Ka Nupepa Kuokoa, Volume XLII, Number 25, 21 June 1907 — HOIKE KA LOIO KUHINA I KONA MANAO KANAWAI. [ARTICLE]

HOIKE KA LOIO KUHINA I KONA MANAO KANAWAI.

Ma ka malama hou ana a ka Papa o na Komieina laikini i kekahi halawai ma ka auwina la o ka Poalimn i hnla, i waihoia mai ai ka manao kanawai o ka Loio Kuhjna, e like me ka ka Papa i noi aku ai iaia e hana mai e pili ana hoi i ko lakou mana ma kekahi mau hana a lakou e hana ai. T'a lioike mai ka Loio Kuhina ma ua manao la ana i hoouna mai ai i ka Papa i ka mau no o ka mana o ke kanawai 25 o na Kanawai o ke Kau o 1905, oia hoi he Kanawai e ae -ana i ke kuaiia ana o ka waiona i na lala o na ahahui a mau kalapu paha. 1 Ma kekahi ano hon, ua loaa no ka mana ika Papa ona Komisina Laileini e hoopuka i inau laikini i na hotele, ame na haleaina, a ua hiki pu no hoi ia lakou ke hoole aku i ka haawi ana ia mau laikini ke manao lakou e hana pela, a e hoole pu aku hoi i ka haawi ana i ka mana e hoohanaia ia mau laikini ma na la Sabati a ma na la koho balota. E kaleleia nae ia mau hooholo ana ame ia mau hoole ana mahope iho o ko lakou huli pono ana i ke ano o na palapala noi i ala mai ai ō ka lakou mau olelo hooholo. O keia no hoi ka lakou mau mea i makemake ai e lohe ma! ka Loio Kuhina mai, i maopopo loa ai ia lakou ka lakou mau mea e hana aku ai, malalo o keia kanawai hou.