Ka Nupepa Kuokoa, Volume XLII, Number 25, 21 June 1907 — KA LEO KAHEA O KE AKUA IA MOSE. [ARTICLE]

KA LEO KAHEA O KE AKUA IA MOSE.

Poha mai la he leo Lani. "E Mose E Mose, ku iho;" He WAHI HOANO KEIA." O ka leo ponoi no keia o lehova ke |A.kua. E ku ana o Mose maluna o Mauna Horeba ma kela kuia nanl uli* ull lipolipo. He kulana kahuhipa ko Mose ia manawa. He laau oniu kikiwi ma ka liina. Ala hoi, ike ae la oia i ka lapalapa ahi kamahao, huli ae la a hookokoke aku la; me» ka manao ninau lioko iho ona. He aa no ka hoi ke ahi ina laai» maka, oiai hoi, he anuanu a hu'ihu'i loa ka mauna Moreba, he manawa ia « ka haule lau. He mea nui keia ahi i ka manao o Mose, iaia nae i hookokoke aku ai; opha mai la ka Leo o k*. Akua Mana Loa. "E Mose, e Mose, ku iho." Eia na mahele ano nui. 1. O leh«va ke Akua Mana LOa, 6 <tola ana nona iho, mai ka mau loa a ke ao pau ole. Ua poha mūa kona leo ponoi iloko o Edena ma o Adamu ma la, a i ka wa ia Noa. Poha hou no kona leo, e hana i Halelana. A i ka wa mal o Aberahama, ka makua o ka. poe manaoio; a ia Mose hol keia e kahea hou nei no na kumu kupono nae 1 kona makemake iho. 2. He leo keia no ke Kahuhipa Nui. He elua hipa mua loa iloko o Edena, he ewalu hoi i ka ka o Noa. I ka wa o Aberahama i kaheaia ai; he eha ka nui o lakou i ka wa i kaheaia ai o Mose. He leo kahea Lahui Isaraela keia. He 2,500,000 ka nui. Ua puiwa ae a lelelo ka hauli o ko Mose uhane; hoala ia mai la ka maka'u, ka weliweli Uoko o Mose, He manawa ia no ka lunaikehala a Mose i hoeueu ia ai no ka hewa Ka-> raima a Mose i hana ai. Ua haalulu a maka'u iho la o Mose, a papani iho la 1 na maka. 3. O kela leo kahea ia Mose, he leo a he kahua oiaio kela, no ka pono Buanelio, mamuli o keia mau kumu. (1) E kii a lawe mai i ka Lahui lsaraela. (2) E ha'i aku i ka Nuhou maikal. "Owau mau loa aku no." (3) Na Hoike o ka Lanakila o ka Euanelio, oia hoi, (a) Hoolei i ke kookoo a lilo ii Nahesa, (e) Umauma puupuu Hebera, I (i) Ke kiaao me kiaahi, na alakai paa 0 ka Lahui Isaraela, (o) O Aalona ka mahele olelo kaulana a Mose. A mamuli o keia leo kahea oke Akua. Olelo iho la o Mose, ua halawai pu iho nel au me ke Akua, he maka no he maka, me na leo moakaka o ke Kahuhipa Euanelio o ke ola mau loa. 4. Ka hooko ana i ke kauoha a ke Akua, e kii a lawe mai i ka Lahui Isaraela. Ua nee mua ka huakai a Mose imua o na poo ohana' o ka Isaraela, a holke aku ia lakou; ua hoounaia mal oia e lehova ke Akua Mana loa, o ke Akua o Aberahama, o Isaaka ame Iakobo; a ia oukou e ka Lahui o Isaraela. Ua ninau io mai o Mose "Owai kona Inoa? Owau mau loa aku no;" wahl a Mose. Ua kuha'u ka Isaraela no ka manawa; huli ae la o Mose ame Aaiona^ 1 ka Halealii o Parao. Pupuu, hoola'i loa, ku ana imua o Parao. He ui he ninau, heaha ko olua makemake? Pane ia aku la me ka leo oolea a oiai. E hookuu mai oe i ka Lahui o Isaraela, e hookauwa aku na lehova ke Akua Ola mau loa, Ninau hou ia mai la, ho aha na Holke e maopopo ai, na ke A* kua olua i hoouna mai? Paneia, hoolei o Mose i kona kookoo, a lilo i naheaa; hoolei pu ko Parao mau kuhikuhi puuone, a 1110 no i nahesa, eia nae, moni ia ko Algupita nahesa e ke kookoo hesa a Mose. Kunana iho la o Parao; me na manao ukiukl. A mai ia hana a Mose ma; pohala ae la ka martao o ka Isaraela, a hooiaio iho la i ka Mose Miaiona, e lawe i ka Lahul Isaraela. He mau la loihi ko Mose hooikaika ana; a waiho akeaia ae la na hana mana he 10 ua lawa ia no ka oiaio maluna o Mose. Ua malamaia he ahaaina moriaola mamua iho o ko ka Isaraela haalele ana la Aigupita. A ma ka po i lukuia ai na makahiapo o ko Aigupita, ua hookuu ia ka Lahui Isaraela me ka pupuahulu nui; ua alakaiia e Mose, he kiaahi ma ka po he Kiaao ma ke ao; a hiki ma ke Kaiula. Ku malie iho la, e nana aku 1 ka ke Akua Hoola ana mai. , Me ka mahalo, JAS. H. S. KALEO. Haumana o ka Papa Kula Sabati makua o Kawaiahao. Honolulu, lune 2, 1907.