Ka Nupepa Kuokoa, Volume XLIV, Number 12, 23 March 1906 — Page 6
| This text was transcribed by: | Jessica Hamamoto |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
HIKI KE OLA KA RUMATIKA
Aole he ma@ oi aku o ka hoehaeha e like me ka rumatika. a me he mea @a aole no paha he ma ʻi i like me keia ka nui hewahewa o na laau waiwai @@e i hanaia nona o ka i anaʻe ua hiki ke h@@aia keia maʻi he olelo k@ la i ke kapai@a ole aka no ka Chamberlains Pain Balm e kuai nui @a nei hoi ma na @ahi apau. ua haiawai ola me ka holomua ma ka hoola ana. I keia maʻi nola@a ke ku nei kana kaena. Ke hamo i keia laau no elua a ekolu manawa o ka loaa koke no ia o ka oluolu. a he mau haneri o na poe i loaa i kela maʻi i hoike ae i ko lakou hoola loa la ana. Ke kuaiia nei ma ka halekuai o BENSON, SMITH & CO. LTD., na Agena ma Hawaii nei.
HOOLAHA HOOKO MORAKI
ISAAC NOAR.
HOOLAHA MANAO PANIKU A KUAI A KA MEA PAA MOLAKI.
Malalo a ma ka pono o ka mana o ke kuai i paa iloko o kela molaki i hana@a i ka la 28 o Iune. 1901, e Isaac Noar. o Honolulu, Mokupuni o Oahu, Teritori o Hawaii, ma ke ano Mea Molaki la Ida E. Lamb. o Honolulu i olelo mua la aʻe nei. ma ke ano Mea Paa Molaki, a i kopeia iloko o ka buke 226, ma na aoao 142-144 o ko Hawaii Keena Kakaukope; a i kulike ai hoi me ka Pauku 2161 (Mokuna 139) o na Kanawai Hooponopono hou ia o Hawaii, o ka mea nona ka inoa maialo iho nei. Ida E. Lamb. ma keia ke haawi nei i ka hoolaha ke manao nei oia e paniku i ka molaki i olelola no ke kumu i uhaʻila, o ia hoi: ka uku ole ia ana o ke kumupaa ame ka ukupanee i paa ma ua molaki ia i oleloia i ka manawa e uku ai.
Ke haawai hou ia aku nei no hoi ka hoolaha o ka waiwai i hooliloia e ua molaki la i oleloia e kuaiia aku ana ma ke kuai kudala akea ma na keena kudaia o James F. Morgan, alanui Kaahumanu, Honolulu i olelo mua ia a'e nei. Lunakudala. ma ka Poaono, ka la 24 o Malaki, 1906 ma ka hora umikumamalua awakea.
O ka waiwai i hoololoia e ua molaki la i oleloia a e kuaiia aku ana o ia iho keia:
O kela apana a mahele apau loa o ka aina (he hapa o ka aina i hoikeia a i haokakaia iloko o ka Palapala Sila Nui 1125. L.C.A. 709 la Pehu ma ke ano Apana 1) e waiho la ma ka aoao Akau o Alanui Papu ma Kapauhi, Honolulu i olelo mua ia aʻe nei. a penei hoi ke apo ana ame ka hoakaka ana:
E hoomaka ana ma ke kiko ma ka @aina akau hou o Alanui Papu kahi hoi o ka palena aina mawaena o ka L.C.A. 734 ia Piikoi ame L.C.A. 709 ia Pehu e oki ana i ua laina la oleloia, a e holo ana:
2. Ak 78 deg 45 min. Hik. oiaio 19 kapuai e holo ana ma na aina o Vierra ame Emmes e holo ana hoi ma ka pa 9 kapuai ma ko Vierra ame 10 kapuai ma ko Emmes:
3. Ak 86 deg. 35 min.Hik oiaio 103 kapuai e holo ana ma ko Emmes aiana ma ka pili pa a hiki i ka laina e ku nei o ke Alanui Papu; alaila,
4. Hema 61 deg. 14 min. Kom. oiaio 121 kapuai e holo ana ma ka laina hou o Alanui Papu, a hiki i kahi i hoomaka ai.
E ili ana he 3177 kapuai kuea a i ole ma kauwahi olaila a iloko olaila na aiana apau i hooliloaia a i ole manaoia nei e hoolilo aku ia Isaac Noar i oleloia e Ching On ma kekahi palapala i hanaia i ka la 28 o Iune 1901.
IDA E, LAMB Ma o J.M. DOWSETT. Kona loio Ponoi.
Ma ke dala kuike ka makemake a ma ke Dala Gula o Amerika; ma ka noao hoi o ka mea kuai mai na lilo palapala apau.
