Ka Nupepa Kuokoa, Volume XLV, Number 43, 26 October 1906 — PILIKIA O MR. COHEN I KE DALA OLE E HIKI AI KE HOIHOI MAI I KA BANA PUHIOHE. [ARTICLE]

PILIKIA O MR. COHEN I KE DALA OLE E HIKI AI KE HOIHOI MAI I KA BANA PUHIOHE.

Ua hoi mai nei o William Ayīett, kekahi o na keiki o ka Bana Hawaii maluna mai o ka Alameela o ka Poalima nei, a ma kona manao e kau mai ana ka puali holookoa maluna mai o ka mokuahi Sierra o ka la 30 o keia mahina. He maikai no ke ola kino ona keiki puhiohe, a hookahi no pilikia o ka pau pono ole o ko lakou uku mahina i ka uku ia, a ua koUuaia mai hoi keia mau olelo e ka leta a Mr. Berger i kakau mai nei ia George W. Smith, ka lunahoomalu o ka Papa o na Lunakiai o Oahu a penei ua leta la: "Mr. G. W. Smith, Lunahoomalu o ka Papa o na Lunakiai, Aloha oe:—Eia mai o W. Aylett ke hoi aku la no ka home, a nana e haawi aku i keia leta ia oe. 44 Ua kuhihewa loa ia oe i ka'u kelekalapa, aua hana lokoino mai oe i ka Bana Hawaii ma o kou kauoha ana mai ia makou e noho hou me Mr. Cohen. "Ua nele maoli o Mr, Cohen i ke dala: e liiki ole ai iaia ke hoihoi aku ika Bana no Hawaii. O ko makou wahi pono e noho nei, mai ka lima mai no a komo iloko oka waha. Ke kaahele nei makou ika aina no ka loaa ana he wahi no makou e moe ai, a e ai ai. "Ua makemake loa makou e huli hoi aku no home, oiai ua pau ka aelike i keia la. Ua kauoha mai oe ia makou e noho me Cohen i eha mahina, a ua pau ia manawa. "Aole i uku mai o Mr. Cohen iloko o keia mau mahina elua a o kekahi'poe he eha mahina i uku ole ia; koe wale no he mau wahi dala uuku ka i haawiia mai i mau dala no na mea e makemake ai. 44 Ua pilikia maoli na keiki, ake kaumaha nei lakou no ko lakou mau ohana e noho mai la T Honolulu, oiai aole he wahi dala i loaa aku ia lakou iloko o"T;eia mau mahina elua i hala ae nei. "He hookahi tausani dala ka aie o Mr. Cohen ia'u ke hui pu ia me ka'u mau dala ponoi i haawi ai i na keiki, aole no hoi i loaa mai ko'u uku hana. "Ano e Mr. Smith, lia pili hoi oe me ka Papa o na Lunakiai me ka Hui Kalepa ame ke Komite Hoeueu ame na makaainana o Honolulu a ua maopopo no hoi ia' oe ka bana, aole he hana nui ka lulu ana i dala no ko makou alahele no ka home, a ua hoomanao no hoi oe, ua au mai makou ma keia huakai no ka pono o na mea apau, no ka hapai ana ia Hawaii, a o k r a oi loa ae nae no Honolulu. Ua hooikaika makou ma ka hana iloko o keia mau mahina eha, a ua poino makou mamuli o ka hoohana pono oleia ana, aka aole nae no makou ia hewa. Ua makemake makou e huli hoi aku a paani hou ma Hawaii. He $i,500 a makou i makemake ai mai nei aku a hiki 1 Kapalakiko, a na oukou hoi ia e hooponopono mai i ko makou uku moku mailaila aku a hoea i Honolulu. Ua oi ae ka maalahi o ka hooponopono ana i ka uku moku malaila niamua oonei nei. 4< Ke hilinai nei au e hana maikai mai ana ko Honolulu holookoa ia makou. Ua hana makou ika mea hiki ia makou ke hana, no ka po~ maikni o na mea apau. (Kakauinoaia) K.\PENA H. BBERGER.