Ka Nupepa Kuokoa, Volume XLIV, Number 14, 6 April 1906 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

PEPEHI KANAKA MA KAHUKU

HOPU IA KA MEA I HANA I KE KALAIMA A KE PAA NEI MA KA WA.

 

NA HANA ANO E A HOPE LUNAMAKAI KEKAUOHA MA KEIA HIHIA.

 

Pepehi kanaka ma ke degree wkahi o ia ka olelo hooholo a ka aha koro@ i hoopuka ae ai ma ka hihia pepehi kanaka o Karutaro Takamatsu, ka mea nana I pepehi ia Kawabe Igo@ he Kepani I hana me ka hui Alahao Oahu ma ke ano he luna alanui no umi makahiki. Ma ke kakahiaka o ka sabati nei I hana ia ai keia karaima ma kekahi o na kahua noho o na limahana Kepani e kokoke ana I ka hale @ o Kahuku.

            Ua hoike ia mai ka lohe ia Lunamakai Baraunu e F.C Smith o ka Hui Alahao Oahu e pili ana I keia pepehi kanaka a hoomakaukau koke iho la o ia e holo aku no Kahuku maluna o ke kaa @olomobile e lawe pu ana hoi ia @ Doyle ka mahele olelo Kepani. Ua loaa mua mai ka lohe ia Lunamakai Baraunu ua paa ka mea nana I hana I ke karaima ia Hope Lunamakai Kekauoha a ua lawe ia aku no Laie. I ka hiki ana o Lunamakai Baraunu ma Laie ua loaa aku ia he Kepani e noho ana ma ka lanai o ka hale o Kekauoha ua paa hoi kona mau lima I ke kupee la a he wahi keiki uuku ke noho ana e kiai.

            Ua hoouna aku la o Lunamakai Baraunu I kekahi makai I hele pu aku ai me ia mai Honolulu nei aku e huli aku I ka Hope Lunamakai a loaa aku o Kekauoha iloko  o ka halepule Moremona a mahope o ka hoike ia ana aku iaia ua hiki mai kona poo ma ka oihana a ua makemake e ike iaia ua pane ae la o Kekauoha “ E hai aku ia Baraunu e kali.” Mamuli o keia pane ua lawe koke ae la o Lunamakai Baraunu I ke pio malalo ona a ua ae mai la no hoi ke pio e kuhikuhi ana oia I kahi I hana ia ai ke karaima a me na poe I ike maka I kona pepehi ana I kona hoa lahui.

            I ka hiki ana o ka huaka a ka Lunamakai ma Kahuku ua halawai aku la me Kauka Bruce McC/ Mackall ke kauka o ka mahiko a nana I hoike mai I kona kii ia ana aku ma ka wanaao Sabati hora 2 paha ia e kekahi mau Kepani a na laua I hoike mai ua eha la kekahi Kepani o ke Kahu @ 10. Ua hele koke aku ke kauka no ke kahua hoollulu kaa ahi a @ aku la ia Mr. Gill ka mea malama kaa ahi a nana I ho-a ae I kea hi a hoomakaukau I ke kaahi no ka holo ana aku no kahi I hana ia ai ke karaima. Ia lakou I hiki aku ai ua loaa aku la ia lakou o Kawabe e waiho mai @ ua make. O ka mea nana I pepehi e noho ana no malaila e paa ia ana no @ e kona mau hoa ma ke ano he pio. Hopu iho la o Mr. Gill I ke Kepani pepehi kanaka a lawe ia aku la no ka mahiki o Kahuku a waiho ia aku la malalo o ka malama ana a ka makai o ka mahiko. Ua hole mai la hoi keia makai I ke komo ana ma keia @ a haawi ae la oia I na kupee I hoopaa ia aku ai ua Kepani la a hoopaa ia aku la I loko o kekahi o na kaa lawe ko.

