Ka Nupepa Kuokoa, Volume XLIII, Number 18, 5 May 1905 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

8     NUPEPA KUOKOA, POALIMA. MEI  5, 1905.

 

WEHE IA KE KAU

KUIKAWA.

 

(Mai ka aoao 1 mai.)

itamu o @6000 i mau lima kokua no ke Keena Puuku ua waihoia i ke komite o na aia ame na loaa, a pela pu no hoi me ka itamu e pili ana i ka ukuhana o na kakaupokole o ka Aha Kiekie.

  Ua okiia ka ukuhana o ka Lunaauhau ame Ohiauhau o Oahu mai ka $250 a i ka $225 o ka mahina, a pela no hoi ka ukuhana o ka hope Lunaauhau mai ka $175 a i $150 o ka mahina. O ke koena iho o na hoolilo o ke Keena Auhau ua hoihoila i ke komite o na ala ame na loaa. Ua okiia no hoi ka ukuhana o ko Maui Lunaauhau mai ka $175 a i ka $150 o ka mahina, pela no hoi ko Hawaii mai ka $200 a i ka $175 o ka mahina.

  O ka ukuhana o ka Lunakakaukope ua hooemila mai ka $175 a i $150. a ua hookaawaleia hoi i $10,000 no ka ukuhana o na kupakako o ke Keena Ana Aina, a kiolaia ka itamu o $3000 ukuhana no kekahi kanaka naauao e hoonohonoho papa ai i na moolelo. Ua haawiia i ke Buro Hoona Aina i elua mau kupakako hou o $100 ukuhana o ka mahina, a ua noiia ae hoi e hoemi iho i ko ka Moiwahine Liliuokalani haawina, eia nae ua haule.

  Ua ala ae he mau hoopaapaa ana i ka manawa i hiki ae ai na noonoo ana maluna o na haawina o ke Keena o na Hana o ka Lehulehu. Ua noiia ae e hoemiia ka ukuhana o ka Lunanui o na Hana Hou mai ka $300 a i $250, a na Dickey hoi i $275, eia nae aole i holo a ku no e like me ia iloko o ka bila. Ua hoomauia ka ukuhana o ka Hope Lunanui i $250, a hoomaka aku ka okioki ana mai ka ukuhana aku o kupakako ekahi, $175; ukuhana o ke kokua kupakako ekahi $125; kokua, elua $100; kokua kupakako a ka lunanui, $100 elele, hoopilia i $50 ma kahi o $30; kokua kakaupokole, okiia a i $60. Hoopau loa ia ka itamu o $36,800 no ka uku ana i na enekinia hana alanui, na poe kahakii, etc., pela no hoi ka itamu e pili ana ike keena luna alanui ame ka oihana lawe mea ino o Honolulu nei. Hoopau loa ia ko Hilo Keena o na Hana o ka lehulehu, pela pu no hoi me ka oihana paipu lawe mea ino, ka ukuhana kukuiuwila, oihana kiai o ke pailaia ame ka oihana ana wai ame lunanana wai, a o na lilo e ae o ka oihana wai ua hoemiia mai ka $7,560 a i $6000.

  Ma ka noho ana i ka auwina la i noonoo hou ia ai ua bila la. Ma keia halawai ana i okiia ai ka ukunana o ka oihana kinaiahi o Honolulu nei. Hoemiia ka ukuhana o ke Komisina o na Aina Aupuni mai ka $300 a i $250. Hoopauia ke kulana kupakako ekahi oia keena; hoihoiia ae ke kulana kupakako elua ma kahi o ke kupakako ekahi me ka ukuhana o $50 o ka mahina; okiia ka haawina o $6800 no na hope agena aina; kauia ka uku o ka Lunanui o na Ululaau i $225 o ka mahina, pela no hoi i ka ukuhana o ke ana aina i $225. Hookahi kakaupokole o ka Aha Kiekie no $125 o ka mahina; kauia ka ukuhana o na kakaupokole o na Aha Kaapuni i $125 o ka mahina; Lunakanawai Hookuleana aina, $175, a o kona kakauolelo, $100 o ka mahina. O na ukuhana o na Lunakanawai Apana o Honolulu nei $175 no ka Lunakanawai Ekahi no ka mahina; Lunakanawai Elua, $600 o ka makahiki.

  Aole he mau hoololi ana ma ua bila la a hki i ka hiki ana i ke Keena o ka Loio Aupuni. Okiia ka ukuhana o ke kokua loio ekahi i $175, a pela no hoi oia haawina no ko ke kokua ekolu. O ka haawina no ka uku ana i na lilo hookolokolo o ia keena ua hookaawaleia i $2000 no na makahiki elua. Kauia ka ukuhana o ke kakauolelo a ka Loio Aupuni i $125 o ka mahina, a no ke kakaupokole i $100 o ka mahina.

  Maanei i noi ne ai o Bishop e hoopau loa i ka haawina o ka Makai Kiekie a hiki loa aku lialo, eia nae ma na hoakaka ana a Achi ua kaula ka ukuhana o ka Makai Kiekie i $250 o ka mahina, a no kana kakauolelo he $100 o ka mahina. Mahope o keia i okiia ae ai ke koena iho a hiki i na makai ame na malama halepaahao. O ka lunapahao o Oahu ua okiia mai ka $160 a hiki i ka $125. O ka haawina o $10,200 no na makaikiu ua hoopau loa ia.

