Ka Nupepa Kuokoa, Volume XLIII, Number 24, 16 June 1905 — Page 2
| This text was transcribed by: | Melissa Eskaran |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA
NO KA MAKAHIKI . . . . $2.00
NO EONO MAHINA . . . . . $1.00
SUBSCRIPTION RATES
ONE YEAR . . . . . . . $2.00
SIX MONTHS . . . . . . .$1.00
O NA OLELO HOOLAHA APAU E HOOUNAIA MAI ANA NO KA HOOLAHA OLALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei
mai I ka HAWAIIAN GAZETTE
COMPANY, LTD.
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu
o Hawaii, ma ke ano
Mea o ka Papa Elua.
DAVID L. A-I, : : Lunahooponopono
S. K. NAWAA, : Kokua Lunahooponopono
A. W. PEARSON, : : : : : Lunanui
HONOLULU, OAHU.
POALIMA : : : : IUNE 16, 1905
NUI KE KUHIHEWA A ME
KA PUHILI.
Ua nui ino loa ke kuhihewa o kekahi hapa o ka poe koho balota ma keia kau hooikaika koho luna aupuni kalana apuni ka Paeaina ma ka manaoio ana i ka hewa loa ina aole e kohoia ka paa biota holookoa, a i ka maikai ame ka pono o ke koho ana i ka paa balota holookoa me ka nana ole ae ina he mau moho kupono a kupono ole kekahi, a aia no ka pono a koho holookoa ia lakou, a ma keia mea i kanalua ole ai makou i ka pane ae i ka puhili o ka noonoo, koe wale no, ka poe i hoohana i ko lakou noonoo maikai a hoolohe hoi i ko lakou mau lunaikehala, e i ana e koho aku i ka mea kpono a hoolei ae i ka poe kekee. Ua ikeia kela oiaio aole wale i na oiwi Hawaii aka iwaena o na haole pu. Pela i kalel nui ai makou ia kakou lehulehu aole E KUHIHEWA A HOOPUHILIIA AKA E HOOHANA AKU I KA MANAKOHO MALUNA O KA POE MOHO KUPONO WALE NO.
O keia haawina hemanema e loaa kuhihewa nei a e hoopuhili nei i ka noonoo, ua moakaka loa ia iloko o ke Kalana o Oahu, a maluna o ia wahi i makemake mui ai ke Kuokoa e paiai nui i ka poe koho balota e makaala a e hoohana i ko lakou mau noonoo maluna o na a’o noeau o kekahi poe noonoo maikai e like me kela ha’iolelo hoowaiwai nui a Hon. Hepburn o Amerika Huipuia, - oia hoi, aole e hiki ke kanaka ke alo ae i ka hoahewa iaia iho no kona koho ana i ka moho i ikeia aole he kupono.
A maluna no o ia manao hookahi i puka mai ai ka hoakaka hoohalahala no Brown, mamuli o ke kuhihewa o ka wae ana a ka aoao a ke Kiaaina i hoopukaia iloko o ka nupepa Advertiser o nehinei; a am ke ano nui e a’o ana i ke koho i ka poe kupono wale no, a he kuhihewa loa hoi ka ke koho ana i ka mea kupono ole no ka oihana.
A maluna no hoi o keia manao hookahi e hooikaika pauaho ole nei ka Ahahui Makaainana o Honolulu ke kumu o kana kakoo ana ae ia William Henry i moho lunamakai kalana a ia Fern i moho lunakiai no Honolulu ame ke kaoo pu ana i na moho kupono o na aoao kalaiaina Repubalika ame Dem. Home Ruia i huila.
A o keia no hoi ko makou manao paipai ikaika loa ma na helu i hala koke iho nei, a makou e hoohaili hou aku nei a makou no hoi i manaoio ai i ka hiki ole ke hoahewaia ke kanaka no kona koho ana i ka poe kupone wale no a haalele hoi i na moho hana apakee, ua like no hoi ia me ke koho neepapa ole ana i ka paa balota holookoa; a na aoao kalaiaina paha e ku-e mai ai i ua kanaka la no ka hooko ole ana me ko lakou a’o kuhihewa.
Ma ko makou manaoio, o ka aoao kalaiaina, he mea kupono loa ia e kukuluia, a e kakooia ka aoao e pono ai, a ua loaa no la manaoio ia makou, a makou no hoi e a’o aku nei e kupaa makoko o ko lakou aoao iho, oi loa aku ka maikai e kupaa ma ka aoao Repubalika, oiai oia ke poo e noho mana nei iloko o kakou iho nei a iloko hoi o Amerika Huipuia ma ke kulana aoao, aka o ke kakoo ana i ka aoao oia no ke koho ana a wae ana i na moho kupono wale no a e hooikaika ka aoao e kapae i ka poe i ikeia ke kupono ole.