            Ua hoike ia aku keia lohe ia Hope Lunamakai Kekauoha a ma ka hora 6 o ke kakahiaka hiki aku la oia ma Kahuku a lawe ae la I ke Kepani malalo ona. Ua hai aku la ooia I na Kepani e noho ana ma ua kahua la e waiho malie I ke Kepani I make ilojo o ka @ ona I pepehi ia ai aole hoi e hoo@ iaia a hiki I ka hora 10 kakahiaka Poakahi ae oiai ma ia la e hele mai ai me na poe koronero no ka malama ana I ka koronero. Ma ka aoaoa o na Kepani aole lakou I makemake I keia kauoha oiai o ka lumi e waiho ana ke kino make he wela a ua paa hoi ke kino o keia Kepani ,ake I ke koko a he nui hoi na keiki amen a wahine e noho ana malaila eia nae ua malama ae no lakou I ke kauoha I haawi ia.

            No  Lunamakai Baraunu no I kahea ae I ka aha koronero a wae ia ae la o W.N Peterson, James J. Dowling. C. Ch@stoffersen, W. Anderson. R. D. Blocknell ame F.W. Maage.

            Na Mr. Doyle I mahele ae I na olelo hoike a na Kepani. O ka hoike mua I kahea ia oia o Ho a ua hoike ae oia iloko no ia e ka lumi I ka Manawa I hana ia ai ka karaima a he eha a I ole elima poe e ae me ia @oko olaila. Ua @ @ keia poe apau. Ua hele ae p Kawabe ko lakou luna e papa ia lakou a o ka oi aku no nae o na @ maluna no ia o Katsutaro. Komo aku la o HO iloko o ka rumi a ipaku ia aku la o Katsutaro iwaho. Mahope mai hoi mai la o Katsutaro me ke pahi loihi a lele koke ae la oia maluna o ko lakou luna ahou aku la iaia ma ka @. Ua kukulu ia ae no hoi o Murakami ame Hashimoto a hoike ae la no laua e like me ka Ito.

            Ua hoike pu ae no hoi o Kauka Mackall I ke kulana o ke Kepani I make. Aia he eha nui ma ka aoao I komo aku iloko no elima iniha me ka hapa a he hookah hoi iniha ke akea. O ke kumu o ka make ana mamuli no ia o ke kahe ana o ke koko ma ke ake

(E nana ma ka aoao 8)

 

MAKE HE KEIKI I KA UWILA.

 

HE UILA I LOAA AE MA KE AWAAWA O HONOPUE, HAMAKUA.

 

EKOLU KEIKI I LOAA I KA UWILA HOOKAHI NAE I MAKE A HE ELUA I OLA MAI

 

            Ua loaa ae he uila iloko o ka wa ino iho nei I hala ma ka aoao hikina o ke awawa o Honopue, Hawaii.

            I kekahi auwina la o ka hora 1 p.m paha la he ekolu mau keiki Hawaii o Wahinehelehookahi he 18 ona makahiki; o Kawaalani he 15 ona makahiki; a o Kaaikapu he 10 ona makahiki he poe lakou o ka ohana hookah ame ko lakou kaikoeke o Solomona kona inoa e hoi ana lakou I kauhale mai ke kuahiwi mai a mai ke alanui hoi I hana ia e ka Hui Auwai o Kohala nona paha ke kiekie p 1990 kapuai mai ka ilikai ae.

            E holo ana lakou I keia Manawa me ka manao e alo ae I ka ua e hele mai ana; aia nae ua loaa e iho la lakou. O keia mau keiki ekolu aia lakou mamua loa e holo ana jpi me ko lakou hooho ana I ka ino ame ka uwila e anapu ana. No ke keiki nui ae hoi ua hele aku la oia iloko o kekahi hale e ku ana ma kahi o 1200 kapuai mai ka ilikai ae a o keia hale hoi ua noho mamua aka mamuli o ka loaa ana I ka ino a o na keiki I koe iho ua iho loa aku la no laua ilalo a pee aku la ma ka aoao lulu o ka hale.

            Iloko no o ia Manawa I poha iho ai ka uwila me ka ikaika a oili aku la na alelo o ka uwila a loaa iho la keia mau keiki ekolu I ka uwila. O Solomona I kela Manawa aia oia maluna o kahi a na keiki e waiho make ana ma kahi paha o hookah haneri kapuai ke kiekie. Ua ike mai la oia I ka iho ana o ke ahi ma kahi a na keiki e pee ana nolaila ua holo mai la oia a hiki I kahi o na keiki a ike iho la ia lakou ua make.