  No ka Oihana Hoonaauno. Ua kauia na ukuhana o na agena kuia i $125 o ka mahina, a ua hookaokoaia ae hoi lakou mai ke kakauolelo mai o ka Papa. Ma ka itamu e pili ana i ka malama ana i na kula. ua noi ae o Hayselden e waihoia i kekahi komite kuikawa no ka mahelehele na i ka haawina iloko o na mokupuni like ole, a hooholo loa ia, a hookohuia o Hayselden, Achi, Parisa, McCandless ame Gandall. O ka itamu e pili ana no na agena kula mawaho aku o Honolulu, oia hoi he $5000,  ua noi ae o Kalama e hoopau loa la, a hoike pu ae no hoi eia o kekahi poe i hookohuia aole i kupono no ka lakou mau hana a ua lilo ae ka hana i ka lakou mau wahine. O ka ukuhana o ka Lunanui o ke Kula Hoopololei ua hoemiia mai ka $150 a i $125. O ke kumu oia kula ua okiia i $100. O ka makuahine o ke kuia Hoopololei o na Kaikamahine ua okila mai ka $100 a i $83.33; na kiai ame na hope o ia home, $1960.

  Oihana Papa Ola. Kauia ka ukuhana o ka Pereidena i $250 o ka mahina; ukuhana o ke kakauolelo hoopaa, $100: ukuhana o ke kakaupokole, $75; haawina no ka okiia i $14,000, oia hoi i ewalu poe hana no ka ukuhana o $75 o ka mahina. No ka lunanana oia o Hilo, $100; Wailuku ame Kahului. $75: Lahaina, $60: okiia ko Hilo mau ukuhana o na lunanana poi, waiu ame bibi, a pela no hoi ka itamu e pili ana i ka ukuhana o na luna Papa Oia o Hilo. O ka haawina o na ukuhana o na ma'i lepera ua okiia mai ke $51,120 a i $48,000; halema'i pupule mai ka $29,760 a i $37,960. O na haawina o $10,080 no ka uku ana i ka papa hoopaa o ke aupuni ua hoihoiia i ke komite.

  O ka ukuhana o ke kumu puhiole ua hoopau loa ia, pau pu me ka ukuhana o na keiki puhi ohe. Kauia ka ukuhana o ka luna hooia i $250 o ka mahina; uku o na kupakako o ia keena, $12,600 no ka makahiki hookahi. O keia ka pau ana o ia bila, a ma ke noi a Bishop ua noonoo hou ia ka itamu e pili ana i ka ukuhana o ke kokua Lunaauhau o Oahu a kauia i $175 o ka mahina. Hoopanee ka Senate.

 

KA HALE.

 

  La Hana 2. Mei 2.--Mahope o na hana mau. ua laweia ae ka hoike a Lunakula Nui Davis e pili ana i ka nui o na dala i makemakeia no ka Oihana Hoonaauao. O ka huina piha ma keia he $738,710, a o ka ke Kiaaina hoi he $708,4@0. O na lilo mau ma ka hoike a ka Lunakula he $155,@00. a o ka ke Kiaaina hoi he $132,900. a ma ka hoohui ana e loaa ana he huina nui o $913,910 ma ka hoike a ka Lunakula a he $841,300 ma ka ke Kiaaina. Ma ka papainoa o na ukuhana o na kumu ua hoihoi hou ia no e like me mamua aku o ka manawa i okiokiia ai na ukuhana.

  I ka hiki ana ma kahi o na hana mau o ka la, ua koho ae la o Knudsen ia Lunamakaainana Rice i Lunahoomalu no ke Komite ana o ka Hale holookoa. O keia malalo iho nei na itamu i noonooia:

  Na lilo o ke Keena o ke Kakauolelo, $4,600, hoomoeia a noonoo hou; na lilo koho balota, $11,000, holo: na lilo hoolaha $10,000, hoomoela a noonoo hou; no ka malama ana i kahi malama palapala aupuni; $2,400, hoomoeia a noonoo hou; Keena auhau, $8000, hoomoeia a noonoo hou; ko Maui keena auhau, $1700, ko Hawaii, $4000 ame ko Kauai, $1200 ua hoomoeia a noonoo hou; keena hoona aina, $2990, hooholoia; na lilo kaahele, $3300, hoopau loa ia; hooponopono ana i na waiwai o ka lehulehu, $11,000. hoomoeia a noonoo hou; oihana kukui uwila o Honolulu, $11,760, hoopau loa ia. pau pu me ko Hilo,, $6,000, ame ko na wahi e ae, $600; na pahu hoailona a na makai, $8400, hoopau loa ia; na alanui helewawae o ke Aupuni, $3000, hooholo loa ia, na lilo o ka paumawai o Kalihi, $33,000, hoopau loa ia: na lilo mau o ke puhi opala, $4800, hoopau loa ia; no kahi hoahu aila mau, $1600, hooholo loa ia.