Ua loaa ia makou ka manaoio aole he mea noonoo maikai e hiki ke alo ae i ka ike iho i ua oiaio la a ma keia mea i hemahema nui ai ka hana o na aoao kalaiaina ma ke a’o ana i ka lehulehu e koho holookoa i ka paa balota me ka ike iho aia he mau moho lapuwale kekahi iloko o ka paa, a i ka mea koho, he hana naauao loa iaia e hoolohe ole aku ia ano a’o, a e koho i ke kupono wale no a haalele i ke kupono ole.
No na moho lunamakai o ke kalana o Oahu, Henry Brown ame Poepoe, he hookahi mea i maopopo loa iloko o ko makou lunaikehala, oia ka waiwai nui ame ke kupono maoli o ke koho ana no Henry a waiho ae ia Brown ame Poepoe a malalo no hoi o na kumu kupono maoli i ikeia no e ka lehulehu.
Iloko o ke au nohona oihana makai o Brown ua ike nui ia na hanaino, pilii ahalia ka noonoo iloko o ka piliwaiwaiwai, ke kumu i hihia aku ai kekahi mau opio kupono, a hol@hune ia ka poe wai, e like me Henry Kapea ame kekahi poe e iho a aole wale no oia ano ino aka o na hana hookamakama; a ma ke ano nui maoli, o ka hiki ole ia nohona ooihana makai ke hoomalu i ka ino i ike maopopoia ia mau ia a hiki ole ke hooko i kekahi mau kanawai oia no na mea e kakoo ae i ke kupono ole o ke koho ana ia Brown; a maluna no o keia mau mea i ikeia i ke au noho oihana makai o Brown i noi aku ai ke Kiasina e waiho i ka oihana, oiai he mea maopopo loa aole he hookoia ka makemake o ke kanawi, a he kulana kupono ole hoi ia e makeeia e ka lehulehu.
A no Henry hoi, aole i loihi loa kona noho ana, eia nae ka mea i keia, o na ino i laha hoolaha loa iloko o ia mau la o ka noho oihana o Brown ua kaomila lakou a ua maluhia maoli ke kulanakauhale – he malu i ike ole ia iloko o ke au o Brown alaila he mea pono i ka lehulehu o ke Kalana o Oahu e hoohana i na noonoo maikai ma ke kau@ ana i keia mau moho, a o ka me a e ko’iko’I ana oia auanei ka me e koho ai a makou e manaoio nei o William Henry no ia.
Ma ka aoao o ke Kuokoa, aia kona kakoo ama no Henry a maluna o ia kakoo i olioli nui ai makou e waiho aku i ka lehulehu o Oahu, oi loa aku i ka poe kuleana koho balota e kakoo pu ia Henry – aole e kakoo iaia no ka mea o Henry oia, aka, e kakoo aku iaia no ka mea ua ikeia kona kupono a makaukau a hooko kanalua ole i ka makemake o ke kanawai ke kumu o ka maluhia ana.
I kupono ko kakou lunamakai kalana, o ke kupono no hoi ia o ka lawelawe oihana makai, a o ka pahola no hoi ia o ka maluhia a he maikai hoi ia no ke Aupuni. No ka aina a no ka lehulehu. Nolaila, e koho ia Henry ame na moho kupono e ae apau.
He ike maa mau ole.
LOAA KA POMAIKAI I KEKAHI
POE O HONOLULU MAMULI O
KA IKE I LOAA I KONA HOA
MAKAAINANA.
He kanaka naauao ua kanaka la ke loaa iaia ka pomaikai mamuli o ka ike i loaa aku i kona hoa makaainana ame kona mau hoaloha. Eia keia a oukou e ike mai ai a o na kane, na wahine ame na keiki o Honolulu nei i ike i na ehaeha o ke kua, ame na haawina kaumaha mamuli o ka poino ana o na puupaa, a i ole na ehaeha paha mai ka hanawai ae, e hoike ae ai i ka ike maa mau ole a e loaa hoi ka pomaikai mai ka ike mai a keia hoa makaainana.
Ua hoike mai o Rev. J. Nua o Kawaiahao i kona manao ia makou maluna o keia mau huaale kuahaneenee ame puupaa a Doan.