            Holo aku la oia ilalo no kahi e ku ana na hale noho e kii ai I na kokua a na ia poe I kokua aku iaia I ka lawe ana I keia poe keiki no ko lakou home kahi hoi e noho mai ana na makua me ka noonoo ole ae aia he poino I loaa mai I ka laua mau keiki.

            No Kaaikapu ka pokii loa o lakou aole oia I pohala mai a no nan keiki e ae ua loaa ae ka oluolu mahope mai. O kauwila I olapa ai ua pa aku la ma ke aoao o ke poo o keia keiki mamua iki iho o ka pepeiao a komo loa aku ia ilojo o ka lolo a puka ma kekahi aoao. O ka lauoho no hoi kekahi I pau I ka uwila a ua puni hoi ke kino me na moali eleele a uliuli. He papale lole ke kau ana ma kona poo a ua pulu loa no hoi kona lole e komo ana.

            O na lole no hoi o na kaikuaana ua no@ehae I ka uwila aka nae he mai papale pua ko laua. Ma ko laua mau kino no hoi e moe ana na moali pi’o a uliuli e hoike ana hoi I kahi a ka uwila I holo ai I ka wa I pa ai maluna o laua a ua moku pu no hoi ko laua lauoho mahope o ke poo. He eha paha.

(Nana ma ka aoao 8.)

 

LANAKILA O PALANI MALUNA O KELEMANIA MA KA NINA O MORAKO

 

AHA KE KANAKA NO KA NUI O KA WI MA ASIA AKAU

 

            ST. PETERSBURG Malaki 31- Mai ka aina mai o na lahui Chukchi e noho ana ma ke anemoku ma ka hikina loa o Asia I lohe ia mai ai na moolelo o ka wi nui ame ka lawe ana I na ola ame ka aikanaka. O na malihini kaahele I hoea mailaila mai ua olelo ae lakou he nui na poo ohana I pepehi aku a make I ka lakou poe wahine amen a keiki pu mamua o ko lakou ike ana aku e noho ehaeha ana a mahope o ka lawe ana I na ola e lawe ai lakou I ko lakou mau ola ponoi iho. He hookah makuakane ame kana kaikamahine hookah u koe iho ua mau aku ko laua ola ana no kekahi mau pule ma ka ai ana I na kino o ka makuahine ame ko na keiki eiwa mahope o ko lakou make ana I polloi a ka ai.

 

            O ka nuhou manaonao maluna ae oia no kekahi o na haawina eleele loa pua mai ai mai ka wa wi ana a nele I ka ai. O keia lahui Chukchi mai ka lahui Makini-ka ma no lakou e noho ana ma na aina anu ino loa kuapea a olohelohe e moe ia mawaena o ka moana Atica amen a mauna no ka mamao o aneane hookai kaukani mile mai ke awa mai o Chaoun a ke kowa o Berina. Ina e nele ka oihana lawaia I ka hoolako ana ia lakou me na I’a e ola ai ka noho ana alaila e hiki mai no auanei ko lakou kulana nohona I ka manaolana pono. O kahi kauhale Rukini ano nui iki I kokoe aku I kahi o keia ano lahui oia no Vladivostok a o na Rukini o ia wahi aohe he wahi ikaika ma ko lakou aoao e hoomama aku ai I ka poino we e pahola ia maluna o keia lahui kanaka.

 

MAU NO KA HAUNAELE O KE AUPUNI O KE ZA

             SMOLENSK, Rusia, Malaki 31 – O ke kokua makai nui o ka oihana makai oonei ua pepehi ia a make loa ma ke alanui.

HOOMOE ANA I KA UWEA O GUAMA

            SAN LUI D’APRA, Mokupuni o Guama, Malaki 31 -  O ke poo o ka uwea kekalapa o I apana ua kau aku iuka o ka aina a o ka moku hoomoe uwea ke hoomaka nei I ka hoomoe ana.