  O na lilo alanui ame na alahaka, na oihana kinaiahi ame ka oihana wai o na mokupuni e ae ua pau i ke kioia'a. No na paka o ka lehulehu ma Honolulu, $4800; Hilo, 4000, ua hoohoioia, peia no hoi me ko Wailuku ame Lahaina, $4000. Keena Mahiai ame Ululaau, $29,848, hoomoeia a noonoo hou; kokua i ke Aupuni Federala no ke keena hoao, $5472, hooholo loa ia; na lilo o ke keena o na Aina Aupuni, $7200, hooholo loa ia; Keena Ana Aina, $30,190, hooholo loa ia. Hooholo loa ia na itamu,, $2000 no ka Oihana Hookolokolo; $2500 no na aha hookolokolo apau; $500 no na lunanana o na moolelo aha; $2500 no na buke kanawai o ka Aha Kiekie; no na buke kanawai o ka Aha Kiekie; $1200 no na buke kanawai o na aha Kaapuni; $800 no na lilo o ka Aha Kiekie; $2500 no ka pa'i buke ana i na moolelo o ka Aha Kiekie; $27,000 no ka Aha Kapuni ekahi; $10,000, no ka aha kaapuni elua; $7000 no ka aha kaapuni ekolu; $10,000 no ka aha kaapuni eha; $10,000 no ka aha kaapuni elima.

  Ma ka halawai hou ana i ka auwina ia, ua hookomo hou ia ae i itamu hou o $3000 no na lilo o ke ku pale ana i ke Kanawai Kalana. O ka haawiaa o $40,000 no na lilo o ka oihana makai, ua hoomoeia a noonoo hou. Ua hooholoia ka haawina o $6400 no na lakohale no ka oihana hoonaauao, a o ka itamu o $18,000 no ke kuai ana i na buke kula ua hoopau loa ia. No na lilo pepa kakau, $5000, ua hooholo loa ia; no na lako kula, $8000, ua kiola loa ia: no ka hooponopono hou ana i na halekuia, $30,000. Noi o Coelho e maheleheleia keia haawina penei:

Oahu . . .................$10 000

Hawaii . . ...............   9,000

Maui . . . ................   6,000

Kauai . . . ...............   5,000

  Na lilo no ka hana lihilihi ana $1,500, hooholo loa ia, a peia no hoi ka haawina o $12,000 no ka malama ana i ke Kula o Lahainaluna, ame $3000 no ka malama ana i ke Kula Makuaole o Kona. Hoopanee ka Hale ma ka hora 3:50.

 

Paa Kekahi Poe i Kauia ka

Weli ma Rusia.

 

  ST. PETERSBURG, Aperila 18.--Me ka malie eia ke oili mai nei kekahi mau mea ano nui e pili ana i ka hoala haunaele i ala iho nei ame ka hopuhopuia ana iho nei o kekahi huina o elua kakini poe i kauia ka weli. O keia hopuhopu ana, a ka mana aupuni hoi i manao ai he mea ano nui, ua hanaia e Kashovsky, he kanaka i hoopauia mai ka oihana makaikiu mai o Rusia he mau makahiki lehulehu i hala ae nei mamuli o kona hui ana me Pilipai, ke kanaka ike i na Uhane, nana hoi i hoala ae i na hauwalaau ana iloko o ka aha a oia pu no hoi kekahi i hoi aku no Parisa e noho ai.

  I ka manawa i hookohuia aku ai o Kiaaina-Generala Crapoff i Kiaaina-Generala no St. Petersburg, ua koi aku oia ia Kashovsky e hoi aku ilaila, a iloko o na pule elua ua paa iho la i ka makaikiu keia puali holookoa e lawelawe ana hoi i ka lakou mau hana maanei malalo o na kuhikuhi ana o kekahi ahahui kikowaena, i manao wale ia aku aia kona keena nui ma Kuikilana. O Alfred Henry McCullough, ke kanaka i make ai mamuli o ke pahu ulia ana o kekahi mea hoopahu ma ka Hotele Bristol, o kona inoa maoli hoi o Bauman, oia kekahi o na alakai o keia poe i kauia ka weli, a oia no hoi ka mea iaia ka hooponopono ana i ka hana i na mea hoopa-hu, a o Kaieff, ka mea nana i pepehi i ke Duke Kiekie Sergius, oia no kekahi lala o ia huina,. Mahope o ka make ana o Bauman, ua lilo ae la na hana a Kailieff ia Leontief, ke kaikamahine a Generala Leontieff. i hookohuia mai nei i Kiaaina no Yakutak, Siberia Hikina. Ua lilo o Leontieff i mea hana i na hana hooweliweli i kona manawa i hele ai no Kuikilana. O ko Kalieff ikeia ana mamuli no ia o ka loaa ana o kekahi kii i onaia e Savinkoff, he hoahele hoi noa mai ko laua manawa e hele ana i ke kula a i ko laua manawa-hoi i kepakuia aku ai. I ka manawa i komo ai ka hoopii ame kona ikeia ana ua ae a'e no oia, e olelo ana hoi: "Ua hopuia no o Savinkoff."

  Mahope mai ua manao iho la ka oihana makai ua paa io no o Savinkoff ia lakou, eia nae mahope ua ikeia iho he kanaka okoa, a o Savinkoff. ke kanaka a Kalieff i hoike aku ai i kona manao e pepehi i ka Duke Kiekie Sergius, aia no oia ke hele la i ka loa ame ka laula.