“Ua loa ia’u ka ehaeha nui ma o ka ma’i la o na puupaa a’u hoi i manaoio ai ua loaa mai kela pilikia ia’u mamuli o ka hapai nui ana i na mea kaumaha i ko’u wa opiopio. O na maeele ame ka ma kuu kua o lakou na hoailona e hoike ana i ke ano o ku pilikia. O keia mau pilikia o’u ua hoomaka mai lakou mai ka manawa o’u he 28 makahiki, a hiki wale i keia manawa ua piha ia’u he 49 makahiki e hiki ole ai ia kakou ke hoohewahewa iho i ka loihi o ia manawa. A iloko o keia mau makahiki i noho ai au iloko o keia ehaeha ma kuu kua. Mamuli o ka hoomau ana o ka ehaeha o keia ma’i ia’u ua kolia mai au e ike aku i na kauka aole wale o lakou aka o ka ai ana he mau laau okoa aku aole nae he loaa iki o ka maha ia’u e like me ka maikai loa i loaa ia’u mai na HUAALE KUAHANEENEE AME PUUPAA A DOAN mai. Ua loaa maoli no ia’u ka maha kamahao lua ole mai ka manawa a’u i lawe ai i keia mau huaale. Ua oluolu maoli no ko’u uhane ma o ka lakou hua maikai la i loaa mai ai ia’u he mea hoi no’u e malama mau ai ia mau huaale iloko o ko’u poli ianei a i na aina o ka hema ke hele au no ka oihana ha’ieuanello. Aohe h laau lapaau kupono loa no na ma’i puupaa ame kuahaneenee e like me na Huaale Kuahaneenee ame Puupaa o Doan.”
E loaa no keia ano laau na Huaale Kuahaneenee ame Puupaa a Doan ma na halekuai Laau apau, he 50 keneta ko ke poho, a he eono poho no $2.50. E kaku mai ia Hollister Drug Co., na Agena o keia laau ma Hawaii nei a e hookoia no na kauoha ma ke kuika no nae.
HE MANAO LAULA.
(Mai ka aoao 1 mai.)
a pela aku e laha ana maloko o ke kulanakauhale, me ka hiki ole ke hoomalu aku.
Me keia mau kumu, ua lawa no ia no ko kakou ku-e ikaika aku iaia, no ka mea, he mau hana keia e poino ai ka lehulehu, a he mau hana hoi e ke’ake’a ana i ka hoolaha ana i ka Euanelia o Iesu iwaena o kanaka.
No William Henry hoi. – Eia na kumu o ko’u manao ana e koho like kakou i kona balota.
1. I kona komo ana ma ka oihana, ua hoepauia na halekuai rama liilii.
2. Ua hoemiia mai na hana hookamakama akea me ka hooikaika mau ana e hoopau loa aku ia hana haumia pelapela loa.
3. Ua hoopauia ka piliwaiwai akea loa ana a ke hooikaika nei no e kinai loa i na hana o ia ano.
He mau hana keia e pomaikai nui ai na mea apau, a he mea kokua nui loa i ka kakou oihana no ka hoolaha ana i ko Iesu aupuni ma Hawaii nei.
Me keia mau wahi manao, ke uwalo aloha aku nei au ia oe, e ka makamaka, e hooikaika no ka lanakila o Wm. Henry Luna Makai no ke Kalana o Oahu nei.
Me ka mahalo,
THEODORE RICHARDS.
HOOLAHA I KA POE KOI AIE.
WAIWAI O SOLOMON A KUAIMOKU
O na poe apau i aieia e ka Waiwai o Soloman A. Kuaimoku, mea i make, ma keia ke hoikeia aku nei e waiho ae, i ka lakou mau koi ku-e apau i ka mau i make i oleloia, i hoola pono ia ma o na kumu kupono la, ame na hoike kupono, ina eia kekahi o ia, mau mea ke waiho nei, ina no o ua koi la a ua hoopaia mamuli o ka moraki maluna o ka waiwai paa, i ka mea nona ka inoa malalo iho nei, ma ke kihi o na alanui Kalepa ame Alakea, Honolulu Mokupuni o Oahu, Teritori o Hawaii, iloko o na mahina eono mai kela ia aku.
Ina waiho ole ia mai na koi ana iloko o na mahina eono i oleloia ae ei, a i ole iloko hoi o na mahina eono mai ka manawa e ukuia ai lakou, e hoole loa ia aku no lakou.
Hanaia ma Honolulu, Jume 13, 1905
JOHN MOKUOHAI.
Lunahooponopono Waiwai o ka Waiwai o Soloman A. Kuaimoku.
3072 – June 16, @23, 30: July 7.
Hoike i na Kauka Maikai
HOOLAHA O MR. BAYSSON I KANA IKE WAIWAI NUI I LOAA MA KA LAWE LAAU LAPAAU ANA.
HE MEA I HOIKEIA KONA MA’I HIKI OLE KE HOOLAIA EIA NAE KE NOHO NEI OIA ME KA HAUOLI MAMULI O KONA HOOLAIA ANA.
He mau kaukani o na poe i loaa i ka nawaliwali i iko no i na kumu o ko lakou loaa ana i na haawina haupuupu a hiki ole ke hiamoe pono oia hoi no ka maikai ole o ka waihona ai, aka o ka ninau nui, pehea ia e hiki ai ke kaawale ae mai ia mea ae oia ka lakou i maopopo ole ai.