LANAKILA O PALANI MALUNA O KELEMANIA MA KA NINAU O MORAKO

 

            ALGECIRAS, Sepania, Aperila 1- O na Komikina ia lakou na mana o na hana o Morako (Aferika) I hoea ae I ka aha ua hiki aku lakou I ko lakou olelo hooholo a aelike hoi a he lanakila piha ia no ke Aupuni o Falani. O keia mana oia ka hoomalu ana I ka hana pili I na waihona dala o Morako a o ka papa kuhikuhi no na hana o ka oihana makai ma na palena kuwaho ua apono ia ae.

 

            Ua olelo ia ae ma kekahi mau kelekalapa o kekahi mau la I hala aku nei ua hiki aku ka Ahakuka I malama ia ma Algeciras I ko lakou aelike. Ua kelekalapa ae o Elele White I ke Keena mokuaina no ia mea aka aohe he mea iloko o ke kelekalapa e hoike ana I kea no o ka aelike.

            O ka ike ia ana ae la o ka loaa ana o kela lanakila ia Falani oia no ka mea nana I hoike ae I ka loaa ana o kekahi hana ano nui iloko o keia au hou. A o ka lanakila I loaa iho ia a I ike ia ae la oia iho la no ka mea nana e kaomi ikaika I na uluku ana I hoeueu ae ia Europa holookoa a e noo ai hoi ka maluhia iloko olaila he haawina hoi I ano kulanalana ae mamua aku mamuli o na hana keikikane anoninoni I ulu ae pili no Morako.

            He hana paakiki no hoi I ke Kaisa o Kelemania ka hoala ana I kaua oiai na mana o ke ao e ku-e ana iaia ina e haule ia oia ma ka Ahakuka. Ina e ala hakaka mai o Kelemania ia Falani oia no ka Manawa o Falani e hiki ai ke ike ia aku he mew ua hewa.

            O ka Ahakuka o Europa maluna o na mana o Morako ua kono ia ae e Kelemania. A I ka Manawa u hiki ai o Enelani ame Falani I ka laua aelike e pili ana I na hana o ke Salutana o Morako e haawi ana ia Falani I ka mana hoomalu mamuli o ke kokoke o kona mau apana ia Algeria; ia Manawa koke no I hoea ae ai ke Kaisa a lele aku la iuka o Tangler ma kona kulana oihana poo-aupuni no Kelemania a hoike ae la aohe he aelike e pili ana ia Morako e hiki ke hana ia ke ole e hana ia kekahi mau manao piha no na kuleana o Kelemania.

            A o ke Kahuna Falani o na oihana kuwaho ka mea hoi I loaa ai ka lanakila I kona aupuni ma keia mau hooponopono ana o na hana o Morako ua kipaku maoli ia aku oia mai ke keena aku ma o ke kauoha ana la o ka Emepera a oiai ua ae nae ka ahakuka no laila o ka ae ana aole a he ae me ka manao apau.

            O na luna aupuni o Falani ame Kelemania ma Algeciras aia he like ole mawaena o lakou a me he mea la no kekahi Manawa loihi he poho maoli no ka manaolana no ko lakou lokahi. No Falani hoi ua makemake oia nana e hoomalu I na waihona dala o Morako a e hoolako pu aku u na makai no ka oihana makai o na palena aina kuwaho a aole wale nana aka na Sepania pu kekahi.

            Ma keia mea ua koi aku la o Kelemania e loaa kona kuleana pane maloko o ia mana hoomalu o na waihone dala ame ko ka oihana makai pu. A no Europa hoi aia kona lokahi ma ka aoao o Falani he hapa uuku no nae ka I koe oiai nae ua hole ae o Aukuria.

(E nana ma ka aoao 5)

 

NA HOOLOLI MAHELE KOHO.

 

LIULIU NO KEIA KAU KOHO BALOTA NUI E HOEA MAI ANA I NOVEMABA

 

LOAA HE MAU MAHELE KOHO HOU NO KAUAI AME NIIHAU NO MAUI ME HAWAII

 

            Mahope o ka hoolilo ana I ka Manawa e noonoo nui ana maluna o na hoololi mahele koho balota ua hooholo iho ia o Kokua Kiaaina Atkinson I ka hoololi I loaa mai ka Apana koho Lunamakaainana Eono oia no hoi na mokupuni o Kauai ame Niihau. Iloko no o keia Manawa ma na mokupuni e ae he nui no ka hana a ke kokoke mai nei ka Manawa e kahea ia ai na ahaelele ka wae ana I na elele ame ka wae ana I na moho like ole.