  Iwaena o ka poe i paa i ka hopuia o Ivanovitaka, he kaikoeke wahine no Korolenko, ka mea kakau moolelo o Rusia. Ua huikau pu keia wahine me na Nihiliti ma kekahi ehumu e pepehi ia Emepera Alekanedero II, a ma ia ano ua hoopa'lia oia no umi-kumamalima makahiki e noho ma Siberia, aka nae i ka pau ana o na makahiki ehiku ua pakele aku la oia a holo aku no Amerika.

  O kekahi mea ano nui i loaa ae oia ko Leontieff hoohulihuli ana i na kaikamahine hanauna a Kiaaina-Generala Trepoff. o ia noi o Trepoff ame ke Kamaaliiwahine Denisheff, a lilo laua. i mau mea hana i na hana weliweli, a mahope mai o keia ko Trepoff hoao ana, e pepehi i kona makukane hanauna ma ke ki ana iaia i ka pu no elua manawa me ke ku ole ao nae hoi. Mamuli o keia ua ulupuni ae la keia mau kaikamahine a i elua a hoao iho la laua e pepehi ia laua iho. O Trepoff o laua ka i hoao ae e komo malalo o na huila o kekahi kaaahi, a o ke Kamaaliiwahine Denisheff ka i ki ae iaia i ka pu. Aole i holopono keia mau hana a keia mau wahine. Mai ia manawa mai ua hoolilo ae ka ohana i keia hana he mea i hanaia mamuli o ke aloha ana o keia mau kaikamahine i ke kanaka hookahi, he aliikoa hoi no na pualikoa kiai.

  Aia ma kauwahi o hookahi haneri haumana o ke Keena Mele, i komo pu hoi iloko o na manao ana e kokua ia Rimsky Korsakoff, i hookaawaleia aku hoi mai ka oihana ae mamuli o kona mau manao i na haumana, ua pau ae i ka hopuia a hoopa'iia no hookahi makahiki hoopaahao.

 

Akahi no a Hoomaka o Rusia

i ke Kaua.

 

  Maluna o ka mokuahi Sierra i hala aku ia no Amerika i ka Poalua nei, i ikeia ai kekahi o na gemerala o Rusia e hoi ana no Rusia no ke komo ana aku i na hana o ke keena kaua. O keia kanaka oia no o Generala Shamowski. Aole oia i komo ma ke kaua me Iapana, aka oia kekahi o na alakai o na pualikoa e ku la ma na palena o Inia, a malaila oia i noho ai a hiki i ka make ana o kana wahine ame kana keiki.

  I kona manawa i hoikeia aku ai i na lono telegarapa i loaa ae ma ia la e pili ana i ko Togo manao ole e kaua aku, ua olu iho la kona noonoo, a ma na kukai olelo ana me ia i loaa ae ai keia mau olelo:

  "O keia kaua ma ko makou aoao akahi no a hoomakaia. E ae aku ana no wau ua makaukau ole maoli no makou i ka manawa i ala mai ai ke kaua. Aole makou i manao e hiki ana a e kaua mai ana na Kepani. Ma keia ua loaa mai i makou he haawina awaawa e hoomanao mau ia aku ai. Ua a'oia mai o Rusia ma keia e paa mau i na mea kaua a e makaukau mau no ke kaua, me ka nana ole ae i ke kulana o ke ao nei. Ma keia hope aku e makaukau ana makou e halawai me na lahui apau e hoao mai ana.

"Eia o Rusia ke hoomakaukau nei no ke kaua, me he mea la aole no he kaua i ala mua ae. I ko Rusia manawa e makaukau ai, alaila oia ka manawa e loli ai ka moolelo. I ko makou manawa e makaukau hou ai e kaua aku no makou i na Kepani a lilo ia makou ka lanakila.

  "Ua ike iho wau ma ka lono telegrapa i keia la aole e kaua mai ana o Togo. He mea oiaio paha ia, no ka mea i ka manawa e haule ai o Togo ma ke kaua, alaila oia no ka manawa e maalo aku ai ko Iapana manaolana a ia manawa e haulehia ai ua emepaea la malalo o na kapuai wawae o Rusia. Mamua aku nei ua oi aku ka nui o na Kepani mamua o na Rukini ma ka aina a ma ke kai. Ua ikeia ka oiaio o keia ma Ialu, Sha-ho, Poto Ata, Mukden ame na wahi e ae. Ua kaawale loa makou mai ko makou kahua e loaa mai ai ko makou mau lako. O na pua o ko Rusia pualikoa aole lakou i hiki ae ma Manchuria, aka aole he hoohewahewa ana ae e hiki ae ana lakou i keia kau la ae.

  "E hiki mai ana ka manawa e ili ai o Iapana maluna o ka pohaku o kona manaolana ame kon iini e lilo i mana ikaika ma ke ao nei. E hiki mai ana paha ia manawa iloko o hookahi makahiki mai keia manawa aku a i ole iloko paha o umi makahiki, a i ka wa e hiki mai ai ia manawa e mahelehele liilii ia ana ka Emepaea o Iapana. E komo ae ana oia iloko o ke kaua me kekahi mau mana aupuni e ae, me he mea la me Farani paha, Geremania paha, a malia o Amerika pu no kekahi. O kona iini nui oia ka hoonee ana aku iaia ma o a maanei, e kaili a e lanakila maluna o kekahi mau teritori. I keia manawa ma ko Rusia aoao akahi no oia a hoomaka i ke kaua."

