Ka Nupepa Kuokoa, Volume XLVI, Number 1, 4 January 1907 — E HOOMANA I KE OLA O KA PEPA. [ARTICLE]

E HOOMANA I KE OLA O KA PEPA.

Oiai, eia kakou iia hoea mai i ka makahiki hou a e like me ka makou i paipai nui aku nei ma ko makou manaopepa mamua oia hoi e maikai ka kakou mau hana no ka makahiki hou, pela makou e paipai pu aku nel e makaala mai kakou, ka poe lawe kumau o ka Nupepa Kuokoa, e hoomanao mai i ka hookaa ana i kona ola, na auhau uku pepa, a oia no hoi ka uku mua ana no ekolu mahina, eono mahina a hookahi paha makahiki, oiai oia ka rula mau o ka Nupepa Kuokoa. E hoomanao pu no hol ina ua makemake kekahi e lawe I ka pepa no ekolu mahina alaila e hoouna mai i kanalima keneta, a ina e makemake ke« kahi e lawe no eono mahina, alaila, e hoouna mai i hookahi dala, a ina hoi e makemake e lawe no ka makahiki hookahi, alaila e oluolu e hoouna mai I elua dala. Ua hiki no ke hoouna mai I ke dala ma ke pooleka o hookahi keneta pooleka, ina nae e manao ka mea lawe-pepa e hana ppla no ka loaa ole paha o ke alanui e hoouna mai ai i ke dala. A i ka wa e loaa mai ai ia makou ke ola o ka pepa oia no ka manawa e hoounaia alsu ai na likiki hookaa me ka hakalia ole o ka hoea ana aku o ka nupepa, aoka mau aku la no hoi ia o ka puka ana i ka mea la-we-pepa • like me ka loihi o kona manawa. E hoomanao mai no hoi he hookaa mua ka rula mau o ka nupepa.