            O keia mau hoololi I na mahele koho ua loaa mai no ia mamuli o ke Kanawai Kalana a mamuli no hoi kekahi o ka loli ana o na wahi noho o na kanaka e hoomahuamahua ana hoi ma kekahi wahi a e hoemi ana hoi ma kekahi a I mea e hiki ai ke hookaulike ia ae ka nui o na kanaka ma kela ame keia mahele koho a I ole nui hewahewa loa aku hoi ma kekahi mahele koho a emi loa hoi ma kekahi he mea pono no e mhele hou ia I mau mahele koho hou.

            Mamua aku neu ua hoouna aku o Kokua Kiaaina Atkinson I na palapala I kela ame keia alakai o na aoao kalaiaina e noi ana ia lakou e waiho mai I ka lakou mau hoololi mahele I makemake ai a hiki no nae I keia Manawa o na Repubalika wale no ia e hookomo nei I na hoololi a o na Democarata ame Home Rula eia no laua ke hoopupu mai nei mahope.

            O keia ae ana ke kau koho balota nui e ike ia ana ma keia Teritori oiai e nui ana na moho e koho ia ana. Ma Honolulu nei he kanaono ka nui o na moho e kau ana maluna o na balota me ka nana ole ae I na moho e holo kuokoa ana. Mai loko ae o keia huina aia he kanakolu poe moho no na oihana Kalana. Alaila he ekolu moho Elele Lahui eiwa moho Senatoa a he umikumamawalu moho Lunamakaainana a I keia Manawa aole he mea hiki ke koho aku I ka nui o na moho holo kuokoa a pela no hoi me na paa balota e loaa ae ana ma ka hoohui ana e o kekahi aoao me kekahi. O keia mau moho he kanaono mai loko mai no mau moho he kanaono mai loko mai no ia o na aoao kalaiaina ekolu e ku nei.

                        Ua hoike mua ia aku ka papa hoololi mahele a Lunahoomalu Robertson o ke Komite Kuwaena o ka aoao Repubalika a ma ko Kiaaina Atkinson manao e apono ia ana keia hoololi.

            Ke pau ae keia alaila e noonoo ana ke Kokua Kiaaina no ka mokupuni o Maui. Mai Maui mai he nui na hoololi I waiho ia mai e kela ame keia mahele koho e na Repubalika no nae aole hoi he mau mea I loaa main a aoao e ae.

            Ke pau ko Maui e lele loa ana ko Mr. Atkinson noonoo ana no Hawaii. Ma ka Apana Koho Lunamakaainana Ekahi aia he mau hoololi ana ma na ma-

(Nana ma ka aoao 8)

 

KA POKA PA-HU A TRENT

 

LOAA HE MAU UKUHANA I HOOMAHUAHUA IA ME KA IKE OLE O KA PAPA

 

EIA HOU NO UA HANA HOOHAAHAA MAKAIKIU LAKE I HANAI

 

           

            Ua malama ae ka papa lunakiai o ke Kulana o Oahu nei I kana halawai mau ma ka po Poalua nei a ma ia halawai he elua hoike komite I waiho ia ae; he hookah o ia mau hoike ia like me kekahi poka pa-hu I kiola ia iloko o ua halawai la a he mea pono paha kea e na Puuku Trent ua poka la I kiola ae. Ua pili keia I ka ninau hoomahuahua ukuhana I aia mai hoi mamuli o ko Trent waiho ana;e I ka hoike ma ka halawai I hala ua hoomahuahua ae ka ukuhana o M.S.K Hapakini ke kakauolelo o ke Keena Puuku Kalana.