 

Noho Hou ko Meheula Hihia.

 

  Ua hoolohe hou ia ae ko Solomon Meheula hihia apuka dala ma ka Poalua iho nei iloko o ka Aha Hookolokolo Kaapuni. O keia no kona hihia e pili ana no i ka Ahaolelo o 1903, ke kau hoi ana i noho ai no ka elua o na manawa ma ke kulana kakauolelo.

  O keia malalo iho nei na kiure i loaa ae no ka hoolohe ana i kona hihia.--C Lambert, E. Henriques, D. M. Ross, T. A. Juen, Fred Turrill, W. P. Roth., C. G. Bartlett, Ben Guerrero, Job Batchelor, F. J. Bobello, F. M. Kiley, M. W. Parkhurst.

  O ke kumuhoopii aia maluna o ka huina o $450 dala i hoikeia ma ka palapala hooiaio kikoo dala ua hooliloia no ka buke kanawai, eia nae ka mea apiki aole i loaa kekahi o keia mau buke i na hoa o ka Ahaolelo, e like hoi me kana i hoike aku ai, ua hoolilo aku oia i keia huina dala no ka hoolako ana aku i na hoa o ka Ahaolelo me ua mau buke la. O ka ike i loaa ae ua kikoo aku oia i keia mau dala a ua loaa mai iaia eia nae aole na buke.

  Ma ia la i kukuiuia ae ai na hoike o ka aoao hoopii, a o kekahi o na ninau ano nui loa i loaa ae oia no ka moolelo o ua Ahaolelo la. Ua hoole loa ae o Akepoka, ko Meheula loio, i ka lawe ana mai i ka moolelo i pa'i buke ia, a o kona makemake o ka loaa maoli ae no o ka moolelo maoli i kakaulima ia. Ua hoike ae o Buckland ua nalowale ua kope la a o keia hoi kekahi mea kupaianaha loa. He nui no na hoike i kaheaia ma ia la, aole no nae i pau a komo wale mai i ka Poakolu nei.

 

He Ike Maa Mau

Ole.

 

  LOAA KA POMAIKAI I KEKAHI POE O HONOLULU MAMULI O KA IKE I LOAA I KONA HOA MAKAAINANA.

 

  He kanaka naauao ua kanaka la ke loaa iaia ka pomaikai mamuli o ka ike i loaa aku i kona hoa makaainana ame kona mau hoaloha. Eia keia a oukou e ike mai ai a o na kane. na wahine ame na keiki o Honolulu nei i ike i na ehaeha o ke kua. ame na haawina kaumaha mamuli o ka poino ana o na puupaa, a i ole na ehaeha paha mai ka hanawai ae, e hoike ae ai i ka ike maa mau ole a e loaa hoi ka pomaikai mai ka ike a keia hoa makaainana.

  Ua hoike mai o Rev. J. Nua o Kawaiahao i kona manao ia makou maluna o keia mau huaale kuahaneenee ame puupaa a Doan.

  "Ua loaa ia'u ka ehaeha nui ma o ka ma'i ia o na puupaa a'u hoi i manaoio ai ua loaa mai kela pilikia ia'u mamuli o ka hapai nui ana i na mea kaumaha i ko'u wa opiopio. O na maeele ame ka eha ma kuu kua o lakou na hoailona e hoike ana i ke ano o kuu pilikia. O keia mau pilikia o'u ua hoomaka mai lakou mai ka manawa o'u he 28 makahiki, a hiki wale i keia manawa ua piha ia'u he 49 makahiki e hiki ole ai ia kakou ke hoohewahewa iho i ka loihi o ia manawa. A iloko o keia mau makahiki i noho ai au iloko o keia ehaeha ma kuu kua. Mamuli o ka hoomau ana o ka ehaeha o keia ma'i ia'u ua koiia mai au e ike aku i na kauka aole wale o lakou aka o ka ai ana he mau laau okoa aku aole nae he loaa iki o ka maha ia'u e like me ka maikai loa i loaa ia'u mai na HUAALE KUAHANEENEE AME PUUPAA A DOAN mai. Ua loaa maoli no ia'u ka maha kamahao lua ole mai ka manawa a'u i lawe ai i keia mau huaale. Ua oluo'u maoli no ko'u, . uhane ma o ka lakou hua maikai la i loaa mai ai ia'u he mea hoi no'u e malama mau ai ia mau huaale iloko o ko'u poli ianei a i na aina o ka hema ke hele au no ka oihana haiueanelio. Aohe he laau lapaau kupono loa no na ma'i puupaa ame kuahaneenee e like me na Huaale Kuahaneenee ame Puupaa a Doan."

  E loaa no keia ano laau na Huaale Kuahaneenee ame Puupaa a Doan ma na halekuai Laau apau, he 50 keneta ko ke poho, a he eono poho no $2.50. E kakau mai ia Hollister Drug Do., na Agena o keia laau ma Hawaii nei a e hookoia na na kauoha ma ke kuike no nae.

 

No Wai ia Hewa?