I mea e ikaika ai ka hoowaliia ana o ka aia he mea pono e loaa na iaia @a e hooikaika, a o ka ikaika e loaa mai no ia mai na mea ai maikai mai ame ke koko maikai. No ia kumu i lawe ai o Mr. Baysson i ka Dr. Williams’ Pink Pills no ka hooia ana i kona waihona ai.
“O keia mau huaale o lakou ko’u mau kauka maikai loa,” wahi ana i hoike ae ai. “Ua loaa ia wau i ka ma’i nawaliwali o ka waihona ai. O na ehaeha e loaa mai ana i ko’u opu mahope o ka ai ana ua hiki ole lau ke hoomanawanui. O ko’u moe ana aoie i paa mau a ua wiwi mai hoi ko’u helehelena. Mamuli o ko’u lawe ana ia ewalu pahu huaale o na Huaale Akala Kauka Williams, i loaa mua mai hoi ia’u kona mau mea maikai mamuli o ka hoike ana mai o kekahi o ko’u mau hoaloha ia’u ma Farani, ua palekana ae wai mai na pilikia mai, a i keia manawa eia wau ke ai nei me ka maikai e like me ka manawa o’u i loaa ole ai i ka nawaliwali.”
He wahi moolelo pokole keia, aka nae ina paha ole ka Huaala Akala a Kauka Williams ina paha ua lilo i keia i moolelo kaumaha. I ka manawa e loaa mai ai na haawina maikai ole mahope o na ai ana, e hoopiha ana hoi i ke ko-wa mai kekahi ai a i kekahi ai ana me na ehaeha a hiki kupono ole hoi ke hiamoe i ka po he mea maopopo aole loa he maikai o ke ola ana. O ka loaa koke ana i ka poino hikiwawe oia no ka hopena maopopo loa e hahai ana mahope o keia mau haawina.
Ua hanauia o Mr. Joseph Baysson ma Aix-less-Bains, Farani, aka i keia manawa aia oia ke noho nei ma ka Helu 2439 alanui Larkin, Kapalakiko, Kaleponi. O keia kekahi iwaena kanaka iwaena o na kaukani i ike i ka waiwaiio ame ke ola o ka Dr. Williams Pink Pills ma na ano ma’i apau i pili i ka opu.
Ina he makemake kou e loaa ke ola mai na haawina apau e pili ana i ka waihona ai aole he alanui okia ae au e huli aku ai i ke ola aka o ka lawe wale no i ka laau Dr. Williams’ Pink Pills. Ke kuaiia nei keia mau huaale ma na halekuai laau lapaau apau.
O ka hemo maikai o ka lepo, oia kekahi mea kekahi mea kokua ikaika loa i ka hoonee ana aku i ke ola imua, a he buke uuku kekahi i hoopukaia no keia mea ma ka inoa, “Kau mau mea e ai ame ke ano o ka ai ana” (What to eat and How to Eeat) e hoounaia aku no i kela ame keia mea e makemake ana ke hoouna pololei ae i na kauoha ana i ka Dr. Williams’ Medical Co., Schenectady, N. Y. Aia iloko o keia buke he mau mea a’o maikai loa e pili ana i ka lapaau mama loa no ka pilikia iloko o ka opu a waihona ai hoi.
MAHAE NA REPUBALIKA.
(Mai ka aoao 1 mai.)
NA LUNAKIAI.
E. R. Adams, (Rep.), Holo-laula.
A. Fernandez, (H. R. – Dem.), Holo-laula.
G. W. Smith, (Rep.), Honolulu.
John Lucas, (Rep.), Honolulu.
J. C. Quinn, (Rep.), Honolulu.
J. J. Fern, (A. M.), Honolulu.
J. A. Akina, (H. R. – Dem.), Honolulu.
D. M. Kupihea, (H. R. – Dem.), Honolulu.
H. T. Moore, (H. R. – Dem.), Honolulu
R. A. Woodward, (Rep.) Ewa.
F. K. Archer, (A. M.), Ewa.
W. Mossman, (H. R. – Dem.), Ewa.
A. E. Cox, (Rep.), Waianae me Waialua.
J. K. Mahoe, (H. R. – Dem.), Waianae me Waialua.
R. C. Lane, (Rep.), Koolauloa me Koolaupoko.
J. K. Paele, (H. R. – Dem.), Koolauloa me Koolaupoko.
KAKAUOLELO KALANA.
D. Kalauokalani, (Rep.)
B. N. Kahalepuna, (H. R. – Dem.)
PUUKU KALANA.
C. W. BOOTH, (Rep.)
R. H. Trent, (H. R. – Dem. – A. M.)
LUNAHOOIA KALANA
James Bicknell, (Rep.)
J. P. Makainai, H. R. – Dem.)
LOIO KALANA
E. A. Douthitt, (Rep.)
E. M. Watson, (H. R. – Dem.)
KA LAAU CHAMBERLAIN’S COLIC,
CHOLERA AME DIARRHOEA.