No na mea aku i koe e ike aʻe ia Holmes & Stanley, alanui Kaahumanu, Honolulu. na loio o ka Mea Paa Molaki a i ole ia James F. Morgan, Honolulu, Lunakudala.
3109 Mar. 2, 9, 16, 23
HOOLAHA MANAO PANIKU AME KUAI PANIKU A KA MEA PAA MOLAKI.
I KULIKE AI me ka manao o kekahi molaki i hanaia e SARAH K LAA, WILLIAM LAA, kana kane, ame PELANI (w) i ka THE WESTERN and HAWAIIAN INVESTMENT COMPANY ma ka la 4 o Mei, 1898 kopeia ma ka Buke 180 aoao 61, ma keia ke mea paa molaki e paniku i ua molaki la no ka uhakiia o ke kumu, oia hoi, ka uku oleia o ke kumupaa ame ka ukupanee i ka manawa e uku ai.
Ke hoike houia aku nei mahope iho o ka hala ana o na pule ekolu mai ka la aku o keia hoolaha e hoolahaia aku ana ka waiwai i paa maloko o ua molaki ʻia no ke kuai ma ke kuai kudala. ma na keena kudala o James F. MORGAN, ma Honolulu ma ka Poaono ka la 24 o Malaki. 1906, ma ka hora 12 wakea o ua la ʻia a ma ia manawa a ma ia wahi e kualia ku ai ka waiwai i oleloia.
E loaa no na mea aku i koe mai ia Catle ame @ithington mai. na Loio o ka mea Paa Molaki.
OLELO: Kuike ma ke Dala Gula o Amerika Huipuia. No na lilo Palapala ma ka aoao o ka mea kuai mai.
Hanaia Honolulu, Feberuari 27 1906 THE WESTERN AND HAWAIIAN INVESTMENT CO LTD.
Mea Paa Molaki.
Penei na waiwai i paa maloko o ua molaki ia.
1. He aina pa hale ma ka aoao mauka o ke Alanui Pauahi ma Honolulu he 59.S kapuai o mua ame 46@ kapuai hohonu aia ka aina i uhi hapaia e ke Kuleana 11213 o ka hapa i paa ma keia molaki oia ko Kaihe apana ame kekahi apana aina aupuni i hoolilo ia mai e ke Kuhina Kalaiaina ia William Laa a i kopeia ma ka Buke 168 aoao 247: o ka hapa i koe oia ka hapalua o ne mea molaki aku iloko o ka apana o Kaihe.a i aelieia hoi e hookaawale aku no lakou.
2. He apana aina ma Kalepohaku Boko o Plama Honolulu
e ili ana 2.4 eka i hoikeia ma ka R.P. 2493 Kuleana 1746 ia Nakaikuaana mai iaia mai i ili mai ai ua pana aina aia la Pelani ame William Laa.
3. Elua mahele e uhi ana he 80 eka, oi aku a emi mai paha iloko o ke Ahupuaa o Kahana i uhila e ka palapala kuai a Pelani ame Pupu ia William Laa i oleloia i kopeia ma ka Buke
aoao
4. Aina ma Waikele, Ewa i uhiia ma ka R.P. @ Kuleana @.B la Puo@ohenau e @@ ana i eka a ola ka apana aina i @ mai i ua William Laa. Ua ma ke ano hooliloaia; ame ka R.P. @@. Kuleana 8@@C la Pokini. e ili ana i @@ eka i hooliloia ia Pelani i oleloia ma ka palapala kuai a Pokini. I kopeia ma ka Buke 29 aoao 154. ame 5. Ke kuleana hoolimalima o Sarah K. Laa i oleloia iloko o kekahi wahi apana aina uuku e pili ana i ka apana aina ma ke Alanui Pauahi i hoikeia ma ka helu ekahi maluna ae.
O na mahele elua iloko o ke Ahupuaa o Kahana i hoikeia ma ka "3" ua hookuuia mai hihia mai o keia molaki. Aole hoi e kuai puia ana malalo o keia kuai paniku.
3109 Mar. 2. 9. 16. 23.
HOOLAHA MANA HOOKOLOKOLO
ILOKO O KA AHA KAAPUNI O KA APANA KAAPUNI ELUA TERITORI O HAWAII. I LOKO O KA HANA HOOPONOPONO WAIWAI.
Iloko o ka Hana o ka Waiwai o Rev. Z.S.K.Paaluhi, Mea i Make.