 

  Ua piha ka honua nei i na ma'i ame na ehaeha. No wai ia hewa? Aole no ka poe no apau: nolaila no ka poe iloko o ka ehaeha no ka hewa.

  Aka, o ka ninau nui loa oia keia,--ka mea e hana ai, ke ano e loaa ai ka maha, ame ka loaa ana o ka lanakila.

  Heaha na hiohina e loaa ana ia kakou ina aole i loaa na materia kupono e pepehi ai i ka mai?

  O, he mea oiaio e pau ana kakou i ka luku mainoino ia, a e hooneoneoia ana ka honua nei.

  A hiki i ko kakou wa e ike ai i ka pale ana i ka mai, e pono kako ue hoomaikai a mahalo aku no ka materia i loaa o ka hooemi ana ame ka hoolanakila ana ia kakou, mahope o ka lolii paa ana o ka mai maluna o kakou, oiai ua like ka mai me kekahi kanaka ahiu me na : koi i hapaiia, a makaukau no ka lawe ana ae i ko kakou oia makamae.

  O ka oiaio loa ua oi ae ko makou makemake ame ko makou iini i kekahi mau ano lawelawe ana no na hoomauhala ame na leo uwe e loheia nei, i pu-a ae mai o a o.

  E kamailio a e kuhikuhi ana makou i keia ano mai e like me ka Haalulu ame ka Nawaliwali. Pihoihoi., Alaala, Hi Mau, Haanou, Puu ame ke Akemama Eha, Koko ino, ame na mai wahine ame na keiki. No keia mau mai ua hiki mai ka

WAMPOLES PREPAATION

ma ke ano o ka laau hooia mua loa i loaa i kekahi kanaka.

  He ono kona i like me ka momona o ka meli i awaiaulu pu ia me na mea hooulu a hoola o ka Pure Cod Liver Oil, i laweia mai e makou mai ka Cod liver makamaka hou, a hoohuihuiia. paipaiia me ke Compound Syrup o ka Hypophosphites ame ka Extracts o ka Malt ame ka Wild Cherry. Aneane, loa no oe e olelo ae he "oia keia" i hoopaaia maloko o ka mea hookahi a i hanaia e ka lima o kekahi kino kanaka.

  Wahi a Kauka J. L. Carricki "Ua loaa ia'u kekahi ola kupaianaha me keia laau ma ka lawelawe ana i na mai ho kii, kulum, wai ni o ka ihu ame ka alaala.

  He laau maikai loa keia no na mai haalulu ame ka ono ole o ka ai.

  He laau hoonoono i ka ai a he maikai na hoowali ana he hooikaika i na paahana o loko, a komo pu ma ka poai puni ana iloko o ka waihona loko me ka ai.

  Ke manao nei au o keia ka laau holomua iwaena o na laau apau. He ko ka bana a keia laau ma na Kulu apau. "Aole e hiki ke hoohokaia. E loaa no ma na halekuai laau apau.

 

  Ma ka mokuahi Ventura o ka Poakolu nei i hiki mai ai ka hui Keaka Elleford ma Honolulu nei a e hoomaka ana ke keaka ma ka Opiuma ae nei i ka po o ka la apopo. O keia paha ko lakou hiki eha ana mai ma Honoluu nei, a he hui keia makahehi loa ia e ko Honolulu nei poe puai hele keaka.

 

  Ua kauoha ae nei o W. A. Kini, ka Lunahoomalu o ke Komite Kuaaena o ka aoao kalaiaina Demokarata, ia Kakauolelo W. F. Erving. e hoouna aku i mau leta i kela ame keia lunahoomalu apana i ke kupono o ko lakou komo pu ana ae ma na hana koho balota Kalana e hoea mai ana, ina nae hoi e hoea io mai ana.

 

  Ua ' loaa ae ka moolelo maoli o ka Ahaolelo o 1903 i kakauia i ka Poakolu nei iwaena o na puu pepa o ke Keena o ke Kakauolelo. O keia ka moolelo maoli i makemakeia a i huli ikaika ia iho nei no ka lawe ana ae ma ka hihia o Meheula.

 

Ka Hopena o ke Grip.

 

  LOAA AE MAHOPE O EWALU MAKAHIKI O KA NOHO MAU ANA ILOKO O KA PILIKIA.

  PAIA KA PEPEIAO, KANI KE POO, PONOOLE KA WAIHONA AI. HAKU'I ILOKO O KA PUUWAI A KAU MAI KA HAAWINA POINO MAHOPE MAI.

  Me he mea la o Mr. Newman paha kekahi o na kanaka i komo nui loa iloko o ka pilikia a ka ma'i grip, a he mea nana i pahaohao ai i kona ike ana o ka laau lapaau ana i manaoiana ai e loaa mai ana ke ola iaia e lilo ana ia i mea waiwai ole. Ma kona ma'i e maopopo loa ai ka hana a ke grip maluna o na lala apau o ke kino ame ka ikaika o kana pale ana i na hoao ana e oia ae.