O keia ka laau i hooiaioia ma na wahi apau he laau kupono no na ehaeha apau o ka opu. He oia kana a he hoola hikiwawe hoi. Ua hiki ia oe ke paulele iaia ma na ma’i ikaika loa apau o ka opu. He ola ka ma’i @ ame ke pahemohemo o ka hanalepo ke lawe koke iaia. Ke kualia nei e BENSON, SMITH & Co., LTD., na agena hoi ma Hawaii nei.
Ma ka mokuahi Ventura o ka Poaina nei i kau aku ai o Samuel Kingm ko Hawaii nei keiki i apoia mai nei no ke kula A’o Koa Kaua Moana o Amerika.
HENRY KA MOHO KUOKOA.
(Mai ka aoao 1 mai.)
ia o kona ikaika ke hoohanaia me ka pololei ame ke kupono, e kulike ai me ka @ o ka manao nui i kukuluia ai o keia Ahahui.
A maialo o keia mau kumu i komopoo aku ai keia ahaui a lawelawe pu i na hana koho @ moho kalana e like me ia i hoikeia ae nei maluna, o kona kakoo ana i na moho kupono wale no o na aoao kalaiaina, a waiho ae i ke kukoo ana i na moho kupono ole o ia mau aoao, a ma ko lakou wahi i waela ae ai na kanaka makaainana kupono o ka aina a i mau moho pela i holo kuokoa aku ai o William Henry ma ke kulana Lunamakai Kalana no Oahu ame Fern i moho lunakiai no Honolulu, oiai aole i ku@ na moho kalaiaina o na aoao kalaiaina Repubalika ame Demokarata Home Rula, ame ko na moho apana e ae.
Aole keia he Ahahui ku e i na aoao kalaiaina aka he kakoo na keia @ ahahui makaainana o Honolulu nei i na aoao kalaiaina me ka nana ole ae o ka aoao hea la, @ hana kupono wale no nae e hoop@maikai ai i ka lehulehu ame kek kakoo ana i na moho a poe kupono wale no o na aoao kalaiaina, a ku-e loa i ke kakoo ana i na moho epaepa a kekee a kupono ole no na oihana o ka lehulehu e like me na hana aupuni, pela keia ahahui i kakoo ole ai i kekahi mau moho o ka aoao Repubalika ame Demokarata huiia, a ikeia no hoi kona kakoo ana i na moho kupono o ia mau aoao e like me ia e puka aku nei maluna ae a ma kekahi mau wahi o ke Kuokoa nei.
Aole o keia wale no ka hana o keia ahahui iloko o keia kau koho balota kalana aka o ke komo maoli iloko o ka hooikaika balota a mahope o ka hooponopono ana ua ku ae ia ka papahana o ka Ahahui, a eia na paahana lima kokua hooikaika balota ke hana nei, me ka ikaika e hooikaika ana e puka na moho apau i kakooia, mai na moho holo kuokoa, Maikai Kiekie William Henry no ka oihana Lunamaikai Kalana ame Joseph Fern no ka oihana lunakiai no Honolulu, Keliinohopono, (Archer) no ka oihana lunakiai o Ewa ame na moho kupono wale no o na aoao Repubalika ame Demokarata – Home Rula huiia i kakooia e ia, ke kumu ikukuluia ae ai kona keena hana ma kahi aoao o Ka Haleleta o ke Alanui Kalepa. A pela i ikeia ai ka manao maopopo o keia Ahahui, he ku-e ia A. M. Brown, ame kekahi poe moho e ae.
E loaa ka Ikaika.
I mea e loaa ai ka pomaikai ame ka hauoli e pono e loaa i ke kanaka ka ikaika averika kupono. O ka poe na waliwali o lakou ka poe i nele mau i nawaliwali o lakou ka poe i nele mai i na momona aalolo a ke ao nei e haawi ai iaia. Iloko no hoi o keia haawi no la a ka ao nei he nui maoli no ka poe nawaliwali iloko o ke ao nei. Ua haawi lakou ma ko lakou aoao i na mea apau, ko lakou ikaika iho i mea e loaa mai ai ke ano maikai o ke oia kino e ikaika ai hoi ke kanaka, eia nae o lakou no ka poe e haule ai ma ke kulana o ke ano maikai ole o ke ola ana, ke kumu hoi e emi mai ai o na paona kaumaha o ke kino.