            Ma keia halawai no hoi I hiki kino ae ai o Lunahoomalu G. W. Smith a o keia no hoi kana halawai mua I hele ae ai mahope o kona hoi ana mai kana huakai no Amerika. Ua hookipala ae oia me ka ohaoha e kona mau hoa a waiho ae o Hope-Lunahoomalu Adams I ka noho nona aka mamuli o ke onawaliwali ua noi ae oia e hookuu aku iaia a keia heluwai ae a ka Papa lawe ae oia I kona kulana.

            Mahope o ka pau ana o na hana mau  I hoomaka ai ka halawai e nee aku me na hana ano nui e wahigo ana o ka mua oia no na.

HAAWINA DALA

            E like me keia malalo nei:

            Uku Hoolimalima o ke Keena Kalana $100

            Pio o ka Pali Nuuanu $1320

            Puka hookuu wai o Kahauiki $80

            Alanui Apana o Koolauloa, Helu 1 $3550

            Apana o Koolaupoko $3450

            Oihana Alanui $3550

            Auhau Alanui, waihona kaokao $432.73

            Loio Kalana $20.50

            Kakauolelo Kalana $31.40

            Alanui Apana o Koolauloa, Helu 1 $104.80

            Eneginia o ke Kalana $120.95

            Alanui Apana o Waialua $446.66

            Oihana Kinaiahi $893.65

            Alanui Apana o Koolauloa, Helu 1 $172.30

            Alanui Apana o Koolauloa, Helu 2 $23.75

            Oihana Makai $253

            Alanui Apana o Koolaupoko $609.99

            Oihana Alanui (kaokao) $3430.04

            Auhau Alanui (kaokao) $229-.70

            Oihana Lawe Opala $708.75

Huina $24,578.12

NA HOIKE KOMITE

            O keia malalo iho nei ka hoike a kekahi lala o ke komite o na hoolilo o ka lehulehu:

            I ka Papa o na Lunakiai, Kalana o Oahi.

            E na Keonimana: Ma kea no he lala o ke Komite o na Hoolilo o ka Lehulehu I waiho ia ae ai ka ninau pili o la hoomahuahua ana I ka ukuhana o Mr. M.G.K Hopkins (Hapakani) he kakauolelo no ke Keena Puuku Kalana mai ka $120 o ka mahina a hiki I ka $150 ke noi nei au e waiho aku I keia hoike malalo iho nei:

(1)    He eiwa mahina a Mr. Hopkins I noho ai ma keia hana a ua hoike mai oia he kakauolelo makaukau a ike a hoolohe oia.

(2)    Ke lawelawe nei oia ma kahi o kanalima a kanahiku-kumamalima kaukani dala I kela ame keia mahina a o kana mau buke ua ike mai ia ka pololei ma kana mau hooponopono ana me ka Lunahooia.

(3)    Eia oua ke paa nei malalo o $5000 bona no ka pono ame ka pololei o kana lawelawe ana ma kea no he kakauolelo iloko o ke Keena Puuku.

(4)    Aia oia I na Manawa apau ma kona pakaukau hana mai ka hora 8 o ke kakahiaka a hiki I ka hora 5 o ke ahiahi (aole hoi mai ka hora 9 a hiki I ka hora 4- na hora I hookaawale ia ma ke kanawai) a mamuli o keia ua ike mau ia he mea maalahi la no na kanaka he mau hana ka lakou me ke Keena Puuku a he noho mau no hoi oia ma kona pakaukau I na auwina la Poaono a ma ia hana ana pela ua hiki iaia ke lawelawe aku no na luna Kalana amen a kanaka hana.

(5)    No na mahina mua eono o kona hana ana o kona ukuhana he $100 wale no no ka mahina. I Ianuari 1 ua hoomahuahua ia ae a hiki I ka $120 no ka mahina ma o ka hooholo ana o keia Papa.

(6)    O ke kakauolelo iloko o ke Keena o ka Lunamakai Kalana ke loaa nei iaia he $150 no ka mahina o kona kulana hoi aole I oi aku ke koikoi mamua o ke kakauolelo a ka Puuku a aole hoi ona bona.

(7)    O ka ukuhana o ke kakauolelo o ko Honolulu Luna Alanui he $135 a hiki I Feburuari aole nae I hana ka Papa no ia mea. Aole no I oi aku ke koikoi.

(Nana ma ka aoao 8)