  He kakaikahi wale na ma'i koikoi loa i like aku me ko Mr. Newman, oia hoi ka loaa ana o ka pilikia iloko o ke poo, ka waihona ai ame ka puuwai. Penei kana i hoike ae nei:

  "O ko'u loaa ana i ka ma'i grip oia ka mea nana i hookomo aku ia'u iho iloko o ka poino no ewalu makahiki. Ua aneane loa wau e kuli a e loaa mau ana ia'u ka eha iloko o ke poo a ua piha hoi i na hauwalaau ana o kela ame keia ano. Ua poino pu iho la me ko'u puuwai a he lehulehu na manawa e oki pu wale iho ai no. Ua eha pu no hoi me ko'u opu a aneane no e hiki ole ia'u ke hoopa iho i kekahi wahi o ko'u kino. Ua loaa pu ia'u he eha ma kahi kokoke i ko'u akemama, a ua hoike mai ke kauka ia'u ua pehu ia wahi Ua eha pu me ko'u mau puupaa, a i kekahi manawa aole e hiki ia'u ke ku pono."

  "Aole anei oe i hoopau iho i ko'u manaolana no ke ola a hoi aku e moe?" i ninauia aku ai oia.

  "Aole; oia hoi aole i hiki ia'u ke hoi e moe mamuli o ka nui hewahewa o ka eha, aka e hooikaika no wau e nee ma kela ame keia wahi o ko'u hale me ka hoomanawanui ana no e loaa ke oia."

  "Heaha kau i hana ai i loaa ai ia oe ke ola?"

  "I kinohi ua hoao wau i ke kauka, eia nae aole loa he wahi pono i loaa mai ia'u mai iaia mai.Mahope mai lawe iho la wau i na lau lapaau apau e hoolahaia mai ana eia nae aole loa o lakou mea nana i haawi mai i ko'u manaolana a hiki wale i ko'u hoomaka ana e lawe i ka Dr. Williams' Pink Pills. I ka loaa koke ana o keia mau huaale ia'u hoomaopopo iho ia wau akahi no a loaa ia'u ka laau e oia ka oluolu he mea hoi i loaa mua ole mai ia'u mai na laau lapaau apau a'u i lawe ai. Ua loaa koke mai ia'u ka maha mahope koke iho no a iloko o na mahina ekolu ua hoola loa ia wau e lakou. Ke manao nei wau o keia wa a'u e oia nei ua oi aku ia i ko na wa i hala mamua o ko'u loaa ana i ka nawaliwali."

  O Mr. William A. Newman oia kekahi o na kanaka mahiai i ike nui ia ma ke Kalana o Camden, a e noho nei ma Sagrada, Missouri. O kona ma'i oia kekahi o na ma'i ikaika loa i hoao ia ai na laau lapaau apau, eia nae na ka Huaale Akala a Kauka Williams i hoola iaia. O kekahi mau ano laau lapaau he kipaku wale no ka lakou hana i ka wai make a huna aku ma kekahi mau wahi o ke kino aka o ka Huaale Akala a Kauka Williams ka mea nana e hookawale loa aku ia mea. Ke kuaiia nei lakou ma na halekuai laau lapaau apau.

 

HE LAAU E OLA AI.

 

  Aole he mea na na makuahine o na kamaiki e kanalua ai i ka haawi ana i ka Chamberlain's Cough Remedy. Aole he mau mea hoohuihui hoopoino iloko ona ma na ano apau a ua hiki ke haawiia i ka bebe me ke kanalua ole e like me ke kanalua ole ana ke haawiia i ke kanakamakua. He hoola kana hana a he hoola hikiwawe no hoi. Ke kuaiia nei e BENSON, SMITH & Co., LTD., na Agena ma Hawaii nei.

 

HOOLAHA HOOKO MORAKI.

 

HOOLAHA HOOKO MORAKI.

 

  Mamuli o kekahi mana kuai i hoike ia maloko o kekahi palapala moraki i hanaia mawaena o Yong Hee, Yong Lum me kekahi poe e aku, ma ka inoa hui o Kwong Yee Wai Co., o ka aoao mua, ame Yong In oia o Y. Ah In. o ka aoao elua, ma ka la 2 o Okatoba. M. H. 1902 i kakaukopeia ma ka buke 237, aoao 483, a mamuli o ka uha'iia ana o na kumu aelike o keia moraki, oia hoi ka uku ole ia o ka ukupanee me kekahi uha'i e ae, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

  A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na waiwai i hoikeia ma ia moraki no ke kudala ana, ma ke keena kudala o Fisher. Ables Co., ma Honolulu, ma ka la 3 o Iune, 1905, hora 12 o ia la.

  Aia ma kahi o Kakela me Wikinekona na olelo hoakaka no keia mea.

  Hanaia i keia la 2 o Mei, 1905,

          YONG IN (a i Y. AH IN).

                     Mea Moraki Mai.

  Penei ka waiwai i moraki ia;

  1. Palapala Hoolimalima o Kawaihapai, o W. R. Castle ia Lam Sing. i hanaia ma ka la 8 o Sepatemaba, 1890, a i kakaukopeia iloko o ka Buke 128, aoao 176.