O ke ano nawaliwali e hoikeia mai no ia mamuli o keia mau ano – ono ole mai ka ai, nawaliwali o keia mau ano – ono ole mai ka ai, nawaliwali ka oihana hoowali ai o ka opu inoino mai ke koko a nele no hoi i na waiwai o ke koko. O ka piliki maoli mamuli no ia o ke koko ame ka oihana hoowali ai. O ka laau lapaau no keia mau mea, oia no ka laau ikaika hoomaemae a hooulu io e like me ka
WAMPOLE PREPARATIONS
WAMPOLES PREPARATION
he laau e hooikaika ai a loaa ke kulana ikaika i ke kanaka nawaliwali. He laau maikai keia a he ono i ka ai ana he ano like me ka hone meli, a he mau waiwai hoola kona iloko iho ona mailoko mai o ka Aila Maemae o ke Akepaa o ka I’a Cod mai na i’a Cod makamaka hou mai i hui pu ia me ke Compound Syrup of Hypophophites ame ka Extract of Malt ame Wild Cherry.
He laau keia no keia mau la e hele nei. O na ano maikai loa o na ano laau maikai apau o lakou na waiwai iloko o keia laau, a he laau hooulu ikaika iloko o ka poe i nohoia e ka nawaliwali mamua. Hookhi no omole laau o ka lawa no ia o ka makemake Eia ka Kauka F. Hangetler o Canada, pane: “Ua ike wai i ka waiwai nui o keia laau au, no ka hoola ana i ka poe nawaliwali mamuli o na ma’i o ke ano haalulu mailoko mai o ka ma’I pilikia o na aalolo ame ka eha o ka opu. Ua hoohana aku wai i keia laau i ka’u po ma’i a i ko’u ohana no hoi a ua ike wau i ka waiwai nui mai ka la mua no a’u i hoohana ai. He ikaika kona iloko o na ma’i o ke koko ame ko ka akemama. Aole oe e hoohokala. He kualia keia laau ma na wahi apau o ka honua.
He Huaale Maikai
Aole he like o na
“HUAALE A AYERS.”
me na huaale e ae no ka mea he mai huaale kokua keia i ka hana a no naau, a he laau hoomaha maikai loa hoi. Ina he paa kou hanalepo o na
“HUAALE A AYERS.”
ka laau e hemo maikai ai, a e hemo maikai mau ana hoi mahope aku oia manawa.
Aole loa e hiki i kekahi kanaka ka olelo ae he maikai kona ola kino ina aole he hemo o kona hanalepo he hookahi manawa o ka la, a oi aku paha. Ina i maopopo keia kanawai a ke ola i na kanaka apau, aole loa e like ka nui o ka poe ma’I me ka mea e ike la nei i keia mau la.
Ua hana ia owaho me ke kopaa he maikai loa ka lawe ana.
Aohe mau Huaale i oi ae ka maika mamua o na
“HUAALE A AYERS.”
Hoomakaukau na e Kauka J. C. Ayers & Company, Lowell, Mass., U. S. A.
E loaa no keia mau Huaale ma ka Hale Kuai Laau o Hollister, alanui Papu.
Ma Ke Kauoha.
HOOLAHA MANA@KO
Ke Kauoha nei ke K@ e haawina he hoolaha no keia mau wahi Koho ame na Luna@ Ko@ Balota no ke Koho Balota K@ a malama ia i Iune @, @ no ke koho ana i na Luna Kalana.
O ka Lunanana @ ka inoa mua iloko o keia ame keia Mahele oia ke lawelawe ma ke @ Lanahoomalu.
APANA KOHO LUNAMAKAAINANA EHA.
O keia hapa apau o ke Mokupuni o Oahu e moe ana ma ka hikina ame ka hema o Alanui Nuuanu ame kalaina e moe ana malaila aku mai ka Pali o Nuuanu a hiki i ka Lae o Mokapu.
Mahelekoho 1. Wahi Koho, e kikoke ana i ke poo a Alanui Punahou. Na luananana: A. F. Clark, Sam Kamalopili, ame J. B. Kaohi.
Mahelekoho 2. Wahi Koho, kihi o Alanui Keeaumoku ame Waila Avenue. Na lunanana: Chas. Crane, Wm. J. White, ame W. O. S. Makekau.
Mahelekolo 3. Wahi Koho, Alanui Kaauwila Pacific Heights ame Nuuanu Avenue. Na Lunanana: O. Sorenson, George Kluegel, ame J. B. Kahahawai.
Mahelekoho 4. Wahi Koho, Ema Kuea. Na Lunanana: Wm. Savidge, Fred B. Angus ame Johm Hills.
Mahelekoho 5. Wahi Koho, Kapuaia Hale. Na Lunanana: A. F. Cooke, O. C. Swain ame Fred Turrill.
Mahelekolo 6. Wahi Koho, e kokoke ana i Hale Kinaiahi, kihi o na Alanui Beritania ame Papu. Na Lunanana: C. A. Yarrick, E. R. Biven, ame C. Morasky.
Mahelekolo 7. Wahi Koho, Halekula, Waimanalo. Na Lunanana: Geo. C. Chalmers, A. Irvine ame Aiona.