Ma keia ke haawaiia aku nei ka hoolaha mamuli o ke Kauoha o ka Hon. A.N. Kepoikai, Lunakanawai nona ka Aha i hoikeia ae nei maluna o ka mea nona ka inoa malalo iho nei, ua hookohuia oia ma ka la 7 o Feberuari A.D. 1906, i Lunahooponopono no ka Waiwai o Rev. Z.S.K. Paaluhi. mea i make, no Wailua Molokai a he mau Leka no ke kuleana Hooponopono Waiwai ka i hoopuka pu ia i ka mea nona ka inoa malalo iho nei. ma ka la i oleloia.
O ka põe koi aie apau o Rev. Z.S.K. Paaluhi mea i make a he mau koi no hoi i ka Waiwai i oleloia, ma keia ke hoikeia aku nei ka lohe e waiho mai i ko lakou mau koi me na bila hooiaio kupono. in a he mea kekahi o ia ano, e paaia nei a pela no hoi na koi aie i hoopaa ia malalo o ka moraki maluna o ka waiwai paa, i ka mea nona ke inoa malalo iho nei ma ke keena o ke kakauolelo o ka Aha Kaapuni Elua. iloko o Wailuku Mokupuni a Kalana o Maui Teritori o Hawaii maloko o eono (6) mahina mai ka la aku o keia hoolaha o ka la i oleloia, oia no ka la o ka puka mua ana o keia hoolaha i oleloia a in a aole alaila e hooleia no na koi o ia ano no ka mau loa.
Hanaia ma Wailuku, Maui, Feberurari 15, 1906.
THEODORE T MEYER. Lunahooponopono o ka Waiwai o Rev. Z.S.K. Paaluhi mea i make. 3108 Feb 23 Mar 2, 9, 16
HOOLAHA AINA AUPUNI
OLELO HOOLAHA
KUAI O KA HAPA O KA APANA AINA AUPUNI I IKE NUI IA KA PA HALE O KA HOME KAHIKO O NA LUINA MA KE ALANUI BETELA HONOLULU T.H.
Ma ka Poakolu, Aperila 11, 1906, ma ka hora 12 awakea, ma ke alo iho o ke Kapikala (Hale Aupuni Manahooko) e kuaiia aku ai ma ke kudala akea he hapa o ka pa-hale o ka Home Kahiko o na Luina ma ka alanui Betela, Honolulu Mokupuni o Oahu, nona ka ili aina o 2914 kapuai kuea, emi iki a oi iki.
Kumukuai haahaa $11,656.00.
Ma ke dala kuike a ma ke dala gula Amerika no hoi ke kuai ana.
A o na lilo palapala apau ame na pooleka pili oihana ma ka aoao ia ka mea kuai mai.
E loaa no na kuhikuhi ame na wehewehe ana no ia mea ma ke keena o ka Lunanui o na Hana o ka Lehulehu.
C.S. HOOLOWAY, Lunanui o na Hana o ka Lehulehu. Honolulu, Malaki 7, 1906. 3110 Mch. 9, 16, 23.
HOOPAU HUI HOOHUIIA
TERITORI O HAWAII
KEENA PUUKU HONOLULU OAHU
Iloko o ka Hoopau ana o ka Hawaiian Chinese Kona Coffee Plantation Limited.
Oiai o ka Hawaiian Chinese Kona Coffee Plantation Limited, he hui i kukuluia a e ola ana malalo a ma ka pono o na kanawai i hanaia a i hoolakola no na hana o ia ano he palapala noi no ka hoopau ana i ka hui i oleloia pau pu me ka palapala hooia i hoopili pu ia aku e like me ka makemake o ke kanawai.
A nolaila ma keia ke haawaiia aku nei ka hoolaha i ka mea a mau mea he kuleana kona a o lakou mai mua mai a i keia manawa ma na ano apau iloko o ka hui i oleloia oia hoi o na hoohalahala apau no ka ae ana aku i ka palapala noi i oleloia e pono e waihoia ae iloko o keia keena ma a mamua o ka hora 12 awakea o ka la 30 o Malaki 1906. a o ka mea a mau mea e makemake ana e hooloheia oia a o lakou paha he mea pono e hiki kino ae ma ke keena o ka mea nona ka inoa malalo iho nei, ma ka Hale Aupuni Manahooko, Honolulu ma ka hora 12 awakea o ka la i oleloia no ka hoike ae i ke kumu in a he mea kahi o ia ano no keaha la e ae ole ia ai ka palapala noi i oleloia.
A.J. CAMPBELL Puuku o ka Teritori o Hawaii Honolulu Ianuari 23, 1906.
