Ka Nupepa Kuokoa, Volume XLIV, Number 15, 13 April 1906 — KA HIKI ANA KE KOHO I NA MAKAHIKI AME KA MALAMA I HANAUIA AI. [ARTICLE]

KA HIKI ANA KE KOHO I NA MAKAHIKI AME KA MALAMA I HANAUIA AI.

O kekahi o na meahuna iloko o ke ola ana o ke kanaka o ia no' ka hiki ana i kekahi mea okoa aku ke koho i na makahiki o kekahi kanaka me kona mahina i hanauia mai ai me ka hoike ole mai o ua kanaka la ia mau mea, a o ke alahele e hiki ai mamuli no ia o na huahelu alimatika.

Ina i makemake oe e loaa ia oe ka nui o na makahiki o kekahi kaikamahine au e hooipoipo ana, a ua noi inaoli aku oe iaia e hoike mai oia ia oe i ka nui o kona mau makahiki ame kona mahina i hanauia hiai ai a hoole mai kela, e noi aku oe iaia e hana i kekahi haawina alimaUka, a i ae mai kela, e hoomaka aku oe penei: E noi aku iaia e kakau iho i ka huahelu o kona mahina i hanauia mai ai, me kona hoike ole mai i ua mahina la. Alaiia, e noi aku oe iaia e hoonui aku me ka 2; houluulu aku me ka 5; hoonui me ke 50; houluulu aku i ka nui o kona mau makahiki; hooiawe mai ia 365; alaila e houluulu aku me 115, a o ka loaa no ia o na makahiki o ua ipo la au, ame kona mahina i hanauia ai me kona hoike ole mai ia oe i ka mahina ame ka nui o kona mau makāhiki. I mea e maopopo ai keia, e nana i keia malalo iho nei: Ina ua hanauia o Loke iioko o Dekemaha. ua like ia me ka mahina 12 o ka makahiki; e hoonui aku nie ka 2, a e loaa mai ana he 24. Houluulu aku me kft 5, -aa like ia me 29. Hoonui aku ine ke 50, a e loaa mai ana he 1450; houluulu aku me 18 (ka nui o na maka-' hiki o Loke i kela manawa) a e loaamai ana he 1468. Hooiawe ia 365 a e loaa mai ana he 1103; houluulu aku i keia huina me 115 e loaa ana he 1218. O na huahelu mua o ka mahina ia i hanau mai ai o Loke, a o na huaheiu hope, o ko Loke mau makahiki no ia. E hoao i keia a aole lie wa e paewa ai. j —