  2. Palapala Hoolimalima a Napuakau ame kekahi poe e iho ia Wing Fat Wai, ma ka buke 128, aoao 184.

  3. Palapala Hoolimalima a Mokuhia ia Wing Fat Wai ma ka Buke 128, aoao 187.

  4. Palapala Hoolimalima a Hattie Kekino ia Ah In, ma ka Buke 185, aoao 358.

  5. O na hale apau e ku ana maluna o ua poe aina nei i oleloia, na holoholona hana, na mea hana, na lakohale, na meaulu e ulu ana a okiia. na puaa, na moa ame na manu hanai e ae ame kela ame keia ano a kuhikuhi o ka waiwai, oia no hoi ka hapa o ka mahilaiki e malama a hoohanaia e Yong Hee ame kekahi poe e iho i oleloia malalo o ka inoa o ka Hui Kwong Yee Wai ma Kawaihapai i oleloia.

3066--May 5, 12, 19, 26--June 2.

 

Uuku na Ola i Poino ma ka

Moana.

 

  LADANA--Ma ka hoike mana aupuni i hoopuka koke ia iho nei ua ik@ ka uuku o na oia i make ma ka moana i ka makahiki i hala mamua o ua makahiki he iwakaiua-kumamalima i ha a ae nei.

  O ka nui o ka poe i make he 624 @539 luina a he 25 ohua. O ka averika o na make ma moana no na makahiki he iwakalua-kumamalima i hala ae nei h@ 1,613 o ka makahiki hookahi.

  He 5,765 ka nui o na ulia i loaa i na moku i hiki ke hoomaopopoia. Iloko a na ulia poino he 350 i loaa ua poino l@a ia huina mamuli o na kumu like ole. he 70 moku i piholo, 188 moku i @l@. he 34 i piholo loa iloko o ke kai hohonu mamuli hoi o ka hooku'i ana me kekahi moku okoa aku, a he 18 i holo mai ke kahi awa a i kekahi awa i ike ole ia ko lakou mau hopena.

  He mea maikai no hoi e hoomaopopo iho iwaena o na moku i piholo he elua i holoholo no kanaono a oi makahiki 5 i oi maluna o na makahiki he @ a he 20 i holoholo no iwakalua a oi makahiki.

  He mea maikai no hoi e hoomaopopo hou ia o ka nui o na ola i hoopakeleia iloko o ka makahiki i hala he 5,660 o keia hoi na mea i ikeia ma na aekai o Beritania, a he 2,624 hoi ma na aekai o na mokupuni liilii o Beritania Nui.

  Ua hoopakeleia e na mea hoolana he 235 mau olakino, na waapa hoopakele ola he 489, na waapa kiai aekai he 205, na moku i maalo ae he 51@. @ he 1,000 i hoopakeleia e na waapa ponoi iho o na moku i poino.

 

HOOLAHA KUMAU

 

Kakela me Kuke

[KAUPALENAIA]

Poe Kalepa ma

            ke Komisina

:: A HE ::

Poe  Lawelawe  Kopaa.

 

Poe Agena no na Ma

hiko Lehulehu.

 

Kauka Mitamura

 

Alanui Kukui Ololi Helu 68, Honolulu, Na Hora Hana:

  Hora 9 a. m. a 12 m.; 6:30 p. m; a 7 p. m. koe ke Sabati, Sabati ma ka hooholo ana.

Telephone Blue 3466    P. O. Box 342

 

Hui Alahao ame Aina o Oahu

MANAWA HOLO

Oct. 6, 1904.

 

MAI HONOLULU AKU

  No Waianae, Waialua. Kahuku ame na wahi hoolulu ma ke alahae-- *9:15 a. m., *3:20 p.m.

  No Pearl City, Ewa Mill ame na wahi hoolulu ma ke alahao--+7:30 a. m., *9:15 a. m., *11:05 a. m., *2:15 p. m. *3:20 p. m., *5:15 p. m., ++9:30 p. m., +11:15 p. m.

MAI WAHO MAI.

  Ku i Honolulu mai Kahuku. Waialua, ame Waianae mai *8 26 a. m., *5:31 p m.

  Ku i Honolulu mai Ewa Mill ame Pearl City mai--+7:46 a. m., *8:36 a. m., 10:38 a. m., *1:40 p. m., *4:31 p. m., *5:31 p. m., *7:30 p. m.

   *Kela ame keia la,

   ++Sabati wale no.

   +Koe ke Sabati.

G. P. DENISON,

    Lunahoonana.

                   F. C. SMITH,

                       G. P. & T. A.

 

.O  KE.

Koko Ino ka mea e

Ioaa ai na Pilikia

ma ke Kino.

E Heluhelu i keia mau Manao.

O KA LAAU @

AYER'S  SARSAPARILLA

--KA

iaau nana e hookaawle n ma'i in@ mai kou koko aku. He iaau hoonoono ai, a he laau e hooikaika ana i kou mau lala apau. O ka Laau Ayer's Sarsaparilla ka laau kaulana loa a puni ke ao holookoa. Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o ko@ mae lehelehe, pu'ipu'i maikai kou mau papalina, a loaa ke kulana ola kino maikai.

  He loaa na pu'u paa o ke kino i ka laau Ayer's Sarsaparilla, e hoopakele ana mai ka ma'i puu paa (Brights' Disease@ ame na ma'i oia ano. Ke koa ikaika aku nei makou e lawe ia keia ano laau ma kahi i ike ia na ma'i Pua paa apau.

  Hoomakaukau ia e Kauka J. C. Ayer

  & Company, Lowell, Mass., U. S. A.

  E loaa no keia mau Huaale ma na halekuai laau apau.