Mahelekolo 8. Wahi Koho, Kamaki Kuea. Na Lunanana: T. H. Petrie, Julius Asch, ame W. J. Karratti.
Mahelekolo 9. Wahi Koho, kihi o Alanui Hema ame Alanui-ololi Kawaiahao. Na Lunanana: R. E. Lockwood, Wm. Lono Austin, ame R. Ludloff.
Mahelekolo 10. Wahi Koho, kihi o na Alanui Moi ame Alekanedero. Na Lunanana: W. H. Charlock, Jr., D. F. Thrum, ame Daniel Kalauawa.
APANA KOHO LUNAMAKAAINANA ELIMA
O keia hapa apau o ka Mokupuni o Oahu e moe ana ma ke komohana ame akau o Alanui Nuuanu ame ka laina e moe la mailaila aku mai ka Pali o Nuuanu a hiki i ka Lae o Mokapu.
Mahelekoho 1. Wahi Koho, Hale Hookolokolo Apana o Kaneohe. Na Lunanana: H. C. Adams, G. S. Kalaehao, ame Rev. W. K. Leleiwi.
Mahelekoho 2. Wahi Koho, Hale Hookolokolo Apana o Koolauloa. Na Lunanana: Andrew Adams, Joseph Kekuku, ame J. H. Keanu.
Mahelekoho 3. Wahi Koho, Hale Hookolokolo Apana o Waialuna. Na Lunanana: A. M. Nowell, D. Kauwalu, ame Ahuna Waikoloa.
Mahelekoho 4. Wahi Koho, Hale Hookolokolo Apana o Waianae. Na Lunanana: Fred Meyer, Lema Spencer, ame S. W. Kailieha.
Mahelekoho 5. Wahi Koho, Hale Pohai o Ewa. Na Lunanana: P. A. Swift, W. P. Johnson ame B. Staar Kapu.
Mahelekoho 6. Wahi Koho, Hale Hookolokolo Apana o Ewa. Na Lunanana: W. C. Ashley, John E. Kahoa, ame Geo. Malina.
Mahelekoho 7. Wahi Koho, Kahua Paumawai o Kalihi. Na Lunanana: Peter M. Naluai, John K. Kaaeae, ame S. B. Kaneihalau.
Mahelekoho 8. Wahi Koho, Alanui Moi, mauka o ke Kula Kaiulani. Na Lunanana: M. K. Hulu, Asa Kaulin, ame Chas. W. Spencer.
Mahelekoho 9. Wahi Koho, ma ka huina o na Alanui Kuakini ame Nuuanu. Na Lunanana: Lyle A. Dickey, C. F. Alexander ame David Kauahipaula.
Mahelekoho 10. Wahi Koho, Aala Paka. Na Lunanana: Wm. Kwai Fong, Patrick Gleason, ame J. K. Notley.
Mahelekoho 11. Wahi Koho, Alanui Kulika, mauka o ka Halekula o Kalihi-waena. Na Lunanana: K. R. G. Wallace, George Barker, ame Koapili Kaauwai.
- L. C. ATKINSON
Kakauolelo o Hawaii.
Ma o C.R. BUCKLAND.
Hale Manahooko, Honolulu, Mei 31, 1905.
3071 – June 9, 16.
TERITORI O HAWAII.
KEENA O KA PUUKU, HONOLULU, OAHU
Ma ka hoopau ana i ka Union Express Company, Limited.
Oiai, ka Union Express Company, Limited, he hui i hoohulia a e ku nei malalo a ma ka pono o na kanawai o ka Teritori o Hawaii, ua waiho pono ae ma keia keena i kulike ai me ke kanawai i hanaia a i hookawalela no ia mea, he palapala noi no ka hoopau ana i ua hui la I oleloia, pau pu me ka palapala hoola i hoopili pu ia i koila ai ma ke kanawai.
Nolaila, ma kela, ke haawila aku nei ka hoolaha i ka mea a i ka poe apau i kuleana a e kuleana nei i kela manawa ma na ano apau iloko o ua hui la i oleloia, o na hoohalahala ku-e apau i ka ae ana i ua noi la i oleloia e waiho ae ma keia keena ma a mamua o ka hora 13, awakea, Poalima, Augate 18, 1905, a o keia ame kela ame kela mea e makemake ana e loheia e hele kino ae ma ke keena o ka mea nona ka inoa malalo iho nei, ma ka Hale Mana Hooko, Honolulu, ma ka hora 12 awakea o ka la i oleloia, no ka hoike ana i ke kumu, ina he mau kumu kekahi no keaha la e ae ole ia ai ko nui i olelo ia.
A. J. CAMPBELL
Puuku Teritori o Hawaii.
Honolulu, Iune 14, 1905
@072 – June 16, 23, @: July 7, 14, 21, 23: Aug. 4, 11, 18.