3104 Jan 26, Feb, 2, 9, 16, 23, Mch 2, 9, 16, 23.
KA LAAU KAMAHAO O INIA
O na mea apau i loohia i na maʻi ame na eha paiaho o na ano like ole. ua loaa no ke ola loa i ka laau Kamahao o Inia. Pela no hoi me na maʻi kane haukekuke a he nui wale. Pela no hoi me ka poe i loaa o ka uha hemo. Ua ola lakou apau loa laʻu.
E hele mai oukou e ike iaʻu me kaʻu auhau ole no ka nana ana ame ke kuka ana. Manawa hana ma ke keena: Poakahi, Poalua ame Poaha. hora 8:30 p.m. Ma Maunakiekie, Helu 1416 alanui Kinau.
J. LOR. WALLACH
Mea Kawili Laau o na Laau Inia Pahu Leka (P.O.) 577.
Na Anoai o Kaua
LIHUE. Malaki 1@ O ke kau hookol@kol@@ o Malaki o ka Aha Kaa@@ Elima ua wehe@@ ae nei ma ka Poakolu ka la @ a o ka Mea Hanohano Hacob Hardy ka mea ho@malu o ka Aha a o John D. Willard ka lolo ma ka anao o ke aupuni.
O ka papa kuhikuhi o na hihia ke ano nui no la a o kekahi poe o lakou na hihia mai ke kau mai o ka malama o Novemaba. Ua kaheaia ae no hoi ke kiure nieniele no ka Poakolu ka la 12. a ma ia manawa i manaolanaia ae ai e hiki nui mai ana na kakaolelo kanawai o Honolulu iwaena hoi o lakou o Lunakanawai Perry. Lunakanawai Humphreys ame Crook. O Mr. Rawlins eai no oia ianei.
POINO I KA INO
Ma ka po Poalua a ao ae i ka Poakolu. i ke kakahiaka i hoomaka ae ai ka ino ia Kauai nei a he nui no hoi na poino oi loa aku iwaena o na meaulu huaai a he nui o na huaai i pa kiia iho a ku ana i ka honua. Ma Waimea ua ulaa pu ia ae na laau loloa a hoonaueueia ae na hale a he ku maoli no ka hoomakaʻukaʻu o ka hana a ka makani ino. A o ka halenoho keia o ke kiai uwapo o Koloa ua ulaaia ae kaupoku.
Ma Hanalei hoi ma kekahi aoao o ka mokupuni ua ulaaia ae kekahi hapa o ke kaupoku o ka luakini kahiko a ulupala no hoi kekahi mau papaihale ano kahiko olaila. He liilii wale mo ka ua o Waimea.
HOOMANAO LA HANAU NO SAM
Ma ke ahiahi Poakolu iho nei ka la 7, he paani hoonanea ka i malamaia ae e Mr. ame Mrs. A.S. Wilikoki ma ko laua home "Kilohana" no ka hoomanao ana i ka la hanau i iwakaluakumalua o ka laua keikikane Sam.
He umikumakahi pakaukau i hoomakaukauia ae iloko o ke keena hookipa a ma keia mau pakaukau i hoohala ae ai na hoa i hiki kino ae no ka hoonanea ana e hoololi ana hoi mai kahi pakaukau a kahi aku like me ke ano o ka paani nee ana.
A ma ka panina o ka paani ana aia he mau makana maikai i kaʻipuuia ae i ka poe i lilo aku ia lakou ka hano hano o ka lanikila a i na makana e haawaiia ana oia ka manawa i hoomakaukau ai na mea ai mama maluna no o na pakaukau a aole no hoi i nele ka loheia o na hoehoena o na mea kani a ne keiki laeoo ma ia hana.
O keia malalo iho na lede ame na keonimana i hiki kino ae ma keia hoomanao la hanau o ka mea nona ka la:
Mr. âme Mrs. Broadbent, Mr ame Mrs Hills, Mr. âme Mrs. Palmer, Mr. âme Mrs. Sloggett, Mr. âme Mrs. Sweetster, Mr. âme Mrs. W.H. Rice Jr., Mr. ame Mrs. C.A. Rice, Mr. ame Mrs. S.W.Wilcox, Mr.ame Mrs. R.L. Wilcox, Mr. ame Mrs. Wilkinson. Mr. ame Mrs Wishard, Mrs. C.A. Elston, Mrs Christ; Misses Batchelor, Hundley, Jordan Mumford, Wilcox (2), Quinn, Messrs, Coney, Cropp, Crawford, de Lacey, Hijorth, Mahelona, Omsted, Harold Rice, Smith, Spalding and Willard.
