hoouna aku o Adimarala Alakipi i na Kumuhana ku-e i ka pookulanakauhale o St. Petersbrug. Ua olelo pu mai o Barona Rosena ia’u aole loa i oaa iaia he mau a’o hou ana maluna o keia kumuhana i hoikeia ae ne maluna. Mamuli keia kumu ke kauohaia aku ne oe e ike koke ia Kauna Lamadofa e like me ka hikiwawe i loaa ia oe. a mahope o kou wehewehe ana aku i na olelo a Barona Rosena i hoikeia ae nei maluna, e olelo aku oe, ua iini nui ke Aupuni Imipiriela o Iapana e nee mua na

hana kukaikamailio ana me ka ulolohi ole; a noi ikaika aku oe iaia e hana e like me kona ike i loaa ai he mau a’o hou ana ia Barona Rosena i hiki ai hoi ke hoomou ia ke kukaikamailio ana a hoea i ka hopena m ka hoololoiahili ole.

 

            KEKAHI O NA REGIMANA RUKINI F. MAKI ANA MALALO O KE KAUOHA.

 

            Helu 27. Mr. Kurino ia Barona Komura.

            (Telegalama). St. Petersburg, Novemaba la 22, 1903.

Ua ike au ia Kauna Lamedofa i ka la 22 iho nei oka malama o Novemaba. Ua hoike mai oia ia’u aia na hoololi ana maloko o ka poholima o ka Emepera: aka, mamuli o ka onawaliwali oka Emepera wahine ua hiki ole i ka Emepera ke nana i na hana pili aupuni: a mamuli o keia kumu i ulolohi ai na hana o ha kukaikamailio ana. Ua noi aku au iaia e hooikaika e like me ka hiki iaia e loaa ona panemaluna o keia @au. Ua hoike mai oia ia’u ma ke ano o kana pane ia he oi aku ka maikai ame ka hiehie ina au e kakau a haawi aku iaia ika manao nui o kau mau a’o ana au i oluolu nui ai e haawi mai ia’u: alaila i ka manawa e loaa ai iaia keia pane e telegalapa koke aku no oia i ka Emepera e pili ana no keia mea.  Mahope iho o ka maua kamailio ana na ninau aku au iaia ina ua Liki iaia ke hoike mai ia’u i ke ano ame ka manao piha o na hoololi i hoolalaia e Adimarala Alakipi. Ua ano pohihihi oia no ka pane ana mai ia’u e pili ana i keia @au aka, wahi ana i olelo mai ai, ua oluolu a na hauoli loa ke Aupuni Imipiriela o Rusia e komo iloko o ke apo o ka aelike me ke aupuni Imipiriela o Iapana e pili ana no ka aina o Korea, me

ka haawi pu ana aku ia na kuleana nui i ka Aupuni Imipiriela o Iapana; aka, e pili ana no ka aina nui i ke Aupuni Imipiriela o Manekekuria, oiai na komo mai oia malalo o ka hae kaha pe’a o Rusia mamuli o kona mana kaua, ua hauoli no oia no ka pnai hou ana aku i keia aina uni i ke

aupuni nui o Kina. ak, me kekahi mau olelo paa ma ka aoao o ke aupuni  nui i Kina e malama e ko Rusia mau kuleana nui ma ka aina nui o Manekekuria. Elike me ka loihi o ke Aupuni nui o Kina e kupaa ne ma hoole ana i keia mau olelo hoopaa e pili ana no keia mau kuleanna nui o Rusia maloko o ka aina o Manekekuria, he mea hiki ole i ke aupuni nui o Rusia ke komo pu a kuka me kekahi aupuni e ae ma ke ano kolu, oiai he ninau keia mawaena wale iho no ona ame ke aupuni nui o Kina. Ua olelo aku au iaia ina aole au i kuhihewa o ka manao nui o ka kakou   umuhana aole no ka ke’ake’a ana i na kukaikamailio ana mawaena o ke aupuni nui o Kina ame ke Aupuni Imipiriela o Rusia aka. ua iini nui wale no kakou i ke Kuokoa ame ke kahua paa o ka Aupuni o Kina e@ Like me ia a Rusia i kukala mau ai i na la i hala ae nei he nui, a i hoomaluia ai no hoi na kuleana nui o ke Aupuni Imipriela o Iapana iloko oia mau pe’a aina.  Aole i hanaia keia mau hana ma ke ano e ke’ake’a ana i na kukaikamailio mawaena o ke Aupuni nui o Kina ame ke Aupuni Imipiriela o Rusia aka, he mau hana kupale wale aku no ia i ka hoomaopopo

