Ka Nupepa Kuokoa, Volume XLII, Number 12, 22 March 1907 — HE MAU MAKUA I MINAMINA NO KA LAUA KEIKI. [ARTICLE]

HE MAU MAKUA I MINAMINA NO KA LAUA KEIKI.

Mamuli o ka nui minamina o na makua o Algenon George Shaw, ka laua keiki, ua noke laua i ka huli no na makahiki ehiku aoi aku, aole nae oia i loaa. Ke lana nei no ka manao oka makuahine, e hiki mai ana no kona manawa e loa ai, a ua hoouna loa mai kana kane he leka ninau i ke Kiaaina ina paha he mea hiki iaia ke kokua aku ma ka hoike ana i kahi e noho nei ka laua keiki. Ma ke ano nui 0 ua leka la, e hoike mai ana ka makuakane i ka nalowale ana 0 ka laua keiki mai Honolulu nei aku ma ka la 5 o Augate 1899, a mai ia manawa mai ka lohe oleia ana 0 kekahi mea e pili ana nona a hiki i keia manawa a na makua i kakau mai ai. Ma ka lono i loaa aku i na makua mai ia J. Evans aku ka makai uwapo ma Honolulu nei ua manao oia, ua kau 0 Mr. Shaw maluna o ka moku koa Ohio a o New Port paha, i holo aku ai no Manila ma ka la 4 0 Augate 0 ia makahiki. Ma ka huli ponoia ana nae o ka mea oiaio e pili ana ia lono, aole he maopopo. He lehulehu wale na poe ana makua i kakau mai ai, aole nae he mea nana i hoike maopopo aku i kahi e loaa ai.