HOOLAHA HOOKAPU
Ke hoike ia aku nei lohe i na mea apau, e hele nei ka auau kai, a lawaia paha ma ke kai o Hamohamo, ma Waikiki kai Honolulu, Oahu, ke hookapu nei ka Moiwahine Liliokalani aole e kii i ka Limu Pakaeleawaa ma ka Limu Huluhuluwaena, Opihi, Pupualealea, Ina, Haueue ame ka Pipipi ma ke alo ponoi iho o ka Pa Alii. Na kona mau lima alii ponoi no i kanu a hookawowo i keia mau mea apau i hoike ia ae la maluna a o ka mea e kii ana i keia mau mea e hookapu ia nei e hopu ia no oia, a hoopai ia e ke kanawai. O keia mau mea apau i kanu ia e ka Moiwahine mai Hilo i lawe ia mai ai kekahi. no Lahaina kekahi, no Molokai kekahi, no Kauai kekahi, no Waialua Oahu nei, kekahi. E hoolohe i keia hookapu.
J.O. CARTER Agena. Honolulu T.H., Malaki 1, 1906.
3091 Mar 2, 9, 16, 23,30
OLELO HOOLAHA
E ike aunai na mea apau. Owau o Mrs. Mata Yoshimasu wahine mare a Yoshimase i oleloia a mamuli o kona haalele kumuole ana mai iaʻu a holo malu aku oia me ka maopopo ole iaʻu o kana wahi i holo ai nolaila in a oia maloko o na palena o keia Teritori o Hawaii nei a ua ike oia i keia Hoolaha au ma keia Nupepa e oluolu oia e hoi mai aʻu kana wahine mare.
Owau no me ka oiaio
MRS. MASA YOSHIMASU
Kawaihae Fberuari 26, 1906.
3109 MCH. 2,9,16,23,
Ka Huaale Helu Ekahi
O na cane âme na wahine o na papa like ole ame na kulana like ole: na poe eli lanahu na loio na kahunapule na mekanika na kelamoku, na poe mahiai na haumana na kupakako na poe kaahele, na poe holo makaikai in a no ia ma ka moana, ma na papu pale palena aina, iloko o na lua maina, keena oihana o ke kulanakauhale a i ole ma na kuaaina e ike ana no lakou o na Huaale a Ayearʻs oia ka helu ekahi no ka hoomaemae ana mamua o kekahi mau laau e ae ma na maʻi hoi apau i kupono no ka hoohemo ana. Huaale a Ayerʻs he hoohemo kana me ka maikai; ke hoola nei keia mau huaale i ka eha iloko o ke poo, manawahua ame na pilikia apau oloko o ka opu. Ua hanaia me ke ko momona.
Aole he mau huaale maikai loa i like aku me na HUAALE A AYERS
Ua hoomakaukauia e Dr. J.C. Ayers & Co., Lowell Mass, U.S.A.
KAHI "ALOHA AINA OLE WALE"
Ma kahi nupepa nona ka inoa ma luna i puka mai i ka pule i hala iikela ai kona hoopunipuni maoli. ke kapa mai nei i ka puka ana o Moore na na Repubalika ka kupanaha maoli me ka ike maopopo iho no hoi eha moho a ka aoao Repubalika i holo Lunakiai ai no Honolulu neo oia o Lucas, Smith. Quinn ame Joe Fern; nolaila ina he wahi noonoo iki ko ka lunahooponopono a puuku paha o ua wahi nupepa nei. ailaila e ike ana no oia e kaulii!lii ana na balota o na Repubalika aka nae puka no eiua a haule o Quinn no ka mea ua lilo kekahi balota o na Repubalika ia Joe Fern.
Pehea hoi i emi ino loa ai o J.M. Poepoe malalo o Moore ame Trent a pii loa o A.M. Brown oiai ua huki ae o Wm. Henry he 800 a oi balota mai na Repubalika ae: o ka mea maopopo loa ua haalele na Demokalaka Hawaii ame na Repubalika Hawaii.
O kahi "Aloha Aina" ole wale no paha ka ike ole ia mea: aka, ua ike no he ike ole hoopunipuni maoli no keia.
E ninau ae no hoi ua wahi "Aloha Aina" hoopunipuni nei i ke alakai o ka aoao Demokalaka a e ike ana no oia ua aʻʻo aku no ua alakai la o ka Aoao Demokalaka i na Demokalaka e koho ia Brown. Kupanaha o na kupanaha oe e kahi "Aloha Aina" e ike ole nei ia mea.
Mai hoopunipuni ino hou aku oe i kou lahui, ua lawa oe i hookahi wa e hoopunipuni ai.