HOOLAHA MA KE KAUOHA
TERITORI O HAWAII
KEENA O KA PUUKU @, OAHU
Ma ka Hoopau @ Companu, Limited.
Oiai ka @ [Article Unreadable]
KEENA O KA PUUKU @ OAHU.
Ma ka Hoopau ana i k@ Company, Limited.
Oiai ka E. Peck & Companu, Limited, he hui ana i hoohulia a e @ ma ka pono o na kanawai @ o Hawaii, ua waiho pono @ keena i kulike ai me ke @ maia a i hookaawaleia @ palapala noi no ka @ hui la i oleloia, pau pu me @ hooia i hoopili pu ia i ko@ kanawai.
Nolaila ma keia, ke haa@ ka hoolaha i ka mea a i ka @ i kuleana a e kuleana nei i @ wa ma na ano apau iloko @ i oleloia, o na hoohalahala @i ka ae ana i ua noi la i olelo @ ae ma keia keena ma a mamua @ hora 12 awakea, Poalima, A@ 1905, a o keia ame keia mea @ make ana e loheia e hele @ ke keena o ka mea nona ka @ lalo iho nei, ma ka Hale M@ Honolulu, ma ka hora 12 awakea, @ la ia oleloia, no ka hoike ana I @ ina, he mau kumu kekahi, no @ e ae ole ia ai ke noi i olelo ia.
A. J. CAMPBELL
Puuku Teritori o Hawaii
Honolulu, Iune 14, 1905
3072 – June 16, 23, 30: July 7, 14, @: Aug. 4, 11, 18
HOOLAHA AINA AUPUNI
HOOLAHA AINA AUPUNI
Ma ka Poaono, Iulai 8, 1905, ma ka hora 12 awakea o ka la i oleloia ma ke alo iho o ka Hale Hookolokolo, Honolulu, e kaalia aku ana ma ke @ akea:
He mahele o ka aina o K@ iwi, Kaneohe, Oahu, noma ka @ 10.18 eka.
He 4.9 eka o keia aina ua k@ ka laiki, a o ke koena iho o @ he aina kula.
Kumukuai haahaa, $800.00.
Ma ke dala kulike ka maken@ ke Dala Gula o Amerika.
No na kii aina ame na @ koe e ike ae ma ke Keena o @ Aupuni, Honolulu.
JAS. W. PRATT
Komisina o na A@
Honolulu, Iune 8, 1905
3072 – June 16, 23, 30: July 7.
HOOLAHA HOOKO MORAKI.
HOOLAHA MANAO PANIKU @ A KA MEA PAA MORAKI.
JUNIUS KAAE AME JE@ KAAE.
Ma keia ke haawina aku @ laha malalo a ma ka mana @ i paa iloko o keia Moraki i h@ la 15 o Dekemaba, A. D. 1903 @ a hookoia e Junius Kaae o @ Oahu, a i huipu aku hoi me @ Kaae, kana wahine-mare, @ maikai ana ia mea, ma ke @ Moraki, ia J. J. Newcombe. @ Maui, Teritori o Hawaii, @ he mea Paa Moraki, a i k@ iloko o ka buke 252, ma na @ hiki i ka 385, iloko o ke K@ kope ma Honolulu, o ka @ inoa malalo iho nei, ka M@ Moraki i hoikela iloko o ua M@ oleloia ma keia ke haawi @ laha ke manao nei oia e @ moraki ia i oleloia no na k@ ia, oia hoi: ka uku ole ia o @ e ukula maluna o ua w@ keia iloko o ua moraki la @ ia o ka ukupanee maluna @ kumupaa i paa ma ua @ oleloia.
Ke haawi pu ia aku @ e ua Mea Paa Moraki ia @ waiwai i hooliola e ka Mea @ oleloia e kualia aku ana @ kudala akea, ma ke alo iho @ Hookolokolo o Lahaina @ ina. Maui. T. H. mahope @ ana o na pule ekolu (3) ma @ o keia hoolaha ana, oia @ Poakolu, ka la 3 o Iulai. A. @ ka hora 12 awakea o ka la @.
E uku kokeia ma ke dala @ wa no e kualia ai a o na @ apau ma ka aoao la o ka @.
O ka waiwai hooliola @ la i oleloia oia kela apau @ pa-hale, kahua, apana a i @ o ka aina, e waiho la o @ aia ma Kainehe, Lahaina, @ Maui, Teritori o Hawaii. @ ka hapa o ka aina i hoa@ o ka Palapala Sila Nui Helu @ A. 6499 ia Nakoelua, pau pu m@ hou apau maluna iho o ua @.
No na mea aku i koe e ike ao @ Hayyelden, Lolo o ka Mea Paa @ ma Lahaina, maui, T. H.
(Kakauinoaia) J. J. NEWCOMBE
Mea Paa Moraki
Hanaia i Iune 12, 1905
3072 – June 16, 23, 30.