pono ole ana mawaena o na aupuni elua, oia hoi, mawaena o Rusia ame Iapana e pili ana i ka aina o Manekekuria kahi hoi o na kuleana o laua i hui ai. Ua pakui aku au i na olelo, ina la e ae mai ana ke Aupuni Imipiriela o Rusia i ka loina nui i apoia maloko o na kumuhana a ke aupuni o Iapana me he la he alanui malaelae no ia e hoopokoleia ai na kukaiolelo ana mawaena o ke aupuni nui o Rusia ame Kina.  Ua noi ikaika mai oia ia u e kakau au i keia mau manao i hoikeia ae maluna, maluna o ka pepa me na olelo pakui kekahi a’u hoi i manao he mea maikai, a e hoouna koke no oia i keia mea ma ka poholima ok ka Emepera.  Ua hoike mai oia ia’u e hui pu ana oia me ka Emepera i ka la 25 o ka mahina o Novemaba ma ke kulanakauhale o Skernevice a o keia palapala hoi ua hiki no ke hoounaia iaia ma ke ahiahi.  Ma ke ano o ka Kauna Lamedofa kamailio ana ua manao au. o na hoololi i manao a i hoolalaia hoi Adimarala Alakipi aole ia e kulike ana me na manao ano nui o ka kakou kumuhana i waiho aku ai imua o ka Aupuni Imipiriela o Rusia.

 

            Helu 28.          Barona Komura ia Mr. Kurino.

            (Telegalama). Tokio, Novemaba la 28, 1904.

Ua hoike ami oe maloko o kau telegalama ma ka la 22 iho nei o keia malama o Novemaba. ua manao nui o Kauna Lamedofa e halawai pu ana oia me ka Emepera i ka la 25 o hiki mai ana.  I kulike ai me keia.  ke a’o ia aku nei oe e ui aku iaia. mahope o kona halawai pu ana me ka Emepera, ika manao nui o ko@a hanohano, ka Emepera.

 

            Helu 29.          Mr. Kurino ia Barona Komura.

            (Telegalama). St. Petersburg. Nov. 27 1903

                                                Loaa, Novemaba 28, 1903

Ua hoike mai o Kauna Lamedofa ia’u aole @ia i hui pu me ka Emepera ma ka la 25 iho nei o keia malama o Novemaba mamuli o  ka onawaliwali o  ka Emeperawahine.  Mamuli o kekahi mau ehaeha i loohia maloko o kona pepeiao ua lawelaweia oia i keia la e ke kauka.  Ua olelo mai oia ua hoouna aku ia e like me ka hikiwawe iaia, i ka palapala, ma ka lima o ka Emepera a hoikeia ho maloko o ka’u telegalama o ka la 22 iho hei o keia malama o Novemaba.

            Helu 30.          Barona Komura ia Mr. Kurino.

            (Telegalama).   Tokio, Dekemaba la 1, 1903.

O ke Aupuni Imipiriela o Iapana mai ka homaka ana, n hoopili aku i ka manao ano nui o ka hoea koke ana ma ke kahua o ka hoomaopopo maluna o keia mau ninau ke kumu hoi i ala mai ai keia mau kukaikamailio ana mawaena o na aupuni elua, o Rusia ame Iapana. Ma ka nana aku i keia kumuhana ame keia ninau ke kumu hoi e kuka like nei na keena o na aina e o na aupuni elua, o ka hoea koke ana maluna o ke kahua o ka hoomaopopo pono ana, oia wale no ka mea ano nui.  I kulike ai me ia mau nanaina maluna o keia mau kumuhana ua hoao mau ke Aupuni Imipiriela o Iapana e pane koke i na ninau ame na manao o ke Aupuni Imipirielao  Rusia a me ka hoololoiahili ola on hoi, iloko o ka manawa i malamaia aio na kukaikamailio ana mawaena o na aupuni elua. Ua aneane piha eha malama ka malamaia ana o na kukaikamailio mawaena o na aupuni elua, aole loa hoi laua i hoea ma kekahi kahua o ka hoomaopopo ana i ke kulana o kekahi ame kekahi.  Malalo o keia mau kumu ua nana aku ke Aupuni Imipiriela o Iapana me ke ano hophopo no keia mau hana ulolohi ma ka aoao o ke Aupuni Imipiriela o Rusia.

                        (Aole i pau.)