Ke hoopunipuni mai nei oe ua pau ke poe lokoino mai ka Aha Senate ae, a o na poe kokua koe i na Hawaii; ae no kou nini maoli no ia Kale Aki; no ka mea o kau e olelo nei o Senatoa Lane ka mea e kokua ana i kau no kela Kanawai Hoopae Limahana; e nana ae oe ma ka moolelo o ka Aha Seate a e ike ana oe i keia; na Seatoa Kalama i lawe mai ke kanawai a o Senatoa Lane ka mea kokua mua loa i ke noi a Senatoa Kalama e hooholoia ua kanawai ia.
Makaʻu ole maoli no kahi nupepa "Ke Aloha Aina" ole wale i ka hoopunipuni, no ka maa loa paha. Ke olelo mai nei ua wahi nupepa nei "he hilinai ole maole no ia Kale Aki," ae pela io paha? Aka nae, he wa no a ka Puuku o ua wahi nupepa la i hoike ae ai i ka hilinai ole ia Kale Aki, aka, hiki mai nae ka la o ka pilikia nui, o ka mea i ike ia, hiki ae na kauoha ia Kale Aki, a hiki kino ae no ma kona wahi e noho ana; me ka lohe no o ua Kale Aki nei i kela mau olelo no ka hilinai ole; a mamuli o ke aloha, ku ae o Kale Aki a hele aku i ka poe hooko i ka makemake o ka Puuku o ke "Aloha Aina" ole wale.
Pehea iho la ua hilinai ole nei? Aka, aho no he mau poino e loaa ana ia Kale Aki ke hilinai ole keia wahi nupepa: no ka mea ua pau ka wa o na Hawaii i hilinai ai i kana mau kalaiolelo ana; no ka mea, he ike hoinino wale no; aohe ike kalaimanao akea.
Me ko Kale Aki pane ole mai, a no ka manao ino maoli no i ua keiki la; aole i kana mai ka hakukole. Ke kuhihewa loa nei no keia wahi nupepa ina e hoopau ia kela wahi Kanawai Hoopae Limahana, he mea ia e hiki ole ai na limahana i Hawaii nei; i lohe oe, ma na kanawai o Amerika Huipuia, ua aeia ka hele ana mai o na limahana apau, koe wale no na Pake, ina nae he $50 iloko o ko lakou mau pakeke; o keia wahi kanawai limahana au e noke nei i ke kualehelehe, i hana wale ia no ia ma ke ano he kanawai like me ko na Teritori a Mokuaina e ae iloko o Amerika Huipuia.
E hoopau i kou kualehelehe hoopunipuni i ke kanawai au i ike ole ai i ke kunu o ka laweia ana mai oia kanawai.
REPUBALIKA HAWAII
MALAKI 15, 1906
HOOMAIKAI NUI IA REV J.W. NUHI, O KOULA, HONOLULU.
I ka makamaka ahonui a kokua aloha i ke aupuni o ka Haku me ka manao kuio o ka hoopono. Oiai ua ike iho nei makou i kau makana oiaio loa, oia hoi he Baibala Hemolele i kuni ia me na hua gula maopopo loa, ma ka inoa o ko makou hale pule, KalamakuokaMalamalmama. ame na buke "Hoku Ao Nani" nona ka waiwai io apau he $4.50 a i loaa pono mai hoi i keia ekalesia mai a oe mai. Nolaila no makon pakahi iho, a no makou i hui ia ma o ko makou komite la, ka ekalesia o ka Hoomana Naauao o "Kalamaku-o-ka-Malamalma" Lahaina Maui ke haawi aku nei i ko makou hoomaikai nui loa ia oe no ia mau kokua aloha i loaa mai. Nolaila ke pule nei makou i ka Haku aloha, e hoomaikai mai ia oe ina hoomaikai he nui o kona aloha a nana no auanei e hoonui mai a hoomau i kou pomaikai ame kou ikaika kokua i kona aupuni iloko o ke ao nei. O ke aloha o ka Haku pu me oe i na wa apau.
O makou iho no ma o ko makou komite la.
REV.J.E. KEKIPI
JAMES ROBERTS
P.KAULAINAMOKU
Kalamaku, Lahaina, Maui. T.H. Malaki 6, 1906.
NA INAMONA
Mai ka 1892 mai aole he nupepa i hoopukaai ma ka la Sabati ma Norewai a mai ka 1895 mai aole he puhi palaoa ana malaila.
I ka 1904 he 12.000 pipi bulu i make iloko o na hana hoohakaka pipi ma Sepania, a he 10,000 lio i make i na pipi bulu.
Ke uku nei Aupuni o Mekiko i kona Peresidena he $500,000 i ka makahiki ua like no hoi ia me ka Amerika e uku nei i kona. Eia naʻe ke loaa nei i na laia o ka Aha Kuhina o Mekiko he $15,000 pakahi i ka makahiki oia i naʻe ko Amerika Huipia he $8,000 wale no.
HE WAIWAI I HUNAIA
KA PALPALA HOOLINA ANO O KE ANO MANAO. LANA OLE I LILO AI O KIMO NAPELA I KANAKA WAIWAI
(He Moolelo Pokole)
(Hoomauia)
He mau pahu o keia ano ka i loaa aku ma kela ame keia wahi. Ua loaa aku la kekahi pahu e waiho ana malalo o kekahi puu pohaku. Loaa aku la kekahi e waiho mai ana iluna o na lala laau. ame na wahi like ole, a iloko o keia mau pahu o kela mau huaolelomua i hoikeia aʻe nei na mea i loaa aku a no ia mea ua hoomaka iho la na kanaka i kaea, a olelo iho la kekahi poe ua hoopunipuniia lakou.
Ua hiki ole ia Kimo Napela ke noho aku ma ka Mahinaai o Edgewoods mamuli o ka piha kanaka, a ua hoohala iho la oia i kela ame keia la ma ka holokaa ana me Miss Laycock a iloko o keia mau holoholo ana a laua ua punihei aku la o Kimo Napela i ka nani ame ka leo waipahe o ua kaikamahine la a ka loio.
I kela ame keia ahiahi ua lilo i hana mau ma ko Napela aoao ke kipa ana aku ma ka home o Miss Laycock a he lehulehu na manawa a laua i hoohala kokoolua iho ai i na hora o ka po o laua wale no, aole hoi he mau akeakea i loaa mai na makua mai o Miss Laycock. I kekahi manwa aia laua iloko o ka lumi hookipa e hoonanea ana me na leo mele, oiai na manamanalima o ua kaikamahine la a ka loio e kapalili ana iluna o na papaki o ka piano.
Pela iho la ko laua nei hui mau ana a i kekahi po o ka malama o Sepatemaba, ia laua no e noho ana iloko o ua luni la a e hookani ana hoi o Miss Laycock i ka piano me kona leo mele e kani kiki koʻu ana me huaolelo maopopo e poha pono ana iloko o ko Napela mau pepeiao, penei;
A ike aku wau ia oe,
Olu pono koʻu manao;
A ina kaawale aku oe,
Hiki mai ko aloha eha au.
O keia no ka leo mele a Napela i lohe iki ai ma kela ahiahi ana i hiki mua loa ai ma ko Mr. Laycock hale, aka, o na huaolelo aole oia i hoomaopopo a o keia iho la kona manawa mua loa i lohe maopopo a o keia iho la kona manawa mua loa i lohe maopopo ai, a mamua o ka pau ana o ka pauku mua, ike koke iho la o Napela nona ia hanehane e lawe palamimoia mai la e ke kaikamahine a ka loio. Ae, no ka mea ua hihi like no ko laua mau manao i ke kikowaena hookahi; eia naʻe me he mea la ke kali aku la kekahi no kekahi o ka pai aku. he olu wale mai hoi ko kekahi, a oiai ua kapeke aʻe la kekahi o laua a puai okoa ka lena ua hiki ole ia Napela ke uumi hou iho i kona halia.
Ku aʻe la o Napela mailuna aʻe o kona noho, me ka ike ole mai o Miss Laycock e nee maile aku la no kahi e ku ana ka piono. Huli aʻe la ua kaikamahine la a ka loio a nana aʻe la me na minoaka e popohe ana maluna o kona mau papalina.
"Dora!" wahi Napela. a o keia no hoi kona manawa mua loa i kahea aku ai i ua kaikamahine la a ka loio ma kona inoa ponoi.
"Ae, e Kimo." i pane mai ai ua kaikamahine la, a o keia no hoi kona manawa mua i kahea aku au ua Napela ma ia inoa.
"O kou manao maoli no anei ia?"
"Ae, e Kimo" i pane mai ai ua kaikamahine la, me na minoaka hoomahie maluna ona a ia manawa hookahi no hoi kuu iho ai ke kani ana o ka piano.
Honi iho la o Kimo Napela i ke kaikamahine a ka loio a koi aku la ua Kimo Napela nei male koke ia laua aka ma ko Dora aoao o ka male ana i ka malama o Iune kana i makemake ai a hoike aku Ia no hoi Kimo i ka loihi loa o ia manwa aka ua paakiki loa mai Ia no o Dora, nolaila aelike iho la laua e male iloko o Iune o kekahi makahiki aʻe.
No Mr. ame Mrs. Laycock, aole laua i hoopuiwaia i ka manawa i hoike aku ai na opio i ko laua mau manao a ua manao iho la no hoi laua o Mr. Napela ka opio kupono e lilo mai i hunona na laua a ae koke aku la laua i ka manao o na opio. I keia manwa no hoi aia no ke hoomauia la ka huli ana no ka waiwai i hunaia aka ua emi mai ka nui o na kanaka a o kekahi poe ua hele wale aku no no ka makaikai ana i ua mahinaai la mae na kanaka kakaikahi e huli ana.
Mamua aku he mau kaukani ka nui o na poe i hele aʻe e huli a ua hoi aku ka hapanui me ka olelo ana aʻe aole loa he waiwai i hunaia a he mau hana hoopunipuni wale no keia no ka hoopomaikai ana i na hotele ame na hui kaaʻhi.
I ka hapa hope o ia makahiki waiho aku la o Napela i kona noho kakau ana no ka nupepa ka Makani Puahio o ka Ahiahi a hoi aku la oia a noho ma ka Mahinaai o Edgewoid. Iaia malaila ua hoohala aku la oia i kona manawa ma ke kakau moolelo ana. I kekahi manawa ua haawi aʻe la oia i mau anaina hoolaulea ma ka Mahinaai o Edgewppd aole no naʻe o ke ano nui.
Mamua o ka hehee loa ana aku o ka hau ua hoopoina loa ia iho la na mea e pili ana i ua waiwai la i hunaia ai, a ua laweia aʻe keia moolelo e kaao wale ia ai no e na kamalii; aka no Mr. Laycock, aole loa oia i poina ia mea ame ka wahi leta i hoopaaia ai e ka palapala kauoha a Mr. Kalinibuki. I ka hoea ana mai o ke kau la o 1892, a i kekahi la hele aku la oia e nana i ua wahi leta la a ike iho la oia kauohaia e wehe aʻe ma ka la 26 o Iune 1892.
O ka male o na opio ua hookaawaleia no ka la 28 o ia mahina no a aia hoi ka mahinaai o Edgewood ke pii la kona waiwai malalo o na hooponopono ana Kimo Napela. Ua hoomaemaeia aʻe ke kakela a nani i kupno no ka noho ana aku o kekahi moiwahine.
I ke ahiahi o ka la 25 Iune aole i hoi aku Mr. Laycock e hiamoe aka hoike aku ia oia i kana wahine he hana nui kana e hana ana a e lilo ana kona manawa ma ka nana ana i kekahi mau palapala pili kanawai a e hiki ana paha i ka wanao mamua o kona hoi ana aku e hiamoe. No Mrs. Laycock ame ka laua kaikamahine aole laua i hoomanao aʻe i kekahi mea e pili ana no ka palapala kauoha a Mr. Kilinibuki a aole no hoi i hoike aku ua loio la o kana hana nui ia o ia po.
I ke kani ana o ka hora umikumalua o ka po lalau iho la oia i ua wahi leta la, a me ka haalulu oia uhae ae ai a wehe aʻe la i ke kanana e waiho ana iloko a i kona hoomohala ana iho iluna o ke pakaukau hoomaka iho la oia e heluhelu penei;
No keaha i noho naaupo ai na mea apau! He hookahi makahiki i hala aʻe nei aia na mea apau e huli ana i ka waiwai i hunaia. Ano ua hoopoina ia aku. Eia naʻe ka waiho mai nei no ma kahi maluhia.
O kou manao paa e haawai i keia dala ia Dora Laycock ma kona la e male ai. Nolaila ke kauoha nei au e paa ia keia $100,000 iloko ioa mamua o ka weheia ana o keia palapala. e haawi koke ia aku keia dala iaia. He kaikamahine oia na kuu hoaloha. Malia paha o lilo mai keia mau dala i mea e ko ai kekahi mau makemake ona. E loaa no auanei keia waiwai i hunaia ma ka hahao ana i keia mai kuhikuhi;
E lawe aʻe i kala. Ehele aku no kekahi pukaaniani o kakela a nana pono loa aku. E ike no auanei oe he pukaaniani o keia au hou o ka hale no naʻe he kahiko. Hapai aʻe i ka pukaaniani olalo. Wehe aʻe i ka puka poka a nana pono i ka poka kepau oloko.
Ina he kepau wale no alaila ua hooluhi makehewa ia oe. Aka e nana pono loa aku oe, a e ikeia auanei o ua kepau la he paipu ia i uwepaia na poo a i elua hoopaaia me ke kaula pukaaniani mamuli o
(Nana ma ka aoao7.)